სამეგრელო-ზემო სვანეთის ინტერმუნიციპალური პლატფორმის მე-4 სამუშაო შეხვედრა
სამეგრელო-ზემო სვანეთი. საქართველოს ადგილობრივ თვითმმართველობათა ეროვნული ასოციაციის (ათეა) ორგანიზებითა და გაეროს ბავშვთა ფონდის (UNICEF) მხარდაჭერით, პროექტის: „ადგილობრივი და ცენტრალური ხელისუფლების მხარდაჭერა ბავშვზე მორგებული სოციალური პროგრამირების განვითარებაში“ ფარგლებში, ქალაქ ფოთში, სამეგრელო-ზემო სვანეთის ინტერმუნიციპალური პლატფორმის IV სამუშაო შეხვედრა გაიმართა.
შეხვედრაში, რომელიც მუნიციპალური სოციალური სერვისების დაგეგმვის მექანიზმებზე მსჯელობასა და საუკეთესო პრაქტიკების გაზიარებას დაეთმო, სამეგრელო-ზემო სვანეთის მუნიციპალიტეტების ხელმძღვანელი პირები, ასევე სოციალური სამსახურებისა და ბავშვის განყოფილებების უფროსები/სპეციალისტები იყვნენ ჩართულნი.
წყარო: საქართველოს ადგილობრივ თვითმმართველობათა ეროვნული ასოციაცია
