თბილისი. საერთაშორისო გამჭვირვალობა – საქართველომ ყოველკვირეული საპარლამენტო პოდკასტის 10 ივნისის გამოშვება გამოაქვეყნა. გადაცემის თემებია: საარჩევნო სიების ფორმირების ახალი წესი, პოლიტიკური პარტიების დაფინანსების რეგულაციები, ადმინისტრაციული რესურსების გამოყენება და აგიტაცია, მედიის მიერ წინასაარჩევნო კამპანიის გაშუქება: 13 ივნისს არასამთავრობო ორგანიზაციები საკუთარ რეკომენდაციებს წარადგენენ პარლამენტში.  საპარლამენტო ამბების პოდკასტი – 10 ივნისი წყარო: transparency.ge

თბილისი. საერთაშორისო გამჭვირვალობა საქართველო, საქართველოს ახალგაზრდა იურისტთა ასოციაცია, ინფორმაციის თავისუფლების განვითარების ინსტიტუტი, სამართლიანი არჩევნებისა და დემოკრატიის საერთაშორისო საზოგადოება, საქართველოს ადვოკატები დამოუკიდებელი პროფესიისათვის და ადამიანის უფლებათა ცენტრი ეხმაურებიან მოსამართლეთა რიგგარეშე X კონფერენციის მიმდინარეობას. განცხადება წყარო: gyla.ge

თბილისი. საერთაშორისო გამჭვირვალობა – საქართველომ 2013 წლის გაზაფხულის სამუშაო ბარათი გამოაქვეყნა. „კვარტალურ დოკუმენტში მოცემულია ქვეყნის იმ ძირითადი სფეროების შემაჯამებელი შეფასებები, რომელთა დახვეწა და განვითარება ქვეყნის დემოკრატიულ სახელმწიფოდ ჩამოყალიბების გარანტი იქნება", ნათქვამია ორგანიზაციის ვებგვერდზე. სამუშაო ბარათი წყარო: transparency.ge

თბილისი. საიმ 10 ივნისს გამოაქვეყნა მაისის თვეში ორგანიზაციის განხორციელებული საქმეები და მიღწევები. საიას ადვოკატირებით რამდენიმე მოქალაქეს არ დაეკისრა ადმინისტრაციული პასუხისმგებლობა, საიას დახმარებით პოლიტიკური რეპრესიების ერთ–ერთი მსხვერპლი ფულად კომპენსაციას მიიღებს. ერთ–ერთმა მოქალაქემ შეძლო ორგანიზაციის დახმარებით საკუთრების უფლების დაცვა და ა.შ. სრულად წყარო: gyla.ge

თბილისი. საერთაშორისო გამჭვირვალობა საქართველომ შს მინისტრის ყოფილი მოადგილის გელა ხვედელიძის მიერ ქვეყნის დატოვებასთან დაკავშირებით განცხადება გაავრცელა. „პროკურატურის წარმოამდგენლებმა გელა ხვედელიძის წინააღმდეგ აღმკვეთი ღონისძიების გამოყენება მოითხოვეს. აღნიშნული იმაზე მიუთითებს, რომ არსებობდა დასაბუთებული ვარაუდი, რომ ბრალდებული მიიმალებოდა ან არ გამოცხადდებოდა სასამართლოში, გაანადგურებდა საქმისათვის მნიშვნელოვან ინფორმაციას ან ჩაიდენდა ახალ დანაშაულს. გაუგებარია, თუ რატომ დართო ნება პროკურატურამ გელა ხვედელიძეს დროებით დაეტოვებინა ქვეყანა მაშინ, როდესაც თავად მოითხოვა აღმკვეთი ღონისძიების გამოყენება. ამგვარი შემთხვევები სხვა მაღალი საჯარო ინტერესის მქონე საქმეებში არასდროს დაფიქსირებულა", ნათქვამია განცხადებაში. სრულად წყარო: transparency.ge

აჭარა. 7 ივნისს, ბათუმის დემოკრატიული ჩართულობის ცენტრში, „კონკურენციის ინსტიტუციური ჩარჩო და ეფექტიანი კონკურენციის პოლიტიკის დანერგვის ხელშეწყობისთვის" მომზადებული კანონპროექტის საჯარო განხილვა  გაიმართა. ახალი კანონპროექტის ავტორი საქართველოს ეკონომიკისა და მდგრადი განვითარების სამინისტროა და მის შემუშავებაში საქართველოს განვითარების კვლევითი ინსტიტუტი და „საერთაშორისო გამჭირვალობა - საქართველო" მონაწილეობდნენ. შეხვედრას, არასამთავრობო სექტორის, მერიისა და უმაღლესი საბჭოს წევრები ესწრებოდნენ. ახალ კანონპროექტზე მუშაობა ექვსი თვის განმავლობაში მიმდინარეობდა, მის საბოლოო რედაქციის მიღებამდე განხილვა არასამთავრობო ორგანიზაციების წევრებთან და საერთაშორისო ექსპერტებთან მიმდინარეობდა.

თბილისი. ინფორმაციის თავისუფლების განვითარების ინსტიტუტმა გამოაქვეყნა მოსაზრებები „ელექტროენერგეტიკისა და ბუნებრივი გაზის შესახებ” საქართველოს კანონში შესატან ცვლილებებთან დაკავშირებით. „IDFI-ის მიაჩნია, რომ ცვლილებები არ უნდა ხორციელდებოდეს ფორსირებული გზით საზოგადოებრივი ჩართულობის გარეშე. ჩვენ ასევე ვთვლით, რომ შეთავაზებული ცვლილება შინაარსობრივად არ აღმოფხვრის სამართლებრივ რისკებს. აქედან გამომდინარე IDFI აქვეყნებს  ელექტროენერგეტიკისა და ბუნებრივი გაზის შესახებ საქართველოს კანონში შესატანი ცვლილებების საკუთარ ხედვას", ნათქვამია განცხადებაში. მოსაზრებები წყარო:idfi.ge

თბილისი. საქართველოს ახალგაზრდულმა პარლამენტმა ავღანეთში მომხდარ ტერაქტთან დაკავშირებით განცხადება გაავრცელა. „საქართველოს ახალგაზრდული პარლამენტი" მიიჩნევს, რომ ISAF–ის მისიაში ქართველი სამხედროების მონაწილეობა ეჭვის ქვეშ არ უნდა დადგეს. მათი უკან, სამშობლოში გაწვევა მხოლოდ დაასუსტებს საერთაშორისო ძალისხმევას საერთო საფრთხის წინააღმდეგ", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

თბილისი.შს სამინისტროში დღეს გაიმართა მრგვალი მაგიდა, რომელშიც არასამთავრობო სექტორის წარმომადგენლებიც მონაწილეობდნენ. „შინაგან საქმეთა სამინისტროში დღეს გამართულ მრგვალი მაგიდის შეხვედრაზე, სადაც „საერთაშორისო გამჭვირვალობა – საქართველოც" იყო მიწვეული, მინისტრის მოადგილემ, ლევან იზორიამ საბოლოოდ დაადასტურა, რომ პირადი ცხოვრების ამსახველი ფარული ჩანაწერების ვიდეოარქივი განადგურდება. ბატონმა იზორიამ განაცხადა, რომ განადგურების პროცესს სპეციალური კომისია გაუწევს ზედამხედველობას, რომელიც მაღალი თანამდებობის პირებისა და სამოქალაქო საზოგადოების წარმომადგენლებისგან დაკომპლექტდება. მივესალმებით შინაგან საქმეთა სამინისტროს მიერ თავდაპირველი პოზიციის შენარჩუნებას და აღებული ვალდებულების ასრულების მზაობას. ამასთან, კიდევ ერთხელ გამოვთქვამთ ჩვენს მზადყოფნას, ჩავერთოთ და დავაკვირდეთ უკანონოდ ჩაწერილი და შენახული ვიდეომასალების არქივის განადგურების პროცესს", ნათქვამია სოციალურ ქსელში ორგანიზაციის გვერდზე. წყარო: ორგანიზაციის გვერდი სოციალურ ქსელში

თბილისი.აღმოსავლეთ–დასავლეთის მართვის ინსტიტუტის (EWMI) G-PAC-ის ფარგლებში გამოქვეყნდა ანალიტიკური ორგანიზაციებისა და დონორებთან წარმომადგენლებთან ინტერვიუ. რამდენად მნიშვნელოვან როლს თამაშობენ ანალიტიკური ორგანიზაციები საჯარო პოლიტიკის შემუშავებისა და განხორციელების პროცესში, უსმენს თუ არა მათ ხელისუფლება – ამ საკითხებზე საუბრობენ ზაალ ანჯაფარიძე (ევრაზიის თანამშრომლობის ფონდის პროგრამების მენეჯერი), კობა თურმანიძე (კავკასიის კვლევითი რესურსების ცენტრის დირექტორი), ერეკლე ურუშაძე (საერთაშრისო გამჭვირვალობა საქართველოს ანალიტიკოსი),სერგი კაპანაძე (საქართველოს რეფორმების ასოციაციის დირექტორი). ინტერვიუ წყარო: www.ewmi-gpac.org

მცხეთა–მთიანეთი. 7 ივლისს ჟინვალის საჯარო სკოლაში ბავშვთა და ახალგაზრდობის განვითარების ფონდის საქმიანობის პრეზენტაცია გაიმართა. ფონდის წარმომადგენლებმა ადგილობრივ ახალგაზრდებს, არასამთავრობო სექტორის წარმომადგენლებს, პედაგოგებსა და სხვა დაინტერესებულ პირებს საგრანტო კონკურსის შესახებ მიაწოდეს ინფორმაცია და მათ შეკითხვებს უპასუხეს. წყარო: ფონდის გვერდი სოციალურ ქსელში

თბილისი. კოალიციამ „დამოუკიდებელი და გამჭვირვალე მართლმსაჯულებისთვის" მოსამართლეთა კონფერენციის მშვიდობიან გარემოში ჩატარების მიზნით მიმართვა გაავრცელა. კოალიციის წევრები მოუწოდებენ „ როგორც აღმასრულებელ ხელისუფლებას, ასევე სასამართლო ხელისუფლების მაღალი თანამდებობის პირებს არ ჩაერიონ მიმდინარე პროცესებში და არ შექმნან გაუმართლებელი რისკები მოსამართლეთა მიერ დაუბრკოლებელი არჩევანის გაკეთებისათვის. ამასთანავე, მოვუწოდებთ პოლიტიკოსებს, თავი შეიკავონ სასამართლოს მისამართით ისეთი ქმედებებისაგან, რომელიც უარყოფით გავლენას მოახდენს მოსამართლეთა თავისუფალი ნების გამოვლენაზე", ნათქვამია განცხადებაში მიმართვა წყარო: transparency.ge

თბილისი.„საერთაშორისო გამჭვირვალობა – საქართველო" ეხმაურება პრემიერ მინისტრისა და შს მინისტრის განცხადებებს უკანონოდ ჩაწერილი ვიდეოარქივის შესაძლო შენახვის თაობაზე. „გაუგებარია ქართული და საერთაშორისო საზოგადოებისთვის მოლოდინის შექმნის შემდეგ, რით იყო გამოწვეული მთავრობის გადაწყვეტილების შეცვლა და აღებული ვალდებულების შეუსრულებლობა. მით უმეტეს, რომ ასეთი მასალის შენახვა არღვევს როგორც საქართველოში მოქმედ კანონმდებლობას, ისე – საერთაშორისო პრინციპებს და ლახავს ადამიანის ფუნდამენტურ უფლებებს. მიგვაჩნია, რომ მთავრობის ხელში ამგვარი მასალების შენარჩუნება მათი პოლიტიკური მიზნით გამოყენების სურვილს შეიძლება ემსახურებოდეს. ბუნებრივია, ჩნდება ეჭვები, რომ უკანონოდ ჩაწერილი პირადი ცხოვრების ამსახველი მასალები შესაძლებელია გამოყენებული იქნას სპეცსამსახურების მიერ მოქალაქეების დასაშანტაჟებლად და წინასაარჩევნო პერიოდში პოლიტიკურ ოპონენტებზე ზეწოლის საშუალებად", ნათქვამია განცხადებაში. ორგანიზაცია მოუწოდებს მთავრობას გადადგას „ქმედითი ნაბიჯები პირადი ცხოვრების ამსახველი მაკომპრომიტირებელი ვიდეოარქივის განადგურების საქმეში". სრულად წყარო: transparency.ge

ქვემო ქართლი. სიდას პროექტის – „სამოქალაქო საზოგადოების რეგიონული ქსელის" – ფარგლებში შეიქმნა ვებგვერდი  www.cso.ge. სადაც განთავსებულია ინფორმაცია ქსელის წევრი ორგანიზაციების, მათი საქმიანობის და ასევე, საქართველოს რეგიონებში არსებული პრობელემების შესახებ.  ვებგვერდზე თავსდება ახალი ამბები ქსელის წევრი ორგანიზაციების მიერ განხორციელებული  პროექტებისა და აქტივობების შესახებ. წყარო: სიდას ელ–ბიულეტენი

თბილისი. საერთაშორისო გამჭვირვალობის უფროსმა ანალიტიკოსმა, მათიას ჰუტერმა ახალი პოსტი „საერთაშორისო გამჭვირვალობის" სამდივნოს ბლოგზე განათავსდა, იგი საქართველოში ოპერატიული ორგანოების მიერ ფარულ თვალთვალსა და მიყურადებასთან დაკავშირებით არსებულ მდგომარეობაზეა. სრულად (ინგლისური)  წყარო: ორგანიზაციის გვერდი სოციალურ ქსელში

იმერეთი. „რელიგიის თავისუფლება კანონმდებლობასა და რეალობაში" – აღნიშნულ თემაზე ქუთაისის წერეთლის სახელობის სახელმწიფო უნივერსიტეტში დისკუსია გაიმართა. დისკუსია საიას იურიდიული განათლების ხელშეწყობის ფონდის პროექტის „დასავლეთ საქართველოს სტიპენდიის პროგრამის" ფარგლებში მოეწყო. შეხვედრაზე საიას იურისტებმა  ეკლესიისა და სახელმწიფოს სამართლებრივი ურთიერთობის რამოდენიმე მოდელი განიხილეს. საუბარი შეეხო აღმსარებლობის თავისუფლების თემას, კონსტიტუციით მონიჭებულ გარანტიებს და რეალობას – რელიგიურ ნიადაგზე მოხშირებულ ძალადობის ფაქტებს. სრულად წყარო: newpress.ge

აჭარა. 6 ივნისს, ბათუმის პრეს-კაფეში საერთაშორისო გამჭვირვალობა - საქართველომ საჯარო შეხვედრა გამართა. შეხვედრის თემა იყო: „საარჩევნო კანონმდებლობაში შესატანი ცვლილებებზე მომუშავე ინტერფრაქციული ჯგუფის მუშობის პროცესი და რეკომენდაციები მოსალოდნელ ცვლილებებზე". შეხვედრას ესწრებოდნენ აჭარაში მოქმედი საზოგადოებრივი ორგანიზაციების, მედიისა და პოლიტიკური გაერთიენებების წარმომადგენლები.  საერაშორისო გამშვირვალობა - საქართველომ შეხვედრაზე წარმოადგინა საკუთარი რეკომენდაციები კანონმდებლობაში შესატან ცვლილებებზე.

გურია. ლანჩხუთის მუნიციპალიტეტის სოფელ ჩიბათში გაიმართა სპექტაკლი ყოფილ პატიმართა და პირობითმსჯავრდებულთა რესოციალიზაციის საკითხებზე. სპექტაკლი გაიმართა პროექტის - „პირობითმსჯავრდებულთა რესოციალიზაციის ხელშეწყობა გურიის რეგიონში" - ფარგლებში, რომელსაც ახორციელებს გურიის ახალგაზრდული რესურსცენტრი ევროკავშირის ფინანსური მხარდაჭერით. პროექტის პარტნიორია საქართველოს დემოკრატიული განვითარების კავშირი. დასმა გურიის რეგიონის მასშტაბით 6 თემში ჩაატარა სპექტაკლი და კიდევ 10 თემს ესტუმრება.

თბილისი. გოეთეს ინსტიტუტში ჰაირიხ ბიოლის ფონდის სამხრეთ კავკასიის რეგიონული ბიუროს მუშაობის 10 წლის საიუბილეო კონფერენცია გაიმართა. მუშაობაში მონაწილეობდნენ პოლიტიკოსები, ანალიტიკოსები და სამოქალაქო საზოგადოების წარმომადგენლები სომხეთიდან, აზერბაიჯანიდან და საქართველოდან. ასევე ექსპერტები ევროკავშირისა და ამერიკის შეერთებული შტატების წამყვანი ანალიტიკური ცენტრებიდან. საიუბილეო კონფერენცია გახსნა საქართველოს პარლამენტის თავმჯდომარემ დავით უსუფაშვილმა. პარლამენტის თავმჯდომარემ თავის გამოსვლაში ბიოლის ფონდის მნიშვნელობაზე ისაუბრა როგორც საქართველოში, ასევე სამხრეთ კავკასიაში დემოკრატიის განვითარებისა და ევროპული ღირებულებების დამკვიდრების საქმეში. დავით უსუფაშვილმა განსაკუთრებული აქცენტი გააკეთა კონფერენციის თემაზე „სამხრეთ კავკასია გზაჯვარედინზე". სრულად წყარო: ორგანიზაციის გვერდი სოციალურ ქსელში

იმერეთი. 30-31 მაისს და 3-4 ივნისს ქალაქ ქუთაისის მერიის დარბაზში ჩატარდა ტრენინგები „ახალი ეკონომიკური შესაძლებლობების ინიციატივა" (NEO). სამიზნე ჯგუფს წარმოადგენდა პროგრამის მეოთხე კომპონენტის ფარგლებში შექმნილ მობინადრეთა ამხანაგობებთან არსებული შენობის მოვლა-ექსპლოატაციის ჯგუფის წევრები. ტრენინგი გაიარეს შვიდი კოლექტიური ცენტრის წარმომადგენლებმა. ტრენინგები ტარდება შემდეგ საკითხებზე: მოვლა-ექსპლოატაციის ჯგუფი და მისი როლი ბინათმესაკუთრეთა/სამეზობლო ამხანაგობაში; შენობის დასახლების შემადგენელი ნაწილები; მოვლა-ექსპლოატაციის ინსტრუქციები; უსაფრთხო საცხოვრებელი; შენობის მდგომარეობის გეგმიური შემოწმება, გრაფიკი, კვალიფიკაცია; მარტივი სარემონტო სამუშაოების წარმოება; ასევე შერჩეული იქნება საჭირო სამუშაო იარაღები.  ჯგუფის წევრების მოვალეობაა იზრუნონ მათი საცხოვრებელი კორპუსის მოვლა-ექსპლოატაციაზე იმ სამშენებლო ინსტრუმენტების გამოყენებით, რომელსაც ცენტრი „აფხაზეთი"USAID/NEO პროგრამის ფარგლებში გადასცემს მობინადრეთა ამხანაგობებს. ჯგუფის წევრები უმრავლესობა შერჩეული იქნა მათი ტექნიკური კვალიფიკაციის მიხედვით.  წყარო:ცენტრ აფხაზეთის გვერდი სოციალურ ქსელში

აჭარა. აჭარის მთავრობასა და რეგიონში მოქმედ საზოგადოებრივ ორგანიზაციებს შორის თანამშრომლობის მემორანდუმი გაფორმდა. მემორანდუმის ფარგლებში რეგიონის ხელისუფლება იღებს ვალდებულებას აქტიურად ითანამშრომლოს სამოქალაქო საზოგადოების ორგანიზაციებთან და ხელი შეუწყოს მესამე სექტორის განვითარებას. არჩილ ხაბაძემ სექტორს წარუდგინა თავისი თანაშემწეები, რომლებიც უზრუნველყოფენ მთავრობასა და საზოგადოებრი ორგანიზაციებს, მთავრობასა და საზოგადოებას შორის კომუნიკაციას. მემორანდუმი

თბილისი. ახალგაზრდა იურისტთა ასოციაცია 9 ივნისს დაგეგმილ საერთო სასამართლოს მოსამართლეთა კონფერენციის მნიშვნელობაზე საუბრობს და თავის პოზიციას ვებგვერდზე აქვეყნებს. „არაერთხელ აღინიშნა და კიდევ ერთხელ გვსურს ხაზი გავუსვათ 9 ივნისს დაგეგმილი საერთო სასამართლოს მოსამართლეთა კონფერენციის მნიშვნელობას, როგორც სასამართლო ხელისუფლების დამოუკიდებლობის უზრუნველყოფისა და განვითარების რეალურ შანსს", ნათქვამია ვებგვერდზე. სრულად წყარო: gyla.ge