თბილისი. გამჭვირვალობა–საქართველო და საია ერთობლივ განცხადებას ავრცელებენ – „ცესკოს დაკომპლექტებაზე პრეზიდენტის ვეტოს დაძლევა დააბრკოლებს ევროინტეგრაციის პროცესს“.  „19 მარტს საქართველოს პარლამენტმა ჩააგდო პრეზიდენტის მოტივირებული შენიშვნები საქართველოს საარჩევნო კოდექსსა და საქართველოს პარლამენტის რეგლამენტში „ქართული ოცნების“ უმრავლესობის მიერ მიღებული ცვლილებების მიმართ, რომლებიც აშკარად ეწინააღმდეგება ცენტრალური საარჩევნო კომისიის თავმჯდომარისა და წევრების არჩევასთან დაკავშირებით ვენეციის კომისიისა და ეუთო/ოდირის მიერ გაცემულ რეკომენდაციებს“, ნათქვამია განცხადებაში.  სრულად...  წყარო: საია

თბილისი.18 მარტს, 19:00 საათზე, GIPA-ში, გაიმართება სამართლიანი არჩევნებისა და დემოკრატიის საერთაშორისო საზოგადოების (ISFED) მიერ ორგანიზებული საჯარო ლექცია: „შენი ხმის მნიშვნელობა 2024 წლის არჩევნებზე“.  შეხვედრას გაუძღვება “სამართლიანი არჩევნების” აღმასრულებელი დირექტორი, ნინო დოლიძე.  სრულად... წყარო: სამართლიანი არჩევნები

თბილისი. სამართლიანი არჩევნები ახალგაზრა ამომრჩევლების ცნობიერების ამაღლებისა და საარჩევნო პროცესებში მათი ფართო ჩართულობის უზრუნველყოფის მიზნით ატარებს კამპანიას „მე ხმას ვაძლევ პირველად.“  კამპანია მოიაზრებს ტრენინგებს იმ მოსწავლეებისა და სტუდენტებისთვის, რომლებსაც 2024 წლის საპარლამენტო არჩევნებისთვის უსრულდებათ 18 წელი და პირველად მიეცემათ არჩევნებში მონაწილეობის შესაძლებლობა.  სრულად... წყარო: სამართლიანი არჩევნები

თბილისი. 2024 წლისთვის სამართლიანი წინასაარჩევნო გარემოს გამოწვევებზე პოლიტიკური პარტიების, ადგილობრივი და საერთაშორისო ორგანიზაციების, სახალხო დამცველის ოფისის, ცესკოსა და საელჩოების წარმომადგენელთა მონაწილეობით 4 დეკემბერს დისკუსია გაიმართა. შეხვედრა გაიმართა საერთაშორისო გამჭვირვალობა საქართველოს ორგანიზებით, აშშ–ის საერთაშორისო განვითარების სააგენტოს მხარდაჭერით.  შეხვედრაზე განიხილეს ადმინისტრაციული რესურსების გამოყენების საფრთხეები, გასული არჩევნების გამოცდილებები და მიმდინარე საარჩევნო ციკლში მათი პრევენციული გზები. სრულად...  წყარო: საერთაშორისო გამჭვირვალობა საქართველო

1 ოქტომბერს გორსა და კასპში საქართველოს პარლამენტის შუალედური, ხოლო გურჯაანში მუნიციპალიტეტის მერის რიგგარეშე არჩევნები გაიმართება. სამართლიანი არჩევნების ინფორმაციით, შუალედური/რიგგარეშე არჩევნებისთვის სულ 133 საარჩევნო უბანი გაიხსნება, მათ შორის 103 უბანზე კენჭისყრა ელექტრონული ტექნოლოგიების (ამომრჩეველთა ვერიფიკაციის, ხმის მიცემისა და დათვლის აპარატების) გამოყენებით ჩატარდება.  2024 წელს საქართველოს პარლამენტის არჩევნები ელექტრონული ტექნოლოგიების გამოყენებით უნდა ჩატარდეს, ამდენად, კიდევ ერთხელ მათი პრაქტიკაში გამოცდა მნიშვნელოვანია. აქედან გამომდინარე, „სამართლიანი არჩევნებისა და დემოკრატიის საერთაშორისო საზოგადოება“ 1 ოქტომბერს შუალედურ/რიგგარეშე არჩევნებზე დაკვირვებისას აქცენტს სწორედ ელექტრონული ტექნოლოგიებით ხმის მიცემისა და დათვლის პროცედურებზე გააკეთებს.  სრულად... წყარო: სამართლიანი არჩევნები

თბილისი. „სამართლიანი არჩევნები“ ახალ კვლევას „საარჩევნო კამპანიის ფინანსური გამოწვევები საქართველოში“ ავრცელებს.  კვლევა აანალიზებს საარჩევნო პროცესში პოლიტიკური პარტიების კამპანიისთვის ფინანსურ გამოწვევებს, აგრეთვე უხილავ წინაღობებს რეგიონული პოლიტიკოსებისთვის, ქალი, ეთნიკური უმცირესობების წარმომადგენელი და დამოუკიდებელი კანდიდატებისთვის – ნათქვამია ორგანიზაციის გვერდზე სოციალურ ქსელში. სრულად...  წყარო: სამართლიანი არჩევნები

თბილისი. 6 სექტემბერს საპარლამენტო უმრავლესობის ხუთმა დეპუტატმა პარლამენტში წარადგინა კანონპროექტები, „საქართველოს საარჩევნო კოდექსსა” და „საქართველოს პარლამენტის რეგლამენტში” შესატან ცვლილებებთან დაკავშირებით, რომელთა მიღების შემთხვევაშიც, კიდევ ერთხელ შეიცვლება საქართველოს ცენტრალური საარჩევნო კომისიის (ცესკო) დაკომპლექტების წესი.  სამართლიანი არჩევნები ინიცირებული ცვლილებების შესახებ განცხადებას ავრცელებს:  „ინიციირებული ცვლილებები არსებითად არ აგვარებს ცესკოს თავმჯდომარისა და პროფესიული წევრების არჩევის წესში არსებულ მთავარ პრობლემებს, კერძოდ, ცესკოს წევრობის/თავმჯდომარეობის კანდიდატებს, წინა ცვლილებებით მიღებული წესის მსგავსად, კვლავ საქართველოს პარლამენტის თავმჯდომარე შეარჩევს და წარუდგენს პარლამენტს, რომელსაც, თავის მხრივ, უბრალო უმრავლესობითაც შეეძლება კანდიდატების სრული ვადით, 5 წლით არჩევა.  (...) შესაბამისად, კიდევ ერთხელ მოვუწოდებთ საქართველოს პარლამენტს, გაითვალისწინოს ეუთო/ოდირისა და ევროპის საბჭოს/ვენეციის კომისიის დასკვნები, ასევე, სამეზობლო პოლიტიკისა და გაფართოების საკითხებში ევროკომისრის რეკომენდაცია და ცესკოს თავმჯდომარისა და პროფესიული წევრების არჩევის წესი შეუსაბამოს 2021 წლის 19 აპრილის პოლიტიკური შეთანხმებით გათვალისწინებულ პრინციპებს“.  სრულად... წყარო: სამართლიანი არჩევნები

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) შუალედურ/რიგგარეშე არჩევნებს დააკვირდება. ორგანიზაციის ცნობით, 2023 წლის 29 აპრილს საქართველოს პარლამენტისა და მუნიციპალიტეტის საკრებულოების შუალედური, ასევე, მერების რიგგარეშე არჩევნები გაიმართება. კერძოდ, აირჩევიან: საქართველოს პარლამენტის ფოთი-სენაკი-ხობის მაჟორიტარი დეპუტატი, გურჯაანის, თიანეთის, ახალციხის, ტყიბულისა და ქუთაისის საკრებულოების მაჟორიტარი წევრები და ცაგერისა და თერჯოლის მერები. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნები (ISFED)-ის, საერთაშორისო გამჭვირვალობა-საქართველო და საქართველოს ახალგაზრდა იურისტთა ასოციაცია (საია) საარჩევნო კანონმდებლობაში 2022 წლის დეკემბერში შეტანილი ცვლილებების შესახებ შეფასებას აქვეყნებენ. „2022 წლის ოქტომბერში საქართველოს პარლამენტმა პირველი მოსმენით მიიღო კანონპროექტები, რომლებიც საარჩევნო კოდექსსა და „მოქალაქეთა პოლიტიკური გაერთიანებების შესახებ“ ორგანულ კანონებში ცვლილებებს ითვალისწინებდა. 10 ოქტომბერს კანონპროექტები პარლამენტის თავმჯდომარემ ვენეციის კომისიასა და ეუთო/ოდირს გაუგზავნა და მოსაზრებების დაჩქარებული წესით მომზადება სთხოვა. 19 დეკემბერს ვენეციის კომისიამ და ეუთო/ოდირმა გაგზავნილი კანონპროექტების შესახებ საკუთარი მოსაზრება გამოაქვეყნეს. პარლამენტმა ამ რეკომენდაციების საფუძველზე კანონპროექტებში გარკვეული ცვლილებები შეიტანა, რომლებიც საბოლოოდ 22 დეკემბერს მესამე მოსმენით იქნა მიღებული. ორგანიზაციების შეფასებით, მიღებული საკანონმდებლო ცვლილებები, როგორც ადგილობრივი სამოქალაქო ორგანიზაციების, ისე ვენეციის კომისიისა და ეუთო/ოდირის მიერ იდენტიფიცირებულ რიგ პრობლემებს პასუხობს, რაც დადებითად უნდა შეფასდეს. თუმცა, ამ ცვლილებებით სრულად არ იქნა გათვალისწინებული ყველა არსებითი ხასიათის რეკომენდაცია, მათ შორის, არ აისახა იმ რეკომენდაციების გარკვეული ნაწილი, რომელიც ვენეციის კომისიამ და ეუთო/ოდირმა 2022 წლის დეკემბერში წარმოადგინეს. მათი ერთობლივი შეფასებით, განხორციელებული რეფორმა საარჩევნო კოდექსის ყოვლისმომცველ ანალიზს არ ეფუძნება და მხოლოდ ცალკეულ საკითხებს შეეხება“. სრულად... წყარო: gyla.ge

თბილისი. 2022 წლის მარტში საქართველომ ევროკავშირის წევრობისთვის ოფიციალური განაცხადი წარადგინა, ივნისში კი ევროპულმა საბჭომ საქართველოს მთავრობას წევრობის კანდიდატის სტატუსის მისაღებად 12 პუნქტიანი რეკომენდაციების გათვალისწინება მოსთხოვა. ერთი-ერთი რეკომენდაცია საარჩევნო საკითხებს ეხებოდა, რომლის მიხედვითაც, საქართველოს უნდა მოეგვარებინა ყველა ის პრობლემა, რაც ეუთო/ოდირის და ევროპის საბჭო/ვენეციის კომისიის მიერ იყო იდენტიფიცირებული. ამ რეკომენდაციის შესასრულებლად საქართველოს პარლამენტში შეიქმნა სამუშაო ჯგუფი, რომელში მონაწილეობაც საპარლამენტო ძალების ნაწილმა არ მიიღო, ხოლო სამოქალაქო საზოგადოების ორგანიზაციების ჩართულობა საპარლამენტო უმრავლესობამ ხელოვნურად შეზღუდა. 2022 წლის ოქტომბერში საქართველოს პარლამენტმა პირველი მოსმენით მიიღო სამუშაო ჯგუფის ავტორობითა და პარლამენტის იურიდიული კომიტეტის ინიციატივით წარდგენილი კანონპროექტი, რომლითაც ცვლილებები შედის საარჩევნო კოდექსსა და „მოქალაქეთა პოლიტიკური გაერთიანებების შესახებ“ ორგანულ კანონებში. „სამართლიანი არჩევნებისა და დემოკრატიის საერთაშორისო საზოგადოებისა” და „საერთაშორისო გამჭვირვალობა - საქართველოს” შეფასებით, კანონპროექტი ეუთო/ოდირის და ევროპის საბჭო/ვენეციის კომისიის მიერ იდენტიფიცირებულ რიგ პრობლემებს პასუხობს, თუმცა, წარმოდგენილი ცვლილებებით სრულად არ ხდება ყველა არსებითი ხასიათის რეკომენდაციის გათვალისწინება. გაეცანით პირველი მოსმენით მიღებული რედაქციის  შეფასებას აქ... წყარო: transparency.ge

თბილისი. 1 ნოემბერს, კულტურული მემკვიდრეობის დაცვის ეროვნულ სააგენტოდან გათავისუფლებული 25-მდე პირის უფლებებს სამართლიანი არჩევნებისა და დემოკრატიის საერთაშორისო საზოგადოება დაიცავს. გათავისუფლებული პირების განცხადებით, გასაუბრების ეტაპი ფორმალურ ხასიათს ატარებდა, იყო ღირსების შემლახველი და მტრული. შესაბამისად, გასაუბრებისთვის შექმნილ კომისიას რეალურად არ შეუფასებია დასაქმებულების პროფესიული ცოდნა და გამოცდილება. ორგანიზაცია მოუწოდებს საქართველოს კულტურის, სპორტისა და ახალგაზრდობის მინისტრს, თეა წულუკიანს, შეწყვიტოს თანამშრომელთა უკანონოდ გათავისუფლება და სამინისტროს საკადრო პოლიტიკა მოაქციოს კანონისა და კარგი საჯარო მმართველობის ფარგლებში. სრულად... წყარო: isfed.ge

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ინფორმაციით, არჩევნებზე დამკვირვებელ ორგანიზაციათა ევროპული ქსელი (ENEMO) გმობს რუსეთის მიერ უკრაინის ოკუპირებულ ტერიტორიებზე გამართულ ყალბ „რეფერენდუმს“. „ეს „რეფერენდუმები“ უკანონოა და აგრესიის და პოლიტიკური მანიპულაციის აქტია რუსეთის ფედერაციის ანტიდემოკრატიული დღის წესრიგის ლეგიტიმაციის მცდელობის მიზნით. საბოლოო ჯამში, ამ ფსევდო-საარჩევნო პროცესების ჩატარების მიზანია აიძულოს უკრაინის ხელისუფლება დათმოს თავისი ტერიტორიების ნაწილები და კიდევ უფრო დააზიანოს მისი ტერიტორიული მთლიანობა, საერთაშორისო სამართლისა და ფუნდამენტური უფლებების დარღვევით“. სრულად... წყარო: isfed.ge

თბილისი. დღეს, 8 საათზე საქართველოს პარლამენტის იურიდიულ საკითხთა კომიტეტი განიხილავს „საქართველოს ორგანულ კანონში „საქართველოს საარჩევნო კოდექსი“ ცვლილების შეტანის შესახებ“ პროექტს. ახალგაზრდა იურისტთა ასოციაცია მიესალმება რიგ ცვლილებებს, რომლებიც ზრდის და აკონკრეტებს საოლქო საარჩევნო კომისიების მიერ უბნების გადათვლის კრიტერიუმებს, ცვლის საარჩევნო დავების წარმოების ვადებს და ასახავს ეუთო/ოდირისა და ვენეციის კომისიის ზოგიერთ რეკომენდაციას. თუმცა პროექტი სრულად ვერ აუმჯობესებს ქვეყანაში საარჩევნო გარემოს და ვერ გადაწყვეტს ზოგიერთ პრობლემას, მათ შორის, ადმინისტრაციული რესურსის გამოყენების, ამომრჩევლის ნების კონტროლისა და საარჩევნო დავების სამართლიანად გადაწყვეტის საკითხებს. სრულად... წყარო: www.gyla.ge

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ინფორმაციით, კანონმდებლობით დადგენილი ვადის ამოწურვის მიუხედავად, ამ დრომდე არ ხდება ცესკოს თავმჯდომარისა და პროფესიული წევრების არჩევა. ორგანიზაცია მოუწოდებს საქართველოს პარლამენტს, შეასრულოს კანონის მოთხოვნები და დროულად შეავსოს ცესკოში არსებული ვაკანსიები. სრულად… წყარო: isfed.ge

თბილისი. სამართლიანი არჩევნებისა და დემოკრატიის საერთაშორისო საზოგადოება აქვეყნებს რეკომენდაციებს საარჩევნო გარემოს გასაუმჯობესებლად.  დოკუმენტში წარმოდგენილია ორგანიზაციის რეკომენდაციები საარჩევნო სისტემის, საარჩევნო ადმინისტრაციის დაკომპლექტების, კამპანიის დაფინანსების ზედამხედველობის, წინასაარჩევნო კამპანიის, ამომრჩევლის მოსყიდვის, კენჭისყრის დღისა და არჩევნების შემდგომი პერიოდის რეგულაციების გაუმჯობესების მიზნით. „სამართლიანი არჩევნები“ განაგრძობს საარჩევნო რეფორმასთან დაკავშირებული რეკომენდაციების შემუშავებას, რომელსაც საზოგადოებას დამატებით წარუდგენს. სრულად... წყარო: isfed.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს დოკუმენტს: „კონსერვატიული მოძრაობა/ალტ ინფოს“ საქმიანობა საქართველოს რეგიონებში. „პოლიტიკური გაერთიანება „კონსერვატიული მოძრაობა/ალტ ინფო“ 7 თვის წინ, 2021 წლის 7 დეკემბერს, დარეგისტრირდა. პოლიტიკური პარტიების უმრავლესობისგან განსხვავებით, „კონსერვატიულ მოძრაობას“ საქართველოს 64 მუნიციპალიტეტიდან 62-ში ოფისი აქვს. სახელმწიფო აუდიტის სამსახურის მონაცემების მიხედვით, პარტიამ თებერვლიდან ივნისის ჩათვლით შემოწირულობის სახით 277 959 ლარი მიიღო. ამასთან, პოლიტიკური გაერთიანება 72 494 ლარის უკანონო შემოწირულობის მიღებაში იქნა მხილებული, რისთვისაც აუდიტის სამსახურმა 217 482 ლარით დააჯარიმა“. გაიგეთ მეტი „კონსერვატიული მოძრაობის“ საქმიანობისა და ფინანსების შესახებ... წყარო: www.isfed.ge

თბილისი. „საქართველოს ახალგაზრდა იურისტთა ასოციაციამ“ გამართა კვლევის დოკუმენტის - „უმცირესობა უმრავლესობაში - პროცედურული ომი და არჩევნების შემდგომი კრიზისი საკრებულოებში“ პრეზენტაცია. „კვლევის შედეგად გამოვლინდა, რომ 6-ვე საკრებულოში (ბათუმი, ზუგდიდი, წალენჯიხა, ჩხოროწყუ, სენაკი, რუსთავი) კრიზისის ძირითადი მიზეზი პარტიებს შორის მკვეთრი პოლიტიკური პოლარიზაცია იყო. მათთვის გადაულახავ წინააღმდეგობად ერთმანეთთან კონსესუსი და თანამდებობებზე ერთიანი კანდიდატების წარდგენა იქცა. შეთანხმების პროცესი თვეები გაგრძელდა, რამაც ამ საკრებულოების საქმიანობის დაწყება მნიშვნელოვნად შეაფერხა. კვლევამ გამოავლინა აგრეთვე, რომ არც თვითმმართველობის კოდექსი და არც საკრებულოთა რეგლამენტები არ აღმოჩნდა მზად მსგავს პოლიტიკურ კრიზისებთან გასამკლავებლად“, ნათქვამია საია-ს მიერ მომზადებულ დოკუმენტში. სრულად... წყარო: gyla.ge

აჭარა. სამართლიანი არჩევნებისა და დემოკრატიის საერთაშორისო საზოგადოების (ISFED) განცხადებით, შუალედურ არჩევნებში გამარჯვებული საკრებულოს მაჟორიტარი წევრის უფლებამოსილების ცნობის წესის ცვლილება ბათუმის მუნიციპალიტეტის საკრებულოში შექმნილი პოლიტიკური ჩიხის „ქართული ოცნების“ სასარგებლოდ გადაწყვეტას ემსახურება. ორგანიზაციის ცნობით, საქართველოს პარლამენტში მმართველი პარტიის დეპუტატების მიერ ინიცირებულია საკანონმდებლო ცვლილებები „ადგილობრივი თვითმმართველობის კოდექსსა“ და „საქართველოს საარჩევნო კოდექსში“, რომელთა მიხედვით, ექსკლუზიურად იცვლება შუალედურ არჩევნებში გამარჯვებული მაჟორიტარი საკრებულოს წევრის უფლებამოსილების ცნობის წესი. კერძოდ, შუალედურ არჩევნებზე გამარჯვებული საკრებულოს მაჟორიტარი წევრის უფლებამოსილება არა მუნიციპალიტეტის საკრებულოს მიერ ცნობის, არამედ შესაბამისი შემაჯამებელი ოქმის ცესკოს ვებ-გვერდზე გამოქვეყნების საფუძველზე იქნება შესაძლებელი. „წარმოდგენილი საკანონმდებლო ინიციატივა უნდა შეფასდეს, როგორც პარლამენტის პოლიტიკური მიზნებით უხეშად ჩარევა ერთი მუნიციპალიტეტის წარმომადგენლობითი ორგანოს საქმიანობაში, რაც ეწინააღმდეგება ეფექტიანი თვითმმართველობის იდეას, ადგილობრივ დონეზე კონსესუსზე დაფუძნებული პოლიტიკის შექმნას და პლურალისტური დემოკრატიის ჩამოყალიბებას. მოვუწოდებთ მმართველ პარტიას საკანონდებლო ჩარევის ნაცვლად, ძალისხმევა პოლიტიკური კრიზისის განმუხტვისკენ მიმართოს და დემოკრატიული პროცესების ინტერესების შესაბამისად იმოქმედოს“, ნათქვამია ISFED-ის განცხადებაში. სრულად... წყარო: ორგანიზაციის გვერდი სოციალურ ქსელში

აჭარა. სამართლიანი არჩევნებისა და დემოკრატიის საერთაშორისო საზოგადოების (ISFED) ინფორმაციით, ბათუმის საკრებულოში კვორუმის შეუმდგარობა შეუძლებელს ხდის სხდომის გახსნას და მუშაობის პარალიზებას ახდენს. „თუ ბათუმის საკრებულო ზედიზედ 6 თვის განმავლობაში (3 ივნისამდე) ვერ შეძლებს შეკრებას, საქართველოს მთავრობა მიიღებს დადგენილებას საკრებულოს უფლებამოსილების ვადამდე შეწყვეტის შესახებ და საკრებულოს რიგგარეშე არჩევნები ჩატარდება“. სრულად... წყარო: isfed.ge

აჭარა. საქართველოს ახალგაზრდა იურისტთა ასოციაცია 2022 წლის ბათუმის საკრებულოს შუალედური არჩევნების კენჭისყრის დღის დაკვირვების შედეგებს აჯამებს. საიას დამკვირვებლების ინფორმაციით, მთელი დღის განმავლობაში უბნების მიმდებარე ტერიტორიაზე შეინიშნებოდა ამომრჩევლის ნების კონტროლის რეგულაციების, კერძოდ, შეკრების, ამომრჩევლის შეფერხებისა და აღრიცხვის აკრძალვის სრული უგულებელყოფა. უბნებთან იმყოფებოდნენ გავლენიანი პირები, მათ შორის, პარლამენტის დეპუტატები, თბილისისა და რეგიონების საკრებულოების წევრები - როგორც „ქართული ოცნების”, ასევე „ერთიანი ნაციონალური მოძრაობისა“ და სხვა პარტიების მხრიდან. დღის განმავლობაში დაფიქსირდა აგიტაციის რამდენიმე შემთხვევა. ორგანიზაციის განცხადებით, დარღვევები უკავშირდება არჩევნებში მონაწილე ორივე პარტიას. სრულად... წყარო: gyla.ge

თბილისი. 2022 წლის 31 მარტს ზვიად გამსახურდიას დაბადებიდან 83 და სახელმწიფოებრივი დამოუკიდებლობის აღდგენის რეფერენდუმის გამართვიდან 31 წელი შესრულდა. ინფორმაციის თავისუფლების განვითარების ინსტიტუტის (IDFI) ინფორმაციით, 31 მარტის რეფერენდუმი ქალაქ ცხინვალში, ყორნისისა (ზნაური) და ჯავის რაიონებში არ გაიმართა, მაგრამ საქართველოს ამომრჩეველთა საერთო რიცხვში გათვალისწინებულ იქნა ამ რეგიონის ამომრჩეველთა რაოდენობა. ცხინვალის რაიონში რეფერენდუმი ჩატარდა შვიდ სასოფლო საკრებულოს ტერიტორიაზე, სადაც ამომრჩეველთა საერთო რაოდენობა 11,376 იყო. სარეფერენდუმო კითხვაზე დადებითი პასუხი დააფიქსირა 10,180 ამომრჩეველმა (99,68%). IDFI გთავაზობთ რუსეთში, „ელცინ ცენტრში“ დაცულ დოკუმენტებს, რომლებიც ეხება აღნიშნულს და ზვიად გამსახურდიას პრეზიდენტობის სხვა საინტერესო საკითხებს. სრულად... წყარო: idfi.ge

თბილისი. საქართველოს პოლიტიკის ინსტიტუტის ორგანიზებით, პარტიული პოლიტიკის სკოლა 2022-ის გაზაფხულის სესია დაიხურა, რომელიც პროექტის „მდგრადი პოლიტიკური კულტურის გაძლიერება ქართულ პოლიტიკურ პარტიებს შორის“ პირველი ეტაპია. პროექტი ხორციელდება საქართველოში შვეიცარიის კონფედერაციის საელჩოს მხარდაჭერით და აერთიანებს როგორც პოლიტიკური პარტიების წევრებს, ისე სამოქალაქო საზოგადოების წარმომადგენლებს. სრულად... წყარო: gip.ge