თბილისი. საქართველოს სტრატეგიული კვლევებისა და განვითარების ცენტრის (CSRDG) მიერ, პროექტის „სამოქალაქო საზოგადოების განვითარების ინიციატივა" ფარგლებში, გამოიცა „კორპორაციული სოციალური პასუხისმგებლობის სახელმძღვანელო მცირე და საშუალო კომპანიებისათვის". პროექტი „სამოქალაქო საზოგადოების განვითარების ინიციატივა" მიმდინარეობს ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით. პროექტს ახორციელებს კონსორციუმი კონრად ადენაუერის ფონდის ხელმძღვანელობით. სახელმძღვანელო... 

თბილისი. „საერთაშორისო გამჭვირვალობა - საქართველოს" ინფორმაციით, სამეგრელო-ზემო სვანეთის მუნიციპალიტეტებში თანამდებობის პირთა და საკრებულოს წევრთა უმრავლესობას მამაკაცები წარმოადგენენ. „წინამდებარე კვლევის მიზანია, შევადაროთ 2018 წლის აგვისტოს მდგომარეობით ქალთა და მამაკაცთა წარმომადგენლობის მაჩვენებლები რეგიონის მუნიციპალიტეტების მერიებში 2016 წლის აპრილში არსებულ ვითარებასთან, ასევე ქალთა წარმომადგენლობა 2017 და 2014 წლების მოწვევის საკრებულოებში. ქალთა წარმომადგენლობის დონე პროცენტული თვალსაზრისით მცირედით შემცირდა საკრებულოებში: თუკი 2014 წლის მოწვევის საკრებულოებში ქალი წევრების რაოდენობა 13.33 %-ს შეადგენდა, 2017 წელს არჩეულ საკრებულოში ქალთა წარმომადგენლობა 12.87 %-ია. 2017 წელს სამეგრელო-ზემო სვანეთის საკრებულოებში 303 წევრი აირჩიეს, რომელთაგან 276 მამაკაცი, 39 კი ქალი იყო, 2014 წელს არჩეული 289 წევრიდან 255 მამაკაცი იყო და მხოლოდ 34 ქალი", ნათქვამია ორგანიზაციის ვებგვერდზე. სრულად... წყარო: www.transparency.ge

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. მედიის ინსტიტუტი და ადამიანის უფლებათა ცენტრი ეხმაურებიან „რუსთავი 2"-ის გადაცემა „კურიერის" ჟურნალისტისა და ოპერატორის ცემისა და ჟურნალისტურ საქმიანობაში ხელის შეშლის ფაქტს. „მედიის ინსტიტუტი და ადამიანის უფლებათა ცენტრი გმობენ ტელევიზიის ჟურნალისტსა და ოპერატორზე თავდასხმას. ორგანიზაციები მოუწოდებენ საგამოძიებო ორგანოებს, დროულად შეისწავლონ ჟურნალისტურ საქმიანობაში ხელის შეშლისა და ძალადობის სავარაუდო ფაქტი”, ნათქვამია განცხადებაში. სრულად... წყარო: „ადამიანის უფლებათა ცენტრის" ვებგვერდი სოციალურ ქსელში

თბილისი. ვეხმაურებით „რუსთავი 2”-ის მიერ გავრცელებულ ინფორმაციას ჟურნალისტ ეკა გაგუას და ოპერატორ ლევან კალანდიას ფიზიკური შეურაცხყოფისა და პროფესიული საქმიანობის შესაძლო ხელშეშლასთან დაკავშირებით. „ტელეკომპანია „რუსთავი 2”-სა და მისი ჟურნალისტების მიმართ ხშირია აგრესიული გამონათქვამები (https://bit.ly/2NzzXwu). ამ მხრივ განსაკუთრებით ხელისუფლების მაღალჩინოსნები და დეპუტატები გამოირჩევიან და ხშირად ეს გამონათქვამები სცილდება ეთიკის ჩარჩოებს. მიუხედავად იმისა, რომ ნებისმიერ პირს აქვს უფლება გააკრიტიკოს ან არ მოეწონოს არხის სარედაქციო პოლიტიკა, ხელისუფლების პირდაპირ ვალდებულებას წარმოადგენს ქვეყანაში ჟურნალისტებისათვის საქმიანობის უსაფრთხო გარემოს შექმნა. შესაბამისად, მოვუწოდებთ ხელისუფლების წარმომადგენლებს შეასრულონ კანონით ნაკისრი ვალდებულები და ასევე, თავი შეიკავონ კრიტიკული მედიისა და ჟურნალისტების წინააღმდეგ ვერბალური თავდასხმისაგან, რადგან მსგავსი განცხადებები და დამოკიდებულება ჟურნალისტების მიმართ ძალადობის წახალისებას ახდენს", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. „ადამიანის უფლებათა ცენტრი" და „ჩართულობის და განვითარების ცენტრი" 30 სექტემბერს, უფლებადამცველ ვიტალი საფაროვის მკვლელობასთან დაკავშირებით განცხადებას ავრცელებენ. „საფაროვი არასამთავრობო ორგანიზაცია „ჩართულობის და განვითარების ცენტრში" მუშაობდა. იგი, მრავალი წლის მანძილზე აქტიურად იყო ჩართული მოზარდების ტოლერანტულ ბანაკებსა და სხვა პროექტებში, რასიზმის, ქსენოფობიისა და დისკრიმინაციის წინააღმდეგ. ვიტალი საფაროვის მკვლელობის საქმეზე ამ დროისთვის დაკავებულია ორი პირი, რომლებიც ე.წ. ნეონაცისტური დაჯგუფების წევრები არიან. მათ შორის ერთ-ერთს ბრალი წარდგენილი აქვს საქართველოს სისხლის სამართლის კოდექსის 108-ე მუხლით, რაც გულისხმობს განზრახ მკვლელობას (დამამძიმებელი გარემოებების გარეშე), ხოლო მეორე დაკავებულს ბრალი წარდგენილი აქვს, ამავე კოდექსის, 376-ე მუხლით, რაც დანაშაულის შეუტყობინებლობას გულისხმობს. ვიტალი საფაროვის ოჯახის სამართლებრივ ინტერესებს ადამიანის უფლებათა ცენტრი იცავს. ამ დროისთვის გამოძიების მიმდინარეობისას არსებობს რიგი გარემოებები, რაც იწვევს შეშფოთებას. კერძოდ, მკვლელობის მოწმეებთან გასაუბრების შედეგად ირკვევა, რომ ბოლო ორი წლის განმავლობაში მათ არაერთხელ შეატყობინეს საინფორმაციო ცენტრ 112-სა და კრიმინალურ პოლიციას, დაკავებული ბრალდებულების მიერ ჩადენილ მსგავს ძალადობის შემთხვევებზე, მაგრამ შეტყობინებებზე პოლიციას რეაგირება არ მოუხდენია. შემაშფოთებელია, რომ ბრალდებულების მიერ სიძულვილით მოტივირებული ძალადობრივი აქტები აქამდე რეაგირების გარეშე რჩებოდა. გასათვალისწინებელია ისიც, რომ ქსენოფობიური, ფაშისტური ჯგუფების აქტიურობა და სიძულვილის გაღვივება დღეისათვის ქართული სახელმწიფოს ერთ-ერთ სერიოზულ გამოწვევას წარმოადგენს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 10 ოქტომბერს, საერთაშორისო გამჭვირვალობა-საქართველომ გამართა დისკუსია თემაზე „განმარტებითი ბარათი და რეგულაციების გავლენის შეფასების სისტემა (RIA)". „დისკუსიას ესწრებოდნენ პარლამენტის წევრები და პარლამენტის აპარატის თანამშრომლები, საერთაშორისო და არასამთავრობო ორგანიზაციების წევრები. დისკუსია ჩატარდა შეერთებული შტატების განვითარების სააგენტოს (USAID) პროგრამის დემოკრატიული მმართველობის ინიციატივა (GGI) საქართველოში დაფინანსებული პროექტის „პარლამენტის ანგარიშვალდებულების და მისი საქმიანობის გამჭვირვალობის გაძლიერების" ფარგლებში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს ინფორმაციას, რომლის თანახმადაც მოსამართლეთა შერჩევა/დანიშვნის პროცედურებთან დაკავშრებით მათი რეკომენდაციები ნაწილობრივ გათვალისწინებულია. „ის ფაქტი, რომ წარდგენილი რეკომენდაციების ნაწილი გათვალისწინებულ იქნა იუსტიციის უმაღლესი საბჭოს მიერ, მნიშვნელოვანია და დადებითად უნდა შეფასდეს. სამოქალაქო საზოგადოების ჩართულობით და მათი წინადადებების გათვალისწინებით გადაწყვეტილებების მიღების პრაქტიკის დამკვიდრება აუცილებელია სახელმწიფო ინსტიტუტების დემოკრატიული ფუნქციონირებისთვის", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. აღმოსავლეთ ევროპის ცენტრი მრავალპარტიული დემოკრატიისთვის (EECMD), 2013 წლიდან მოყოლებული, ვებ-გვერდ www.prezidenti.ge-ის მეშვეობით, აქვეყნებს საქართველოს პრეზიდენტობის კანდიდატების წინასაარჩევნო შეხედულებებს ქვეყნისათვის მნიშვნელოვან პოლიტიკურ, ეკონომიკურ და სოციალურ საკითხებზე. ამ ვებ-გვერდის მიზანია, რომ პრეზიდენტობის კანდიდატებმა ამომრჩეველს კონკრეტული, შედეგზე ორიენტირებული და ნათელი წინასაარჩევნო ხედვები შესთავაზონ, რის საფუძველზეც მას ინფორმირებული გადაწყვეტილების მიღების შესაძლებლობა ექნება არჩევნების დღეს. საინფორმაციო ვებ-გვერდი, www.prezidenti.ge ღიაა ნებისმიერი რეგისტრირებული პრეზიდენტობის კანდიდატისთვის. ვებ-გვერდზე წინასაარჩევნო პროგრამის განსათავსებლად საჭიროა პრეზიდენტობის კანდიდატმა გამოაგზავნოს შევსებული კითხვარი შემდეგ ელექტრონულ მისამართზე: contact@eecmd.org www.presidenti.ge ოფიციალურად 2018 წლის 12 ოქტომბერს განახლდება. წყარო: eecmd.org

თბილისი. აღმოსავლეთ–დასავლეთის მართვის ინსტიტუტმა ექსესის (Access) პროგრამის ფარგლებში სექტემბრის თვის ბიულეტენი გაავრცელა, რომელიც ინსტიტუტის მიერ გაცემული გრანტების ფარგლებში განხორციელებულ ღონისძიებებს ასახავს. ინსტიტუტი აქვე აანონსებს საგრანტო კონკურსს. იგი ოქტომბრის ბოლოს გამოცხადდება და განკუთვნილია საქართველოში რეგისტრირებული არასამთავრობო ორგანიზაციების. მიზანი: სამოქალაქო ჩართულობის ზრდის ხელშეწყობაა. პრიორიტეტი მიენიჭება რეგიონულ ორგანიზაციებს, დაფინანსდება მაქსიმუმ 5 პროექტი. სრულად... წყარო:EWMI Access

თბილისი. „საერთაშორისო გამჭვირვალობა – საქართველო" უწყებათშორის კომისიას პროტესტის ნიშნად ტოვებს – ამის შესახებ ორგანიზაცია განცხადებას ავრცელებს. „...ბოლო პერიოდში განვითარებულმა მოვლენებმა და „ქართული ოცნების” ლიდერების, მათ შორის იუსტიციის მინისტრის აგრესიულმა რიტორიკამ გვაჩვენა, რომ ამ ფორმატში თანამშრომლობა აზრს კარგავს. ის უწყებები და მაღალი თანამდებობის პირები, რომლებიც უნდა რეაგირებდნენ საარჩევნოდ ადმინისტრაციული რესურსების გამოყენების შემთხვევებზე, თავად იყენებენ ამ რესურსს ავტორიტეტული სადამკვირვებლო ორგანიზაციების დისკრედიტაციისთვის.   აქედან გამომდინარე, „საერთაშორისო გამჭვირვალობა - საქართველო” ტოვებს უწყებათშორის კომისიას.  სამწუხაროა, რომ მმართველმა პარტიამ და  კომისიის თავმჯდომარემ ვერ უზრუნველყო პროფესიონალური, მიუკერძოებელი და ნდობაზე დამყარებული სამუშაო გარემოს ჩამოყალიბება, რომელიც თავიდან აგვაცილებდა ასეთ გადაწყვეტილებებს. მიგვაჩნია, რომ შექმნილ ვითარებაზე სრული პასუხისმგებლობა ეკისრებათ სწორედ მმართველი პარტიის ლიდერებს და კომისიის თავმჯდომარეს. მოვუწოდებთ მმართველ პარტიას და უწყებათშორის კომისიას, რომ მიიღონ შესაბამისი ზომები და შეწყვიტონ არასამთავრობო ორგანიზაციების დისკრედიტაცია, რაც კამპანიურ სახეს იძენს და საარჩევნო გარემოსთვის ზიანის მომტანია", ნათქვამია ორგანიზაციის ვებ–გვერდზე. სრულად... წყარო: www.transparency.ge

თბილისი. ინფორმაციის თავისუფლების განვითარების ინსტიტუტმა (IDFI), კონსულტაციის და ტრენინგის ცენტრთან (CTC) და მმართველობითი სისტემების განვითარების ცენტრთან (MSDC) ერთობლივი პროექტის ფარგლებში დაიწყო მუშაობა ადგილობრივი თვითმმართველობის ინდექსზე. მის ფარგლებში იგეგმება საქართველოს ყველა მუნიციპალიტეტის გამჭვირვალობისა და ანგარიშვალდებულების განმეორებითი შეფასება. ახალი შედეგების გამოქვეყნებამდე, შეგიძლიათ იხილოთ 2017 წლისთვის მუნიციპალიტეტების რეიტინგი და მათი შეფასებები შემდეგ ვებგვერდზე www.LSGIndex.org. პროექტის ფინანსური მხარდამჭერია ღია საზოგადოების ფონდი. წყარო: ინფორმაციის თავისუფლების განვითარების ინსტიტუტი

თბილისი. საქართველოს პარლამენტის თავმჯდომარის, ირაკლი კობახიძის ბრიფინგთან დაკავშირებით, საზოგადოებრივი ორგანიზაციები განცხადებას ავრცელებენ. „ვეხმაურებით ქართული ოცნების აღმასრულებელი მდივნისა და საქართველოს პარლამენტის თავმჯდომარის დღევანდელ განცხადებას, რომლითაც გრძელდება აგრესიული რიტორიკა არასამთავრობო სექტორის მიმართ. დღევანდელ ბრიფინგზე ირაკლი კობახიძემ ისაუბრა პარტიის აღმასრულებელი მდივნის სტატუსით, რაც გვაფიქრებინებს, რომ მისი მხრიდან გაჟღერებული მოსაზრებები პარტიის მიერ განხილული და გაზიარებულია, რაც საკითხის სიმწვავეს კიდევ უფრო მეტად აჩვენებს”,- აღნიშნულია განცხადებაში, „მოვუწოდებთ მმართველ პარტიას, საქართველოს პარლამენტის თავმჯდომარეს და პარტიის სხვა სპიკერებს: უზრუნველყონ მშვიდი და სამართლიანი წინასაარჩევნო გარემოს არსებობა ქვეყანაში და საკუთარი უსაფუძვლო ბრალდებებით ხელი არ შეუშალონ არჩევნებზე დამკვირვებელი ორგანიზაციების მუშაობას; გამოიყენონ მათ ხელთ არსებული პოლიტიკური და სამართლებრივი ბერკეტები და მოითხოვონ კორუფციის, არაფორმალური მმართველობის თუ დაუსჯელობის სავარაუდო ფაქტებზე დროული რეაგირება შესაბამისი ორგანოების მხრიდან". სრულად  წყარო: https://www.gyla.ge

თბილისი. „სამართლიანი არჩევნებისა და დემოკრატიის საერთაშორისო საზოგადოებიის" (ISFED) მიერ დღეს წარმოდგენილი ანგარიში, ხელისუფლებისა და მაღალი თანამდებობის პირების მხრიდან, საზოგადოებრივი ორგანიზაციების დისკრედიტაციის მცდელობებსაც ეხება. „განსაკუთრებულად შემაშფოთებელი ტენდენციის სახე აქვს ხელისუფლების მაღალი თანამდებობის პირებისა და ადმინისტრაციული ორგანოების ხელმძღვანელების მხრიდან სადამკვირვებლო ორგანიზაციების დისკრედიტაციის მცდელობებსა და არაეთიკურ განცხადებებს. მსგავსი თავდასხმის ობიექტი „სამართლიანი არჩევნები" კომუნიკაციების ეროვნული კომისიის თავმჯდომარის მხრიდან გახდა. ასევე, მას შემდეგ, რაც ცამეტმა არასამთავრობო ორგანიზციამ კრიტიკული განცხადება გააკეთა გამოქვეყნებულ ჩანაწერებთან დაკავშირებით, მათი დისკრედიტაციის მიზნით განცხადებები პარლამენტის თავმჯდომარემ, იუსტიციის მინისტრმა, „ქართული ოცნების" პარლამენტარებმა, თბილისის მერმა და „ქართული ოცნების" მიერ მხარდაჭერილმა საპრეზიდენტო კანდიდატმაც გააკეთეს. არასამთავრობო სადამკვირვებლო ორგანიზაციებზე მსგავსი კოორდინირებული თავდასხმა წინასაარჩევნო პერიოდში წარმოადგენს ხელისუფლების მხრიდან არასამთავრობო ორგანიზაციებზე ზეწოლას, მათი საქმიანობის შეზღუდვისა და საქმიანი რეპუტაციის დაზიანების მცდელობას, რაც, თავისხმრივ, წარმოადგენს საფრთხეს სახელმწიფოს დემოკრატიული განვითარებისათვის", - ვკითხულობთ დოკუმენტში. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" აქვეყნებს ბლოგპოსტს: ზოგიერთი პოლიტიკური რეკლამა კანონდარღვევის ნიშნებს შეიცავს. „28 ოქტომბრის საპრეზიდენტო არჩევნებისთვის ქართულ ტელემაუწყებლებზე გასული უფასო პოლიტიკური რეკლამების მონიტორინგის შედეგად სავარაუდო კანონდარღვევა გამოვლინდა. ოთხი კვალიფიციური საარჩევნო სუბიექტის უფასო რეკლამები თავიანთი შინაარსით, ფაქტობრივად, პრეზიდენტობის ერთი კანდიდატის, გრიგოლ ვაშაძის რეკლამას წარმოადგენს. ასეთი ქმედება გრიგოლ ვაშაძის სასარგებლოდ გაღებულ შემოწირულებად უნდა ჩაითვალოს, ქართული კანონმდებლობით კი ამის უფლება პოლიტიკურ პარტიებს არ აქვთ", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს რიგით მესამე საინფორმაციო ბიულეტენს. მასში მიმოხილულია ინფორმაცია საუბნო საარჩევნო კომისიების და კომპლექტების, მედია გარემოს, კორცხელის საქმის და სასამართლო მონიტორინგის შესახებ. სრულად... წყარო: ორგანიზაციის ვებგვერდი სოციალურ ქსელში

4 ოქტომბერს, სახალხო დამცველის პირველმა მოადგილემ თამარ გვარამაძემ და სახალხო დამცველის აპარატის თანამშრომლებმა თელავში ორი შეხვედრა გამართეს კახეთის რეგიონის მუნიციპალიტეტების თანამშრომლებთან და სამოქალაქო საზოგადოების წევრებთან. „ადგილობრივი სამოქალაქო სექტორის წარმომადგენლებთან შეხვედრაზე საკუთრების და ჯანსაღ გარემოსთან დაკავშირებული საკითხები განიხილეს. სამოქალაქო სექტორის წარმომადგენლებმა აპარატის თანამშრომლებს აღნიშნული უფლებების შესაძლო დარღვევის შესახებ მათ ხელთ არსებული ინფორმაცია გაუზიარეს”, ნათქვამია ომბუდსმენის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სექტემბერში, სამოქალაქო საზოგადოების ინსტიტუტმა დაასრულა  ტრენინგების ციკლის „სისტემური ცვლილება და მონაწილეობა" ჩატარება საქართველოს რეგიონებში. ამჯერად აღნიშნული ტრენინგები ჩატარდა ზუგდიდში, აბროლაურში, მარენულსა და ახალციხეში, ადგილობრივ, რეგიონულ ჰაბებთან თანამშრომლობით, მასში მონაწილეობას იღებდნენ საზოგადოებრივი ორგანიზაციების, თვითმმართველობის, მედიის წარმომადგენლები, სათემო ლიდერები და აქტიური მოქალაქეები. მონაწილეები გაეცნენ სისტემური ცვლილებების არსს და შედეგზე ორიენტირებული მიდგომის საბაზისო პრინციპებს, რაც ხელს შეუწყობს განვითარების აქტორებს, ეფექტურად განახორციელონ პოზიტიური ცვლილებები საკუთარ თემში. ტრენინგი გაიმართა პროექტის ,,სამოქალაქო საზოგადოების განვითარების ინიციატივის" ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

თბილისი. ინფორმაციის თავისუფლების განვითარების ინსტიტუტმა (IDFI) საქართველოს პარლამენტს „პროკურატურის შესახებ" ორგანული კანონის პროექტთან დაკავშირებით მოსაზრებები წარუდგინა. „საქართველოს პროკურატურის დამოუკიდებელ უწყებად ჩამოყალიბება წლების განმავლობაში არაერთი საერთაშორისო თუ ადგილობრივი ორგანიზაციის რეკომენდაცია იყო. IDFI-ის მოსაზრებით, ამ პროცესის მნიშვნელობა საკანონმდებლო დონეზე უნდა იყოს გამყარებული. კერძოდ, "პროკურატურის შესახებ" ორგანულ კანონში განსახორციელებელი ცვლილებები უნდა გამოხატავდეს ხელისუფლების სურვილს ძირეული რეფორმა გაატაროს პროკურატურის სისტემაში. ტექნიკური ცვლილებები კანონში დააკნინებს ამ პროცესის მნიშვნელობას და შესაძლოა პროკურატურის დამოუკიდებელ, ნეიტრალურ და ანგარიშვალდებულ უწყებად ჩამოყალიბების პროცესი მნიშვნელოვნად შეაფერხოს. აღნიშნულის თავიდან ასაცილებლად კი, საჭიროა ინიცირებული კანონის პროექტის შემდგომი დახვეწა", - ვკითხულობთ დოკუმენტში. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" აქვეყნებს კვლევას - „ივანიშვილის კომპანიები - თანამდებობის პირების სამჭედლო სამი წლის შემდეგ". „თანამდებობის პირების ქონებრივი დეკლარაციებისა და ბიოგრაფიების შესწავლის საფუძველზე, ჩანს, რომ კვლავაც გრძელდება საჯარო სექტორში მნიშვნელოვან პოზიციებზე ბიძინა ივანიშვილის კომპანიებიდან წამოსული კადრების დანიშვნის ტენდენცია", - აღნიშნულია კვლევაში. სრულად  წყარო: ორგანიზაციის ვებგვერდი

გურია. ოზურგეთის მუნიციპალიტეტის მერმა, კონსტანტინე შარაშენიძემ არასამთავრობო ორგანიზაცია ინოვაციებისა სამოქალაქო განვითარების ცენტრის - „პროგრესის სახლის” ხელმძღვანელთან მინდია სალუქვაძესთან, ასევე სამოქალაქო საზოგადოების ინსტიტუტის წარმომადგენლებთან ერთად მონაწილეობითი ბიუჯეტირების საკითხები განიხილა. სამოქალაქო საზოგადოების ინსტიტუტი (CSI) ახორციელებს პროექტს, რომლის სამიზნე მუნიციპალიტეტებია ოზურგეთის და ჩოხატაურის მუნიციპალიტეტები. პროექტი სამიზნე რეგიონებში საზოგადოების მონაწილეობის გაძლიერებასა და თვითმმართველობის აქტორებს შორის თანამშრომლობის სტიმულირებას ითვალისწინებს. შეხვედრას მოწვეული ექსპერტი დავით ყიფიანი და სამოქალაქო საზოგადოების ინსტიტუტის წარმომადგენელი ნათია აფხაზავა დაესწრნენ. პროექტი „ადგილობრივი განვითარების აქტორების მდგრადი კავშირის შექმნა საქართველოში" მხარდაჭერით ხორციელდება და მოიცავს საქართველოს სამ რეგიონს: აჭარა, გურია და ქვემო ქართლის 7 მუნიციპალიტეტს. სრულად... წყარო: მუნიციპალიტეტის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველო" (TI) აფასებს საქართველოს პარლამენტის პროექტს აფასებს. „პარლამენტის რეგლამენტის ახალი პროექტი, რომელსაც საკანონმდებლო ორგანომ პირველი მოსმენით მხარი დაუჭირა, სხვა საკითხებთან ერთად, ითვალისწინებს ცვლილებებს ნდობის ჯგუფის მიერ თავდაცვისა და უსაფრთხოების სექტორზე ზედამხედველობის მიმართულებით. კანონპროექტით, უქმდება „ნდობის ჯგუფის შესახებ" საქართველოს კანონი. ნდობის ჯგუფის საქმიანობა პარლამენტის რეგლამენტით რეგულირდება", - ვკითხულობთ დოკუმენტში, - „პარლამენტის რეგლამენტის პროექტი უსაფრთხოების სექტორის კონტროლის არასაკმარის მექანიზმებს ითვალისწინებს”. სრულად  წყარო: ორგანიზაციის ვებგვერდი