ყოველი დღე „ციცინათელების ქვეყანაში“ ქრონიკული და უკურნებელი სენით დაავადებულ ბავშვებსა და მათ მშობლებს ეთმობა. აქ მათ ფიზიკური, ფსიქოლოგიური და სულიერი ტკივილისგან გათავისუფლებაში ეხმარებიან და მძიმე ყოველდღიურობას უმსუბუქებენ. საქართველოში პირველი ბავშვთა ჰოსპისი, სადაც ყველა სახის მომსახურება უფასოა, სამოქალაქო საზოგადოების ფონდის გუნდის ინიციატივით 2017 წელს გაიხსნა. თქვენც გაქვთ შესაძლებლობა, გახდეთ საქართველოში ბავშვთა პირველი ჰოსპისის არსებობისა და ქრონიკული და უკურნებელი სენით დაავადებული ბავშვების დღეების გაფერადების მონაწილე. იმედია, მალე ვიცხოვრებთ ისეთ ქვეყანაში, სადაც „ციცინათელების ქვეყანა“ არ იქნება ერთადერთი ადგილი, სადაც მათი ღირსეული მოვლა იქნება უზრუნველყოფილ სრულად...  წყარო: სამოქალაქო საზოგადოების ფონდი

სამეგრელო. ასოციაცია „ქსენონი“ იწყებს ევროპული ტესტირების კვირეულს მათთვის, ვისაც აივ ინფექციასა და C ჰეპატიტის ტესტირება სჭირდება. ტესტირება უფასოა, ორგანიზაციის მობილური ამბულატორია სამეგრელოს რეგიონში მიემგზავრება 22 მაისიდან 27 მაისამდე.  იხილეთ დეტალური განრიგი...  წყარო: ასოციაცია ქსელონი

თბილისი. ილიას სახელმწიფო უნივერსიტეტში არსებული თბილისის ახალგაზრდული ცენტრის წევრებისთვის ჯანმრთელობის ელჩებმა ლიზი ფეიქრიშვილმა და მარეხ კაკალაძემ ჩაატარეს ტრენინგი თემაზე: „გადამდები და არგადამდები დაავადებების პრევენცია და ნივთიერებებზე დამოკიდებულება“  შეხვედრა ჩატარდა USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია ილიას სახელმწიფო უნივერსიტეტთან თანამშრომლობით, აშშ-ის საერთაშორისო განვითარების სააგენტოს (USAID) ფინანსური მხარდაჭერით.  სრულად...  წყარო: თბილისის ახალგაზრდული ცენტრი

აჭარა.2024 წლის 28 მარტს შუახევის მუნიციპალიტეტის, სოფელ ჭვანაში საჯარო შეხვედრა გაიმართა.  შეხვედრის მიზანია, მოსახლეობის ინფორმირება ჯანდაცვის სერვისების, კერძოდ პრევენციული ღონისძიებებისა და სკრინინგ პროგრამების შესახებ. აქტივობა ხორციელდება თავისუფალ ჟურნალისტთა სახლის მიერ საქართველოს ახალგაზრდა იურისტთა ასოციაციის პროექტის „სოციალური კაპიტალის შექმნა სსო-ების გაძლიერებითა და ადგილობრივი ქსელის გაძლიერებით“ ფარგლებში. პროექტი დაფინანსებულია გერმანიის საერთაშორისო თანამშრომლობის საზოგადოების (GIZ) პროგრამის ‘Strengthening Civil Society in the Eastern Partnership’ ფარგლებში, რომელიც ხორციელდება გერმანიის ეკონომიკური თანამშრომლობისა და განვითარების ფედერალური სამინისტროს დაკვეთითა და ევროკავშირის თანადაფინანსებით.“ სრულად... წყარო: თავისუფალ ჟურნალისტთა სახლი

გურია. 23 მარტს, ახალგაზრდა პედაგოგთა კავშირის ახალგაზრდული ცენტრის წევრებისა და „საზოგადოებრივი ჯანდაცვის ახალგაზრდული პროგრამის“ მონაწილეების ფასილიტაციით ჩატარდა ტრენინგი საზოგადოებრივი ჯანდაცვის შესახებ.  პროექტის მიზანია საზოგადოებრივი ჯანდაცვის შესახებ ახალგაზრდების ინფორმირება და მათი შესაძლებლობების გაზრდა.  პროექტი ხორციელდება USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით. გურიის რეგიონში პროგრამის პარტნიორი ორგანიზაციაა "ახალგაზრდა პედაგოგთა კავშირი".  სრულად...  წყარო: ახალგაზრდა პედაგოგთა კავშირი

თბილისი. საქართველოში საყოველთაო ჯანდაცვის პროგრამის ამოქმედების შემდეგ, სერვისებზე გეოგრაფიული ხელმისაწვდომობა გაიზარდა. თუმცა, როგორც პლატფორმა "კომენტარი" თავის პუბლიკაციში აღნიშნავს – ეთნიკური უმცირესობებით დასახლებულ რეგიონებში სამედიცინო დაწესებულებებზე ფიზიკურ წვდომას მაინც აფერხებს გაუმართავი სატრანსპორტო სისტემა. ადგილზე მისულ მოქალაქეებს კი ენის ბარიერის, ექიმების შეზღუდული სამუშაო გრაფიკის, არასაკმარისი რესურსებისა და ინფრასტრუქტურული პრობლემების გამო სრულყოფილი სერვისის მიღება მაინც უჭირთ.  „2009 წლიდან სოფლებში ოჯახის ექიმის ფუნქციას სოფლის ექიმები/ექთნები ასრულებენ. სოფლის ექიმის პროგრამის ფარგლებში შესაძლებელია ექიმთან ვიზიტი, კონსულტაცია, სამედიცინო დახმარების უზრუნველყოფა გადაუდებელი მდგომარეობების დროს და სხვ.  თუმცა, რეგიონებში სამედიცინო პუნქტების ინფრასტრუქტურული პრობლემები ხელს უშლის ამბულატორიული მომსახურებების მიღებას. პრობლემაა ისიც, რომ სოფლის მოსახლეობას ხშირად ყველა ამ სერვისზე წვდომა არ აქვს. ექიმები, ძირითადად, სხვაგანაც მუშაობენ და სოფლებში ქალაქიდან ჩადიან, შესაბამისად, ადგილზე მუდმივად არ იმყოფებიან და ვერ გასცემენ მიმართვებს ექიმ-სპეციალისტებთან ვიზიტსა თუ სადიაგნოსტიკო კვლევებზე“, ასე აფასებს პლატფორმა „კომენტარი“ არსებულ სიტუაციას.  სრულად...  წყარო: პლატფორმა „კომენტარი“

თბილისი. აშშ–ის საერთაშორისო განვითარების სააგენტოს სამოქალაქო საზოგადოების ჩართულობის პროგრამის მხარდაჭერით, 14–15 მარტს, დაუნის სინდრომის ასოციაცია მართავს კონფერენციას დაუნის სინდრომის მქონე პირების სამედიცინო მეთვალყურეობის საჭიროებების შესახებ. კონფერენციას ესწრებიან საერთაშორისო, არასამთავრობო ორგანიზაციების, საქართველოს მთავრობის, პარლამენტის, წარმომადგენლები, ექიმები. 21 მარტი დაუნის სინდრომის მსოფლიო დღეა. ამ თარიღთან დაკავშირებით საქართველოში წელს მეცამეტედ იმართება საინფორმაციო კამპანია, რომლის მიზანია დაუნის სინდრომის მქონე პირთა უფლებების შესახებ საზოგადოების ინფორმირება. წყარო: აშშ–ის საერთაშორისო განვითარების სააგენტოს სამოქალაქო საზოგადოების ჩართულობის პროგრამა

აჭარა. დემოკრატიული ჩართულობის ცენტრების ქსელმა ბათუმში, საჯარო სემინარი „ციფრული ტექნოლოგიების როლის გაზრდა სქესობრივი და რეპროდუქციული ჯანმრთელობის ხელშეწყობისთვის“ გამართა. მოწვეულმა მეან-გინეკოლოგებმა ჩაატარეს პრაქტიკული სემინარი თვითგასინჯვის შესახებ. ასევე, აუდიტორიას მიაწოდეს ინფორმაცია საჭირო სკრინინგების, აცრების და არსებული უფასო ჯანდაცვის სერვისების შესახებ.  შეხვედრის მონაწილეებმა ხაზი გაუსვეს ტექნოლოგიების როლს გოგოების და ქალების გაძლიერების კომპონენტში. სრულად... წყარო: დემოკრატიული ჩართულობის ცენტრების ქსელი

აჭარა. 8 თებერვალს, ქობულეთის მუნიციპალიტეტის, სოფელ ციხისძირში გაიმართება საჯარო შეხვედრა.  შეხვედრის მიზანია, მოსახლეობის ინფორმირება ჯანდაცვის სერვისების, კერძოდ პრევენციული ღონისძიებებისა და სკრინინგ პროგრამების შესახებ. ჩატარდება აჭარის საზოგადოებრივი ჯანდაცვის ცენტრის პროგრამიების პრეზენტაცია, დაინტერესებულ პირებს ექნებათ შესაძლებლობა მოისმინონ ყველაზე ხშირად დასმულ კითხვებზე პასუხი. „აქტივობა ხორციელდება თავისუფალ ჟურნალისტთა სახლის მიერ საქართველოს ახალგაზრდა იურისტთა ასოციაციის პროექტის „სოციალური კაპიტალის შექმნა სსო-ების გაძლიერებითა და ადგილობრივი ქსელის გაძლიერებით“ ფარგლებში.  პროექტი დაფინანსებულია გერმანიის საერთაშორისო თანამშრომლობის საზოგადოების (GIZ) პროგრამის ‘Strengthening Civil Society in the Eastern Partnership’ ფარგლებში, რომელიც ხორციელდება გერმანიის ეკონომიკური თანამშრომლობისა და განვითარების ფედერალური სამინისტროს დაკვეთითა და ევროკავშირის თანადაფინანსებით.“ სრულად... წყარო: თავისუფალ ჟურნალისტთა სახლი

თბილისი. საქართველოს დაუნის სინდორმის ასოციაციის ოფისში, დაუნის სინდრომის მქონე ქალების რეპროდუქციული ჯანმრთელობის პროექტის ფარგლებში, გაიმართა ტრენინგი უსაფრთხოების საკითხებთან დაკავშირებით. შეხვედრას უძღვებოდა ქცევითი თერაპევტი, გეშტალტ კონსულტანტი, თინათინ კოშკაძე პროექტის ფინანსური მხარდამჭერია ნიდერლანდების საელჩო საქართველოში - Embassy of the Netherlands in Georgia სრულად... წყარო: საქართველოს დაუნის სინდრომის ასოციაცია

თბილისი. 17 იანვარს გაეროს ბავშვთა ფონდის და კორეის რესპუბლიკის მთავრობის პირველი პარტნიორული პროექტის პრეზენტაცია გაიმართა.  გაეროს ბავშვთა ფონდი და კორეის რესპუბლიკა თანამშრომლობენ საზოგადოებრივი ჯანდაცვის სისტემის გაძლიერების მიზნით საქართველოში პროექტი შეიმუშავებს და საპილოტო რეჟიმში დანერგავს პირველადი ჯანდაცვის დაწესებულებებისთვის წყლის, სანიტარიის და ჰიგიენის ელექტრონული მონიტორინგის სისტემას, რაც შესაძლებელს გახდისმონაცემების რეალურ დროში მოპოვებას.  სრულად... წყარო:გაეროს ბავშვთა ფონდი

თბილისი. სოციალური სამართლიანობის ცენტრი ალკოჰოლური სასმელებისა და სხვა ფსიქოაქტიური ნივთიერებების მოხმარების რისკების შემცველ ცხრილს ავრცელებს.  ცხრილში აღწერილია ფსიქოაქტიური ნივთიერებების სხვადასხვა კომბინაციის შესაძლო რისკები და საფრთხეები. აღნიშნული ცხრილი სასარგებლო ინსტრუმენტია ზიანის შემცირების ორგანიზაციებისთვის, ასევე, ფსიქოაქტიური ნივთიერებების მომხმარებელ პირთათვის, მათი ოჯახის წევრებისთვის და ახლო გარემოცვისთვის.  სრულად... წყარო: სოციალური სამართლიანობის ცენტრი

თბილისი. საქართველოს დაუნის სინდრომის ასოციაციის გუნდის ორგანიზებით, USAID-ის სამოქალაქო საზოგადოების ჩართულობის პროგრამის მხარდაჭერით (USAID Civil Society Engagement Program), პროექტის, „დაუნის სინდრომის მქონე პირთა ჯანდაცვის სერვისების ადვოკატირების“ ფარგლებში, ასოციაციის ოფისში გაიმართა პედიატრ ნანა რურუას შეხვედრა მშობლებთან შეხვედრის თემა იყო დაუნის სინდრომის მქონე პირთა ჯანმრთელობის მეთვალყურეობა.  სრულად...  წყარო: საქართველოს დაუნის სინდრომის ასოციაცია

თბილისი. საქართველოს დაუნის სინდომის ასოციაციამ დაუნის სინდრომის მქონე ბავშვთა, მოზარდთა და ზრდასრულთა სამედიცინო მეთვალყურეობის ცხრილები შექმნა,რომლებიც პოსტერების სახით გადაეცემა პირველადი ჯანდაცვის დაწესებულებებს. ცხრილები შექმნილია ამერიკის პედიატრიის აკადემიის და დაუნის სინდრომის გლობალური ფონდის, ამერიკის სამედიცინო აკადემიის გაიდლაინების საფუძველზე აღნიშნული პოსტერების მიზანია პედიატრებისთვის და ოჯახის ექიმებისთვის მუშაობის გამარტივება. ცხრილები აშშ–ის საერთაშორისო განვითარების სააგენტოს სამოქალაქო საზოგადოების ჩართულობის პროგრამის მხარდაჭერით, პროექტის, „დაუნის სინდრომის მქონე პირთა ჯანდაცვის სერვისების ადვოკატირების“ ფარგლებში შეიქმნა. სრულად... წყარო: საქართველოს დაუნის სინდომის ასოციაცია

შიდა ქართლი. გერმანიისა და გაეროს განვითარების პროგრამის (UNDP) მხარდაჭერით, იურიდიული დახმარების სამსახურმა გახსნა საქართველოში პირველი მობილური საკონსულტაციო ცენტრი, რომელიც შორეული სოფლებისა და რთულად მისადგომი რეგიონების მოსახლეობას მოემსახურება.  მობილურ იურიდიულ დახმარებას მიიღებენ მაღალმთაში ან კონფლიქტით დაზარალებულ სოფლებში მცხოვრები ადამიანები, სადაც ადგილობრივი საკონსულტაციო ცენტრები ჯერ არ გახსნილა.  იურიდიული დახმარების სამსახურის მობილური საკონსულტაციო ცენტრი შეიქმნა გერმანიის მთავრობისა და გაეროს განვითარების პროგრამის ხელშეწყობით, კანონის უზენაესობისა და მართლმსაჯულების ხელმისაწვდომობის პროექტის ფარგლებში.  სრულად...   წყარო: გაეროს განვითარების პროგრამა

10 ოქტომბერი მენტალური ჯანმრთელობის მსოფლიო დღეა.  გაეროს ბავშვთა ფონდი მენტალური ჯანმრთელობის ირგვლივ გავრცელებულ მითებსა და ფაქტებს უზიარებს საზოგადოებას.  „ფსიქიკური ჯანმრთელობის შესახებ მითების გაქარწყლება ხელს უწყობს სტიგმების დამარცხებას და ქმნის გარემოს, რომელშიც ნებისმიერი ასაკის ადამიანს შეუძლია ითხოვოს მხარდაჭერა, როცა მას ეს სჭირდება“, ნათქვამია გაეროს ბავშვთა ფონდის ვებგვერდზე.  ფონდი მკითხველს აცნობს იმ 7 მითს, რომელიც ყველაზე ხშირად არის გავრცელებული.  სრულად... წყარო: გაეროს ბავშვთა ფონდი 

თბილისი.საქართველოს დაუნის სინდრომის ასოციაცია ახალ პროექტს იწყებს.  პროექტის მიზანია დაუნის სინდრომის მქონე პირების ჯანმრთელობის დაცვა, ხარისხიანი და ხელმისაწვდომი სერვისების უზრუნველყოფა. პროექტის ფარგლებში იგეგმება:  დაუნის სინდრომის მქონე ბავშვებისა და ზრდასრულების ჯანმრთელობის მეთვალყურეობის გაიდლაინის/პროტოკოლის განახლება და დამტკიცება სამედიცინო სექტორის მუშაობა არსებული პროტოკოლების შესაბამისად  დაუნის სინდრომის მქონე პირთა საჭიროებების დაფინანსება ჯანდაცვის სახელმწიფო პროგრამით  თემში არსებული, დაუნის სინდრომის მქონე 6 თვით ადვოკატი ახალგაზრდის და 15 მშობლის პროექტში ჩართულობა, რომლებსაც თემის საჭიროებებზე ადვოკატირება შეუძლიათ  შედეგების მისაღწევად დაგეგმილია შემდეგი სტრატეგიული ამოცანები:  დაუნის სინდრომის მქონე პირთა განახლებული/დამტკიცებული სამედიცინო მეთვალყურეობის პროტოკოლების დანერგვა/გავრცელება სამედიცინო სექტორში  დაუნის სინდრომის მქონე პირთათვის ჯანდაცვის სერვისებზე ფინანსური ხელმისაწვდომობის გაზრდა -აღსრულება და საბიუჯეტო ადვოკატირება. პროექტი USAID-ის სამოქალაქო საზოგადოების ჩართულობის პროგრამის მხარდაჭერით,( USAID Civil Society Engagement Program) ამერიკის შეერთებული შტატების საერთაშორისო განვითარების სააგენტოს (USAID)( USAID - US Agency for International Development) დაფინანსებით დაიწყება. სრულად... წყარო: საქართველოს დაუნის სინდრომის ასოციაცია

თბილისი. გოგონებისა და ქალების რეპროდუქციული ჯანმრთელობის საკითხებზე, საქართველოს დაუნის სინდრომის ასოციაციამ, საინფორმაციო შეხვედრა გამართა მშობლებთან. საკითხი აქტუალურია და იგი მშობლების ინტერესის საგანს წარმოადგენს.  ონლაინ შეხვედრაზე მშობლებმა დეტალური ინფორმაცია მიიღეს საკითხის ირგლივ დაგეგმილი აქტივობების შესახებ. სრულად... წყარო: საქართველოს დაუნის სინდრომის ასოციაცია

გაეროს ბავშვთა ფონდი მოუწოდებს მთავრობებს, მეტი ძალისხმევა მიმართონ სუფთა ენერგიასა და ტრანსპორტზე გადასვლის მიმართულებით, შექმნან და შეინარჩუნონ ჰაერის ხარისხის მონიტორინგის სისტემები საბავშვო ბაღებსა და სკოლების მიმდებარედ და გააცნონ საზოგადოებას ინფორმაცია ჰაერის დაბინძურების სახიფათო დონეების შესახებ ბავშვებსა და ორსულ ქალებში. სრულად...  წყარო: გაეროს ბავშვთა ფონდი

თბილისი. გაეროს ბავშვთა ფონდი გიზიარებთ 5 რჩევას, როგორ ვიზრუნოთ ფსიქიკურ ჯანმრთელობაზე ონლაინ სივრცეში. „თუ სოციალურმა მედიამ ან ინტერნეტში ყოფნამ მოგიმატათ სტრესი, გაგრძნობინათ შური ან მარტოობა, განგაცდევინათ დაბალი თვითშეფასება ან სოციალური შფოთვა, იცოდეთ, თქვენ მარტო არ ხართ. გთავაზობთ ხუთ რჩევას, როგორ იზრუნოთ თქვენს ფსიქიკურ ჯანმრთელობაზე ონლაინ”. მოერიდეთ უმიზნო სქროლვას; იყავით ყურადღებიანი; დაიცავით თავი და იზრუნეთ სხვებზეც; აირჩიეთ სიკეთე; იცხოვრეთ რეალური ცხოვრებით. სრულად... წყარო: www.unicef.org

თბილისი. გაეროს ბავშვთა ფონდი მსობლებს და აღმზრდელებს გიზიარებთ გზამკვლევს ძალიან ცხელი ზაფხულისთვის. „ზაფხულის დადგომასთან ერთად სითბური დარტყმის საფრთხე მნიშვნელოვნად მატულობს. მიუხედავად იმისა, რომ მშობელმა შეიძლება თავი ნორმალურად იგრძნოს გარკვეულ ტემპერატურაზე, ეს სულაც არ ნიშნავს, რომ ბავშვიც იმავეს გრძნობს. პატარა ასაკში ადამიანს ჯერ კიდევ არ აქვს სრულად ჩამოყალიბებული თერმორეგულაცია. გაეცანით რჩევებს, თუ როგორ დავიცვათ ბავშვები სითბური დარტყმისგან: ზაფხულში ახალშობილები, ჩვილები და 3 წლამდე ბავშვები  გარეთ გავიყვანოთ მხოლოდ ადრე დილით და ნაშუადღევს. არ არის მიზანშეწონილი მცირეწლოვანი ბავშვების გარეთ გაყვანა დღის ყველაზე ცხელ პერიოდში, დილის 11-დან საღამოს 5 საათამდე. ბავშვს ჩავაცვათ ნატურალური მასალისგან (ბამბა, ტილო) დამზადებული, თავისუფალი სტილის ტანსაცმელი. თავზე კი კეპი ან ქუდი დავახუროთ. ყოველთვის თან იქონიეთ ბოთლით წყალი, რომელიც ხშირად შესთავაზებთ ბავშვს, სულ მცირე, ერთი-ორი ყლუპი მაინც რომ დალიოს. არასოდეს დატოვოთ ბავშვები მანქანაში ან სხვა ტიპის ტრანსპორტში სიცხეში - თუნდაც რამდენიმე წუთით!“ სრულად... https://uni.cf/475v1JK  წყარო: www.unicef.org 

თბილისი. 28 ივლისი ჰეპატიტების მსოფლიო დღეა (WHD). ამ თარიღის მიზანია ამაღლდეს მოსახლეობის ცნობიერება და შემცირდეს ვირუსული ჰეპატიტების გლობალური ტვირთი. ასოციაცია „ქსენონი“ C ჰეპატიტის ელიმინაციის სახელმწიფო პროგრამის შესახებ საინფორმაციო პოსტს აქვეყნებს. ელიმინაციის პროგრამა ითვალისწინებს: დაავადების დიაგნოსტიკას, მკურნალობას, პრევენციას. „პროგრამაში ჩასართავად საჭირო დიაგნოსტიკური და შემდგომი კვლევები 100%-ით ფინანსდება. C ჰეპატიტით დაავადებულ ნებისმიერ საქართველოს მოქალაქეს, დამატებითი კრიტერიუმის გარეშე შეუძლია ისარგებლოს C ჰეპატიტის ელიმინაციის სახელმწიფო პროგრამით და ღვიძლის დაზიანების ხარისხის სიმძიმის მიუხედავად, მიიღოს C ჰეპატიტის სამკურნალო უახლესი თაობის მედიკამენტები უსასყიდლოდ. ვირუსული ჰეპატიტები არის პრევენცირებადი, მკურნალობას დაქვემდებარებული და C ჰეპატიტის შემთხვევაში, აბსოლუტურად განკურნებადი დაავადება“. სრულად... წყარო: ორგანიზაციის გვერდი სოციალურ ქსელში