თბილისი. სახალხო დამცველი ე.წ. „ციანიდის საქმის" პროკურორის, ჯარჯი წიკლაურის საჯარო განცხადებას ეხმაურება და მოუწოდებს, თავი შეიკავოს განზრახი არასწორი განცხადებებისგან, პატივი სცეს სახალხო დამცველის კონსტიტუციურ მანდატს და შეინარჩუნოს პროფესიული პატივისცემა სახალხო დამცველის აპარატის თანამშრომელთა მიმართ. „სამწუხაროა, როდესაც საჯარო თანამდებობის პირებს ავიწყდებათ კონსტიტუციის ჩანაწერი, რომლის მიხედვით, სახალხო დამცველის მთავარი ფუნქციაა საქართველოს მთელ ტერიტორიაზე ადამიანის უფლებათა და თავისუფლებათა დაცვის მონიტორინგი. შესაბამისად, სახალხო დამცველი აღჭურვილია სრული უფლებამოსილებით, სასამართლო პროცესის მონიტორინგის შედეგები საზოგადოებას პროკურატურასთან შეთანხმების გარეშე გააცნოს. სახალხო დამცველი არ წარმოადგენს „მეოთხე ინსტანციის" სასამართლოს და შესაბამისად ამ კონკრეტულ საქმეზე მის მიერ განხორციელებული მონიტორინგის შედეგების საზოგადოებისთვის გაცნობაში მეოთხე ინსტანციის ფუნქციები არ იკვეთება. კერძოდ, სახალხო დამცველს არ შეუცვლია მოსამართლის განაჩენი, ასევე, არ მიუთითებია მოსამართლისთვის რა კონკრეტული ღონისძიებები უნდა გაეტარებინა საქმის განხილვისას. არამედ, საქართველოს სახალხო დამცველმა საზოგადოებას გააცნო შედეგები მაღალი ინტერესიდან გამომდინარე, რაც პირდაპირ გამომდინარეობს კონსტიტუციიდან და ორგანული კანონიდან", - აცხადებს სახალხო დამცველი. სრულად  წყარო: საქართველოს სახალხო დამცველის ვებგვერდი

საზოგადოებრივი ორგანიზაციების ვებ-პორტალი – www.csogeorgia.org – მადლობას უხდის მომხმარებელს, მხოლოდ ორი კვირით ემშვიდობება და მუშაობას სექტემბერში განაახლებს. დაგველოდეთ, ჩვენ მალე დავბრუნდებით...

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს. ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

აჭარა. „თავისუფალ ჟურნალისტთა სახლი" იწყებს დისკუსიათა ციკლს „საუბრები ევროპაზე". პირველი შეხვედრა დღეს 11:00 საათზე, ბათუმის თანამედროვე ხელოვნების სივრცეში, დრამატურგ დავით გაბუნიასთან გაიმართება. დისკუსიის თემაა „ქართული ლიტერატურა საბჭოთა კავშირამდე და შემდეგ". პროექტის მენეჯმენტის მხარდამჭერია აღმოსავლეთ-დასავლეთის მართვის ინსტიტუტი (EWMI), ფინანსური მხარდამჭერები არიან: ამერიკის საერთაშორისო განვითარების სააგენტო (USAID) და სამშენებლო კომპანია „გზები”. სრულად  წყარო: ორგანიზაციის გვერდი სოციალურ ქსელში

თბილისი. რუსეთის ფედერაციის პრეზიდენტის ვიზიტი საქართველოს სეპარატისტულ რეგიონში, აფხაზეთში, რომელიც მან 2008 წლის აგვისტოს ომის წლისთავზე განახორციელა, ისევე როგორც მანამდე განხორციელებული სხვა ვიზიტები, არღვევს საქართველოს ტერიტორიული მთლიანობის პრინციპს და საფრთხეს უქმნის კონფლიქტის მშვიდობიანად გადაჭრაზე მიმართულ საერთაშორისო ძალისხმევას. ევროკავშირის წარმომადგენლობა კიდევ ერთხელ ადასტურებს, რომ ევროკავშირი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში. სრულად  წყარო: ორგანიზაციის გვერდი სოციალურ ქსელში

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს. ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი

სამეგრელო. 7 აგვისტოს ზუგდიდში სოციალური კაფე „მეგო ბარი" გაიხსნა. „სოციალური საწარმო ადგილობრივი ახალგაზრდების ჩართულობით უახლოეს მომავალში უამრავ კრეატიულ და საინტერესო ღონისძიებას განახორციელებს", ნათქვამია ბავშვთა და ახალგაზრდობის ფონდის ვებ-გვერდზე. სრულად... წყარო: ფონდის ვებ-გვერდი სოციალურ ქსელში

თბილისი. საქართველოს პოლიტიკის ინსტიტუტი აქვეყნებს ირაკლი ჯღარკავას ბლოგპოსტს: „ანტი მიგრანტურლი რიტორიკა საქართველოში: ემუქრება თუ არა საფრთხე საქართველოს პრო-ევროპულ დისკურსს ულტრა მემარჯვენე ჯგუფების მხრიდან". „უდავოა, რომ ანტი-მიგრანტული „ქართველთა მარში" საინტერესო პრეცენდენტულ შემთხვევას წარმოადგენს საქართველოს თანამედროვე სამოქალაქო და პოლიტიკურ ცხოვრებაში. აქედან გამომდინარე, საინტერესო საკითხს წარმოადგენს, არსებობს თუ არა იმის შესაძლებლობა, რომ ანტი-მიგრანტულმა რიტორიკამ ნეგატიური გავლენა იქონიოს საქართველოს საგარეო პოლიტიკის მიზნებზე ევროინტეგრაციის მიმართულებით", ნათქვამია GIP კომენტარში. სრულად... წყარო: gip.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს რუსეთ-საქართველოს ომის შედეგების ვიზუალიზაციას. „2008 წელს რუსეთის აგრესიის შედეგად საქართველოს 408 მოქალაქე დაიღუპა". სრულად... წყარო: idfi.ge

თბილისი. გენდერული საინფორმაციო პორტალი აქვეყნებს ინფორმაციას პირველ ქალ ავიატორზე, რომელიც სამოქალაქო ავიაციაში მოღვაწეობს. ნადია ბენკლიანი მფრინავების ოჯახიდანაა და მფრინავის კაბინა პირველად 13 წლის ასაკში ნახა. „როგორც თავად ამბობს საკუთარი არჩევანი გააზრებული აქვს და ყოველთვის ჯიუტად მიდიოდა მიზნისკენ. არჩეული პროფესიის მიმართ საზოგადოების რეაქციასა და საავიაციო გამოცდილებაზე ნადია ბენკლიანი ვიდეოში საუბრობს", ნათქვამია გენდერული საინფორმაციო პორტალის ვებ-გვერდზე. სრულად... წყარო: ginsc.net

თბილისი. საქართველოს სტრატეგიული კვლევებისა და განვითარების ცენტრის ტრენერებმა პროექტის „განათლება რეინტეგრაციისთვის - გზა საზოგადოებაში დასაბრუნებლად" ფარგლებში ტრენინგები ჩაატარეს თემაზე „სოციალური და სამუშაოს მოძიების უნარები". „ტრენინგის ფარგლებში მონაწილეებმა მიიღეს ცოდნა ეფექტური კომუნიკაციის, კონფლიქტისა მოგვარების სტრატეგიებისა და სამუშაოს მოძიების შესაძლებლობებისა და ინსტრუმენტების შესახებ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. არასამთავრობო ორგანიზაციები პრემიერ-მინისტრის განცხადებას ეხმაურებიან. „სეკულარობის პრინციპი იცავს როგორც სახელმწიფოს სასულიერო პირთა ზემოქმედებისგან, ასევე, პირიქით - სასულიერო პირებს სახელმწიფოს მიერ შესაძლებელი გავლენის მცდელობებისგან. ამ პრინციპის დაცვა წარმოადგენს ერთადერთ სწორ გზას, უზრუნველყოფილი იყოს სასულიერო ხელისუფლების დამოუკიდებლობა და ხელშეუვალობა, ხოლო, მეორე მხრივ - სახელმწიფოს მიეცეს ეფექტური, მიუკერძოებელი საქმიანობის შესაძლებლობა. ზემოთქმულიდან გამომდინარე, ხელმომწერი არასამთავრობო ორგანიზაციები მივიჩნევთ, რომ კონსტიტუციურ სეკულარიზმს აქვს მხოლოდ ერთი გაგება და შინაარსი, რაც გულისხმობს სასულიერო და საერო ხელისუფლების გამიჯვნასა და ერთმანეთისგან დამოუკიდებლობას", ნათქვამია განცხადებაში. სრულად... წყარო: www.transparency.ge

თბილისი. ტოლერანტობისა და მრავალფეროვნების ინსტიტუტი (TDI) აქვეყნებს ბლოგპოსტს: „სახელმწიფოსა და ეკლესიის ურთიერთგამიჯვნის პრობლემა საქართველოში". „სახელმწიფო პოლიტიკის ანალიზი აჩვენებს, რომ საქართველოს კონსტიტუციით დაცული რელიგიისა და სახელმწიფოს ურთიერთგამიჯვნის პრინციპი ხშირად ირღვევა საქართველოს საპატრიარქოსთვის ფინანსური, სამართლებრივი და სოციალური პრივილეგიების მინიჭებისა და სხვა რელიგიური გაერთიანებების მიმართ დიფერენცირებული მოპყრობის გამო. სახელმწიფო, ერთი მხრივ, პოლიტიკური ლეგიტიმაციის მოპოვებისთვის იყენებს მართლმადიდებელ ეკლესიას, მეორე მხრივ, ხშირად თავად საპატრიარქო ცდილობს პოლიტიკურ და სამართლებრივ საკითხებში ჩარევასა და გადაწყვეტილებების მიღებაზე გავლენის მოხდენას", ნათქვამია ორგანიზაციის ვებ-გვერდზე. სრულად... წყარო: tdi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ვიდეოს: „ეკლესია და ხელისუფლება - ძალაუფლების ჰიბრიდები". როგორ მიმდინარეობდა და მიმდინარეობს საქართველოში სეკულარიზაციის პროცესი? რამდენად არის ქვეყანაში საერო და სასულიერო ძალაუფლებები გამიჯნული და როდის სჭირდებათ მათ ერთმანეთის დახმარება? - ამ და სხვა თემებზე პასუხს ვიდეოში მოისმენთ.   წყარო: ორგანიზაციის ვებ-გვერდი სოციალურ ქსელში

თბილისი. „ფონდი ღია საზოგადოება - საქართველო" ქართულ მედიაში ჯორჯ სოროსთან დაკავშირებით გამოთქმულ მოსაზრებებს ეხმაურება. „ქართულ მედიაში მუდმივად ვრცელდება მითები ფილანტროპ ჯორჯ სოროსის ანტიქართული საქმიანობის შესახებ. გაზეთ "ასავალ-დასავალის" 2016 წლის 12-18 სექტემბრის ნომერში გამოქვეყნდა პოლიტიკური გაერთიანება "ქართული იდეის" ლიდერის, სანდრო ბრეგაძის ინტერვიუ, რომელიც მორიგ დეზინფორმაციას შეიცავდა", - ნათქვამია ორგანიზაციის ვებგვერდზე გამოქვეყნებულ მასალაში. მასალა პუნქტობრივად პასუხობს ყველა საკითხს, რომელიც ხსენებულ ინტერვიუშია ნახსენები. სრულად  წყარო: ორგანიზაციის ვებგვერდი

აჭარა. ბათუმში, 19 ივლისს, ENPARD-ის პროექტის „სასოფლო–სამეურნეო კოოპერატივების განვითარების სააგენტოს გაძლიერება" ფარგლებში, ესპანურმა კომპანიამ EVOLUXER-მა, წარმოების ორგანიზების კოოპერაციულ პრინციპებისა და მოწინავე პრაქტიკის შესახებ საჯარო სემინარი გამართა. „სემინარი სამოქალაქო საზოგადოების, პოლიტიკის შემქმნელებისა და პროცესებში ჩართული სხვა მხარეების ცნობიერების ამაღლების მიზნით ჩატარდა", ნათქვამია სოფლისა და სოფლის მეურნეობის განვითარების ევროპის სამეზობლო პროგრამის ვებ-გვერდზე. სრულად... წყარო: enpard.ge

სამეგრელო-ზემო სვანეთი. საქართველოს სახალხო დამცველმა მესტიაში ზემო სვანეთის რეგიონული ოფისი გახსნა. ოფისის საქმიანობის მთავარი პრიორიტეტი სვანეთის მოსახლეობისთვის ადამიანის ულებების შესახებ მეტი ინფორმაციის მიწოდება, რეგიონში პრობლემური, მათ შორის სოციალური საკითხების იდენტიფიცირება და ადამიანის უფლებათა დარღვევის ინდივიდუალური საქმეების შესწავლა იქნება. ოფისში გაიხსნება, ას ევე, ბიბლიოთეკა, ჩატარდება თემატური ტრენინგები. მესტიის ოფისი სახალხო დამცველის რეგიონულ ოფისთა შორის რიგით მეცხრეა. სახალხო დამცველის ოფისები მოქმედებს ბათუმში, ოზურგეთში, ქუთაისში, ზუგდიდში, გორში, მარნეულში, თელავსა და ახალქალაქში. სრულად  წყარო: ორგანიზაციის ვებგვერდი

თბილისი. 12 ივლისს, IDFI- ის ორგანიზებით ჩატარდა საჯარო დისკუსია თემაზე - „კერძო და საჯარო სექტორებს შორის დიალოგის მნიშვნელობა კანონპროექტების მომზადების ადრეულ ეტაპებზე". ღონისძიების მისი მიზანი იყო ცნობიერების ამაღლება კანონპროექტების შემუშავების დროს კერძო-საჯარო დიალოგის საჭიროებაზე. შეხვედრა გაიხსნა 2016 წელს IDFI-ის მიერ ჩატარებული მონიტორინგის შედეგების პრეზენტაციით. სრულად... წყარო: idfi.ge

თბილისი. საქართველოს წითელი ჯვრის საზოგადოებამ კატასტროფების მართვის სფეროში მომუშავე არასამთავრობო ორგანიზაციებისთვის შეხვედრა გამართა. შეხვედრის მიზანს სამთავრობო და არასამთავრობო ორგანიზაციებს შორის კატასტროფებისთვის მზადყოფნის, ინფორმაციისა და გამოცდილების გაზიარება, კომუნიკაციისა და კოორდინაციის გაუმჯობესება წარმოადგენდა. სრულად  წყარო: საქართველოს წითელი ჯვრის საზოგადოების გვერდი სოციალურ ქსელში

თბილისი. სამოქალაქო პლატფორმა „არა ფობიას" წევრი ორგანიზაციები 2017 წლის 14 ივლისს დაანონსებულ „ქართველთა მარშს" ეხმაურებიან. ორგანიზაციები მოუწოდებენ ხელისუფლებას მიიღოს სათანადო ზომები, რათა უზრუნველყოფილი იყოს მანიფესტაციის კანონის ჩარჩოებში დარჩენა და თავიდან იქნას აცილებული რასისტულ და ქსენოფობიურ ნიადაგზე ნებისმიერი ძალადობის გამოვლინება. „მშვიდობიანი შეკრებისა და მანიფესტაციის უფლებით სარგებლობა დაცულია საქართველოს კონსტიტუციით და ხაზგასმით აღვნიშნავთ, რომ ამ უფლებით სარგებლობა გარანტირებულია მათ შორის ე.წ. „ქართული მარშის" მონაწილეებისთვისაც. თუმცა, სამართალდამცავი ორგანოების ყურადღებას კიდევ ერთხელ მივაპყრობთ იმ გარემოებას, რომ იმავე ადგილას და მსგავსი შინაარსით 2016 წლის 27 სექტემბერს გამართულ მსვლელობას თან ახლდა არაერთი ძალადობისა და სამართალდარღვევის ჩადენის ფაქტი", - ნათქვამია განცხადებაში. სრულად  წყარო: „საქართველოს დემოკრატიული ინიციატივა"-ს ვებგვერდი

თბილისი. ყაზბეგში ადგილობრივი განვითარების ჯგუფის (LAG Kazbegi) ინიციატივით, გაიმართა ღონისძიება „ჩვენებური ხელნაკვეთი". მოხალისეთა ჯგუფის ძალისხმევით, ყაზბეგის ცენტრალურ პარკში ორგანიზებული იქნა გამოფენა-გაყიდვა, მუსიკის თანხლებით. ღონისძიებაზე მოწვეული იყვნენ ადგილობრივი ხელოვანები რომელთაც შესაძლებლობა მიეცათ თავისუფალ სივრცეში წარმოეჩინათ ნაკეთობები, ნახატები, ნაქარგები, თექით შესრულებული ნამუშევრები. ასევე, წარმოდგენილი იყო მოხალისეთა მიერ მომზადებული საკვები, ტკბილეული. საღამოს ორგანიზება გათვლილი იყო როგორც ადგილობრივი მოსახლეობისთვის საინტერესო ღონისძიებაში ჩართულობაზე ასევე ვიზიტორთათვის ყაზბეგის მუნიციპალიტეტის უკეთ გაცნობაზე. ადგილობრივი განვითარების ჯგუფის ინიციატივა მსგავსი ღონისძიებების ტრადიციად ქცევას ითვალისწინებს და ყაზბეგის მცხოვრებლებს მათში აქტიური მონაწილეობისკენ მოუწოდებს. სრულად  წყარო: „ყაზბეგის განვითარების ჯგუფის" გვერდი სოციალურ ქსელში

თბილისი. საზოგადოებრივი ორგანიზაციები ეხმიანებიან მედიაში გავრცელებულ ინფორმაციას ხელისუფლებისა და სასამართლოს სისტემის წარმომადგენლების არაფორმალურ კავშირებთან დაკავშირებით. საუბარია 10 ივლისს მედიაში გავრცელებულ ინფორმაციააზე, სადაც პარლამენტის იურიდიული კომიტეტის თავმჯდომარის მოადგილე ვანო ზარდიაშვილს, თბილისის სააპელაციო სასამართლოს თავმჯდომარე მიხეილ ჩინჩალაძესა და იუსტიციის უმაღლესი საბჭოს ახალ მდივან გიორგი მიქაუტაძის შორის არაფორმალურ გარემოში შეხვედრაა ასახული. მედიაში, ასევე, გავრცელდა ფოტო, სადაც საბჭოს ახალი მდივანი, „ქართული ოცნების" სხვა ლიდერებთან და მთავარი პროკურორის მოადგილესთან ერთადაა გადაღებული. ამასთან დაკავშირებით, საზოგადოებრივი ორგანიზაციები აცხადებენ: „არასამთავრობო ორგანიზაციებმა არაერთხელ დააფიქსირეს, რომ დღეის მდგომარეობით სასამართლოს სისტემის უმთავრეს პრობლემას კლანური მმართველობა წარმოადგენს, რომელიც ხელისუფლების მხრიდან არის მხარდაჭერილი. ჩვენი ინფორმაციით, სასამართლოს გავლენიან ჯგუფებთან საკონტაქტო პირს მმართველი ძალიდან სწორედ ვანო ზარდიაშვილი წარმოადგენს. ვანო ზარდიაშვილს ახლო ნათესაური და მეგობრული კავშირები აქვს სასამართლო სისტემის ყველაზე გავლენიან პირებთან მიხეილ ჩინჩალაძესა და იუსტიციის უმაღლეს საბჭოში ლევან მურუსიძის შემცველელ გიორგი მიქაუტაძესთან. ასევე, ვანო ზარდიაშვილის მეუღლე იუსტიციის უმაღლეს საბჭოში გამოსაცდელი ვადით გამწესებული მოსამართლეების საქმიანობის შეფასების მართვის დეპარტამენტს ხელმძღვანელობს. ხელისუფლების წარმომადგენლების მსგავსი არაფორმალური ურთიერთობა სასამართლო სისტემის გავლენიან პირებთან, კიდევ ერთხელ ადასტურებს საფუძვლიან ეჭვებს სასამართლოს გავლენიანი ჯგუფისა და ხელისუფლების შეთანხმებული მოქმედებების შესახებ. ხელისუფლების სხვადასხვა შტოებს შორის ამგვარი არაჯანსაღი დამოკიდებულებით, ეჭქვეშ დგება ხელისუფლების დანაწილების და სხვადასხვა შტოების მიერ ურთიერთკონტროლის კონსტიტუციური პრინციპების არსებობა, რაც სერიზულ ზიანს აყენებს დამოუკიდებელი და ხარისხიანი მართლმსაჯულების განვითარების პერსპექტივებს ქვეყანაში. გარდა ამისა, საზოგადოებაში უკიდურესად ამცირებს სასამართლო ხელისუფლების მიმართ ნდობას, განსაკუთრებით იმ გახმაურებულ საქმეებში, რომლებშიც ხელისუფლების ინტერესები იკვეთება. განცხადებაზე ხელმომწერი ორგანიზაციები კიდევ ერთხელ ხაზგასმით მოვუწოდებთ ხელისუფლებასა და შესაბამის ორგანოებს სათანადო ყურადღება მიექცეს მსგავს არაფორმალურ ურთიერთობებს. იმ შემთხვევაში თუ მსგავსი პრაქტიკა გაგრძელდება და ხელისუფლება სასამართლოს სისტემის გაჯანსაღების რეალურ პოლიტიკურ ნებას არ გამოავლენს, ყოველგვარი შემდგომი რეფორმა ისევე დაკარგავს აზრს, როგორც ხელშესახები შედეგი ვერ გამოიღო აქამდე სამ „ტალღად” განხორციელებულმა საკანონმდებლო რეფორმებმა". სრულად  წყარო: „საერთაშორისო გამჭვირვალობა - საქართველოს" ვებგვერდი