თბილისი. 2008 წელს ორთაჭალის ციხის დემონტაჟის შემდგომ, იქ დაცული არქივის ბედი გაურკვეველი იყო. „როგორც გაირკვა, 2008 წელს ორთაჭალის ციხის დანგრევის შემდგომ, ციხის არქივი, ყველანაირი წესის დაცვის გარეშე, გადაიტანეს გლდანის №8 საპყრობილის ადმინისტრაციული შენობის სარდაფში. შემდგომში, IDFI-მ თხოვნით მიმართა სასჯელაღსრულების დეპარტამენტს, დაეშვათ IDFI-ის თანამშრომლები №8 საპყრობილის ადმინისტრაციული შენობის სარდაფში, ციხის არქივის სანახავად. IDFI-ს პირველად მიეცა უფლება, ენახა სად და რა მდგომარეობაში იმყოფებოდა ორთაჭალის ციხის არქივი. არქივის მონახულებისას IDFI-ის თანამშრომლებმა საგანგაშო მდგომარეობა დააფიქსირეს. ... საქმეების დიდი ნაწილი უბრალოდ ძირს ეყარა და განადგურების პირას იყო მისული", ნათქვამია ორგანიზაციის ვებ-გვერდზე.  ინფორმაციის თავისუფლების განვითარების ინსტიტუტმა სასჯელაღსრულების დეპარტამენტს არქივის გადასარჩენად თანამშრომლობა შესთავაზა. „დაიგეგმა საარქივო დოკუმენტების რეაბილიტაცია, შესაბამის შესანახ პირობებში გადატანა, არქივის განახლება და მისი კატალოგიზაცია-გაციფრულება". სრულად... წყარო: idfi.ge

თბილისი. აღმოსავლეთ–დასავლეთის მართვის ინსტიტუტის მიერ გამოცხადებული მოქალაქეთა ჩართულობის საგრანტო კონკურსის ბოლო ვადაა 31 მაისი. ორგანიზაცია აქვეყნებს საგრანტო კონკურსთან დაკავშირებით ხშირად დასმულ კითხვებს, რაც საპროექტო წინადადების დაწერაში დაგეხმარებათ. საგრანტო კონკურსი... ხშირად დასმული კითხვები... წყარო: აღმოსავლეთ დასავლეთის მართვის ინსტიტუტი

csogeorgia.org  საზოგადოებრივ ორგანიზაციებს, ნებისმიერ დაინტერესებულ პირს. ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ–ბიულეტენი...

თბილისი. 25 მაისს, ილიაუნის ლინგვისტურ კვლევათა ინსტიტუტი დამოუკიდებლობის დღესთან დაკავშირებით წარმოადგენს საქართველოს პირველი რესპუბლიკის პროსოპოგრაფიული ბაზის (prosopography.iliauni.edu.ge) მონაცემთა საფუძველზე შექმნილ ელექტრონულ რესურსებს: „ევროპის იდეა 1918-1921 წლების საქართველოს საგანმანათლებლო პოლიტიკაში". „აღნიშნული ბაზა არის მეოცე საუკუნის საქართველოს შესახებ დღემდე ინტერნეტსივრცეში არსებული ყველაზე დიდი რესურსი (20 000-მდე პირი, 12 000-მდე ფაქტოიდი, 3500-ზე მეტი წყარო). ბაზაში დოკუმენტირებულია 1918-1921 წლების პერიოდიკა, საქართველოს სახელმწიფო არქივისა და შინაგან საქმეთა სამინისტროს არქივის დოკუმენტები, ხელნაწერთა ეროვნულ ცენტრსა და ლიტერატურის მუზეუმში დაცული პირადი არქივები”, ნათქვამია უნივერსიტეტის ვებ-გვერდზე. სრულად... წყარო: iliauni.edu.ge

თბილისი. ადამიანის უფლებათა სწავლებისა და მონიტორინგის ცენტრმა (EMC) მუსლიმი თემის წინაშე არსებულ გამოწვევებზე შეხვედრა გამართა.  „ადგილობრივი მუსლიმი თემის წარმომადგენლებს აჭარიდან და ადიგენიდან შესაძლებლობა მიეცათ საკუთარი პოზიციები და გამოწვევები, რის წინაშეც დგანან, უშუალოდ წარმოედგინათ. საქმე ეხება ბათუმის მერიის გადაწყვეტილებას, რომლითაც მუსლიმი თემის თვითორგანიზებულ ჯგუფს უარი ეთქვა ბათუმში ახალი მეჩეთის მშენებლობაზე; და ასევე მთავრობამ დაასრულა მოხეში მდებარე ისტორიულ საკულტო ნაგებობასთან დაკავშირებული დავა და შენობის რესტიტუციის საკითხის გადაწყვეტის ნაცვლად, ადგილობრივ მუსლიმებს ახალი მეჩეთის მშენებლობისთვის მიწის ნაკვეთი გადასცა სალოცავად", ნათქვამია ორგანიზაციის ვებ-გვერდზე.  სრულად... წყარო: www.osgf.ge

აჭარა. 23 მაისს, შუახევის მუნიციპალიტეტის გამგეობაში თავისუფალ ჟურნალისტთა სახლის ორგანიზებით გაიმართა შეხვედრა აჭარის უმაღლესი საბჭოს საკონსტიტუციო, იურიდიული და საპროცედურო საკითხთა კომისიის თავმჯდომარეს ნინო ჩხეტიასთან.  „ადგილობრივ მოსახლეობას შესაძლებლობა ჰქონდა დაესვა კითხვები და გამოეხატა მოსაზრებები მათთვის საინტერესო საკითხებზე", ნათქვამია ორგანიზაციის ვებ-გვერდზე სოციალურ ქსელში.  სრულად... წყარო: ორგანიზაციის ვებ-გვერდი სოციალურ ქსელში

თბილისი. ქართულ-გემრანული არქივი აქვეყნებს ბლოგპოსტს: „გერმანელი კოლონისტების არქიტექტურა საქართველოში" „საქართველოში გერმანელთა ჩამოსვლა რუსეთის იმპერიის ხელშეწყობით 1817 წლიდან იწყება. მათი უდიდესი ნაწილი ვჲურტემბერგელი შვაბები იყვნენ, რომლებმაც რამდენიმე დასახლება, ან, როგორც მაშინ ეძახდნენ - კოლონია, დაარსეს ქვემო ქართლში, სოხუმსა და თბილისთან ახლოს, აგრეთვე დღევანდელ აზერბაიჯანის ტერიტორიაზე. 1817 წლის 21 სექტემბერს საქართველოში ვჲურტემბერგელი შვაბების 31 ოჯახი ჩამოვიდა. ისინი სართიჭალის მახლობლად დაასახლეს და კოლონიას მარიენფელდი უწოდეს. გერმანელთა შემდეგი ნაკადი, 500-მდე ოჯახი, 1818 წელს ჩამოვიდა. 1819 წლისთვის საქართველოს ტერიტორიაზე ექვსი გერმანული კოლონია იყო: მარიენფელდი, ნოი-ტიფლისი, ალექსადერსდორფი, კატარინენფელდი, ელიზაბეტთალი და პეტერსდორფი", ნათქვამია სტატიაში.  სრულად... წყარო: german-georgian.archive.ge

თბილისი. „საქართველოს რეფორმების ასოციაციამ" (GRASS) გამართა პოლიტიკის დოკუმენტის „საქართველოში მცხოვრები ახალგაზრდა ბოშების პრობლემებისა და გამოწვევების" პრეზენტაცია. „შეხვედრაზე განვიხილეთ ყველა ის პრობლემა თუ გამოწვევა, რომლებიც კვლევის ფარგლებში გამოიკვეთა. პრეზენტაციის შემდეგ, გაიმართა დისკუსია და წარდგენილი რეკომენდაციების განხილვა. ღონისძიების მხარდამჭერია ეუთოს დემოკრატიული ინსტიტუტებისა და ადამიანის უფლებათა ოფისი(ODIHR)", ნათქვამია ორგანიზაციის ვებ-გვერდზე სოციალურ ქსელში.  სრულად... წყარო: ორგანიზაციის ვებ-გვერდი სოციალურ ქსელში

თბილისი. რელიგიის თავისუფლების საკითხებზე მომუშავე ორგანიზაციები კონსტიტუტუციური კანონის პროექტის შესახებ სამართლებრივ ანალიზს აქვეყნებენ რელიგიის თავისუფლებასთან დაკავშირებულ საკითხებთან მიმართებით.  „კონსტიტუციური შეთანხმებით ერთი რელიგიური ორგანიზაციის მხარდაჭერის/გაძლიერების ფონზე სხვა აღმსარებლობის პირების რწმენის თავისუფლების „სრული" ფორმით შენარჩუნებაზე აქცენტის დაკარგვამ, შესაძლოა შეზღუდოს რელატიური თავისუფლების – რწმენის და აღმსარებლობის ფარგლები და ნაკლები პრინციპულობა გამოიჩინოს სეკულარული სახელმწიფოს პრინციპის დაცვის კუთხით", ნათქვამია განცხადებაში.  სრულად... წყარო: emc.org.ge

კახეთი. 20 მაისს, თელავის დემოკრატიული ჩართულობის ცენტრმა გამართა საინფორმაციო შეხვედრა რუსული საინფორმაციო წყაროების მიერ წარმოებული ანტიდასავლური პროპაგანდის შესახებ.  „შეხვედრის მიზანი იყო, სტრატეგიული კომუნიკაციების მნიშვნელობის შესახებ ცნობიერების ამაღლება სამოქალაქო საზოგადოების წევრებს შორის და ყოველგვარი საინფორმაციო მასალის კრიტიკულად წაკითხვის მეთოდების მიწოდება, რათა არ გახდნენ ისინი პროპაგანდისა და ცრუ ინფორმაციის მსხვერპლები", ნათქვამია ორგანიზაციის ვებ-გვერდზე.  სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს რეფორმების ასოციაცია აქვეყნებს ახალ პუბლიკაციას „საქართველოს გზა ევროკავშირში გაწევრიანებისაკენ".  „წინამდებარე დოკუმენტი, ორ მიზანს ემსახურება. დოკუმენტი მიმოიხილავს ევროპის კავშირში გაწევრიანების საკანონმდებლო ბაზასა და პროცედურებს, განიხილავს გაერთიანებაში გაწევრიანების ორ ალტერნატიულ გზას და პასუხობს კითხვებზე, თუ როდის და როგორ სჯობს გაწევრიანების გზაზე შემდგომი ნაბიჯების გადადგმა", ნათქვამია ორგანიზაციის ვებ-გვერდზე სოციალურ ქსელში.  სრულად... წყარო: ორგანიზაციის ვებ-გვერდი სოციალურ ქსელში

თბილისი. 18 მაისს, საქართველოს რეფორმების ასოციაციამ (GRASS), გამართა დისკუსია საქართველოს ევროკავშირში გაწევრიანების პერსპექტივასთან დაკავშირებით.  ასოციაციამ წარადგინა ახალი პუბლიკაცია „საქართველოს გზა ევროკავშირში გაწევრიანებისაკენ".  „დისკუსია მიზნად ისახავდა საქართველოს ევროკავშირში გაწევრიანების გზაზე იმ საჭირო ნაბიჯებისა და ამოცანების განსაზღვრას, რომლებიც შესაძლოა ერთიან უწყებათაშორის ხედვასა და ევროკავშირში საქართველოს გაწევრიანების საგზაო რუკაში (Roadmap) აისახოს", ნათქვამია ორგანიზაციის ვებ-გვერდზე სოციალურ ქსელში.  სრულად... წყარო: ორგანიზაციის ვებ-გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) განაგრძობს ამერიკის სახელწმიფო უწყებების გრიფით საიდუმლო მასალების გამოქვეყნებას საქართველოს უახლოეს წარსულზე.  „ამჯერად მკითხველს წარვუდგენთ 1991 წლის სექტემბერში, მოსკოვში ამერიკის საელჩოდან, სახელმწიფო დეპარტამენტში გაგზავნილ საიდუმლო მოხსენებას. დოკუმენტში აღწერილია ამერიკის კონგრესმენთა დელეგაციის შეხვედრა საქართველოს იმჟამინდელი ოპოზიციის წარმომადგენლებთან. „ყოფილი პრემიერ მინისტრის თენგიზ სიგუას მტკიცებით, გამსახურდიას წარმომადგენლები იანაევს [1] 18 აგვისტოს საღამოს შეხვდნენ. ეროვნული გვარდიის სარდალმა თენგიზ კიტოვანმა განუცხადა კონგრესმენებს, რომ მიუხედავად იმისა, რომ სამართლებრივად ის პრეზიდენტს ექვემდებარება, ის აღარ ენდობა გამსახურდიას და მხოლოდ ხალხის წინაშე იქნება პასუხისმგებელი. სიგუას მტკიცებით, გამსახურდიამ არ შეასრულა წინასაარჩევნო პირობა დემოკრატიის შესახებ და საქართველოში დიქტატურა დაამყარა. სიგუა ამბობს, რომ გამსახურდია „ცდილობს ალბანეთის მსგავსი სახელმწიფოს შექმნას"", ნათქვამია დოკუმენტში.  სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) „რას მოითხოვ შენ" კამპანიის ფარგლებში, გიორგი გიორგაძის მოთხოვნას აქვეყნებს. „რას მოითხოვ შენ?" კამპანია არის მცდელობა მოხდეს შრომისა და გარემოს დაცვის მიმართულებით არსებული საკანონმდებლო ხარვეზების, სისტემური პრობლემების იდენტიფიცირება. მტვერი ხშირად იმდენად დიდია სამუშაო ადგილებზე, რომ არამარტო ხილვადობა არის შეუძლებელი, არამედ გარკვეულად კი არა და მთლიანად, ჯანმრთელობაზეც მოქმედებს ეს. ისევე, პრობლემაა გაგრილების სისტემები. მოგეხსენებათ, არსებობს პრემიერ-მინისტრის განსაკუთრებული ბრძანებულება, რომელიც მიუთითებს, რომ არ უნდა აღემატებოდეს სამუშაო ადგილებზე 27 გრადუსზე მეტ ტემპერატურას, ჩვენთან ღუმელებზე, ხშირ შემთხვევაში, ეს, არამარტო 27, არამედ, 30, 32, 35 გრადუსსაც აღწევს. შრომის ინსპექცია არ უნდა იყოს ფასადური, უნდა ჰქონდეს ქმედითი ბერკეტები", ამბობს რესპონდენტი ზესტაფონიდან. სრულად... წყარო: emc.org.ge

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ–ბიულეტენი 208 ...

აჭარა. 16-18 მაისს, ბათუმში, სასტუმრო „ინტურისტში" იმართება სასწავლო სემინარი „საცხოვრისის მართვა და მრავალბინიანი სახლების ენერგოეფექტური სანაცია". სემინარი ორგანიზებულია სამოქალაქო საზოგადოების ინსტიტუტისა და ინიციატივა საბინაო მეურნეობა აღმოსავლეთ ევროპაში (IWO) მიერ, პროექტის - „НОМЕ: გზად საბინაო სექტორის რეფორმებისაკენ: ბინათმესაკუთრეთა გაერთიანებების პოტენციალის ამაღლება აზერბაიჯანში, ბელარუსში, მოლდოვაში, საქართველოსა და უკრაინაში" - ფარგლებში. ბათუმის სემინარი აგრძელებს პროექტის ღონისძიებათა ციკლს, რომლის მიზანია პარტნიორ ქვეყნებში შექმნილი 11 რესურსცენტრის კვალიფიკაციის ამაღლება. რესურსცენტრები ბინათმესაკუთრეებს საინფორმაციო-საკონსულტაციო დახმარებას უწევენ, რათა აამაღლონ მათი ცნობიერება საბინაო მეურნეობის მართვის საკითხებზე და ხელი შეუწყონ სხვადასხვა დაინტერესებული მხარესთან არსებული პრობლემების განხილვას საბინაო ფონდის მართვის სფეროში. აღნიშნულ სემინარზე განიხილება შემდეგი თემები: • რესურსცენტრების ორგანიზაციული განვითარება; • განვითარების სტრატეგიის შემუშავება და განხორციელება; • რესურსცენტრების საინფორმაციო-საგანმანათლებლო აქტივობები; • რესურსცენტრების მონაწილეობა პოლიტიკურ დიალოგსა და გადაწყვეტილებების მიღების პროცესში; • შენობების ენერგოეფექტური სანაცია. სემინარზე წარმოდგენილი იქნება რესურსცენტრების აქტივობები უკრაინასა და მოლდოვაში, მათი განვითარების სტრატეგიის შემუშავებისა და განხორციელების მაგალითები. ასევე სემინარის მონაწილეებს მიეწოდებათ პარტნიორ ქვეყნებში რესურსცენტრების მიერ განვითარებული ტრენინგ-მასალა საბოლოო ბენეფიციარებისათვის (ბინათმესაკუთრეებისათვის). პარტნიორი ქვეყნებიდან ექსპერტები განიხილავენ საზოგადოებრივი მონაწილეობის გაზრდის გზებს გადაწყვეტილებების მიღების პროცესში და რესურსცენტრების ბაზაზე ერთობლივი პლატფორმის შექმნის შესაძლებლობას, რათა მოხდეს არასამთავრობო ორგანიზაციებისა და ბინათმესაკუთრეთა ამხანაგობების გაძლიერება საკანონმდებლო ცვლილებების წინადადებების მომზადების მხრივ. სემინარზე მოხდება ქ. ბათუმის საბინაო ფონდში მიმდინარე ენერგოეფექტურობის პროექტების პრეზენტაცია. ნაწილობრივ სანირებული ქალაქის ადმინისტრაციის შენობებისა და ახალაშენებული კორპუსების მაგალითზე, განიხილება არსებული შესაძლებლობები და შეზღუდვები ენერგოეფექტური ღონისძიებების გატარების მხრივ საქართველოში და პარტნიორ ქვეყნებში. სასწავლო სემინარზე წარიმართება დისკუსია ეროვნული საცხოვრისის სფეროს რეფორმების პერსპექტიული მიმდინარეობების განსაზღვრის მიზნით და სამოქალაქო საზოგადოების როლის, როგორც დამკვირვებელი ინსტიტუტის გაძლიერებაზე. ასევე განიხილება შესაძლებელი ერთობლივი აქტივობების განხორციელება, რათა უზრუნველყოფილ იქნეს საცხოვრისის შესაბამისი მართვა და ენერგოეფექტური სანაცია აზერბაიჯანში, ბელარუსში, მოლდოვაში, საქართველოსა და უკრაინაში.

თბილისი. 15 მაისს, ომბუდსმენმა სახალხო დამცველთან არსებული რელიგიათა საბჭოს რეკომენდაციები წარმოადგინა, რომელსაც სახელმწიფო უწყებების, ადგილობრივი და საერთაშორისო ორგანიზაციებისა და საქართველოში არსებული რელიგიური გაერთიანებების წარმომადგენლები ესწრებოდნენ. „დოკუმენტში ასახულია საქართველოში რელიგიური უმცირესობების წინაშე არსებული გამოწვევები და წარმოდგენილია ამ გამოწვევის გადაჭრის გზები. მათ შორის, კანონმდებლობაში არსებული ნორმების ცვლილების აუცილებლობა, რომელიც შესაძლებელს გახდის, ეფექტურად იქნას გამოძიებული რელიგიური ნიშნით ჩადენილი დანაშაულებები; აღმოიფხვრას არათანაბარი ან დისკრიმინაციული მოპყრობა, რელიგიური უმცირესობებისათვის საკულტო ნაგებობაზე მშენებლობის უფლების გაცემის არასათანადო პრაქტიკა, ისტორიულ ნაგებობებთან დაკავშირებული პრობლემები, უზრუნველყოფილი იყოს საჯარო სკოლებში რელიგიის თავისუფლების და ტოლერანტული გარემოს ხელშეწყობა და სხვა", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ნინო მერებაშვილის ბლოგპოსტს: „ცხოველისადმი სასტიკი მოპყრობის სტატისტიკა საქართველოში". „სამწუხაროდ, ცხოველთა დაცვის გლობალური რეიტინგით არ არის შეფასებული საქართველოში არსებული მდგომარეობა. მიუხედავად იმისა, რომ საქართველოს შინაგან საქმეთა სამინისტროსა და უზენაესი სასამართლოდან მიღებული მონაცემების თანახმად საქართველოში ცხოველთა წინააღმდეგ ძალადობის ძალზედ მცირე რაოდენობით შემთხვევები ფიქსირდება, ვფიქრობთ, ეს ვერ იქნება ქვეყანაში ცხოველთა დაცვის მხრივ არსებული რეალური სურათის ამსახველი. როგორც მიღებული მონაცემები ცხადყოფს, 2006-2016 წლების განმავლობაში ცხოველისადმი სასტიკი მოპყრობის მუხლით სასამართლოთა მიერ განხილულ სისხლის სამართლის საქმეებს მხოლოდ ერთეული ხასიათი ჰქონდა. ამასთან ბრალდებულებს ჯარიმაზე მკაცრი სასჯელი მხოლოდ იმ შემთხვევებში დაეკისრათ, როდესაც ერთი და იმაზე პირის მიმართ ცხოველისადმი სასტიკი მოწყობის საკითხთან ერთად იხილებოდა მკვლელობის, ქურდობისა და იძულების ბრალდებები. აღნიშნულ შემთხვევებს 2009, 2013 და 2014 წლებში ქონდა ადგილი", ნათქვამია ორგანიზაციის ვებ-გვერდზე. სრულად... წყარო: idfi.ge

ამერიკის შეერთებული შტატების კონგრესის ბიბლიოთეკამ გააციფრულა სინაის მთაზე, წმინდა ეკატერინეს სახელობის მონასტერში დაცული 1700 ხელნაწერის მიკროფირი. მათ შორის, ფართო საზოგადოებისათვის დღემდე უცნობი 85 ქართული ხელნაწერი. მასალების დეტალურად ნახვა ნებისმიერ მსურველს შეუძლია ამ ბმულზე:https://go.usa.gov წყარო: აშშ–ის საელჩო საქართველოში

თბილისი. ინფორმაციის თავისუფლების ინსტიტუტი (IDFI) უერთდება გაეროს მეოთხე საგზაო უსაფრთხოების გლობალურ კვირეულს. ორგანიზაციის თანამშრომლები მიმართავენ მძღოლებს: გაუფრთხილდი სიცოცხლეს, შეანელე! სრულად... წყარო: ორგანიზაციის ვებ-გვერდი სოციალურ ქსელში

თბილისი. ომბუდსმენი კიდევ ერთხელ ეხმაურება ე.წ. ციანიდის სისხლის სამართლის საქმის განხილვას და აღნიშნავს, რომ სასამართლო პროცესის სრულად დახურვა არ ემსახურება საგამოძიებო და სასამართლო ხელისუფლების ორგანოების მიმართ საზოგადოების ნდობის ამაღლებას. „იმ პირობებში, როდესაც სისხლის სამართლის საქმის გამოძიება დასრულდა, თუმცა დაცვის მხარეს კვლავ ეკისრება გაუთქმელობის ვალდებულება, საჯარო პროცესი მართლმსაჯულების მიმართ საზოგადოების ნდობის ამაღლების ერთადერთ საშუალებას წარმოადგენს. საქართველოს სახალხო დამცველი იმედოვნებს, რომ სასამართლო გაცილებით უფრო მკაცრ ტესტს გამოიყენებს პროცესის საჯარო ხასიათის შეზღუდვისას და შესაძლებელი გახდება აღნიშნულ საქმეზე საზოგადოებრივი კონტროლის განხორციელება", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. 1 მაისს, ძალაში შევიდა „ინფორმაციის თავისუფლების განვითარების ინსტიტუტის" (IDFI) ახალი წესდება, რომელიც განსაზღვრავს ინსტიტუტის განახლებულ მმართველობით სტრუქტურასა და საქმიან მიმართულებებს. „ახალი წესდების მიხედვით, ორგანიზაციის უმაღლეს მმართველ ორგანოდ განისაზღვრა სამეთვალყურეო საბჭო. სამეთვალყურეო საბჭო განსაზღვრავს ინსტიტუტის განვითარების ზოგად მიმართულებებს და სტრატეგიას, ირჩევს აღმასრულებელ დირექტორს და ზედამხედველობას უწევს მის საქმიანობას. სამეთვალყურეო საბჭოს წევრის უფლებამოსილების ვადაა 4 წელი, უფლებამოსილების 2 წლით გახანგრძლივების შესაძლებლობით", ნათქვამია ორგანიზაციის ვებ-გვერდზე. სრულად... წყარო: idfi.ge