თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „რუსული არხების პოპულარობა და მისია საქართველოში". „ამ კვლევის მიხედვით, საქართველოდან მაყურებლები ძირითადად NTV-ს და ORT-ს ჰყავს… ეს მედია არ არის. ეს არის რუსეთის სახელმწიფო აპარატის ერთ-ერთი განშტოება. ეს არის რუსეთის შესაბამისი სამსახურების მიერ მკაცრად კონტროლირებადი ინსტრუმენტი, რომელსაც კონკრეტული მიზნები აქვს,” აცხადებს IDFI-ს გამგეობის თავჯდომარე ლევან ავალიშვილი ნეტგაზეთთან მიცემულ ინტერვიუში. სრულად... წყარო: idfi.ge

თბილისი. 31 მარტს ფონდ „ღია საზოგადოება – საქართველოში" გაიმართება კონსულტაციის დღე, სადაც პროგრამების მენეჯერები დაინტერესებულ პირთა შეკითხვებს უპასუხებენ. კონსულტაციები ჩატარდება ფონდის ოფისში. კონსულტაციების განრიგი პროგრამების მიხედვით... წყარო: osgf.ge

თბილისი. 28 მარტს „კავკასიურ სახლში" გაიმართა საჯარო დისკუსია და პოლიტიკის დოკუმენტის პრეზენტაცია თემაზე: ,,ირან-საქართველოს ურთიერთობები და ახალი გამოწვევები ბირთვული შეთანხმების შემდეგ". „დოკუმენტში განხილულია საქართველოსა და ირანის ურთიერთობები 1991 წლიდან დღემდე და მისი განვითარების შესაძლებლობები ვენის ბირთვული შეთანხმების შემდეგ. ორ ქვეყანას შორის თანამშრომლობის პერსპექტივები დანახულია საქართველოში მოქმედი რეგიონული ძალების ინტერესებისა და გავლენის დაბალანსების კონტექსტში", ნათქვამია ორგანიზაციის ვებ-გვერდზე. სრულად... წყარო: caucasianhouse.ge

თბილისი. 24 მარტს, ინფორმაციის თავისუფლების განვითარების ინსტიტუტისა (IDFI) და შპს DEVEL-ის თანამშრომლობით გამოცხადებული კონკურსის გამარჯვებულები დაჯილდოვდნენ. „კონკურსი „ინოვაცია და ტექნოლოგიები სამოქალაქო საზოგადოების ჩართულობის გაძლიერება" კომპანია DEVEL-ის ინიციატივითა და IDFI-ის მხარდაჭერით ჩატარდა. კონკურსი მიზნად ისახავდა ისეთი იდეების მხარდაჭერას, რომელიც თანამედროვე ტექნოლოგიების გამოყენებით დაეხმარებოდა საზოგადოებას ცხოვრების დონის გაუმჯობესებაში, გაუღვივებდა პასუხისმგებლობის გრძნობას მის ცალკეულ წევრებს და დაეხმარებოდა სახელმწიფოს თავისი მოვალეობების უკეთ შესრულებაში", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „პოლიტიკური რეკლამის საკითხი დამატებით რეგულირებას საჭიროებს". „მაუწყებლებმა კომუნიკაციის მარეგულირებელ ეროვნულ კომისიას უნდა მიაწოდოს ინფორმაცია საეთერო დროის ტარიფის და გაწეული მომსახურების შესახებ, რაც ასევე მაუწყებელთა ქცევის კოდექსის მიხედვით გულისხმობს ამ ინფორმაციის ტელეკომპანიის ვებგვერდზე გამოქვეყნებას; პოლიტიკური რეკლამის ტარიფი არასაარჩევნო პერიოდშიც ყველა პოლიტიკური პარტიისა და გაცხადებული საარჩევნო მიზნის მქონე პირისთვის ერთნაირი უნდა იყოს...", ნათქვამია ორგანიზაციის ვებ-გვერდზე. სრულად... წყარო: transparency.ge

თბილისი. ომბუდსმენი ადრეულ ასაკში ქორწინების ინდივიდუალური შემთხვევების შესწავლის, შესაბამისი უწყებების საქმიანობის მონიტორინგისა და საინფორმაციო შეხვედრების ანალიზის შედეგად მიღებული ინფორმაციას აქვეყნებს. „საკითხის შესწავლამ ცხადყო, რომ მთავარ გამოწვევას საზოგადოების ცნობიერების დაბალი დონე, სერვისების მიწოდებისას არსებული ხარვეზები და არაეფექტური რეაგირება წარმოადგენს. ეს პრობლემები განსაკუთრებით მაღალმთიან და ეთნიკური უმცირესობით დასახლებულ რეგიონებში იჩენს თავს, სადაც სერვისებზე ხელმისაწვდომობა რიგი მიზეზების გამო რთულდება", ნათქვამია ორგანიზაციის ვებ-გვერდზე. სრულად... წყარო: ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „21-ე საუკუნის გლობალური კრიპტო ომები და ფარული მიყურადების ფაქტები საქართველოში". „ინტერნეტ სივრცეში ჩადენილი ეს და მსგავსი დანაშაულები საგამოძიებო უწყებებისთვის მნიშვნელოვანი გამოწვევაა, რადგან დანაშაულების კვალს სამართალდამცველები ხშირად უცხო ქვეყნის სერვერებზე არსებულ ინფორმაციამდე მიჰყავს. სხვა ქვეყნის ტერიტორიებიდან განხორციელებული კიბერ დანაშაულების გამოძიება კი კომპლექსური პრობლემაა და იგი არამხოლოდ ტექნიკურ, არამედ სამართლებრივ სირთულეებსაც უკავშირდება. რიგ შემთხვევებში, ტექნოლოგიების განვითარებასთან დაკავშირებული დანაშაულების პრევენციისა და მათი გამოძიების პროცესში, სამართალდამცავი ორგანოები და ტექნოლოგიური კომპანიები ერთმანეთთან კონფლიქტში მოდიან, რაც სიმართლის დადგენას და დამნაშავის დროულად დასჯას აჭიანურებს", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრმა (EMC) სასამართლოში წარადგინა სასამართლო მეგობრის პოზიცია, რომელიც მართლმადიდებელი ეკლესიისა და სხვა ოთხი რელიგიური ორგანიზაციის დაფინანსების დეტალურ ანალიზს მოიცავდა. „საკონსტიტუციო სასამართლოს ეს მითითებები მნიშნველოვანი საფუძველი შეიძლება გახდეს იურისპრუდენციის შემდგომი განვითარებისათვის, თუმცა ამ რეალობაში და საკონსტიტუციო სასამართლოს განჩინებით თავისთავად არასეკულარული, კონსტიტუციასთან შეუსაბამო დაფინანსება სეკულარიზმის არგუმენტის გამოყენებით საჯარო კონტროლის ყოველგვარი საშუალების გარეთ რჩება", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი აქვეყნებს ბლოგპოსტს: „საქართველოს თავისუფალი ინდუსტრიული ზონები და საგადასახადო საიდუმლოება". „შემოსავლების სამსახურმა უარი თქვა IDFI-სთვის მიეწოდებინა ინფორმაცია, განახორციელა თუ არა თავისუფალი ინდუსტრიული ზონების შემოწმება და, შესაბამისად, უარი თქვა გადაეცა ასეთი შემოწმების ამსახველი დასკვნა ან ოქმი. ინფორმაციის გაცემაზე უარის საფუძვლად შემოსავლების სამსახურმა მიუთითა საქართველოს საგადასახადო კოდექსის 39-ე მუხლი", ნათქვამია ორგანიზაციის ვებ-გვერდზე.  სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) ახორციელებს პროექტს „მართლმსაჯულების ხელმისაწვდომობის გაძლიერება დისკრიმინირებული რელიგიური თემებისთვის." „პროექტის მიზანია დისკრიმინირებული რელიგიური ჯგუფების უფლებრივი მდგომარეობის გაუმჯობესება და ამ მხრივ არსებული უთანასწორო საკანონმდებლო გარემოსა და პრაქტიკების სამართლებრივი მექანიზმების გამოყენებით შეცვლის ხელშეწყობა. პროექტი გულისხმობს რელიგიის თავისუფლებასთან, ასევე რელიგიურ თემებში ადრეული ქორწინების პრობლემასთან დაკავშირებით სტრატეგიული სამართალწარმოების განხორციელებას და საჯარო სკოლებში ინდოქტრინაციის, პროზელიტიზმისა და დისკრიმინაციის პრაქტიკების გამოვლენასა და აღმოფხვრას. პროექტის საქმიანობის მნიშვნელოვან ნაწილს მოიცავს რელიგიურ თემებში ადრეული ქორწინების პრობლემაზე საინფორმაციო შეხვედრების ჩატარება", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს ბლოგპოსტს: „ქველმოქმედება პოლიტიკური მიზნებით". „დღეისათვის, სახელმწიფო აუდიტის სამსახურმა პარტიებისთვის დადგენილ ფინანსურ მონიტორინგს ლეონიდ ჩერნოვეცკის მხოლოდ ერთი ფონდი - „გაერთიანება ბედნიერი საქართველოსთვის" დაუქვემდებარა, ხოლო მისივე საქველმოქმედო ფონდი „სოციალური პარტნიორობა" მონიტორინგის მიღმაა დარჩენილი. რაც შეეხება პაატა ბურჭულაძეს, მონიტორინგს არ ექვემდებარება არც „პაატა ბურჭულაძის საქართველოს განვითარების ფონდი" და არც მისი საქველმოქმედო საქმიანობა, ვინაიდან მას არჩევნებში მონაწილეობის შესახებ გაცხადებული არ აქვს", ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. კავკასიის კვლევითი რესურსების ცენტრი (CRRC) აქვეყნებს კვლევას: „საცხოვრებლის ტიპები საქართველოს ქალაქებში". „ქალაქებში მცხოვრები მოსახლეობის უმეტესობა (თბილისის 78% და სხვა ქალაქების 53%) დიდ საცხოვრებელ კორპუსებში ცხოვრობს. თბილისის მოსახლეობის მხოლოდ 14% ცხოვრობს კერძო სახლებში, სხვა ქალაქების მაცხოვრებლების 41 პროცენტთან შედარებით. რაც შეეხება საკუთრების ფორმას, თბილისის მოსახლეობის 83% და სხვა ქალაქების - 90% ფლობს საკუთარ საცხოვრებელს. თბილისში მაცხოვრებელთა მხოლოდ 9%, სხვა ქალაქებში კი 3% ქირაობს სახლს ან ბინას, რომელშიც ცხოვრობს. ქალაქის მაცხოვრებელთა ერთი მესამედი სამოთახიან საცხოვრისში ცხოვრობს. ერთ და ოროთახიანი ბინები უფრო ხშირია დედაქალაქში, ხოლო ხუთ ან უფრო მეტ ოთახიანი საცხოვრისები - სხვა ქალაქებში", ნათქვამია კვლევაში. სრულად... წყარო: crrc.ge

შიდა ქართლი. 17 მარტს, „კეთილდღეობისა და განვითარების ცენტრთან" არსებული გორის სამოქალაქო აქტივიზმის ცენტრის მოხალისეები გორში მცხოვრებ წარმატებულ ქალბატონებს შეხვდნენ. საუბარი შეეხო იმას, თუ როგორ მიაღწიეს წარმატებას და რა უნარ ჩვევები გამოადგათ მათ ამ წარმატების გზაზე. სრულად... წყარო: ორგანიზაციის ვებ-გვერდი სოციალურ ქსელში

გაეროს SDSN-ის და GALLUP-ის კვლევის მიხედვით, რომელიც უკვე მეოთხედ ტარდება, 156 ქვეყანას შორის საქართველო წელს 126-ე ადგილზე იმყოფება. გასულ წელს 158 ქვეყნიდან საქართველო  130-ე  ადგილზე იყო. ყველაზე ბედნიერი ქვეყნების ხუთეულში დანია, შვეიცარია, ისლანდია, ნორვეგია და ფინეთი შევიდა. ყველა ამ ქვეყანას კარგად განვითარებული სოციალური დახმარების სისტემა აქვს. სრულად... წყარო: ginsc.net

თბილისი. ინფორმაციის თავისუფლების განვითარების ინსტიტუტი (IDFI) სტრატეგიული გეგმა საქართელო 2020-ის ფარგლებში აქვეყნებს სტატიას: „საჯარო სამსახურის რეფორმის ანალიზი". „საჯარო სამსახურის რეფორმის ცენტრალურ მიზანს წარმოადგენს კარიერულ წინსვლაზე, კეთილსინდისიერებაზე, პოლიტიკურ ნეიტრალიტეტზე, მიუკერძოებლობასა და ანგარიშვალდებულებაზე დაფუძნებული, სტაბილური, ერთიანი საჯარო სამსახურის ჩამოყალიბება და მისი ეფექტიანი ოპერირებისათვის სამართლებრივი საფუძვლების შექმნა", ნათქვამია ბლოგპოსტში. სრულად... წყარო: idfi.ge

თბილისი. ეკონომიკური პოლიტიკის კვლევების ცენტრი აქვეყნებს ახალ პუბლიკაციას: „ჰიბრიდული ომი და ევრო–ატლანტიკური სივრცის უსაფრთხოების ლანდშაფტის ცვლილება". „დღეს, ევროპის მომავალი მის აღმოსავლეთ საზღვართან – დემოკრატიული ფრონტის წინა ხაზზე ყალიბდება. ფრონტისპირა ეს ახალგაზრდა დემოკრატიები მრავალი პრობლემის წინაშე დგანან. ეს პრობლემები შინაარსით ერთმანეთს ჰგავს, მაგრამ განსხვავდება ცალკეული ქვეყნის სახელმწიფოებრიობაზე ზეგავლენის ხარისხით...", ნათქვამია პუბლიკაციის რეზიუმეში. პუბლიკაცია... წყარო: eprc.ge

თბილისი. საერთაშორისო გამჭვირვალობა - საქართველო საპარლამენტო ამბების პოდკასტს აქვეყნებს. გასულ კვირას პარლამენტში განხილული საკითხებია: „საგზაო მოძრაობის შესახებ" კანონში შესატანი ცვლილებები, გაერთიანებული სხდომა ქვეყანაში ენერგეტიკის სფეროში არსებული მდგომარეობის შესახებ, უზენაესი სასამართლოს წევრის თანამდებობაზე ანა დოლიძის კანდიდატურა", ნათქვამია ორგანიზაციის ვებ-გვერდზე. სრულად... წყარო: www.transparency.ge

სამცხე-ჯავახეთი. 5-6 მარტს საქართველოს პარლამენტის ღია და გამჭვირვალე მმართველობის მუდმივმოქმედი საპარლამენტო საბჭოს და საკონსულტაციო ჯგუფის სამუშაო შეხვედრა გაიმართა. „მონაწილეებმა იმსჯელეს საქართველოს ღია პარლამენტის 2015-2016 წლების სამოქმედო გეგმის შესასრულებელ ვალდებულებებზე. გაეცნენ ვალდებულებების ინიციატორთა მიერ წარმოდგენილ კონცეფციების და განიხილეს ვალდებულებათა განხორციელების გზები. საქართველოს ღია პარლამენტის 2015-2016 წლების სამოქმედო გეგმა 18 ვალდებულებას მოიცავს და ამ დროისთვის განხორციელებულია მხოლოდ 2 ვალდებულება: „ღია და გამჭვირვალე მმართველობის მუდმივმოქმედი საბჭოს შექმნა" (4.1. ვალდებულება, რომლის ინიციატორი იყო ინფორმაციის თავისუფლების განვითარების ინსტიტუტი - IDFI) და „საზოგადოებრივი განათლებისა და ცნობიერების ამაღლება საქართველოს პარლამენტის საქმიანობაზე, მის როლსა და მისიაზე; პარლამენტის ინსტიტუციონალური იმიჯისა და როლის გაძლიერება" (1.6. ვალდებულება, ინიციატორი - საქართველოს პარლამენტის აპარატი)", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) „სტრატეგიული გეგმა საქართველო 2020"-ის ფარგლებში აქვეყნებს სტატიას „პრემირების/დანამატების სისტემა და პოლიტიკურად ნეიტრალური საჯარო სამსახური?!" „საჯარო მოხელეების პრემიებით და დანამატებით დაჯილდოების პრაქტიკა და კონკრეტულ თანამდებობის პირებზე მაღალი პრემიების გაცემის შემთხვევებზე საზოგადოებრივი უკმაყოფილება მზარდია და მუდმივად ისმის კითხვები: ვის ეკუთვნოდა და ვის არა? ვინ ვისზე მეტი ხელფასი და პრემია გამოიწერა? („გამოიწერა" თავისთავად საინტერესო პრაქტიკაა, ხშირად თანამდებობის პირები საკუთარ თავს თავადვე აჯილდოვებენ პრემიებით და სახელფასო დანამატებით)", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ახალ საინფორმაციო ბიულეტენს, სადაც თავმოყრილი და შეჯამებულია ორგანიზაციის მიერ თებერვლის თვეში განხორციელებული აქტივობები. ესენია: ღია მონაცემები: ცვლილებებისა და ინოვაციების წყარო, სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება (2015-2016), ღია მმართველობის პარტნიორობის (OGP) ინიციატივაში საქართველოს პარლამენტის ჩართულობის მხარდაჭერა, საჯარო და კერძო სექტორებს შორის დიალოგის ხარისხის კონტროლი საქართველოში. სრულად... წყარო: idfi.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „თბილისის შემოვლითი რკინიგზა - მთავრობის დავიწყებული პრიორიტეტი?". „თბილისის შემოვლითი რკინიგზა, რომლის მშენებლობაც 2010 წელს დაიწყო, ბოლო პერიოდში არაერთხელ გახდა პოლიტიკური ურთიერთბრალდებების საგანი. „საერთაშორისო გამჭვირვალობა - საქართველომ", პროექტის მნიშვნელობიდან გამომდინარე, შემოვლითი რკინიგზის მშენებლობის შესახებ კვლევა წარსულშიც მოამზადა და ხელისუფლებას შესაბამისი რეკომენდაციებით მიმართა", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 24-26 თებერვალს, სლოვაკეთში გაიმართა კონფერენცია ღია პარლამენტისა და მოქალაქეთა ჩართულობის თემაზე. „საქართველოს დელეგაციამ კონფერენციის მონაწილეებს საქართველოს გამოცდილება შემდეგ სესიებში გაუზიარა: საკანონმდებლო ღიაობის სამოქმედო გეგმები და სამოქალაქო სექტორთან თანამშრომლობის მექანიზმები, და საკანონმდებლო პროცესებში სამოქალაქო სექტორის ჩართულობის მექანიზმები", ნათქვამია ორგანიზაციის ვებ-გვერდზე. სრულად... წყარო: idfi.ge