8 მაისს, 21:00 საათზე, USAID-ის ეკონომიკური უსაფრთხოების პროგრამა და ელექტრონული კომერციის ასოციაცია - საქართველო გიწვევთ რიგით მეოთხე ვებინარზე თემა: ტექნოლოგიური პლატფორმები ონლაინ ვაჭრობისათვის. სრულად...

8 მაისს, 19:00 საათზე EMC-ს ოფიციალურ ფეისბუკ გვერდზე გაიმართება დისკუსია და კვლევების პრეზენტაცია: „მევახშეობა“ - მიზეზები და შედეგები. სრულად...

8 მაისს 17:30 საათზე, საქართველოს მწვანეთა მოძრაობა/დედამიწის მეგობრები-საქართველოს ორგანიზებით გაიმართება ვებინარი: „მწარმოებლის გაფართოებული ვალდებულებები და ცირკულარული ეკონომიკა“. სრულად...

8 მაისს, 17:00 საათზე საბჭოთა წარსულის კვლევის ლაბორატორია Facebook Live-ით გთავაზობთ დისკუსიას - მეორე მსოფლიო ომი - ცოდნის ფრაგმენტები. სრულად...

8 მაისს, 16:00 საათზე, USAID/PROLoG-ის ფეისბუქ გვერდზე გაიმართება W-Talk ლაივი ანა აბაშიძის და პარლამენტის წევრ, თამარ ჩუგოშვილის მონაწილეობით. თამარი ისაუბრებს ქალთა პოლიტიკურ მონაწილეობაზე და მათ როლზე ქალთა უფლებების დაცვის და გაძლიერების პროცესში. სრულად...

8 მაისს, 15:00 საათზე, სოციალურ საწარმოთა ალიანსი • Social Enterprise Alliance Georgia და სამოქალაქო საზოგადოების ინსტიტუტი სოციალურ მეწარმეებს სთავაზობს ვებინარს: სოციალური მეწარმეობა და ანტიკრიზისული გეგმა. სრულად...

8 მაისს, 13:00 საათზე, ინფორმაციის თავისუფლების განვითარების ინსტიტუტი (IDFI) გიწვევთ ონლაინ ტრენინგზე/ვებინარზე კორონავირუსთან დაკავშირებული დანახარჯების მონიტორინგის საკითხებზე. სრულად...

8 მაისს, 12:00-ზე, USAID-ის დემოკრატიული მმართველობის ინიციატივა ჩაატარებს ონლაინ დისკუსიას თემაზე: არის თუ არა OGP გამოცდილების გაზიარების და კოორდინაციის ეფექტური პლატფორმა პანდემიის დროს. სრულად...

თბილისი. ევროკავშირი და გაეროს განვითარების პროგრამა იწყებენ 9 მილიონი ლარის ღირებულების საგრანტო პროგრამას საქართველოს სოფლის დასახმარებლად პანდემიით გამოწვეული ეკონომიკური და სოციალური კრიზისის პირობებში. „გრანტების მიზანია სოფლად არაფერმერული ბიზნესის განვითარება, მდგრადი სამუშაო ადგილების შექმნა, ბუნებრივი რესურსების მდგრადი მართვა და კლიმატის ცვლილების შერბილება“. მეტი ინფორმაციისთვის... წყარო: სოციალური ქსელი

თბილისი. Covid-19 პანდემიისა და ქვეყანაში გამოცხადებული საგანგებო მდგომარეობის მიუხედავად, სახალხო დამცველის აპარატი დისტანციურ რეჟიმში აგრძელებს აქტიურ მუშაობას. „პანდემიის ნეგატიური შედეგები განსაკუთრებით მძიმედ აისახება ისეთი მოწყვლადი ჯგუფების უფლებებზე, როგორებიცაა მოქალაქეობის არმქონე პირები, თავშესაფრის მაძიებლები და საერთაშორისო დაცვის მქონე პირები. აპარატი აქტიურად მუშაობს ამ ბენეფიციარების უფლებების დასაცავად და მზად არის დისტანციურ რეჟიმში, ცხელი ხაზის მეშვეობით აღნიშნულ პირებს გაუწიოს სამართლებრივი კონსულტაცია და დახმარება. ბენეფიციარებს შეუძლიათ დაგვიკავშირდნენ 24/7 აპარატის ცხელ ხაზზე: 1481“. სრულად... წყარო: ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) კითხვის ნიშნის ქვეშ აყენებს საქართველოს მიერ ასოცირების ხელშეკრულების 143-ე მუხლით ნაკისრი ვალდებულების ჯეროვან შესრულებას. „ვფიქრობთ, რომ დავების განმხილველი საბჭოს დამოუკიდებლობის ინსტიტუციური ჩარჩო ჯერ კიდევ შორსაა იმ სტანდარტებისგან, რომელსაც ევროპის კავშირთან ხელმოწერილი შეთანხმება გვავალდებულებს“. სრულად... წყარო: idfi.ge

თბილისი. გაეროს ქალთა ფონდის ინფორმაციით, საქართველოში ქალთა გაძლიერების პრინციპებზე ხელმომწერი კომპანიები ქალთა მხარდასაჭერად ახალ ინიციატივებს გეგმავენ. „ეს ინიციატივები კი ითვალისწინებს მეწარმე ქალების მნიშვნელოვან როლს ქვეყნის ეკონომიკაში და იმ ნეგატიურ ზეგავლენას, რომელსაც COVID-19 მოახდენს როგორც მეწარმე, ისე ქვეყანაში მცხოვრებ სხვა ქალებზე. ერთ-ერთი კომპანია, რომელმაც ამ მიმართულებით ნაბიჯები გადადგა, „საქართველოს აუდიტორული კომპანიაა“. მან ქალთა გაძლიერების პრინციპებს ხელი 2020 წლის იანვარში მოაწერა. თებერვლის ბოლოს, როცა საქართველოში COVID-19-ის პირველი შემთხვევა დადასტურდა, კომპანიამ საჯაროდ გამოაცხადა, რომ მეწარმე ქალებს საგადასახადო ვალდებულებების დეკლარირების მომსახურებას უფასოდ სთავაზობდა. მარტში ამ სერვისით 23-მა ქალმა ისარგებლა“, ნათქვამია ორგანიზაციის ვებგვერდზე. სრულად... წყარო: georgia.unwomen.org

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: კანონის უზენაესობა და ადამიანის უფლებები COVID-19 კრიზისის დროს. „წინამდებარე დოკუმენტი მიმოიხილავს საგანგებო მდგომარეობის დროს კანონის უზენაესობისა და ადამიანის უფლებების დაცვასთან დაკავშირებულ საერთაშორისო სტანდარტებს, ასევე აანალიზებს შემდეგ ფუნდამენტურ უფლებებთან დაკავშირებულ ძირითად გამოწვევებს: სამართლიანი სასამართლოს უფლება, გამოხატვის თავისუფლება/ინფორმაციის ხელმისაწვდომობა და პირადი ცხოვრების ხელშეუხებლობა“. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სტატიების კრებულს, რომელიც მომზადებულია ევროკავშირის მიერ დაფინანსებული პროექტის „სასამართლო რეფორმის განხორციელების მხარდაჭერის (FAIR)“ ფარგლებში. „კრებული აერთიანებს რვა დამოუკიდებელ სტატიას, რომლებშიც გაანალიზებულია მართლმსაჯულების სფეროში არსებული აქტუალური და კრიტიკული საკითხები. სტატიების ავტორები შეირჩნენ „ადამიანის უფლებების სწავლებისა და მონიტორინგის ცენტრის“ (EMC) მიერ ორ ეტაპად გამოცხადებული კონკურსის საფუძველზე, სადაც ნებისმიერ დაინტერესებულ პირს ჰქონდა შესაძლებლობა, EMC-ის გუნდისთვის გამოეგზავნა შესაბამისი განაცხადი“. სრულად... წყარო: emc.org.ge

7 მაისს, 18:00 საათზე Facebook ჯგუფში PITA-StopCovid19 გაიმართება ონლაინ შეხვედრა-დისკუსია, სადაც ქართველი და ამერიკელი სტუდენტები ვირუს COVID-19-თან დაკავშირებულ სხვადასხვა საკითხს განიხილავენ. სრულად...

7 მაისს, 14:00-ზე USAID-ის მისიის დირექტორი პიტერ ვიბლერი, ნათია მეზვრიშვილთან, გიორგი კლდიაშვილთან და კრისტინა რეინსალუსთან ერთად მონაწილეობას მიიღებს Facebook ლაივ ჩართვაში, რომელიც გაიმართება თემაზე "ღია მმართველობა საქართველოში პანდემიის დროს". სრულად...

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ვიზუალიზაციას საგანგებო მდგომარეობის ფარგლებში პროკურატურის მუშაობის შესახებ.  „სასამართლო სხდომები შესაძლებელია გაიმართოს დისტანციურად, კომუნიკაციის ელექტრონული საშუალებების გამოყენებით. საქართველოს პროკურატურის ყველა ოფისი აღიჭურვა შესაბამისი ტექნიკური საშუალებებით და მოხდა პროგრამული უზრუნველყოფა“. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს განცხადებას და მიიჩნევს, რომ უწყებებმა საგანგებო მდგომარეობისას საჯარო ინფორმაცია დროულად და სრულყოფილად უნდა გასცენ. „არსებული კრიზისული ვითარების ეფექტიანად მართვისთვის, აუცილებელია საზოგადოება მაქსიმალურად იყოს ინფორმირებული თითოეული უწყების საქმიანობაზე და ზოგადად არსებულ ვითარებაზე. საგანგებო მდგომარეობის პირობებში, როცა ადამიანის უფლებების დარღვევის ისედაც მომეტებული საფრთხეები არსებობს, მნიშვნელოვანია, რომ სახელმწიფომ მაქსიმალური ძალისხმევა გაწიოს უწყებების დემოკრატიული ფუნქციონირების უზრუნველსაყოფად. წინააღმდეგ შემთხვევაში, შესაძლოა, უფლებების პოტენციური დარღვევის ფაქტები დაფარული და საზოგადოებრივი კონტროლის მიღმა აღმოჩნდეს“, ნათქვამია ორგანიზაციის ვებგვერდზე. სრულად... წყარო: emc.org.ge

გაეროს ქალთა ფონდის ინფორმაციით, ვანის რაიონის სოფელ მთისძირში ფერმერმა ქეთი თომეიშვილმა კიტრის ერთი სათბური თანამშრომელ ქალებს აჩუქა. „ხელფასებიც გავუზარდე, მაგრამ რომ მივხვდი, ეს საკმარისი არ იყო, სათბური მივეცი. მოსავალი 3 კვირაში მოვა და გაყიდვაშიც დავეხმარები. რამდენიმე თვით მოგების გარეშე ყოფნა მე არ გამაღატაკებს, ჩემს გოგოებს კი ძალიან გაუჭირდებოდათ“, - ამბობს ქეთი. ორგანიზაციის გადმოცემით, ქეთის კიტრის სასათბურე მეურნეობაში 4 ადგილობრივი ქალი მუშაობს. ქეთი თომეიშვილი გაეროს ქალთა ორგანიზაციის პროექტის „ერთობლივი ძალისხმევა ქალთა ეკონომიკური გაძლიერებისთვის“ ერთ-ერთი მონაწილეა. პროექტს გაეროს ქალთა ორგანიზაცია საქართველოს ფერმერთა ასოციაციასთან პარტნიორობით, ნორვეგიის მთავრობის დაფინანსებით ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა (EMC) დასაქმებულების ინტერესების დაცვის მიზნით, „ევოლუშენ ჯორჯიას“ წინააღმდეგ თბილისის საქალაქო სასამართლოს მიმართა. „EMC წარმოადგენს კომპანიიდან გამოსაცდელი ვადის პერიოდში გათავისუფლებული 14 თანამშრომლის ინტერესებს და ამტკიცებს, რომ შპს „ევოლუშენ ჯორჯიამ“ ბოროტად გამოიყენა საკუთარი უფლებამოსილება და უკანონოდ და დაუსაბუთებლად შეწყვიტა მოსარჩელეებთან შრომითი ურთიერთობა, რითაც ზიანი მიაყენა მათ ინტერესებს. მოსარჩელეები სამსახურიდან გათავისუფლების ბრძანების უკანონოდ ცნობას, სამსახურში აღდგენასა და იძულებითი განაცდურის ანაზღაურებას ითხოვენ“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. „სამართლიანი არჩევნებისა და დემოკრატიის საერთაშორისო საზოგადოებამ“ გამოავლინა მჭიდრო კოორდინაციის ნიშნების მქონე ცრუ მედია გვერდების ქსელი „ფეისბუქზე“, რომელიც შენიღბულად და ერთგვაროვანი ტაქტიკის გამოყენებით ცდილობს პროსახელისუფლებო გზავნილების არაავთენტურად გავრცელებას და კრიტიკული აზრის დემონიზებას. „ეს ცრუ მედია გვერდები პროსახელისუფლებო სტატიების გარდა, ხელისუფლების მიმართ კრიტიკულად განწყობილი საჯარო პირებისა და ოპოზიციონერი ლიდერების დისკრედიტაციისთვის მიზანმიმართულ დეზინფორმაციასაც ავრცელებენ“. სრულად... წყარო: isfed.ge