გურიის სამოქალაქო ცენტრი აკვირდება სოფლის მხარდაჭერის პროგრამა რამდენად გამჭვირვალედ და გამართულად მიმდინარეობს ჩოხატაურის და ოზურგეთის მუნიციპალიტეტებში. გაეცანით დაკვირვების შედეგებს, რომელსაც ორგანიზაცია ქარდების საშუალებით გთავაზობთ.  გურიის სამოქალაქო ცენტრი მონიტორინგს USAID–ის ადგილობრივი თვითმმართველობის პროგრამის მხარდაჭერით ახორციელებს და აგრძელებს რეგიონში მცხოვრები მოსახლეობის მხარდაჭერას, რათა აქტიურად ჩაერთონ მნიშვნელოვანი გადაწყვეტილებების მიღების პროცესში.  წყარო: USAID–ის ადგილობრივი თვითმმართველობის პროგრამა

თბილისი. CENN-მა გამოაქვეყნა ახალი პუბლიკაცია – „საძოვრების მდგრადი მართვა. გზამკვლევი მომხმარებელს და დაინტერესებულ პირებს აწვდის ინფორმაციას ჯანსაღი და პროდუქტიული საძოვრების შენარჩუნების გზების შესახებ, რომელიც სარგებელს მოუტანს, როგორც გარემოს, ასევე, ადგილობრივ თემს. პუბლიკაცია... სრულად... წყარო: ორგანიზაციის გვერდი სოციალურ ქსელში

26 ივნისს, 14:00 საათზე, საქართველოს ფერმერთა ასოციაცია პარტნიორ ორგანიზაცია Defood-თან ერთად ჩაატარებს ვებინარს თემაზე: ექსპორტის შესაძლებლობა პოლონეთში ციფრული პლატფორმის საშუალებით.  სრულად... წყარო: ფერმერთა ასოციაცია

გურია. 2023 წელს, CENN-მა ევროკავშირის მხარდაჭერითა გურიის რეგიონში დაიწყო სოფლის განვითარების პროექტი – მწვანე გურია. ორგანიზაცია პროექტს პარტნიორ ორგანიზაციებთან - ახალგაზრდა პედაგოგთა კავშირთან, დემოკრატიის ინსტიტუტთან და ქედის ადგილობრივ სამოქმედო ჯგუფთან (LAG) თანამშრომლობით ახორციელებს.  რა გაკეთდა? მწვანე გურიის პროექტის ფარგლებში უკვე განხორციელდა მნიშვნელოვანი აქტივობები, რომლებიც ხელს უწყობს მთავარი მიზნების მიღწევას:  გურიის სამივე მუნიციპალიტეტში უკვე ჩამოყალიბდა ადგილობრივი სამოქმედო ჯგუფები (LAG), რომელთა თავმჯდომარეები გასული წლის ზაფხულში, არჩევნების გზით შეირჩნენ.  ოზურგეთის, ჩოხატაურისა და ლანჩხუთის ადგილობრივმა სამოქმედო ჯგუფებმა უკვე დაასრულეს მუშაობა ადგილობრივი განვითარების სტრატეგიის დოკუმენტის შექმნაზე. ეს დოკუმენტები დაიწერა თითოეული მუნიციპლიტეტისთვის ცალ-ცალკე და მასში გაწერილია თითოეულ მუნიციპალიტეტში არსებული გამოწვევები და ამ გამოწვევების მოგვარების გზები.  ასევე, პროექტის ფარგლებში გურიის სამივე მუნიციპალიტეტში ჩატარდა ორგანიზაციული განვითარების ტრენინგები, იმისათვის რომ ახლადშექმნილ LAG-ებს უკეთ ემუშავათ. LAG-ებისთვის ჩატარდა შემდეგი ტრენინგები: სამართლებრივი, ინსტიტუციური და ფინანსური მმართველობა; კერძო და საჯარო თანამშრომლობა, მოლაპარაკების უნარები, ფასილიტაცია; საზოგადოებასთან ურთიერთობა; ადვოკატირება და ლობირება; პროექტების ციკლი და გრანტის მართვა, ფონდების მოძიება, გენდერული მეინსტრიმინგი.  ადგილობრივი სამოქმედო ჯგუფებისთვის ჩატარებულ ტრენინგებს სამივე მუნიციპალიტეტის LAG-ების 100-ზე მეტი წარმომადგენელი დაესწრო.  ასევე, ადგილობრივი მოსახლეობისთვის ჩატარდა ცნობიერების ასამაღლებელი ტრენინგები: ნარჩენების მართვა; მწვანე ზრდის შესაძლებლობები და სოფლის ეკონომიკური წყაროების დივერსიფიკაცია; კლიმატგონივრული ჭკვიანი და მდგრადი სასოფლო–სამეურნეო პრაქტიკა; სურსათის უვნებლობა და წარმოების სტანდარტი; სოფლის განვითარების ევროპული მოდელი. თემატურ ტრენინგებზე დასწრება რეგიონში მცხოვრებ ნებისმიერ მსურველს შეეძლო და მათ გურიის 450-მდე მოსახლე დაესწრო.  ასევე, პროექტის ფარგლებში კონკურსის გზით გურიის სამივე მუნიციპალიტეტიდან შეირჩა რეგიონში მოქმედი სამოქალაქო-საზოგადოებრივი 12 ორგანიზაცია. კონკურსის მიზანი ორგანიზავიების პოვნა, მათი დახმარება და გაძლიერებაა.  რა იყო დაგეგმილი ან რა იგეგმება იხილეთ... წყარო: CENN

გაეროს განვითარების პროგრამამ საქართველოს სოფლის განვითარების სააგენტოსთან ერთად, ადგილობრივ ფერმერებს ახალი რესურსები და საგანმანათლებლო შესაძლებლობები შესთავაზა.  ოქტომბერში გამართულ შეხვედრაზე, პროექტის შესახებ იმსჯელეს გარემოს დაცვისა და სოფლის მეურნეობის სამინისტროს, სოფლის განვითარების სააგენტოს, გარემოს ეროვნული სააგენტოსა და სოფლის მეურნეობის სამეცნიერო-კვლევითი ცენტრის წარმომადგენლებმა და UNDP-ის მიერ მოწვეულმა საერთაშორისო ექსპერტებმა. აღნიშნული ინიციატივა ხორციელდება UNDP-ის ფართომასშტაბიანი კლიმატური პროგრამის ფარგლებში კლიმატის მწვანე ფონდის, შვედეთისა და შვეიცარიის დახმარებით.  სრულად... წყარო: გაეროს განვითარების პროგრამა

ქვემო ქართლი. კავკასიის გარემოსდაცვითი არასამთავრობო ორგანიზაციების ქსელმა (CENN) შვეიცარიული ორგანიზაცია HEKS/EPER-ის ფინანსური მხარდაჭერით, ახალგაზრდებისათვის გარემოს დაცვისა და კლიმატის ცვლილებების მიმართ მედეგი სოფლის მეურნეობის თემატურ ბანაკს უმასპინძლა.  ბანაკი გაიმართა პროექტის – „კლიმატის ცვლილების მიმართ მედეგი სოფლის მეურნეობა – PRAISE Marneuli” ფარგლებში. ბანაკში მონაწილეობდნენ მარნეულის მუნიციპალიტეტში მცხოვრებმა 15 ახალგაზრდა. მათ გაიღრმავა ცოდნა სასურსათო სისტემების, სოფლის განვითარებისა, სოფლის მეურნეობის კლიმატის ცვლილების შესახებ.  სრულად... წყარო: კავკასიის გარემოსდაცვითი არასამთავრობო ორგანიზაციების ქსელი

გურია. ოზურგეთის, ჩოხატაურისა და ლანჩხუთის მოსახლეობას შესაძლებლობა ეძლევათ ერთდღიან ტრენინგს დაესწრონ, რომელიც კავკასიის გარემოსდაცვითი არასამთავრობო ორგანიზაციების ქსელის (CENN) - მიერ, ევროკავშირის მიერ მხარადჭერილი პროექტების ფარგლებში ტარდება.  ჩოხატაური: 25 ან 26 სექტემბერი  ოზურგეთი: 27 ან 28 სექტემბერი  ლანჩხუთი: 29 ან 30 სექტემბერი სრულად... წყარო: ევროკავშირის წარმომადგენლობა საქართველოში

თბილისი. კოალიციამ ინფორმაციის სანდოობისთვის მასშტაბური საინფორმაციო კამპანიის „ახლა“ პრეზენტაცია გამართა. „ევროკავშირის წევრობა საქართველოს მოსახლეობის ურყევ მისწრაფებად რჩება. კამპანია „ახლა“ წარმოაჩენს თუ რა მნიშვნელოვან სარგებელს მიიღებს თითოეული ოჯახი საქართველოს ევროკავშირში გაწევრებით. ის გვიჩვენებს მაგალითებს, თუ რამდენად სწრაფად და თვალსაჩინოდ შეიცვალა სოციალურ-ეკონომიკური მდგომარეობა უკეთესობისკენ იმ ქვეყნებში, რომლებიც ახლახან შეუერთდნენ ევროკავშირს. თუმცა, ამ სიკეთეების მისაღებად საჭიროა მოქმედება ახლა! კამპანიის პრეზენტაციაზე საზოგადოების სხვადასხვა სფეროს წარმომადგენლები, მუსიკოსები, მსახიობები, მეწარმეები, ექიმები, ჟურნალისტები, ერთი მიზნით შეიკრიბნენ -  აჩვენონ ევროპული მომავლისკენ საკუთარი მტკიცე და ურყევი არჩევანი და მოითხოვონ კანდიდატის სტატუსის მისაღებად საჭირო ქმედითი ნაბიჯები და რეფორმები ახლა.  ღონისძიების გამომსვლელები შეკრებილ აუდიტორიას ესაუბრნენ საქართველოს მისწრაფებაზე დაუახლოვდეს ევროპულ ოჯახს; იმ სიკეთეებზე, რასაც ქვეყანას ევროკავშირის წევრობა მოუტანს. პრეზენტაციაზე აუდიტორიამ პირველად ნახა კამპანიის ფარგლებში შექმნილი ახალი ვიდეო, რომელიც სხვადასხვა თაობის ადამიანებზე გვიყვება, თუ როგორ შეცვლის ევროკავშირში წევრობა მათ ცხოვრებას პენსიებისა და დასაქმების ზრდით, ასევე განათლების, აგრობიზნესის და მეცნიერების მხარდაჭერის გზით. რეზო კიკნაძის ჯაზბენდმა საქართველოს და ევროკავშირის ჰიმნებიც შეასრულა... კამპანია „ახლა“, როგორც სოციალურ ქსელებში, ასევე თბილისსა და საქართველოს სხვა ქალაქებში ბილბორდებზე, ავტობუსებსა და მეტროში ბანერების განთავსებით აპრილის თვიდან დაიწყო. მომდევნო თვეების განმავლობაში, ევროინტეგრაციის მხარდამჭერ არაერთ პარტნიორთან ერთად, კამპანია სხვადასხვა არხებისა და ღონისძიებების მეშვეობით საქართველოს მასშტაბით გაიშლება.  ახლა მოქმედების დროა! მოითხოვე რეფორმები დაპირებების ნაცვლად!“ კოალიციის ფეისბუქ გვერდი... წყარო: კოალიცია ინფორმაციის სანდოობისთვის

სამცხე-ჯავახეთი. სოციალური სამართლიანობის ცენტრი წარმოგიდგენთ ფოტო-პროექტს სოფელ გორელოვკას შესახებ. „გორელოვკა ნინოწმინდის ერთ-ერთი სოფელია და გამოირჩევა ეთნიკური და რელიგიური სიჭრელით, აქ სამი კულტურა იყრის თავს - მოსახლეობის ნაწილი აჭარელი ეკომიგრანტია, ნაწილი ეთნიკურად სომეხი და მცირე ნაწილი დუხობორი. დუხობორები საქართველოში, სამცხე-ჯავახეთში, სოფელ გორელოვკაში 1841 წლიდან ცხოვრობენ. დღეს ადგილობრივები ამბობენ, რომ სოფელში უკვე მხოლოდ რვა ოჯახიღაა დარჩენილი. მათი ნახვა ვერ მოვახერხეთ, თუმცა, შემორჩა უამრავი გამორჩეული სახლი, რომელიც დატოვეს და რომლებშიც ახლა აჭარელი ეკო-მიგრანტი ოჯახები ცხოვრობენ. თითქოს ყველაფერი კარგად უნდა იყოს - გამორჩეული გარემო, ულამაზესი არქიტექტურა, ყარყატები, რომლებსაც ბუდეები სახლის სახურავებზე აქვთ მოწყობილი. სოფელი ალპურ ზონაშია. მკაცრი კლიმატური პირობებისა და მკვეთრად ჩამორჩენილი ინფრასტრუქტურის გამო, აქ ცხოვრება განსაკუთრებით რთულია“... სრულად... წყარო: socialjustice.org.ge

სამცხე-ჯავახეთი. „მოსახლეობა ვიძირებით, სოფელში... ახალგაზრდობა აღარ დარჩა. ჩვენი ერთადერთი შემოსავალი რძის ჩაბარებაა და ამის წართმევაც უნდათ. მერძევეები ძვირადღირებულ მანქანებს იცვლიან, ჩვენ კი დავიხოცეთ ამ საქონელთან მუშაობით” - აცხადებს ადგილობრივი გლეხი სოციალური სამართლიანობის ცენტრთან ინტერვიუში. ორგანიზაციის ცნობით, ნინოწმინდის მუნიციპალიტეტში მცხოვრები გლეხები ადგილობრივი ქარხნებისთვის რძის ჩაბარებაზე პროტესტის ნიშნად, უარს ამბობდნენ. მათი პროტესტი გამოიწვია იმან, რომ ქარხნებმა რძის ფასს დაუწიეს და ჩაბარებას 1,80 ლარის ნაცვლად, 1.60 ლარად ითხოვდნენ. ადგილობრივები ფიქრობენ, რომ ფასის დაწევა რძის ფხვნილზე გაზრდილმა იმპორტმა გამოიწვია - ქარხნები ძირითადად, ფხვნილზე მუშაობენ, რაც ნედლ რძესთან შედარებით, გაცილებით იაფი უჯდებათ. ეს კი შესაძლებლობას აძლევთ, გამოიყენონ საკუთარი უპირატესობა და ფასი თვითნებურად დაწიონ. გასაღების შეზღუდული ბაზარი და დაბალი ფასები, სოფლის მეურნეობის სფეროში, სახელმწიფო პოლიტიკის მნიშვნელოვანი გამოწვევაა. ამგვარი პოლიტიკა გლეხების შრომას ფასს უკარგავს. სრულად... წყარო: ორგანიზაციის გვერდი სოციალურ ქსელში

აჭარა. რესპონდენტი ნათელა ბაუჟაძე ბათუმელებთან არასამთავრობო ორგანიზაცია „ღირსეულ სიბერეზე“ საუბრობს. „„ღირსეულ სიბერეში“ სიარული რომ დავიწყე მაშინ დამაინტერესა ნანა კალანდარმა ყვავილების სათბურით. დაგვაფინანსა, შეგვიწყო ხელი და გავაკეთეთ ეს პატარა სათბური. ამ ორგანიზაციას ექსკურსიებზე დავყავდით, დღესასწაულებზე შეხვედრას გვიწყობდა, მოსწავლეები მოჰყავდა, გვახარბებდა, გვახალისებდა... ჩემ გარდა, ხანდაზმულებმა მწყერების, ქათმების ფერმა გააკეთეს, სათბურებიც... საკერავი მანქანები გადასცეს მოქალაქეებს, 80 წლის ასაკის ხანდაზმულებსაც კი დაეხმარნენ“. წყარო: გაზეთ „ბათუმელების“ გვერდი სოციალურ ქსელში ვიდეო მომზადებულია სამოქალაქო საზოგადოების საინიციატივო ჯგუფის მიერ ©️ First Responder mixesPete Davis | James Banbury

სამეგრელო. მერძევე ქალებს, წალენჯიხასა და ზუგდიდში, ტრენინგი „ბრენდინგი და კომუნიკაცია“ ჩაუტარეს. შეხვედრა შედგა გაეროს ქალთა ასოციაციისა და ჯეპრას თანამშრომლობის საფუძველზე. შეხვედრის შემდეგ, 75 მეწარმე ქალს სერტიფიკატები გადაეცა. სრულად... წყარო: ორგანიზაციის გვერდი სოციალურ ქსელში

თბილისი. 17-18 დეკემბერს, დედაენის პარკში საშობაო აგრო-ბაზარი მოეწყობა. ბაზარში ნამდვილი, უნიკალური ქართულ გემო დაგხვდებათ. ქართული პროდუქტები მეწარმეების მიერ ავთენტურად, შესაბამის გარემოშია მოყვანილი და შექმნილი. აგრო-ბაზრობა იმართება გაეროს სურსათისა და სოფლის მეურნეობის ორგანიზაციის (FAO) და ევროკავშირის მხარდაჭერით, ინიციატივის ფარგლებში, რომლის სახელწოდებაა „ევროკავშირის ინოვაციური პროექტი საქართველოში კერძო სექტორის კონკურენტუნარიანობისთვის“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ფერმერთა ასოციაციის თავმჯდომარე ნინო ზამბახიძე პოლონეთის ინვესტიციებისა და ვაჭრობის სააგენტოს თბილისის ოფისის, პოლონეთის რესპუბლიკის საელჩოსა და პოლონეთის სოფლის მეურნეობის მხარდამჭერი ეროვნული ცენტრის მიერ ორგანიზებულ ღონისძიებაზე სიტყვით გამოვიდა. მან საქართველო-პოლონეთს შორის სოფლის მეურნეობის სექტორში პარტნიორობის გაღრმავების პერსპექტივებზე ისაუბრა. სრულად...  წყარო: ორგანიზაციის გვერდი სოციალურ ქსელში

იმერეთი. 19 ოქტომბერს, „ფონდი ტასოს“ წარმომადგენლებმა ბაღდათის მუნიციპალიტეტის სოფელ დიმში ადგილზე მოინახულეს „ქალთა ეკონომიკური გაძლიერების“ პროგრამის მონაწილეთა პროექტები: ბოსტნეულის სათბური და საოჯახო მარანი. ორგანიზაციის ცნობით, პროექტის ფარგლებში დაგეგმილი შესყიდვები დასრულებულია, ქალებს საქმიანობა დაწყებული აქვთ. პროექტს „ფონდი ტასო“ გაეროს ქალთა ორგანიზაციის (UN Women Georgia) და ნორვეგიის მთავრობის მხარდაჭერით ახორციელებს. სრულად... წყარო: ორგანიზაციის გვერდი სოციალურ ქსელში

გურია. ახალგაზრდა პედაგოგთა კავშირის ცნობით, ანასეულის „ხანდაზმულთა სახლში“ ბენეფიციარების ჩართულობით ეზოში მოყვანილი ყურძენი დაიკრიფა, დაიწურა ბადაგი და მომზადდა თათარა. სრულად... წყარო: ორგანიზაციის გვერდი სოციალურ ქსელში

სვანეთი. გაეროს სურსათისა და სოფლის მეურნეობის ორგანიზაციამ (FAO), გაეროს ქალთა ორგანიზაციამ (UN Women), საქართველოს პარლამენტის აგრარულ საკითხთა კომიტეტმა, საქართველოს გარემოს დაცვისა და სოფლის მეურნეობის სამინისტრომ და მესტიის მუნიციპალიტეტმა მესტიაში მსოფლიო სურსათის დღე და სოფლად მცხოვრები ქალების დღე აღნიშნეს. ამ დღესთან დაკავშირებით, მესტიაში ფერმერთა აგრარული ბაზარი, ხორბლისა და პურის გამოფენა მოეწყო, სადაც ფერმერებმა წარმოადგინეს სხვადასხვა ადგილობრივი პროდუქცია, მათ შორის რძის ნაწარმი, ღვინო, თაფლი და ნიშური პროდუქტები. სრულად... წყარო: ორგანიზაციის გვერდი სოციალურ ქსელში

შიდა ქართლი. ინფორმაციის თავისუფლების განვითარების ინსტიტუტის (IDFI) ცნობით, „გმირობის ნაყოფი - მოყვანილია საოკუპაციო ხაზთან“ ახალი ინიციატივაა, რომელიც მომხმარებელს საშუალებას აძლევს საოკუპაციო ხაზთან მცხოვრები ფერმერები მათი პროდუქტის შეძენით გააძლიეროს. „შეიძინე პროდუქტები ყველგან, სადაც „გმირობის ნაყოფის“ სიმბოლოს შენიშნავ და დაუჭირე მხარი მათ, ვინც ქართულ მიწაზე ზრუნავს“. სრულად... წყარო: ორგანიზაციის გვერდი სოციალურ ქსელში

ფონდი „ტასო“ გირჩევთ ნახოთ სოფლად მცხოვრები ქალების თემაზე გადაღებული სამწუთიანი ფილმი „მედეას შთამომავლები“. ლენა ჭაღალიძის ფილმმა „მედეას შთამომავლები“ სამწუთიანი ფილმების კონკურსის პირველი საპრიზო ადგილი მოიპოვა. სრულად... წყარო: ორგანიზაციის გვერდი სოციალურ ქსელში

გურია. 8-9 ოქტომბერს, გურიაში, ჩოხატაურის მუნიციპალიტეტის სოფელ ერკეთში, „ფონდი ტასოს“ ორგანიზებით, „სოფლად მცხოვრები ქალების ფესტივალი“ გაიმართა. ღონისძიებას სხვადასხვა კუთხიდან 100-ზე მეტი ქალი შეუერთდა, რომლებმაც საკუთარი კუთხის ტრადიციული სამზარეულო და კულტურული აქტივობები წარმოადგინეს. ფესტივალზე ორგანიზებული იყო კულინარიული მასტერ-კლასები, შემეცნებითი სივრცე ფოტოებისა და ვიდეოების გასაზიარებლად, კვების პუნქტები, სიმღერის, ცეკვისა და სხვა კულტური აქტივობების სივრცე. სრულად... წყარო: ორგანიზაციის გვერდი სოციალურ ქსელში

რეგიონები. „საერთაშორისო გამჭვირვალობა - საქართველოს“ იურისტები იმერეთის, სამეგრელოსა და აჭარის რეგიონებს ესტუმრნენ და მოსახლეობას მიწის სისტემური რეგისტრაციის საკითხებზე ესაუბრნენ. თუ რა დოკუმენტებია საჭირო საკუთრების უფლების რეგისტრაციისთვის და სხვა დამატებითი ინფორმაციისთვის ეწვიეთ ორგანიზაციის ვებ-გვერდს... სრულად... წყარო: ორგანიზაციის გვერდი სოციალურ ქსელში

სამეგრელო. აგვისტოს თვეში სოციალური სამართლიანობის ცენტრის თანამშრომლებმა ზუგდიდისა და წალენჯიხის მუნიციპალიტეტებში ე.წ. გამყოფ ხაზებთან მდებარე სოფლები ხურჩა და ფახულანი მოინახულეს. „ორივე სოფლის მოსახლეობა აღნიშნავს, რომ მათი უფლებრივი და სოციალური ყოფა 2008 წლის აგვისტოს ომის შემდეგ დამძიმდა და ვითარება წლების განმავლობაში უფრო და უფრო რთულდება. გაუარესება განსაკუთრებით აისახება აფხაზეთის რეგიონთან მიმოსვლის თავისუფლების შეზღუდვაში და მასთან დაკავშირებული სოციალური და ეკონომიკური კავშირების გაწყვეტაში. მძიმე სოციალური მდგომარეობის გამო ორივე სოფლიდან მაღალია მიგრაცია, რაც მოსახლეობის რაოდენობის შემცირებას იწვევს. ამ სოფლებში მოსახლეობის შემოსავლის მთავარი წყარო თხილის მეურნეობაა, რომლის ფასიც მოსავლის ხარისხის შესაბამისად წლიდან წლამდე მცირდება“. სრულად... წყარო: socialjustice.org.ge