თბილისი. აშშ–ის საელჩო ავრცელებს ინფორმაციას, რომ დღეს 16:00 საათზე მოსწავლე ახალგაზრდობის შენობაში დაგეგმილი ფესტივალი აღარ გაიმართება. „მიზეზი მოსალოდნელი საგზაო შეფერხებები და რუსთაველის გამზირის სავარუდო გადაკეტვაა. ბოდიშს გიხდით შექმნილი უხერხულობისათვის. გთხოვთ, პირადი მიმოწერით დაგვიკავშირდეთ საელჩოს საგანმანათლებლო პროგრამებთან დაკავშირებული ყველა შეკითხვით და სიამოვნებით გიპასუხებთ", ნათქვამია საელჩოს ვებგვერდზე სოციალურ ქსელში. სრულად... წყარო: აშშ–ის საელჩო

5 ოქტომბერს, 16:00 საათზე, ბათუმის საკრებულოსთან არსებული სამოქალაქო მრჩეველთა საბჭო გამართავს ყოველთვიურ შეხვედრას.  მას ასევე დაესწრებიან პროექტის  „მართე შენი ქალაქის" ფარგლებში მონაწილე ახალგაზრდები. მისამართი: ბათუმი, ფარნავაზ მეფის 62-64

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „საკონსტიტუციო სასამართლოს თავმჯდომარის არჩევის პროცედურა კანონის მოთხოვნების შესაბამისად უნდა წარიმართოს". „მიგვაჩნია, რომ აუცილებელია თითოეულ მოსამართლეს ჰქონდეს შესაძლებლობა გამოიყენოს მისთვის კანონით მინიჭებული ვადა მათ კოლეგებთან კომუნიკაციისთვის და მოლაპარაკებისთვის. ამის შემდგომ კი გადაწყვიტოს თავისი ან სხვა მისი კოლეგის კანდიდატურის წარდგენა სასამართლოს თავმჯდომარის პოსტზე. ამასთან, მნიშვნელოვანია რომ სასამართლოს თავმჯდომარის არჩევის დაჩქარება საზოგადოებაში არ ქმნიდეს ამ პროცესის ქვეყანაში მიმდინარე პოლიტიკურ მოვლენებთან დაკავშირებულობის შთაბეჭდილებას", ნათქვამია ორგანიზაციის განცხადებაში. სრულად...  წყარო: www.transparency.ge

თბილისი. არასამთავრობო ორგანიზაციები გუშინ მომხდარ აფეთქებას ეხმაურებიან. „მიგვაჩნია რომ აღნიშნული ქმედება ქვეყნის დემოკრატიული განვითარებისა და უსაფრთხოების ინტერესების წინააღმდეგ არის მიმართული და მის უკან მდგომი ძალების სურვილია საქართველოში დესტაბილიზაცია და არჩევნების დაძაბულ გარემოში ჩატარება. ... მოვუწოდებთ ხელისუფლებას და სამართალდამცავ ორგანოებს, უპირველეს ამოცანად დაისახონ არჩევნების დღის და მანამდე დაგეგმილი აქციებისა თუ სხვა წინასაარჩევნო ღონისძიებების უსაფრთხოების უზრუნველყოფა", ნათქვამია ორგანიზაციის ვებ-გვერდზე. სრულად... წყარო: osfg.ge

თბილისი. 11-12 ოქტომბერს, შოთა რუსთაველის ეროვნული სამეცნიერო ფონდი ჩაატარებს საკონსულტაციო დღეებს მაგისტრანტების სასწავლო-კვლევითი პროექტების გრანტით დაფინანსების შესახებ. ფონდის თანამშრომლები მაგისტრანტებს გააცნობენ კონკურსის პირობებს და უპასუხებენ მათ შეკითხვებს. სრულად... წყარო: rustaveli.org.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „მერვე მოწვევის პარლამენტის 4 წლიანი საქმიანობის შეფასება". „ჩვენი შეფასებით მერვე მოწვევის პარლამენტი წინა მოწვევის პარლამენტთან შედარებით უფრო პლურალისტური იყო, რასაც ასევე განაპირობებდა მნიშვნელოვანი რაოდენობით წარმოდგენილი ოპოზიცია. საპარლამენტო სხდომებზე მრავლად იყო თემატური დისკუსიები. გაიზარდა საკანონმდებლო ორგანოს ღიაობის და გამჭვირვალობის ხარისხიც, თუმცა ამ მხრივ მნიშვნელოვანი ნაბიჯები კვლავ გადასადგმელია", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 4 ოქტომბერს, გავრცელებული ინფორმაციის თანახმად, თბილისში, გიორგი (გივი) თარგამაძის მანქანა აფეთქდა. „საგანგაშოა, რომ ასეთ ფაქტს ადგილი აქვს არჩევნებამდე 3 დღით ადრე. გამოძიების მხოლოდ დაწყება, რასაკვირველია, არ არის საკმარისი. სამართალდამცავმა ორგანოებმა დაწყებული პროცესი დაუყოვნებლივ უნდა მიიყვანონ ბოლომდე, ხოლო დამნაშავე პირების მიმართ დროულად უნდა იქნეს მიღებული კანონშესაბამისი ზომები", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ორგანიზაცია „ახალგაზრდა ადვოკატები" ადამიანის უფლებების დაცვის სტრატეგიაზე 2016 წლის საპარლამენტო არჩევნებში მონაწილე მთავარი პოლიტიკური პარტიების საარჩევნო პროგრამების ანალიზს აქვეყნებს. ორგანიზაციის ვებგვერდზე აღნიშნულია, რომ „ადამიანის უფლებების დაცვის საკითხებზე დაცვის და განვითარების ინსტიტუციური მიდგომები მხოლოდ ოთხ პოლიტიკური პარტიის საარჩევნო პროგრამაში იკითხება". სრულად... წყარო: barristers.ge

თბილისი. „საქართველოს დემოკრატიულმა ინიციატივამ" გამართა ანგარიშის „მედიის „თავისუფლების" 4 წელი საქართველოში" პრეზენტაცია. ანგარიში მოიცავს 2012-2016 წლებში მედიის თავისუფლების საკითხებს და მიმოიხილავს ყველა იმ პრობლემას, რომელიც მოცემულ პერიოდში ამ კუთხით შეიქმნა. სრულად... წყარო: gdi.ge

5 ოქტომბერს, 17:00 საათზე, სიქას მეგობრულ ოფისში გაიმართება დოკუმენტური ფილმის „კორპუსები" ჩვენება. ფილმი შექმნილია 6 EVS მოხალისეს მიერ, რომლებმაც 1 წელი გაატარეს სხვადასხვა ქვეყნის 5 ქალაქში. მისამართი: რუსთავი, მეგობრობის გამზ. #12/56

5 ოქტომბერს, 17:00 საათზე, სასტუმრო „რედისონში”, სამოქალაქო კულტურის საერთაშორისო ცენტრი ატარებს შშმ პირებისთვის მეხუთე საინფორმაციო შეხვედრას ჟესტურ ენაზე. შეხვედრაზე არჩევნებში მონაწილე პოლიტიკურ პარტიები: „ქართული ოცნება - დემოკრატიული საქართველო” და „საქართველოს პატრიოტთა ალიანსი” საკუთარ პროგრამებს ყრუ პირებს გააცნობენ. მისამართი: თბილისი, ვარდების რევოლუციის მოედანი #1

5 ოქტომბერს, 12:00 საათზე, „პირველის პრესკლუბში” საქართველოს სახალხო დამცველი, უჩა ნანუაშვილი პრესკონფერენციას გამართავს. თემა: წინასაარჩევნოდ არსებული მდგომარეობა, მომხდარი ინციდენტები. ასევე, ბოლო პერიოდში გავრცელებული აუდიო ჩანაწერები. მისამართი: თბილისი, წერეთლის ქ#116, დიდუბე პლაზა, მე-2 სართული

5 ოქტომბერს, 11:00 საათზე, „საერთაშორისო გამჭვირვალობა - საქართველო” მერვე მოწვევის პარლამენტის საკანონმდებლო საქმიანობის შეფასებას წარადგენს.  მისამართი: თბილისი, აღმაშენებლის გამზ. #61

5 ოქტომბერს, 11:00 საათზე, ნატო-სა და ევროკავშირის შესახებ საინფორმაციო ცენტრში საერთაშორისო მედიაცენტრი - არჩევნები 2016 გაიხსნება. მედიაცენტრს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე გახსნის. მისამართი: თბილისი, შ. დადიანის ქ. #2/1

თბილისი. ფულბრაიტის პროგრამით დაინტერესებული პირებისთვის 7 ოქტომბერს გაიმართება ფეისბუქ გვერდის საშუალებით კითხვა–პასუხის სესია. დაინტერესებულ პირებს პროგრამის კოორდინატორი უპასუხებს. სრულად... წყარო: აშშ–ს საელჩოს ვებგვერდი სოციალურ ქსელში

თბილისი. საქართველოს სახალხო დამცველის აპარატი დააკვირდება 2016 წლის 5 ოქტომბერს თბილისში „ერთიანი ნაციონალური მოძრაობის" მიერ დაგეგმილ აქციას. „სახალხო დამცველის წარმომადგენლები ღონისძიების მიმდინარეობისას მონიტორინგს გაუწევენ შეკრებებისა და მანიფესტაციების უფლების დაცვას", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ქალთა საინფორმაციო ცენტრმა პროექტ „გაძლიერებული ქალები მშვიდობისა და განვითარებისთვის" ფარგლებში გამართა ტრენინგი „უსაფრთხოების სექტორში გენდერული პრინციპების ინტეგრირება". „ტრენინგი მიზნად ისახავდა იუნკერების ცნობიერების ამაღლებას გენდერულ საკითხებზე და მათი მოტივაციის გაზრდას ქალებზე, მშვიდობასა და უსაფრთხოების თემაზე დაგეგმილ კონფერენციაში მონაწილეობისათვის", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 4 ოქტომბერს, „საერთაშორისო გამჭვირვალობა - საქართველომ” წარადგინა „ღია პარლამენტის 2015-2016 წლების სამოქმედო გეგმის მონიტორინგის პირველი ანგარიში”. „საქართველოს ღია პარლამენტის სამოქმედო გეგმა შედგება 18 ვალდებულებისგან, რომელთა მიზანია საქართველოს პარლამენტის საქმიანობაში საზოგადოების ჩართულობის, საჯარო ინფორმაციაზე წვდომის გაზრდა და საკანონმდებლო ორგანოს ანგარიშვალდებულების გაძლიერება. მიუხედავად იმისა, რომ პარლამენტმა და სამოქალაქო საზოგადოების წევრებმა აქტიურად ითანამშრომლეს სამოქმედო გეგმის შემუშავების პროცესში, ღია პარლამენტის სამოქმედო გეგმის განხორციელების პროცესი წარმატებით ვერ წარიმართა, რადგან 2016 წლის სექტემბრის მდგომარეობით სრულად შესრულებულია მხოლოდ ოთხი ვალდებულება, მიუხედავად იმისა, რომ 2016 წლის მაისისთვის საპარლამენტო საბჭოს განსახორციელებელი საკანონმდებლო ცვლილებების პროექტების უმეტესობა მომზადებული ჰქონდა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: www.transparency.ge

ქვემო ქართლი. 3 ოქტომბერს „სიდას" ოფისში დონორ და ადგილობრივ არასამთავრობო ორგანიზაციებს შორის შეხვედრა გაიმართა. „ადგილობრივმა არასამთავრობო ორგანიზაციების წარმომადგენლებმა დონორებს დაფინანსებული პროექტების ძირითადი მიღწევები და გამოწვევები გააცნეს. შეხვედრა ჩატარდა პროექტის „საზოგადოებრივი ცნობიერების ამაღლება და რეგიონულ დაგეგმარებაში სამოქალაქო საზოგადოების ჩართულობის ხელშეწყობა - II ეტაპი" ფარგლებში. აღნიშნული პროგრამის ფარგლებში ქვემო ქართლში 7 არასამთავრობო ორგანიზაცია დაფინანსდა...", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. ნატოსა და ევროკავშირის შესახებ საინფორმაციო ცენტრის დირექტორი საჯარო და არასამთავრობო სექტორის წარმომადგენლებს შეხვდა. „შეხვედრის მიზანი საქართველოს ევროატლანტიკურ სტრუქტურებთან ინტეგრაციის პროცესის შესახებ შეხვედრის მონაწილეების ინფორმირება იყო. ქეთევან ჩაჩავამ ბოლო დროს მსოფლიოში გააქტიურებული ანტი-დასავლური პროპაგანდის თემას გაუსვა ხაზი და თითოეული მოქალაქისთვის სწორი და მიზანმიმართული ინფორმაციის მიწოდების აუცილებლობაზე ისაუბრა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

  თბილისი. სახალხო დამცველის ინსტიტუტი კოპენჰაგენში თავშესაფრის მაძიებელთა და ლტოლვილთა საკითხებზე შეხვედრას დაესწრო. „სახალხო დამცველის აპარატი მიღებულ ცოდნასა და წარმატებული ქვეყნის საუკეთესო გამოცდილებას, შესაბამისი დამუშავების საფუძველზე, გამოიყენებს შემდგომ საქმიანობაში თავშესაფრის მაძიებელთა და ლტოლვილთა უფლებების დაცვისა და მათი მდგომარეობის გაუმჯობესების კუთხით", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. საერთაშორისო გამჭვირვალობა - საქართველო აქვეყნებს მიმიხილვას, რომელიც კორუფციისა და ანტიკორუფციული პოლიტიკის მხრივ განვითარებულ მოვლენებს აფასებს. „საქართველოს ანტიკორუფციულ კანონმდებლობაში რამდენიმე მნიშვნელოვანი პოზიტიური ცვლილება განხორციელდა, რომელთაგან განსაკუთრებით აღსანიშნავია თანამდებობის პირთა ქონებრივი დეკლარაციების მონიტორინგის სისტემის შემოღება. ასევე წინგადადგმული ნაბიჯი იყო ახალი ეროვნული ანტიკორუფციული სტრატეგიისა და სამოქმედო გეგმის მიღება. ამავე დროს, კანონმდებლობა კვლავაც შეიცავს გარკვეულ ხარვეზებს და პრობლემად ხდება მისი ეფექტური აღსრულება პრაქტიკაში", ნათქვამია ორგანიზაციის ვებ-გვერდზე. სრულად... წყარო: www.transparency.ge