2 ივნისს, 11:00 საათზე, „რეპორტიორის" პრეს-კლუბში ახლაგაზრდა სოციალისტები და ფრიდრიხ ებერტის ფონდის დირექტორი, პროექტის „შენ - აქტიური მოქალაქე” პრეზენტაციას გამართავენ. მისამართი: თბილისი, იოსებიძის #57, I სართ.

აზიის განვითარების ბანკის ყოველწლიური შეხვედრები მნიშვნელოვან პლატფორმად ჩამოყალიბდა აზიისა და წყნარი ოკეანის რეგიონებთან დაკავშირებული ეკონომიკური და სოციალური განვითარების საკითხების განსახილველად. „საქართველოდან შეხვედრაში მონაწილეობა მიიღო IDFI-ის დირექტორმა გიორგი კლდიაშვილმა. იგი მონაწილეობდა პანელში - „სამოქალაქო საზოგადოების ჩართულობის ადგილი მდგრადი განვითარების მიზნების განხორციელებაში: შემცირება თუ გაფართოება?," ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 1 ივნისს, ომბუდსმენმა 2015 წლის საპარლამენტო ანგარიშის ბავშვის უფლებათა თავი წარმოადგინა. „ღონისძიებაზე სახალხო დამცველმა და ბავშვის უფლებათა ცენტრის წარმომადგენლებმა ისაუბრეს ბავშვთა უფლებრივ მდგომარეობაზე საქართველოში, მიმოიხილეს 2015 წელს ბავშვთა ინსტიტუციებში განხორციელებული მონიტორინგის შედეგები და ბავშვის უფლებათა დარღვევების ცალკეული შემთხვევების სტატისტიკა, დამსწრე საზოგადოებას გააცნეს რეკომენდაციები, რომლითაც სახალხო დამცველმა შესაბამის უწყებებს მიმართა. ისაუბრეს ბავშვის მიმართ ძალადობის, ბავშვთა სიღარიბის, სოციალური სამსახურის, ბავშვზე სახელმწიფო ზრუნვის, ბავშვის განათლების უფლებისა და სხვა მნიშვნელოვან საკითხებზე, ნათქვამია ომბუდსმენის ვებ-გვერდზე. სრულად... წყარო: www.ombudsman.ge

სამეგრელო. 31 მაისს, ასოციაცია „ათინათის" ახალგაზრდული ცენტრის ორგანიზებით ჩხორიის დედათა მონასტერში მოეწყო სათემო და მოხალისეობრივი აქტივობა. „ღონისძიების ფარგლებში ახალგაზრდებმა მოხალისეობრივად დაასუფთავეს თხილნარი, მოთიბეს ეზო და დაეხმარნენ დედებს სხვადასხვა საქმეში," ნათქვამი ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 19-24 მაისს, ვაშინგტონში, 2016 წლის პარტნიორთა გლობალური ფორუმი გაიმართა. მონაწილეებს შორის იყვნენ სხვადასხვა ადგილობრივი და საერთაშორისო არასამთავრობო ორგანიზაციები, მთავრობები, კერძო სექტორი და აკადემიური სფეროს წარმომადგენლები. მთლიანობაში ფორუმმა 75 ქვეყანა მოიცვა. ღონისძიება მიეძღვნა თემას - „სოციალური ანგარიშვალდებულება განვითარებისთვის". ძირითადი აქცენტი გაკეთდა შემდეგ მიმართულებებზე: ინკლუზიური, გამჭვირვალე და ანგარიშვალდებული ინსტიტუტები; სახელმწიფოსა და საზოგადოებას შორის თანამშრომლობა სოციალური ანგარიშვალდებულების მიზნით: მოქალაქეთა ჩართულობიდან საჯარო მომსახურების თანაწარმოებამდე; ადაპტური მართვა. ინფორმაციის თავისუფლების განვითარების ინსტიტუტს (IDFI) ფორუმზე წარმოადგენდა საბა ბუაძე, ღია მმართველობის პარტნიორობის (OGP) პროგრამის ფარგლებში", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. არასამთავრობო ორგანიზაციები ერთობლივ განცხადებას ავრცელებენ კორცხელის ინციდენტის გამოძიების შესახებ. „განცხადებაზე ხელმომწერი ორგანიზაციები არაეფექტურად ვაფასებთ კორცხელის ინცინდენტის გამოძიებას და მოვუწოდებთ საქართველოს შინაგან საქმეთა სამინისტროს და საქართველოს მთავარ პროკურატურას, მიიღონ ადეკვატური და დროული ზომები იმისთვის, რომ დადგეს ინცინდენტში მონაწილე ყველა პირის, ძალადობრივი აქტის ორგანიზატორებისა და განმახორციელებლების პასუხისმგებლობის საკითხი...", ნათქვამია განცხადებაში. სრულად... წყარო: osgf.ge

თბილისი. საქართველოს ახალგაზრდა იურისტთა ასოციაცია ეხმიანება ვეგანურ კაფე „კივიში" 29 მაისს მომხდარ ინციდენტს. „...მიგვაჩნია, რომ მზარდი ექსტრემიზმისა და დისკრიმინაციის ფაქტების ფონზე, სიძულვილით მოტივირებულ დანაშაულებზე სახელმწიფოს მხრიდან ეფექტური რეაგირება და სისხლისსამართლებრივი სანქციების გამოყენება ფუნდამენტური მნიშვნელობისაა. ...დისკრიმინაციულ და სიძულვილით მოტივირებულ დანაშაულებზე არასათანადო რეაგირება და დაუსჯელობა სტიმულს აძლევს ექსტრემისტული ჯგუფების გაძლიერებას და ადამიანის, განსაკუთრებით უმცირესობათა ჯგუფების, ფუნდამენტური უფლებების შელახვას", ნათქვამია საიას მიერ გავრცელებულ განცხადებაში. სრულად... წყარო: gyla.ge

1 ივნისს, 19:00 საათზე დიმიტრი ცინცაძის სახელობის ფონდი ბავშვთა საერთაშორისო დღეს საჯარო ბიბლიოთეკაში საქველმოქმედო აუქციონს გამართავს. მისამართი: თბილისი, საჯარო ბიბლიოთეკა

1 ივნისს, 16:00 საათზე ბავშვთა დაცვის საერთაშორისო დღეს, საქართველოს კარიტასი ბავშვთა კომპლექსის ტერიტორიაზე ღონისძიებას გამართავს. მისამართი: თბილისი, თორნიკე ერისთავის 2

1ივნისს, 14:00 საათზე ევროპის ფონდი გამართავს ფორუმს „ეკომიგრაციის საკითხების გადაწყვეტა საქართველოში: მოკლე და გრძელვადიანი სტრატეგიების განხილვა". ღონისძიება გაიმართება ფონდისა და დემოკრატიის ინსტიტუტის პროექტის „ეკომიგრანტი და პოტენციური ეკომიგრანტი ოჯახების ადვოკატირების კამპანიის" ფარგლებში. მისამართი: თბილისი, სასტუმრო ჰოლიდეი ინნი სრულად...

1 ივნისს, 14:00 საათზე გაეროს ბავშვთა ფონდის წარმომადგენლები საქართველოში საშა გრაუმანი პრესკონფერენციას გამართავს. თემა: გაეროს ბავშვთა ფონდი პოლიტიკურ პარტიებს კონკრეტული კითხვებით მიმართავს. მისამართი: თბილისი, ერისთავის 9

1 ივნისს, 12:00 საათზე ნინო სურგულაძის საქველმოქმედო ფონდი „ნატვრის ხე" გამართავს 15 ივნისს დაგეგმილი საქველმოქმედო ღონისძიების შესახებ პრესკონფერენციას. მისამართი: თბილისი, სასტუმრო „რუმსი"

1 ივნისს, 11:00 საათზე სახალხო დამცველი ბავშვთა უფლებრივი მდგომარეობის შესახებ ანგარიშს წარადგენს. მისამართი: თბილისი, სასტუმრო „ქორთიარდ მარიოტი"

1–3 ივნისს ევროპის ფონდი გამართავს ანგარიშის: „სურსათის უვნებლობის სახელმწიფო რეგულირება: საქართველოს ხელისუფლების მიერ 2015 წელს გაწეული საქმიანობის შეფასების" პრეზენტაციას საქართველოს რეგიონებში. 1 ივნისი, 11:00 საათი –  ახალციხე, დემოკრატიული ჩართულობის ცენტრი 1ივნისი, 16:00 საათი ქუთაისი, დემოკრატიული ჩართულობის ცენტრი 2 ივნისი, 10:00 საათი – ბათუმი, დემოკრატიული ჩართულობის ცენტრი 2 ივნისი, 15:00 საათი – ზუგდიდი, დემოკრატიული ჩართულობის ცენტრი 3 ივნისი, 11:30 – თელავი, დემოკრატიული ჩართულობის ცენტრი

1 ივნისს, 12:00 – 18:00 საათამდე, ახალ „მზიურში" გაიმართება მზის ფესტივალი. სრულად... მისამართი: თბილისი, მდინარე ვერეს ხეობა

1 ივნისს, 19:00 საათზე, „საჯარო სივრცის ინიციატივა" წარადგენს კვლევის ანგარიშს, თბილისში, ისტორიული ლანდშაფტის დაცვის ზონის ირგვლივ არსებულ სამართლებრივ ხარვეზებთან დაკავშირებით, რომელიც უკავშირდება პროექტ „პანორამა თბილისის" (და რამდენიმე სხვა ობიექტის მშენებლობის) საპროექტო ტერიტორიაზე განაშენიანების დაუშვებელი მასშტაბების აკრძალვის დასაბუთებას. სრულად... მისამართი: თბილისი, ზოვრეთის #38

1 ივნისს, 12:00 საათზე სოციალურად დაუცველი უსახლკარო ჯგუფები საპროტესტო აქციას გამართავენ საქართველოს ეკონომიკისა და მდგრადი განვითარების სამინისტროს წინ. სრულად... მისამართი: თბილისი, ჭოველიძის 10ა

თბილისი. კოალიცია დამოუკიდებელი და გამჭვირვალე მართლმსაჯულებისთვის სასამართლო რეფორმის „მესამე ტალღის" გაჭიანურებას ეხმაურება. „კოალიციის შეფასებით, „მესამე ტალღის" კანონპროექტების შინაარსი საწყისი ეტაპიდან ბოლო რედაქციამდე არაერთ ნაწილში არსებითად არის გადასინჯული. მიუხედავად იმისა, რომ ამ პროცესში შეიცვალა ან შესუსტდა გარკვეული პოზიტიური და პროგრესული ინციატივები, კოალიცია მნიშვნელოვნად მიიჩნევს დროულად დასრულდეს რეფორმის საკანონმდებლო პროცესი და ძალაში შევიდეს ის გაუმჯობესებები მაინც, რასაც კანონპროექტები ითვალისწინებს, აღნიშნული კრიტიკულად მნიშვნელოვანია სასამართლო სისტემისთვის," ნათქვამია ერთობლივ განცხადებაში. სრულად... წყარო: idfi.ge

თბილისი. 31 მაისს, საქართველოს ახალგაზრდა იურისტთა ასოციაციამ გამართა კონფერენცია: „სახელმწიფოს წილობრივი მონაწილეობით შექმნილი საწარმოები - საქართველოში არსებული პრაქტიკა და საერთაშორისო გამოცდილება". კონფერენცია ნიდერლანდების საელჩოს ფინანსური მხარდაჭერით ჩატარდა. სრულად... წყარო: ორგანიზაციის ვებ-გვერდი სოციალურ ქსელში

თბილისი. 31 მაისს, ომბუდსმენმა საქართველოში მოქმედ ფსიქიატრიულ დაწესებულებებში ადამიანის უფლებათა დაცვის კუთხით არსებული მდგომარეობის შესახებ სპეციალური ანგარიში წარადგინა. „ანგარიშში ხაზგასმულია, რომ არასაკმარისი დაფინანსება საბოლოო ჯამში იწვევს ფსიქიატრიულ დაწესებულებებში კვალიფიციური პერსონალის სიმცირეს, სათანადო, თერაპიული გარემოს არარსებობას, მკურნალობის, მოვლის, ფსიქო-სოციალური რეაბილიტაციის დაბალ ხარისხს, ხანგრძლივ ჰოსპიტალიზაციას და თემზე დაფუძნებული სერვისების ხელმიუწვდომლობას," ნათქვამია ორგანიზაციის ვებ-გვერდზე. სრულად... წყარო: www.ombudsman.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „რაჭა-ლეჩხუმ, ქვემო სვანეთის მუნიციპალიტეტების თანამდებობის პირთა და მათი ოჯახის წევრების მონაწილეობა კომერციულ საქმიანობაში." „ჩვენ მიერ ჩატარებული კვლევის შედეგად დადგინდა, რომ ცალკეულ თანამდებობის პირთა მიერ წარდგენილ წლიურ ქონებრივ დეკლარაციებში მათი ქონება და ბიზნესსაქმიანობა არასრულად არის ასახული," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) ლგბტ აქტივსტების დაკავების საქმეში პოლიციელების მხრიდან არასათანადო მოქცევის ფაქტებზე გენინსპექციას მიმართავს. „კერძოდ, განცხადებაში, დაკავებული პირებისგან აღებული ახსნა-განმარტებების საფუძველზე, EMC უთითებს დაკავების არამართლზომიერი გამოყენებისა და პოლიციის თანამშრომლების მხრიდან ჰომოფობიური ენისა და რელიგიური ნეიტრალიტეტის დარღვევის ფაქტებზე და შსს-ს გენერალურ ინსპექციას საქმის შესწავლასა და კონკრეტული პოლიციელების მიმართ დისციპლინური პასუხისმგებლობის დაკისრებას სთხოვს," ნათქვამია ორგანიზაციის ვებ-გვერდზე. სრულად... წყარო: emc.org.ge