შიდა ქართლი. 10 აპრილს ,,საზოგადოება ბილიკის", დასაქმების ხელშეწყობის სახელმწიფო სააგენტოს და გორის მერიის ორგანიზებით გაიმართა დასაქმების მსურველ შშმ პირებთან შეხვედრა. ღონისძიების მიზანი შშმ პირების ეკონომიკური გაძლიერება, საზოგადოებაში მათი მაქსიმალური ინტეგრაცია და დასაქმების ხელშეწყობაა. ,,საზოგადოება ბილიკი" აგრძელებს მუშაობას შშმ პირთა დასაქმების ხელშეწყობის მიმართულებით. სრულად... წყარო: საზოგადოება ბილიკი

თბილისი. სოციალური სამართლიანობის ცენტრი საინფორმაციო ბარათს აქვეყნებს. „რატომ არის პრობლემური საარსებო მინიმუმის ოდენობა?“ პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით. სრულად... წყარო: სოციალური სამართლიანობის ცენტრი

თბილისი. სოციალური სამართლიანობის ცენტრი ვიდეო-რგოლს აქვეყნებს, რომელშიც სიღარიბეში მცხოვრები ოჯახების მდგომარეობაა აღწერილი.  „კანონმდებლობის მიერ დაწესებული ვადა უგულებელყოფს სიღარიბეში მცხოვრები ადამიანების საჭიროებებს და კითხვის ნიშნის ქვეშ აყენებს მათ ფიზიკური გადარჩენის საკითხსაც კი.“ - ნათქვამია ორგანიზაციის ვებ გვერდზე პროექტი  ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით.  სრულად...  წყარო: სოციალური სამართლიანობის ცენტრი

გურია. 23 მარტს, ახალგაზრდა პედაგოგთა კავშირის ახალგაზრდული ცენტრის წევრებისა და „საზოგადოებრივი ჯანდაცვის ახალგაზრდული პროგრამის“ მონაწილეების ფასილიტაციით ჩატარდა ტრენინგი საზოგადოებრივი ჯანდაცვის შესახებ.  პროექტის მიზანია საზოგადოებრივი ჯანდაცვის შესახებ ახალგაზრდების ინფორმირება და მათი შესაძლებლობების გაზრდა.  პროექტი ხორციელდება USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით. გურიის რეგიონში პროგრამის პარტნიორი ორგანიზაციაა "ახალგაზრდა პედაგოგთა კავშირი".  სრულად...  წყარო: ახალგაზრდა პედაგოგთა კავშირი

სამეგრელო-ზემო სვანეთი. ევროკავშირისა და გაეროს განვითარების პროგრამის ხელშეწყობით, თორსას დევნილთა დასახლებაში წყალმომარაგების ახალი სისტემა ამუშავდა.  კრიტიკული ინფრასტრუქტურის განახლების შედეგად, 42 ოჯახს უკეთესი ხარისხის სასმელი წყალი მიეწოდება, ხოლო წყლის დანაკარგი მნიშვნელოვნად შემცირდა. ინიციატივა EU4Dialogue პროექტის ფარგლებში, "სოფლად თემთა განვითარების სააგენტოსთან" თანამშრომლობით განხორციელდა.  სრულად... წყარო: გაეროს განვითარების პროგრამა

თბილისი. ახალგაზრდა იურისტთა ასოციაციას არაერთმა პირმა მიმართა სახელმწიფო სამსახურში საქმიანობის საფუძვლით ასაკობრივი პენსიის შეწყვეტის გამო, სამართლებრივი დახმარების მიღების მიზნით. საიას მხოლოდ გორისა და ქუთაისის ოფისების ადვოკატებმა 2023 წელს სასამართლოში აწარმოეს 10 პენსიონერის საქმე, რომლებსაც სახელმწიფო პენსია უკანონოდ შეუწყდათ.  ორგანიზაცია მოუწოდებს სააგენტოს „ადახედოს თავის პოლიტიკას ამ მიმართულებით. სააგენტომ სასამართლოს მიერ მიღებული გადაწყვეტილებების საფუძველზე უნდა შეიმუშავოს ახალი მიდგომა, რომლის მიხედვითაც ყოველი კონკრეტული პენსიონერისთვის პენსიის შეწყვეტისას ჯეროვნად მოიკვლევს რიგ საკითხებს და იხელმძღვანელებს სასამართლოების მიერ უკვე მყარად დადგენილი სამართლებრივი სტანდარტებით. სრულად...  წყარო: საია

თბილისი.სოციალური სამართლიანობის ცენტრი აქვეყნებს პუბლიკაციას „საარსებო შემწეობის როლი სამსახურის გარეშე დარჩენილი ადამიანების დაცვაში...“. „უმუშევრობის დაზღვევის არარსებობის პირობებში, სამსახურის გარეშე დარჩენილი ადამიანები ვერ იღებენ მყისიერ დახმარებას და დღითიდღე უფრო ღარიბდებიან. უკიდურეს სიღარიბეში აღმოჩენის შემდეგ კი მათი ერთადერთი იმედი სოციალური შემწეობის მიღების შესაძლებლობაა, რომლის არაქმედითი დიზაინის, ოჯახის კეთილდღეობის ირიბი შეფასებისა და მოუქნელი სისტემის გამო, მისი მიღების შანსი დაბალია. სისტემაში მოხვედრა, თავის მხრივ, ხანგრძლივად სიღარიბეში ყოფნას გულისხმობს იმდენად, რამდენადაც შემწეობის მიმღებები დამოკიდებულები ხდებიან სოციალურ დახმარებაზე და თავს არიდებენ ფორმალურ სამუშაო ბაზარზე დაბრუნებას. ამ რისკებისაგან დაცვის მნიშვნელოვანი ინსტრუმენტია უმუშევრობის დაზღვევა. ამ მექანიზმის ამოქმედება ადამიანების კეთილდღეობის დაცვის ხარისხს მნიშვნელოვნად გააუმჯობესებს და საარსებო შემწეობის სისტემასაც განტვირთავს“, ნათქვამია პუბლიკაციაში.  სრულად... წყარო: სოციალური სამართლიანობის ცენტრი

თბილისი.საქართველოს წითელი ჯვრის საზოგადოების ინიციატივით გაიმართა შინმოვლის მომსახურების განვითარების ხელმშემწყობი ჯგუფის შეხვედრა.  დაინტერესებულმა მხარეებმა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სოციალური დაცვის, დევნილთა და შრომის პოლიტიკის დეპარტამენტის ხელმძღვანელთან და სახელმწიფო ზრუნვის საგენტოს წარმომადგენლებთან ერთად იმსჯელეს შინმოვლის სახელმწიფო პროგრამის ირგვლივ არსებულ აქტუალურ საკითხებზე.  წყარო: წითელი ჯვარი

თბილისი. სოციალურ მუშაკთა ასოციაცია სამეცნიერო-პრაქტიკულ კონეფერენციას:“ცვლილებები ბავშვთა და ოჯახთა საკეთილდღეოდ“ გამართავს.  კონფერენციის თემაა სოციალური მუშაობის პრაქტიკა და განათლება ბავშვთა და ოჯახთა საკეთილდღეოდ. კონფერენცია გაიმართება 19 მარტს, თბილისის სახელმწიფო უნივერსიტეტის პირველ კორპუსში.  კონფერენცია ტარდება საქართველოს სოციალურ მუშაკთა ასოციაციის ინიციატივით World Vision საქართველოსთან, საქართველოს საზოგადოებრივი ჯანდაცვის ფონდთან, ივანე ჯავახიშვილი სახელობის თბილისის სახელმწიფო უნივერსიტეტსა და ილიას სახელმწიფო უნივერსიტეტთან თანამშრომლობით.  სრულად...  წყარო: საქართველოს სოციალურ მუშაკთა ასოციაცია

თბილისი. საქველმოქმედო ჰუმანიტარული ცენტრი "აფხაზეთმა" პროექტის „მოწყვლადი და მარგინალიზებული თემების ინკლუზიის მშენებლობა საქართველოში“-ის ფარგლებში ბოლო შეხვედრა გამართა. შეხვედრის მთავარი თემა იყო ახალი პროექტის განხილვა, რომელიც სხვადასხვა სოციალურ საკითხებზე მომუშავე, არასამთვრობო ორგანიზაციების გაძლიერებას ისახავს მიზნად. პროექტს "საქართველოში მოწყვლადი და მარგინალიზებული თემების ინკლუზიის მშენებლობა"–ს ანხორციელებს, საქველმოქმედო ჰუმანიტარული ცენტრი - "აფხაზეთი" (CHCA), Arbeiter-Samariter-Bund Georgia (ASB Georgia) და განათლების განვითარებისა და დასაქმების ცენტრი (EDEC), ჩართულობით , გაეროს დემოკრატიის ფონდის (UNDEF) მხარდაჭერით. სრულად... წყარო: საქველმოქმედო ფონდი აფხაზეთი

თბილისი. განათლების განვითარების და დასაქმების ცენტრი სოციალური მეწარმეობის შესახებ ვიდეო რგოლს ავრცელებს.  ვიდეო რგოლში განხილულია, სოციალური მეწარმეობის მნიშვნელობა, საქმიანობები და შესაძლებლობები, რომელიც მეწარმეებისთვის იქმნება.  იხილეთ ვრცლად... წყარო: განათლების განვითარების და დასაქმების ცენტრი

თბილისი. განათლების განვითარების და დასაქმების ცენტრმა, სპეციალურად შერჩეული ოცი საგანმანათლებლო დაწესებულების წარმომადგენლისთვის, ტრენერთა ტრენინგი გამართა.  ტრენინგის მიზანი საქართველოში პირველი მოხალისეობის ციფრული ვებ-პლატფორმის www.volunteer.ge პოპულარიზაციაა.  ტრენინგის მონაწილეები გაეცნენ პლატფორმის მიზნებსა და მოხმარების წესებს. ვოლუნტერის სისტემაში ჩართვით მონაწილეები თავიანთ რეგიონებში სხვადასხვა მოხალისეობრივი აქტივობის განხორციელებას შეძლებენ.  ტრენინგი ორგანიზებული იყო ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. სრულად...   წყარო: განათლების განვითარების და დასაქმების ცენტრი

იმერეთი. 2024 წლის 1 მარტს, უფლებები საქართველოს ჭიათურის სამართლებრივი დახმარების ცენტრში, ჭიათურის სხვადასხვა სკოლის უფროსკლასელებთან საინფორმაციო შეხვედრა გაიმართა.  შეხვედრა დისკუსიის რეჟიმში წარიმართა.  მონაწილეებმა ხაზი გაუსვეს ქალთა მიმართ ძალადობის პრევენციასა და კვალიფიციური სამართლებრივი დახმარების მნიშვნელობას, ასევე ისაუბრეს ოჯახში ძალადობის მსხვერპლი არასრულწლოვანების დაცვასა და მათთვის ფსიქო-ემოციური მხარდაჭერის საჭიროებაზე.  განსაკუთრებული ყურადღება დაეთმო დისკუსიას ფემიციდის გამომწვევი მიზეზებისა და გენდერული სტერეოტიპების შესახებ.  შეხვედრა USAID სამართლის უზენაესობის პროგრამის მხარდაჭერით გაიმართა.  სრულად...   წყარო: უფლებები საქართველო

სამცხე-ჯავახეთი.29 თებერვალს, პროექტის, „დასაქმების ადგილობრივი პოლიტიკის განვითარება-შშმ პირთა უფლებრივი მდგომარეობის გაუმჯობესების“ ფარგლებში, ახალციხეში კერძო სექტორის წარმომდგენლებთან შეხვედრა გაიმართა.  შეხვედრის მონაწილეებს მიესალმა ევროპის ფონდის წარმომადგენელი ვიქტორ ბარამია, პროექტის ფარგლებში განხორციელებული საქმიანობისა და სამომავლო გეგმების შესახებ კი „საზოგადოება ბილიკის“ ხელმძღვანელმა მარიკა მღებრიშვილმა ისაუბრა. შეხვედრას ესწრებოდნენ ახალციხის მუნიციპალიტეტის ადგილობრივი ბიზნეს სექტორის, დასაქმების ხელშეწყობის სახელმწიფო სააგენტოს, ადგილობრივი ხელისუფლებისა და მედიის წარმომადგენლები. პროექტი „დასაქმების ადგილობრივი პოლიტიკის განვითარება - შშმ პირთა უფლებრივი მდგომარეობის გაუმჯობესება“ მხარდაჭერილია პროექტის „შეზღუდული შესაძლებლობის მქონე პირთა უფლებების შესახებ კანონის განხორციელების ადვოკატირება“ ფარგლებში, რომელსაც ახორციელებს კოალიცია დამოუკიდებელი ცხოვრებისათვის ევროპის ფონდთან და ჰადსონ ვოლის დამოუკიდებელი ცხოვრების ცენტრთან თანამშრომლობით.  სრულად...  წყარო: საზოგადოება ბილიკი

აჭარა. 2024 წელს, თავისუფალ ჟურნალისტთა სახლმა აჭარის ჰაბის მოსახლეობასთან შეხვედრები სოფელ წონიარისში განაახლა.  შეხვედრას უძღვებოდა საქართველოს დაუნის სინდრომის ასოციაციის აჭარის ფილიალის ხელმძღვანელი, დარინა დუმბაძე.  შეხვედრაზე განიხილეს ბავშვთა განვითარების ეტაპები, რეაბილიტაციის პროგრამაში ჩართვის მექანიზმები და მშობლის როლი.  აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის "სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში შეიქმნა.  პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).  სრულად...  წყარო: თავისუფალ ჟურნალისტთა სახლი

თბილისი. საქართველოს დაუნის სინდრომის ასოციაცია იწყებს რიგით მე-13 კამპანიას დაუნის სინდრომის მსოფლიო დღესთან დაკავშირებით.  ყოველწლიურად, 21 მარტს, დაუნის დინრომის საკითხებზე მომუშავე ორგანიზაციები, ქმნიან მსოფლიო გზავნილს, რომლის ირვლივაც ერთიანდება საზოგადოება, დაუნის სინდრომის მქონე პირები, მათი ოჯახის წევრები, მხარადმჭერები, სამოქალაქო, კერძო და საჯარო სექტორი, იგეგმება მათი სამუშაო პროცესები და მიმცინარე წლის გეგმები.  2024 წლის გზავნია #ერთადდავასრულოთსტერეოტიპები  სრულად...   წყარო: საქართველოს დაუნის სინდრომის ასოციაცია

თბილისი. თუ გაქვთ სოციალური ინიციატივა და გჭირდებათ მხარდაჭერა მის განსახორციელებლად გამოიყენეთ ორბელიანი მეტის შეთავაზება – იდეების მიღება 15 მარტის ჩათვლით მიმდინარეობს.  განსაზღვრეთ პროექტის შინაარსი, სამიზნე თანხა, რის შემდეგაც იდეა გაივლის შესარჩევ ეტაპს და განთავსდება „ორბელიანი მეტის“ პლატფორმაზე.  ორბელიანი მეტი სახალხო დაფინანსების პლატფორმაა საქართველოში, რომლის მიზანია რაც შეიძლება ბევრმა ადამიანმა, ერთიანი ძალისხმევით შეიტანოს წვლილი სოციალური პროექტების განხორციელებაში.  პლატფორმის საშუალებით შეძლებ მოაგროვო პროექტისთვის სასურველი თანხის 30%, ხოლო 70% „ორბელიანი მეტის” დონორი ორგანიზაციის მიერ დაიფარება. იდეის წარდგენა შეუძლია ყველას, მთელი საქართველოს მასშტაბით, მათ შორის: ინდივიდებს, საინიციტივო ჯგუფებს,სამოქალაქო მოძრაობებსა და აქტივისტებს. წყარო: ორბელიანი მეტი

კახეთი. ლაგოდეხის მუნიციპალიტეტის შენობაში მოქალაქეთა მომსახურების განახლებული სივრცე გაიხსნა, რომელიც მოქალაქეებს „ერთი ფანჯრის“ პრინციპით მოემსახურება თანამედროვე სივრცე, ევროკავშირის, გაეროს განვითარების პროგრამისა და საქართველოს რეგიონული განვითარების და ინფრასტრუქტურის სამინისტროს მხარდაჭერით გაიხნა. ამ თანამედროვე სივრცის გამოყენებით, ლაგოდეხელები სწრაფად და კომფორტულად მიიღებენ სხვადასხვა სახის მუნიციპალური სერვისს, მათ შორის, სოციალურ და იურიდიულ დახმარებას თუ არქიტექტურულ და ინფრასტრუქტურულ კონსულტაციას. ინიციატივა განხორცილდა ევროკავშირის მიერ დაფინანსებული პროგრამის ფარგლებში „ევროკავშირი ინტეგრირებული ტერიტორიული განვითარებისთვის“ სრულად... წყარო: გაეროს განვითარების პროგრამა

ქვემო ქართლი.23 თებერვალს, 17:00 საათზე, რუსთავის პარკში მდებარე სოციალურ სივრცეში ორგანიზაცია „ნაამბობი“ გამართავს დისკუსიას თემაზე: ოჯახში ძალადობის ფორმები და ბავშვთა ქორწინება დასწრება თავისუფალია  სრულად... წყარო: ნაამბობი

თბილისი. 16-17 თებერვალს, თბილისში, ქვემო ქართლსა და სამცხე-ჯავახეთში მცხოვრები შეზღუდული შესაძლებლობის მქონე პირებსა და შეზღუდული შესაძლებლობის თემაზე მომუშავე ორგანიზაციების წარმომადგენლებისთვის სემინარი გაიმართა.  შეხვედრაზე განიხილეს შეზღუდული შესაძლებლობის განმარტება, შეზღუდული შესაძლებლობის შეფასების მოდელები, ტერმინები, სერვისები, გაეროს შეზღუდული შესაძლებლობის მქონე პირთა უფლებების კონვენცია და ა.შ. შეხვედრა პროექტის, "შეზღუდული შესაძლებლობის მქონე პირთა უფლებების შესახებ კანონის განხორციელების ადვოკატირება" ფარგლებში ჩატარდა.  პროექტის პარტნიორები არიან ორგანიზაცია "ევროპის ფონდი" და "ჰადსონ ვოლის დამოუკიდებელი ცხოვრების ცენტრი".  სრულად...  წყარო: კოალიცია დამოუკიდებელი ცხოვრებისათვის  

ქვემო ქართლი. ევროკავშირის ელჩი საქართველოში პაველ ჰერჩინსკი მარნეულის მუნიციპალიტეტსა და სოფელ სამშვილდეს ესტუმრა და და საქართველოს რეგიონის მრავალფეროვანი ადგილობრივი თემების წარმომადგენლებს შეხვდა.  მრავალფეროვნება, ინკლუზიურობა და თანასწორობა ის ღირებულებებია, რომლებიც საქართველოს ევროკავშირის გზაზე დიდ როლს თამაშობენ. ელჩი ჰერჩინსკი საქართველოში მცხოვრები აზერბაიჯანული თემის ინტეგრაციის ხელშემწყობი არასამთავრობო ორგანიზაცია „წითელი ხიდის“ დამფუძნებლებს შეხვდა და ადგილობრივ ახალგაზრდებთან დინამიკურ დისკუსიაში ჩაერთო.  ერთგულ ახალგაზრდებთან შეხვედრა შთამაგონებელი იყო. მათ შეუძლიათ იმედი ჰქონდეთ, რომ ევროკავშირი კეთილდღეობისთვის შესაძლებლობებს შექმნის.  ელჩი ასევე შეხვდა სამოქალაქო საზოგადოების წარმომადგენლებსა და ადგილობრივ აქტივისტებს ქვემო ქართლის რეგიონულ ჰაბში (STAR), რომელიც ევროკავშირის მიერ დაფინანსდა. მთელი სამოქალაქო საზოგადოების ჩართულობა საკანონმდებლო და პოლიტიკის შემუშავების პროცესში საქართველოს ევროკავშირში გაწევრიანების გზაზე გადასადგმელი ცხრა ნაბიჯის ნაწილს წარმოადგენს. სოფელ სამშვილდეში ელჩი ევროკავშირის მიერ მხარდაჭერილ სოციალურ საწარმო „ორბის ბუდეს“ ეწვია; ეს არის პროექტი, რომელიც მდგრად ტურიზმს უწყობს ხელს.  საწარმო რეგიონის კულტურული მემკვიდრეობის პოპულარიზაციას ეწევა და ადგილობრივი ქალების დასაქმების გზით ინკლუზიურობას უწყობს ხელს.  სრულად... წყარო: ევროკავშირის წარმომადგენლობა საქართველოში

თბილისი. საქართველოს ახალგაზრდა იურისტთა ასოციაცია ინფოგრაფიკას აქვეყნებს – რა შემთხვევასი შეიძლება შეჩერდეს პენსია.  ინფოგრაფიკა ასახავს იმ შემთხვევებს, რომლის დროსა შესაძლებელია პენსიის შეჩერება.  იხილეთ ინფოგრაფიკა  სრულად... წყარო: საქართველოს ახალგაზრდა იურისტთა ასოციაცია