თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „კორუფციის პრევენცია საჯარო სამსახურში - ეროვნული ანტიკორუფციული სტრატეგიის მოკლე შეფასება". „უკვე მრავალი წელია კორუფციის წინააღმდეგ ბრძოლა საქართველოს ხელისუფლების ერთ–ერთი მთავარ დეკლარირებულ პრიორიტეტს წამოადგენს. ამ მხრივ ქვეყანამ ბოლო წლების განმავლობაში მნიშვნელოვანი პროგრესი განიცადა", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს წინადადებებს OGP-ს 2016-2017 წლების სამოქმედო გეგმასთან დაკავშირებით. „2016 წლის 14 მარტს საქართველოს ახალგაზრდა იურისტთა ასოციაციამ, ღია მმართველობა საქართველოს სამდივნოს ოფიციალურად წარუდგინა საიას მოსაზრებები იმ საკითხებთან დაკავშირებით, რომელთა ღია მმართველობის პარტნიორობის (OGP) საქართველოს 2016-2017 წლების სამოქმედო გეგმაში ასახვაც მნიშვნელოვანი იქნება", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. 15 მარტს, სახალხო დამცველის გორის ოფისის თანამშრომლები გორის მუნიციპალიტეტის სოფელ ჯარიაშენში იმყოფებოდნენ. სახალხო დამცველის წამომადგენლები ადგილზე გაეცვნენ სოფლის განაპირას ოკუპირებული ტერიტორიიდან გადმოსული შეიარაღებული პირების მიერ გზის გაყვანის საკითხს. „მათ ადგილზე დახვდათ მოჭრილი ხილის ხეები. ახლად გაყვანილი გზის მონაკვეთი, რის გამოც სოფლის მოსახლეობას შეეზღუდათ საკუთარ ბაღებში სასოფლო სამეურნეო სამუშაოების წარმოება. სოფლის ტერიტორიული ორგანოს წარმომადგენლის განცხადებით ამ ეტაპზე 31 ოჯახი ვეღარ ისარგებლებს საკუთარი ბაღით, თუმცა აღნიშნული ოჯახების რიცხვი შესაძლებელია გაიზარდოს გზის გაყვანის პროცესის დასრულების შემდგომაც", ნათქვამია ომბუდსმენის ვებ-გვერდზე. სრულად... წყარო: ombudsman.ge

თბილისი. 16 მარტს, სამოქალაქო განვითარების სააგენტოს („სიდას") გამგეობის წევრების შეხვედრა გაიმართა. შეხვედრაზე „სიდას" აღმასრულებელმა დირექტორმა, გამგეობის წევრებს დეტალურად გააცნო ორგანიზაციის მიერ 2015 წელს განხორციელებული აქტივობები და შედეგები, დასრულებული და მიმდინარე პროექტები. გამგეობის წევრებმა შეხვედრაზე განიხილეს 2016 წლის პრიორიტეტები, მიმდინარე წლის ბიუჯეტი და დაგეგმილი საქმიანობები. სრულად... წყარო: ორგანიზაციის ვებ-გვერდი სოციალურ ქსელში

15 მარტს, ნიუ-ორკში, გაეროს სათაო ოფისში, გაიხსნა გამოფენა „დამფუძნებელი კრების წევრი ქალები 1919-1921". ქალთა საინფორმაციო ცენტრისა და გაეროში საქართველოს მუდმივმოქმედი მისიის ორგანიზებით გამართული გამოფენა გაეროს ქალთა სტატუსის განმსაზღვრელი კომისიის მე-60 სესიაზე 24 მარტამდე გასტანს. გამოფენის გახსნაზე პატივი მიაგეს დამფუძნებელი კრების წევრ ქალებს. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ევროპული ახალგაზრდული ცენტრის" ორგანიზებითა და „ნატოსა და ევროკავშირის შესახებ საინფორმაციო ცენტრის" მხარდაჭერით პარლამენტში ახალგაზრდული ევროპარლამენტის მოდელირებული სხდომის გახსნითი სესია ჩატარდა. „პროექტი თვენახევრის განმავლობაში 60 მოტივირებულ და აქტიურ მოსწავლეს გააერთიანებს. მათ მიეცემათ საშუალება მიიღონ დეტალური ინფორმაცია და გამოცდილება ევროპარლამენტის მუშაობის, ევროკავშირის პოლიტიკისა და ევროპული ინსტიტუტების ფუნქციონირების შესახებ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: სოციალური ქსელი

თბილისი. საქართველოს სახალხო დამცველი 15 მარტს თსუ–ში განვითარებულ პროცესებზე დაკვირვების შედეგებს აჯამებს. „სამწუხაროა, რომ უმრავლეს შემთხვევებში სამართალდამცავები ინფორმაციას არ აწვდიდნენ სახალხო დამცველის წარმომადგენლებს, არ იყვნენ ინფორმირებულები სახალხო დამცველის უფლებამოსილებისა და მის საპასუხოდ მათთვის დაკისრებული მოვალეობების შესახებ. მოვუწოდებ შინაგან საქმეთა მინისტრს, დაუყოვნებლივ უზრუნველყოს ზომების მიღება აღნიშნული მასშტაბური პრობლემის მოსაგვარებლად”, ნათქვამია ორგანიზაციის ვებ-გვერდზე. სრულად... წყარო: სოციალური ქსელი

17 მარტს, 17:00 საათზე, კამპანიის „ეს შენ გეხება” ფარგლებში, თავისუფალ უნივერსიტეტში სტუდენტებს ეკა გიგაური და ნინო ლომჯარია შეხვდებიან. მისამართი: თბილისი, თავისუფალი უნივერსიტეტის საკონფერენციო დარბაზი, №200 აუდიტორია

17 მარტს, 14:00 საათზე, კამპანიის „ეს შენ გეხება” ფარგლებში, ილიას სახელმწიფო უნივერსიტეტში ბაია პატარაია, ზვიად დევდარიანი და გიორგი კლდიაშვილი სტუდენტებთან საინფორმაციო შეხვედრას გამართავენ. მისამართი: თბილისი, ილიას სახელმწიფო უნივერსიტეტი, A კორპუსი, №101 აუდიტორია

თბილისი. ინფორმაციის თავისუფლების განვითარების ინსტიტუტი (IDFI) სტრატეგიული გეგმა საქართელო 2020-ის ფარგლებში აქვეყნებს სტატიას: „საჯარო სამსახურის რეფორმის ანალიზი". „საჯარო სამსახურის რეფორმის ცენტრალურ მიზანს წარმოადგენს კარიერულ წინსვლაზე, კეთილსინდისიერებაზე, პოლიტიკურ ნეიტრალიტეტზე, მიუკერძოებლობასა და ანგარიშვალდებულებაზე დაფუძნებული, სტაბილური, ერთიანი საჯარო სამსახურის ჩამოყალიბება და მისი ეფექტიანი ოპერირებისათვის სამართლებრივი საფუძვლების შექმნა", ნათქვამია ბლოგპოსტში. სრულად... წყარო: idfi.ge

თბილისი. მედიის განვითარების ფონდი აქვეყნებს სარედაქციო პოლიტიკის მონიტორინგის შედეგების მეხუთე ანგარიშს. იგი მოიცავს 1–29 თებერვალს. მონიტორინგის სუბიექტები: რუსთავი 2, იმედი, საზოგადოებრივი მაუწყებელი, მაესტრო, ტაბულა GDC. მედიის განვითარების ფონდი აღნიშნულ მონიტორინგს აღმოსავლეთ–დასავლეთის მართვის ინსტიტუტის პროექტის ფარგლებში ახორციელებს და მისი მიზანია მედიასთან დაკავშირებული კვლევების, მოვლენების ერთ სივრცეში განთავსება. ამ მიზნით პროექტის ფარგლებში შეიქმნა ვებგვერდი? მონიტორინგის შედეგები... წყარო: mediameter.ge

თბილისი. ეკონომიკური პოლიტიკის კვლევების ცენტრი აქვეყნებს ახალ პუბლიკაციას: „ჰიბრიდული ომი და ევრო–ატლანტიკური სივრცის უსაფრთხოების ლანდშაფტის ცვლილება". „დღეს, ევროპის მომავალი მის აღმოსავლეთ საზღვართან – დემოკრატიული ფრონტის წინა ხაზზე ყალიბდება. ფრონტისპირა ეს ახალგაზრდა დემოკრატიები მრავალი პრობლემის წინაშე დგანან. ეს პრობლემები შინაარსით ერთმანეთს ჰგავს, მაგრამ განსხვავდება ცალკეული ქვეყნის სახელმწიფოებრიობაზე ზეგავლენის ხარისხით...", ნათქვამია პუბლიკაციის რეზიუმეში. პუბლიკაცია... წყარო: eprc.ge

თბილისი. ინფორმაციის თავისუფლების განვითარების ინსტიტუტი აქვეყნებს ბლოგპოსტს: „რეკომენდაციები 2016-2017 წლების ადამიანის უფლებათა დაცვის სამთავრობო სამოქმედო გეგმის გამოხატვის თავისუფლების თავზე". „IDFI თვლის, რომ სამოქმედო გეგმის მიზნის ამგვარი ფორმულირება საკმარისად არ ასახავს ხელისუფლების მხრიდან გამოხატვის თავისუფლების კუთხით სიტუაციის გაუმჯობესებისთვის გადასადგმელ საკმარის ნაბიჯებს. უპირველეს ყოვლისა, სასურველია მიზანი „გამოხატვის თავისუფლების უზრუნველყოფა" შეიცვალოს და ჩამოყალიბდეს შემდეგი სახით - "გამოხატვის თავისუფლების კუთხით ვითარების გაუმჯობესება”. მიზნის აღნიშნული ფორმულირება უზრუნველყოფს მის შიგნით შემავალი კომპონენტების პროაქტიულობას", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საქართველოს ჟურნალისტური ეთიკის ქარტია თბილისის სახელმწიფო უნივერსიტეტში განვითარებულ მოვლენებთან დაკავშირებით გაცხადებას ავრცელებს. „თსუ-ში აქციები კვლავაც გრძელდება, მნიშვნელოვანია, რომ მედიის წარმომადგენლებს მიეცეთ პროფესიული საქმიანობის თავისუფლად განხორციელების საშუალება და შეძლონ აუდიტორიისთვის ინფორმაციის მიწოდება. შესაბამისად, ჟურნალისტური ეთიკის ქარტიის საბჭო მოუწოდებს სამართალდამცავ ორგანოებს, უნივერსიტეტის დაცვის თანამშრომლებს, უზრუნველყონ ჟურნალისტების უსაფრთხო სამუშაო პირობები", ნათქვამია ქარტიის განცხადებაში. სრულად... წყარო: qartia.org.ge

თბილისი. ღია მმართველობა საქართველოს ფორუმმა დაიწყო ფორუმის მონაწილე სამთავრობო უწყებებისგან და სამოქალაქო საზოგადოებისგან 2016-2017 წლების ღია მმართველობის პარტნიორობის სამოქმედო გეგმისთვის ახალი ვალდებულებების შემუშავება. „IDFI-მ ასევე მოამზადა სარეკომენდაციო ვალდებულებების კონცეფცია, რომელთა ასახვა ახალ სამოქმედო გეგმაში ხელს შეუწყობს ღია მმართველობის პარტნიორობის პრინციპების დანერგვას. კერძოდ, დასახელებული ვალდებულებები უკავშირდება საჯარო სამსახურის ბიუროს, საქართველოს შრომის, ჯანმრთელობისა და სოციალური დაცვის სამინისტროს, საქართველოს მთავარ პროკურატურას და სხვა უწყებებს", ნათქვამია ორგანიზაციის განცხადებაში. სრულად... წყარო: idfi.ge

თბილისი. წინამდებარე ანგარიში წარმოადგენს საქართველოს პრევენციის ეროვნული მექანიზმის მიერ 2015 წლის 14 სექტემბერს N12 პენიტენციურ დაწესებულებაში განხორციელებული ვიზიტის ანგარიშს. „ვიზიტის მიმდინარეობის დროს მონიტორინგის ჯგუფის წევრები დაუბრკოლებლად გადაადგილდებოდნენ დაწესებულების ტერიტორიაზე და ადმინისტრაციის მხრიდან მონიტორინგისთვის ხელის შეშლას ადგილი არ ჰქონია. თუმცა, აღსანიშნავია, რომ დაწესებულების ადმინისტრაციის წარმომადგენლებმა სპეციალური პრევენციული ჯგუფის წევრებს არ მისცეს საშუალება გაცნობოდნენ ელექტრონული საშუალებით მეთვალყურეობის დაწესების შესახებ დირექტორის ბრძანებებზე თანდართულ უსაფრთხოების განყოფილების შუამდგომლობებს, რადგან, მათივე განმარტებით, შუამდგომლობებში ასახული ინფორმაცია წარმოადგენდა საიდუმლოებას", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. საერთაშორისო გამჭვირვალობა - საქართველო საპარლამენტო ამბების პოდკასტს აქვეყნებს. გასულ კვირას პარლამენტში განხილული საკითხებია: „საგზაო მოძრაობის შესახებ" კანონში შესატანი ცვლილებები, გაერთიანებული სხდომა ქვეყანაში ენერგეტიკის სფეროში არსებული მდგომარეობის შესახებ, უზენაესი სასამართლოს წევრის თანამდებობაზე ანა დოლიძის კანდიდატურა", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. სახალხო დამცველის წარმომადგენლის დაკვირვებისას, პოლიციელთა მხრიდან მოსახლეობაზე ძალადობა, არასათანადო მოპყრობა და უფლებამოსილების გადამეტება არ დაფიქსირებულა. „ზუგდიდის მერიის მუნიციპალიტეტის ზედამხედველობის სამსახურის უფროსის გადაწყვეტილებით, ზუგდიდის ბაზრის შიდა ტერიტორიაზე არსებული მსუბუქი კონსტრუქციების დემონტაჟი გადაიდო, რათა პროცესის მონაწილე ყველა მხარემ შეძლოს შეთანხმების მიღწევა", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას: „იქნება თუ არა ყველასათვის ხელმისაწვდომი სკოლამდელი განათლება". „მიუხედავად იმისა, რომ ადრეული და სკოლამდელი აღზრდა და განათლება ერთ-ერთი ყველაზე უფრო მნიშვნელოვანი სააღმზრდელო-საგანმანათლებლო საკითხია, დღემდე არ არის ჩამოყალიბებული აღნიშნული სფეროს ერთიანი სტანდარტები, არ არსებობს ერთიანი პროგრამები, ამავდროულად, ადრეული და სკოლამდელი აღზრდის და განათლების სტანდარტები განსხვავდება მუნიციპალიტეტების მიხედვით", ნათქვამია ორგანიზაციის ვებ-გვერდზე. სრულად... წყარო: idfi.ge

16 მარტს, 15:00 საათზე, ქალთა ისტორიების თვის ფარგლებში ოზურგეთში გაიმართება დოკუმენტური ფილმის „2014"–ის ჩვენება. ფილმი გადაღებულია ახალგაზრდა იურისტთა ასოციაციის პროექტის ფარგლებში. მისამართი: ოზურგეთი, დემოკრატიული ჩართულობის ცენტრი

16 მარტს, 11:30 საათზე, სასტუმრო „ქორთიარდ მარიოტში" არასამთავრობო ორგანიზაცია „ინიციატივა მოწყვლადი ჯგუფების რეაბილიტაციისათვის" ფონდ „ღია საზოგადოება საქართველოს" მხარდაჭერით ატარებს შემაჯამებელ კონფერენციას, რომელიც შეეხება პენიტენციურ სისტემაში ბავშვთა პერსონალური მონაცემების დაცვასთან დაკავშირებულ საკითხებს. სრულად... მისამართი: თბილისი, თავისუფლების მოედანი #4

16-17 მარტს, ევროკავშირის კინოფესტივალი 2016 გაიმართება. კინოთეატრი სულიკო 18:30 – „გოლგოთის გზა" (გერმანია, 2014), 16 მარტი, კინოთეატრი სულიკო 20:30 – „სკის სული" (ესპანეთი,1973) სრულად... მისამართი: ქუთაისი, ქუთაისის ახალგაზრდული ცენტრი