იმერეთი. დასრულდა სოციალური მეწარმეობის 60 საათიანი ტრენინგ-კურსი საპოლოტედ შერჩეული პროფესიული სასწავლებლების სტუდენტებისთვის. ტრენინგ-კურსის მოდული, სპეციალურად შეიქმნა პროექტის ფარგლებში მოწვეული ექსპერტების მიერ, რომლებმაც ასევე კურსის განმახორციელებელი მასწავლებლებისათვის ტრენერთა ტრენინგი ჩაატარეს. კოლეჯების „იბერია“, „კონსტრუქტ2“, „განთიადი“ და აკაკი წერეთლის სახელმწიფო უნივერსიტეტის პროფესიული სასწავლო ცენტრის სტუდენტთა პირველ ნაკადს, შესაძლებლობა ჰქონდა გასცნობოდა ისეთ თემებს როგორებიცაა: ბიზნესის წარმატებისთვის საჭირო ეკონომიკური მაჩვენებლების განსაზღვრა და გაანგარიშება; საკუთარ სამეწარმეო კომპეტენციებზე სამომავლო განვითარების გეგმის დასახვა; მომავლის შესაძლებლობების ამოცნობა და ოპტიმიზაცია; იდეების გენერირება, განვითარება და შეფასება; ბიზნესის დაგეგმვა; რესურსების მართვა და გამარტივებული ფინანსური აღრიცხვა ანგარიშგება.  ტრენინგი ორგანიზებული იყო პროექტის „სოციალური მეწარმეობის უნარების გაძლიერება პროფესიულ სასწავლებლებში“ ფარგლებში, რომელიც ხორციელდება განათლების განვითარებისა და დასაქმების ცენტრის (EDEC) მიერ ChildFund Deutschland-თან პარტნიორობით, ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით.  წყარო: განათლების განვითარებისა და დასაქმების ცენტრი

თბილისი. ფესტივალების სეზონი გრძელდება! სულ უფრო მეტი მუსიკალური ფესტივალი ირჩევს მდგრადი ღონისძიების ფორმატს, რათა გართობასთან ერთად, სტუმრებს პლანეტის მიმართ პასუხისმგებლობის დღის წესრიგიც შესთავაზოს. გაეროს განვითარების პროგრამის, ნორვეგიისა და CENN-ის მხარდაჭერით, ეზო ფესტივალმა პლასტმასის ბოთლები შუშით ჩაანაცვლა და შემდგომი გადამუშავებისთვის, მთელს ტერიტორიაზე მინის შესაგროვებელი ურნები განათავსა. ეზო ფესტივალის ხელშეწყობა განხორციელდა UNDP-სა და ნორვეგიის პროექტის ფარგლებში „ლიდერობა, თანასწორობა, ადვოკატირება, დემოკრატია“. სრულად...  წყარო: გაეროს განვითარების პროგრამა

თბილისი. ახალი ეკონომიკური სკოლა მოქმედ და მომავალ მასწავლებლებს სთავაზობს ტრენინგებს – სიმულაციური თამაშები მასწავლებლებისთვის, რომელიც ეკონომიკური და მეწარმეობის მიმართულებით ცოდნის გაღრმავებას ითვალისწინებს. სრულად... წყარო: ახალი ეკონომიკური სკოლა

თბილისი. 6 ივლისს გაიმართა საქართველოს ახალგაზრდა იურისტთა ასოციაციის საერთო კრება. კრებამ ერთხმად მიიღო გადაწყვეტილება: "საქართველოს ახალგაზრდა იურისტთა ასოციაცია არ შეასრულებს ,,უცხოური გავლენის გამჭვირვალობის შესახებ“ საქართველოს კანონის მოთხოვნას ,,უცხოური ძალის ინტერესების გამტარებელ ორგანიზაციათა რეესტრში“ რეგისტრაციის შესახებ;  „საქართველოს ახალგაზრდა იურისტთა ასოციაციის იძულებითი წესით რეგისტრაციის შემთხვევაში, საია გააგრძელებს სამართლებრივ ბრძოლას. ბრძოლის პარალელურად, საია აცნობიერებს, რომ ორგანიზაციას შესაძლოა დაეკისროს ჯარიმები, რომლის გადახდაც წარმოადგენს ორგანიზაციის ინტერესებისათვის გადადგმულ ნაბიჯს;  კანონის რეპრესიული მოქმედების პირობებში საქართველოს ახალგაზრდა იურისტთა ასოციაციის საქმიანობის გაგრძელების გრძელვადიან სტრატეგიას საიას გამგეობა დაამტკიცებს 2024 წლის ნოემბერ/დეკემბერში, წევრთა მორიგი საერთო კრების მოწვევამდე, რომელსაც წარუდგენს საერთო კრებას“.  სრულად...  წყარო: საია

აჭარა. 7 ივლისს, "თავისუფალ ჟურნალისტთა სახლის" ორგანიზებით ჩატარდა საჯარო დისკუსია "ევროპული მომავალი და საზოგადოება". მომხსენებლები: ქეთი დევდარიანი, სცენარისტი და მაია ახალაია,ფილოლოგი.  შეხვედრაზე ისაუბრეს დასავლეთის წინააღმდეგ მიმართულ პროპაგანდასა და გასული საუკუნის დასაწყისში იდენტობის ჩამოყალიბებაში ლიტერატურის მნიშვნელობაზე.  აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის "სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში შეიქმნა.  სრულად...  წყარო: თავისუფალ ჟურნალისტთა სახლი

თბილისი. საერთაშორისო გამჭვირვალობა – საქართველო აქვეყნებს პუბლიკაციას, რომელიც საპენსიო სააგენტოს მართვის წესებში ცვლილებებს ეხება. „საპენსიო ფონდის მმართველობითი საბჭოს წევრთა არჩევა და გათავისუფლება პრემიერ მინისტრის დაქვემდებარებაში გადადის და პარლამენტის როლი გამორიცხება, რითიც სუსტდება საპენსიო სააგენტოს დამოუკიდებლობა და მასზე ზედამხედველობის შესაძლებლობა, რაც მნიშვნელოვანი გარანტიაა ფონდში მობილიზებული თანხების ეფექტური მართვისთვის“.  სრულად... წყარო: საერთაშორისო გამჭვირვალობა – საქართველო

საქართველოს წითელი ჯვრის საზოგადოება (სწჯს) ყოველწლიურად უერთდება სისხლის დონორთა მსოფლიო დღეს და ორგანიზებას უწევს სხვადასხვა აქციას. 2024 წელსაც, თბილისში, ბათუმში, ხულოში და ქედაში და სწჯს-ს თანამშრომლების და მოხალისეების მონაწილეობით, ჩატარდა სისხლის დონაციის კამპანიები. სისხლის დონაციის აქციაში მონაწილეობა მიიღო 115 სისხლის დონორმა და 90-მა ადამიანმა დააკმაყოფილა სისხლის ბანკის მოთხოვნები და გაიღო სისხლი.  წყარო: წითელი ჯვრის საზოგადოება

საზოგადოებრივი ორგანიზაციები ერთობლივ განცხადებას ავრცელებენ, სადაც აღნიშნავენ, რომ ევროკავშირში გაწევრიანების პროცესის გაყინვის საფრთხე რეალურია. „საქართველოს ევროკავშირში გაწევრიანების პროცესის გაყინვის საფრთხე რეალურია, რასაც ასევე ადასტურებს ევროკავშირისა და მისი წევრი-სახელმწიფოების მაღალი თანამდებობის პირთა მიერ გაკეთებული განცხადებები. აღნიშნულის შემთხვევაში, ევროპული კავშირის ამ გადაწყვეტილებაზე პასუხისმგებლობა სრულად ეკისრება საქართველოს ხელისუფლებას. ზემოხსენებულიდან გამომდინარე, გვსურს კიდევ ერთხელ მოვუწოდოთ ხელისუფლებას: გაიწვიოს რუსული კანონი და სხვა საკანონმდებლო ინიციატივები, რომლებიც ეწინააღმდეგება ევროკავშირის ფუნდამენტურ პრინციპებს და ღირებულებებს; არ აღუდგეს წინ საქართველოს მოქალაქეების უდიდესი უმრავლესობის ნებას, გახდეს ევროპული ოჯახის წევრი, და გაუფრთხილდეს ევროინტეგრაციის გზაზე მიღწეულ თითოეულ მონაპოვარს; შეასრულოს ევროკომისიის მიერ განსაზღვრული 9 ნაბიჯი“. სრულად...  წყარო: ახალგაზრდა იურისტთა ასოციაცია

სამოქალაქო საზოგადოების ინსტიტუტმა (CSI) გორში, მარნეულში, ახალციხეში, ქუთაისში, ზუგდიდში, ბათუმსა და ოზურგეთში არასამთავრობო ორგანიზაციების წარმომადგენლებისთვის გამართა საკონსულტაციო შეხვედრები.  შეხვედრებზე განიხილეს „რუსული კანონის“ სახელწოდებით ცნობილი „უცხოური გავლენის გამჭვირვალობის შესახებ“ კანონი.

კახეთი. 7 ივლისს ცოდნის კაფეში სალომე ბენიძის წარადგენს წიგნს „მარო“. „მარო მაყაშვილი ჩემთვის ყოველთვის იყო საქართველოს სიმბოლო. პატარა გმირი გოგო, პატარა გმირი ქვეყნიდან, რომელმაც თითქოსდა მოკლე ბიოგრაფიაში დაიტია თავისი სამშობლოს ბრძოლა თავისუფლებისთვის, მისი ხანმოკლე დამოუკიდებლობის სევდა და ქართველი ხალხის გაუნელებელი სწრაფვა და სურვილი – იყოს ევროპის ნაწილი. დაიტია ყველაფერი, რისიც გვჯერა, რისთვისაც ვცოცხლობთ და ვკვდებით“, – სალომე ბენიძე.  შეხვედრა იგეგმება გოგოების კლუბის ფარგლებში, რომელიც შეიქმნა გერმანიაში მცხოვრები ქართველი სოციალური მეწარმის - ლელა გრისბახის ინიციატივით.  სრულად...  წყარო: ცოდნის კაფე

სამეგრელო. შშმ პირთა ინტეგრაციისა და განვითარების ასოცაციამ „ჰანგმა“ დაასრულა პროექტი „კულტურული მემკვიდრეობა ჩვენი სავიზიტო ბარათია“. აქტივობა განხორციელდა ევროკავშირის მიერ დაფინანსებული პროექტის ,,EU4Culture” ზუგდიდის კულტურის განვითარების სტრატეგიის და მისი სამოქმედო გეგმით გათვალისწინებული პროგრამების ფარგლებში.  პროექტის მიზანი იყო: ზუგდიდის მუნიციპალიტეტსა და სამეგრელო–ზემოსვანეთის რეგიონში არსებული კულტურული მემკვიდრეობის ძეგლების, ღირსშესანიშნაობების, ტურისტული ლოკაციების, ტრადიციული რეწვის ნიმუშების პოპულარიზაცია კულტურული მემკვიდრეობის ძეგლების, ღირსშესანიშნაობების, ტრადიციული ლურჯი სუფრის, ტურისტული ლოკაციების გამოსახულებიანი მაისურების, ტილოს ჩანთებისა წარმოება-რეალიზაციით.  სრულად...  წყარო: ორგანიზაცია "ჰანგი"

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. 2 ივლისს, თბილისის ისტორიის მუზეუმში “ქარვასლა”, ‘’საქართველოს პასუხისმგებელი ბიზნესის კონკურსი – მელიორა 2024“-ის დაჯილდოების ცერემონია გაიმართა, რომლის ფარგლებშიც წლის საუკეთესო პროექტები და კომპანიები დასახელდნენ. კონკურსის სხვადასხვა კატეგორიაში გამარჯვებული კომპანიები დიპლომატიური კორპუსის წარმომადგენლებმა და კორპორაციული სოციალური პასუხისმგებლობის (CSR) მიმართულებით საერთაშორისო ექსპერტებმა დააჯილდოვეს. მათთან ერთად, საზეიმო ცერემონიას სამოქალაქო საზოგადოებისა და სხვადასხვა ბიზნესის წარმომადგენლებიც ესწრებოდნენ. ღონისძიებას ჯამში 250 სტუმარი ესწრებოდა. კონკურსზე წარდგენილი იყო კერძო სექტორის ის გამორჩეული CSR პროექტები, რომლებიც მათ გასულ წელს განახორციელეს. პროექტები შეაფასა ჟიურიმ, რომლის წევრებიც იყვნენ დარგის წამყვანი ექსპერტები, საერთაშორისო და ადგილობრივი საზოგადოებრივი ორგანიზაციებიდან და აკადემიური წრეებიდან. ‘Meliora 2024’-ის ცხრა კატეგორიიდან, გამარჯვებულები გამოვლინდნენ 7 კატეგორიაში, გაეცანით მათ... კონკურსი ჩატარდა საქართველოს სტრატეგიული კვლევებისა და განვითარების ცენტრის (CSRDG) ორგანიზებით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში. წყარო: ევროკაშვირის წარმომადგენლობა საქართველოში

სამცხე–ჯავახეთი. 50 სკოლის მოსწავლე საქართველოს 26 მუნიციპალიტეტიდან მწვანე ბანაკში შეიკრიბა. გარემოს დაცვის ექსპერტების დახმარებით, ახალგაზრდები კლიმატის ცვლილების შესახებ საინტერესო და სასარგებლო ინფორმაციას მიიღებენ, ხოლო შემდეგ, ადგილობრივ გარემოსდაცვით პროექტებს დაგეგმავენ. მწვანე ბანაკი „კლიმატის ელჩები“ უკვე მეოთხედ იმართება. ამ საგანმანათლებლო ინიციატივას უძღვებიან გაეროს განვითარების პროგრამა და გარემოსდაცვითი ინფორმაციისა და განათლების ცენტრი კლიმატის მწვანე ფონდის, საქართველოს, შვედეთისა და შვეიცარიის ხელშეწყობით.  სრულად... წყარო: გაეროს განვითარების პროგრამა

თბილისი. კოალიცია “დამოუკიდებელი და გამჭვირვალე მართლმსაჯულებისთვის" საქართველოს პარლამენტის მიერ უზენაესი სასამართლოს 3 წევრის არჩევას ეხმიანება. კოალიცია ამ გადაწყვეტილებას ევროინტეგრაციის პროცესის დამაზიანებელ მორიგ ნაბიჯად აფასებს. „წარმატებული ევროპული ინტეგრაცია და ამ მიზნის მისაღწევად შესაბამისი დემოკრატიული რეფორმების განხორციელება, მართლმსაჯულების ფუნდამენტური რეფორმის ჩათვლით, ქართული საზოგადოების აბსოლუტური უმრავლესობის მიერ არაერთხელ გამოხატული ურყევი ნებაა, რომელსაც მმართველმა გუნდმა და ხელისუფლების ყველა უფლებამოსილმა შტომ პატივი უნდა სცეს“.  სრულად...  წყარო: საერთაშორისო გამჭვირვალობა – საქართველო

თბილისი. სოციალური სამართლიანობის ცენტრი აქვეყნებს ბლოგების სერიიდან ახალ ბლოგს: „ტყუილის ხელოვნება, როგორც მართვის ხელოვნება“. მასში განხილულია ავტორიტარული რეჟიმების სიცოცხლისუნარიანობის წყაროები. ბლოგი...  წყარო: სოციალური სამართლიანობის ცენტრი

პატნიორობა ადამიანის უფლებებისთვის აქვეყნებს ინფორმაციას გაეროს ბავშვთა უფლებების კომიტეტის გადაწყვეტილებას ნინოწმინდის საქმეზე. რა დაევალა სახელმწიფოს – გაეცანით ორგანიზაციის ინფორმაციას. წყარო: ორგანიზაციის გვერდი სოციალურ ქსელში

აჭარა. თავისუფალ ჟურნალისტთა სახლის და შშმ ქალთა ალიანსის ორგანიზებით, 28 ივნისს, ბათუმის პარკში მოეწყო ღია სივრცე, რომლის საშუალებითაც საზოგადოებას მიეწოდა ინფორმაცია ორგანიზაციების საქმიანობებისა და ევროინტეგრაციის მნიშვნელობის შესახებ. ასევე მოსახლეობას გადაეცა სხვადასხვა პროექტის ფარგლებში დამზადებული სხვადასხვა საინფორმაციო მასალა.  სრულად...  წყარო: თავისუფალ ჟურნალისტთა სახლი

საქართველოს მოსახლეობის უმრავლესობა უცვლელად უჭერს მხარს მოსაზრებას: დემოკრატია ყველა სხვა პოლიტიკურ წყობაზე უკეთესია. “კავკასიის ბარომეტრის” რამდენიმე ტალღის მონაცემები აჩვენებს, რომ 2015-დან 2024 წლამდე 20 პროცენტული პუნქტით გაიზარდა მათი წილი, ვინც ფიქრობს, რომ დემოკრატია ყველა სხვა პოლიტიკურ წყობაზე უკეთესია“, ნათქვამია CRRC-ის გვერდზე სოციალურ ქსელში. ორგანიზაციის ინფორმაციით, უახლესი, 2024 წლის მონაცემებით კი, მათი პროცენტული მაჩვენებელი დიდ უმრავლესობას, 67%-ს, შეადგენს. გარდა ამისა, 10 პროცენტულ პუნქტამდეა შემცირებული მათი წილი, ვინც მიიჩნევს, რომ ზოგ შემთხვევაში არადემოკრატიული მთავრობა უფრო კარგია, ვიდრე დემოკრატიული.  რაც შეეხება საქართველოს მოსახლეობის იმ ნაწილს, ვინც ფიქრობს, რომ არ აქვს მნიშვნელობა, თუ როგორი პოლიტიკური წყობა იქნება ქვეყანაში, მათი პროცენტული მაჩვენებელი ტალღიდან ტალღამდე უმნიშვნელოდ მცირდებოდა და 2024 წელს ის 12%-ს შეადგენს.  სრულად...  წყარო: crrc.ge

გამოაქვეყნდა პასუხისმგებლიანი ხელოვნური ინტელექტის გლობალური ინდექსის შედეგები. ინდექსის პირველი გამოცემა 138 ქვეყანას ფარავს. საქარველომ 100 ქულიდან 17.83 მიიღო და რეიტინგში მე–60 ადგილი დაიკავა, აცხადებს ინფორმაციაში IDFI. ინფორმაციის თავისუფლების განვითარების ინსტიტუტი დასძენს, რომ „საქართველოს შედეგები ცხადყოფს, რომ აუცილებალია ქვეყანაში არსებობდეს ერთიანი ხედვა და მიდგომები, როგორც AI სისტემების განვითარების ხელშეწყობის, ასევე მათი გამოყენების დროს ეთიკური სტანდარტების დაცვის კუთხით“.  IDFI კვლევაში აღმოსავლეთ ევროპისა და ცენტრალური აზიის ჰაბის როლში იყო ჩართული და კოორდინაციას უწევდა კვლევით პროცესში 12 ქვეყანაში.  ინდექსი... წყარო: ინფორმაციის თავისუფლების განვითარების ინსტიტუტი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. CENN - ის კონკურსის ფარგლებში, სოციალური თერაპიის სახლში გაიმართა შეხვედრა ეკო-ცნობიერების ამაღლების მიმართულებით. თერაპიის სახლის წევრებს და პრაქტიკაზე მყოფ ვალდორფის სკოლის მოსწავლეებს მიეწოდა ინფორმაცია, თუ რა სახის ნარჩენები არსებობს, რამდენი წელი სჭირდება სრულად რომ დაიშალოს, რა მავნე თვისებები აქვს დედამიწისთვის და სამყაროსთვის. აღინიშნა, რომ არსებობს შესაბამისი სერვის ცენტრები, რომლებიც იბარებენ სხვადასხვა სახის ნარჩენებს გადამუშავებისთვის.  სოციალური თერაპიის სახლში რვა სახელოსნოა, თითოეულმა მათგანმა გამოთქვა სურვილი გაუკეთოს ორგანიზება ერთი სახეობის ნარჩენს. შეაგროვებენ და გადაამუშავებე, გამოიყენებენ ან ჩააბარებენ შესაბამის სერვის ცენტრში.  სრულად...  წყარო: სოციალური თერაპიის სახლი