თბილისი. სოციალური სამართლიანობის ცენტრი, ევროკავშირის მხარდაჭერით, უსაფრთხოებისა და დემოკრატიის სკოლის პირველი ნაკადის მონაწილეებს მასპინძლობს.  „მონაწილეებს შესაძლებლობა აქვთ, მიიღონ უსაფრთხოების საკითხებზე აკადემიური და პრაქტიკული ცოდნა, მოისმინონ მოხსენებები გლობალური და ადგილობრივი გამოწვევების, ადამიანის უფლებებზე ორიენტირებული უსაფრთხოების სექტორის კონცეფციისა და დემოკრატიული კონტროლის მექანიზმების შესახებ“. სრულად... წყარო: ორგანიზაციის გვერდი სოციალურ ქსელში

თბილისი. კოალიციამ ინფორმაციის სანდოობისთვის მასშტაბური საინფორმაციო კამპანიის „ახლა“ პრეზენტაცია გამართა. „ევროკავშირის წევრობა საქართველოს მოსახლეობის ურყევ მისწრაფებად რჩება. კამპანია „ახლა“ წარმოაჩენს თუ რა მნიშვნელოვან სარგებელს მიიღებს თითოეული ოჯახი საქართველოს ევროკავშირში გაწევრებით. ის გვიჩვენებს მაგალითებს, თუ რამდენად სწრაფად და თვალსაჩინოდ შეიცვალა სოციალურ-ეკონომიკური მდგომარეობა უკეთესობისკენ იმ ქვეყნებში, რომლებიც ახლახან შეუერთდნენ ევროკავშირს. თუმცა, ამ სიკეთეების მისაღებად საჭიროა მოქმედება ახლა! კამპანიის პრეზენტაციაზე საზოგადოების სხვადასხვა სფეროს წარმომადგენლები, მუსიკოსები, მსახიობები, მეწარმეები, ექიმები, ჟურნალისტები, ერთი მიზნით შეიკრიბნენ -  აჩვენონ ევროპული მომავლისკენ საკუთარი მტკიცე და ურყევი არჩევანი და მოითხოვონ კანდიდატის სტატუსის მისაღებად საჭირო ქმედითი ნაბიჯები და რეფორმები ახლა.  ღონისძიების გამომსვლელები შეკრებილ აუდიტორიას ესაუბრნენ საქართველოს მისწრაფებაზე დაუახლოვდეს ევროპულ ოჯახს; იმ სიკეთეებზე, რასაც ქვეყანას ევროკავშირის წევრობა მოუტანს. პრეზენტაციაზე აუდიტორიამ პირველად ნახა კამპანიის ფარგლებში შექმნილი ახალი ვიდეო, რომელიც სხვადასხვა თაობის ადამიანებზე გვიყვება, თუ როგორ შეცვლის ევროკავშირში წევრობა მათ ცხოვრებას პენსიებისა და დასაქმების ზრდით, ასევე განათლების, აგრობიზნესის და მეცნიერების მხარდაჭერის გზით. რეზო კიკნაძის ჯაზბენდმა საქართველოს და ევროკავშირის ჰიმნებიც შეასრულა... კამპანია „ახლა“, როგორც სოციალურ ქსელებში, ასევე თბილისსა და საქართველოს სხვა ქალაქებში ბილბორდებზე, ავტობუსებსა და მეტროში ბანერების განთავსებით აპრილის თვიდან დაიწყო. მომდევნო თვეების განმავლობაში, ევროინტეგრაციის მხარდამჭერ არაერთ პარტნიორთან ერთად, კამპანია სხვადასხვა არხებისა და ღონისძიებების მეშვეობით საქართველოს მასშტაბით გაიშლება.  ახლა მოქმედების დროა! მოითხოვე რეფორმები დაპირებების ნაცვლად!“ კოალიციის ფეისბუქ გვერდი... წყარო: კოალიცია ინფორმაციის სანდოობისთვის

თბილისი. თბილისის საქალაქო სასამართლოს 2023 წლის 29 მაისის გადაწყვეტილებით, ნაწილობრივ დაკმაყოფილდა „საქართველოს ეროვნული მუზეუმის“ ყოფილი თანამშრომლის, ეკატერინე კიკნაძის, სარჩელი. გაბათილდა მუზეუმის ბრძანება მოსარჩელის ლაბორანტად დანიშვნის შესახებ და მოპასუხეს მოსარჩელის სასარგებლოდ კომპენსაციის სახით 5000 ლარისა და იძულებითი განაცდურის ანაზღაურება დაეკისრა. „მოსარჩელე სააპელაციო სასამართლოში გააგრძელებს დავას იმ ნაწილში, რა ნაწილშიც სარჩელი არ დაკმაყოფილდა. მოსარჩელის ინტერესებს სასამართლოში საია იცავს“. სრულად... წყარო: ორგანიზაციის გვერდი სოციალურ ქსელში

სამეგრელო-ზემო სვანეთი. საერთაშორისო გამჭვირვალობა - საქართველომ ღია მონაცემთა ბაზებსა და ადგილობრივი თვითმმართველობის საკითხებზე ტრენინგები ჩაატარა მესტიაში მომუშავე სამოქალაქო აქტივისტებისა და სხვადასხვა ორგანიზაციის წარმომადგენლებისთვის. შეხვედრაზე განიხილეს თვითმმართველობის ორგანოთა საქმიანობაში მოქალაქეთა ჩართულობის მექანიზმები, ასევე, საჯარო მონაცემების ბაზებიდან ინფორმაციის მოპოვებისა და დამუშავების ხერხები, „საერთაშორისო გამჭვირვალობა - საქართველოს” მიერ შექმნილი ვებგვერდების გამოყენების მეთოდები. სრულად... წყარო: ორგანიზაციის გვერდი სოციალურ ქსელში

თბილისი. 24 მაისს, კოალიციამ დამოუკიდებელი და გამჭვირვალე მართლმსაჯულებისთვის შეხვედრა გამართა გორში ადგილობრივ არასამთავრობო ორგანიზაციებთან, მედიის წარმომადგენლებთან, სტუდენტებთან და სხვა დაინტერესებულ პირებთან.   „შეხვედრა შეეხებოდა მართლმსაჯულების სფეროში არსებულ  ძირითად გამოწვევებს, მათ შორის, სასამართლოში არსებულ არაფორმალური მმართველობის პრობლემას, იუსტიციის უმაღლეს საბჭოში ძალაუფლების კონცენტრაციასა და გამჭვირვალობის ნაკლებობას და ა.შ. მომხსენებლებმა ისაუბრეს ამ გამოწვევების მოგვარების პერსპექტივებზეც. შეხვედრისას ასევე განხილული იქნა, როგორ უკავშირდება მართლმსაჯულების რეფორმა საქართველოს ევროპულ პერსპექტივას და რა რეკომენდაციები გასცა ევროკომისიამ საქართველოსთვის სასამართლო ხელისუფლებასთან დაკავშირებით“. სრულად... წყარო: ორგანიზაციის გვერდი სოციალურ ქსელში

30 მაისს, 19:00 საათზე, ქალთა ფონდი გიწვევთ კვლევის წარდგენასა და დისკუსიაზე „იკითხე სტრიქონებს შორის: შავი ზღვის რეგიონში ქალთა და ადამიანის უფლებადაცვითი ორგანიზაციების, ქვიარ კოლექტივებისა და აქტივისტების გამოცდილებს დოკუმენტირება მიმდინარე კრიზისების ფონზე, რომელთა შორისაა Covid-19 პანდემიის შედეგები და რუსეთის ომი უკრაინის წინააღმდეგ“. სრულად...

30 მაისს, 19:00 საათზე, ევროკავშირისა (EU) და კონრად ადენაუერის ფონდის (KAS) მხარდაჭერით, საქართველოს სტრატეგიული კვლევებისა და განვითარების ცენტრის (CSRDG) ორგანიზებით, „საქართველოს პასუხისმგებელი ბიზნესის კონკურსის Meliora 2022“-ის რიგით მეოთხე დაჯილდოების ცერემონია გაიმართება. ღონისძიებაზე, დიპლომატიური კორპუსის წარმომადგენლები და სფეროს საერთაშორისო ექსპერტები კონკურსის სხვადასხვა კატეგორიაში გამარჯვებულ კომპანიებს დააჯილდოვებენ. მისამართი: თბილისი, შოთა რუსთაველის გამზ.29 (სასტუმრო „ბილტმორი“, Grand Ball Room)

30 მაისს, 18:00 საათზე, თბილისის აპოლონ ქუთათელაძის სახელობის სახელმწიფო სამხატვრო აკადემიაში თბილისის ფოტობიენალეს ფარგლებში ჩატარდება გურამ წიბახაშვილის მასტერკლასი, სადაც განიხილება ქალაქის გადაღების სპეციფიკა და მისი როლი, როგორც ფოტოგრაფიული პერსონაჟი. სრულად...

30 მაისს, 12:00 საათზე, სასტუმრო „რუმსში“, (Master Room) ეკონომიკური პოლიტიკის კვლევის ცენტრი „ეკონომიკური დამოკიდებულების ინდექსის“ პრეზენტაციას გამართავს. მისამართი: თბილისი, მ. კოსტავას #14

იმერეთი. ადგილობრივი დემოკრატიის სააგენტო საქართველომ (LDA Georgia), საჩხერის მუნიციპალიტეტში, ახალგაზრდული კლუბის წევრებისთვის სამდღიანი სემინარი გამართა. სემინარები შეეხო შემდეგ თემებზე:  სამოქალაქო საზოგადოების დემოკრატიული  ფუნქციები; სოციალური კაპიტალი; სამოქალაქო საზოგადოების მნიშვნელობა და როლი; ამ აქტივობის მიზანია ახალგაზრდების/სტუდენტების განწყობების შეცვლა სამოქალაქო საზოგადოებისა და სათემო ორგანიზაციების მიმართ, ახალგაზრდებში მოხალისეობის პოპულარიზაცია და მათი ინტერესების გაზრდა სამოქალაქო საზოგადოებრივი ორგანიზაციების საქმიანობის მიმართ. ახალგაზრდული კლუბი შეიქმნა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ცნობით, ორგანიზაციაში იურიდიული კონსულტაციის მიღების მიზნით, საქართველოს მოქალაქეების მიმართვიანობის მაგალითზე შეიძლება ითქვას, რომ შვილებისთვის ჯანმრთელობის სერვისების მისაღებად მიგრაცია ევროპის სხვადასხვა ქვეყნებში ქალების მძიმე არჩევანია. „ბოლო 3 წლის განმავლობაში, არაერთი სატელეფონო ზარი და შეტყობინება ყოფილა ლტოლვილის სტატუსის მინიჭებასთან დაკავშირებით. ისტორიები განსხვავებულია, თუმცა ინტერესი ერთი - ყველა შესაძლებლობის გამოყენება, რათა შვილებმა მიიღონ ის საჭირო ჯანმრთელობის სერვისები, რომელსაც საკუთარ ქვეყანაში ვერ იღებენ. ვრცლად იმის შესახებ, თუ კიდევ რატომ მიდიან ქალები შრომით მიგრაციაში, წაიკითხავთ  PHR-ის ადვოკატის, სოფიკო მენაბდიშვილის ბლოგპოსტში. სრულად... წყარო: phr.ge

სამეგრელო-ზემო სვანეთი. საერთაშორისო გამჭვირვალობა - საქართველოს იურისტებმა მესტიაში - ხაიშის, უშგულისა და მულახის თემებში გამართეს შეხვედრები და ადგილზე გაუწიეს სამართლებრივი კონსულტაცია მათ, ვისაც მიწის რეგისტრაციისა თუ სხვა სამართლებრივი საკითხების მოგვარებაში დახმარება სჭირდებათ. სრულად... წყარო: ორგანიზაციის გვერდი სოციალურ ქსელში

აჭარა. საქართველოს ახალგაზრდა იურისტთა ასოციაციის (საია) აჭარის ფილიალს ამერიკის შეერთებული შტატების გერმანიის მარშალის ფონდის წარმომადგენლები ეწვივნენ. სტუმრებს შორის, ასევე, იყვნენ სხვადასხვა საერთაშორისო მედიის ჟურნალისტები. საუბარი შეეხო ქვეყანაში ადამიანის უფლებების მდგომარეობასა და საია-ს საქმიანობას. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ სტატიას, რომელშიც უსაფრთხოებისა და საგარეო საკითხებზე მომუშავე ექსპერტები საუბრობენ იმაზე, თუ რა მოტივები და ლოგიკა შეიძლება ამოძრავებდეს საქართველოს ხელისუფლებას ქვეყნის საგარეო პოლიტიკის განსაზღვრისას და რა შედეგები შეიძლება მოუტანოს ქვეყანას ასეთმა პოლიტიკამ. „ხელისუფლება, ერთი მხრივ, მიუთითებს, რომ უკრაინის მხარდამჭერ ათობით საერთაშორისო რეზოლუციასა თუ განცხადებას უერთდება, მეორე მხრივ კი, საქართველოს შესაბამისობა ევროკავშირის საგარეო და უსაფრთხოების პოლიტიკის გადაწყვეტილებებთან, არსებული ისედაც დაბალი 44%-დან 2022 წელს 31%-მდე ეცემა. 2022 წელს, საქართველომ მხარი დაუჭირა ევროკავშირის 26-დან მხოლოდ 3 დეკლარაციას, რომლებიც რუსეთის მიმართ სანქციებს ეხებოდა.  რუსეთთან პირდაპირი ფრენების აღდგენამ ამ შესაბამისობის დონე კიდევ უფრო შეამცირა, რაც პირდაპირი დარტყმაა საქართველოს ევროკავშირთან ინტეგრაციის პროცესისთვის. აშკარაა, რომ საქართველოს ხელისუფლების ევროკავშირთან ინტეგრაციის „გაცხადებული“ პოლიტიკა მხოლოდ ფურცელზე რჩება, ისიც ვადაგასულ სტრატეგიულ დოკუმენტებში“. სრულად... წყარო: socialjustice.org.ge

სამცხე-ჯავახეთი. 25 მაისს, ახალციხეში, განათლების განვითარებისა და დასაქმების ცენტრის (EDEC) და სამცხე-ჯავახეთის რეგიონული ჰაბის - დემოკრატ მესხთა კავშირის (UMD) ორგანიზებით, მოხალისეობის ფორუმი გაიმართა სამცხე-ჯავახეთის მხარეში მოქმედი სამოქალაქო საზოგადოების, ახალგაზრდების, პროექტის წარმომადგენლებისა და მოწვეული სტუმრების მონაწილეობით.   ფორუმი გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

29 მაისს, 19:00-ზე, „ქალაქის თეატრში” გაიმართება გილდიას შემაჯამებელი კონფერენცია თემაზე „გილდიას როლი კულტურის სფეროში“. სრულად...

29 მაისს, 19:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი გიწვევთ პანელურ დისკუსიაზე: „პროპაგანდის საბჭოთა საწყისები და თანამედროვე ციფრული ეპოქის გამოწვევები“. სრულად...

ამ წუთებში, „ღია საზოგადოების ფონდის“ ოფისში სამოქალაქო საზოგადოების წარმომადგენლები ბრიუსელში ვიზიტს პრეს-კონფერენციის ფორმატში შეაჯამებენ. მისამართი: თბილისი, ჭოველიძის 4ა

თბილისი. გაეროს ბავშვთა ფონდი გიზიარებთ ინფორმაციას პუბლიკაციის შესახებ, რომელსაც ჰქვია „გაიცანით ბაბი“. წიგნის ავტორია მარიამ ხვადაგიანი. მის შემუშავებაში წვლილი შეიტანეს მაია ბაგრატიონი-გრუზინსკიმ, მაია წულაძემ და კეტლინ დირიმ. ილუსტრაციები და დიზაინი შექმნილია ფორსეტის მიერ. სახელმძღვანელო „გაიცანით ბაბი“ შემუშავებულია 2022 წელს ორგანიზაციის „მაკ-ჯორჯია“ მიერ გაეროს ბავშვთა ფონდისა და მდგრადი განვითარების მიზნების ფონდის ფინანსური მხარდაჭერით, პროექტის „სოციალური დაცვის სისტემის გაძლიერება შეზღუდული შესაძლებლობის მქონე პირებისთვის საქართველოში“ ფარგლებში. „პუბლიკაციის მიზანია, ბავშვებს გააცნოს შეზღუდული შესაძლებლობის ბიოფსიქოსოციალური მოდელი და შეზღუდული შესაძლებლობის სტატუსის განსაზღვრის პროცესი. ბიოფსიქოსოციალური მოდელი ადამიანის შეზღუდულ შესაძლებლობას განიხილავს, როგორც სამედიცინო მდგომარეობის (ბიოლოგიურად განპირობებული), ფსიქოლოგიური ფაქტორების (დაძლევის უნარები, თვითშეფასება და ა.შ.) და სოციალური ფაქტორების (გარემოს ბარიერები, საზოგადოებაში არსებული დამოკიდებულებები და ა.შ.) ურთიერთქმედებას. მოცემულ ეტაპზე, საქართველო ახორციელებს შეზღუდული შესაძლებლობის შეფასებისა და სტატუსის განსაზღვრის არსებული სისტემის რეფორმას, რათა უკეთ გამოავლინოს თითოეული ბავშვის ფუნქციონირების ხარისხი და საჭიროებები, როგორც ამას მოითხოვს საქართველოს კანონი შეზღუდული შესაძლებლობის მქონე პირთა უფლებების შესახებ (2020)“. სრულად... წყარო: UNICEF-ის გვერდი სოციალურ ქსელში

თბილისი. სოციალურ მუშაკთა ასოციაცია გიზიარებთ საინფორმაციო ბარათს, თუ რა საერთო შეიძლება ჰქონდეს სოციალურ მუშაობას და ფემინიზმს. მომზადებული მასალის თანახმად, სოციალური მუშაობის მთავარი ღირებულებები თანხვედრაში მოდის ფემინისტურ ღირებულებებთან: დისკრიმინაციასა და უთანასწორობასთან ბრძოლა, ჩაგვრასთან, შევიწროებასთან და სექსიზმთან ბრძოლა. ძალადობის პრევენცია და თანასწორობა. სოლიდარობა და ზრუნვა - ეს არის იმ საკითხების მცირე ჩამონათვალი, რომელიც ამ ორ სფეროს ერთმანეთთან აკავშირებს. პროექტის ფინანსური მხარდამჭერია ჰაინრიჰ ბიოლის ფონდის თბილისის ოფისი. სრულად... წყარო: ორგანიზაციის გვერდი სოციალურ ქსელში

თბილისი. გაეცანით პრაქტიკულ სახელმძღვანელოს მასწავლებლებისთვის: „მოსწავლეების სოციალური და ემოციური კომპეტენციების განვითარება საბაზო საფეხურზე“. სახელმძღვანელო დაეხმარება საბაზო საფეხურის მასწავლებლებს მოსწავლეების სოციალური და ემოციური კომპეტენციების განვითარებაზე ორიენტირებული სასწავლო პროცესის დაგეგმვასა და განხორციელებაში.  სახელმძღვანელო მომზადდა  კონსულტაციისა და ტრენინგების ცენტრის სკოლა-ლაბის პროგრამის მიერ, გერმანული ფონდის Bread for the World-ის (BfdW) ფინანსური თანადგომით. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…