მშობელთა სკივრი გიზიარებთ სასარგებლო ინფორმაციას სენსორულ ელემენტებთან დაკავშირებით, რომელთა სირთულეებმა შესაძლოა გარკვეული გამოწვევები შეუქმნას ბავშვებს სახლსა თუ სკოლაში. სირთულეები შეიძლება იყოს მრავალგვარი, რომლებიც სხვადასხვანაირად იჩენენ თავს, მაგალითად: ბავშვს ადვილად ეფანტება ყურადღება კლასში, ხშირად დგება მისთვის განკუთვნილი ადგილიდან და სხვა. ამ თემაზე დეტალური ინფორმაციისთვის ეწვიეთ ბმულს: https://bit.ly/3XqBtqK  წყარო: მშობელთა სკივრი

სოციალური სამართლიანობის ცენტრი გთავაზობთ სტატიას, რომელიც აღწერს საქართველოში დეზინფორმაციის სხვადასხვა გამოწვევას და საერთაშორისო დონეზე დეზინფორმაციის წინააღმდეგ გამოყენებული სხვადასხვა გამოსავლის შესაძლებლობებს. დეზინფორმაციის კონცეფცია გულისხმობს არასწორ, არაზუსტ ან შეცდომაში შემყვან ინფორმაციას, რომელიც წარმოდგენილი და გავრცელებულია იმგვარად, რომ ზიანი მოუტანოს საზოგადოებას, ან გამავრცელებელს მოუტანოს პირადი სარგებელი. დეზინფორმაცია და პროპაგანდა ბევრ სახელმწიფოში დემოკრატიული პროცესებისთვის საფრთხედ არის აღიარებული. სრულად... წყარო: სოციალური სამართლიანობის ცენტრი

“კავკასიის ბარომეტრის” 2024 წლის მონაცემებით, ქვეყნის მოსახლეობის 58%-ს ჰყავს ოჯახის წევრი ან ახლო ნათესავი, რომელიც ამჟამად საქართველოს ფარგლებს გარეთ ცხოვრობს. რა არის ძირითადი მიზეზები, რის გამოც საქართველოს მოქალაქეები საზღვარგარეთ საცხოვრებლად მიდიან? CRRC-NDI-ის 2023 წლის ოქტომბრის მონაცემებით, ქვეყნის მოსახლეობის უმრავლესობა ძირითად მიზეზებად დაბალ ხელფასებსა (65%) და სამუშაო ადგილების სიმცირეს (56%) ასახელებს. ასევე, მოსახლეობის მნიშვნელოვანი ნაწილი ძირითად მიზეზებს შორის ასახელებს მაღალ ფასებს/მაღალ საცხოვრებელ ხარჯებს (28%), ცხოვრების დაბალ ხარისხსა (24%) და მეტი ფულის უფრო სწრაფად გამომუშავების სურვილს (15%).  სრულად... წყარო: CRRC

საქართველოს ახალგაზრდა იურისტთა ასოციაიცა აკვირდება რუსული კანონის პროტესტის მონაწილეების წინააღმდეგ წარმოებულ სისხლის სამართლის საქმეებს. საია ახორციელებს 9 პირის სისხლის სამართლის საქმის მონიტორინგს, რომლებიც დაკავებული იყვნენ რუსული კანონის საწინააღმდეგო პროტესტების კონტექსტში.  „ამ პირთა მიმართ თბილისის საქალაქო სასამართლომ პატიმრობა გამოიყენა, რომელიც არც გადასინჯვის შემდეგ შეცვლილა. იმ ფონზე, რომ რუსული კანონის პროტესტის მონაწილეების მიმართ საქმეები აქტიურია, საგანგაშოა, რომ ამ დრომდე არ მომხდარა რუსული კანონის პროტესტის დროს სამართალდამცველთა მხრიდან სავარაუდო უფლებამოსილების გადამეტების ფაქტების სათანადო გამოძიება და პასუხისმგებელი პირების გამოვლენა“, ნათქვამია ორგანიზაციის ინფორმაციაში. სრულად...  წყარო: საია

2024 წლის 26 ოქტომბერს საქართველოში მორიგი საპარლამენტო არჩევნები გაიმართება. საქართველოს კანონმდებლობის შესაბამისად, ოფიციალური წინასაარჩევნო პერიოდი არჩევნების დღემდე 60 დღით ადრე – 27 აგვისტოს დაიწყო. არასამთავრობო ორგანიზაციამ „სამართლიანმა არჩევნებმა“ წინასაარჩევნო პროცესების მონიტორინგი მთელი ქვეყნის მასშტაბით, 73 საარჩევნო ოლქში, უფრო ადრე, 2024 წლის 1 ივნისს, დაიწყო.  ორგანიზაციამ გამოაქვეყნა ანგარიში, რომელიც მოიცავს 1 ივნისიდან ოფიციალური წინასაარჩევნო პერიოდის დაწყებამდე (27 აგვისტო) მიმდინარე საარჩევნო პროცესების მონიტორინგის შედეგებს. ანგარიშში მიმოხილულია არსებული პოლიტიკური კონტექსტი, საარჩევნო ადმინისტრაციის საქმიანობის ზოგიერთი ასპექტი, პოლიტიკური პარტიების რეგისტრაციის პროცესი, არაოფიციალური საარჩევნო კამპანიის მიმდინარეობა, მედიაგარემო და წინასაარჩევნო პერიოდში გამოვლენილი სხვა ძირითადი ტენდენციები.  მონიტორინგის ანგარიში...  წყარო: სამართლიანი არჩევნები

გამოვიდა რონდელის ფონდის ჟურნალის „ჩემი სამყაროს“ 43–ე ნომერი.  მასში გაეცნობით: 1924 წლის აგვისტოს აჯანყება 100 წლის გადასახედიდან. კონრად ადენაუერი: მე ვარ გერმანელი, მაგრამ ვარ და ყოველთვის ვიყავი ევროპელი. პეტრე პირველი. ოქროს სტანდარტი- საუკუნოვანი გზა პარიზიდან იამაიკამდე •ათენის იმპერიის დაცემა- პელოპონესის ომი. ქალბატონი ბლუთუზი- მსოფლიოში ყველაზე ლამაზი ქალი. ჯეიმს ვების კოსმოსური ტელესკოპი- "სამყაროს აისის" შემსწავლლელი მანქანა გალილეოდან "ვებამდე" •ჯერალდ დარელი- ადამიანი, რომელიც ყველგან უყვარდათ. ანტიკური თეატრი. ვრცლად... პროექტი „ჩემი სამყარო“ საქართველოს სტრატეგიისა და საერთაშორისო ურთიერთობების კვლევის ფონდში 2013 წლის აპრილიდან ხორციელდება. წყარო: რონდელის ფონდი

გურიის სამოქალაქო ცენტრი აკვირდება სოფლის მხარდაჭერის პროგრამა რამდენად გამჭვირვალედ და გამართულად მიმდინარეობს ჩოხატაურის და ოზურგეთის მუნიციპალიტეტებში. გაეცანით დაკვირვების შედეგებს, რომელსაც ორგანიზაცია ქარდების საშუალებით გთავაზობთ.  გურიის სამოქალაქო ცენტრი მონიტორინგს USAID–ის ადგილობრივი თვითმმართველობის პროგრამის მხარდაჭერით ახორციელებს და აგრძელებს რეგიონში მცხოვრები მოსახლეობის მხარდაჭერას, რათა აქტიურად ჩაერთონ მნიშვნელოვანი გადაწყვეტილებების მიღების პროცესში.  წყარო: USAID–ის ადგილობრივი თვითმმართველობის პროგრამა

11 სექტემბერს, მარნეულის მუნიციპალიტეტის სკოლებში გამოყოფილ სივრცეებში, სადაც უახლოეს მომავალში ეროვნული უმცირესობებისთვის ორენოვანი ალტერნატიული საბავშვო ბაღები გაიხსნება, სათამაშოებით, წიგნებით და სხვა ბავშვის განმავითარებელი მასალით აღჭურვის პროცესი დაიწყო. სკოლამდელი განათლების ცენტრებისთვის ინვენტარის შეძენა ხორციელდება პროექტის "ბავშვის განვითარება, უსაფრთხოება და კეთილდღეობა. სკოლამდელი მომსახურების დივერსიფიკაცია და ხარისხის გაუმჯობესება მარნეულის რეგიონში" ფარგლებში. პროექტს ახორციელებს პოლონური ორგანიზაცია EDUKATOR -ი ძალადობისგან დაცვის ეროვნულ ქსელთან პარტნიორობით. პროექტი მხარდაჭერილია პოლონეთის საგარეო საქმეთა სამინისტროს Polish Aid-ის პროგრამის მიერ.  წყარო: ძალადობისგან დაცვის ეროვნული ქსელი

აჭარის სხვადასხვა მუნიციპალიტეტში დევნილთა კომპაქტურ ჩასახლებებში და ეკო მიგრანტებთან საიას ბათუმის ოფისის წარმომადგენლებმა გასვლითი შეხვედრები გამართეს. შეხვედრებზე მოსახლეობას მიეწოდათ ინფორმაცია 2024 წლის საპარლამენტო არჩევნებში ელექტრონული ტექნოლოგიების გამოყენების შესახებ.  საიას რეგიონალური ოფისების წარმომადგენლები მსგავს შეხვედრებს საქართველოს სხვადასხვა რეგიონში ატარებენ. საარჩევნო ტექნოლოგიების შესახებ მოსახლეობის ინფორმირება მნიშვნელოვანია კენჭისყრის პროცესის სანდოობისათვის, არჩევნებში მონაწილეობა კი არის მათი შესაძლებლობა, გამოხატონ პოზიცია და გავლენა მოახდინონ ქვეყნის მომავალზე.  წყარო: საია

კითხვის სიყვარული ბავშვს კარს უღებს თავგადასავლებისა და ახალი ცოდნის სამყაროში და სძენს მთელ რიგ საკვანძო ენობრივ უნარებს, როგორიცაა მეტყველების განვითარება და სიტყვების მარაგის გამდიდრება. წიგნების კითხვაში გატარებული დრო გჩუქნით განსაკუთრებულ მომენტებს ბავშვთან კავშირის დასამყარებლად და ერთმანეთთან ურთიერთობით დასატკბობად.  დღეში სულ რაღაც 10-15 წუთი, რომელსაც თქვენი ცნობისმოყვარე პატარა წიგნთან გაატარებს, საკმარისია იმისთვის, რომ მასში ინტერესის ნაპერწკალი გააღვივოს. გაეცანით ჩვენს საუკეთესო რჩევებს, თუ როგორ შევაყვაროთ ბავშვს ლიტერატურა. გაეცანით გაეროს ბავშვთა ფონდის რჩევებს ამ საკითხზე... წყარო: გაეროს ბავშვთა ფონდი

11 სექტემბერს, ფოთში საბჭოთა წარსულის კვლევის ლაბორატორია გამართავს სრულიად უცნობი ფოტოების გამოფენას.  სრულად...

საქართველოში ყოველ მე-2 ქალს ცხოვრების განმავლობაში ძალადობის ერთი ფორმა მაინც გამოუცდია, ყოველ მე-4 ქალს კი სექსუალური შევიწროების გამოცდილება აქვს. ყოველი მე-4 ქალი ძალადობის მსხვერპლი უშუალოდ პარტნიორის მხრიდან გამხდარა.  საქართველოში ქალებისა და გოგოების მიმართ ძალადობის აღკვეთისთვის, ევროკავშირის მხარდაჭერით გაეროს ქალთა ორგანიზაცია და გაეროს მოსახლეობის ფონდი, მთავრობასა და პარტნიორ არასამთავრობო ორგანიზაციებთან წლებია თანამშრომლობენ. ევროკავშირის დახმარებით, საქართველოში შეიქმნა ოჯახში ძალადობის მსხვერპლთა 4 თავშესაფარი, 3 კრიზისული ცენტრი და ეროვნული ცხელი ხაზი (116 006), რომელიც ადამიანებს ეროვნული უმცირესობების ენებზეც ემსახურება.  სრულად... წყარო: GrlzWave

საზოგადოებრივმა ორგანიზაციებმა, 8 სექტემბერს გამართეს კოალიციის „ჩემი ხმა ევროკავშირს“ პრეზენტაცია. კოალიციაში 29 ორგანიზაციაა გაერთიანებული, მისი მიზანია ამომრჩეველთა ინფორმირება და ცნობიერებია გაზრდა, 2024 წლის 26 ოქრომბრის არჩევნების შესახებ.  კოალიცია ასევე მიზნად ისახავს დააკვირდეს არჩევნებს საქართველოში არსებულ ყველა უბანზე და დაიცვას ამომრჩეველთა ხმები. კოალიციას ეყოლება სპეციალურად დატრენინგებული დამკვირვებლები და ასევე იურისტთა გუნდი.  კოალიციის ვებ–გვერდი... https://www.wevote.ge წყარო: ჩემი ხმა ევროკაშვირს

ზოგიერთი დასახლება საკმაოდ შორს არის მუნიციპალური ცენტრისგან, რაც ურთულებს მოქალაქეებს მიაწვდინონ ხმა ადგილობრივ თვითმმართველობას და მიიღონ მათთვის საჭირო მუნიციპალური სერვისები.  ზაფხულის განმავლობაში, ციფრული ელჩები ჩადიან რეგიონული ცენტრებისგან დაშორებულ სოფლებში და ასწავლიან ადგილობრივ მოსახელობას, თუ როგორ შეუძლიათ მუნიციპალური სერვისების მიღება ელექტრონულად.  ციფრული ელჩები არიან მუნიციპალიტეტებიდან შერჩეული ადამიანები, რომლებიც USAID–ის ადგილობრივი თვითმმართველობის პროგრამის ფარგლებში, ინოვაციებისა და რეფორმირების ცენტრთან თანამშრომლობით დატრენინგდნენ. მიიღეს შესაბამისი ინფორმაცია.  ელჩები შეირჩნენ 6 მუნიციპალიტეტიდან, კერძოდ ბოლნისიდან, დმანისიდან, მარნეულიდან, ტყიბულიდან, ოზურგეთიდან და ქუთაისიდან. ისინი მოსახლეობას აცნობენ სერვისების პორტალს, მისი მოხმარების წესებს და ეხმარებიან რეგისტრაციასა და სერვისის მოთხოვნის განცხადების წარდგენაში.  სრულად...  წყარო: USAID–ის ადგილობრივი თვითმმართველობის პროგრამა

ინფორმაციის თავისუფლების განვითარების ინსტიტუტი აქვეყნებს ახალ ანგარიშს – „ფარული მეთვალყურეობის ზედამხედველობა: კანონმდებლობა და პრაქტიკა“.  ინსტიტუტის მონაცემებით „ფარულ მეთვალყურეობაზე ზედამხედველი საჯარო დაწესებულებები ხშირად უხეშად არღვევენ საჯარო ინფორმაციის ხელმისაწვდომობის კონსტიტუციურ უფლებას“. სრულად... წყარო: ინფორმაციის თავისუფლების განვითარების ინსტიტუტი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

„თავისუფლებაც ხომ სწორედ ეს არის – ადამიანს უნდა იყოს ადამიანი, ადამიანს უნდა იყოს სხვანაირი, ადამიანს უნდს იყოს ის, რაც თვითონ არის... და ტანსაცმელიც ხანდახან იყო ამის საშუალება“.  ძალიან მალე სოვლაბი და არტისტი ნატალია ვაწაძე წარმოგიდგენთ ერთობლივ გამოფენას, „საკაბე - კარადაში შენახული თავისუფლების ამბები“.  გამოფენაზე ფოტოხელოვან გურამ წიბახაშვილის პირად კოლექციაში დაცული ფოტოებიც გამოიფინება.  წყარო: სოვლაბი

8 სექტემბერს, 18:00 საათზე, დედაენის ბაღში გაიმართება სამოქალაქო საზოგადოების ახალი სადამკვირვებლო მისიის „ჩემი ხმის“ წარდგენა. მისი მიზანია 26 ოქტომბრის არჩევნების დაკვირვება. შესაბამისად იწვევს ყველას, ვინც მზად არის მოხალისეობრივად ჩაერთოს. სრულად...  წყარო: სამოქალაქო საზოგადოების ფონდი

5 სექტემბერს, 18:30 საათზე სოციალური სამართლიანობის ცენტრი გიწვევთ საჯარო დისკუსიაზე: “როგორ დავიცვათ დემოკრატია მოქალაქეებმა?” შეხვედრის ადგილი: ბათუმის დემოკრატიული ჩართულობის ცენტრი (მისამართი: 26 მაისის ქუჩა N31, ბათუმი). დისკუსიის ფარგლებში მომხსენებლები ისაუბრებენ ქვეყანაში შექმნილ პოლიტიკურ კრიზისზე, მის სისტემურ მიზეზებზე და დაძლევის გზებზე.  სრულად..

გენდერული დეზინფორმაცია ცრუ ან შეცდომაში შემყვანი იმგვარი ინფორმაციაა, რომელიც გენდერსა და იდენტობაზეა დაფუძნებული. მისი მსხვერპლი შეიძლება ნებისმიერი ადამიანი გახდეს, ვინც პოლიტიკურად თუ სოციალურად აქტიურია. თუმცა, სამიზნეები, ხშირად, მაინც ქალები არიან. სრულად...   წყარო: საფარი

უფლებები საქართველო: კიდევ ერთხელ გადავხედოთ ისტორიულ ფაქტებს და საქართველოს გამოცდილებას, რათა გვახსოვდეს, ვინ გვართმევს და ვინ გვინარჩუნებს ქართველობას. სრულად...   წყარო: უფლებები საქართველო

„რუსული კანონის“ სახელით ცნობილი „უცხოური გავლენის გამჭვირვალობის შესახებ“ კანონის აღსრულების მიზნით, საქართველოს იუსტიციის მინისტრის გადაწყვეტილებით, სსიპ - საჯარო რეესტრის ეროვნულ სააგენტოში შეიქმნა ცალკე დეპარტამენტი - ფინანსური დეკლარირების დეპარტამენტი. სწორედ ამ დეპარტამენტის უფროსი არის ის პირი რომელსაც მიენიჭა, ამ კანონის საფუძველზე შექმნილ რეესტრში რეგისტრაციისთვის წარდგენილი დოკუმენტების შესწავლის, მონიტორინგის განხორციელების, ამ რეესტრში იძულებითი რეგისტრაციის და სუბიექტებისათვის ადმინისტრაციული პასუხისმგებლობის დაკისრების უფლებამოსილება. 2024 წლის 1 აგვისტოს გამოქვეყნდა, საქართველოს იუსტიციის მინისტრის ბრძანება, რომელიც განსაზღვრავს ამ კანონის საფუძველზე შექმნილი რეესტრის წარმოების, საფინანსო დეკლარაციის წარდგენისა და მონიტორინგის წესებს. ბრძანებას სხვა დანართებთან ერთად, ახლავს საფინანსო დეკლარაციის დეტალური ფორმა და ადმინისტრაციულ სამართალდარღვევის შესახებ ოქმის ფორმა.