თბილისი. საქართველოში ბიზნესისა და ადამიანის უფლებების მიმართულებით არსებული მდგომარეობის, ადამიანის უფლებებისა და ტრანსნაციონალური კორპორაციების, სხვა ბიზნეს საწარმოების საკითხების შესახებ გაეროს სამუშაო ჯგუფის მიერ საქართველოს შესახებ მომზადებული ანგარიშის გათვალისწინებით, სახალხო დამცველმა საქართველოს პრემიერ-მინისტრს წერილობით მიმართა.  სახალხო დამცველი წერილში წუხილს გამოთქვამს ადამიანის უფლებათა სამოქმედო გეგმით აღებული ვალდებულებების შესრულების დაბალ მაჩვენებელთან დაკავშირებით. წერილის მიხედვით, მიუხედავად განხორციელებული რიგი ღონისძიებებისა, სხვადასხვა უწყებისგან მიღებული ინფორმაციის თანახმად, ამ დროისთვის ბიზნესისა და ადამიანის უფლებების შესახებ სამოქმედო გეგმით განსაზღვრული არაერთი უმნიშვნელოვანესი ამოცანის შესასრულებლად ქმედითი ღონისძიებები არ გატარებულა.  სრულად   წყარო: ორგანიზაციის ვებგვერდი

თბილისი. 10 დეკემბერს, გაეროს ქალთა ორგანიზაციამ, სიდამ და გლობალური შეთანხმების საქართველოს ქსელმა ქალთა გაძლიერების პრინციპების თემაზე ღონისძიებას უმასპინძლეს. ღონისძიებას, რომელსაც ბიზნეს კომპანიების 100-ზე მეტი წარმომადგენელი დაესწრო, იმსჯელეს გენდერული თანასწორობის საკითხში ბიზნესის როლზე და საქართველოში ქალთა ეკონომიკური გაძლიერების საქმეში კერძო სექტორის ჩართულობის მნიშვნელობაზე. შეხვედრაზე კომპანიების აღმასრულებელმა დირექტორებმა ისაუბრეს ქალთა გაძლიერების მიმართულებით განხორციელებულ საქმიანობებზე, მიღწევებზე და არსებულ გამოწვევებზე. სრულად... წყარო: ორგანიზაციის ვებგვერდი სოციალურ ქსელში

თბილისი. პროექტი მიზნად ისახავს ქალთა ეკონომიკურ გაძლიერებას ბიზნესის სხვადასხვა სფეროში მოღვაწე ქალთა მხარდაჭერით.  პროექტი განხორციელდება 2018-2019 წწ-ში. პროექტი დაფინანსებულია გაეროს ქალთა ორგანიზაციის მიერ. პროექტის ფარგლებში შეირჩევა 50 ქალი ბენეფიციარი, რომელიც გადამზადდება და გაივლის შესაბამის ტრენინგებს ცოდნისა და კვალიფიკაციის ასამაღლებლად. მიმდინარე წლის ბოლოს შიდა კომისიის მიერ შერჩეული 25 ბენეფიციარი მიიღებს გრანტს ბიზნესის გაფართოების მიზნით. სრულად... წყარო: ორგანიზაციის ვებგვერდი სოციალურ ქსელში

თბილისი. 8-12 ოქტომბერს, საქართველოს გაეროს ასოციაციამ (UNAG), USAID-ის „ტოლერანტობის, თბილისის ტექნოპარკში 5 დღიანი თემატური სკოლა „სოციალური მეწარმეობა, პასუხისმგებლობა და ინოვაციები" ჩაატარა. თემატური სკოლის ფარგლებში, ტრენინგის მონაწილეებმა სასწავლო ვიზიტების, მოწვეულ სტუმრებთან დისკუსიების, როლური თამაშების და სხვა ინოვაციური მიდგომის დახმარებით მიიღეს ინფორმაცია მეწარმეობასა და სოციალურ პასუხისმგებლობაზე, ბიზნესთან თანამშრომლობის სტრატეგიებსა და ახალგაზრდულ სტარტაპებზე. სკოლის დასრულების შემდეგ, მიღებულ ცოდნას ახალგაზრდები ადგილობრივ მოსახლეობასა და თანატოლებს გაუზიარებენ. სრულად... წყარო: ორგანიზაციის ვებ-გვერდი სოციალურ ქსელში

აჭარა. დღეს დასრულდა სემინარები მეღვინეობაში, რომელსაც ასოციაცია „ღირსეული სიბერე" ევროკავშირის დაფინანსებით ახორციელებდა. სემინარებზე განხილული იქნა ღვინის დაყენების ტრადიციული მეთოდები, ქვევრში ღვინის დაყენების ტექნოლოგია, თეთრი და წითელი ღვინოები და ჭაჭის გამოყენება. სემინარის შემდეგ, ბენეფიციარები გვარის აგროსერვისცენტრის ღვინის სახლს და დგილობრივ ფერმერს ესტუმრნენ. სემინარი პროექტის - „დასაქმებაზე ორიენტირებული განათლებისა და განვითარების სისტემის ამოქმედება აჭარაში" ფარგლებში ჩატარდა. სრულად წყარო: ორგანიზაციის ოფიციალური ფეისბუქგვერდი

თბილისი. „აფბა" მედიაში გავრცელებულ ინფორმაციას, არასამთავრობო ორგანიზაციების მიერ კერძო ბანკების წინააღმდეგ მიზანმიმართული კამპანიის არსებობას უარყოფს. ორგანიზაციის განცხადებით, არასამთავრობოებთან კონსულტაცია საბანკო სექტორში არსებულ პრობლემებს და მათი აღმოფხვრის მეთოდებს შეეხებოდა. „ ...ხაზგასმით ვაცხადებთ, რომ ამ კონსულტაციების პათოსი არ ყოფილა ბიზნესის რომელიმე სეგმენტის წინააღმდეგ კამპანიის აგორება, შეიძლება ითქვას, პირიქით, ამ კონკრეტულ შემთხვევაშიც და, ზოგადად, აფბა-ს მისია იყო, არის და იქნება ბიზნესის მხარდაჭერა", ნათქვამია განცხადებაში. სრულად... წყარო: afba.ge

თბილისი. 13-15 მაისს საქართველო ევროპის რეკონსტრუქციის და განვითარების ბანკის (EBRD) ყოველწლიურ შეხვედრას და ბიზნესფორუმს მასპინძლობს. ევრაზიის თანამშრომლობის ფონდის ინფორმაციით, „ყოველწლიური შეხვედრის ერთ-ერთი უმნიშვნელოვანესი ღონისძიება, სამოქალაქო საზოგადოების ჩართულობის კუთხით, სამოქალაქო საზოგადოების პროგრამაა, რომელსაც EBRD ბიზნესფორუმის ფარგლებში 2000 წლიდან მართავს. პროგრამა სამოქალაქო საზოგადოების 100-მდე წარმომადგენელს უყრის თავს და მრგვალი მაგიდის ფორმატში, სხვადასხვა დაინტერესებულ მხარეს შორის ნაყოფიერი დისკუსიის წარმართვას უწყობს ხელს. წლევანდელი სამოქალაქო საზოგადოების პროგრამის ფარგლებში, 14 მაისს ერთ-ერთი სესია სოციალური საწარმოების განვითარების ხელშეწყობას და დაფინანსების შესაძლო ფორმებს შეეხება". სრულად... წყარო: epfound.ge

ეკონომიკური პოლიტიკის კვლევის ცენტრი, შვეიცარიის საელჩოს მხარდაჭერით, საქართველოს რეგიონებში მეწარმეობისა და ბიზნესის დაწყებით დაინტერესებული ქალებისთვის ტრენინგების ციკლს მართავს. ტრენინგები გაიმართება: მარნეულში, რუსთავში, ახალციხესა და თელავში. სრულად... წყარო: ორგანიზაციის ვებგვერდი სოციალურ ქსელში

თბილისი. 3 აპრილს, საქართველოს ფოსტა გამოეხმაურა „საერთაშორისო გამჭვირვალობა - საქართველოს" 27 თებერვალს გამოქვეყნებულ ანგარიშს „კონკურენციის პოლიტიკა: საფოსტო მომსახურების ბაზარი საქართველოში". „საქართველოს ფოსტა" აცხადებს, რომ კვლევა არ ასახავს რეალობას და, სავარაუდოდ, მიმართულია კომპანია „საქართველოს ფოსტის" ბიზნეს რეპუტაციის შელახვისკენ. გვსურს, ამ განცხადებაზე განმარტება გავაკეთოთ. „საერთაშორისო გამჭვირვალობა - საქართველო" უკვე რამდენიმე წელია მონიტორინგს უწევს საქართველოს საფოსტო ბაზარზე მიმდინარე მოვლენებს. „ მონიტორინგისას იკვეთებოდა მთავრობის მცდელობა, შეეზღუდა კონკურენცია და უპირატეს მდგომარეობაში ჩაეყენებინა „საქართველოს ფოსტა" კერძო კომპანიების ხარჯზე. …. ჩვენ კიდევ ერთხელ ვადასტურებთ კვლევის დასკვნებისა და ყველა ჩვენი განცხადების სისწორეს, მით უმეტეს რომ მთავრობის მცდელობების არამართებულობა სასამართლო გადაწყვეტილებებითაც დასტურდება", ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საერთაშორისო გამჭვირვალობა – საქართველო ავრცელებს ბლოგს ახალი კანონის პროექტის – „საქართველოს ბიზნეს ომბუდსმენის შესახებ", რომელიც გასულ კვირას პარლამენტის საფინანსო–საბიუჯეტო კომიტეტმა პირველი მოსმენით განიხილა და მხარი დაუჭირა პლენარულ სხდომაზე გატანას. ორგანიზაციას მიაჩნია, რომ კანონმდებლობის ცვლილება უმეტესად ტექნიკურ ხასიათს არ უნდა ატარებდეს, არამედ იყოს „შინაარსობრივი და აძლიერებდეს ამ ინსტიტუტის უფლებების დაცვაზე ზედამხედველობის მექანიზმებს". სრულად... წყარო: transparency.ge

თბილისი. არასამთავრობო ორგანიზაციამ „ახალგაზრდა ადვოკატებმა" პრესკონფერენცია გამართეს, სადაც საქართველოს ეროვნულ ბანკს, საქართველოში კომერციული ბანკების არაპროფილური საქმიანობის მეტი კონტროლისკენ მოუწოდებს. ორგანიზაციამ შეისწავლა მსოფლიოს სხვადასხვა ქვეყნების გამოცდილება „...ისეთ სფეროს, როგორიც არის უძრავი ქონების სექტორში ბიზნეს აქტივობა, მსოფლიოს ბევრ ქვეყანაში, კომერციულ ბანკებს ეკრძალებათ მათი განხორციელება - აღნიშნული საქმიანობა არ შეიძლება განხორციელდეს არც ბანკისა და მისი შვილობილი ან მფლობელის/ჰოლდინგის სხვა საწარმოს მიერ. სწორედ მრავალი ქვეყნის გამოცდილებისგან განსხვავებით, საქართველოში არაპროფილური ბიზნესის ფლობა საბანკო სფეროსთვის ნებადართული საქმიანობაა, რომელსაც ბანკი ან უშუალოდ, ან შვილობილი კომპანიის მეშვეობით ახორციელებს... მიუხედავად იმისა, რომ კომერციული ბანკების არაპროფილური საქმიანობა დღეისათვის საგანგაშო ნიშნულს არაა მიღწეული, პრევენციის მიზნით მნიშვნელოვანია დაწესდეს გარკვეული შეზღუდვები ინვესტიციების ფორმირებისა და მოცულობის ნაწილში, კომერციულ ბანკებს უნდა აეკრძალოთ არაპროფილური საქმიანობის განხორციელება", ნათქვამია ორგანიზაციის ვებგვერდზე. სრულად... წყარო: barristers.ge

თბილისი. ახალგაზრდა ფინანსისტთა და ბიზნესმენთა ასოციაცია – „აფბამ", საქსტატის მიერ გამოქვეყნებული იანვარ–ნოემბრის საგარეო ვაჭრობის შესახებ წინასწარი მონაცემები შეაფასა."სტატისტიკის სამსახურის მონაცემებით, 2014 წლის იანვარ-ნოემბერში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 10359 მილიონი აშშ დოლარი შეადგინა, რაც წინა წლის შესაბამის მაჩვენებელზე 7 პროცენტით მეტია. აქედან, ექსპორტი 2628 მილიონი აშშ დოლარი იყო (0.5 პროცენტით მეტი), ხოლო იმპორტი 7731 მილიონი აშშ დოლარი (9 პროცენტით მეტი). უარყოფითმა სავაჭრო ბალანსმა 2014 წლის იანვარ-ნოემბერში 5103 მლნ. აშშ დოლარი და საგარეო სავაჭრო ბრუნვის 49 პროცენტი შეადგინა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველომ საფოსტო კავშირის შესახებ ახალ კანონპროექტზე განცხადება გაავრცელა. „საქართველოს ეკონომიკისა და მდგრადი განვითარების სამინისტრომ შეიმუშავა კანონპროექტი „საფოსტო კავშირის შესახებ", რომელიც ბაზრის ამ სეგმენტზე გაუმართლებელი სახელმწიფო რეგულირების შემოღებას ითვალისწინებს. წარმოდგენილი კანონპროექტი უარყოფით გავლენს მოახდენს ბაზრის ამ სეგმენტზე თავისუფალი, სამართლიანი და კონკურენტული ბიზნესგარემოს არსებობაზე. შემოთავაზებული რეგულაციები პირდაპირ ეწინააღდეგება თანამედროვე საერთაშორისო პრაქტიკას და საქართველო - ევროკავშირის ასოცირების ხელშეკრულებით აღებულ ვალდებულებებს", ნათვამია განცხადებაში. სრულად წყარო: transparency.ge

აჭარა. ახალგაზრდული ინიციატივები აჭარის ავტონომიის სპორტისა და ახალგაზრდობის საქმეთა დეპარტამენტის დაფინანსებით, 29 მარტს, 11:00 საათზე გამაართავს „სტუდენტური ბიზნეს ოლიმპიადის" ფორუმს. გეიმართება სტუდენტური საკონსულტაციო ჯგუფის სამოქმედო გეგმის, ასევე სტუდენტების მიერ დამუშავებული პროექტებისა და ბიზნეს გეგმების პრეზენტირება. სრულად წყარო: ორგანიზაცია ახალგაზრდული ინიციატივები

შიდა ქართლი. 27 თებერვალს, გორში, ასოციაცია „გორის ინვალიდთა კლუბმა" სოცილური საწარმოს „გორდიზაინის" ოფიციალური პრეზენტაცია გამართა. „გორდიზაინი" შეიქმნა პროექტის - „ახალი ეკონომიკური შესაძლებლობების ინიციატივის" ფარგლებში, რომელიც ამერიკის საერთაშორისო განვითარების სააგენტოს (USAID) მიერ არის დაფინანსებული და მის ფასილიტაციას ახორციელებს არასამთავრობო ორგანიზაცია „სიდა". წყარო: ორგანიზაციის ვებგვერდი სოციალურ ქსელში

თბილისი. საქართველოს ეკონომიკისა და მდგრადი განვითარების სამინისტრომ შეიმუშავა კანონპროექტი „საფოსტო კავშირის შესახებ", რომელიც საფოსტო კავშირის სფეროში საქმიანობის სამართლებრივი საფუძვლების ახლებურად მოწესრიგებას. კერძოდ, ბაზრის ამ სეგმენტზე სახელმწიფო რეგულირების შემოღებას, ითვალისწინებს. „საერთაშორისო გამჭვირვალობა − საქართველომ" გააანალიზა აღნიშნული კანონპროექტი და „ამ კანონპროექტით შემოთავაზებულ რეგულაციებსა და საქართველოს კანონმდებლობას შორის სერიოზული შეუსაბამობები აღმოაჩინა. საფოსტო კავშირის სფეროში საქმიანობის სამართლებრივი მოწესრიგების აღნიშნული წესი უარყოფით გავლენას მოახდენს ბაზრის ამ სეგმენტზე თავისუფალი, სამართლიანი და კონკურენტული ბიზნესგარემოს არსებობაზეც, რაც არაა შესაბამისობაში მოწინავე საერთაშორისო პრაქტიკასთან", ნათქვამია ორგანიზაციის ვებგვერდზე. სრულად წყარო: transparency.ge

თბილისი. 28 თებერვალს, ორგანიზაცია „კონსტიტუციის 42-ე მუხლის" ოფისში ჩატარდა სამუშაო ჯგუფის შეხვედრა ევრაზიის თანამშრომლობის ფონდის მიერ დაფინანსებული პროექტის - „მცირე და საშუალო ბიზნესის მფლობელთა სასამართლოსადმი ნდობის ამაღლება" - ფარგლებში. შეხვედრაზე განხილეს საგადასახადო კანონმდებლობაში შესატანი ცვლილებათა პაკეტი და ის პრობლემატური საკითხები, რომელიც პრაქტიკაშია დანერგილი. რეკომენდაციების შესამუშავებლად და ხარვეზების დასადგენად აღნიშნული ჯგუფის ფორმატში მუშაობა მომავალშიც გაგრძელდება. წყარო:ორგანიზაციის გვერდი სოციალურ ქსელში

თბილისი. 19 დეკემბერს კონსულტაციისა და ტრენინგის ცენტრში გაიმართა პროექტის – „მიკრომეწარმეობა, როგორც სიღარიბესთან ბრძოლის საშუალება" – ფარგლებში ჩატარებული კვლევის ანგარიშის პრეზენტაცია. პრეზენტაციას დაესწრო ორმოცზე მეტი ადამიანი სხვადასხვა საერთაშორისო და ადგილობრივი არასამთავრობო ორგანიზაციებიდან, ასევე სოფლის მეურნეობის სამინისტროსა და საქართველოს პარლამენტიდან. ღონისძიებაზე გაიმართა დისკუსია აღნიშნული კვლევის შედეგების შესახებ და გამოიკვეთა ამ თემაზე მუშაობის საჭიროება. წყარო:www.ctc.org.ge

თბილისი. სამოქალაქო საზოგადოების ინსტიტუტმა მოამზადა გზამკვლევი – „არასამეწარმეო (არაკომერციული) იურიდიული პირების ფინანსური აღრიცხვა და ანგარიშგება". სახელმძღვანელო ეძღვნება არასამეწარმეო იურიდიული პირების მიერ ბუღალტრული აღრიცხვის წარმოებასა და ანგარიშგების მომზადებას. პუბლიკაცია მოიცავს ისეთ საკითხებს, როგორიცაა: არასამეწარმეო იურიდიული პირების მიერ ფინანსური ანგარიშგების მომზადებისა და წარდგენის თეორიულ საფუძვლებს, მატერიალური მარაგის, ასევე ძირითადი საშუალებების, სახელმწიფო გრანტების აღრიცხვის საკითხებს და ა.შ. მსგავსი ტიპის გზამკვლევის შექმნა პირველი პრეცედენტია საქართველოში, ამიტომაც ავტორები მზადყოფნას გამოთქვამენ ყველა დაინტერესებული პირებისგან მიიღონ წინადადებები. სამოქალაქო საზოგადოების ინსტიტუტმა აღნიშნული პუბლიკაცია მოამზადა „აღმოსავლეთ–დასავლეთის მართვის ინსტიტუტის პროგრამის – „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების" – ფარგლებში. გზამკვლევი: „არასამეწარმეო იურიდიული პირების ფინანსური აღრიცხვა და ანგარიშგება"

თბილისი. ახალგაზრდა ფინანსისტთა და ბიზნესმენთა ასოციაცია – „აფბა"  აზარტული და მომგებიანი თამაშობების ორგანიზებასთან დაკავშირებულ საკანონმდებლო ცვლილებებს აკრიტიკებს. „ახალგაზრდა ფინანსისტები მხარს ვუჭერთ „სათამაშო ბიზნესის ასოციაციის" პოზიციას და მივიჩნევთ, რომ სათამაშო ბიზნესის რეკლამირების სრული აკრძალვა დაუშვებელია. სათამაშო ბიზნესის მკაცრი შეზღუდვა მის არალეგალურ ფორმაში გადასვლას გამოიწვევს, რაც არსებულ რეალობას პირიქით უფრო დაამძიმებს", – ნათქვამია ორგანიზაციის გვერდზე. აფბა პარლამენტს მოუწოდებს დღეს არსებული სახით ცვლილებები დასახელებულ კანონპროექტებში არ შეიტანონ.  წყარო:ორგანიზაციის გვერდი სოციალურ ქსელში

აისეკის ორგანიზებით პირველად საქართველოში Youth to Business Forum Georgia გაიმართება. კონფერენციაზე სტუდენტები და ბიზნეს სექტორის წარმომადგენლები და განიხილავენ საქართველოსთვის აქტუალური თემებს,რაც ახალ იდეებსა და წამოწყებებს ჩაუყრის საფუძველს.  ორდღიან კონფერენციაში მონაწილეობის მისაღებად შეავსეთ აპლიკაცია. წყარო:ორგანიზაციის გვერდი სოციალურ ქსელში

აჭარა. 16 დეკემბერს, ბათუმის დემოკრატიული ჩართულობის ცენტრში, საქართველოს დამსაქმებელთა ასოციაციამ შეხვედრა გამართა. სადაც ადგილობრივ ბიზნებსმენებს საქართველოს შრომის კოდექსში შესატან ცვლილებებზე ესაუბრა. აღნიშნული კანონპროექტის თანახმად დამსაქმებელი სისხლის სამართლის კოდექსის მიხედვით გასამართლდება და  ორ წლიანი პატიმრობა მიესჯება თუ თანამშრომელს აიძულებს სამსახურიდან წასვლის შესახებ განცხადების დაწერას. კოდექსის ეს ნაწილი დამსწრე საზოგადოების დისკუსიის საგანი გახდა. ადგილობრივი ბიზნეს სექტორის წარმომადგენლებმა ცვლილების ეს საგანი ბუნდოვნად და ნაწილობრივ მიუღებლად მიიჩნიეს, ასევე საქართველოს დამსაქმებელთა ასოციაციაც ადასტურებს, რომ კანონპროექტს ბევრი ხარვეზი აქვს და დაზუსტებას მოითხოვს.