თბილისი. საქართველოს ახალგაზრდა იურისტთა ასოციაცია (საია) ლონდა თოლორაიას საქმეზე საკონსტიტუციო სასამართლოს პირველი კოლეგიის საოქმო ჩანაწერს ეხმიანება. ორგანიზაცია მიიჩნევს, რომ საკონსტიტუციო სასამართლოს პირველი კოლეგიის სამი მოსამართლის მიერ მიღებული საოქმო ჩანაწერი მოკლებულია სამართლებრივ არგუმენტაციას, ეფუძნება თეორიულ მსჯელობებს და არ შეესაბამება საკონსტიტუციო სასამართლოს აქამდე დადგენილ პრაქტიკას სადავო ნორმების შეჩერების საკითხთან დაკავშირებით. სრულად... წყარო: gyla.ge

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, კონსულტაციები გასცა სამოქალაქო საზოგადოებრივი და სათემო ორგანიზაციების წარმომადგენლებისათვის სამტრედიის მუნიციპალიტეტში. კონსულტაციების გაცემა გაგრძელდება იმერეთის მხარის მუნიციპალიტეტებში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სამოქალაქო საზოგადოების ორგანიზაციები უკრაინაში რუსეთის შეჭრასთან დაკავშირებით განცხადებას ავრცელებენ. „რუსეთის მიერ საერთაშორისო სამართლის უხეში დარღვევის, უკრაინაზე თავდასხმისა და მშვიდობიანი მოსახლეობის წინააღმდეგ სასიკვდილო იარაღის გამოყენების ფონზე, გავრცელდა საქართველოს პრემიერ-მინისტრის განცხადება, რომ არ აპირებს შეუერთდეს რუსეთის წინააღმდეგ დაწესებულ ფინანსურ და ეკონომიკურ სანქციებს. ასევე, მმართველმა პარტიამ ჩაშალა პარლამენტის რიგგარეშე სხდომა უკრაინის საკითხზე. ხელმომწერი ორგანიზაციები ცალსახად ვემიჯნებით და ვგმობთ პრემიერის აღნიშნულ განცხადებას, რადგან იგი არ გამოხატავს ქართველი ერის სულისკვეთებას, არ ემსახურება მის ინტერესებს და არ მართლდება ე.წ. არგაღიზიანების პოლიტიკით“. სრულად... წყარო: transparency.ge

თბილისი. კოალიცია ინფორმაციის სანდოობისთვის, უკრაინაში მიმდინარე მოვლენებთან დაკავშირებით განცხადებას ავრცელებს. „არსებული გამოწვევების და საინფორმაციო ომის საფრთხის გათვალისწინებით, მივმართავთ საქართველოს ხელისუფლებას: 90 დღით შეუზღუდოს მაუწყებლობა ყველა პროპაგანდისტულ რუსულ სატელევიზიო არხს. საქართველოს პარლამენტმა მიიღოს უკრაინის მხარდამჭერი განახლებული რეზოლუცია და აღმასრულებელ დონეზე გადაიდგას უკრაინის მხარდამჭერი ქმედითი ნაბიჯები“. სრულად... წყარო: კოალიციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

აჭარა. თავისუფალ ჟურნალისტთა სახლმა ჭვანის ახალგაზრდული ცენტრის მოხალისეებისთვის კიდევ ერთი ახალი ონლაინ კურსი „სამოქალაქო საზოგადოება“ დაიწყო. კურსის მიზანია ახალგაზრდებში ცნობიერების ამაღლების ხელშეწყობა სამოქალაქო საზოგადოებასთან დაკავშირებულ საკითებზე. პირველ ონლაინ შეხვედრა ჩაატარა გამომცემელმა, ფილოლოგიის დოქტორმა და გადაცემა „ბიბლიოთეკას“ წამყვანმა, მარი კორინთელმა. სასაუბრო თემა იყო: მე და საზოგადოება, რა როლი გვაკისრია საზოგადოების ზრდასა და განვითარებაში. სრულად... წყარო: ორგანიზაციის გვერდი სოციალურ ქსელში

აჭარა. „თავისუფალ ჟურნალისტთა სახლი“ - აჭარის ჰაბ ორგანიზაცია, პროექტის „სამოქალაქო საზოგადოების ინიციატივის“ ფარგლებში, სხვადასხვა სოფლის მაცხოვრებლებისთვის შეხვედრებს აგრძელებს. ორგანიზაცია 22 თებერვალს ხელვაჩაურის მუნიციპალიტეტში, სოფელ შარაბიძეებს ეწვია. შეხვედრაში მონაწილეობდა საქართველოს ახალგაზრდა იურისტთა ასოციაციის (საია) აჭარის ფილიალის წარმომადგენელი ირმა აბაშიძე. „მიუხედავად იმისა, რომ შეხვედრის ძირითად თემად განსაზღვრული იყო მიწის ნაკვეთების რეგისტრაციასთან დაკავშირებული პრობლემები, მოქალაქეთა ნაწილის შეკითხვები შეეხებოდა ადმინისტრაციულ სამართალდარღვევასთან დაკავშირებულ საკითხებს, ოქმის გასაჩივრების პროცედურებს, განქორწინებასა და სასამართლოს მიერ დაკისრებული ალიმენტს“. აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში შეიქმნა. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, შეხვედრა გამართა სამტრედიის მუნიციპალიტეტის მერიაში სამოქალაქო საზოგადოებრივ ორგანიზაციებთან ურთიერთობაზე პასუხისმგებელ პირებთან. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. განათლების განვითარების და დასაქმების ცენტრი (EDEC) აგროვებს ინფორმაციას ქვეყნის მასშტაბით განხორციელებული მოხალისეობრივი აქტივობების/კამპანიების შესახებ. „თუ მონაწილეობთ ამგვარ აქტივობაში და გსურთ თქვენ მიერ მოხალისეობრივად განხორციელებული საქმიანობის შესახებ გამოქვეყნდეს VOLUNTEER.GE პლატფორმაზე, გთხოვთ, უპასუხოთ google ფორმაში მოცემულ კითხვებს და ატვირთოთ თვალსაჩინო ფოტო, რომელიც ასახავს განხორციელებულ მოხალისეობრივ აქტივობას“. Google ფორმა... სრულად... პროექტი ხორციელდება კონრად ადენაუერის ფონდის (KAS) მიერ, საქართველოს სტრატეგიული კვლევებისა და განვითარების ცენტრთან (CSRDG), სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), განათლების განვითარების და დასაქმების ცენტრთან (EDEC) და ევროპული პოლიტიკის ინსტიტუტთან (IEP) თანამშრომლობით. პროექტს აფინანსებს ევროკავშირი და კონრად ადენაუერის ფონდი. წყარო: ორგანიზაციის გვერდი სოციალურ ქსელში

სამეგრელო. ასოციაცია „ათინათის“ ორგანიზებით, ონლაინ საინფორმაციო შეხვედრაზე ადგილობრივ საზოგადოებას ინფორმაცია მიეწოდა სტარტაპ გრანტების კონკურსის შესახებ. კონკურსი ევროკავშირის ფინანსური მხარდაჭერით ტარდება და პროექტის „უნარები დასაქმებისა და თანამშრომლობისთვის - პერსპექტივები საქართველოს რეგიონებისთვის - SECTORs“ - ერთ-ერთი კომპონენტია. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

იმერეთი. „ადგილობრივი დემოკრატიის სააგენტო საქართველომ“ (LDA) გაცნობითი შეხვედრა გამართა ბაღდათის ახალგაზრდული საბჭოს წევრებთან. „შეხვედრაზე საბჭოს წევრებმა გაგვიზიარეს თავიანთი მოლოდინები საბჭოს საქმიანობის მიმართ. გავაცანით ადგილობრივი დემოკრატიის სააგენტო საქართველოს ხედვა საბჭოს შემდგომი საქმიანობისა და მასში ჩვენი ჩართულობის შესახებ. ბაღდათის ახალგაზრდული საბჭოს გაძლიერება ხდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. საზოგადოებრივი ორგანიზაციები მოუწოდებენ საკონსტიტუციო სასამართლოს, პრიორიტეტულად განიხილოს სახელმწიფო ინსპექტორის კონსტიტუციური სარჩელი და შეაჩეროს სადავო ნორმების მოქმედება. „ეს აუცილებელია, პარლამენტის მიერ დაწყებული დამაზიანებელი პროცესის შესაჩერებლად, დამოუკიდებელი სახელმწიფო ორგანოების დასაცავად და მოსარჩელის სამართლიანი სასამართლოს უფლების უზრუნველსაყოფად“. სრულად... წყარო: rights.ge

თბილისი. საერთაშორისო გამჭვირვალობა - საქართველო და სამართლიანი არჩევნებისა და დემოკრატიის საზოგადოება მოუწოდებენ საქართველოს პარლამენტს, მხარი არ დაუჭიროს სადეპუტატო უფლებამოსილების ვადამდე შეწყვეტას და საკითხი გადაწყვიტოს ქვეყნის ინტერესებიდან და პოლიტიკური მიზანშეწონილობიდან გამომდინარე. „ოპოზიციის დეპუტატებისთვის უფლებამოსილების უკანონოდ ვადაზე ადრე შეწყვეტა საგანგაშო ნიშანია, რომლის მიზანი შესაძლოა ოპოზიციის დასუსტება და შედეგად, პარლამენტის საზედამხედველო ფუნქციის არასრულფასოვნად განხორციელება იყოს. ასევე, მოვუწოდებთ საქართველოს პარლამენტს დაიწყოს მსჯელობა პარტიების მიერ ე.წ. ჩახსნილი სიების აღდგენის შესაძლებლობაზე, რაც პოლიტიკური კრიზისის თავიდან არიდებას დაეხმარება“. სრულად... წყარო: transparency.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ღია საზოგადოების ფონდის, სამართლიანი არჩევნებისა (ISFED) და საქართველოს დემოკრატიული ინიციატივას მიერ 19 აპრილის შეთანხმების შესრულების მონიტორინგის შედეგების პრეზენტაცია გაიმართა. „ჩვენი შეფასებით, ე.წ. „შარლ მიშელის” დოკუმენტის ის ნაწილი, რომელიც პარლამენტში წარმოდგენილ პარტიებს შორის ძალაუფლების გაყოფას უკავშირდებოდა, არ შესრულებულა და მმართველ პარტიას არ გამოუხატავს პოლიტიკური ნება, რომ გაეზარდა ოპოზიციის როლი საპარლამენტო ცხოვრებაში“. სრულად... წყარო: საერთაშორისო გამჭვირვალობა - საქართველოს გვერდი სოციალურ ქსელში

სამცხე-ჯავახეთი. აშშ-ის საერთშორისო განვითარების სააგენტოს (USAID) ინფორმაციით, 26 წლის მანია ზალალიანი ნინოწმინდაში მასწავლებელი და სამოქალაქო ლიდერია. „USAID-ის მხარდაჭერით მან გახსნა ენების სკოლა, სადაც ადგილობრივ მოსახლეობას ასწავლის ქართულ და ინგლისურს, რითაც წვლილი შეაქვს თავისი თემის სამოქალაქო ინტერაციაში“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს გაეროს ასოციაციის ინფორმაციით, ორგანიზაციამ ევროკავშირის მიერ მხარდაჭერილი პროექტის ფარგლებში სამოქალაქო განათლების პლატფორმა - მოძრავი სახალხო უნივერსიტეტი ჩამოაყალიბა.  მოძრავი სახალხო უნივერსიტეტი პროექტის - „ცოდნისა და უნარების განვითარების ქსელებისა და პლატფორმების გაძლიერება“ ფარგლებში სამოქალაქო განათლების პლატფორმა - მოძრავი სახალხო უნივერსიტეტი ჩამოაყალიბდა. „მოძრავი უნივერსიტეტი საქართველოში საუკუნის წინ არსებულ პრაქტიკაზე, პირველი რესპუბლიკის დროს განვითარებული „სახალხო უნივერსიტეტის“ გამოცდილებაზე დაყრდნობით, ცდილობს, პროექტში ჩართოს ისეთი ჯგუფები, რომლებიც ნაკლებად აქტიურობენ სამოქალაქო და საზოგადოებრივ ცხოვრებაში. მოძრავი უნივერსიტეტის ფარგლებში ტარდება ლექციები, სემინარები და სადისკუსიო შეხვედრები სოფლებსა და რეგიონულ ცენტრებში“. სრულად... წყარო: ორგანიზაციის გვერდი სოციალურ ქსელში

შიდა ქართლი. ასოციაცია „ანიკამ” პროექტის „შეზღუდული შესაძლებლობის მქონე პირთა თანამშრომლობა კანონის საშუალებით უფლებების დასაცავად“ ადვოკატირების კამპანიის ფარგლებში, შიდა ქართლში ადგილობრივ მოსახლეობასა და მუნიციპალიტეტების წარმომადგენლებთან შეხვედრები გამართა. „შეხვედრების მიზანი იყო პროექტის ფარგლებში, კვლევის შედეგად გამოკვეთილი საჭიროებების პრეზენტაცია, სახელმძღვანელოს გაცნობა, ფოკუს ჯგუფებთან კონსულტაციები და საჭიროებების შესაბამისად მუნიციპალიტეტებთან სამომავლო გეგმების განხილვა“. სრულად... წყარო: ორგანიზაციის გვერდი სოციალურ ქსელში

იმერეთი. იმერეთის რეგიონული ჰაბის ცხელი ხაზის სერვისი აგრძელებს ფუნქციონირებას. თუ გსურთ მიიღოთ ინფორმაცია: პროექტის განმავლობაში დაგეგმილი აქტივობების შესახებ; დაგეგმილი შეხვედრებისა და ტრენინგების შესახებ; გამოცხადებული საგრანტო კონკურსების შესახებ; იურიდიული პირის რეგისტრაციის პროცედურების შესახებ; ისარგებლეთ იმერეთის რეგიონული ჰაბის ცხელი ხაზის სერვისით: 0431 24 24 02 ცხელი ხაზის სერვისი მოქმედებს პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. წყარო: პროექტის გვერდი სოციალურ ქსელში

აჭარა. სამოქალაქო საზოგადოების ისტიტუტი (CSI) მხარს უჭერს პროექტს „შენი იდეა ბათუმს“, რომელსაც ბათუმის მერია 2019 წლიდან ახორციელებს. „შენი იდეა ბათუმს“ არის მონაწილეობითი ბიუჯეტის პროექტი, რომლის მიზნია ქალაქის ბიუჯეტის დაგეგმარებასა და მართვაში ადგილობრივი მოსახლეობის მონაწილეობის ხელშეწყობა. მისი განხორციელება აშშ-ს საერთაშორისო განვითარების სააგენტოს (USAID) დემოკრატიული მმართველობის ინიციატივის პროგრამის (GGI Georgia) მხარდაჭერით გახდა შესაძლებელი. სრულად... წყარო: ორგანიზაციის ვებვეგრდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...