თბილისი. საქართველოს სტრატეგიისა და საერთაშორისო ურთიერთობების კვლევის ფონდი სოლიდარობას უცხადებს ორგანიზაციის კურსდამთავრებულებს, პარტნიორებს, რომლებიც საქართველოში კრემლის არადემოკრატიული პოლიტიკის გავლენის გაძლიერებას ეწინააღმდეგებიან. „ჩვენი სასწავლო პროგრამის მონაწილეები სხვადასხვა რეგიონში ალტ-ინფოს ოფისების გახსნას აპროტესტებენ. ახალგაზრდები ევროინტეგრაციას, მშვიდობასა და უსაფრთხოებას ირჩევენ“. სრულად... წყარო: ორგანიზაციის გვერდი სოციალურ ქსელში

აჭარა. აჭარის რეგიონული ჰაბი „სამოქალაქო საზოგადოების ინიციატივის“ პროექტის ფარგლებში, საჯარო სკოლებში შეხვედრებს აგრძელებს. „17 მარტს, ქედის მუნიციპალიტეტის სოფელ წონიარისის საჯარო სკოლის მოსწავლეებსა და პედაგოგებს შევხვდით. მონაწილეებს გავაცანით „სამოქალაქო საზოგადოების ინიციატივის“ პროექტის მიზნები და დაგეგმილი აქტივობები. ვისაუბრეთ აჭარაში მომუშავე სამოქალაქო საზოგადოების ორგანიზაციების საქმიანობის შესახებ და გადავეცით საინფორმაციო ცნობარი, რომელიც ამავე პროექტის ფარგლებში მოვამზადეთ. აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში შეიქმნა. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP)“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სამოქალაქო საზოგადოების ორგანიზაციები მზადყოფნას გამოხატავენ ჩაერთონ საქართველოს ევროპის კავშირში გაწევრების პროცესში. „მიგვაჩნია, რომ ევროკავშირთან თანამშრომლობის გაღრმავება და წევრობა საქართველოსთვის დემოკრატიის, ადამიანის უფლებების დაცვისა და სოციალური სიკეთეების და უსაფრთხოების გაძლიერების წინაპირობებს შექმნის. უკრაინაში მიმდინარე ომმა ევროპეიზაციის პროცესის უპირობო მნიშვნელობა აჩვენა, არა მხოლოდ პოლიტიკური, სამართლებრივი და სოციალური განვითარების მნიშვნელობით, არამედ ჩვენი ქვეყნის უსაფრთხოების კუთხითაც“. ორგანიზაციები სახელმწიფოს სთავაზობენ გზებს, რომლებიც დააჩქარებს ჩვენი ქვეყნის ევროკავშირში გაწევრიანებას. სრულად... წყარო: isfed.ge

სამცხე-ჯავახეთი. პროექტ „სამოქალაქო საზოგადოების ინიციატივის“ ფარგლებში, სამცხე-ჯავახეთის ჰაბ ორგანიზაციის ინიციატივით, ახალციხეში მოქმედი საზოგადოებრივი ორგანიზაციების საკოორდინაციო შეხვედრა გაიმართა. პროექტი ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, კონსულტაციები გასცა ახალგაზრდებისა და სამოქალაქო საზოგადოებრივი და სათემო ორგანიზაციების წარმომადგენლებისათვის ხარაგაულისა და ზესტაფონის მუნიციპალიტეტში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

საქართველო. „საერთაშორისო გამჭვირვალობა - საქართველოს” ინფორმაციით, ორგანიზაციის სამოქალაქო საბჭოების 2021 წლის მუშაობის შედეგად საქართველოს 4 რეგიონში, სამეგრელოში, იმერეთში, სამცხე-ჯავახეთსა და აჭარაში 95 ინფრასტრუქტურული პრობლემა გადაიჭრა. სამოქალაქო საბჭოები საერთაშორისო გამჭვირვალობა - საქართველოს მიერ ქვეყნის 6 რეგიონში (აჭარა, სამეგრელო, იმერეთი, კახეთი, სამცხე-ჯავახეთი, შიდა ქართლი) შექმნილი მოქალაქეთა არაფორმალური გაერთიანებებია, რომელთა მიზანია ადგილობრივი მოსახლეობისა და თვითმმართველობების დახმარებით, სხვადასხვა თემში არსებული ინფრასტრუქტული საჭიროებების გამოვლენა და გადაწყვეტა. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სამოქალაქო საზოგადოების ორგანიზაციები საქართველოს ხელისუფლებას მოუწოდებენ უკრაინიდან ლტოლვილების ორგანიზებული მიღებისა და უკვე საქართველოში მყოფი ლტოლვილების რეალურ მხარდაჭერაზე მიმართული სისტემური პოლიტიკის ამუშავებისკენ. „უკრაინიდან ლტოლვილების შემოსვლის ტენდენცია ჩანს საქართველოშიც. ჩვენი დაკვირვებით, ომის დაწყების შემდეგ საქართველოში თავშესაფრის მოძიებას ძირითადად ის უკრაინელები ცდილობენ, ვისაც საქართველოსთან ნათესაური, საოჯახო ან სხვა მყარი კავშირები აქვთ. ამ რეალობის მიუხედავად, აშკარაა, რომ საქართველოს ხელისუფლებას არ მიუღია პროაქტიური ნაბიჯები ლტოლვილების უკრაინიდან ორგანიზებული გამოყვანისა და შემდგომში უკვე საქართველოში მათი სათანადო და რეალური მხარდაჭერის მიზნით. უფრო მეტიც, საქართველოში რჩება ათასობით უკრაინელი ტურისტი, რომელმაც უკრაინაში 2022 წლის 24 თებერვალს დაწყებული ომის გამო დაბრუნება ვერ მოახერხა და ისინი ასევე გადაუდებელი სოციალური მხარდაჭერის წინაშე დგანან“.  სრულად... წყარო: socialjustice.org.ge

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, შეხვედრა გამართა ხარაგაულის მუნიციპალიტეტის მერიაში სამოქალაქო საზოგადოებრივ ორგანიზაციებთან ურთიერთობაზე პასუხისმგებელ პირებთან. აქტივობის მიზანია სამოქალაქო საზოგადოების როლის ზრდის ხელშეწყობა საჯარო პოლიტიკაში. მსგავსი შეხვედრები გაიმართება იმერეთის მხარის ყველა მუნიციპალიტეტში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივა“ ფარგლებში სამიზნე მუნიციპალიტეტებში არსებული სამოქალაქო საზოგადოებრივი ორგანიზაციის წარმომადგენლებისა და აქტიური მოქალაქეებისათვის ჩაატარა ტრენინგი ადვოკატირების როლის, მნიშვნელობის, ეტაპებისა და მეთოდების შესახებ. ტრენინგები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. საქართველოში, ისევე როგორც მსოფლიოს ბევრ ქვეყანაში, სოციალური მეწარმეობის იდეას თანდათან მეტი მხარდაჭერა აქვს. მისი როლი სოციალურად მოწყვლადი ჯგუფების ყოველდღიურობაში თანდათანობით გაიზარდა და ამ თემის გარშემო მეტი საზოგადოებრივი კონსოლიდაციაც გაჩნდა, თუმცა ადგილობრივ კონტექსტში საკითხს კვლავაც არ აქვს ფართომასშტაბიანი საჯარო აღიარება და საზოგადოებრივი მხარდაჭერა, რისი ერთ-ერთი განმაპირობებელიც საქართველოში სოციალური მეწარმეობის სექტორის სახელმწიფო დონეზე საკანონმდებლო და პოლიტიკური აუღიარებლობაა. დოკუმენტის მიზანია სამაგიდო კვლევის საფუძველზე, საქართველოში სოციალური მეწარმეობის მცირეხნიანი წარსულისა და სამართლებრივი აღიარების არარსებობის ფონზე, მიმოიხილოს მსოფლიოს სხვადასხვა ქვეყანაში სოციალური მეწარმეობის მიმართულებით არსებული სახელმწიფო პოლიტიკა და ის სამართლებრივი ლანდშაფტი, რომელშიც სოციალური საწარმოები მუშაობენ. კვლევის ფარგლებში სხვა ქვეყნების გამოცდილებისა და საკანონმდებლო ჩარჩოების შეფასების მიზანია, იმ ძირითადი ინსტრუმენტების გამოკვეთა და იმ პოლიტიკის ჩარჩოს დასახვა, რომლის საქართველოში დანერგვაც ხელს შეუწყობს სოციალური მეწარმეობის სფეროს განვითარებას. კვლევა...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ხელმომწერი ორგანიზაციები მიესალმებიან ევროკავშირის წევრობის განაცხადის შეტანას და მიიჩნევენ, რომ ეს ნაბიჯი საქართველოს მოქალაქეების ევროპის კავშირში ინტეგრაციის ურყევი სურვილისა და ისტორიული არჩევანის გამოხატულებაა. „იმედი გვაქვს, რომ ამ ნაბიჯს მოჰყვება სერიოზული ძალისხმევა მთავრობის და მთლიანად პოლიტიკური სპექტრის მხრიდან, საქართველოს ევროკავშირში გაწევრიანების პროცესის დასაჩქარებლად, პირველ ეტაპზე კი - კანდიდატის სტატუსის მისაღებად“. სრულად... წყარო: socialjustice.org.ge

თბილისი. საქართველოს სახალხო დამცველთან არსებული ტოლერანტობის ცენტრი, ეროვნულ უმცირესობათა და რელიგიათა საბჭოების წევრები აღფრთოვანებას გამოხატავენ გმირი უკრაინელი ერისადმი და გმობენ რუსეთის ფედერაციის დანაშაულებრივ სამხედრო აგრესიას უკრაინის წინააღმდეგ. „ასევე, გვინდა განვაცხადოთ, რომ ევროპულ დემოკრატიულ ოჯახში სრულფასოვანი დამკვიდრება ჩვენი სახელმწიფოს, ჩვენი საზოგადოების ერთერთი უმთავრესი მიზანია - ესაა ჩვენი ისტორიული პასუხისმგებლობა როგორც წინაპართა, ასევე მომავალი თაობების წინაშე; ესაა საქართველოს დამოუკიდებლობის დაცვის, უსაფრთხოებისა და განვითარების საიმედო საფუძველი. ჩვენ მხარს ვუჭერთ მხარს საქართველოს ევროკავშირში გაწევრიანებისკენ სწრაფვას“. სრულად... წყარო: ombudsman.ge

შიდა ქართლი. „ფონდი ტასო“ „ქალთა ეკონომიკური გაძლიერების“ პროექტის ფარგლებში, სამიზნე სოფლებს სტუმრობს. 4 მარტს, ფონდმა სამუშაო შეხვედრა ერგნეთში გამართა. შეხვედრას სოფელ ერგნეთსა და სოფელ ბროწლეთში მცხოვრები ქალები ესწრებოდნენ. აღნიშნულ პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. ხელმომწერ საქართველოსა და უკრაინის სამოქალაქო საზოგადოების ორგანიზაციებს მიაჩნიათ, რომ უკრაინაში რუსეთის მიმდინარე სამხედრო თავდასხმა არაპროვოცირებული და გაუმართლებელი აგრესიის აქტია სუვერენული სახელმწიფოს წინაღმდეგ და წარმოადგენს ევროპული და გლობალური უსაფრთხოების არქიტექტურის დარღვევის მცდელობას. „პუტინის რეჟიმი დაუსჯელი დარჩა 2008 წელს საქართველოს მიმართ აგრესიის შემდეგ, რაც დიდწილად დასავლეთის მიერ მაშინ გამოჩენილი არასათანადო სიმკაცრის შედეგია. დღეს, ევროპის შუაგულში რუსეთის ღია აგრესიის ფონზე, დასავლეთს იგივე შეცდომის დაშვების უფლება არ აქვს. მოვუწოდებთ დემოკრატიული მსოფლიოს მთავრობებს, რომ: გაატარონ მაქსიმალურად მკაცრი ზომები რუსეთის ფედერაციის წინააღმდეგ გააგრძელონ უკრაინის თავდაცვის შესაძლებლობების გაძლიერება მიაწოდონ ფინანსური და ჰუმანიტარული დახმარება უკრაინელ ხალხს შექმნან სათანადო პირობები უკრაინიდან იძულებით გადაადგილებული პირებისათვის. სრულად... წყარო: transparency.ge

აჭარა. „თავისუფალ ჟურნალისტთა სახლის“ (აჭარის ჰაბი) ორგანიზებით, თებერვლის თვეში ქედის მუნიციპალიტეტის თვითმმართველობის წარმომადგენლებთან შეხვედრა გაიმართა. „ახალდაარსებული სამოქალაქო საზოგადოების ორგანიზაციების წარმომადგენლები, ქედის მერიის ხელმძღვანელ პირებს შევახვედრეთ. მონაწილე ორგანიზაციებმა თავიანთ საქმიანობაზე ისაუბრეს. ყურადღება დაეთმო ქედის მუნიციპალიტეტის მერიის საგრანტო პროგრამას“. აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში შეიქმნა. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

სამეგრელო. 28 თებერვალს, პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, ზუგდიდის მუნიციპალიტეტში, მოეწყო სასაწავლო ვიზიტი ადგილობრივი სამოქალაქო საზოგადოების ორგანიზაციების - ასოციაცია „ათინათის“ და ასოციაცია „მერკური“-ს ოფისში.  სასწავლო ვიზიტში მონაწილეობდნენ იმერეთის მხარის ადგილობრივი არასამთავრობო და სათემო ორგანიზაციის წარმომადგენლები, მათ შორის ახლად შექმნილი, ნაკლები გამოცდილების მქონე ორგანიზაციები. სასწავლო ვიზიტების მიზანია ერთის მხრივ, გაიზარდოს, იმერეთის მხარის CSO’s/CBO’s წარმომადგენლების გამოცდილება ორგანიზაციის მართვისა და განვითარების მიმართულებით და მეორეს მხრივ, გაფართოვდეს საკონტაქტო პირთა წრე მოსაზღვრე რეგიონებში მომუშავე ორგანიზაციების სახით. სრულად... წყარო: ორგანიზაციის გვერდი სოციალურ ქსელში

იმერეთი. „ადგილობრივი დემოკრატიის სააგენტო საქართველომ” შეხვედრა გამართა ბაღდათის ახალგაზრდული საბჭოს წევრებთან. შეხვედრაზე საბჭოს წევრებს რეკომენდაციები მიეწოდათ საბჭოს საქმიანობის მარეგულირებელი დოკუმენტის - დებულების ირგვლივ, რათა მორიგ სხდომაზე დებულებაში ცვლილებები და დამატებები შეიტანონ მისი სრულყოფის მიზნით. შეხვედრას ესწრებოდა ბაღდათის მუნიციპალიტეტის მერიის წარმომადგენლობაც. ბაღდათის ახალგაზრდული საბჭოს გაძლიერება ხდება პროექტის „სამოქალაქო საზოგადოების ინიციატივის“ ფარგლებში ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. გაეროს განვითარების პროგრამის ინფორმაციით, ოცდასამი არასამთავრობო ორგანიზაცია, მათ შორის „საფარი“, ჩაერთო ტრენინგში „ქრაუდფანდინგის“ წარმოების შესახებ. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სამოქალაქო საზოგადოების ორგანიზაციები და საქართველოს მოსახლეობა პეტიაციაზე ხელმოწერით ევროკავშირს და ევროკავშირის წევრი სახელმწიფოების მთავრობის მეთაურებს მიმართავენ. „საქართველოს მოქალაქეები სრულად უცხადებენ სოლიდარობას უკრაინის ბრძოლას დამოუკიდებლობისთვის და ევროპული მისწრაფებისთვის. ჩვენი ღრმად ვართ დარწმუნებული, რომ ევროკავშირმა და წევრმა სახელმწიფოებმა აღმოსავლეთ პარტნიორობის რეგიონის ტრიო - უკრაინა, საქართველო და მოლდოვა უნდა განიხილონ ერთიან და განუყოფელ რეგიონად, რომელიც თანაბრად დგას რუსეთის აგრესიით, ოკუპაციით და ანექსიით გამოწვეული პრობლემების წინაშე. შესაბამისად, ვიმედოვნებთ, რომ ევროკავშირი დააკმაყოფილებს უკრაინის განაცხადს წევრობაზე და, ანალოგიურად, კარს გაუხსნის საქართველოს და მოლდოვას ევროპულ პერსპექტივას“. სრულად... წყარო: www.change.org