თბილისი. საქართველოს პარლამენტის ბიურომ მხარი დაუჭირა საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ კანონპროექტის დაჩქარებული წესით განხილვის პროცედურის დაწყებას (მიუხედავად იმისა, რომ ინიციატორი – საქართველოს მთავრობა – განმარტებით ბარათში კანონპროექტის დაჩქარებული წესით განხილვას არ ითხოვს). პროცესის დაჩქარებამ, გამორიცხა წარმოდგენილი ცვლილებების ყველა შედეგის სიღრმისეული გაანალიზება, რასაც წარმოდგენილი ცვლილებებისა და დარგის სპეციფიურობიდან გამომდინარე, ქალაქგეგმარების საკითხები მოითხოვს. ამასთან, ცვლილებების შემუშავების პროცესში არ ყოფილან ჩართული დარგის სპეციალისტები, აქტივისტები, გარემოსდამცველები, მათთან არ ყოფილა განხილული ცვლილებების მომზადების აუცილებლობა და მთავრობის მიზნები, ამ ცვლილებების კანონად ქცევის შემთხვევაში... ხელმომწერი ორგანიზაციები წარმოდგენილი კანონპროექტის დეტალურ შეფასებას ავრცელებენ და მიიჩნევენ, რომ პროექტის კანონად ქცევამ შესაძლოა შეუქცევადი ზიანი მიაყენოს ქვეყნის გარემოს, ადამიანთა ჯანმრთელობას და სიცოცხლეს, დასახლებებისა და მუნიციპალიტეტების განვითარების შესაძლებლობებს და მძიმედ აზარალოს საზოგადოების საჯარო ინტერესები. სრულად... წყარო: civilin.org

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ქალთა ფონდის ინფორმაციით, ორგანიზაციამ 2021 წელს 70 გრანტი გასცა. „გასული წლის მანძილზე ფონდმა 70 გრანტი გასცა. ჩვენ ვმუშაობდით ქალთა შრომითი უფლებების, სექსუალური და რეპროდუქციული ჯანმრთელობისა და უფლებების, გარემოსდაცვითი სამართლიანობის, აქტივისტების, ფემინისტური მოძრაობების გასაძლიერებლად, შშმ ქალების პრობლემების წინ წამოსაწევად და პანდემიით დაზარალებული ადამიანების მხარდასაჭერად“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, საზოგადოება „მემორიალის“ ლიკვიდაციის ფორმალური საფუძველი გახდა პოკურატურის ბრალდება ორგანიზაციის მიერ „უცხოური აგენტის” სავალდებულო მარკირების დარღვევა, რომელიც წელიწადზე მეტი ხნის წინ მოხდა. „ინფორმაციის თავისუფლების განვითარების ინსტიტუტი (IDFI) ათ წელზე მეტი ხანია აქტიურად თანამშრომლობს საზოგადოება “მემორიალთან” საბჭოთა და მეხსიერების კვლევების და სტალინური რეპრესიების შესწავლის მიმართულებით და სრულ მხარდაჭერას უცხადებს თავის პარტნიორს“. სრულად... წყარო: idfi.ge

შიდა ქართლი. „საზოგადოება ბილიკის“ და კონრად ადენაუერის ფონდის წარმომადგენლები გორის მუნიციპალიტეტის მერს ვლადიმერ ხინჩეგაშვილს შეხვდნენ. „მონაწილეებმა მერს გაააცნეს ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ მიზნები, აქტივობები და ისაუბრეს მომავალი ერთობლივი თანამშრომლობის შესახებ“. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის წარმომადგენლობა პარლამენტში სახელმწიფო ინსპექტორის სამსახურსა და სასამართლო სისტემასთან დაკავშირებული კანონპროექტების დაჩქარებული წესით განხილვას ეხმაურება. „სახელმწიფო ინსპექტორის სამსახური არის საქართველოში არსებული დამოუკიდებელი მექანიზმი სამართალდამცავი ორგანოების თანამშრომლების მიერ ჩადენილი არასათანადო მოპყრობისა და უფლებამოსილების ბოროტად გამოყენების გამოსაძიებლად და, შესაბამისად, კარგად ფუნქციონირებადი დემოკრატიისა და ადამიანის უფლებების დაცვისთვის საკვანძო ინსტიტუტს წარმოადგენს. ევროკავშირი ჩართული იყო ამ სამსახურის შექმნაში და მის განვითარებაში მნიშვნელოვანი ფინანსური და ადამიანური რესურსების ინვესტირება მოახდინა. ამიტომ, ჩვენ ამ ქმედებებით ძალიან იმედგაცრუებულები ვართ და ვწუხვართ იმ ფაქტის გამო, რომ ამ საკითხთან დაკავშირებით ევროკავშირის წარმომადგენლების პარლამენტთან ურთიერთქმედება შესაძლებელი არ აღმოჩნდა“, - ამბობს ასუნსიონ სანჩეს რუისი, ევროკავშირის წარმომადგენლობის ხელმძღვანელის მოვალეობის შემსრულებელი. სრულად... წყარო: eeas.europa.eu

თბილისი. „დამოუკიდებელი და გამჭვირვალე მართლმსაჯულებისთვის“ „საერთო სასამართლოების შესახებ“ ორგანულ კანონში შესატანი ცვლილებების, დაჩქარებული განხილვის გამო შეშფოთებულია. კოალიცია მოუწოდებს პარლამენტს: შეაჩეროს ინიცირებული კანონპროექტის განხილვა; შექმნას კონსენსუსზე და საზოგადოების ფართო მონაწილეობაზე ორიენტირებული ფორმატი, მართლმსაჯულების სისტემის ფუნდამენტური რეფორმის საჭიროების შესასწავლად და შესაბამისი ცვლილებების მოსამზადებლად. სრულად... წყარო: transparency.ge

იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივა“ ფარგლებში სამიზნე მუნიციპალიტეტებში არსებული სამოქალაქო საზოგადოებრივი ორგანიზაციის წარმომადგენლებისათვის ტრენინგი ჩაატარა ადვოკატირების სპეციფიკის შესახებ. ტრენინგები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციები უკიდურეს შეშფოთებას გამოვთქვამენ „ქართული ოცნების“ ხელისუფლების მხრიდან, სახელმწიფო ინსპექტორის სამსახურის შესაძლო გაუქმებასთან დაკავშირებით. „უკიდურესი პოლიტიკური პოლარიზაციის, სახელმწიფო ინსტიტუტების მიტაცების, სამართალდამცავი ორგანოებისა და სასამართლოს მიმართ საზოგადოებრივი უნდობლობის ფონზე, დახურულ კარს მიღმა, ფარულად და დაჩქარებული წესით დარეგისტრირებული კანონპროექტი, რომელიც მიზნად ისახავს დამოუკიდებელი ინსტიტუტის გაუქმებასა და სახელმწიფო ინსპექტორისთვის ვადაზე ადრე უფლებამოსილების შეწყვეტას, სხვა არაფერია თუ არა პოლიტიკური ანგარიშსწორება, იმ საგამონაკლისო ინსტიტუტის მიმართ, რომელმაც ბოლო წლებში მეტ-ნაკლებად შეძლო საზოგადოებრივი ნდობის მოპოვება“, ნათქვამია ერთობლივ განცხადებაში. სრულად... წყარო: osgf.ge

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, შეხვედრა გამართა წყალტუბოს მუნიციპალიტეტის მერიაში სამოქალაქო საზოგადოებრივ ორგანიზაციებთან ურთიერთობაზე პასუხისმგებელ პირებთან. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

ქვემო ქართლი. 20 დეკემბერს, ქვემო ქართლის რეგიონული ჰაბის „სამოქალაქო ინტეგრაციის ფონდის“ ორგანიზებით, ბოლნისის მუნიციპალიტეტის მერიისა და საზოგადოებრივი ორგანიზაციების წარმომადგენელთა შეხვედრა გაიმართა. „შეხვედრის მიზანი იყო ადგილობრივი თვითმმართველობის ხედვის და მოსაზრებების გაცნობა ურთიერთთანამშრომლობის პერსპექტივებსა და ახალგაზრდული პოლიტიკის რეალიზების საკითხებზე. შეხვედრა განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის“ ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრმა (CSRDG) ვებგვერდი www.csrgeorgia.com შექმნა. ის პირველი ვებგვერდია საქართველოში, რომელიც კორპორაციული სოციალური პასუხისმგებლობის (CSR) შესახებ მრავალფეროვან რესურსს გთავაზობთ. „პლატფორმაზე თავმოყრილია უახლესი ინფორმაცია CSR-ისა და მდგრადი განვითარების შესახებ როგორც გლობალურად, ისე საქართველოში“. ვებგვერდი შეიქმნა CSRDG-ის მიერ, პროექტის „სამოქალაქო საზოგადოების ინიციატივის“ ფარგლებში. ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. გაეროს მოსახლეობის ფონდის (UNFPA) და „ახალგაზრდობის სააგენტოს“ ინიციატივით გაიმართა დონორთა რიგით მე-3 კონფერენცია, სადაც ორგანიზაციებმა „სახელმწიფო ახალგაზრდული სტრატეგია 2025“ და სამოქმედო გეგმა წარადგინა. „კონფერენცია დისკუსიისა და კითხვა-პასუხის რეჟიმში მიმდინარეობდა. ძირითადი განსახილველი თემა იყო ახალგაზრდული სტრატეგია, მისი პრიორიტეტები და სტრატეგიასთან დაკავშირებული სამომავლო გეგმები“. სრულად... წყარო: ახალგაზრდობის სააგენტოს გვერდი სოციალურ ქსელში

თბილისი. 14 დეკემბერს, საქართველოს პოლიტიკის ინსტიტუტმა (GIP) საზოგადოებას „საქართველოს მმართველობის ინდექსი (GGI)“ წარუდგინა. „საქართველოს მმართველობის ინდექსი 2021 არის პირველი მცდელობა, უზრუნველყოს საქართველოს საქმიანობის ყოვლისმომცველი შეფასება მმართველობის ოთხ ფართო სფეროში: დემოკრატია და ადამიანის უფლებები; სახელმწიფოებრიობა და სახელმწიფო ინსტიტუტები; სოციალური და ეკონომიკური პოლიტიკა და საგარეო და უსაფრთხოების პოლიტიკა“. სრულად... წყარო: ორგანიზაციის გვერდი სოციალურ ქსელში

აჭარა. აჭარის რეგიონულმა ჰაბმა პროექტის „სამოქალაქო საზოგადოების ინიციატივა“ ფარგლებში, აჭარის 5 მუნიციპალიტეტში, საჯარო სკოლის პედაგოგებისა და მოსწავლეებისთვის შეხვედრები გამართა. „ჭვანის, ლეღვას, ხარაულას, თხილნარისა და განახლებას საჯარო სკოლებში, მონაწილეები გაეცნენ ინფორმაციას აჭარის რეგიონში მომუშავე სამოქალაქო საზოგადოების ორგანიზაციებზე, პროექტის შესაძლებლობებისა და აქტივობებზე“. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

13 დეკემბერს, 11 საათზე ევროპის საბჭოს ოფისი საქართველოში სამოქალაქო ინიციატივების ლაბორატორიას აარსებს - ადამიანის უფლებათა მხარდამჭერ სივრცეს ქცევითი მეცნიერებების გამოყენებით... ღონისძიება პირდაპირ ეთერში, რომელიც ევროპის საბჭოს საქართველოს ოფისისა და ჟურნალისტური ეთიკის ქარტიის Facebook გვერდებზე გავა. ინგლისურ - ქართული თარგმანი უზრუნველყოფილია.

თბილისი. 9 დეკემბერი კორუფციის წინააღმდეგ ბრძოლის საერთაშორისო დღეა. ამ დღესთან დაკავშირებით, ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს ორგანიზაციის ანტიკორუფციული საქმიანობისა და არსებული გამოწვევების შესახებ. „IDFI აქტიურად განაგრძობს კორუფციასთან ბრძოლის ხელშეწყობას. ორგანიზაცია მნიშვნელოვან ძალისხმევას სწევს ანტიკორუფციული მიმართულებით ცნობიერების ასამაღლებლად და უკვე მესამე წელია წარმატებით ახორციელებს კორუფციასთან ბრძოლის სასერტიფიკატო პროგრამას. IDFI განაგრძობს მუნიციპალიტეტებთან თანამშრომლობას ადგილობრივ დონეზე უფრო ღია და მონაწილეობითი მმართველობის დამკვიდრების მიზნით. ორგანიზაცია სისტემატურად ადევნებს თვალყურს ეროვნული ანტიკორუფციული პოლიტიკის განხორციელებას და აქტიურად მონაწილეობს მონიტორინგის პროცესში“... სრულად... წყარო: idfi.ge

თბილისი. ღია მმართველობის პარტნიორობის (OGP) პროცესში ჩართული არასამთავრობო ორგანიზაციები განცხადებას ავრცელებენ საქართველოში ღია მმართველობის პარტნიორობის (OGP) შეჩერებული პროცესის შესახებ. „მოვუწოდებთ საქართველოს მთავრობას, დაუყოვნებლივ აღადგინოს ღია მმართველობის პარტნიორობის პროცესი და უზრუნველყოს მასში არასამთავრობო ორგანიზაციების ქმედითი ჩართულობა. წინააღმდეგ შემთხვევაში, ყველასთვის ცხადი გახდება, რომ ღია მმართველობის პროცესი, მისი მისია და ღირებულებები საქართველოს მთავრობისთვის პრიორიტეტს აღარ წარმოადგენს. ამასთან, დამატებით მივმართავთ OGP-ის საერთაშორისო სამდივნოს, პროცესის აღდგენის მიზნით, აქტიურად ჩაერთოს ამ ხანგრძლივი კრიზისის მოგვარებაში და მოუწოდოს საქართველოს მთავრობას ქმედითი ნაბიჯების გადადგმისკენ“, ნათქვამია განცხადებაში. სრულად... წყარო: civilin.org

თბილისი. USAID-ის მისიის დირექტორმა პიტერ ვიბლერმა მონაწილეობა მიიღო USAID-ის სამოქალაქო საზოგადოების ჩართულობის ხუთწლიანი პროგრამის გახსნაში. „პროგრამა გააფართოვებს და გააღრმავებს პარტნიორობას საქართველოს სამოქალაქო საზოგადოებასთან, მისცემს მოქალაქეებს საშუალებას შეიმუშაონ საკუთარი გადაწყვეტილებები ძირითადი პრობლემებისა და პრიორიტეტების შესახებ და ხელს შეუწყობს მათ გახდნენ ანგარიშვალდებული დემოკრატიის ნაწილი“. სრულად... წყარო: ორგანიზაციის გვერდი სოციალურ ქსელში

თბილისი. საქართველოში ნიდერლანდების საელჩოს გვერდზე გავრცელებული ინფორმაციის თანახმად, ლუსინე დოსტიბეგიანი ნიდერლანდების ელჩისგან „ადამიანის უფლებათა ტიტის“ მეორე ადგილის პრიზით დაჯილდოვდა. „ლუსინე ახალგაზრდა აქტივისტია თეთრიწყაროდან. ის ბევრს შრომობს, რათა თავისი მუნიციპალიტეტის მოსახლეობის ცხოვრება უკეთესობისკენ შეცვალოს... მას ბევრი გეგმა აქვს და ვიმედოვნებთ, საელჩოს ჯილდო კიდევ უფრო წაახალისებს, რომ თავისი შესანიშნავი საქმიანობა გააგრძელოს“. სრულად... წყარო: საელჩოს გვერდი სოციალურ ქსელში

თბილისი. ჰურიე აბაშიძე აღნიშნულ პრემიაზე რონდელის ფონდმა წარადგინა. „ჰურიე ნამდვილად გამორჩეული ადამიანის უფლებათა აქტივისტია ხულოდან. ის მუსლიმი ქალების უფლებებს იცავს, ხელს უწყობს მათ დასაქმებაში, მუშაობს კულტურული მემკვიდრეობის დაცვასა და რეგიონული თემის განვითარებაზე, ადგილობრივი სოფლების ახალგაზრდების სათემო მობილიზაციასა და თვითმმართველობაში მონაწილეობაზე ზრუნავს“, ნათქვამია საქართველოში ნიდერლანდების საელჩოს გვერდზე სოციალურ ქსელში. სრულად... წყარო: საელჩოს გვერდი სოციალურ ქსელში