თბილისი.23-24 მარტს, განვითარებისა და ჩართულობის პლატფორმამ ლიდერ ქალთა ფორუმს პროექტის “ეთნიკური უმცირესობის ქალები, როგორც ინტეგრაციის ელჩები” ფარგლებში უმასპინძლა. ფორუმი მიზნად ისახავდა რეგიონებში მომუშავე აქტიური სათემო ლიდერი ქალების ერთმანეთთან დაკავშირებას, გამოცდილებების და საუკეთესო პრაქტიკების გაზიარებას. ფორუმმა უმასპინძლა მოხსენებებს ქალთა ემანსიპაციის ისტორიაზე და გადაწყვეტილებების მიღების პროცესში ქალთა ჩართულობის მნიშვნელობაზე. გარდა ამისა, პროექტის მონაწილეებს საშუალება ჰქონდათ პანელური დისკუსიის ფორმატში მოესმინათ აქტივიზმში “ამბის თხრობის” მნიშვნელობაზე და მიეღოთ რჩევები თემის ლიდერის ქალებისაგან, მათ წარმატების ისტორიების გაზიარებით. პროექტს „ეთნიკური უმცირესობის წარმომადგენელი ქალები, როგორც ინტეგრაციის ელჩები“, ჩვენი ორგანიზაცია განვითარებისა და ჩართულობის პლატფორმა ⋯ Dep ⋮ ახორციელებს Rönne-Stiftung - თან პარტნიორობით, გერმანიის საგარეო საქმეთა სამინისტროს ფინანსური მხარდაჭერით. სრულად... წყარო: განვითარებისა და ჩართულობის პლატფორმა

მცხეთა-მთიანეთი.ადგილობრივი თვითმმართველობის განხორციელებაში მოქალაქეთა ჩართულობის შესახებ, მცხეთა-მთიანეთის რეგიონში მოქმედი ადგილობრივი თვითმმართველობებისა და სამოქალაქო სექტორის წარმომადგენლების მონაწილეობით სამუშაო შეხვედრა გაიმართა. შეხვედრას ფასილიტაციას უწევდა მცხეთა-მთიანეთის რეგიონული ჰაბი და ევროპის საბჭოს ექსპერტი მოქალაქეთა ჩართულობის მიმართულებით, გორის მერის მრჩეველთა საბჭოს თავმჯდომარე დაკო მურადაშვილი. შეხვედრა ჩატარდა პროექტის ,,სამოქალაქო საზოგადოების ინიციატივა’’ ფარგლებში ევროკავშირისა და კონრად ადენაუერის ფონდის მხარდაჭერით. აღნიშნული პროექტის ფარგლებში 7 წელია მცხეთა-მთიანეთის რეგიონული ჰაბი (MMRH) სხვადასხვა მიმართულებით ახორციელებს ღონისძიებებს, მართავს საჯარო შეხვედრებსა და მულტისექტორულ ფორუმებს, ატარებს კვლევებს და გამოსცემს პუბლიკაციებს, ხელს უწყობს რეგიონულ დონეზე მოხალისეობის პოპულარიზებასა და ახალგაზრდების მხარდაჭერას სხვადასხვა წამახალისებელი ღონისძიებების შეთავაზების გზით. სრულად... წყარო: მცხეთა-მთიანეთის რეგიონული ჰაბი

მცხეთა-მთიანეთი. მცხეთა-მთიანეთის რეგიონში მოქმედი ძირითადი აქტორების მონაწილეობით, ადგილობრივი თვითმმართველობის განხორციელებაში მოქალაქეთა ჩართულობის შესახებ სამუშაო შეხვედრა გაიმართა. შეხვედრას ფასილიტაციას უწევს მცხეთა-მთიანეთის რეგიონული ჰაბი და ევროპის საბჭოს ექსპერტი მოქალაქეთა ჩართულობის მიმართულებით, გორის მერის მრჩეველთა საბჭოს თავმჯდომარე დაკო მურადაშვილი. შეხვედრა ტარდება პროექტის ,,სამოქალაქო საზოგადოების ინიციატივა'' ფარგლებში ევროკავშირისა და კონრად ადენაუერის ფონდის მხარდაჭერით. სრულად... წყარო: მცხეთა-მთიანეთის რეგიონული ჰაბი

კახეთი. ლაგოდეხში სათემო ლიდერი ქალების შეხვედრა ჩატარდა. შეხვედრაზე ისაუბრეს სათემო ჩართულობაზე, თემთან კომუნიკაციაზე, არსებულ გამოწვევებსა და მათი დაძლევის გზებზე. ტრენინგი ჩატარდა გაეროს ერთობლივი პროგრამის ,,გენდერული თანასწორობის ხელშეწყობისათვის საქართველოში" მხარდაჭერით, საქართველოს სტრატეგიული კვლევებისა და განვითარების ცენტრის პროექტის ,,ქალთა გაძლიერება ცვლილებისათვის" ფარგლებში. სრულად... წყარო: საქართველოს სტრატეგიული კვლევებისა და განვითარების ცენტრი

თბილისი. სამოქალაქო საზოგადოების ინსტიტუტის სათემო ადვოკატირების ონლაინ კურსზე სწავლა დაიწყო და პირველ გაცნობითი ხასიათის შეხვედრაც გაიმართა. შეხვედრაზე ძირითადი აქცენტი გაკეთდა სასწავლო პროცესის და კურსის მონაწილეების გაცნობაზე. კურსზე ჩარიცხული მონაწილეების უმეტესობა აქტიური მოქალაქეები არიან, რომლებსაც სურვილი აქვთ უკეთესობისკენ შეცვალონ თავიანთი რეგიონი თუ სოფელი. იმედი გვაქვს, რომ კურსი ძალიან დიდი წვლილს შეიტანს ამ საქმეში.  კურსი ხორციელდება USAID-ს ადგილობრივი თვითმმართველობის პროგრამის ფარგლებში. კურსზე სულ შემოვიდა 309 აპლიკაცია, ჩაირიცხა 92 მონაწილე სხვადასხვა მუნიციპალიტეტიდან.

თბილისი. სამოქალაქო საზოგადოების ინსტიტუტის (CSI) ადგილობრივი თვითმმართველობის და მოქალაქეთა მონაწილეობის ონლაინ სასწავლო პროგრამის I მოდულის მონაწილეებისთვის, 15 მარტს, გაიმართა დისკუსიის ფორმატის, კიდევ ერთი, შეხვედრა ZOOM პლატფორმის საშუალებით. შეხვედრის თემატიკა იყო საჭიროებების კვლევის მეთოდები და მუნიციპალიტეტის ორგანოების საქმიანობის გამჭირვალობა, ინფორმაციის ხელმისაწვდომობის ფორმები და სტანდარტები. შეხვედრა პროგრამის ლექტორებთან მარიამ კობალაძესთან და ლევან ფანიაშვილთან ერთად წარიმართა. შესაბამისად, მონაწილეებს შესაძლებლობა ჰქონდათ დაესვათ მათთვის საინტერესო კითხვები. ონლაინ პროგრამაზე ჩარიცხულია 32 მუნიციპალიტეტის 128 წარმომადგენელი, მათ შორის არიან მერიის, საკრებულოს და მრჩეველთა საბჭოს წარმომადგენლები. პროგრამის I მოდულზე სწავლა 18 მარტს დასრულდება, რის შემდეგაც სასწავლო პროცესი II მოდულზე დაიწყება. კურსზე სწავლა სრულად დაფინანსებულია USAID-ის ადგილობრივი თვითმმართველობის პროგრამის მიერ.

თბილისი.არასამთავრობო ორგანიზაციამ „მწვანე ალტერნატივამ“ სამუშაო შეხვედრა გამართა სამოქალაქო სექტორის, მუნიციპალიტეტების წარმომადგენლების, აქტივისტებისა და ჟურნალისტების მონაწილეობით. შეხვედრის თემა იყო – „თანამშრომლობა მდგრადი და მედეგი განვითარებისთვის: ადგილობრივი მუნიციპალიტეტებისა და თემების გამოწვევები და შესაძლებლობები". წყარო: მწვანე ალტერნატივა

იმერეთი. 6 მარტს, ცუცხვათის სკოლის სააქტო დარბაზში, განათლების განვითარების და დასაქმების ცენტმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა გამართა.  შეხვედრის მიზანია ცუცხვათის თემისა და ადგილობრივი თვითმმართველობის წარმომადგენლებისთვის პროექტის მიზნებისა და ამოცანების გაცნობა.  პროექტის „მოქალაქეები ადგილობრივი განვითარებისთვის“ მიზანია ონისა და ტყიბულის მუნიციპალიტეტის ორ თემში (საკაო და ცუცხვათი) არსებული მწვავე პრობლემების გადაჭრის ხელშეწყობა, ადგილობრივი თვითმმართველობის, კერძო და სამოქალაქო სექტორის პარტნიორობით და სოფლის თემის აქტიური ჩართულობით.  პროექტი „მოქალაქეები ადგილობრივი განვითარებისთვის“ USAID-ის ადგილობრივი თვითმმართველობის პროგრამის მხარდაჭერით ხორციელდება, რომელსაც განათლების განვითარების და დასაქმების ცენტრი ფონდ აფხაზინტერკონტთან ერთად ახორციელებს.  სრულად...  წყარო: განათლების განვითარების და დასაქმების ცენტრი

შიდა ქართლი.მცხეთა–მთიანეთის რეგიონული ჰაბი ავრცელებს ანიმაციას, რომელიც გვიამბობს მოქალაქეთა ჩართულობის ფორმებისა და ადგილობრივი თვითმმართველობის განხორციელებაში იძულებით გადაადგილებული პირების მონაწილეობის შესახებ. ანიმაცია წყარო: მცხეთა–მთიანეთის რეგიონული ჰაბი

ქვემო ქართლი.დმანისის მუნიციპალიტეტმა, „ჩაერთე მართვის“ კლუბის ინიციატივით, დაიწყო მიუსაფარი ცხოველების მართვის პოლიტიკის შემუშავება. ამ მიზნით, 21 თებერვალს, გაიმართა საჯარო კონსულტაცია დაინტერესებულ მოქალაქეებთან და სამოქალაქო სექტორის წარმომადგენლებთან. შეხვედრა წარიმართა, მოქალაქეთა მონაწილეობის ინოვაციური ინსტრუმენტის გამოყენებით, რომელიც მოიცავდა მოქალაქეების სწავლების ფაზას, რეკომენდაციებზე მუშაობის და ხმის მიცემის ფაზას. შეხვედრა დმანისის მუნიციპალიტეტის საკრებულოს თავმჯდომარემ პაატა ყულიაშვილმა და USAID-ის ადგილობრივი თვითმმართველობის პროგრამის ხელმძღვანელმა კევინ მაკლოკლინმა გახსნეს. მათ ისაუბრეს რამდენად მნიშვნელოვანია აღნიშნული პრობლემის მოგვარებაში მოქალაქეთა მონაწილეობა და აქტიურობა. სფეროს ექსპერტებმა, კონსულტაციებში მონაწილეებს გააცნეს თუ რა გზებით არის შესაძლებელი მიუსაფარი ცხოველების პრობლემებზე მუშაობა. ზვიად ასანიშვილმა, ცხოველთა მონიტორინგის სააგენტოს დირექტორის მოადგილემ, მონაწილეებს გააცნო თბილისის გამოცდილება და ის პრაქტიკა, რასაც თბილისის მუნიციპალიტეტი ახორციელებს. ანა მეცხვარიშვილმა - ორგანიზაცია Mayhew Georgia-ს წარმომადგენელმა ისაუბრა ორგანიზაციის გამოცდილებაზე და იმ სტანდარტებზე, მიდგომებზე რაც მნიშვნელოვანია ცხოველთა პოპულაციის მართვის და კეთილდღეობისთვის. ხოლო ლუსინე დოსტიბეგიანმა, თეთრიწყაროს ახალგაზრდული ცენტრის ხელმძღვანელმა, მონაწილეებს გაუზიარა თეთრიწყაროს მუნიციპალიტეტის გამოცდილება. რეკომენდაციების შემუშავების ეტაპზე, მოქალაქეებმა მცირე ჯგუფებში იმუშავებს ექსპერტებთან ერთად და ჯამში 31 რეკომენდაცია შეიმუშავეს. შეხვედრის ბოლო ეტაპზე კენჭისყრის საშუალებით მოქალაქეებმა სამი პრიორიტეტული მიმართულება გამოკვეთეს: მიუსაფარი ცხოველების კასტრაცია და სტერილიზაცია;  საზოგადოების ცნობიერების ამაღლების კამპანია;  მუნიციპალიტეტის მიერ მიუსაფარი ცხოველების სტრატეგიის და საბიუჯეტო პროგრამის შემუშავება. აღნიშნულ რეკომენდაციებს დაეფუძნება დმანისის მუნიციპალიტეტის მიუსაფარი ცხოველების მართვის პოლიტიკა. როგორც უკვე აღვნიშნეთ, აქტიურად იყვნენ ჩართულნი საკონსულტაციო შეხვედრაში ადგილობრივი მაცხოვრებლები. მათი ინტერესი საკმაოდ მაღალი იყო, ამას მოწმობს კონსულტაციის უკუკავშირიც. მაგალითად, „შეხვედრა იყო სახალისო, ინფორმაციული და არაჩვეულებრივი“; „შეხვედრა იყო ძალიან გუნდური და მიზანმიმართული“; „შეხვედრა იყო მეგობრული და შედეგზე ორიენტირებული“; „დავინახე შედეგის მომტანი საქმიანობა“. ღონისძიება გაიმართა დმანისის მუნიციპალიტეტის,  სამოქალაქო საზოგადოების ინსტიტუტის (CSI), დმანისის „ჩაერთე მართვის“ კლუბის ინიციატივით, USAID–ის ადგილობრივი თვითმმართველობის პროგრამის მხარდაჭერით.

ადგილობრივი თვითმმართველობის პროგრამა ბათუმის, ლენტეხის, ხარაგაულის და ხონის მაცხოვრებლებს აძლევს შესაძლებლობს შეავსონ კითხვარი და ჩაერთონ თემის განვითარებაშიდა მიიღონ მონაწილეობა მუნიციპალიტეტის განვითარების საშუალო ვადიანტ სტრატეგიისა Და სამოქმედო გეგმის შემუშავებაში. დოკუმენტი განსაზღვრავს იმ მიზნებს და ამოცანებს, რომლის მისაღწევად იმუშავებს ადგილობრივი ხელისუფლება და განსაზღვრავს მუნიციპალიტეტის განვითარების კურსს მომდევნო რამდენიმე წლის განმავლობაში.  წლის დასაწყისში, USAID-ის ადგილობრივი თვითმმართველობის პროგრამის პარტნიორმა მუნიციპალიტეტებმა, პარტნიორ ორგანიზაციებთან GEC Consulting და PMCG - Policy and Management Consulting Group ერთად, დაიწყეს მუშაობა მუნიციპალური განვითარების საშუალო ვადიანი სტრატეგიებისა და სამოქმედო გეგმების მოსამზადებლად. ადგილობრივი მოსახლეობის ჩართულობა, დოკუმენტებზე მუშაობის ერთობლივი პროცესის ნაწილია. სრულად... წყარო: USAID-ის ადგილობრივი თვითმმართველობის პროგრამა

დაიწყო სწავლება ახალ ონლაინ პროგრამაზე „ადგილობრივი თვითმმართველობა და მოქალაქეთა მონაწილეობა“. სასწავლო პროგრამა შემუშავდა მუნიციპალიტეტის საჯარო მოხელეთა და საკრებულოს წევრთა საჭიროებების კვლევის საფუძველზე. შესაბამისად, დაინტერესება საკმაოდ მაღალი იყო – სურვილი 291 აპლიკანტმა გამოთქვა. მათგან კურსზე ჩაირიცხა 128 მონაწილე 32 მუნიციპალიტეტიდან. მათ შორის არიან მერიის, საკრებულოს, ასევე მუნიციპალიტეტის სათათბირო საბჭოების წარმომადგენლები.  სასწავლო პროგრამის პირველ მოდულზე სწავლა 21 თებერვალს დაიწყო და 18 მარტს დასრულდება. გაცნობითი ხასიათის შეხვედრა უკვე გაიმართა ZOOM პლატფორმის საშუალებით.  შეგახსენებთ სასწავლო პროგრამა მოიცავს 3 მოდულს:  მოდული I - ადგილობრივი თვითმმართველობის საფუძვლები, უფლებამოსილებები და მოქალაქეთა მონაწილეობის გარანტიები (სავალდებულო);  მოდული II - მუნიციპალიტეტის საკრებულოს საქმიანობაში მოქალაქეთა მონაწილეობა (არჩევითი);  მოდული III - მუნიციპალიტეტის მერიის საქმიანობაში მოქალაქეთა მონაწილეობა (არჩევითი). სწავლებას უძღვებიან სფეროს ექსპერტები. „ადგილობრივი თვითმმართველობისა და მოქალაქეთა მონაწილეობის“ პროგრამა სამოქალაქო საზოგადოების ინსტიტუტმა (CSI), USAID–ის ადგილობრივი თვითმმართველობის პროგრამის ფარგლებში, შექმნა.

16-19 თებერვალს ბათუმისა და ჩოხატაურის “ჩაერთე მართვის” კლუბის პრეზენტაცია გაიმართა. კლუბის მიზანია მონაწილეობითი მიდგომით, ხელი შეუწყონ ადგილობრივ დონეზე მოქალაქეთა მონაწილეობის პროცესების გაუმჯობესებას. კლუბის ფარგლებში, მონაწილეებმა შეიმუშავეს ადგილობრივ განვითარებაზე ორიენტირებული ინიციატივები, მათ შორის, ადგილობრივი საჭიროებების კვლევაზე დაფუძნებით რეკომენდაციების შემუშავება და თვითმმართველობის ორგანოებისთვის წარდგენა; საინფორმაციო შეხვედრები ადგილობრივ მოქალაქეებთან მონაწილეობითი მექანიზმების შესახებ ცნობიერების ამაღლების მიზნით; გარემოს დაცვა; ახალგაზრდული სივრცის მოწყობა და სხვა. კლუბი შეიქმნა კამპანიის „ჩაერთე მართვის“ ფარგლებში, რომელსაც ახორციელებს სამოქალაქო საზოგადოების ინსტიტუტი (CSI), აშშ–ის საერთაშორისო განვითარების სააგენტოს (USAID) ადგილობრივი თვითმმართველობის პროგრამის ფარგლებში.

ქვემო ქართლი.14 თებერვალს მარნეულში გაიმართა მუნიციპალიტეტის მერიისა და საკრებულოს წარმომადგენლებისთვის ტრენინგი სისტემური ხედვისა და სტრატეგიული დაგეგმარების შესახებ, რომელსაც ექსპერტი ლიზი სოფრომაძე უძღვებოდა.  მანამდე ტრენინგების კურსი გაიმართა დმანისში, ჩოხატაურსა და ბათუმში, რომელშიც საკრებულოს და მერიის 100–ზე მეტი წარმომადგენელი მონაწილეობდა. აღნიშნული ტრენინგი, მუნიციპალიტეტების შესაძლებლობების გაძლიერების პროგრამის ნაწილია, რომელიც მოქალაქეთა მონაწილეობის ხარისხის თვითშეფასებას (www.ppmeter.ge) ეყრდნობა. დამსწრე აუდიტორიამ მიიღო ინფორმაცია და ცოდნა იმ სტანდარტების შესახებ, რომელიც სამთავრობო დადგენილებების, სამოქმედო გეგმების, ასევე სტრატეგიული დოკუმენტების შექმნისთვის არის მნიშვნელოვანი და საჭირო.  მუნიციპალიტეტების თანამშრომლებისთვის შესაძლებლობის განვითარების პროგრამა, სამოქალაქო საზოგადოების ინსტიტუტმა, აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში გამართა. წყარო: სამოქალაქო საზოგადოების ინსტიტუტი

25–29 იანვარს ჩოხატაურსა და ბათუმში გაიმართა „ჩაერთე მართვის“ კლუბის წევრებთან შეხვედრა. კლუბის მიზანია მონაწილეობითი მიდგომით, ხელი შეუწყონ ადგილობრივ დონეზე მოქალაქეთა მონაწილეობის პროცესების გაუმჯობესებას.  შეხვედრებზე ისაუბრეს კლუბის როლზე, მოქალაქეთა მონაწილეობის გაზრდის ხელშესაწყობად სხვადასხვა საგანმანათლებო–საინფორმაციო კამპანიებსა და ინიციატივებზე.  კლუბი შეიქმნა კამპანიის „ჩაერთე მართვის“ ფარგლებში, რომელსაც სამოქალაქო საზოგადოების ინსტიტუტი (CSI), აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში.

თბილისი. პროექტის „სამოქალაქო აქტივიზმის სკოლა“ ფარგლებში ჩატარდა ტრენინგ-კურსი „პროექტების წერა.“  ორი დღის განმავლობაში მონაწილეებმა თავად განსაზღვრეს თემში არსებული პრობლემები და მათი გადაჭრის გზები.  პროექტი ხორციელდება განათლების განვითარების და დასაქმების ცენტრის მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის "სამოქალაქო საზოგადოების ინიციატივა" ფარგლებში.  სრულად...  წყარო: სამოქალაქო საზოგადოების ინიციატივა

აჭარა.30–31 იანვარს, სამოქალაქო საზოგადოების ინსტიტუტმა ბათუმის მუნიციპალიტეტის მერიისა და საკრებულოს წარმომადგენლებისთვის გამართა ტრენინგი სისტემური ხედვისა და სტრატეგიული დაგეგმარების მიმართულებით. ტრენინგს უძღვებოდა ექსპერტი ლიზი სოფრომაძე. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge). ტრენერმა ლიზი სოფრომაძემ აუდიტორიას მიაწოდა ინფორმაცია იმ სტანდარტებისა და კომპონენტების შესახებ, რომელიც სამთავრობო დადგენილებებისა და საერთაშორისო გამოცდილებებით სტრატეგიული დოკუმენტებისა და სამოქმედო გეგმების შექმნისთვის გამოიყენება. აღნიშნული პროგრამა დაეხმარება მუნიციპალიტეტებს შეიმუშაონ სტრატეგია და სამოქმედო გეგმა მოქალაქეთა მონაწილეობის მიმართულებით.  მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი, აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში მართავს.

გურია. მოქალაქეთა მონაწილეობის სტრატეგიის შემუშავებისთვის, 26 იანვარს, ჩოხატაურის მუნიციპალიტეტში საჯარო შეხვედრა გაიმართა. იგი, ევროპის საბჭოს მიერ შექმნილი ინვოაციური მეთოდოლოგიის - სამოქალაქო ლაბორატორიის (Civiclab) მექანიზმის გამოყენებით წარიმართა. ჩოხატაურის მუნიციპალიტეტის მოქალაქეთა მონაწილეობის სტრატეგიისთვის საჭირო წინადადებებზე ერთობლივად იმუშავეს ადგილობრივმა მაცხოვრებლებმა – სამოქალაქო საზოგადოების, საჯარო სექტორის, საგანმანათლებლო, ბიზნეს და მედია სფეროს წარმომადგენლებმა. შეხვედრის მონაწილეებმა შეიმუშავეს რეკომენდაციები და აქტივობები  4 მიმართულებით: ინფორმაციის ხელმისაწვდომობის და გამჭვირვალობის, ანგარიშვალდებულების და ზედამხედველობის, მუნიციპალური სერვისებისა და მოაქალქეთა მოტივაციის გაზრდის კუთხით.  შეხვედრა, USAID-ის ადგილობრივი თვითმმართველობის პროგრამის ფარგლებში, ჩოხატაურის მუნიციპალიტეტის ორგანიზებით და სამოქალაქო საზოგადოების ინსტიტუტის (CSI) მხარდაჭერით გაიმართა.

თბილისი. 30 იანვარს, ადგილობრივი დემოკრატიის სააგენტო საქართველო იწვევს დაინტერესებულ პირებს პროექტის „ახალგაზრდების ხმა ადგილობრივ თვითმმართველობაში“ პრეზენტაციაზე, რომელიც გაიმართება zoom პლატფორმის მეშვეობით. პროექტი მიზნად ისახავს ახალაგზრდების ჩართულობის ზრდასა და ადგილობრივ ხელისუფლებასთან დიალოგის ხელშეწყობას.  დაინტერესებულმა პირებმა უნდა გაიარონ რეგისტრაცია...  სრულად... წყარო: ადგილობრივი დემოკრატიის სააგენტო საქართველო

სამოქალაქო საზოგადოების ინსტიტუტმა (CSI), ახალი სასწავლო ონლაინ პროგრამის – „ადგილობრივი თვითმმართველობა და მოქალაქეთა მონაწილეობა – პრეზენტაცია გამართა, რომელიც შეიქმნა USAID–ის ადგილობრივი თვითმმართველობის პროგრამის ფარგლებში. პლატფორმა ZOOM–ში გამართულ შეხვედრას ესწრებოდნენ სხვადასხვა რეგიონის მუნიციპალიტეტების წარმომადგენლები. პროგრამის მიზნების და სასწავლო თემატიკის წარდგენის შემდგომ, პრეზენტაცია კითხვა–პასუხის რეჟიმში წარიმართა.  პროგრამა განკუთვნილია მუნიციპალიტეტის საკრებულოს წევრებისა და აპარატის საჯარო მოხელეებისთვის, მუნიციპალიტეტის მერიის საჯარო მოხელეებისა და მუნიციპალიტეტის ინსტიტუციების წარმომადგენლებისთვის, მათ შორის სათათბირო საბჭოების წევრებისთვის.  ონლაინ ახალი სასწავლო პროგრამა მოიცავს 3 მოდულს:  მოდული I - ადგილობრივი თვითმმართველობის საფუძვლები, უფლებამოსილებები და მოქალაქეთა მონაწილეობის გარანტიები;  მოდული II - მუნიციპალიტეტის საკრებულოს საქმიანობაში მოქალაქეთა მონაწილეობა;  მოდული III - მუნიციპალიტეტის მერიის საქმიანობაში მოქალაქეთა მონაწილეობა. შეგახსენებთ, რომ პროგრამაში მონაწილეობის მსურველებს განაცხადის წარდგენა 4 თებერვლის ჩათვლით შეუძლიათ.  პროგრამის შესახებ დეტალური ინფორმაცია

ქვემო ქართლი. 21 იანვარს სამოქალაქო საზოგადოების ინსტიტუტმა (CSI) „ჩაერთე მართვის“ მარნეულის და დმანისის კლუბის წევრებთან გამართა შეხვედრა. კლუბის წევრები სხვადასხვა პროფესიის და ასაკის ადგილობრივები არიან, რომელთაც დიდი სურვილი აქვთ, თავიანთი მონაწილეობით, ხელი შეუწყონ ადგილობრივ დონეზე მოქალაქეთა მონაწილეობის პროცესებს. შეხვედრაზე ისაუბრეს კლუბის როლზე მოქალაქეთა მონაწილეობის, საგანმანათლებლო–საინფორმაციო კამპანიების, ადგილობრივი ინიციატივების შემუშვების, მონაწილეობის მექანიზმების პოპულარიზაციისა და პრაქტიკაში განხორციელების კუთხით. ამ საკითხებზე კლუბის წევრები 2 თვის განმავლობაში იმუშავებენ.  ქვემო ქართლში, კამპანიის „ჩაერთე მართვაში“ – პარტნიორია „სამოქალაქო ჩართულობის და აქტივიზმის ცენტრი“.  25 იანვარს სამოქალაქო საზოგადოების ინსტიტუტი ჩოხაუტრის კლუბის წევრებთან გამართავს შეხვედრას, 29 იანვარს კი – ბათუმის კლუბის წევრებთან. შეგახსენებთ, რომ კლუბში 100–ზე მეტი მოხალისეა გაერთიანებული მარნეულის, დმანისის, ჩოხატაურის და ბათუმის მუნიციპალიტეტებიდან.  კამპანიას „ჩაერთე მართვაში“ ახორციელებს სამოქალაქო საზოგადოების ინსტიტუტი (CSI), USAID-ის ადგილობრივი თვითმმართველობის პროგრამის ფარგლებში.

ზემო სვანეთი. ადგილობრივი განვითარების ჯგუფი ზემო სვანეთი იწყებს პროექტის ,,Სოფლის მხარდაჭერის სახელმწიფო პროგრამის მონაწილეობითი მონიტორინგი მესტიისა და ლენტეხის მუნიციპალიტეტებში” სათემო შეხვედრებს: 22 იანვარი, 15:00 საათი - ცხუმარის თემი 23 იანვარი, 14:00 საათი - წვირმის თემი 23 იანვარი, 16:00 საათი - იფარის თემი 24 იანარი, 15:00 საათი - მულახის თემი აღნიშნულ პროექტს ზემო სვანეთის ადგილობრივი განვითარების ჯგუფი ახორციელებს USAID-ის ადგილობრივი თვითმართველობის პროგრამის ფარგლებში ორ სამიზნე მუნიციპალიტეტში - მესტიასა და ლენტეხში. სრულად... წყარო: ადგილობრივი განვითარების ჯგუფი ზემო სვანეთი სრულად... წყარო: ადგილობრივი განვითარების ჯგუფი ზემო სვანეთი