თბილისი. სოციალური სამართლიანობის ცენტრი გთავაზობთ ეკლესიის ისტორიკოსის, შოთა კინწურაშვილის ბლოგპოსტს: „საშობაო ეპისტოლე სოციალური მგრძნობელობის გარეშე“.  „საშობაო გზავნილში აღნიშვნის ღირსი ვერ გახდნენ პანდემიის განმავლობაში ყველაზე მეტად სულიერ და ხორციელ ღვაწლში მყოფნი მოყვასის სნეულთა მკურნალების - ექიმების, ექთნების და სანიტრების უდიდესი დამსახურება, რომელიც ქრისტიანული უმაღლესი სათნოებისა და უპირატესი მცნების მოყვასის მსახურებად შეიძლება იქნას დანახული. სამედიცინო პერსონალთან ერთად არაფერია ნათქვამი იმ ადამიანებზე, ვინც საკუთარი ნებასურვილით ორგანიზირებდა პანდემიის შედეგად დაზარალებული თანამოქალაქეების მხარდასაჭერ და დასახმარებელ სოციალურ მსახურებას. საეკლესიო ენაზე დიაკონიად წოდებული დახმარებისა და სოლიდარობის ეს მრავლისმომცემი გამოცდილება, რომელიც ასეთ მძიმე ჟამს ესოდენ საჭიროა ეპისტოლეში ერთ სტრიქონშიც არაა მოქცეული, არათუ ხაზგასმული და წინ წამოწეული“. სრულად... წყარო: socialjustice.org.ge

თბილისი. საქართველოს სტრატეგიისა და საერთაშორისო ურთიერთობების კვლევის ცენტრი აქვეყნებს ორგანიზაციის მკვლევრის, გიორგი ბილანიშვილის მიერ მომზადებულ ბლოგპოსტს „აშშ-რუსეთის ურთიერთობები და უკრაინის საკითხი“. „ბოლო ხანებში განვითარებული მოვლენები მიუთითებს, რომ რუსეთის ფედერაცია ცდილობს ილაპარაკოს ულტიმატუმის ენით, რათა მიიღოს მნიშვნელოვანი დათმობები დასავლეთის მხრიდან. მის მიზანს წარმოადგენს, დასავლეთის მხრიდან უკრაინისა და სხვა მეზობელი ქვეყნების მოსკოვის ექსკლუზიური გავლენის ზონად აღიარება. მიუხედავად იმისა, რომ აშშ-ის პოზიცია უკრაინასთან მიმართებით ეჭვს არ იწვევს და საკმაოდ ხისტი და მკაფიოა, მაინც მაღალი რჩება რუსეთის მხრიდან უკრაინის წინააღმდეგ ახალი სამხედრო აგრესიის განხორციელების ალბათობა“, ნათქვამია ბლოგპოსტში. სრულად... წყარო: www.gfsis.org

თბილისი. ეკონომიკური პოლიტიკის კვლევის ცენტრი (EPRC) აქვეყნებს ლუკ კოფის მოხსენებას საქართველოს ნატო-ში ინტეგრაციის დაჩქარების გზების შესახებ. „ეს არის გზა, რომელიც საქართველოს ნატოში გაწევრიანებას, რუსული ოკუპაციის მიუხედავად, შესაძლებელს გახდის. ეს არ არის მარტივი გზა და ჩემი შეთავაზება შესაძლებელია სადავოც იყოს. მაგრამ თუ ვინმეს უკეთესი ხედვა გაქვთ, გთხოვთ, გაგვიზიაროთ”, – წერს ლუკ კოფი საკუთარ ტვიტერზე. სრულად... წყარო: ორგანიზაციის გვერდი სოციალურ ქსელში

შიდა ქართლი. რონდელის ფონდი აქვეყნებს „ცხინვალის რეგიონში საოკუპაციო ხაზთან არსებული ვითარების მონიტორინგის“ მეხუთე გამოცემას, რომელიც ელენე მინდიაშვილმა მოამზადა. „12 დეკემბერს სოფ. ნიქოზის მიმდებარედ საქართველოს მოქალაქე მამუკა ჩხიკვაძე, რომელიც ადრე ქართულ შეიარაღებულ ძალებში მსახურობდა, დააკავეს. აგვისტოში დაკავებული გელა გოჭოშვილი გაათავისუფლეს. დათა და ვალია ვანიშვილების სახლთან მოძრაობის დეტექტორი დაამონტაჟეს. გამყოფი ხაზის მიმდებარე სოფლებში მცხოვრები მოსახლეობა ზამთრის პერიოდში ფინანსურ დახმარებას მიიღებს“. სრულად... წყარო: kremlin-roadmap.gfsis.org

გურია. ინოვაციებისა და სამოქალაქო განვითარების ცენტრი - პროგრესის სახლში, გურიაში მოქმედი სამოქალაქო საზოგადოების ორგანიზაციების მონაწილეობით, სოციალური მეწარმეობის შესახებ შეხვედრა გაიმართა. „როგორც ყველა ბიზნესს, სოციალურ მეწარმეობასაც სჭირდება ბიზნეს გეგმა. სწორედ ბიზნეს გეგმის მომზადება და საგრანტო განაცხადის შევსების თავისებურებები იყო ჩვენი შეხვედრის მიზანი.  შეხვედრა ჩატარდა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კორნად ადენაუერის ფონდის მხარდაჭერით“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის ინფორმაციით, შინ მოვლის პროექტში 410 ბენეფიციარი ჩაერთო. ბენეფიციარების დასახმარებლად, შეგიძლიათ თქვენც შეიტანოთ წვლილი, დონაციის სახით ბმულზე... სრულად... წყარო: ორგანიზაციის გვერდი სოციალურ ქსელში

სამეგრელო. საქველმოქმედო ჰუმანიტარული ცენტრი „აფხაზეთი“-ს ინფორმაციით, პროექტის „ენერგოეფექტური მიდგომების მხარდაჭერა სოციალური სერვისების მიმწოდებელ დაწესებულებებში“ ფარგლებში, გაიმართა შეხვედრა ზუგდიდის მუნიციპალიტეტის მერიისა დასაკრებულოს წარმომადგენლებთან. „ვიზიტის ფარგლებში პროექტის კოორდინატორმა და თემის რეგიონალურმა მობილიზატორმა ისაუბრეს პროექტის ფარგლებში რეგიონში განხორციელებული და დაგეგმილი საქმიანობების შესახებ, განიხილეს თანამშრომლობის შესაძლებლობები“. სრულად... წყარო: ორგანიზაციის გვერდი სოციალურ ქსელში

მითების დეტექტორი Snopes.com-ის მასალის მიხედვით მომზადებულ მასალას აქვეყნებს. „შობის დღესასწაულის პერიოდში, ალბათ, Jingle Bells-ს ყველგან მოისმენთ. სიმღერა თოვლით დაფარულ მინდვრებში ციგით სრიალისას მიღებული მხიარულების შესახებ მოგვითხრობს. თუმცა, რამდენად გასაკვირიც არ უნდა იყოს, სიმღერის ავტორს მისი სულ სხვა დღესასწაულისთვის გამოყენება ჰქონდა განზრახული“. სრულად... წყარო: mythdetector.ge

აჭარა. ასოციაცია „ღირსეული სიბერის“ ორგანიზებით ტრადიციული საქველმოქმედო აქცია „კეთილი ახალი წელი“ მიმდინარეობს. „ვაგროვებთ ტკბილეულს, პროდუქტებს, თბილ ტანსაცმელს... ყველაფერს, რაც შეიძლება გამოადგეთ მოხუცებს, სოციალურად დაუცველ ოჯახებს, შშმ პირებს“. სრულად... წყარო: ორგანიზაციის გვერდი სოციალურ ქსელში

თბილისი. სახალხო დამცველის აპარატი 10 იანვრამდე გამოცხადებულ უქმეებზე ჩვეულ რეჟიმში განაგრძობს მუშაობას, ცხელი ხაზი - 1481 ახალი წლის დღეებშიც ხელმისაწვდომი იქნება. სრულად... წყარო: ombudsman.ge

თბილისი. საქართველოს ახალგაზრდა იურისტთა ასოციაციის თავმჯდომარედ ორგანიზაციის გამგეობამ ნიკოლოზ სიმონიშვილი მეორე ვადით აირჩია. „ნიკა სიმონიშვილი საიას თავმჯდომარედ 2021 წლის იანვარში აირჩიეს. ის ორგანიზაციას უკვე ერთი წელია ხელმძღვანელობს“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინფორმაციით (IDFI), 23 დეკემბერს აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის შემაჯამებელი შეხვედრა გაიმართა, სადაც უმაღლესი საბჭოს 2020-2021 წლების ღია მმართველობის სამოქმედო გეგმის შესრულება განიხილეს. „შეხვედრა წარიმართა დისკუსიის რეჟიმში, გამოითქვა უმაღლესი საბჭოსა და სამოქალაქო სექტორს შორის თანამშრომლობის გაგრძელების სურვილი და ძირითად გამოწვევად დასახელდა ღია მმართველობის პრინციპების დანერგვის მდგრადობის შენარჩუნება უმაღლესი საბჭოს საქმიანობაში“. სრულად... წყარო: idfi.ge

თბილისი. საქართველოს სტრატეგიის და განვითარების ცენტრმა (GCSD) ახალი პროექტი - „მასობრივი განადგურების იარაღის გამოყენებით პოლიტიკური მკვლელობების პრევენციისთვის საქართველოს შესაძლებლობების გაძლიერება“ დაიწყო. „პროექტი მიზნად ისახავს, საქართველოს შესაძლებლობების გაძლიერებას მასობრივი განადგურების იარაღის მიზანმიმართული გამოყენების გამოვლენისა და მასზე რეაგირებისთვის”. სრულად... წყარო: ორგანიზაციის გვერდი სოციალურ ქსელში

თბილისი. „საქართველოს ახალგაზრდა იურისტთა ასოციაციამ“ ონლაინ პანელური დისკუსია ჩაატარა: „პოლიტიკური პოლარიზაცია საქართველოში და მისი გავლენა საქართველოს საგარეო პოლიტიკაზე”. „დისკუსიაში მონაწილე ექსპერტებმა წარმოადგინეს პოლიტიკური პოლარიზაციის თეორიული კონცეფცია და ძირითადი მახასიათებლები, შემდეგ კი განიხილეს მისი ბუნება, მასშტაბი და გამოვლინებები ქართულ პოლიტიკაში. მოწვეულმა სტუმრებმა ყურადღება გაამახვილეს პოლარიზაციის ეფექტებზე საგარეო პოლიტიკის კონტექსტში, განსაკუთრებით ევროპული ინტეგრაციის თვალსაზრისით და პოლარიზაციის გადასაჭრელად აუდიტორიას საკუთარი ხედვები გაუზიარეს“. შეხვედრის ჩანაწერი იხილეთ ბმულზე... წყარო: gyla.ge

თბილისი. სოციალური სამართლიანობის ცენტრი წარმოგიდგენთ ინტერვიუს ლევან ფხაკაძესთან, რომელიც ყიფშიძეზე მიმდინარე მშენებლობის წინააღმდეგ მიმდინარე პროტესტის ერთ-ერთი აქტიური მონაწილეა. „ეს მშენებლობები უბანს, ფაქტობრივად, კლავს. ეს იქნება აუგად მოსახსენიებელი უბანი, როგორც ურბანული დანაშაულისა და გენოციდის მაგალითი“, ამბობს ლევან ფხაკაძე.  წყარო: socialjustice.org.ge

თბილისი. ნიდერლანდების სამეფოს საელჩო საქართველოში და კავკასიის გარემოსდაცვითი არასამთავრობო ორგანიზაციების ქსელი (CENN) ადგილობრივ მუნიციპალიტეტებთან თანამშრომლობითა და საერთაშორისო ექსპერტების ჩართულობით, გიწვევთ ონლაინ ვორქშოფზე - ურბანული გადაწყვეტილებები ნიდერლანებში. ღონისძიების ფარგლებში განიხილება ურბანულ განვითარებასთან დაკავშირებული გამოწვევები და ამ სფეროში ნიდერლანდების გამოცდილების გაზიარება. შეხვედრების პერიოდი მოიცავს 21-23 დეკემბერს: • 21 დეკემბერი, 15:00 საათი - ქუთაისი • 22 დეკემბერი, 15:00 საათი - ზუგდიდი • 23 დეკემბერი, 15:00 საათი - თბილისი დასწრების მსურველებს გთხოვთ, შეავსოთ სააპლიკაციო ფორმა... სრულად... წყარო: ორგანიზაციის გვერდი სოციალურ ქსელში

კახეთი. ბელორუსი პრაქტიკანტები ორგანიზაცია „ხელი ხელს“ სტუმრობენ და ერთი კვირის განმავლობაში ორგანიზაციის მუშაობის ყველა ასპექტს გაეცნობიან. ორგანიზაციის საოჯახო ტიპის საცხოვრებლის სერვისები მათთვის საინტერესო და სამაგალითო აღმოჩნდა. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და განვითარების ცენტრის (GCSD) ორგანიზებით, პროგრამის „ძალადობრივი ექსტრემიზმისა და რადიკალიზაციის პრევენციისთვის საქართველოს შესაძლებლობების გაძლიერება” ფარგლებში, ტერორიზმის, ძალადობრივი ექსტრემიზმის, კონტრტერორიზმისა და რადიკალიზაციის პრევენციის შესახებ სამდღიანი ტრენინგი ჩატარდა. სრულად... წყარო: www.gcsd.org.ge

თბილისი. კოალიცია მედიის ადვოკატირებისთვის უარყოფითად აფასებს საქართველოს პარლამენტის გადაწყვეტილებას აზარტული თამაშების და მათი რეკლამების შემზღუდავი საკანონმდებლო პაკეტის დაჩქარებული წესით განხილვის შესახებ. „კანონპროექტის დაჩქარებული წესით განხილვა და ერთ დღეში მისი ორი მოსმენით მიღება გამორიცხავს სრულფასოვან საპარლამენტო განხილვას, დაინტერესებული პირების მიერ მოსაზრებების წარდგენას და კანონპროექტის დახვეწას. აღნიშნული პროცედურები პრინციპულად მნიშვნელოვანია ინიციატივებზე, რომლებსაც მნიშვნელოვანი ფინანსური ეფექტების გამოწვევა შეუძლია სახელმწიფო ბიუჯეტისა და მედია სექტორისთვის“. სრულად... წყარო: კოალიციის გვერდი სოციალურ ქსელში

თბილისი. 10 დეკემბრიდან 6 იანვრის ჩათვლით, სავაჭრო ცენტრ „სითი მოლში“ ტრადიციული რეწვის ასოციაციის მიერ ორგანიზებული საახალწლო გამოფენა-გაყიდვა იმართება. „გამოფენაზე თქვენ იხილავთ საქართველოს სხვადასხვა რეგიონებში შექმნილი მაღალი ხარისხის საახალწლო დეკორაციებს, რომელიც შექმნილია ასოციაციასთან თანამშრომლობით. ღონისძიების მხარდამჭერია USAID-ის ეკონომიკური უსაფრთხოების პროგრამა“. სრულად... წყარო: ორგანიზაციის გვერდი სოციალურ ქსელში

აჭარა. თავისუფალ ჟურნალისტთა სახლის ინფორმაციით, საქართველოს ახალგაზრდა იურისტთა ასოციაციის აჭარის ფილიალის წარმომადგენლებმა, სოფელ მერისის ადგილობრივ მოსახლეობას მიწის რეგისტრაციის საკითხებზე ინდივიდუალური კონსულტაცია გაუწიეს. სრულად... წყარო: ორგანიზაციის გვერდი სოციალურ ქსელში

თბილისი. საზოგადოებრივი ორგანიზაციების ნაწილი ავრცელებს განცხადებას „ალტ-ინფოს“ მიერ პოლიტიკური პარტიის შექმნის თაობაზე.  „ანტიდასავლურმა და რადიკალურმა დაჯგუფებამ, „ალტ-ინფომ“, პარტიის - „კონსერვატიული მოძრაობა“ - შექმნის შესახებ 2021 წლის 20 ნოემბერს განაცხადა. თავდაპირველად საჯარო რეესტრმა პარტიის რეგისტრაცია ტექნიკური ხარვეზების გამო შეაჩერა, თუმცა 7 დეკემბერს ის ოფიციალურად დაარეგისტრირა“, - ნატქვამია განცხადებაში, - „„ალტ-ინფოს“ რადიკალური დაჯგუფება, რომელიც გამოირჩევა ძალადობრივი ქმედებებით და ძალადობის წამახალისებელი სიძულვილისა და მუქარის ენით, წლების განმავლობაში საქართველოს მოკავშირეებისა და კონსტიტუციით აღიარებული დასავლური, ევრო-ატლანტიკური კურსის წინააღმდეგ პროპაგანდირებს და მათ საქართველოს შიდა საქმეებში უხეშ ჩარევაში, საქართველოს მიმართ კოლონიალიზმში, ქართული ტრადიციებისა და ქრისტიანობის წინააღმდეგ ბრძოლაში ადანაშაულებს. „ალტ-ინფო“ მიიჩნევს, რომ საქართველოს ევროპული მომავალი არ აქვს და საქართველოში ლიბერალური დემოკრატიის დასრულებასა და დასავლეთთან პარტნიორული ურთიერთობების შეწყვეტას ღიად მოითხოვს“.  სრულად...  წყარო: isfed.ge