თბილისი. 26 ოქტომბერს, სოციალური სამართლიანობის ცენტრმა გამართა ონლაინ დისკუსია თემაზე: „გალი - ორმაგი გამოტოვების ადგილი“. „2021 წლის 12 სექტემბერს ცნობილი გახდა აფხაზეთის დე ფაქტო განათლების სამინისტროს გადაწყვეტილების შესახებ, რომლის მიხედვითაც, გალის რაიონის სკოლებში ქართულ ენაზე სწავლება სრულად აიკრძალა. ამ გადაწყვეტილებით, ფაქტობრივად, დასრულდა გალის სკოლების აფხაზურ საგანმანათლებლო სისტემაში ასიმილაციისა და რუსიფიკაციის პროცესი, რომელიც წლების წინ წამოიწყო. დისკუსიის მიზანი აღნიშნულ საკითხზე მრავალშრიანი ფიქრის და მსჯელობის სივრცის შექმნა იყო“. სრულად... დისკუსია... წყარო: socialjustice.org.ge

თბილისი. საქართველოს სტრატეგიული კვლევებისა და განვითარების ცენტრი (CSRDG) გიზიარებთ ორგანიზაციის მიერ გამოცემულ „ქრაუდფანდინგის ღონისძიებების გზამკვლევს“. „პუბლიკაცია ქრაუდფანდინგის მოდელებზე და მის კონცეფციაზე გიამბობთ. გზამკვლევის ონლაინ ვერსია... გზამკვლევი გამოიცა CSRDG-ის მიერ, პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. 28 ოქტომბერს, 14:00 საათზე, მომხმარებელი.ge ონლაინ შეხვედრას გამართავს სურსათის უვნებლობის ლაბორატორიული კვლევების შესახებ. სრულად... წყარო: მომხმარებელი.ge-ს გვერდი სოციალურ ქსელში

თბილისი. თემი ქედელის საწარმოებში შექმნილი ნამუშევრები, წარმოდგენილი იქნება და გაიყიდება Shota Rustaveli Boutique Hotel-ში. ორგანიზაცია მადლობას უხდის სასტუმროს საწარმოების მხარდაჭერისთვისა და ხილვადობისთვის გაზრდისთვის. სრულად... წყარო: ორგანიზაციის გვერდი სოციალურ ქსელში

თბილისი. მითების დეტექტორის ინფორმაციით, 18 ოქტომბერს ფეისბუქ-მომხმარებელმა ენრი ონიანმა გამოაქვეყნა საქართველოს მეოთხე პრეზიდენტის, გიორგი მარგველაშვილის ფოტო, რომელზეც შემდეგი წარწერაა გაკეთებული: „მზად ვარ მეორე ვადით მოვიდე ქვეყნის სათავეში”. „ენრი ონიანის მიერ გავრცელებული ინფორმაცია, თითქოს გიორგი მარგველაშვილმა განაცხადა, რომ ის ქვეყნის სათავეში მეორე ვადით მოსვლისთვის მზადაა, დეზინფორმაციაა. ღია წყაროებში გიორგი მარგველაშვილის მსგავსი შინაარსის განცხადება არ იძებნება“. სრულად... წყარო: mythdetector.ge

თბილისი. ინფორმაციის თავისუფლების განვითარების ინსტიტუტის (IDFI) თანახმად, თბილისის სააპელაციო სასამართლომ არ დააკმაყოფილა ა(ა)იპ „მედიააკადემიას” სააპელაციო საჩივარი. სასამართლომ ძალაში დატოვა თბილისის საქალაქო სასამართლოს გადაწყვეტილება, რომლის მიხედვითაც, კომუნიკაციების ეროვნული კომისიის მიერ დაფუძნებული კერძო სამართლის იურიდიულ პირი (“მედიააკადემია”) სასამართლომ ფუნქციონალური გაგებით ადმინისტრაციულ ორგანოდ მიიჩნია და ზოგადი ადმინისტრაციული კოდექსის მე-3 თავის საფუძველზე საჯარო ინფორმაციის გაცემა დაავალა.  „კომუნიკაციების ეროვნულმა კომისიამ „მედიააკადემიის” დაფუძნების შესახებ გადაწყვეტილებით, საკუთარი უფლებამოსილებები „მედიააკადემიას” გადასცა, რის გამოც IDFI მიიჩნევს, რომ მასზე სრულად უნდა გავრცელდეს საჯარო დაწესებულებების მიმართ კანონმდებლობით დადგენილი გამჭვირვალობის სტანდარტები და მოთხოვნები“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, ორგანიზაცია საერთაშორისო ქსელის - გამოაქვეყნე რასაც იხდი (PWYP) წევრი გახდა. „IDFI-ს მიზანია აქტიურად ისარგებლოს PWYP-ის პლატფორმით იმისათვის, რომ ხელი შეუწყოს საქართველოში ბენეფიციარი საკუთრების და მოპოვებითი მრეწველობის გამჭვირვალობის პრინციპების დანერგვას“. სრულად... წყარო: idfi.ge

თბილისი. საქართველოს სახალხო დამცველი ესტონეთის სრულუფლებიან და საგანგებო ელჩს საქართველოში ქალბატონ რიინა კალიურანდას შეხვდა. „შეხვედრაზე ნინო ლომჯარიამ ელჩს სახალხო დამცველის აპარატის მანდატი გააცნო და ქვეყნის დემოკრატიული განვითარებისთვის სახალხო დამცველის ინსტიტუტის საქმიანობა და მნიშვნელობაზე განიხილა. ასევე, ისაუბრეს თვითმმართველობის საარჩევნო პროცესებზე“. სრულად... წყარო: ombudsman.ge

თბილისი. საზოგადოება და ბანკები გირჩევთ, როგორ არ გახდეთ ფიშინგის, თაღლითობის მსხვერპლი. გადაიხადეთ მხოლოდ იმ ვებგვერდების საშუალებით, რომლებსაც ენდობით და დაცულია; არ გახსნათ ელექტრონულ ფოსტაზე მოსული საეჭვო წერილები და მითუმეტეს, ბმულები; ნუ გაუზიარებთ სხვას პინკოდს და სმს-ით მიღებულ კოდებს; იყავით ფრთხილად ბანკომატით და პოსტერმინალით სარგებლობისას; ბარათის დაკარგვის ან მოპარვისას, დაუყონებლივ დაუკავშირდით ბარათის გამცემს; დააზღვიეთ თქვენი ბარათი არასანქცირებული ტრანზაქციებისგან. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს ორგანიზაციის ანალიტიკოსის მარიამ სვიმონიშვილის პრეზენტაციას „მედია, შშმ პირები“.  ანგარიშის სრული ელექტრონული ვერსია... წყარო: ორგანიზაციის გვერდი სოციალურ ქსელში

ქვემო ქართლი. USAID/Zrda წარმოგიდგენთ ახალ კულინარიულ კრებულს - „ეთნო ტაბლა“. „ეთნო ტაბლა“ წარმოადგენს USAID/Zrda-ს მიერ საქართველოს გასტრონომიის ასოიაციასთან ერთად შემუშავებულ ახალ ტურისტულ პროდუქტს, რომელშიც თავმოყრილია ქვემო ქართლის რეგიონში არსებული ეთნიკური უმცირესობების (სომეხი, აზერბაიჯანელი, ბერძენი, გერმანელი, ასირიელი) ძველი კულინარიული რეცეპტები. სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრი (EPRC) აქვეყნებს პუბლიკაციას - „3+3: საქართველო და ახალი რეგიონალური ფორმატი“. „საქართველოს მონაწილეობის შესაძლებლობა ნებისმიერ ახალ რეგიონალური თანამშრომლობის ფორმატში, რომლის ინიციატორი, თანაავტორი, ერთ-ერთი რიგითი წევრი, ან თუნდაც მხარდამჭერი იქნება რუსეთის ფედერაცია, სერიოზულ საფრთხეს უქმნის საქართველოს სუვერენიტეტსა და ტერიტორიულ მთლიანობას, ეჭვის ქვეშ აყენებს ჩვენი ქვეყნის კონსტიტუციის პრეამბულაში მკაფიოდ დაფიქსირებულ და, ამავე დროს, ქართველი ხალხის აბსოლუტური უმრავლესობის მიერ არჩეულ ევროპული და ევრო-ატლანტიკური ინტეგრაციის იდეას და სერიოზულ ზიანს აყენებს ქვეყნის იმიჯს ჩვენი დასავლელი პარტნიორების თვალში“. დოკუმენტი წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აგრძელებს ინტერვიუების ციკლს „სხვა კუთხე“. 15 ოქტომბერს, 19:00 საათზე, ორგანიზაცია შემოგთავაზებთ ინტერვიუს მღვდელ, ზაზა თევზაძესთან. „სოციალური სამართლიანობის ცენტრის, თანასწორობის პოლიტიკის პროგრამის დირექტორი, თამთა მიქელაძე ეცდება დასვამს კითხვები, რომელიც კიდევ ერთხელ მოგვცემს შესაძლებლობას, გავიაზროთ: ◾️ რა მოხდა საქართველოს დამოუკიდებელობის შემდეგ, რამაც ეკლესია დღევანდელ კრიზისამდე მიიყვანა ◾️ და ამასთან, რატომ ვერ მოხერხდა ეკლესიის, როგორც ინსტიტუციის ძალაუფლების სწორი მიმართულებით წარმართვა?“ წყარო: ორგანიზაციის გვერდი სოციალურ ქსელში

თბილისი. რონდელის ფონდის ინფორმაციით, ყარსის ხელშეკრულების ხელმოწერიდან ზუსტად 100 წელი გავიდა. „საქართველოში ხელშეკრულება არცთუ იშვიათად გამხდარა განხილვისა და დისკუსიების თემა და ხშირად საქმე გვაქვს მიზანმიმართულ სპეკულაციებთან, რისი მიზანიცაა ანტითურქული და ანტიდასავლური განწყობების გაღვივება ქართულ საზოგადოებაში. ერთ-ერთი ასეთი სპეკულაცია სწორედ ხელშეკრულების ვადის გასვლას ეხება. მითის მიხედვით, ყარსის ხელშეკრულებას ხელმოწერიდან 100 წლის შემდეგ ვადა ეწურება, რის შემდეგაც ვითომცდა სათუო ხდება აჭარის საქართველოსათვის კუთვნილების თემა. სინამდვილეში, ხელშეკრულება არავითარი ვადით არ არის შეზღუდული. დღეს 100 წელი შესრულდა, თუმცა არც ვადა გასვლია და არც აჭარის კუთვნილების საკითხი დამდგარა“. სრულად... წყარო: www.gfsis.org

თბილისი. სოციალური სამართლიანობის ცენტრი გთავაზობთ სტატიას, რომელშიც განხილულია სხვადასხვა ხელისუფლებების მმართველობის პერიოდებში, ასევე, აგვისტოს ომამდე და მის შემდგომ პერიოდში, სამშვიდობო პოლიტიკის ძირითადი ტენდენციები, შედეგები, ჩავარდნები და მათი პოლიტიკურ ახსნა. სრულად... წყარო: socialjustice.org.ge

თბილისი. გაეროს განვითარების პროგრამა და დიდი ბრიტანეთის მთავრობა საჯარო მმართველობის რეფორმის მხარდაჭერის ახალ ეტაპს იწყებენ. „საჯარო მმართველობის ძირეული რეფორმა საქართველოს მთავრობისა და საჯარო უწყებების ინიციატივითა და აქტიური ჩართულობით ხორციელდება. მისი მიზანია მმართველობის სისტემების დახვეწა და ძლიერი დემოკრატიული ინსტიტუტების ჩამოყალიბება“. სრულად... წყარო: www.ge.undp.org ფოტო: ნინო ზედგინიძე/UNDP

აჭარა. ომბუდსმენი მწუხარებას გამოთქვამს ბათუმში მომხდარი ტრაგედიის გამო და უსამძიმრებს გარდაცვლითა ოჯახებს. „ბათუმში მომხდარმა საზარელმა ფაქტმა ცხადყო რამდენად მნიშვნელოვანია სახელმწიფო რეგულაციების გამკაცრება, უკანონო მშენებლობების აღმოფხვრა და ზედამხედველობა, ასევე სამოქალაქო პასუხისმგებლობა. ჯერ-ჯერობით უცნობია ამ დიდი ტრაგედიის მიზეზები, რომელიც შესაძლოა, ერთი შეხედვით უმნიშვნელო დაუდევრობას გამოეწვია. სწორედ ამიტომ, თითოეული მოქალაქის ვალია სიფრთხილე გამოიჩინოს და არ იმოქმედოს მხოლოდ საკუთარი ინტერესებით, რაც რისკის ქვეშ დააყენებს მასაც და გარშემო მყოფებსაც“, ნათქვამია განცხადებაში. სრულად... წყარო: www.ombudsman.ge

აჭარა. სოციალური სამართლიანობის ცენტრი ბათუმში მომხდარ ტრაგედიას ეხმიანება და უსამძიმრებს დაღუპულთა ოჯახებს და მათ ახლობლებს. ორგანიზაცია მიიჩნევს, რომ პირველ ეტაპზე მნიშვნელოვანია დაზარალებული ოჯახების სამართლებრივი და სოციალური მხარდაჭერა, მატერიალური და მორალური ზიანის აღდგენისთვის საჭირო სამართლიანი და ღირსეული გზების ძიება. „ბათუმში ხუთსართულიანი საცხოვრებელი შენობის ჩამონგრევა სავარაუდოა, რომ სუსტ სამშენებლო რეგულირებასა და ტექნიკურ ზედამხედველობას უკავშირდება. სისტემური პრობლემაა სამშენებლო სანებართვო პირობების შეთანხმებაზე პასუხისმგებელი უწყებების მხრიდან საკუთარი უფლებამოსილებების არაჯეროვნად შესრულება“, აღნიშნულია ორგანიზაციის განცხადებაში. სრულად... წყარო: socialjustice.org.ge ფოტო: Batumelebi.ge

სამცხე-ჯავახეთი. სოციალური სამართლიანობის ცენტრის ინფორმაციით, ჯავახეთში, ისევე როგორც სხვა მაღალმთიან რეგიონებში, 6 ოქტომბერს თოვლი მოვიდა. „ნინოწმინდის და ახალქალაქის მაცხოვრებლების დიდი ნაწილი მკაცრ ზამთარს კვლავ გაზის გარეშე, მძიმე პირობებში ხვდება. ნინოწმინდის 31 სოფლიდან 8 სოფელი, ახალქალაქის 64 სოფლიდან კი 22 სოფელი არ არის გაზიფიცირებული. ამ ბაზისური ინფრასტრუქტურის გარეშე დარჩენილი ოჯახები გასათბობად თხევადი გაზის ბალონებს, უფრო ხშირად კი ე.წ. “ჯავახურ ყალაღს“ (ოთხკუთხედად დაჭრილი გამხმარი ნაკელი) იყენებენ. ეს გამოცდილება კიდევ ერთხელ აჩვენებს ცენტრსა და პერიფერიას შორის ეკონომიკურ და სოციალურ უთანასწორობას და მაღალმთიან რეგიონებში მცხოვრები ადამიანების მძიმე ყოფას, რომელიც წლიდან წლამდე არ იცვლება და არ მსუბუქდება“. სრულად... წყარო: სოციალური სამართლიანობის ცენტრის გვერდი სოციალურ ქსელში

სახალხო დამცველის მოადგილემ ეკატერინე სხილაძემ მონაწილეობა მიიღო გაეროს მსოფლიო მონაცემთა ფორუმში. „ფორუმი მიზნად ისახავდა მონაცემების შეგროვებაზე ცნობიერების ამაღლებას და გენდერულად სეგრეგირებული მონაცემების მნიშვნელობაზე ხაზგასმას. საქართველოს სახალხო დამცველის მოადგილემ ეკატერინე სხილაძემ თავის გამოსვლაში ხაზი გაუსვა გენდერული სტატისტიკის წარმოების მნიშვნელობას და ისაუბრა საქართველოს მაგალითზე სექსუალური შევიწროების კანონმდებლობისა და ფემიციდის მონიტორინგის მექანიზმის დანერგვის მიმართულებით, რამაც ხელი შეუწყო არსებული პრაქტიკების დახვეწას და მონაცემების შეგროვება ბევრად გააუმჯობესა”.  სრულად... წყარო: ომბუდსმენის გვერდი სოციალურ ქსელში

თბილისი. სოციალური სამართლიანობის ცენტრის ინფორმაციით, ხმაური, გადატვირთულობა, სერვისებსა და ინფრასტრუქტურასთან შეზღუდული წვდომა - ეს იმ გამოწვევების არასრული ჩამონათვალია, რომელსაც ორხევის სოციალურ საცხოვრისში მცხოვრები ადამიანები ყოველდღიურად აწყდებიან. „საცხოვრისი განსაკუთრებით არასათანადოა შშმ პირებისა და ბავშვებისთვის. თბილისის მერიას დღემდე არ აქვს უსახლკარობასთან ბრძოლის პოლიტიკა და საბინაო ფონდი, რაც ადამიანებს ღირსეული საცხოვრისით უზრუნველყოფდა“. დამატებითი ინფორმაციისთვის, იხ. სოციალური სამართლიანობის ცენტრის დოკუმენტი - “სად არის პრობლემები საცხოვრისის პოლიტიკაში”.  ღია საზოგადოების ფონდის (OSGF) კვლევა - “ცხოვრება სოციალურ საცხოვრისში - მიზეზები, საჭიროებები.  სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტის (IDFI) თანახმად, საქართველო იყო ერთ-ერთი პირველი, ვინც შეუერთდა ღია მმართველობის პარტნიორობას 2011 წელს და ინიციატივის განხორციელების დასაწყისშივე განსაკუთრებული აქტიურობით გამოირჩეოდა. ორგანიზაციის შეფასებით, „უკანასკნელი რამდენიმე წლის განმავლობაში საქართველოს მთავრობის მონაწილეობა ღია მმართველობის პარტნიორობაში შესუსტდა და ამ დროისთვის შეიძლება ითქვას, რომ თითქმის სრულებით გაჩერდა. უმოქმედობის შედეგად - გამოუსწორებლად დაზარალდა საქართველოს იმიჯი, როგორც ღია მმართველობის პარტნიორობის ერთ-ერთი ლიდერი სახელმწიფოსი სამოქმედო გეგმის შემუშავებისა და ვალდებულებების განხორციელების მხრივ“. სრულად... წყარო: idfi.ge