თბილისი. ინფორმაციის თავისუფლების განვითარების ინსტიტუტი აქვეყნებს ამერიკის საარქივო ფონდებში დაცულ საიდუმლო დოკუმენტებს 9 აპრილის შესახებ. „ინფორმაციის თავისუფლების განვითარების ინსტიტუტის პარტნიორმა ამერიკულმა არასამთავრობო ორგანიზაციამ, ჯორჯ ვაშინგტონის უნივერსიტეტთან არსებულმა ეროვნული უსაფრთხოების არქივმა, IDFI-ს თხოვნით გამოითხოვა დოკუმენტები, რომლებიც ეხება საქართველოში 1989 წლის 9 აპრილს განვითარებულ მოვლენებს და რომლებიც წლების განმავლობაში გრიფით საიდუმლო ინახებოდა აშშ-ის სახელმწიფო არქივებში. დოკუმენტები, ეხება არა მარტო 1989 წლის 9 აპრილის მოვლენებს, არამედ იმ პოლიტიკურ დაძაბულობას, რომლის პიკიც იყო 9 აპრილის ტრაგედია. ეს არის ერთ-ერთი პირველი შემთხვევა, როდესაც ქვეყნდება შეერთებული შტატების სახელმწიფო არქივებში დაცული და გასაიდუმლოებული დოკუმენტები საქართველოს უახლესი ისტორიის შესახებ", ნათქვამია ორგანიზაციის ვებ-გვერდზე. სრულად... წყარო: idfi.ge

csogeorgia.org  საზოგადოებრივ ორგანიზაციებს, ნებისმიერ დაინტერესებულ პირს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ–ბიულეტენი 202...

თბილისი. 5 აპრილს, თბილისში გაიმართა OGP-ის სამდივნოს დირექტორის და სამოქალაქო საზოგადოების ჩართულობის დირექტორის შეხვედრა საქართველოს მთავრობის, პარლამენტის, თბილისის მერიის, არასამთავრობო და საერთაშორისო ორგანიზაციების წარმომადგენლებთან. „შეხვედრამ შესაძლებლობა მისცა OGP-ის პროცესში ეროვნულ დონეზე ჩართულ ყველა მხარეს ერთობლივად განეხილათ საქართველოს ხედვა, გეგმები და მოლოდინები 2017 წლის ოქტომბრიდან საქართველოს OGP-ის მმართველი კომიტეტის თავმჯდომარეობასთან დაკავშირებით", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. კონსტიტუციის 42-3 მუხლი აქვეყნებს ავტოსაგზაო შემთხვევების სასამართლო პრაქტიკის მიმოხილვას. „თუ სტატისტიკურ მონაცემებს გადავხედავთ, მხოლოდ იმ საქმეების რაოდენობა რომლებზედაც სისხლის სამართლებრივი დევნა დაიწყო, 2014-16 წლებში, რვაასიდან ათასამდე მერყეობს. უფრო შთამბეჭდავად გამოიყურება საქართველოს შინაგან საქმეთა სამინისტროს სტატისტიკური მონაცემები, რომლებით სამინისტროს ოფიციალურ ვებგვერდზეა განთავსებული, იგივე პერიოდში ამ დანაშაულისათვის დაწყებული გამოძიებათა რიცხვი სამი ათასს აჭარბებს თითოეული წლისათვის. რეგისტრირებული შემთხვევების დაახლოვებით ათ პროცენტი წარმოადენს ისეთ ავტოსაგზაო შემთხვევებს რომლებიც მსხვერპლით დასრულდა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

აჭარა. ასოციაცია „ღირსეული სიბერე გიწვევთ გამოფენაზე, სადაც გაიყიდება ქალთა კლუბის ბენეფიციართა მიერ შექმნილი სააღდგომო სუვენირები. თანხა მოხმარდება სააღდგომო საქველმოქმედო აქციისთვის პასკების და კვერცხების შეძენას. „აქტივობა მიმდინარეობს ევროკავშირის მიერ დაფინანსებული კოალიციური პროექტის „ხანდაზმულთა უფლებების დაცვის ხელშეწყობისა და სოციალურ-ეკონომიკური გაძლიერების კამპანია აჭარის რეგიონში" ფარგლებში. პროექტის პარტნიორებია დემოკრატიის ინსტიტუტი და გურიის აგრობიზნესცენტრი", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ნატოს დღეების ფარგლებში, თბილისის მუნიციპალიტეტის საკრებულოში საქართველოში ნატოს დღეების 10 წლის იუბილესადმი მიძღვნილი ღონისძიება გაიმართა. „ნატოს დღეების 10 წლის იუბილეს სამთავრობო და არასამთავრობო ორგანიზაციების, ასევე, დიპლომატიური კორპუსის წარმომადგენლები დაესწრნენ. საქართველოში ნატოს დღეები 2-დან 11 აპრილამდე ნატოსა და ევროკავშირის შესახებ საინფორმაციო ცენტრის ორგანიზებით იმართება", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 7 აპრილს, 11:00-დან 18:00 საათამდე, „კავშირი ადამიანებისათის განსაკუთრებულ ზრუნვას რომ საჭიროებენ" (Apnsc) გიწვევთ სააღდგომო გამოფენა-გაყიდვაზე. თქვენ შეიძენთ: სანთლებს, ხის ნივთებს, ბლოკნოტებს, კონვერტებს, ჩანთებს, ჭიქებსა და მაისურებს კრეატიული დიზაინით, ფაზლებს, ორიგინალურად გაფორმებულ ზარდახშებს, ყუთებს, ქილებს... სრულად... წყარო: ორგანიზაციის ვებ-გვერდი სოციალურ ქსელში

თბილისი. საზოგადოება და ბანკებმა სტუდენტებისთვის ტრენინგი „რჩევები მომხმარებლებს” გაიმართა. „ორგანიზაციის წარმომადგენლები მსმენელებს საბანკო პროდუქტებისა და მომსახურების პირობებზე ესაუბრნენ. შეხვედრის ძირითადი თემა საკრედიტო პროდუქტები იყო, ტრენინგზე ყურადღება დაზოგვის კულტურის წახალისებაზეც გამახვილდა”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

აჭარა. ამ წუთებში მიმდინარეობს ღონისძიება, რომელიც მიზნად ისახავს ბათუმისათვის შემუშავებული პარკირების ახალი სტრატეგიისა და პოლიტიკის ძირითადი პრინციპების, საზოგადოებრივი ტრანსპორტის ქსელის ოპტიმიზაციის გეგმის პირველი სამუშაო ვერსიის საჯარო წარდგენასა და განხილვას. „პროექტის ფარგლებში მიმდინარეობს ბათუმის მდგრადი ურბანული მობილობის სტრატეგიისა და სამოქმედო გეგმის შემუშავება. აღსანიშნავია რომ პროექტის ფარგლებში გამოყენებული არის ქალაქის სატრანსპორტო სისტემისადმი ინტეგრირებული მიდგომა და მეთოდოლოგია... პროექტის ბათუმის კომპონენტის ფარგლებში, პირველად ქალაქის ისტორიაში განხორციელდა მოსახლეობის ურბანული მობილობის (გადაადგილების) კვლევა პირდაპირი გამოკითხვის მეთოდით", ნათქვამია ორგანიზაციის ვებ-გვერდზე. წყარო: ორგანიზაციის ვებ-გვერდი სოციალურ ქსელში

თბილისი. „საერთაშორისო გამჭვირვალობა - საქართველო" აქვეყნებს ვიდეო რგოლს, სადაც ორგანიზაცია მწერალ ლაშა ბუღაძესთან ერთად ცდილობს ახსნას თუ რა დაბრკოლებებს აწყდებიან თბილისელები ყოველდღიურად ქვეითთა გადასასვლელებზე გადასვლისას. სრულად... წყარო: ორგანიზაციის ვებ-გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი საარქივო მასალას აქვეყნებს. დღეს საქართველოს პირველი პრეზიდენტის ზვიად გამსახურდიას დაბადების დღეა, აგრეთვე 1991 წლის 31 მარტს ჩატარდა რეფერენდუმი სახელმწიფოებრივი დამოუკიდებლობის საკითხზე, სადაც საქართველოს მოსახლეობის აბსოლუტურმა უმრავლესობამ დამოუკიდებლობის აღდგენას დაუჭირა მხარი. ამ თარიღთან დაკავშირებით IDFI აგრძელებს განსაიდუმლოებული საარქივო დოკუმენტების გამოქვეყნებას და ამჯერად საზოგადოებას სთავაზობს 1991 წლის აპრილში მოსკოვში ამერიკის საელჩოს მიერ სახელმწიფო დეპარტამენტისთვის გაგზავნილ მოხსენებას. „1991 წლის 31 მარტი - 3 აპრილის პერიოდში, საქართველოს ეწვია რუსეთში ამერიკის საელჩოს წარმომადგენელი პოლოფი. ვიზიტის შედეგად, მომზადდა სამი ანგარიში. გამოქვეყნებული დოკუმენტი ეხება პოლოფის შეხვედრას საქართველოს პრეზიდენტ ზვიად გამსახურდიასთან", ნათქვამია ორგანიზაციის ვებგვერდზე. სრულად... წყარო: idfi.ge

თბილისი, ადამიანის უფლებების სწავლებისა და მონიტორინგის ცენტრი აქვეყნებს ჯარელდ დაიმონდის წიგნიდან თარგმანს „კოლაფსი : როგორ ირჩევენ საზოგადოებები მარცხს ან წარმატებას". სრულად... წყარო: emc.org.ge

თბილისი. 30 მარტს, ხუთშაბათს, ფონდ „ღია საზოგადოება-საქართველოს" ოფისში გაიმართება კონსულტაციის დღე. ფონდის პროგრამების მენეჯერები თქვენს შეკითხვებს უპასუხებენ. შეხვედრების განრიგი... წყარო: osgf.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ინფოგრაფიკებს უვიზო მიმოსვლით სარგებლობის წესებზე. სრულად... წყარო: idfi.ge

თბილისი. დღეიდან ევროკავშირის/შენგენის ტერიტორიაზე უვიზოდ მოგზაურობას შევძლებთ. გაეცანი წესებს უვიზოდ მოგზაურობის შესახებ. კითხვებზე პასუხს მიღებთ ნატოსა და ევროკავშირის შესახებ საინფორმაციო ცენტრის დირექტორისგან. წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ვიდეოს: „ორიენტალიზმი და მუსლიმ ქალთა რეპრეზენტაცია". „რა არის ორიენტალიზმი და როგორ ხდება ორიენტის წარმოება? როგორია მუსლიმ ქალთა რეპრეზენტაცია და რა კონტექსტი ქმნის მუსლიმი ქალების სახე ხატებს? რა შედეგები მოაქვს მუსლიმი ქალების უფლებების დაცვის სახელით წარმოებულ პოლიტიკებს? სჭირდებათ თუ არა მუსლიმ ქალებს ხსნა?. ვიდეო არის მცდელობა პასუხი გასცეს კითხვას თუ როგორ შეიძლება ვიფიქროთ იმ გზებზე, რომლებიც სამართლიანი და თანასწორი სამყაროს შექმნას შეუწყობს ხელს და როგორია ჩვენი როლი ამ პროცესში", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ლიბერალიზმის სასწავლო ცენტრი აქვეყნებს თეონა კაპანაძის ბლოგპოსტს: „ევთანაზია-სასჯელი თუ აუცილებლობა". „ევთანაზია ნებაყოფლობითი უნდა იყოს, რადგანაც თუ ადამიანს სურს იბრძოლოს სიცოცხლისთვის თუნდაც გაუსაძლისი ტკივილებით, ეს ასეც უნდა იყოს. ზოგიერთი ადამიანისთვის ღირსეული სიკვდილის უფლება (და ჩვენ არ გვაქვს უფლება ეს ნება უგულვებელვყოთ) შეიძლება სჯობდეს მცირე ხნით გახანგრძლივებულ ტკივილით სავსე ცხოვრებას", ნათქვამია ბლოგპოსტსში. სრულად... წყარო: libcenter.ge

თბილისი. ადამიანის უფლებების სწავლებისა და მონიტორინგის ცენტრმა (EMC) მოხის საჯარო სკოლის მუსლიმი მოსწავლის, თ. ბერიძის სახელით განათლებისა და მეცნიერების მინისტრთან, როგორც ზემოდგომ ადმინისტრაციულ ორგანოსთან შიდა აუდიტის დეპარტამენტის გადაწყვეტილება გაასაჩივრა. „EMC მიიჩნევს, რომ განმცხადებლების მტკიცებულებებით დადასტურებული ქმედება როგორც მინიმუმ წარმოადგენდა სამართლებრივი საფუძვლის გარეშე განმცხადებლის რელიგიის თავისუფლების შეზღუდვას. მეტიც, სამინისტროს წინაშე EMC-ის მიერ წარდგენილი სხვა ფაქტობრივი გარემოებები (მათ შორის, დირექტორის მიერ სკოლის მოსწავლეებისთვის ღია ცის ქვეშ ლოცვის აკრძალვა, დეკემბერში განვითარებული მოვლენების შემდეგ მე-12 კლასისთვის მოსამზადებელი დამატებითი გაკვეთილების გაუქმება) აკმაყოფილებს დისკრიმინაციული შევიწროების დადგენის წინაპირობებს”, ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს პუბლიკაციას: „მრავალშვილიანი ოჯახების დახმარების პოლიტიკა საქართველოში". „მიუხედავად იმისა, რომ უკანასკნელ წლებში შობადობის მაჩვენებლის უარყოფითი ტენდენციები არ შეინიშნება, დემოგრაფიულ საკითხებში ექსპერტთა ვარაუდით, უახლოეს პერიოდში ეს მაჩვენებელი მნიშვნელოვნად გაუარესდება. ვარაუდი გამყარებულია იმ მოსაზრებით, რომ 2017-2018 წლებიდან ქორწინებისა და რეპროდუქციული პოტენციალის ასაკში შევა 90-იან წლებში დაბადებული მოსახლეობა, როდესაც საქართველოში შობადობა ძალიან დაბალი იყო. ამიტომ, მნიშვნელოვანია, რომ საქართველოს ხელისუფლებამ შეიმუშაოს შესაბამისი სახელმწიფო პოლიტიკა დემოგრაფიული პრობლემების მოგვარებისა და დემოგრაფიული მდგომარეობის გაუმჯობესების მიზნით", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საქართველოს რეგიონულ მაუწყებელთა ასოციაცია (GARB) აქვეყნებს გადაცემას, სადაც ორ სტუმართან ერთად საუბარი შეეხება თვითმმართველობას. „იგეგმება თუ არა თვითმმართველი ქალაქების რაოდენობის შემცირება? რა უფლებები შეიძლება დაემატოთ გუბერნატორებს და როგორია „ქართული ოცნების" რეგიონული პოლიტიკა? - ყველა სიახლე რასაც მმართველი გუნდი თვითმმართველობის არჩევნებამდე განიხილავს ნახეთ გადაცემა „განსხვავებულ აზრში", ნათქვამია ასოციაციის ვებ-გვერდზე. სრულად... წყარო: garb.ge

თუ ხართ საზოგადოებრივი ორგანიზაციების ვებ–პორტალის – www.csogeorgia.org – მომხმარებელი, თუ მასზე განთავსებული რესურსები ხელს გიწყობთ საქმიანობაში, არ დაიზაროთ – შეავსეთ კითხვარი. რაც საშუალებას მოგვცემს თქვენი ინტერესების, მოსაზრებების გათვალისწინებით, უფრო სწრაფად, საჭირო და ხარისხიანი ინფორმაცია მოგაწოდოთ. და, ასევე გავაცნოთ ნებისმიერ დაინტერესებულ პირს საზოგადოებრივი ორგანიზაციები და მათი საქმიანობა, ანუ გაეცნონ საქმეს, რომელსაც ვაკეთებთ. გელით, მოგვწერეთ, თქვენი მონაწილეობა მნიშვნელოვანია... კითხვარი....

თბილისი. ქალთა უფლებების დაცვის ორგანიზაცია „საფარი/Safari აქვეყნებს ბრენდონ ამბროზინოს სტატიის თარგმანს: „ჰეტეროსექსუალობის გამოგონება". „მკვლევარებისთვის ზუსტად არ არის ცნობილი ჰომოსექსუალური ქცევის მიზეზები, მაგრამ ერთი რამ ცხადია: განსაკუთრებული „ჰომოსექსუალური გენი" არ არსებობს. ჩემი აზრით, სექსუალური სურვილები, ისევე, როგორც ყველა ჩვენი სურვილი, მთელი ცხოვრების მანძილზე იცვლება და ტრანსფორმაციას განიცდის, ეს ცვლილებები კი ახალი იდენტობების გაჩენის ნიშანია", ნათქვამია სტატიაში. სრულად... წყარო: sapari.ge