თბილისი. „საერთაშორისო გამჭვირვალობა - საქართველო” რეგულარულად ახორციელებს სახელმწიფო შესყიდვების მონიტორინგს. „კვლევისას გამოიკვეთა, რომ სახელმწიფო უსაფრთხოებისა და კრიზისების მართვის საბჭოს მდივნის ყოფილი პირველი მოადგილის - გიორგი ზედელაშვილის დედის კომპანიას, შპს „საგზაო სამშენებლო-სარემონტო კომპანია სერპანტინს” დომინანტური პოზიცია უკავია ტენდერებსა და გამარტივებულ შესყიდვებში. „სერპანტინმა” მხოლოდ კახეთის რეგიონში განხორციელებული პროექტებისთვის სახელმწიფო ბიუჯეტიდან, 2013 წლიდან დღემდე, 105 მილიონ ლარზე მეტი მიიღო“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: 2019 წელს რეგისტრირებული დანაშაულის სტატისტიკა. „თუ დავუშვებთ რომ 2018 წლიდან დანაშაულის სტატისტიკის აღრიცხვიანობის გაუმჯობესებული სისტემის დანერგვით სამინისტრომ უარი თქვა ე.წ. შელამაზებული სტატისტიკის წარმოებაზე, მაშინ დანაშაულის ტენდენციების რეალურ სურათს მხოლოდ 2019 და 2018 წლების მაჩვენებლების შედარება გვაჩვენებს. შინაგან საქმეთა სამინისტროს ვებგვერდზე გამოქვეყნებული სტატისტიკის მიხედვით, 2019 წელს სულ დარეგისტრირდა 64 123 დანაშაული, რაც დაახლოებით 10%-ით აღემატება 2018 წლის მაჩვენებელს. შესაბამისად, თანაბარი მეთოდოლოგიის და აღრიცხვიანობის პირობებშიც დანაშაულის რიცხვი კვლავ ზრდას განაგრძობს“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოში ნიდერლანდების სამეფოს საელჩოს მხარდაჭერით, 2018 წლიდან საქართველოს ახალგაზრდა იურისტთა ასოციაცია საკანონმდებლო ორგანოს მიერ აღმასრულებელ ხელისუფლებაზე საზედამხედველო მექანიზმებს შეისწავლის.  "პროექტ „უსაფრთხოების სექტორზე საპარლამენტო კონტროლის მექანიზმების გაძლიერების“ ფარგლებში, 1-2 და 8-9 თებერვალს საიამ გასვლითი სამუშაო შეხვედრები გამართა პარლამენტის ოპოზიციონერ დეპუტატებთან, სადაც წარადგინა მიმდინარე კვლევისა და მონიტორინგის ფარგლებში გამოვლენილი მთავარი გამოწვევები და რეკომენდაციები, რომლებიც საპარლამენტო ზედამხედველობის ეფექტიანობის გაზრდას ემსახურება. ორგანიზაცია კიდევ ერთ მგავს შეხვედრას უმრავლესობის წარმომადგენლებთან გეგმავს“, ნათქვამია საიას ვებგვერდზე. სრულად... წყარო: gyla.ge

თბილისი. კოალიცია მედია ადოკატირებისათვის „TV პირველის“ გარშემო განვითარებულ პროცესებს საგანგაშოდ მიიჩნევს. „„TV პირველის“ ირგვლივ განვითარებული მოვლენები ერთ-ერთი საგანგაშო სიგნალია, რადგან ასევე კრიტიკული მდგომარეობაა სხვა დამოუკიდებელი მედიამენეჯერების და დამფუძნებლების საქმიანობის თავისუფლების შემთხვევებშიც. დამოუკიდებელი მედია ერთ - ერთი აუცილებელი და საიმედო ინსტრუმენტია დემოკრატიის განვითარებისათვის ნებისმიერ ქვეყანაში. ადამიანების უფლებების დაცვის გარანტიები მხოლოდ სიტყვის თავისუფლებით შეიძლება შენარჩუნდეს, ხელისუფლება კი ვალდებულია მოქალაქეებს და ორგანიზაციებს შეუქმნას თავისუფალი არსებობისთვის საჭირო ეს სასიცოცხლოდ მნიშვნელოვანი პირობა. განსაკუთრებული გამოწვევაა მედიის სარედაქციო დამოუკიდებლობის და ჟურნალისტების საქმიანობის თავისუფლების უზრუნველყოფა. ჩვენ კიდევ ერთხელ მოვუწოდებთ ხელისუფლებას სწრაფი და ობიექტური გამოძიებით შეაჩეროს მედიის თავისუფლებისათვის შექმნილი რისკები“, ნათქვამია განცხადებაში. სრულად... წყარო: gdi.ge

თბილისი. „საერთაშორისო გამჭვირვალობა - საქართველო” და „საქართველოს დემოკრატიული ინიციატივა” უზენაესი სასამართლოს მოსამართლეების შერჩევის 1 წლიანი პროცესის ქრონოლოგიას წარმოგიდგენთ. „საბოლოო შედეგმა აჩვენა, რომ ხელისუფლების მიზანი უზენაესი სასამართლოს კეთილსინდისიერი და კვალიფიციური კადრებით დაკომპლექტება არ ყოფილა. ხელისუფლებამ ვერ უზრუნველყო საერთაშორისო პრაქტიკის შესაბამისი კანომდებლობის მიღება, რამაც საპარლამენტო უმრავლესობას შერჩევის პროცესის შედეგად წინასწარ დაგეგმილი შედეგის დაყენების შესაძლებლობა გაუადვილა და უზენაესი სასამართლო, ძირითადად, არა კონკურსში მონაწილე მაღალი კვალიფიკაციის მქონე კანდიდატებით, არამედ ხელისუფლების მიერ წინასწარ ლობირებული კადრებით დაკომპლექტდა“, ნათქვამია გამჭვირვალობის ვებგვერდზე. სრულად... წყარო: www.transparency.ge

თბილისი. „საერთაშორისო გამჭვირვალობა-საქართველოს“ მედია გუნდის წარმომადგენლებმა, 8-9 თებერვალს, სტუდენტებს ღია მონაცემების მოძიების შესახებ ტრენინგი ჩაუტარეს. „სტუდენტებმა ისწავლეს, როგორ გაუწიონ მონიტორინგი სახელმწიფო შესყიდვებს, მოიძიონ ბიზნესის მფლობელები, პოლიტიკური პარტიების შემომწირველები და ა.შ. ტრენინგი მიზნად საგამოძიებო და სამოქალაქო ჟურნალისტიკის განვითარებას ისახავდა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველის აპარატმა შეისწავლა მსჯავრდებულთა პირობით ვადამდე გათავისუფლებისა და სასჯელის მოუხდელი ნაწილის უფრო მსუბუქი სახის სასჯელით შეცვლის პრაქტიკა, მარეგულირებელი ნორმატიული ბაზა.  სახალხო დამცველს მიაჩნია, რომ მექანიზმის გამართული ფუნქციონირებისთვის აუცილებელია დროულად გადაიდგას შესაბამისი ნაბიჯები, რათა პატიმრები სრულად იყვნენ ორიენტირებულნი სასჯელის მოხდის პერიოდში მათზე დაკისრებული ვალდებულებების კეთილსინდისიერად შესრულებასა და რესოციალიზაციის პროცესზე, შედეგად კი, ჰქონდეთ ამ მექანიზმით ეფექტურად სარგებლობის იმედი.  სრულად... წყარო: http://ombudsman.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, საქართველოში ანტიკორუფციული მაჩვენებელი უარესდება. „2019-2020 წლებში საქართველო რამდენიმე საერთაშორისო ორგანიზაციის მიერ გამოქვეყნებულ რეიტინგში მოხვდა. ყველა მათგანი მიუთითებს ქვეყანაში კორუფციის მდგომარეობის გაუარესებაზე, რის ერთ-ერთ მიზეზად მაღალი დონის კორუფცია სახელდება”, - ვკითხულობთ ორგანიზაციის ვებ-გვერდზე გამოქვეყნებულ ინფორმაციაში. სრულად...  წყარო: https://idfi.ge

თბილისი. ინფორმაციის თავისუფლების განვითარების ინსტიტუტის ინფორმაციით, საქართველოს ანტიკორუფციული მაჩვენებლები უარესდება. „2019-2020 წლებში საქართველო რამდენიმე საერთაშორისო ორგანიზაციის მიერ გამოქვეყნებულ რეიტინგში მოხვდა. ყველა მათგანი მიუთითებს ქვეყანაში კორუფციის მდგომარეობის გაუარესებაზე, რის ერთ-ერთ მიზეზად მაღალი დონის კორუფცია სახელდება“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: ენზელ მკოიანის საწვავის ბიზნესი ჯავახეთში - დეპუტატის ოჯახის კომპანიებმა ბიუჯეტიდან 2 მლნ ლარზე მეტი მიიღეს.  „საერთაშორისო გამჭვირვალობა - საქართველო” მოუწოდებს სახელმწიფო უსაფრთხოების სამსახურის ანტიკორუფციულ სააგენტოს და გენერალურ პროკურატურას, შეისწავლოს შპს „მეეკისა” და შპს „ეს ჯი გაზ - კომპანის“ თითოეული სახელმწიფო შესყიდვა და დაადგინოს, ხომ არ იყო ეს შესყიდვები მათთვის სასურველ პირობებში გამოცხადებული და იკვეთება თუ არა კორუფციის შესაძლო კონკრეტული ნიშნები“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. ადმინისტრაციული დაკავება როგორც ხელისუფლების იარაღი - ამ თემაზე „საერთაშორისო გამჭვირვალობა-საქართველოსა“ და ილიას სახელმწიფო უნივერსიტეტის სამართლის სკოლის „კონსტიტუციური კვლევების ცენტრის“ ორგანიზებით 28 იანვარს დისკუსია გაიმართა. „დისკუსია შეეხო ბოლო პერიოდში გამართული საპროტესტო აქციების მონაწილეთა დაკავებისას გამოვლენილ ხარვეზებს, სასამართლოში საქმეების განხილვის მანკიერ პრაქტიკას, აქტივისტების უსაფუძვლო დაკავებებით წარმოქმნილ გამოხატვის თავისუფლების შეზღუდვის საფრთხეებს და ამ მიმართულებით ვითარების გამოსწორების საჭიროებაზე გამახვილდა ყურადღება. ორგანიზატორებთან ერთად მოხსენებები წარადგინეს უფლებადამცველებმა პარტნიორი ორგანიზაციებიდან, ასევე დაკავებისას გადახდენილი ისტორიები გაუზიარეს აუდიტორიას სამოქალაქო აქტივისტებმა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის განვითარების ინსტიტუტი (IDFI) აქვეყნებს ბლოგპოსტს: EITI-სა და OGP-ის ურთიერთკავშირის მნიშვნელობა საქართველოსთვის. „როგორც OGP, ასევე, EITI, მიზნად ისახავენ გააუმჯობესონ მმართველობა და ხელი შეუწყონ მოქალაქეთა ნდობაზე და შესაძლებლობებზე დაფუძნებულ მონაწილეობას. OGP ხელს უწყობს წევრ სახელმწიფოებს, რომ შეუერთდნენ EITI-ის და ორივე პლატფორმას აღებული აქვს ვალდებულება, რომ გააღრმავონ თანამშრომლობა და იკისრონ ერთობლივი ვალდებულებები მოპოვებითი მრეწველობის გამჭვირვალობისათვის. საერთო მიზნების არსებობის შემთხვევაში, სინერგია OGP-სა და EITI-ის შორის გაიზრდება. OGP-ისა და EITI-ის წევრმა სახელმწიფოებმა შესაძლოა OGP-ის სამოქმედო გეგმების შემუშავების შედეგად მიაღწიონ EITI-ს მიერ განსაზღვრულ მიზანს და მხარი დაუჭირონ EITI-ის პრინციპების განხორციელებას. OGP-ის წევრი სახელმწიფოებს, როგორიცაა გერმანია, უკრაინა, ინდონეზია, ლიბერია, სომხეთი, ფილიპინები და გაერთიანებული სამეფო, განხორციელებული აქვთ ასობით ვალდებულება ბუნებრივი რესურსების სფეროში, რომელსაც საინტერესო შედეგებამდე მივყავართ“, ნათქვამია ორგანიზაციის ვებგვერდზე. სრულად... წყარო: idfi.ge

26 იანვარს, ინფორმაციის თავისუფლების განვითარების ინსტიტუტმა (IDFI) კორუფციასთან ბრძოლის სასერტიფიკატო პროგრამის მონაწილეებისთვის ტრენინგი გამართა. „ტრენინგზე ისაუბრეს ხელისულების საქმიანობის მონიტორინგის მეთოდებსა და მექანიზმებზე. შეხვედრის ფარგლებში მსმენელებმა მიიღეს ინფორმაცია საქართველოში არსებული ონლაინ ბაზების გამოყენებისა და საჯარო ინფორმაციის გამოთხოვის შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

25 იანვარს, ჩატარდა დისკუსია თემაზე: ყალბი ანგარიშები სოციალურ მედიაში და ანეკდოტური მტკიცებულებები საზოგადოებაში. „შეხვედრის მიზანი იყო ხელი შევუწყოთ ყალბი ინფორმაციისა და დეზინფორმაციის გავრცელების წინააღმდეგ ბრძოლას. შეხვედრა იმართება „თავისუფალ ჟურნალისტთა სახლის“ პროექტის „დემოკრატიული იდეებისა და ღირებულებების პოპულარიზაცია აჭარაში“ ფარგლებში. პროექტის მხარდამჭერია ფონდი „ეროვნული წვლილი დემოკრატიისთვის“ (NED)“, ნათქვამია ორგანიზაციი გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველოს ინფორმაციით, პარლამენტის წევრის ჯუმბერ იზორიას ძმისგან ჩხოროწყუს მერიის ა(ა)იპ-ი საწვავს გამარტივებული წესით ყიდულობს. „მოვუწოდებთ როგორც „სახელმწიფო შესყიდვების სააგენტოს“, ასევე სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს ა(ა)იპ “ჩხოროწყუს მუნიციპალიტეტის მექანიზაციის, დასუფთავების, კეთილმოწყობისა და სასაფლაოების მოვლა–პატრონობის ცენტრის” მიერ საწვავის შესყიდვის პროცესის კანონიერების საკითხი“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) საქართველოს იუსტიციის მინისტრის მხრიდან სახალხო დამცველის დისკრედიტაციის მძიმე შემთხვევებს ეხმიანება და საქართველოს მთავრობას მინისტრის პოლიტიკური პასუხისმგებლობის შესწავლასა და სახალხო დამცველისთვის ეფექტიანი და დამოუკიდებელი საქმიანობის გარანტიების შექმნისკენ მოუწოდებს. სრულად... წყარო: emc.org.ge

თბილისი. საქართველოს სახალხო დამცველს სურს გამოეხმაუროს 2020 წლის 23 იანვარს სპეციალური პენიტენციური სამსახურის/იუსტიციის სამინისტროს მიერ სახალხო დამცველის პატიმრებთან შეხვედრის თაობაზე დეტალების უკანონოდ გასაჯაროების ფაქტს. „ის საკითხი თუ ვის შეხვდება სახალხო დამცველი ან მისი წარმომადგენელი არის კონფიდენციალური ინფორმაცია და მისი გამჟღავნება წარმოადგენს სახალხო დამცველის საქმიანობაში ჩარევას, მასზე ზემოქმედებისა და მისი სამსახურეობრივი საქმიანობისთვის ხელშეშლის მიზნით. მოცემული ქმედება წარმოადგენს საქართველოს სისხლის სამართლის კოდექსის 352-ე მუხლით განსაზღვრულ დანაშაულს. გუშინდელი განცხადება წარმოადგენს საქართველოს იუსტიციის მინისტრის მიერ საქართველოს სახალხო დამცველის ინსტიტუტის წინააღმდეგ დაწყებული პოლიტიკური თავდასხმის კამპანიის გაგრძელებას. სახიფათო და დაუშვებელია იუსტიციის მინისტრის მიერ ისეთი უწყების პოლიტიკური მიზნებისთვის გამოყენება, როგორსაც წარმოადგენს სპეციალური პენიტენციური სამსახური, სადაც სასჯელს იხდიან სხვადასხვა პოლიტიკური შეხედულებისა თუ მსოფლმხედველობის პირები“, ნათქვამია ომბუდსმენის განცხადებაში. სრულად... წყარო: ombudsman.ge

თბილისი. „საერთაშორისო გამჭვირვალობის“ ბერლინის სამდივნოს მიერ გამოქვეყნებულ „კორუფციის აღქმის ინდექსის“ (CPI) 2019 წლის კვლევაში, რომელიც 180 ქვეყანას მოიცავს, საქართველოს 56 ქულა აქვს და 44-ე ადგილს იყოფს კოსტა-რიკასთან, ჩეხეთთან და ლატვიასთან. „საქართველოს შედეგი 2 ქულით გაუარესდა გასულ წელთან შედარებით. კვლევის მეთოდოლოგიის თანახმად, შედეგის 2-ქულიანი ცვლილება სტატისტიკურად უმნიშვნელოდ მიიჩნევა. საქართველო კვლავაც პირველ ადგილს იკავებს აღმოსავლეთ ევროპისა და ცენტრალური აზიის რეგიონის ქვეყნებს შორის, თუმცა აღსანიშნავია ბოლო წლებში ინდექსში საქართველოს ქულის მხრივ პროგრესის ნაკლებობა, რაც ანტიკორუფციული რეფორმების სტაგნაციაზე მიუთითებს“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საქართველოს ახალგაზრდა იურისტთა ასოციაცია აქვეყნებს თორნიკე გერლიანის ბლოგპოსტს: სამთავრობო საათის უქონლობის საკითხისთვის. „შეკითხვის საათი საპარლამენტო კონტროლის ერთ-ერთი ყველაზე გავრცელებული მექანიზმია, რომელიც მთავრობისადმი დასმულ კითხვებსა და მათზე გაცემულ პასუხებს ეთმობა. საქართველოს პარლამენტის რეგლამენტის არსებული რედაქცია არც „სამთავრობო საათს“ და არც რომელიმე სხვა ეკვივალენტურ პროცედურას არ ითვალისწინებს. სამთავრობო საათი პარლამენტის მიერ საზედამხედველო საქმიანობის საფუძვლიანად და ეფექტიანად წარმართვისთვის მნიშვნელოვან ბერკეტს წარმოადგენს. ამის გათვალისწინებით და საუკეთესო პრაქტიკის მხედველობაში მიღებით, აუცილებელია, რეგლამენტით დამკვიდრდეს სამთავრობო საათის მექანიზმი, რომელიც ჩამოყალიბდება სტაბილურ, ორკვირეულ ინსტიტუტად (ყოველ სასესიო კვირაში) და ცალკეულ დეპუტატებს მათთვის საინტერესო საკითხებზე მთავრობის წევრებისგან პასუხების მიღების შესაძლებლობას მიანიჭებს“, ნათქვამია ორგანიზაციის გვერდზე. სრულად... წყარო: gyla.ge

თბილისი. საერთაშორისო გამჭვირვალობა - საქართველოს ინფორმაციით, 20-21 ივნისს დაკავებულების მიმართ, სასამართლომ სათანადო დასაბუთებისა და მტკიცებულებების გარეშე, სამართლიანი სასამართლოს უფლების უგულებელყოფით, ადმინისტრაციული პატიმრობა და სოლიდური ოდენობის ჯარიმები გამოიყენა. იგივე პრაქტიკა გაგრძელდა შემდგომი აქციების დროს დაკავებული პირების მიმართ. „იმ პირობებში, როცა სამართალდარღვევის ფაქტი კონკრეტული მტკიცებულებებით ვერ დასტურდება, სასამართლოს მხრიდან მსგავსი სანქციების განსაზღვრა, შესაძლოა მიუთითებდეს ხელისუფლების სურვილზე, რომ ჯარიმის გამოყენებას მოჰყვეს მსუსხავი ეფექტი, რათა დასუსტდეს საპროტესტო მოძრაობა და მომავალში საზოგადოების კრიტიკულად განწყობილმა ნაწილმა თავი შეიკავოს შეკრებისა და მანიფესტაციის უფლებით სარგებლობისგან“, ნათქვამია ორგანიზაციის გვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. EMC მოუწოდებს საპროკურორო საბჭოს მხარი არ დაუჭიროს ირაკლი შოთაძის კანდიდატურას გენერალური პროკურორის თანამდებობაზე. ორგანიზაციის ვებ–გვერდზე განთავსებული ინფორმაციით „16 იანვარს გავრცელებული ინფორმაციით, საპროკურორო საბჭოს გენერალური პროკურორის ვაკანტურ თანამდებობაზე, ყოფილი მთავარი პროკურორი ირაკლი შოთაძის კანდიდატურა წარედგინა. საპროკურორო საბჭოს ოფიციალური განცხადებით, შოთაძის კანდიდატურა საჯარო სამართლის იურიდიულმა პირმა ,,საქართველოს ტექნიკურმა უნივერსიტეტმა“ წარადგინა”. EMC მოუწოდებს საპროკურორო საბჭოს: „მხარი არ დაუჭიროს ირაკლი შოთაძის კანდიდატურას გენერალური პროკურორის თანამდებობაზე; საზოგადოებისთვის დროულად გახადოს ხელმისაწვდომი სრული ინფორმაცია გენერალური პროკურორის ვაკანტურ თანამდებობაზე წარდგენილ კანდიდატთა შესახებ; დაასაბუთოს და გაასაჯაროოს თითოეული წარდგენილი კანდიდატის შესახებ მის მიერ მიღებული გადაწყვეტილება; წარდგენილი კანდიდატებისგან შეარჩიოს და პარლამენტს წარუდგინოს პოლიტიკურად ნეიტრალური, შესაბამისი კვალიფიკაციის და დამსახურების მქონე კანდიდატი“. სრულად...  წყარო: ორგანიზაციის ვებ–გვერდი

თბილისი. მითების დეტექტორი აქვეყნებს ინფოგრაფიკას, რომელიც ასახავს რუსული ეკლესიის ქმედებებს ქართული ეკლესიის წინააღმდეგ 1811 წელს ავტოკეფალიის გაუქმებიდან დღემდე. გაეცანით ინფოგრაფიკას... წყარო: მითების დეტექტორი