თბილისი. საქართველოს სტრატეგიული კვლევებისა და განვითარების ცენტრი 8 მაისს, სოციალური საწარმოებისთვის გამოცხადებული კონკურსის ფარგლებში გამართავს საკონსულტაციო შეხვედრას.  კონსულტაცია გაიმართება 8 მაისი  დრო: 11-დან 13 საათამდე  პლატფორმა: ZOOM  სრულად...  წყარო: საქართველოს სტრატეგიული კვლევებისა და განვითარების ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

აშშ–ის სახელმწიფო დეპარტამენტის პრესპიკერის მეთიუ მილერის განცხადება. „შეერთებული შტატები გმობს კრემლის მიერ შთაგონებულ „უცხოური გავლენის" კანონმდებლობის წინ წაწევას საქართველოს პარლამენტში და მთავრობის ოფიციალური პირების ყალბ ნარატივს, რომელსაც მის დასაცავად მიმართეს. მმართველი პარტიის წევრები ცხადად ამბობენ, რომ კანონის მიზანია, ჩაახშოს კრიტიკული ხმები და გაანადგუროს საქართველოს მრავალფეროვანი სამოქალაქო საზოგადოება, რომელიც ნებისმიერ დემოკრატიულ ქვეყანაში მთავრობის კონტროლის უმნიშვნელოვანეს როლს ასრულებს.  ეს კანონი და ქართული ოცნების ანტიდასავლური რიტორიკა საქართველოს სახიფათო გზაზე აყენებს. საქართველოს მთავრობის განცხადებები და ქმედებები შეუსაბამოა დემოკრატიულ ღირებულებებთან, რომელიც ევროკავშირისა და ნატოს წევრობის საფუძველშია და ძირს უთხრის საქართველოს ევროატლანტიკური ინტეგრაციის გზას. განცხადებები, რომელიც არასწორად წარმოაჩენს საქართველოში უცხოურ მხარდაჭერას - რასაც ოცდათორმეტი წელია საქართველოს ეკონომიკის, დემოკრატიისა და რუსული აგრესიის შეკავების უნარის გაძლიერებისთვის უზრუნველვყოფთ - არსებითად უთხრის ძირს იმ მტკიცე ურთიერთობას, რომელიც საქართველოს მთავრობასა და ქართველ ხალხთან ჩამოგვიყალიბდა.  ჩვენ ვდგავართ ქართველი ხალხის გვერდით და მხარს ვუჭერთ მათ უფლებას, რომ გაგონილი იყოს მათი ხმა. ვგმობთ ძალადობას მშვიდობიანი დემონსტრანტების წინააღმდეგ, მათ შორის ჟურნალისტების წინააღმდეგ, რომლებიც დემონსტრაციებს აშუქებენ. ძალის გამოყენება მშვიდობიანი შეკრებისა და სიტყვის თავისუფლების ჩასახშობად მიუღებელია. მოვუწოდებთ ხელისუფლებას არაძალადობრივი აქციის მონაწილეებს მისცეს შესაძლებლობა, გააგრძელონ გამოხატვის თავისუფლების უფლების გამოყენება“. სრულად... წყარო: აშშ–ის საელჩო საქართველოში

თბილისი. 30 აპრილს რონდელის ფონდში გაიმართა მრგვალი მაგიდის დისკუსია თემაზე: „რეგიონებში მცხოვრებ ქალთა ჩართულობა სოციალურ და პოლიტიკურ პროცესებში“.  დისკუსიაში მონაწილეობდნენ რეგიონული არასამთავრობო ორგანიზაციების, მედიისა და კერძო სექტორში მომუშავე აქტიური ქალები საქართველოს სხვადასხვა რეგიონიდან და პოლიტიკური პარტიების წარმომადგენლები. მხარეებმა ისაუბრეს იმ ყოფით გამოწვევებზე, რომლებიც აფერხებს ქალთა აქტიურ მონაწილეობას სოციალურ თუ პოლიტიკურ პროცესებში. მრგვალი მაგიდის დისკუსია გაიმართა პროექტის „საქართველოში საარჩევნო გარემოს გაუმჯობესება“ ფარგლებში. სრულად... წყარო: საქართველოს სტრატეგიული და საერთაშორისო კვლევების ფონდი

გურია. CENN, პარტნიორ ორგანიზაციებთან ახალგაზრდა პედაგოგთა კავშირი "Young Pedagogues' Union"-თან, Institute of Democracy დემოკრატიის ინსტიტუტი-თან და Keda Leader • ადგილობრივი განვითარების ჯგუფი - LAG-თან ერთად ევროკავშირის მხარდაჭერით მიმდინარე მწვანე გურიის პროექტის ფარგლებში იწყებს ღია კარის დღეებს ოზურგეთის, ჩოხატაურისა და ლანჩხუთის საგრანტო კონკურსებით დაინტერესებული პირებისთვის. ღია კარის დღეების მიზანია, საგრანტო კონკურსების შესახებ დეტალური ინფორმაციის გავრცელება.  ღია კარის დღეების ფარგლებში, ყველა დაინტერესებულ პირს საშუალება ექნება გაეცნოს კონკურსში მონაწილეობის დეტალებს და დასვას შეკითხვები, რომლებსაც პროექტის გუნდის წევრები უპასუხებენ. სრულად...  წყარო: კავკასიის გარემოსდაცვითი არასამთავრობო ქსელი

ევროკომისიის პრეზიდენტი ურსულა ფონ დერ ლაიენი საქართველოში მიმდინარე მოვლენების შესახებ განცხადებას აქვეყნებს. „ღრმა შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში. საქართველოს მოქალაქეები დემოკრატიისადმი ძლიერ ერთგულებას ავლენენ. საქართველოს მთავრობამ ეს მკაფიო გზავნილი უნდა გაითვალისწინოს. ევროკავშირმა ასევე მკაფიოდ გამოხატა თავისი შეშფოთება „უცხოური გავლენის გამჭვირვალობის შესახებ“ კანონთან დაკავშირებით.  საქართველოს მოსახლეობას თავისი ქვეყნისთვის ევროპული მომავალი სურს. ევროპულმა საბჭომ ეს მისწრაფებები რომ აღიარა, დეკემბერში საქართველოს კანდიდატის სტატუსი მიანიჭა და დასახა მკაფიო გზა ევროკავშირში გაწევრიანების შესახებ მოლაპარაკებების დასაწყებად. მოველით, რომ საქართველოს მთავრობა დაუყოვნებლივ იმოქმედებს იმ ზომების მისაღებად, რომელთა გატარების ვალდებულება იკისრა, როგორც ევროკავშირის კანდიდატმა ქვეყანამ. საქართველო გზაგასაყარზეა. ის ევროპისკენ მიმავალ გზაზე უნდა დარჩეს.“- ნათქვამია განცხადებაში  სრულად...  წყარო: ევროკავშირის წარმომადგენლობა საქართველოში

თბილისი.საქართველოს ახალგაზრდა იურისტთა ასოციაცია შინაგან საქმეთა სამინისტროს თანამშრომლებს მიმართავს. „Მივმართავთ შინაგან საქმეთა სამინისტროს თანამშრომლებს, რომლებიც ამჟამად აქციის დაშლის ოპერაციაში მონაწილეობენ, რომ, ისინი არღვევენ შეკრებებისა და მანიფესტაციების დროს შინაგან საქმეთა მოსამსახურეთა ქცევის სახელმძღვანელო ინსტრუქციას“რომლის თანახმადა: - სამართალდამცავი ორგანოების წარმომადგენლებმა უნდა უზრუნველყონ აქციის ორგანიზატორებსა ან მონაწილეებთან მოლაპარაკება ძალისმიერი ჩარევის მაქსიმალურად თავიდან აცილებისა და სიტუაციის მშვიდობიანი დარეგულირების მიზნით. - ინსტრუქცია ასევე არეგულირებს სამართალდამცავი ორგანოების წარმომადგენლების მიერ ძალის გამოყენების სტანდარტებს და ადგენს პროპორციული ძალის გამოყენების პრინციპს, კერძოდ: „სამართალდამცავი ორგანოების წარმომადგენელთა მიერ ფიზიკური ძალის ან/და სპეციალური საშუალებების გამოყენება უნდა განხორციელდეს თანაზომიერების პრინციპის დაცვით, მხოლოდ უკიდურესი აუცილებლობის შემთხვევაში და კონკრეტული გარემოებებისთვის საჭირო მინიმალური ოდენობით.“ - ინსტრუქციის თანახმად, სპეციალური ღონისძიების დაწყებამდე, პასუხისმგებელი პირი ვალდებულია, ფიზიკური ძალისა და სპეციალური საშუალებების გამოყენების შესახებ წინასწარ გააფრთხილოს შეკრების/მანიფესტაციის მონაწილეები, მისცეს მათ გონივრული ვადა (არანაკლებ 30 წუთი) კანონიერი მოთხოვნის შესასრულებლად. - ინსტრუქციის მიხედვით, აკრძალულია ფიზიკური ძალისა და სპეციალური საშუალებების გამოყენება, თუ მონაწილეებს არ აქვთ საკმარისი სივრცე დაკავებული ტერიტორიის დასატოვებლად.“ - ნათქვამია ორგანიზაციის მიმართვაში სრულად... წყარო: საქართველოს ახალგაზრდა იურისტთა ასოციაცია

ევროკავშირის უმაღლესი წარმომადგენელი, ევროკომისიის ვიცე-პრეზიდენტი ჯოზეფ ბორელი საქართველოში მიმდინარე მოვლენებს გამოეხმაურა.  "მკაცრად ვგმობ ძალადობას საქართველოში აქციის იმ მონაწილეების წინააღმდეგ, ვინც „უცხოური გავლენის შესახებ“ კანონს მშვიდობიანად აპროტესტებდა. საქართველო ევროკავშირის კანდიდატი ქვეყანაა, მოვუწოდებ მის ხელისუფლებას, უზრუნველყოს მშვიდობიანი შეკრების უფლება. ძალის გამოყენება აქციის ჩასახშობად მიუღებელია."  სრულად...  წყარო: ევროკავშირის წარმომადგელობა საქართველოში

თბილისი. სსო–ები 30 აპრილი–1 მაისის აქციის დარბევის სამართლებრივ ერთობლივ შეფასებას აქვეყნებენ. „30 აპრილს და 1 მაისის გამთენიისას შინაგან საქმეთა სამინისტროს მიერ რუსული კანონის წინააღმდეგ მშვიდობიანი აქციის დარბევა არალეგიტიმური და არაპროპორციული იყო, გამოყენებული ფიზიკური ძალა გაუტოლდა წამებას, არაადამიანურ დამამცირებელ მოპყრობას, ხოლო, ადმინისტრაციული დაკავების პრაქტიკა კვლავ შეკრების თავისუფლების მომეტებული შეზღუდვის ინსტრუმენტად იქცა“. სრულად...  წყარო: isfed.ge

რუსული კანონის სახელით ცნობილი კანონპროექტის განხილვის პარალელურად, 29 აპრილს, სახელისუფლებო გუნდის მიერ ორგანიზებული შეკრებისას გაკეთებული ოფიციალური განცხადებები ატარებს სამოქალაქო საზოგადოების ორგანიზაციების დისკრედიტაციისა და სტიგმატიზაციის აშკარა ნიშნებს და აღრმავებს პოლიტიკურ პოლარიზაციას, რაც თავის მხრივ ნეგატიურად აისახება სამოქალაქო საზოგადოების საარსებო გარემოზე. „ქართული ოცნების“ მიერ ინიცირებული კანონპროექტის საწინააღმდეგო აქციების კვალდაკვალ, თბილისში მმართველი გუნდის ორგანიზებით სახელისუფლებო პოლიტიკის მხარდამჭერი შეკრება გაიმართა. რომელსაც რეგიონებიდან ჩამოსული მოქალაქეებიც ესწრებოდნენ. შეხვედრაზე, გარდა აღმასრულებელი და საკანონმდებლო ხელისუფლებების წარმომადგენლებისა, სიტყვით გამოვიდა ბიძინა ივანიშვილიც, რომელიც ამჟამად პარტია „ქართული ოცნების“ საპატიო თავმჯდომარეა და, როგორც პარტიის წევრები აცხადებენ, პირადადაა ჩართული მნიშვნელოვანი პოლიტიკური გადაწყვეტილებების მიღების პროცესში. ბიძინა ივანიშვილმა სიტყვით გამოსვლისას არასამთავრობო ორგანიზაციები 2003 წელს რევოლუციის მოწყობაში დაადანაშაულა, რამაც, მისი თქმით, ხელისუფლებაში „გარედან დანიშნული აგენტების“ მოსვლა გამოიწვია. მისივე განცხადებით, დასავლეთში „ქართული ოცნების“ მიერ ინიცირებულ კანონპროექტს ებრძვიან, რადგან არასამთავრობო ორგანიზაციების „გაუმჭვირვალე დაფინანსება არის მთავარი ინსტრუმენტი, რომლითაც საქართველოს ხელისუფლების გარედან დანიშვნაა შესაძლებელი“. პარტიის საპატიო თავმჯდომარემ განაცხადა ისიც, რომ ამ ორგანიზაციების დაფინანსების მთავარ მიზანს „საქართველოს სუვერენიტეტის განადგურება“ და „ხელისუფლებაში კვლავ აგენტების დაბრუნება წარმოადგენს“, მაშინ, როდესაც თავად აღნიშნული კანონპროექტის მიღებას სწორედ სუვერენიტეტის განმტკიცებისთვის სურთ. მისივე განცხადებით, შემოდგომაზე დაგეგმილი არჩევნების შემდეგ სახელისუფლებო გუნდს ექნება საშუალება, რათა „კოლექტიურ ნაციონალურ მოძრაობას მკაცრი პოლიტიკური და სამართლებრივი განაჩენი გამოუტანოს“. ტერმინში „კოლექტიური ნაცმოძრაობა“ ხელისუფლების წარმომადგენლები ხშირად ოპოზიციურ პარტიებს, კრიტიკულად განწყობილ მედიასა და სამოქალაქო საზოგადოების ორგანიზაციებსაც გულისხმობენ. არასამთავრობო ორგანიზაციების მიერ რევოლუციის მოწყობის მცდელობებისა და ფინანსების აგენტურის გაძლიერებისთვის მიმართვაზე ისაუბრეს თბილისის მერმა, კახა კალაძემ და პრემიერ-მინისტრმა, ირაკლი კობახიძემ. მმართველი გუნდის წევრების რიტორიკა აშკარა ატარებს სამოქალაქო საზოგადოების ორგანიზაციების დისკრედიტაციისა და სტიგმატიზაციის გამოხატულ ნიშნებს და მიზნად ისახავს საზოგადოებაში ნეგატიური განწყობების გაღვივებას, რაც საბოლოოდ ამ ორგანიზაციებისადმი ნდობის შემცირებაში შეიძლება გამოიხატოს. გარდა ამისა, ერთგვარი დაპირება, რომ არჩევნების შემდეგ ხელისუფლება „მკაცრად აგებინებს პასუხს კოლექტიურ ნაციონალურ მოძრაობას“, კიდევ უფრო ზრდის ქვეყანაში არსებულ პოლიტიკურ პოლარიზაციას, რაც თავის მხრივ, აუარესებს ქვეყანაში სამოქალაქო საზოგადოების სასიცოცხლო გარემოს. შედეგად, სამოქალაქო საზოგადოების ორგანიზაციების წინააღმდეგ მიმართული მტრული რიტორიკა და ქვეყანაში პოლიტიკური პოლარიზაციის გაზრდილი დონე კიდევ უფრო ართულებს სამოქალაქო საზოგადოების ორგანიზაციების მუშაობას. 30 აპრილს სამოქალაქო საზოგადოების ორგანიზაციებმა ერთობლივი განცხადება გაავრცელეს, სადაც, მათ შორის, დაგმეს 29 აპრილს მმართველი გუნდის მიერ გაკეთებული განცხადებები.

სამოქალაქო საზოგადოების წარმომადგენლები ერთობლივ განცხადებას ავრცელებენ. „სამოქალაქო საზოგადოება კვირების განმავლობაში დეტალურად განმარტავდა, თუ რატომ არის რუსული კანონი ანტიკონსტიტუციური, ქართული დემოკრატიის დასასრული და ევროკავშირში ინტეგრაციის საერთო-ეროვნული სწრაფვის შეგნებულად დამაზიანებელი. თუმცა, რუსული კანონის მავნე შედეგებში საზოგადოების დარწმუნებას ხელისუფლების გუშინდელ განცხადებებზე უკეთ ვერავინ შეძლებდა. ხელისუფლებამ ღიად დააფიქსირა, რომ რუსული კანონის მიღებით ისინი ხალხის წინააღმდეგ რეპრესიების გამოცხადებას გეგმავენ. ისინი აანონსებენ არჩევნების მიტაცებას, ცენზურას და საბჭოთა სტილის ტოტალიტარულ რეჟიმს. მათ განაცხადეს, რომ დასავლეთს ხედავენ მტრად, ხოლო ჩვენი ქვეყნის ოკუპანტი ქვეყანა, რუსეთი, არც კი უხსენებიათ ამ კონტექსტში. ყველამ ნათლად გაიგო, რომ რუსული კანონის მიღების მიზანი არა ყბადაღებული “გამჭვირვალობა”, არამედ ქვეყნის საგარეო კურსის შეცვლა და რუსეთიზაციის გაფორმებაა. დღეს ხელისუფლება ამ ანტიკონსტიტუციური კანონის მისაღებად მორიგ ნაბიჯს დგამს და რუსული კანონის მეორე მოსმენით პლენარულ განხილვას გეგმავს.  ამიტომაც, ჩვენ, ამ ქვეყნის სამოქალაქო საზოგადოების წევრები და მოქალაქეები:  • შევეწინააღმდეგებით კანონის მეორე მოსმენით მიღების მცდელობას და კიდევ ერთხელ ვაჩვენებთ ხელისუფლებას, რომ რუსული კანონით კონსტიტუციის ღალატი და ევროკავშირზე უარის თქმა არასოდეს იქნება ქართველი ხალხის არჩევანი;  • მოვუწოდებთ პოლიტიკურ პარტიებს, კვლავ შეასრულონ საკუთარი მოვალეობა ხალხის წინაშე და კიდევ უფრო მტკიცედ იბრძოლონ პარლამენტში რუსული კანონის წინააღმდეგ;  • მოვუწოდებთ ყველას, საქართველოს თითოეულ მოქალაქეს, ვისთვისაც ქვეყნის დამოუკიდებლობა, კონსტიტუცია და საქართველოს ევროპული გზა მნიშვნელოვანია, შევიკრიბოთ პარლამენტის წინ 19:00 საათზე. ჩვენ თვალს მივადევნებთ, თუ როგორ იმოქმედებს ხელისუფლება და ვიმოქმედებთ არსებული სიტუაციის შესაბამისად, ქვეყნის კონსტიტუციურ ჩარჩოში დაბრუნებისა და ქართველი ხალხის გაცხადებული ნების შესაბამისად". წყარო: სამოქალაქო საზოგადოების ფონდი

თბილისი. 11 მაისს ევროპის დღისადმი მიძღვნილი ღონისძიება გაიმართება.  ექსპო ჯორჯიაში, მე-6 პავილიონი პანელურ სესიებს უმასპინძლებს, რომლის თემატიკაც მოიცავს ისეთ თემებს, როგორიცაა ევროკავშირის მიერ მხარდაჭერილი შესაძლებლობები, საერთო ღირებულებები, ადამიანის უფლებები და სხვა.  ღონისძიებას გაუძღვება დავით გორგილაძე.  სრულად... წყარო: ევროკავშირის წარმომადგენლობა საქართველოში

ჩეხეთის რესპუბლიკის ელჩი, ევროკავშირის წევრობის შესახებ საკუთარი ქვეყნის გამოცდილებას გვიზიარებს. “ჩემი სამშობლოსთვის, ჩეხეთისთვის, ევროკავშირში გაწევრიანება ქვეყნის ეკონომიკური და პოლიტიკური სტაბილურობისა და უსაფრთხოებისკენ გადადგმულ მნიშვნელოვან ნაბიჯს წარმოადგენდა.”  სრულად... წყარო: ევროკავშირის წარმომადგენლობა საქართველოში

თბილისი. რონდელის ფონდის ორგანიზებით, საჯარო სექტორში დასაქმებული ადამიანური რესურსების მართვის სპეციალისტებისთვის გაიმართა ტრენინგი თემაზე: თანამედროვე ადამიანური რესურსების მენეჯმენტი - თანამშრომელთა გამოკითხვა, პოლიტიკა და საჯარო სამსახურის როლი.  ტრენინგის ფარგლებში ჩატარდა 1 ვებინარი და 2 სემინარი. ონლაინ სემინარი შვედმა კონსულტანტებმა მატს ბესკოუმ და კატარინა ონელმა ჩაატარეს.  სემინარი გაიმართა პროგრამის – „საქართველოს საჯარო მოხელეთა პროფესიული შესაძლებლობების ზრდა გადაწყვეტილების მიღებასა და მოლაპარაკებების წარმართვის ტექნიკაში“ – ფარგლებში, რომელიც მიზნად ისახავს საჯარო სექტორში დასაქმებული HR სპეციალისტების პროფესიული უნარ-ჩვევების განვითარებას. რონდელის ფონდი პროგრამას 2009 წლიდან, შვედეთის დაფინანსებით ახორციელებს.  სრულად...  წყარო: საქართველოს სტრატეგიული და საერთაშორისო კვლევების ფონდი

სლოვაკეთის რესპუბლიკის ელჩი,  გვიზიარებს, თუ რას ნიშნავს იყო ევროკავშირის ოჯახის წევრი. “ევროკავშირში შესვლით ჩვენ ავირჩიეთ ღირებულებების, კეთილდღეობის, სოლიდარობისა და უსაფრთხოების გზა და ისეთი თანამეგობრობის წევრობა, რომელიც პატივს სცემს ადამიანის უფლებებსა და თავისუფლებებს.” სრულად...  წყარო: ევროკავშირის წარმომადგენლობა საქართველოში 

სამეგრელო. "ათინათში" არსებული ზუგდიდის ახალგაზრდული ცენტრის წევრებისთვის ჩატარდა “დებატები”.  ახალგაზრდებმა წინასწარ მიიღეს ინფორმაცია დებატების ხელოვნებაზე კარლ პოპერის მეთოდით და რეზოლუცია, რომლის ირგვლივაც შემდეგში ჩატარდა დებატები. მონაწილეები აქტიურად ჩაერთნენ პროცესში, იმსჯელეს და არგუმენტირებული პოზიცია წარმოადგინეს. აქტივობის მიზანია ახალგაზრდების პიროვნული განვითარების ხელშეწყობა ფორმალური დებატების სწავლების გზით.  ღონისძიება ჩატარდა USAID პროგრამა "ერთიანობა მრავალფეროვნებაშია" ფარგლებში , რომელსაც საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით ახორციელებს.  სრულად...  წყარო: ზუგდიდის ახალგაზრდული ცენტრი

ქვემო ქართლი. 26 აპრილს დმანისის ახალგაზრდულ ცენტრში გაიმართა თანატოლთა ტრენინგი თემაზე: „სახელმწიფო სტრუქტურა და სამოქალაქო აქტივიზმი“.  შეხვედრის ფარგლებში,დამსწრეებს საშუალება მიეცათ,მიეღოთ მეტი ინფორმაცია სახელმწიფოს სტრუქტურის შესახებ;  შეხვედრა გაიმართა USAID-ის პროგრამა "ერთიანობა მრავალფეროვნებაშია" ფარგლებში,რომელსაც ახორციელებს საქართველოს გაეროს ასოციაცია,აშშ-ის საერთაშორისო განვითარების სააგენტო.  სრულად...   წყარო: დმანისის ახალგაზრდული ცენტრი

თბილისი.ეკონომიკური პოლიტიკის კვლევის ცენტრი (EPRC), ევროკავშირის დაფინანსებული პროექტის „ერთიანი საქართველო ევროპისთვის“ ფარგლებში, იწვევს საინფორმაციო შეხვედრაზე 14-დან 18 წლამდე ახალგაზრდებს. შეხვედრაზე დასასწრებად უნდა დარეგისტრირდეთ შეხვედრა გაიმართება თბილისში 28 აპრილს. სრულად...  წყარო: ეკონომიკური პოლიტიკის კვლევის ცენტრი

თბილისი.„ახალგაზრდა პედაგოგთა კავშირმა“ პროექტის „უკეთესი განათლება, გადაწყვეტილების მიღების პროცესში მონაწილეობა და სოციალური სარგებლის ხელმისაწვდომობა“ ფარგლებში, დაიწყო პოზიტიური მშობლობის ტრენინგების ციკლი, ოჯახის გაძლიერების მომსახურებაში ჩართული მშობლებისათვის. სატრენინგო მოდულის სესიები ემსახურება ცნობიერების ამაღლებას შემდეგ საკითხებზე: აღზრდის ეფექტური მეთოდები, ბავშვთა შრომა, რთული ქცევის მართვა, კომუნიკაციის გაუმჯობესება ინტერპერსონალურ ურთიერთობებში, აღზრდის სტილი, მიჯაჭვულობა, ბავშვის ფსიქოლოგიური საჭიროებები, თვითშეფასების განვითარება და სხვა. პროექტი ხორციელდება გერმანული ფონდის „Brot für die Welt“-ის ფინანსური მხარდაჭერით. სრულად... წყარო: ახალგაზრდა პედაგოგთა კავშირი

თბილისი. 25 აპრილის განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის - „საზოგადოება ბილიკის“ ორგანიზებით, გაიმართა მოხალისეობის რეგიონული ფორუმი. ფორუმის მიზანია შიდა ქართლის რეგიონის ახალგაზრდებში მოხალისეობის კულტურის პოპულარიზაცია, მოხალისეების მიმღებ ორგანიზაციებსა და მოხალისეობით დაინტერესებულ პირებს შორის კომუნიკაციის ხელშეწყობა, ასევე, მოსახლეობაში რეგიონული საზოგადოებრივი ორგანიზაციების ცნობადობის გაზრდა, მათი საქმიანობის, განხორციელებული პროექტების შესახებ რეგიონის მოსახლეობის ინფორმირება და სამოქალაქო საზოგადოების ორგანიზაციების მიმართ ნდობის ამაღლება.  ღონისძიება გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. სრულად...  წყარო: საზოგადოება ბილიკი

არასამთავრობო და მედია ორგანიზაციები ერთობლივ განცხადებას ავრცელებენ.  „რუსული კანონის ჩაგდებამდე საზოგადოებრივი და მედია ორგანიზაციები:  . ვაჩერებთ ხელისუფლებასთან თანამშრომლობას, სანამ ხელისუფლება რუსულ კანონს არ გაიხმობს. 2. ვაცხადებთ, რომ არასოდეს, არავითარი ფორმით არ დავრეგისტრირდებით ღირსების შემლახავ რეესტრში. 3. მოვუწოდებთ ყველას, 28 აპრილს, კვირას, 19:00 საათზე, შევიკრიბოთ რესპუბლიკის მოედანზე, რუსული კანონის წინააღმდეგ. ასევე მოვუწოდებთ შეკრებისკენ ყველას, თუკი ჩაინიშნება მეორე პლენარული განხილვა“.  სრულად...  წყარო: სამოქალაქო საზოგადოების ფონდი

იმერეთი. 19 აპრილს, პროექტის „საჭიროებებსა და განვითარებაზე ორიენტრებული გარე სივრცე ბაღდათის მუნიციპალიტეტში მცხოვრები შშმ ბავშვებისთვის“ ფარგლებში დასკვნითი გალა-საღამო გაიმართა. ღონისძიების მიზანი იყო ბაღდათის მუნიციპალიტეტში მცხოვრები შეზღუდული შესაძლებლობის მქონე ბავშვთა სოციალური ინკლუზიის ცენტრის გარე სივრცის მოწყობისთვის საჭირო ფინანსური რესურსის მობილიზება.  გალა-საღამო გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში ეროკავშირის (EU) და კონრად ადენაუერის ფონდის (KAS) მხარდაჭერით.  სრულად....  წყარო: სამოქალაქო საზოგადიების ინიციატივა