30 ივნისს, 17:00 საათზე, „კავკასიური სახლი“გიწვევთ ონლაინ დისკუსიაზე: „ქალთა მონაწილეობა მშვიდობის მშენებლობის პროცესში“. სრულად...

თბილისი. საერთაშორისო გამჭვირვალობა - საქართველოს ინფორმაციით, საზოგადოებრივი მაუწყებლის სამეურვეო საბჭოს წევრების შესარჩევი კონკურსი პროცედურული დარღვევებით მიმდინარეობს. „შესარჩევმა კომისიამ პარლამენტს 3 ვაკანტურ ადგილზე 8 კანდიდატურა წარუდგინა მაშინ, როცა პარლამენტის რეგლამენტის თანახმად, პარლამენტს „ასარჩევზე, სულ ცოტა, სამჯერ მეტი კანდიდატურა“ უნდა წარედგინა, ანუ, ამ შემთხვევაში, არანაკლებ 9“. სრულად... წყარო: transparency.ge

თბილისი. საქართველოს ახალგაზრდა იურისტთა ასოციაციის ინფორმაციით, უმაღლესმა საკანონმდებლო ორგანომ დაამტკიცა ცვლილებების პროექტი, რომლითაც 2020 წლის საპარლამენტო არჩევნები აქამდე არსებულისგან განსხვავებული წესით ჩატარდება. „ახალი დებულების მიხედვით 120 დეპუტატი პროპორციულად და 30 მაჟორიტარული წესით აირჩევა. საია მიიჩნევს, რომ საუკეთესო გადაწვეტილება მაჟორიტარული ნაწილის სრულად გაუქმება იქნებოდა, მაგრამ, არსებული პოლიტიკური კონტექსტის, ისევე როგორც, 8 მარტის კონსენსუსის გათვალისწინებით მიესალმება და მხარს უჭერს ცვლილებას. ჩვენ ვაფასებთ და მაღალ შეფასებას ვაძლევთ მათ წვლილს ვინც ჩართული იყო მთელს ამ პროცესში, მოყოლებული საერთაშორისო ფასილიტატორების მიერ მოლაპარაკების ფორმატის შექმნიდან კენჭისყრამდე. აქვე დავძენთ, რომ ამ ცვლილების შემდეგ, საარჩევნო კანონმდებლობის სრულყოფისთვის აუცილებელია გადაიდგას ისეთი ნაბიჯები, როგორიცაა: ამომრჩევლის ნების კონტროლის აკრძალვის ეფექტური მექანიზმების შემოღება; სამართლიანი გენდერული კვოტები და პოლიტიკური კონსენსუსის საფუძველზე დაკომპლექტებული პროფესიული საარჩევნო ადმინისტრაცია“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 19 და 24 ივნისს გაიმართა ორი, რუსული და ინგლისურენოვანი ონლაინ შეხვედრა IDFI-ის პროექტში „ყოფილ საბჭოთა რესპუბლიკებსა და აღმოსავლეთის ბლოკის ქვეყნებში სახელმწიფო არქივების ღიაობის ხელშეწყობა“ ჩართულ მკვლევარებთან და ექსპერტებთან. „ვებინარის მონაწილეებმა განიხილეს მათ მიერ 18 ქვეყნის სახელმწიფო არქივებში ჩატარებული კვლევის შედეგები, რომელიც ასახულია IDFI-ის მიერ შექმნილ არქივების საერთაშორისო რეიტინგის ვებგვერდზე და IDFI-ის მიერ მომზადებული საბოლოო ანგარიში“. სრულად... წყარო: idfi.ge

თბილისი. კოალიცია მედიის ადვოკატირებისთვის მიიჩნევს, რომ ტელეკომპანია „მთავარის” მიერ მომზადებული სიუჟეტის გამო სისხლის სამართლის გამოძიების დაწყება, წარმოადგენს უმწვავეს, არათანაზომიერ რეაგირებას და მედიის თავისუფლებაში ჩარევის ძალზედ სახიფათო პრეცედენტს. „იმ პირობებში, როდესაც აშკარაა კონკრეტულად ტელეკომპანია „მთავარის” მიმართ ხელისუფლების უარყოფითი განწყობა (მაგალითად, სახელმწიფო თანამდებობის პირები საჯაროდ უცხადებდნენ ბოიკოტს არხს) და როდესაც საქართველო არაერთხელ მოხვდა მსოფლიოს ყურადღების ცენტრში დეზინფორმაციისა და ყალბი ანგარიშებით ანტიდასავლური პროპაგანდის ფაქტების სიმრავლის გამო, განსაკუთრებით შემაშფოთებელია, სუს-ის მიერ „მთავარ” არხზე გასული სიუჟეტის „საბოტაჟად” შეფასება. აღნიშნული ქმედება, რეპრესიული მექანიზმის შერჩევითად გამოყენების შთაბეჭდილებას ქმნის. ვფიქრობთ, რომ სატელევიზიო სიუჟეტის გამო საბოტაჟის მუხლით სისხლისსამართლებრივი დევნის დაწყებას, შეიძლება ჰქონდეს შეუქცევადი მსუსხავი ეფექტი ხელისუფლების მიმართ კრიტიკულად განწყობილი ყველა მედიასაშუალებებისთვის და დააზარალოს მოქალაქეთა მიერ ხელისუფლების კონტროლის იდეა“, ნათქვამია განცხადებაში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება სოციალური აგენტების მიერ დაანონსებულ გაფიცვას. ორგანიზაცია საგანგაშოდ მიიჩნევს იმ ფაქტს, რომ ჯანდაცვის სამინისტრო, როგორც ქვეყანაში შრომითი უფლებების დაცვასა და სოციალური დიალოგის ხელშეწყობაზე პასუხისმგებელი უწყება, უარს ამბობს საკუთარი დასაქმებულებისთვის ბაზისური შრომითი პირობების შექმნაზე და ვერ უზრუნველყოფს მოლაპარაკებების სამართლიან და თანასწორ გარემოს. EMC მოუწოდებს ჯანდაცვის სამინისტროს, დააკმაყოფილოს სოციალური აგენტების სამართლიანი მოთხოვნები. სრულად... წყარო: emc.org.ge

თბილისი. სამოქალაქო საზოგადოების ორგანიზაციები ეხმაურებიან საქართველოში გერმანიის ფედერაციული რესპუბლიკის ელჩის, ბატონი ჰუბერტ ქნირშის განცხადებას, რომელიც 25 ივნისს, გერმანიის საელჩოს ოფიციალური სოციალური ქსელის (Facebook) გვერდზე გამოქვეყნდა. „მიმართვაში ელჩი აფასებს საქართველოში მოქმედი არასამთავრობო ორგანიზაციის კრიტიკულ პოზიციას, რომელიც გაეროს ბავშვის უფლებათა კომიტეტის წევრობის კანდიდატად, საქართველოს პარლამენტის წევრის, სოფიო კილაძის წარდგენას ეხება. სახელმწიფოს მიერ წარმოდგენილი კანდიდატი გამოირჩევა სამოქალაქო საზოგადოებასთან ღია დაპირისპირებით. ის სიტყვიერად თავს ესხმის უფლებადამცველებს, შედის კონფრონტაციაში ადამიანის უფლებათა აქტივისტებთან, გამოირჩევა ჰომოფობიური და სხვაგვარი დისკრიმინაციული განწყობებით. განსაკუთრებით უნდა აღინიშნოს მისი უარყოფითი დამოკიდებულება ლგბტქ თემის წარმომადგენელთა მიმართ. აღნიშნული ფაქტები აღწერილია სხვადასხვა საერთაშორისო და ადგილობრივი ორგანიზაციების განცხადებებში და ფართოდ არის გაშუქებული არაერთი მედია საშუალების მიერ. აღნიშნულის გამო საზოგადოებამ არაერთ პროტესტის ფორმას მიმართა. ამიტომ, არასამთავრობო ორგანიზაციების განცხადება არა ქალბატონ კილაძეზე პერსონალური თავდასხმა, არამედ სახელმწიფოს მიერ ზემოთქმული პრინციპების უგულვებელყოფის შეფასებაა. ეს კი სამოქალაქო საზოგადოების ორგანიზაციების საქმიანობის ნაწილი და ამავდროულად, მოვალეობაცაა“. სრულად... წყარო: phrgeorgia.wordpress.com

თბილისი. საქართველოს სამოქალაქო საზოგადოების წარმომადგენლები, სამოქალაქო აქტივისტები და მედიის წარმომადგენლები მარკ ზაქერბერგსა და ნიკ კლეგს განცხადებით მიმართვენ. „გვსურს თქვენი ყურადღება მივაპყროთ საქართველოში დაგეგმილ 2020 წლის საპარლამენტო არჩევნებზე და ამ კონტექსტში პოლიტიკური ინტერესების მქონე ჯგუფებისა და უცხო ქვეყნის აქტორების მიერ „ფეისბუქზე“ დეზინფორმაციისა და კოორდინირებული არაავთენტური ქცევის გამოყენებით თავისუფალი და თანასწორი საარჩევნო გარემოს დაზიანების მცდელობებზე, რაც საფრთხეს უქმნის დემოკრატიას და საქართველოს დასავლურ სივრცეში ინტეგრაციის პროცესს. როგორც თქვენ ერთხელ აღნიშნეთ, თქვენ გჯერათ, რომ დემოკრატიის პირობებში, მნიშვნელოვანია ხალხმა ნახოს და მოისმინოს რას ამბობენ პოლიტიკოსები და ამის საფუძველზე თავად გააკეთონ დასკვნები. თუმცა, საქართველოში მიმდინარე ანონიმური, კოორდინირებული დასპონსორებული პოლიტიკური დისკრედიტაციის პირობებში მოქალაქეები შეცდომაში შედიან, რითაც მათ ერთმევათ ინფორმაციის თავისუფლება და შესაბამისად შესაძლებლობაც, საკუთარი შეფასებების საფუძველზე ჩამოიყალიბონ პოლიტიკური შეხედულებები - ეს კი, თქვენი ფორმულის მიხედვით, დემოკრატია აღარ არის, ხოლო ჩვენ გვჯერა, რომ „ფეისბუქი“ დემოკრატიის მხარეს დადგება“, ნათქვამია ერთობლივ განცხადებაში. სრულად... წყარო: transparency.ge

29 ივნისს, 14:00 საათზე საბჭოთა წარსულის კვლევის ლაბორატორია Facebook Live-ით გთავაზობთ დისკუსიას მეხსიერების პოლიტიკაზე. თემა: რას გვიყვება ქალაქი? - მეხსიერების პოლიტიკის კრიზისი საქალაქო დონეზე. სრულად...

27 ივნისს, 22:00 საათზე, ბრიტანეთში მოღვაწე მუსიკოსი ქეთი მელუა საქართველოს წითელი ჯვრის საზოგადოების მხარდასაჭერად Youtube-ზე საქველმოქმედო ონლაინ კონცერტს გამართავს. სრულად...

27 ივნისს, 11:00 საათზე, გაიმართება ვებინარი შემდეგ თემაზე: დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს რესოციალიზაცია-რეაბილიტაციის მუშაობის სპეციფიკა. სრულად...

თბილისი. პარტნიორობა ადამიანის უფლებებისთვის (PHR) ავრცელებს განცხადებას პოლიციის მხრიდან, არასრულწლოვნის მიმართ, სავარაუდო ძალადობასთან დაკავშირებით. ორგანიზაცია მიუთითებს, რომ დედის დასახმარებლად მიმავალი არასრულწლოვანი სამართალდამცავებმა უსაფუძვლოდ შეაჩერეს, მოსთხოვეს პირადობის დამადასტურებელი მოწმობა, ჩაუტარეს ზედაპირული შემოწმება და ცდილობდნენ გადაეღოთ ფოტო. ბავშვმა კი შესაბამისი საფუძვლის მითითება მოითხოვა მათგან, სამართალდამცავები გაღიზიანდნენ და უკანონოდ შეეცადნენ ბავშვის მანქანაში ჩასმას. აღნიშნული უკანონო ქმედებების და მუქარის შემდეგ არასრულწლოვანი შეუძლოდ გახდა, თუმცა პოლიციელები მაინც აგრძელებდნენ ძალის გამოყენებით მოზარდის მანქანაში გადაყვანას. ორგანიზაციის განცხადებით, ბავშვმა მხოლოდ მოქალაქეების დახმარებით დააღწია თავი პოლიციას და საქმეს ათეულობით მოწმე ჰყავს, ერთერთმა მოქალაქემ ინციდენტის ვიდეოც კი გადაიღო. „PHR-მა საქმეში ჩართვისთანავე გამოძიების დაწყების მოთხოვნით დამატებით მიმართა სახელმწიფო ინსპექტორის სამსახურს და ითხოვა მტკიცებულებების დაუყოვნებლივ შეგროვება. თუმცა ამ დრომდე გამოძიება არ დაწყებულა, შესაბამისად არ მომხდარა მტკიცებულებათა მოპოვება. ვინაიდან საქმეში ფიგურირებენ სამართალდამცავი ორგანოს თანამშრომლები არსებობს მტკიცებულებათა განადგურების მაღალი რისკი, შესაბამისად, სახელმწიფო ინსპექტორის სამსახურის მიერ გამოძიების დაწყების ხელოვნურად დაყოვნება საფრთხის ქვეშ აყენებს საქმეზე ჭეშმარიტების დადგენას და ზიანს აყენებს ბავშვის საუკეთესო ინტერესებს. PHR-ი აგრძელებს ბავშვის ინტერესების დაცვას და საზოგადოებას პერიოდულად მივაწოდებთ დეტალურ ინფორმაცია პროცესების განვითარების შესახებ“. სრულად... წყარო: phrgeorgia.wordpress.com

თბილისი. ქალთა ფონდის ინფორმაციით, მწვანე/ეკოლოგიური კონცეფციის ნამჯის შენობა უფასოდ მოემსახურება ქალთა და ადამიანის უფლებების, მწვანე, ფემინისტ აქტივისტებს, ქალთა არასამთავრობო ორგანიზაციებს და ადგილობრივ ქალებს საქმიანი შეხვედრების ორგანიზებისა და წარმართვისთვის. „ასევე, ეს იქნება რეზიდენცია ქალი არტივისტებისა და მწერლებისთვის - სივრცე განმარტოებისა და მუშაობისთვის, სადაც შეძლებენ, გარკვეული დროით იცხოვრონ, სანაცვლოდ კი იზრუნონ კარ-მიდამოსა და სათემო ბაღზე. ცენტრის უფასო სერვისების ადმინისტრირებისა და ფინანსური მდგრადობისათვის, სივრცე დამატებით გამოყენებული იქნება კომერციული მიზნით“. სრულად... წყარო: www.womenfundgeorgia.org

თბილისი. კოალიცია თანასწორობისთვის ეხმიანება აჭარის საზოგადოებრივ მაუწყებელში მიმდინარე მოვლენებს და სრულ მხარდაჭერას უცხადებს მაუწყებლის თანამშრომლების ბრძოლას საზოგადოებრივი მაუწყებლისთვის. „ყოვლად დაუშვებელია ის ფაქტი რომ, აჭარის მაუწყებელში თანამშრომლების დევნა გრძელდება მათი კრიტიკული პოზიციების გამო. მენეჯმენტის პოლიტიკასთან შეუგუებლობა ხშირ შემთხვევაში აჭარის მაუწყებლის თანამშრომლებს სამსახურის დაკარგვის, სხვა პოზიციებზე გადაყვანისა და მტრულ და სტრესულ გარემოში მუშაობის ფასად უჯდებათ. თვალშისაცემია, მაუწყებლის თანამშრომლების მიერ დაფუძნებული ალტერნატიული პროფესიული კავშირის საქმინობისთვის ხელშეშლის ნიშნებიც“, ნათქვამია განცხადებაში. სრულად... წყარო: phrgeorgia.wordpress.com

25 ივნისს, სამოქალაქო საზოგადოების ინსტიტუტმა (CSI) გამართა ონლაინ კონსულტაცია–ვებინარი – საზოგადოებრივი ორგანიზაციების საგადასახადო დაბეგვრის საკითხებზე. ვებინარში მონაწილეობას იღებდა 31 საზოგადოებრივი ორგანიზაციის წარმომადგენელი. ონლაინ კონსულტაცია მოიცავდა ისეთ საკითხებს როგორიცაა: საგადასახადო დაბეგვრა და ადმინისტრირება, მათ შორის კორონავირუსიდან გამომდინარე აქტუალური საკითხები. ონლაინ კონსულტაცია–ვებინარი გაიმართა პროექტის „სამოქალაქო საზოგადოების განვითარების ინიციატივის“ ფარგლებში, რომელსაც კონრად ადენაუერის ფონდის (KAS) ხელმძღვანელობით ახორციელებს კონსორციუმი: სამოქალაქო საზოგადოების ინსტიტუტი (CSI), საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC) და განათლების განვითარების და დასაქმების ცენტრი (EDEC). პროექტის ფინანსური მხარდამჭერია ევროკავშირი და კონრად ადენაუერის ფონდი.

თბილისი. „საერთაშორისო გამჭვირვალობა - საქართველო“-მ საქართველოს ეროვნული ანტიკორუფციული სისტემა შეაფასა (2015-2020). შეფასების თანახმად, „ქვეყნის ყველაზე მნიშვნელოვანი ინსტიტუტების უმრავლესობა ამჟამად სათანადოდ ვერ ასრულებს მათ ფუნქციებს დემოკრატიული მმართველობის უზრუნველყოფისა და კორუფციის პრევენციის მხრივ. კვლევის ფარგლებში შეფასებული 12 ინტიტუტიდან მხოლოდ სამს აქვს მაღალი ან მაღალთან მიახლოებული საბოლოო ქულა: სახალხო დამცველს, სახელმწიფო აუდიტის სამსახურს და საარჩევნო ადმინისტრაციას“. სრულად... წყარო: transparency.ge

კახეთი. 25 ივნისს, ევროკავშირის ელჩი კარლ ჰარცელი კახეთის რეგიონულ ჰაბს ეწვია და ადგილობრივი სამოქალაქო ორგანიზაციების წარმომადგენლებს შეხვდა. „ელჩთან შეხვედრაზე აღინიშნა, რომ საქართველოს ევროკაშირთან ასოცირების პროცესის პარალელურად განსაკუთრებით მნიშვნელოვანია სამოქალაქო სექტორის როლი და ჩართულობა. არასამთავრობო ორგანიზაციების წარმომადგენლებმა იმ საჭიროებებსა და გამოწვევებზე ისაუბრეს, რასაც ადგილობრივ დონეზე აწყდებიან. ევროკავშირი გააგრძელებს მხარდაჭერას ყველა იმ მნიშვნელოვანი ცვლილებისთვის, რომელიც რეგიონის გაძლიერებისა და ქვეყნის განვითარებისთვის არის მნიშვნელოვანი, - აღნიშნა კარლ ჰარცელმა. კახეთის რეგიონული ჰაბი არის ერთ-ერთი იმ სამოქალაქო საზოგადოების 10 ჰაბიდან, რომელიც ევროკავშირის პროექტის სამოქალაქო საზოგადოების განვითარების ინიციატივა (CSSI) მხარდაჭერით შეიქმნა. ჰაბის მუშაობის კოორდინაციას უზრუნველყოფს მედია ცენტრი კახეთი, რომელიც აქტიურად მხარს უჭერს საზოგადოებრივი ორგანიზაციების მუშაობას, ეხმარება მათ კოორდინაციასა და საქმიანობაში“, ნათქვამია კახეთის ჰაბის გვერდზე სოციალურ ქსელში. სრულად... წყარო: კახეთის ჰაბის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თორნიკე გერლიანის სტატიას: ძალაუფლების საკითხი მართლმსაჯულების სისტემაში. „წინამდებარე სტატია არის მცდელობა, მართლმსაჯულების სისტემაში კლანის ფორმირების ფართო პოლიტიკური, თეორიული გააზრება მოხდეს. კერძოდ, მნიშვნელოვანია გამოიკვეთოს, დგას თუ არა სასამართლო დამოუკიდებლობისა და ავტონომიურობის კუთხით სისტემური გამოწვევების წინაშე; რა პოლიტიკურ მოცემულობაში იქმნებიან „კლანის“ მსგავსი დომინანტური ჯგუფები; არის მისი არსებობა შემთხვევითობა, თუ ის ბოლო დროის საქართველოს ისტორიული, სოციალური და პოლიტიკური განვითარების ლოგიკური შედეგია; აშიშვლებს თუ არა არსებული სისტემა უფრო ღრმა პოლიტიკურ პრობლემებს და საჭიროებს თუ არა ის რადიკალურ ტრანსფორმაციას“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციამ (GYLA) და ადამიანის უფლებების სწავლებისა და მონიტორინგის ცენტრმა (EMC), უნივერსალური პერიოდული მიმოხილვის მე-3 ციკლის ფარგლებში გაერთიანებული ერების ორგანიზაციის, ადამიანის უფლებათა საბჭოში ორი ანგარიში წარადგინეს. სრულად... წყარო: gyla.ge

თბილისი. მითების დეტექტორის ინფორმაციის თანახმად, საზოგადოებრივი მაუწყებლის სამეურვეო საბჭოს წევრის კანდიდატურაზე 14-მა დეპუტატმა ტელეკომპანია „ობიექტივის” მთავარ რედაქტორსა და წამყვანს, ბონდო მძინარაშვილს დაუჭირა მხარი. „როგორც არხი, ასევე თავად ბონდო მძინარაშვილი წლებია ანტიდასავლური, პრორუსული, თურქოფობიური და სიძულვილის ენის შემცველი განცხადებებით გამოირჩევა“.  მედიის განვითარების ფონდის მოკვლევის თანახმად, მძინარაშვილის გამოთქმებს შორისაა: ამერიკაც ოკუპანტია, აშშ საქართველოს პოლიგონად იყენებს, ამერიკა ვერ დაგვიცავს, ანაკლიის პორტი ეკონომიკური პროექტი არ არის, დასავლეთი გვმართავს, NATO/აშშ = ტერიტორიების დაკარგვას/ომს, თუ რუსეთია ოკუპანტი, თურქეთიც ოკუპანტია/თურქეთი საქართველოში ექსპანსიას ახორციელებს, სკრიპალები რუსეთს არ მოუწამლავს და ეს დადგმული იყო... სრულად... წყარო: www.mythdetector.ge

თბილისი. კოალიცია „მედიის ადოკატირებისათვის“ წევრი ორგანიზაციები თბილისის მერის და „ქართული ოცნების“ გენერალური მდივნის კახა კალაძის ინიციატივას ეხმიანებიან მედიაკრიტიკისათვის ახალი პლატფორმის შექმნასთან დაკავშირებით. „მიგვაჩნია, რომ მაღალი პოლიტიკური თანამდებობის პირის მხრიდან კრიტიკული მედიასაშუალების მისამართით მსგავსი კამპანიის წარმოება არ შეესაბამება დემოკრატიული საზოგადოების მოლოდინებს. უხეშად ეწინააღმდეგება მაღალი თანამდებობის პირთა ეთიკურ ღირებულებებს და პრინციპებს. მით უფრო, როცა არსებობს რისკი წახალისდეს ჟურნალისტების მიმართ აგრესია, სიტყვიერი და ფიზიკური თავდასხმა“, ნათქვამია განცხადებაში. სრულად... წყარო: კოალიციის გვერდი სოციალურ ქსელში

26 ივნისს, 18:00 საათზე, გაიმართება სოსო დუმბაძის ახალი ვიდეონამუშევრის ონლაინ პრეზენტაცია. სრულად...