23 აპრილს, 17:00 საათზე, კალათბურთელი ანატოლი ბოისა მოსწავლეებისგან მიღებულ შეკითხვებს უპასუხებს. სრულად...

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: კორუფციის რისკები ქობულეთის მუნიციპალიტეტის უკონკურენტო შესყიდვებში.  „„ჯორჯიან სტოუნი”, რომლის დირექტორი ქობულეთის მუნიციპალიტეტის არქიტექტურის სამსახურის ყოფილი უფროსი, ბადრი რომანაძეა, ამავე მუნიციპალიტეტის მიერ გამოცხადებული ინფრასტრუქტურული სამუშაოების ერთ-ერთი მთავარი მიმწოდებელია. 2019 წელს სწორედ ამ კომპანიამ შეასრულა ქობულეთის სანაპირო ზოლის ზღვისპირა პარკის 2,770,077 ლარის ღირებულების პირველი ეტაპის სამუშაოებიც. სახელმწიფო შესყიდვების სააგენტოს ინფორმაციის ანალიზი აჩვენებს, რომ ქობულეთის მერია სატენდერო პირობებს სავარაუდოდ არგებს „ჯორჯიან სტოუნის” ინტერესებს, რაც ანტიკორუფციული სამსახურის მოკვლევის საგანი უნდა გახდეს. საყურადღებოა, რომ კომპანიამ სსიპ „ბათუმის ბულვარის” შესყიდვებში ასევე კონკურენტი კომპანიების დისკვალიფიკაციის ხარჯზე გაიმარჯვა“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საქართველოს ახალგაზრდა იურისტთა ასოციაცია (საია) ეხმიანება თბილისის ერთ-ერთ საკარანტინო ზონაში მოთავსებული პირების შემთხვევას, რომლებიც რამდენიმე დღეა უშედეგოდ ცდილობენ შესაბამის ადმინისტრაციულ ორგანოებთან დაკავშირებას და დასაბუთებული პასუხის მიღებას. შოთა და ირაკლი გურეშიძეები 14 აპრილს ჩამოფრინდნენ საქართველოში. რადგანაც მათ ჰქონდათ ისეთი საცხოვრებელი, რომელიც თვითიზოლაციისთვის აუცილებელ პირობებს აკმაყოფილებდა, მათ მოითხოვეს საცხოვრებელში გადასვლაზე ნებართვა, თუმცა დაუსაბუთებელი უარი მიიღეს. პირებმა პროტესტის ნიშნად არ მოაწერეს ხელი კარანტინში დარჩენასთან დაკავშირებულ თანხმობის დოკუმენტს, რის გამოც სამართალდამცავებმა 3000-3000 ლარით დააჯარიმეს. მომხდარის გამო, ირაკლი და შოთა გურეშიძეებმა შიმშილობა დაიწყეს, რომელიც 8 დღის შემდგომ, ჯანმრთელობის გაუარესების გამო შეწყვიტეს. მათ უკვე გაგზავნეს საჩივარი შესაბამის უწყებებში, თუმცა მოქალაქეებისთვის დღემდე უცნობია, რა შედეგი მოჰყვა წარდგენილ საჩივრებს. საია მოუწოდებს საქართველოს შინაგან საქმეთა სამინისტროსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს საკითხის სპეციფიკის გათვალისწინებით 14-დღიანი საკარანტინო ვადის ამოწურვამდე უზრუნველყონ წარდგენილი ადმინისტრაციული საჩივრის განხილვა და შესაბამისი შედეგების თაობაზე განმცხადებლების ინფორმირება. სრულად... წყარო: gyla.ge

თბილისი. სოციალური საწარმოებისა და საზოგადოებრივი ორგანიზაციების წარმომადგენლებს შესაძლებლობა გეძლევათ სახლიდან გაუსვლელად მიიღოთ ცოდნა სოციალური მეწარმოების და საზოგადოებრივი ორგანიზაციების იურიდიული და ფინანსური მართვის საკითხებზე. შექმნილი ვითარებიდან გამომდინარე, ონლაინ სწავლება პრიორიტეტულია მთელ მსოფლიოში და მათ შორის, საქართველოში, ამიტომ, სამოქალაქო საზოგადოების ინსტიტუტი, „არასამეწარმეო სამართლის საერთაშორისო ცენტრის“ (ICNL) ის მიერ დაფინანსებული პროექტის ფარგლებში გთავაზობთ მიღებას შემდეგ სასწავლო კურსებზე: სოციალური საწარმოებისა და საზოგადოებრივი ორგანიზაციების ფინანსური აღრიცხვა, ანგარიშგება და საგადასახადო საკითხები - კურსის ხელმძღვანელი: სამოქალაქო საზოგადოების ინსტიტუტის ფინანსური მენეჯერი, დავით ტივიშვილი. სოციალური საწარმოებისა და საზოგადოებრივი ორგანიზაციების იურიდიული მართვა - კურსის ხელმძღვანელი: სამოქალაქო საზოგადოების ინსტიტუტის მთავარი იურისტი, ლევან ფანიაშვილი. კურსებზე სწავლა არის უფასო, ხოლო დასრულების შემდეგ გაიცემა სერთიფიკატი.  სრულად... წყარო: www.civilin.org

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს რუსეთის სამხედრო ძალების მიმოხილვას: გამოცემა 35, 13 აპრილი - 19 აპრილი, 2020. „რუსეთის სამხედრო ძალების მიმოხილვა არის ყოველკვირეული დაიჯესტი, რომელიც მკითხველს სთავაზობს ინფორმაციას რუსეთის ფედერაციის შეიარაღებული ძალების საკვანძო აქტივობებისა და იქ მიმდინარე ცვლილებების შესახებ. მიმოხილვა გამოადგება მკვლევრებს, საჯარო მოხელეებსა და ყველა სხვას, ვისაც აინტერესებს თუ რა ხდება მსოფლიოს ამ ერთ-ერთი ყველაზე აგრესიული სახელმწიფოს სამხედრო ძალებში“. სრულად... წყარო: www.gfsis.org

კარნეგის ფონდი აქვეყნებს სტატიას: სამოქალაქო საზოგადოება და კორონავირუსი: დინამიზმი შეფერხების მიუხედავად. სტატიაში საუბარია პანდემიის პირობებში ჩამოყალიბებულ სამოქალაქო აქტივიზმის ახალ ფორმებზე, სხვადასხვა ქვეყნის მთავრობების მიერ კოვიდ-19-ის საპასუხოდ მიღებული გადაწყვეტილებების შესახებ. ეს გადაწყვეტილებები, გარკვეულწილად ზღუდავს ადამიანის უფლებებს და უარყოფითი გავლენა აქვს სამოქალაქო საზოგადოებაზე გლობალურად. სსო-ები იძულებულები გახდნენ გადაედოთ დაგეგმილი აქტივობები და/ან დაუყოვნებლივ გადასულიყვნენ მუშაობის ონლაინ რეჟიმზე. ვირუსმა სამოქალაქო აქტივიზმის ახალი ფორმით მობილიზება გამოიწვია, სამოქალაქო საზოგადოების აქტორები უზრუნველყოფენ საჭირო მომსახურებებს, ავრცელებენ ინფორმაციას ვირუსზე, იცავენ და მხარს უჭერენ მარგინალიზებულ ჯგუფებს. პანდემიის პერიოდში უფრო თვალშისაცემი გახდა სსო-ების სასიცოცხლო როლი საზოგადოების მდგრად განვითარებაში. სრულად... წყარო: carnegieendowment.org

თბილისი. 2 აპრილს, კორონავირუსისგან მიყენებულ ზარალთან გასამკლავებლად, ევროკომისია საქართველოსთვის 150 მილიონ ევროს ოდენობის მაკროფინანსური დახმარების პაკეტის გამოყოფის ინიციატივით გამოვიდა. დამატებითი ინფორმაციისათვის გაეცანით საქართველოში ევროკავშირის ელჩის, კარლ ჰარცელის, მიერ საქართველოს პრემიერ მინისტრისთვის, გიორგი გახარიასთვის, გაგზავნილ წერილს.“ სრულად... წყარო: ევროკავშირის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. Ertianoba • ერთიანობა მოხალისეთა გაერთიანებაა, რომელიც Covid-19 პანდემიის გავლენისგან განსაკუთრებით დაუცველ ადამიანებს სურსათს და მედიკამენტებს საჩუქრად აწვდის მთელი საქართველოს ტერიტორიაზე, მათ შორის მაღალმთიან სოფლებში. ღია საზოგადოების ფონდი ამ წამოწყების ერთ-ერთი დამფინანსებელია. პირდაპირ ჩართვაში იდეის ავტორები და განმახორციელებლები პროექტის შესახებ საუბრობენ თუ ვის შეუძლია დახმარების მიღება და როგორ ერთვებიან ამ საქმეში მოხალისეები. პირდაპირი ჩართვა ჟესტური ენაზე თარგმანის თანხლებით წარიმართა. სრულად... წყარო: ორგანიზაციის გვერდი სოციალურ ქსელში

კორონავირუსთან დაკავშირებული გამოწვევებისთვის ინოვაციური გადაწყვეტილებების შესამუშავებლად, ევროკომისია, ევროკავშირის წევრ ქვეყნებთან თანამშრომლობით, გამართავს პან-ევროპულ ჰაკათონს - euvsvirus.org. #EuVsVirus არის მოწოდება ქმედებისკენ COVID-19-ის წინააღმდეგ, რომელიც ეხება ყველას. გამოხატე ერთობა საერთო სიკეტისთვის და გააზიარე შენი შესაძლებლობები, როგორიცაა პრობლემის გადაჭრის უნარი, მენტორობა ან უბრალოდ გვერდში დგომა პარტნიორის სახით. სარეგისტრაციო ფორმა იხილეთ ბმულზე... რეგისტრაციის ბოლო ვადა: 19 აპრილი. სრულად... წყარო: ევროკავშირის გვერდი სოციალურ ქსელში

23 აპრილს, 18:00 საათზე, ასოციაცია "ათინათის" ახალგაზრდული ცენტრის ორგანიზებით მოეწყობა ონლაინ შეხვედრა ფსიქოლოგ მაკა გოგოხიასთან. საუბარის თემა იქნება: "ფსიქოჰიგიენა". სრულად...

23 აპრილს, 18:00 საათზე, გაიმართება ვებინარი: სომხეთი და საქართველო კორონავირუსის პანდემიისას: როგორ ვითარდება მოვლენები? სრულად...

23 აპრილს, 17:00 საათზე საქართველოს სახალხო დამცველი, ნინო ლომჯარია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა (PITA) ფარგლებში გამართავს ონლაინ საჯარო ლექციას თემაზე „ადამიანის უფლებები და COVID-19“. სრულად...

საქართველოს ახალგაზრდა იურისტთა ასოციაციამ გამოაქვეყნა კვლევა „გაეროს შეზღუდული შესაძლებლობის მქონე პირთა უფლებების კონვენციით (UNCRPD) დადგენილი სტანდარტები“. „საია-ს მიერ ჩატარებულმა კვლევამ გამოავლინა, რომ კონვენციის რატიფიცირებიდან 7 წლის შემდეგაც, შეზღუდული შესაძლებლობის მქონე პირები ჯერ კიდევ ვერ ახერხებენ საკუთარი უფლებების სათანადო რეალიზებას. სახელმწიფოს მხრიდან არ მომხდარა კონვენციით გათვალისწინებული სტანდარტების ასახვა ქართულ სამართლებრივ სისტემაში. შშმ პირთა უფლებების გაუმჯობესებისათვის სახელმწიფოს მიერ გადადგმული გარკვეული ნაბიჯების მიუხედავად, ისინი დღემდე აწყდებიან სისტემურ დაბრკოლებებს საზოგადოებრივი ცხოვრების თითქმის ყველა სფეროში. მათ არ აქვთ შესაძლებლობა, სხვების თანასწორად სრულყოფილად ისარგებლონ კონსტიტუციითა და საერთაშორისო ხელშეკრულებებით დაცული უფლებებით“, ნათქვამია ორგანიზაციის ვებგვერდზე. სრულად... წყარო: gyla.ge

კოალიცია „მედიის ადვოკატირებისათვის“ წევრი ორგანიზაციები, თვლიან, რომ აჭარის საზოგადოებრივ მაუწყებელში კვლავაც უწყვეტად გრძელდება თანამშრომელთა დევნა და შევიწროება მათი განსხვავებული მოსაზრებების გამო. „2020 წლის 21 აპრილს საზოგადოებრივი მაუწყებლის აჭარის ტელევიზიისა და რადიოს დირექტორმა გიორგი კოხრეიძემ საინფორმაციო გამოშვება „მთავარის“ ერთ-ერთი წამყვანი თეონა თურმანიძე ეთერიდან მოხსნა. როგორც თავად ჟურნალისტი ფეისბუქზე წერს, აღნიშნული გადაწყვეტილების მიზეზად სოციალურ ქსელში მაუწყებელთან დაკავშირებით მის მიერ დაფიქსირებული პოზიცია დაუსახელეს“, ნათქვამია განცხადებაში. სრულად... წყარო: კოალიციის გვერდი სოციალურ ქსელში

22 აპრილს, გაეროს გენერალური ასამბლეის დადგენილებით, დედამიწის დღე აღინიშნება. ოზურგეთის ახალგაზრდული ცენტრის ინფორმაციით, პირველად ეს დღე 1970 წელს აღინიშნა ამერიკელი სენატორის გეოლორდ ნელსონის ინიციატივით, მას შედეგ რაც სანტა ბარბარას საბადოდან ნავთობი დაიღვარა, რის შედეგადაც ოკეანე დაბინძურდა და წყლის ბინადრები დაიხოცნენ. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: პანკისის ხეობა საპოლიციო სპეცოპერაციიდან 1 წლის შემდეგ. „პანკისის ხეობაში მასშტაბური საპოლიციო ღონისძიების ორგანიზების შემდეგ 1 წელი გავიდა, თუმცა, სახელმწიფოს არ გადაუდგამს სათანადო ნაბიჯები, რომელიც ნდობის და დემოკრატიული დიალოგის მშენებლობისკენ იქნებოდა მიმართული და თემში არსებულ სოციალურ უკმაყოფილებებს და წუხილებს რეალურად უპასუხებდა“. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტისა (IDFI) და მონაცემთა გაცვლის სააგენტოს თანამშრომლობის საფუძველზე, 21 აპრილს მონაცემთა გაცვლის სააგენტოს წარმომადგენლებმა ინფორმაციის თავისუფლების განვითარების ინსტიტუტის თანამშრომლებს და IDFI-ს კორუფციასთან ბრძოლის სასერტიფიკატო პროგრამის მონაწილეებს ონლაინ რეჟიმში ჩაუტარეს ლექცია კიბერუსაფრთხოების შესახებ. „ონლაინ ლექციას უძღვებიდა CERT-GOV-GE -ის მენეჯერი დავით ქვათაძე, რომელმაც მსმენელებს კონკრეტულ მაგალითებზე დაყრდნობით, დეტალური ინფორმაცია მიაწოდა კიბერუსაფრთხოებისა და კიბერჰიგიენის იმ ძირითადი პრინციპების შესახებ, რომელთა დაცვაც კიდევ უფრო კრიტიკული მნიშვნელობისაა დღევანდელ სიტუაციაში“, ნათქვამია ორგანიზაციის ვებგვერდზე. სრულად... წყარო: idfi.ge

22 აპრილს 17:00 საათზე „საუბრები ადამიანის უფლებებზე: თანასწორობა მნიშვნელოვანია“ ბრუნდება თემით „სამოქალაქო აქტივიზმის მნიშვნელობა კორონა ვირუსთან ბრძოლაში“. სრულად...

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს უცნობი ავტორის თვალსაზრისს: ციცინათელების სასაფლაო. ანონიმი საუბრობს ქართულ-აფხაზურ ომზე, გალში გატარებულ ბავშვობაზე და იმ პრობლემებზე, რომლებიც იქ მცხოვრებ ადამიანებს აწუხებთ. „კიდევ ბევრი ისეთი რამის დაწერა და გაზიარება შეიძლება, რამაც ცოტათი მაინც შეიძლება დაგაფიქროთ იმაზე, რომ ამ ხალხის ყველაზე დიდი ტკივილი და პრობლემა „მივიწყებულობაა“. თქვენ არ იცით რამდენად მნიშვნელოვანი და იმედის მომცემია „გადაღმა“ მყოფი ხალხისთვის „გაღმა“ გადმოსვლა და „სამშვიდობოს“ ყოფნა. ეს „გაღმა“ სხვა სივრცეებისა და მასშტაბებისკენ ხსნის გზას. ეს „გაღმა“ არის იმედი, რომლის ცეცხლი „გადაღმა“ მყოფ ხალხს ნელ-ნელა უქრება“. სრულად... წყარო: emc.org.ge

სამცხე-ჯავახეთი. სამცხე-ჯავახეთში მოქმედი საზოგადოებრივი ორგანიზაციები მიმართვას ავრცელებენ. „მეგობრებო, ჩვენ, სამცხე-ჯავახეთში, მოქმედი საზოგადოებრივი ორგანიზაციები, სრულად ვიაზრებთ, მსოფლიოში, განსაკუთრებით კი ჩვენს ქვეყანაში შექმნილ რთულ მდგომარეობას და გვესმის, რომ ამ მდგომარობიდან გამომდინარე, ჩვენს ირგვლივ არიან ადამიანები, რომელთაც, ყველაფერთან ერთად, არ აქვს წვდომა, ინტერნეტზე, არ ფლობს სახელმწიფო ენას, არ სარგებლობს სოციალური ქსელებით და შესაბამისად ვერ ახერხებს სრულად მიიღოს ინფორმაცია, რომელიც სასიცოცხლოდ მნშივნელოვანი იქნება, მისთვის და მისი ოჯახისთვის. ამიტომ, გთავაზობთ, თუ გყავთ, მეზობელი, მეგობარი, ნათესავი, ახლობელი ან საერთოდ, იცით თქვენს გვერდით, მცხოვრები ადამიანი (ოჯახი) რომელმაც, შექმნილი ვითარებიდან, გამომდინარე, დაკარგა სამსახური (თუ ქონდა) არ აქვს არანაირი შემოსავლი, რჩება საარსებო წყაროს გარეშე და ყველაფერთან ერთად, ინფორმაციის ნაკლებობის გამო, ვერ ისარგებლა, სახელმწიფოს, ადგილობრივი თვითმმართველობის, სხვადასხვა საქველმოქმედო ორგანიზაციების მხრიდან გაწეული დახმარებებით (არ არის სოციალურ გაჭირვებულთა ბაზაში ან სხვა მიზეზით, ვერ მოხდვა დასახმარებელთა სიაში) დაგვიკავშირდით: მობილურით: +995 599 51 36 22 ან ქალაქის ტელეფონით: 0365 22 14 75. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვარი აქვეყნებს რეკომენდაციებს თუ როგორ უნდა მოიქცეთ თუკი სახლის პირობებში ავადმყოფს უვლით. აუციელებელია ავადმყოფ პირთან ყოფნინსას გამოიყენოთ ნიღაბი, ხშირად დაიბანოთ ხელები, დეზინფექცია ჩაუტაროთ იმ ზედაპირებს, რომლებსაც დაავადებული პირი ეხება, სუნთქვის გაძნელების შემთხვევაში, კი დარეკოთ ჯანდაცვის დაწესებულებებში. სრულად... წყარო: ორგანიზაციის გვერდი სოციალურ ქსელში