თბილისი. მაკლეინის ასოციაცია ბავშვებისთვის ავცელებს ბლოგპოსტს: აუტიზმის სპექტრის აშლილობის მქონე ბავშვების მხარდაჭერა პანდემიის პერიოდში. ორგანიზაცია გთავაზობთ ზოგად რეკომენდაციებს, რომელთა გათვალისწინებაც დაგეხმარებათ შექმნილ რეალობასთან შეგუებაში. შეიმუშავეთ გეგმა საგანგებო მდგომარეობისთვის; შეიმუშავეთ დღის ახალი რუტინა და განრიგი ძველის გათვალისწინებით; განაგრძეთ ბავშვის განვითარების მიზნებზე მუშაობა; განაგრძეთ ქცევის მართვის მიდგომის გამოყენება; გამოყავით სახლში სხვადასხვა ზონები; წინასწარ გააცანით ბავშვს დაგეგმილი ცვლილებები და ივარჯიშეთ მათ დანერგვაში; დააწესეთ ნათელი შეზღუდვები ტექნოლოგიის გამოყენებასთან დაკავშირებით; გამოიყენეთ თქვენი კავშირები; გამოყავით დრო საკუთარი თავისთვის. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება რუსეთისა და სამხრეთ ოსეთის de facto რეჟიმის მიერ ქარელის მუნიციპალიტეტის სოფელ ტახტისძირის მიმდებარედ ე.წ. „საზღვრის“ აღმნიშვნელი ბანერების აღმართვას, ასევე სოფელი ხურვალეთის მკვიდრის, დათა ვანიშვილის ოჯახის წევრების უკანონო დაკავების ფაქტს. „აშკარაა, რომ ის მოლაპარაკებების ფორმატი, რომელიც საქართველოს მთავრობას აქვს საოკუპაციო რეჟიმებთან და რუსეთის ფედერაციასთან, საერთაშორისო აქტორების მონაწილეობით არ არის ეფექტიანი. ისინი დღეს სრულად ვერ პასუხობს იმ ჰუმანიტარულ და უსაფრთხოებასთან დაკავშირებულ გამოწვევებს, რაც ადგილობრივი მოსახლეობის წინაშე დგას de facto საზღვრის მიმდებარედ, ორივე მხარეს. სწორედ ამიტომ, EMC კიდევ ერთხელ აღნიშნავს, რომ საქართველოს მთავრობამ და საერთაშორისო აქტორებმა უნდა გადახედონ არსებულ ფორმატებს და შეიმუშაონ ახალი პოლიტიკური და სამართლებრივი სტრატეგიები ამ რეგიონებში უსაფრთხოებისა და ადამიანის უფლებების დაცვის, ჰუმანიტარული კრიზისის მართვისა და კონფლიქტების რეგულირების მიზნით“, ნათქვამია ორგანიზაციის განცხადებაში. სრულად... წყარო: emc.org.ge

თბილისი. „საქართველოს ჟურნალისტური ეთიკის ქარტიამ“ USAID-ის პროგრამა ACCESS-ისგან გრანტი მიიღო. „ქარტია აზერბაიჯანულ, სომხურ, აფხაზურ და რუსულ ენებზე მოამზადებს ახალ კორონავირუსთან დაკავშირებულ მნიშვნელოვან ინფორმაციას, რომელსაც სოციალური მედიისა და ადგილობრივი მედია ორგანიზაციების დახმარებით, ეთნიკური უმცირესობებით დასახლებულ რეგიონებში გაავრცელებს. USAID, პროგრამა ACCESS-ის საშუალებით, გრანტებს გასცემს ადგილობრივ ორგანიზაციებზე, რომლებიც ხელს უწყობენ COVID-19-ის გავრცელების შემცირებას, რისკ ჯგუფების ინფორმირებას და მათ დაცვას“. სრულად... წყარო: ორგანიზაციის გვერდი სოციალურ ქსელში

თბილისი. კორონა ვირუსით განპირობებული გლობალური გამოწვევების საპასუხოდ „ინფორმაციის თავისუფლების განვითარების ინსტიტუტმა“ (IDFI) შეიმუშავა რეკომენდაციები პანდემიის პირობებში პროაქტიულად გამოსაქვეყნებელი საჯაროინფორმაციისა და სახელმწიფო შესყიდვების განხორციელების შესახებ. „შექმნილი კრიზისული მდგომარეობის ფონზე კიდევ უფრო თვალსაჩინოა საჯარო ინფორმაციის პროაქტიული გამოქვეყნების მნიშვნელობა. რაც უფრო ღია და გამჭვირვალე მიდგომა ექნება ხელისუფლებას ინფორმაციის გამოქვეყნების თვალსაზრისით, მით მეტად ინფორმირებულ გადაწყვეტილებებს მიიღებენ მოქალაქეები. ასევე, გაიზრდება ნდობა კრიზისული ვითარებაში მიღებული გადაწყვეტილებების მიმართ. გარდა ამისა, მკვლევარებს, დარგის სპეციალისტებს, სამოქალაქო საზოგადოების წარმომადგენლებსა და ჟურნალისტებს გაუმარტივდებათ მნიშვნელოვან ინფორმაციაზე წვდომა“. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება სახელმწიფო უსაფრთხოების სამსახურში შეიხ მირტაგი ასადოვის გამოკითხვის პროცესს. ორგანიზაცია მარნეულსა და ბოლნისში ადგილობრივი თემების სოციალურ პროტესტთან დაკავშირებით სუს-ის მიერ საბოტაჟის მუხლით გამოძიების დაწყებას სამართლებრივი და სოციალური სახელმწიფოს პრინციპების დარღვევად და უმცირესობებთან დაკავშირებულ პოლიტიკაში სუს-ის ჭარბი ინტერვენციის კიდევ ერთ მაგალითად მიიჩნევს. სრულად... წყარო: emc.org.ge

21 აპრილს, 17:00 საათზე, გაიმართება ლაივ ჩართვა: რა შესაძლებლობებს სთავაზობს "ერთიანობა" მოქალაქეებს. "ერთიანობა" მოხალისეთა გაერთიანებაა, რომელიც კოვიდ-19-ის პანდემიის გავლენისგან განსაკუთრებით დაუცველ ადამიანებს სურსათს და მედიკამენტებს საჩუქრად აწვდის მთელი საქართველოს ტერიტორიაზე, მათ შორის მაღალმთიან სოფლებში. სრულად...

#დარჩისახლში და თვითიზოლაცია განვითარებისთვის გამოიყენე... სამოქალაქო საზოგადოების ინსტიტუტი (CSI) გთავაზობთ საგანმანათლებლო ვიდეოების სერიას და ონლაინ დისკუსიებში მონაწილეობას. გაინტერესებს როგორ მუშაობს სოციალური ქსელები, რა მოაქვს აქტივიზმს, ისწავლო კომუნიკაცია და გუნდური მუშაობა... დარეგისტრირდი 22 აპრილამდე, მიიღე მონაწილეობა, აიმაღლე უნარები. #დარჩისახლში და დრო გამოიყენე პიროვნული განვითარებისთვის. რეგისტრაციის ფორმა...

თბილისი. 2019 წლის 5-6 დეკემბერს, ღია საზოგადოების ინსტიტუტის ბუდაპეშტის ფონდის ფინანსური მხარდაჭერით, ინფორმაციის თავისუფლების განვითარების ინსტიტუტმა (IDFI) ჩაატარა კონფერენცია - „სახელმწიფო არქივების ღიაობა და მეხსიერების კვლევები“. „ორგანიზაციის განცხადებით, კონფერენციაში მონაწილეობდნენ 30 ქვეყნის წარმომადგენელი ისტორიკოსები, არქივის მკვლევრები, იურისტები, სამოქალაქო საზოგადოების ორგანიზაციების წარმომადგენლები, სახელმწიფო არქივების თანამშრომლები. კონფერენციის შედეგების და მასზე წარმოდგენილი მოხსენებების/ პრეზენტაციების შესახებ IDFI-მ რამდენიმე სტატია დაწერა, თუმცა უფრო დეტალურად თემების შესახებ ინფორმაციის მოწოდება ჩვენ პარტნიორებს ვთხოვეთ თეზისების სახით და უმრავლესმა მათგანმა მოგვაწოდა მათ მიერ წარდგენილი თემების მოკლე შეჯამება“. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თეოლოგ შოთა კინწურაშვილის მოსაზრებას საპატრიარქოს გადაწყვეტილებაზე. „ეკლესიის ისტორიას და ზოგადად ღვთისმსახურების, მათ შორის ევქარისტიის მიღების წესს თუ გადავხედავთ, კოვზით ზიარება მოგვიანებითი პრაქტიკაა, და საჭიროების შემთხვევაში შეიძლება ცვლილებასაც დაექვემდებაროს. თუმცა, თავისთავად ქრისტიანულ ეკლესიას, განსაკუთრებით მართლმადიდებელ ეკლესიას რომელიც რიგ ტრადიციებს, მათ შორის საღვთისმსახურო ფორმებს დიდ სიმბოლურ ღვთისმეტყველებათა ნიშნებს სძენს, უჭირს იყოს სხარტი და ქმედითი გადაწყვეტილებების მიმღები, იქნება ეს ცვლილებების შეტანა მაგალითად ლიტურგიკულ ცხოვრებაში“. სრულად... წყარო: emc.org.ge

თბილისი. „სამოქალაქო საზოგადოების განვითარების ინიციატივას“ აფინანსებს ევროკავშირი (EU) და თანადამფინასენებელია კონრად ადენაუერის ფონდი (KAS). „კამპანიის სამოქმედო არეალი მოიცავს წინასწარ შერჩეულ 647 ლოკაციას (ქალაქში, სოფელში, რაიონულ ცენტრსა და ჩასახლებაში) საქართველოს 10 რეგიონში, სადაც გავრცელდება 22,500 ცალი სურსათის ჩანთა, რომელზეც განთავსებულია ინფორმაცია COVID19-ის პრევენციული ღონისძიებების და საზოგადოებრივი უსაფრთხოების მართვის ცენტრის-112, ჯანდაცვის სამინისტროს, დაავადებათა კონტროლის ეროვნული ცენტრის და მთავრობის ერთიანი ცხელი ხაზის შესახებ. მოსახლეობისთვის ჩანთების გადაცემა მოხდება უსასყიდლოდ, სოფლის თემებში მოქმედი სასურსათო მარკეტების მეშვეობით. კამპანიის მიზანია მოსახლეობის უწყვეტი ინფორმირება ჯანმრთელობისა და უსაფრთხოების დასაცავად რეგიონული ჰაბების, ბიზნეს კომპანიების, თვითმმართველობის, მოხალისეთა ჯგუფების, ადგილობრივი და საერთაშორისო სამოქალაქო საზოგადოების ორგანიზაციების აქტიური ჩართულობით - განსაკუთრებით ისეთ სამიზნე ლოკაციებში, სადაც დეზინფორმაციის გავრცელების ალბათობა მაღალია, მათ შორისაა საზღვრისპირა და რაიონულ ცენტრებს მოშორებული სოფლების მაცხოვრებლები, დევნილთა კოლექტიურ ჩასახლებებში მცხოვრები მოსახლეობა, ხანდაზმულები, ეთნიკური უმცირესობების წარმომადგენლები და სხვა.“  „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: როგორ გადაურჩა სასჯელს მარნეულის ყოფილი მერი. „2020 წლის 12 თებერვალს, რუსთავის საქალაქო სასამართლომ მარნეულის ყოფილი მერი, თემურ აბაზოვი და მასთან ერთად ბრალდებული 3 პირი წარდგენილ ბრალდებებში სრულად გაამართლა. ,,თემურ აბაზოვის საქმე“ მისი სიმძიმის, ასევე ბრალდებული პირების საქმიანობის და თანამდებობის გათვალისწინებით, საზოგადოების განსაკუთრებული ყურადღების ქვეშ თავიდანვე მოექცა. საქმის ირგვლივ ცნობილი გარემოებები ტოვებდა განცდას, რომ პროკურატურა შეძლებდა სასამართლოში წარდგენილი ბრალდებების დადასტურებას და სასამართლო გამამტყუნებელ განაჩენს გამოიტანდა. ამდენად, სასამართლოს მიერ ოთხივე პირის მიმართ გამამართლებელი განაჩენის გამოცხადებამ, მის დასაბუთებულობასთან, ისევე როგორც პროკურატურის ქმედებასთან დაკავშირებით ლეგიტიმური კითხვები გააჩინა“, ნათქვამია როგანიზაციის ვებგვერდზე. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრისთვის ცნობილი გახდა, რომ შეიხი მირტაგი ასადოვი და სრულიად საქართველოს მუსლიმთა უმაღლესი სასულიერო სამმართველოს რამდენიმე დამფუძნებელი სახელმწიფო უსაფრთხოების სამსახურში დაიბარეს. „მირტაგი ასადოვი ამ პროცესს გუშინ ტელეკომპანია მთავარში მის მიერ მიცემულ ინტერვიუს უკავშირებს, სადაც მან განმარტა, რომ საქართველო არ არის თეოკრატიული ქვეყანა, ის სეკულარული სახელმწიფოა და დაყოფა „ჩვენ-სხვები“ სწორი არ არის. ჟურნალისტის კითხვაზე კი, თუ რას ფიქრობდა მთავრობის გადაწყვეტილებაზე, რომ ეკლესიები არ დაიკეტებოდა დღესასწაულზე, მან კითხვითვე უპასუხა: „მაშინ ჩვენ გავხსნით მეჩეთებს რამადანზე და ვნახოთ პრემიერ-მინისტრი ჩვენ მიმართ როგორ მოიქცევა“. მირტაგის განმარტებით ეს მხოლოდ რიტორიკული კითხვა იყო“. EMC მირტაგი ასადოვს და სხვა პირებს საადვოკატო დახმარებას უწევს. რამდენიმე საათში ორგანიზაციის ადვოკატი მარნეულში, სუს-ის შენობაში მირტაგი ასადოვთან და სხვა დაბარებულ პირებთან ერთად მივა. საქმის შესახებ ახალ დეტალებს EMC უახლოეს საათებში გაგიზიარებთ. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. COVID 19-ის შესახებ რეგიონის მოსახლეობის უკეთ ინფორმირების მიზნით, ღია საზოგადოების ფონდი იწყებს მასშტაბურ პროექტს საქართველოში მაუწყებელ 14 რეგიონულ ტელეარხთან და ჟურნალისტიკის რესურსცენტრი-თან ერთად. „15 აპრილიდან თითოეული არხზე ეთერში გაუშვებს ყოველდღიურ სპეცგადაცემას, რომელიც ადგილობრივ მოსახლეობას მიაწვდის ინფორმაციას პანდემიის შესახებ და მოწვეულ სტუმრებთან ერთად გაანალიზებს მიმდინარე ამბებს COVID 19-ის ჭრილში. ეს კარგი შესაძლებლობაა კიდევ ერთხელ დავარწმუნოთ რეგიონის მოსახლეობა სოციალური დისტანცირების აუცილებლობაში. გარდა ამისა, ეს გადაცემები მოქალაქეებს მისცემს შესაძლებლობას დასვან მათთვის საინტერესო და საჭირბოროტო კითხვები და მიიღონ პასუხები არა მხოლოდ დედაქალაქიდან, არამედ ადგილობრივი მთავრობის წარმომადგენლებისგან, ექიმებისა და ჯანდაცვის სპეციალისტებისგან, მასწავლებლებისა თუ სამართალდამცავებისგან“, ნათქვამია ფონდის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს დიაკონ, ირაკლი ჯინჯოლავას თვალსაზრისს საქართველოს საპატრიარქოს გადაწყვეტილებაზე. „ეკლესიის ხელმძღვანელობამ, ერთის მხრივ, გაითვალისწინა ნაწილი რეკომენდაციებისა, მეორე მხრივ კი, ძირითადი რეკომენდაციები - შეზღუდულიყო თავყრილობები და ადამიანები დარჩენილიყვნენ სახლებში - ჯერ კიდევ არ არის გაზიარებული და გათვალისწინებული. ცხადია, პანდემიის პირობებში, ეს საფრთხეს უქმნის ადამიანების ჯანმრთელობასა და მათ სიცოცხლეს, რაც არსობრივად მნიშვნელოვანია წმინდა ეკლესიის სისავსისთვის. შესაბამისად, საქართველოს ეკლესის მიერ მიღებულ დადგენილებაში რთულია თეოლოგიური ხედვის პოვნა, ვინაიდან როგორც განკაცებული ღმერთი, უფალი იესო ქრისტე ბრძანებს: „აქ არის ის, ვინც ტაძარზეც უმეტესია“, და იქვე დასძენს: „წყალობა მნებავს და არა მსხვერპლი“ (მთ. 12,6-7). სრულად... წყარო: emc.org.ge

16 აპრილს, 18:00 საათზე, თეოლოგი, საქართველოს სახალხო დამცველთან არსებული ტოლერანტობის ცენტრის ხელმძღვანელი ბექა მინდიაშვილი ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში გამართავს ონლაინ საჯარო ლექციას თემაზე „რელიგია და სახელმწიფო, რელიგიის თავისუფლება და მისი შეზღუდვის წინაპირობები“. სრულად...

16 აპრილს, 17:30 საათზე, საქართველოს სტრატეგიისა და საერთაშორისო ურთიერთობების კვლევის ფონდის ორგანიზებით გაიმართება ვებინარი: კოვიდ-19-ის პანდემიის სოციალური და პოლიტიკური გავლენა: პირველადი შეფასებები. სრულად...

16 აპრილს, 12:00 საათზე, ასოციაცია „ჰერა XXI“ ორგანიზებით, გაიმართება სასწავლო ვებინარი სექსუალური და რეპროდუქციული ჯანმრთელობის და უფლებების საკითხებზე.  სრულად...

თბილისი. მაკლეინის ასოციაცია ბავშვებისთვის აქვეყნებს ბლოგპოსტს: რეკომენდაციები ბავშვის ენის და მეტყველების განვითარებისთვის. „სპეციალისტებისთვის ცნობილია არაერთი ეფექტური სტრატეგია, რომელიც ენის განვითარების ხელშეწყობას ემსახურება, რომლებსაც ეტაპობრივად შემოგთავაზებთ. ამ გამოცემაში განვიხილავთ რეკომენდაციებს იმასთან დაკავშირებით, თუ როგორ უნდა შევუწყოთ ხელი ბავშვის სიტყვათა მარაგის გამდიდრებას. აღნიშნული რეკომენდაციების შესრულება შესაძლებელია სახლის გარემოში მშობლების, ან ბავშვზე მზრუნველი სხვა პირების მიერ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. საერთაშორისო გამჭვირვალობა - საქართველოს ინფორმაციის თანახმად, ქალაქ ბათუმის მუნიციპალიტეტის საკრებულოს, მერიისა და მუნიციპალური ორგანიზაციების 10 თანამდებობის პირის ქონებრივი დეკლარაცია არასრულადაა შევსებული. სრულად... წყარო: transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თეოლოგ, ზურაბ ჯაშის თვალსაზრისს: პანდემია და ეკლესია. ორგანიზაცია პერიოდულად წარმოგიდგენთ სხვადასხვა თეოლოგებისა და სასულიერო პირების განმარტებებს საპატრიარქოს გადაწყვეტილებაზე. „რწმენას ხშირად ვაიგივებთ გრძნობის ორგანოებით მიუწვდომელი და ლოგიკურად დაუსაბუთებელი რაიმე სახის მოვლენის ნამდვილობის დაჯერებასთან. რწმენაზე ამგვარი წარმოდგენა რელიგიური ადამიანისთვის ადვილად იქცევა ფანატიზმის საფუძვლად, რაც კრიტიკულად მოაზროვნე ადამიანში ბუნებრივად აღძრავს ბრალდებას მისი რწმენის სიბრმავის შესახებ. მართლაც, ამგვარი რწმენას სხვას ვერაფერს ვუწოდებთ თუ არა ბრმა რწმენას. ხოლო როდესაც ამგვარი რწმენა მიმართულია საეკლესიო რიტუალებისადმი, შედეგად ვიღებთ ამ რიტუალების მაგიურ გაგებას. არა და სწორედ ამის საპირისპიროს წარმოადგენს ქრისტიანული გაგება როგორც რწმენისა ასევე რიტუალისა“. სრულად... წყარო: emc.org.ge

შიდა ქართლი. გორის მუნიციპალიტეტის საკრებულომ მუნიციპალიტეტის პროექტების თანადაფინანსების პროგრამების განხორციელების წესები დაამტკიცა და პროაქტიულად გამოსაქვეყნებელი ინფორმაციის ნუსხა გაიზარდა. ცვლილებები გატარდა პროექტის - „ადვოკატირება ეფექტური მონაწილეობისთვის“ ფარგლებში, რომელსაც, NDI საქართველოსა და USAID-ის ფინანსური მხარდაჭერით, გორის საინფორმაციო ცენტრი და სამოქალაქო საზოგადოების ინსტიტუტის გორის ოფისი ახორციელებენ.  გორის მუნიციპალიტეტის პროექტებისა და ინიციატივების თანადაფინასების მოქმედ პროგრამებში არსებული ხარვეზები პროექტის დაწყებისას ჩატარებული თვისებრივი კვლევის შედეგად გამოვლინდა. აღმოჩნდა, რომ არ არსებობდა ერთიანი წესები, რომელიც უზრუნველყოფდა პროეტების განხორციელებაში მოსახლეობის მონაწილეობის გაზრდას და თანადაფინანსების პროცესების გამჭვირვალობას უზრუნველყოფდა.  აღსანიშნავია, რომ ეს არის გორის მუნიციპალიტეტის პირველი ლობისტი ქალის წარმატება - სამოქალაქო საზოგადოების ინსტიტუტის გორის ფილიალის ხელმძღვანელი, დარეჯან მურადაშვილი და გორის საინფორმაციო ცენტრის ხელმძღვანელი, მიხეილ ჩიტაძე, გორის მუნიციპალიტეტის საკრებულოში, ლობისტებად, ინიცირებული სამართლებრივი აქტების პროექტების ლობირებისთვის დარეგისტრირდნენ. სრულად წყარო: გვერდი სოციალურ ქსელში