სამეგრელო. 21 სექტემბერს, ომბუდსმენმა სამეგრელოსა და აფხაზეთის გამყოფ ხაზზე მცხოვრები მოსახლეობის სოციალურ-ეკონომიკური უფლებების მდგომარეობასა და უსაფრთხოებაზე სპეციალური ანგარიში წარადგინა. „ხურჩა ერთადერთი ენგურს გაღმა სოფელია, რომელიც საქართველოს მიერ კონტროლდება. ქართული პოლიციის პუნქტი სოფლის დასაწყისშია განლაგებული და ეს გარემოება მოსახლეობისათვის უსაფრთხოების პრობლემებს ქმნის. ამის ნათელი მაგალითი ხურჩა-ნაბაკევის გამშვებ პუნქტზე 2016 წლის 19 მაისს 22 წლის გ.ო.-ს მკვლელობის ფაქტია. სახალხო დამცველი მიიჩნევს, რომ მნიშვნელოვანია, აღნიშნული საქმე მხარეთა თანამშრომლობით სწრაფად და ეფექტურად იქნას გამოძიებული და დამნაშავე პასუხისგებაში მიცემული, რაც გააძლიერებს ადგილობრივების უსაფრთხოების განცდას და მხარეთა თანამშრომლობის მნიშვნელოვან პრეცედენტს შექმნის," ნათქვამია ომბუდსმენის განცხადებაში. სრულად... წყარო: www.ombudsman.ge

თბილისი. ჰაინრიხ ბიოლის ფონდი პროექტ „იკითხე პოლიტიკას" ფარგლებში ანა ილურიძის სტატიას აქვეყნებს: „კითხვა, როგორც ბრძოლის ველის განვრცობა". „2016 წლის საპარლამენტო არჩევნების ჩატარებამდე თვეზე ნაკლები რჩება და ამ დროისთვის ცენტრალური საარჩევნო კომისიის მიერ დარეგისტრირებული რამდენიმე ათეული პოლიტიკური ძალიდან ოფიციალური სამოქმედო გეგმა, საარჩევნო პროგრამა, მხოლოდ რამდენიმემ წარმოადგინა. ამ პარტიებიდან ზოგიერთი ახლადშექმნილ კოალიციას შეუერთდა და ის, რაც პროგრამაში წერია, შესაძლოა ცვლილებებსაც დაექვემდებაროს," ნათქვამია სტატიაში. სრულად... წყარო: www.feminism-boell.org

თბილისი. 21 სექტემბერს, ტოლერანტობის და მრავალფეროვნების ინსტიტუტის (TDI) ორგანიზებით, გაიმართა რელიგიურ გაერთიანებათა წარმომადგენლების შეხვედრა პაატა ბურჭულაძე - სახელმწიფო ხალხისთვის წარმომადგენლებთან. „შეხვედრაზე განხილული იყო ქვეყანაში რელიგიის თავისუფლების კუთხით არსებული ძირითადი საკითხები: რელიგიური შეუწყნარებლობის საფუძველზე ჩადენილი სამართალდარღვევები და მათზე სახელმწიფოს რეაგირება, ამ კუთხით შესაბამისი კანონმდებლობის გამოყენებისა და აღსრულების პრობლემა, სახელმწიფოს რელიგიური პოლიტიკისა და მათ შორის, კონკრეტულად, რელიგიის საკითხთა სახელმწოფო სააგენტოს მუშაობის ხარვეზები...", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

22 სექტემბერს, 13:00 საათზე სამოქალაქო საზოგადოების ინსტიტუტი ბათუმში გამართავს საინფორმაციო შეხვედრას, სადაც წარმოდგენილი იქნება  დისტანციური სწავლების პროგრამის (e-learning.ge) ახალი შემოთავაზება. მისამართი: ბათუმი, დემოკრატიული ჩართულობის ცენტრი სრულად...

22-24 სექტემბერს, 10:00-17:00 საათზე, გარემოსდაცვითი ინფორმაციისა და განათლების ცენტრი, იწვევს ბლოგერებს ტრენინგზე: „მედია გარემოსთვის”. სრულად... მისამართი: თბილისი, ილია ჭავჭავაძის გამზ. 76გ

22 სექტემბერს, 12:00 საათზე, „საერთაშორისო გამჭვირვალობა - საქართველოს" ოფისში გაიმართება პრეზენტაცია, რომელზეც ორგანიზაცია შეაფასებს საქართველოს მედია გარემოს 2012 წლის არჩევნებიდან დღემდე. მისამართი: თბილისი, აღმაშენებლის გამზირი 61

22 სექტემბერს, 11:30 საათზე, „პირველის პრესკლუბში” თსუ-ს ანალიზისა და პროგნოზირების ხელმძღვანელი ვახტანგ ჭარაია და „აფბას” ხელმძღვანელო შოთა გულბანი ბრიფინგს გამართავენ. თემა: „თბილისის სახელმწიფო უნივერსიტეტში ახალგაზედა ეკონომისტების მიზანმიმართული დევნა ხდება”. მისამართი: თბილისი, წერეთლის 116, ბიზნეს ცენტრი „დიდუბე პლაზა”

თბილისი. ადამიანის უფლებების სწავლებისა და მონიტორინგის ცენტრი (EMC) შემაჯამებელ განცხადებას აქვეყნებს მუსლიმი მოსწავლეების პანსიონატის საქმესთან დაკავშირებით. „EMC მოუწოდებს შპს „ქობულეთის წყალს" და ქობულეთის მუნიციპალიტეტის გამგეობას დაუყოვნებლივ მიიღოს ზომები სახალხო დამცველის მიერ გაცემული რეკომენდაციების შესასრულებლად, რათა როგორც ეს სახალხო დამცველის რეკომენდაციაშია მითითებული, ქობულეთში მცხოვრებმა მუსლიმმა თემმა რელიგიური პანსიონატის შენობით სარგებლობა სასწავლო წლის დაწყებისთანავე შეძლოს," ნათქვამია ორგანიზაციის განცხადებაში. სრულად... წყარო: emc.org.ge

რაჭა. 20 სექტემბერს, ამბროლაურის კულტურის ცენტრის სკვერში, ქალთა საინფორმაციო ცენტრმა მოაწყო ფოტოგამოფენა „დამფუძნებელი კრების წევრი ქალები 1919-1921". „გამოფენაზე წარმოდგენილი იყო საქართველოს მუზეუმებსა და არქივებში დაცული ფოტო და დოკუმენტური მასალა, რომელიც 1918–1920 წლების დამფუძნებელი კრების წევრი ქალების ცხოვრებასა და მოღვაწეობას ასახავს. გამოფენის მიზანი ქალთა აქტივიზმის გაზრდა და ქალთა პოლიტიკური მონაწილეობის, როგორც საქართველოს პოლიტიკური ტრადიციის წარმოჩენაა," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს დოკუმენტურ ფილმს: „სხვანაირი თვალით: რელიგია და ქალი აჭარაში". „აჭარელი ახალგაზრდა ქალები მოგვითხრობენ თავიანთი ჰიჯაბის ისტორიების შესახებ, რატომ გადაწყვიტეს ჰიჯაბის ტარება და რისი თქმა სურთ ამით. ფილმი მომზადებულია პროექტის ფარგლებში – „ტოლერანტობის, რელიგიის თავისუფლებისა და ადამიანის უფლებათა დაცვის ხელშეწყობა საქართველოში," ნათქვამია ორგანიზაციის ვებ-გვერდზე. სრულად... წყარო: emc.org.ge

მცხეთა მთიანეთი. 20 სექტემბერს, გენდერული თანასწორობის ქსელმა (Gender Equality Network) ჩაატარა სამოქალაქო ფორუმი მცხეთაში. შეხვედრა ტარდება პროექტის „ქალების მონაწილეობა პოლიტიკაში" ფარგლებში. „ფორუმის მიზანია გენდერული თანასწორობის ხელშეწყობა და ქალთა პოლიტიკური მონაწილეობის მხარდაჭერა 2016 წლის 8 ოქტომბრის საპარლამენტო არჩევნებზე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

ქვემო ქართლი. 20 სექტემბერს, რუსთავსა და მარნეულში პოლიტიკური პარტიების მაჟორიტარობის კანდიდატები ადგილობრივ სამოქალაქო ორგანიზაციებს და მოსახლეობას შეხვდნენ. „კამპანია საქართველოს 10 რეგიონში ჩატარდება. სამოქალაქო კვირეული იმართება აღმოსავლეთ-დასავლეთის მართვის ინსტიტუტის (EWMI) სამოქალაქო საზოგადოების განვითარებისა და მოქალაქეების ჩართულობის პროექტის (ACCESS) ფარგლებში, აშშ-ის საერთაშორისო განვითარების სააგენტოს (USAID) დაფინანსებით," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

21 სექტემბერს, 12:00 საათზე, „პირველის პრესკლუბში" „ახალგაზრდა ფინანსისტთა და ბიზნესმენთა ასოციაცია – აფბას", ანალიტიკოსი პაატა ბაირახტარი ბრიფინგს გამართავს. თემა: „თამბაქოს კონტროლის შესახებ" კანონპროექტის შეფასება; რატომ არ უნდა იქნას კანონპროექტი ამ სახით მიღებული და როგორი პოლიტიკა უნდა წარიმართოს ქვეყანაში თამბაქოს მომხმარებელთა შესამცირებლად. მისამართი: თბილისი, წერეთლის 116, ბიზნეს ცენტრი „დიდუბე პლაზა", მეორე სართული

21 სექტემბერს, 11:00 საათზე, ტოლერანტობისა და მრავალფეროვნების ინსტიტუტის (TDI) ორგანიზებით, გაიმართება რელიგიურ გაერთიანებათა წარმომადგენლების შეხვედრა პოლიტიკურ პარტიებთან: „ქართული ოცნება - დემოკრატიული საქართველო" და „პაატა ბურჭულაძე - სახელმწიფო ხალხისთვის". მისამართი: თბილისი, რუსთაველის გამზ. #13

თბილისი. ჰაინრიჰ ბიოლის ფონდი საზოგადოებას ახალ ინიციატივას სთავაზობს – „იკითხეთ პოლიტიკა", რომლის მიზანია საზოგადოებაში პოლიტიკური კითხვის კულტურის ამაღლება და ხელშეწყობა. საწყის ეტაპზე ფონდის მხარდაჭერით, საზოგადოებას საშუალება ეძლევა  2016 წლის საპარლამენტო არჩევნებში მონაწილე სუბიექტების საარჩევნო პროგრამის, გენდერულ ჭრილში, მონიტორინგს და პარტიების წარმომადგენლებთან ინტერვიუებს გაეცნოს. სრულად... წყარო: ბიოლის ფონდის ვებგვერდი სოციალურ ქსელში

თბილისი. „ახალგაზრდა ადვოკატები" ლისის ტბის წართმევის საქმესთან დაკავშირებით, თბილისის მერიის სამართლებრივ პოზიციას სამართლიანობის აღდგენის წინააღმდეგ მიმართულ ქმედებად აფასებს. „არჩილ კაიკაციშვილის განცხადებით, ბიზნესმენ რამაზ ახვლედიანს 2006 წლის 4 ნოემბერს, მაშინდელ ფინანსურ პოლიციაში განცხადება დააწერინეს, რითაც, სახელმწიფომ მოქალაქეს, როგორც ქონება, ასევე ბიზნესი დაათმობინა," ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. „საერთაშორისო გამჭვირვალობა - საქართველო" აქვეყნებს ანგარიშს, რომელიც მართლმსაჯულების სისტემაში უკანასკნელი ოთხი წლის განმავლობაში დაგეგმილ და განხორცილებულ მნიშვნელოვან ცვლილებებს აფასებს. ანგარიში ასახავს როგორც დადებით ისე უარყოფით ტენდენციებს. სრულად... წყარო: www.transparency.ge

თბილისი. 2016 წლის ივლისიდან დაიწყო ახალი პროექტი - ინფორმირებული ამომრჩეველი საარჩევნო ანგარიშვალდებულების გასაუმჯობესებლად. „პროექტს ახორციელებს ეკონომიკური პოლიტიკის კვლევის ცენტრი (EPRC), საქართველოში აშშ საელჩოს მცირე გრანტების პროგრამის ფარგლებში. პროექტის ძირითად მიზანს წარმოადგენს საქართველოს დემოკრატიული სისტემის გამჭვირვალობისა და ეფექტურობის გაუმჯობესება, საზოგადოებისთვის დროული და პროფესიული შეფასების მიწოდება წინასაარჩევნო დაპირებების და შეთავაზებების შესახებ," ნათქვამია ორგანიზაციის ვებ-გვერდზე. სრულად... წყარო: www.econpolicyfact.ge

თბილისი. 17 სექტემბერს, საქართველო-ევროკავშირის სავიზო რეჟიმის ლიბერალიზაციის საინფორმაციო კამპანიის ფარგლებში IATA-ს წევრი ტურისტული კომპანიებისთვის საინფორმაციო შეხვედრა გაიმართა. „შეხვედრაზე, განხილულ იქნა საქართველო-ევროკავშირის სავიზო რეჟიმის ლიბერალიზაციის საინფორმაციო კამპანიის მიმდინარეობა და აქტუალური საკითხები, ასევე საქართველოსა და ევროკავშირს შორის უნებართვოდ მცხოვრებ პირთა რეადმისიის შესახებ შეთანხმება," ნათქვამია ორგანზიაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. პროექტის „უმცირესობების უფლებების გაუმჯობესება სტრატეგიული სამართალწარმოების გზით" ფარგლებში, სოფელ მოხისა და ჭელის მოსახლეობას ჩაუტარდა საჯარო ლექცია თემაზე: „ადამიანის უფლებები და კონსტიტუცია". „პროექტის მიზანია მართლმსაჯულების ხელმისაწვდომობის გაზრდა რელიგიური და ეთნიკური უმცირესობებისთვის, ისეთი პრობლემების გადასაწყვეტად როგორიც არის სამართალდამცავი ორგანოების მხრიდან რელიგიის თავისუფლების დარღვევის დროს არაადეკვატური და არაეფექტური რეაგირება..," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

20 სექტემბერს, 16:00 საათზე, ამბროლაურში ქალთა საინფორმაციო ცენტრი აწყობს გამოფენას „დამფუძნებელი კრების წევრი ქალები 1919–1921". გამოფენის მიზანია ქალთა აქტივიზმის გაზრდა და ქალთა პოლიტიკური მონაწილეობის წარმოჩენა, როგორც საქართველოს პოლიტიკური ტრადიცია. სრულად... მისამართი: ამბროლაური, ამბროლაურის კულტურის ცენტრის სკვერი

20 სექტემბერს, 13:00 საათზე, გენდერული თანასწორობის ქსელი გამართავს სამოქალაქო ფორუმს მცხეთის მუნიციპალიტეტის საკონფერენციო დარბაზში რომელიც ხორციელდება პროექტი „ქალების მონაწილეობა პოლიტიკაში" ფარგლებში. მისამართი: მცხეთა, ანტიოქიის ქ.# 7