თბილისი. ინფორმაციის თავისუფლების განვითარების ინსტიტუტმა (IDFI) გამოაქვეყნა ინფოგრაფიკა: „თბილისის საკრებულოს ბიუროკრატია." „2015 წლის 31 დეკემბრის მდგომარეობით 2011 წელთან შედარებით თბილისის საკრებულოს საშტატო თანამშრომელთა რაოდენობა 45%-ით, ხოლო შტატგარეშე თანამშრომელთა რაოდენობა დაახლოებით 10-ჯერ გაიზარდა," ნათქვამია ორგანიზაციის ვებ-გვერდზე. სრულად... წყარო: idfi.ge

კახეთი. 15 სექტემბერს, ეკონომიკური პოლიტიკის კვლევის ცენტრის (EPRC) ორგანიზებით გაიმართა საჯარო დისკუსია არჩევნებში მონაწილე პოლიტიკური პარტიების სოციალური და ეკონომიკური პროგრამების შესახებ. "შეხვედრა გაიმართა ეკონომიკური პოლიტიკის კვლევის ცენტრის პროექტის „ინფორმირებული ამომრჩეველი საარჩევნო ანგარიშვალდებულების გასაუმჯობესებლად" ფარგლებში, რომელიც აშშ საელჩოს მცირე გრანტების პროგრამის მხარდაჭერით ხორციელდება," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

16 სექტემბერს, 19:00 - 21:00 საათზე, ფრონტლაინ ჯორჯია კლუბში გაიმართება დისკუსია თემაზე - რამდენად ახერხებს ქართული მედია სასარგებლო იყოს საზოგადოებისთვის არჩევნების წინ? სრულად... მისამართი: თბილისი, ლ. ასათიანის #62

16 სექტემბერს, 13:30 - 16:00 საათზე, სოფელ ჭელაში საქართველოს დემოკრატიული ინიციატივის გამგეობის წევრი გიორგი მშვენიერაძე წაიკითხავს საჯარო ლექციას თემაზე „ადამიანის უფლებები და კონსტიტუცია". სრულად... მისამართი: ადიგენი, სოფელი, ჭელა, საქორწილო სარიტუალო სასახლე

16 სექტემბერს, 12:00 საათზე, ცენტრალური საარჩევნო კომისიის ორგანიზებით რეგიონული მედიის წარმომადგენლებისთვის საარჩევნო საკითხებზე ტრენინგი გაიმართება. ღონისძიებას ცესკოს თავმჯდომარის მოადგილე გიორგი შარაბიძე გახსნის. მისამართი: თბილისი, ვარდების მოედანი N1, სასტუმრო „რედისონ ბლუ ივერია”

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს პოლიტიკის დოკუმენტს: „დიდი ბრიტანეთის რეფერენდუმის შედეგები." „დიდ ბრიტანეთში ევროინტეგრაციისადმი და თავად ევროკავშირისადმი დამოკიდებულება ყოველთვის ამბივალენტური იყო. მის საფუძველს კი უფრო შორეულ წარსულში გადავყავართ ვიდრე ეს მხოლოდ ევროკავშირის არსებობის ქრონიკებია," ნათქვამია დოკუმენტში. სრულად... წყარო: www.isfed.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „ნარკოპოლიტიკა პოლიტიკური პარტიების პროგრამებში." „პარტიული პროგრამების გაანალიზება დაგვეხმარება გავიგოთ რა რაკურსით ხედავენ ნარკოპოლიტიკის საკითხებს და პრობლემას აღიქვამენ მხოლოდ სისხლის სამართლის მართლმსაჯულების ნაწილად, თუ ასევე საზოგადოებრივი ჯანდაცვისა და სოციალური მოწყვლადობის პრობლემად," ნათქვამია ორგანიზაციის სტატიაში. სრულად... წყარო: emc.org.ge

13-14 სექტემბერს, ომბუდსმენმა ბრიუსელში, ადამიანის უფლებათა ეროვნული ინსტიტუტების ევროპული საკოორდინაციო კომიტეტის და ფინანსური კომიტეტის შეხვედრებში მიიღო მონაწილეობა. „შეხვედრაზე განიხილეს მიღწეული პროგრესი და ინიციატივები, რომელიც ხელს შეუწყობს ადამიანის უფლებათა ეროვნული ინსტიტუტების ევროპული ქსელის (ENNHRI) აქტივობებისა და გავლენების გაზრდას გრძელვადიან პერსპექტივაში; იმსჯელეს სამუშაო ჯგუფების პოლიტიკის საკითხებზე, ასევე, განიხილეს ENNHRI-ის სტრატეგიული გეგმები," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

კახეთი. 13-14 სექტემბერს, ყვარელში, საიას იურიდიული განათლების ხელშეწყობის ფონდის ორგანიზებით ჩატარდა ჟურნალისტთა ტრეინინგი „ძლიერი მედია სამართლიანი არჩევნებისთვის." „ტრენინგზე განხილულ იქნა შემდეგი თემები: არჩევნების მნიშვნელობა დემოკრატიულ საზოგადოებაში და მედიის როლი; არჩევნების სამართლებრივი საკითხები; წინასაარჩევნო კამპანია და პროცედურები; არჩევნების დღის პროცედურები და წესები; საარჩევნო დავების განხილვა; მედია ორგანიზაციების მოვალეობები პოლიტიკური რეკლამების გაშუქებისას, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) მოხის საქმესთან დაკავშირებით სტრასბურგის სასამართლოს მიმართავს. „EMC სასამართლოს საქმის გარშემო არსებულ ვრცელ პოლიტიკურ კონტექსტში შეფასებას სთხოვს და იმედს გამოთქვამს, რომ დარღვევის დადგენის შემთხვევაში, აღნიშნულ საქმეზე ევროპული სასამართლოს გადაწყვეტილება პრევენციულ ფუნქციას შეასრულებს არადომინანტი რელიგიური ჯგუფების რელიგიური და სხვა უფლებების დაცვისთვის," ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ტოლერანტობის და მრავალფეროვნების ინსტიტუტის (TDI) ორგანიზებით, რელიგიურ გაერთიანებათა წარმომადგენლები პოლიტიკურ პარტიას „ირაკლი ალასანია - თავისუფალ დემოკრატები" შეხვდნენ. „შეხვედრაზე განხილული იყო ქვეყანაში რელიგიის თავისუფლების კუთხით არსებული ძირითადი პრობლემები: რელიგიური გაერთიანებების დაფინანსების, სახელმწიფოსა და რელიგიის ურთიერთგამიჯვნის, რელიგიური შეუწყნარებლობის საფუძველზე ჩადენილი სამართალდარღვევებისა და მათზე სახელმწიფოს რეაგირების, მუსლიმი თემის წინაშე არსებული პრობლემებისა და დისკრიმინაციული მოპყრობის, საკანონმდებლო და პრაქტიკის კუთხით არსებული უთანასწორობის, საკულტო ნაგებობების, მათ შორის, ბათუმში მეჩეთის მშენებლობასთან დაკავშირებული ბარიერების, საბჭოთა პერიოდში ჩამორთმეული ქონების რესტიტუციის, სახელმწიფოს რელიგიური პოლიტიკის, რელიგიის საკითხთა სახელმწოფო სააგენტოს მუშაობისა და რელიგიური გაერთიანებების ავტონომიაში სახელმწიფოს ჩარევის საკითხები," ნათქვამია ორგანიზაციის ვებ-გვერდზე. სრულად... წყარო: tdi.ge

თბილისი. სახალხო დამცველმა ივლისსა და აგვისტოს თვის საინფორმაციო ბიულეტენი წარმოადინა, რომელშიც ამ პერიოდის განსაკუთრებით მნიშვნელოვანი მოვლენებია ასახული. „ბიულეტენში იხილავთ სასამართლოს მეგობრის მოსაზრებას ე.წ. „კაბელების" გახმაურებულ საქმეზე, ასევე ტერორიზმში ბრალდებული ბექა ბექაურის ცემისა და დემურ სტურუას თვითმკვლელობამდე მიყვანის საქმის სწრაფად ობიექტურად და სრულფასოვნად გამოძიების მოწოდებას, მასთან ერთად კი სახალხო დამცველის დამოკიდებულებას ნარკოდანაშაულის წინააღმდეგ პოლიციის რეპრესიულ საქმიანობაზე, რომელიც ადამიანის უფლებების დარღვევაზეა დაფუძნებული," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

15 სექტემბერს, 19:00 საათზე, „ადამიანის უფლებების სწავლებისა და მონიტორინგის ცენტრი (EMC)" გამართავს დოკუმენტური ფილმის პრეზენტაციას - „ჭიათურა 187 კმ." სრულად... მისამართი: თბილისი, ათონელის #29

15 სექტემბერს, 18:30 საათზე, პროფესორი ვივიენ უოლკერი საჯარო ლექციას გამართავს ფრონტლაინ კლუბში. ლექციის თემა: „სახელმწიფო ნარატივი კომპლექსურ მედია გარემოში, უკრაინის მაგალითი." სრულად... მისამართი: თბილისი, ლ. ასათიანის #62

15 სექტემბერს, 12:30 საათზე, „რეპორტიორის” პრეს-კლუბში ორგანიზაცია „ახალგაზრდა ადვოკატების" იურისტი მარიამ სვიმონიშვილი ბრიფინგს გამართავს. თემა: პრემიები, დანამატები და სამივლინებო ხარჯები საქართველოს თავდაცვის სამინისტროსა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატში. მისამართი: თბილისი, იოსებიძის #57

15 სექტემბერს, 14:00 საათზე, თბილისისა და ქვემო ქართლის წამყვანი არასამთავრობო ორგანიზაციები მარნეულის მუნიციპალიტეტის სოფლებს ეწვევიან და მოსახლეობასთან ღია საუბრებს გამართავენ. საუბრები დაეთმობა იმ საკითხებს, რაც მოსახლეობას ყველაზე მეტად აინტერესებს და მათ ყოველდღიურ ცხოვრებაზე პირდაპირ გავლენას ახდენს. სრულად... მისამართი: სოფელი ხიხანი, სტადიონის მიმდებარე ტერიტორია

თბილისი. კამპანია „ეს შენ გეხება" ეხმაურება ფარული სატელეფონო საუბრის ჩანაწერს, რუსთავი 2-ის გენერალურ დირექტორსა და ერთერთი პოლიტიკური პარტიის ლიდერს შორის. „კამპანიაში შემავალი არასამთავრობო ორგანიზაციებისთვის აღმაშფოთებელია პირადი ცხოვრების ამსახველი კიდევ ერთი სატელეფონო ჩანაწერის გავრცელების ფაქტი. კამპანია სახელმწიფოს მოუწოდებს, გადადგას კონკრეტული ნაბიჯები უკანონო ფარული თვალთვალისა და მიყურადების წინააღმდეგ საბრძოლველად,” ნათქვამია ორგანიზაციის ვებ-გვერდზე.

თბილისი. ქალთა საინფორმაციო ცენტრმა პროექტ „გაძლიერებული ქალები მშვიდობისა და განვითარებისათვის" ფარგლებში, 7 ქალთა კოოპერატივი დაარსა შიდა ქართლსა და სამეგრელოში. „ქალთა საინფორმაციო ცენტრი ახორციელებს პროექტს „გაძლიერებული ქალები მშვიდობისა და განვითარებისათვის" აშშ-ს სახელმწიფო დეპარტამენტის მხარდაჭერით. პროექტის ხანგრძლივობა ორი წელია და მისი მიზანია, მოხდეს სახელმწიფოს ეროვნული სამოქმედო გეგმის, გაეროს #1325 რეზოლუციის იმპლემენტაციის პროცესის, ასევე სახელმწიფოსა და სამოქალაქო საზოგადოებას შორის კოორდინაციის მონიტორინგი, ამაღლდეს ცნობიერება ქალთა როლის შესახებ კონფლიქტის პრევენციის პროცესში...,"ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 სექტემბერს, სასტუმრო „რედისონ ბლუ ივერიაში" 2016 წლის საპარლამენტო არჩევნების მედიამონიტორინგის შუალედური შედეგების პრეზენტაცია გაიმართა. „ანგარიშის მიხედვით სახელისუფლებო შტოებისა და პოლიტიკური სუბიექტების მედიით გაშუქების მხრივ არსებული მდგომარეობა წინა წლებთან შედარებით გაუმჯობესებულია. მონიტორინგი სამმა არასამთავრობო ორგანიზაციამ, საქართველოს ჟურნალისტიკის ეთიკის ქარტიამ, „ინტერნიუს – საქართველომ" და სამოქალაქო განვითარების ინსტიტუტმა (CDI) ჩაატარა," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 13 სექტემბერს, მემორანდუმი გაფორმდა ასოციაცია „ბავშვი და ოჯახსა" და ჯანდაცვის სამინისტროს სოციალური მომსახურების სააგენტოს შორის. „მემორანდუმის საგანს წარმოადგენს მხარეებს შორის ურთიერთთანამშრომლობა, რომელიც გულისხმობს მცირე საოჯახო ტიპის სახლებში, როგორც მომუშავე, ისე ახალი კადრის მომზადება/გადამზადებას, კვალიფიკაციის ამაღლებას (16 დღიანი სატრეინინგო კურსის ჩატარებას) ინდივიდუალური მიდგომის მეთოდით," ნათქვამია ორგანიზაციის ვებ-გვერდზე. სრულად... წყარო: cfaorg.ge

თბილისი. 13 სექტემბერს, ასოციცია ანიკამ და დემოკრატიული გაძლიერების ცენტრმა გამართა ტრენინგი პროექტის - მე - ახალგაზრდა ამომრჩეველის - ფარგლებში. „პროექტი მიზნად ისახავს მოქალაქეთა საზოგადოებრივ და პოლიტიკურ პროცესებში ჩართულობისა და არჩევნების მიმართ ნდობის გაზრდის ხელშეწყობას. ტრენინგის დამსწრეებმა იმიტირებულ საარჩევნო პროცესშიც მიიღეს მონაწილეობა,” ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. ანაკლიის „მომავლის ბანაკში" შეხვედრათა ციკლი დაიწყო. „„ნატოსა და ევროკავშირის შესახებ საინფორმაციო ცენტრის" ინიციატივით, რამდენიმე ნაკადის მონაწილეებს უკვე შეხვდნენ საინფორმაციო ცენტრისა და თავდაცვის სამინისტროს წარმომადგენლები. ახალგაზრდებს მიეწოდათ ინფორმაცია ნატოსა და ევროკავშირის შესახებ, ორგანიზაციების ისტორიაზე, მათი განვითარების ეტაპებსა და საქართველოს ევროპული და ევროატლანტიკური ინტეგრაციის პროცესის მიმდინარეობაზე," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში