თბილისი. USAID ხელს უწყობს ახალგაზრდებს სრულად შეძლონ თავიანთი პოტენციალის რეალიზება, მათთვის სასურველი მიმართულებით, მათ შორის IT სფეროში, რომელიც გლობალურად მზარდი და მოთხოვნადი ინდუსტრიაა. სრულად... წყარო: ორგანიზაციის გვერდი სოციალურ ქსელში

თბილისი. საქართველოში Microsoft-ისთვის ქართული ანბანის პირველი შრიფტი „ღია საზოგადოების ფონდის“ მხარდაჭერით შეიქმნა. ასევე, პირველი ქართულენოვანი ვებგვერდები ფონდის მხარდაჭერით გაჩნდა. საქართველოს უნივერსიტეტებში კი პირველად შევიდა უფასო ოპტიკურ-ბოჭკოვანი ინტერნეტი, რისთვისაც 1996 წელს 1 მილიონი აშშ დოლარი დაიხარჯა. სრულად... წყარო: ფონდის გვერდი სოციალურ ქსელში

თბილისი. საქართველოს დემოკრატიული ინიციატივა (GDI) წარმოგიდგენთ პოდკასტის პირველ ეპიზოდს თემაზე „სეკულარიზმი ლიბერალურ დემოკრატიაში“. მოწვეული სტუმარია გიორგი მშვენიერაძე. პოდკასტი მომზადებულია USAID-ის სამართლის უზენაესობის პროგრამის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

საერთაშორისო გამჭვირვალობა - საქართველო რეგიონული სამოქალაქო საბჭოების მეშვეობით ცდილობს, ხალხისთვის, ხალხთან ერთადვე, გამოავლინოს და მოაგვაროს ის პრობლემები, რომლებიც ადგილობრივებს მათივე დასახლებაში ყველაზე მეტად აწუხებთ. სრულად... წყარო: ორგანიზაციის გვერდი სოციალურ ქსელში

იმერეთი. რეგიონალური ინიციატივების ცენტრი „ნათელი მომავალი“/CRI “Bright Future”-ის მიერ პროექტის „შრომის უსაფრთხოების საკითხების მონიტორინგი იმერეთის საჯარო დაწესებულებებში” შემაჯამებელი ღონისძიება გაიმართა.  პროექტი განხორციელდა საქართველოს სტრატეგიული კვლევებისა და განვითარების ცენტრის მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: STAR პროექტის გვერდი სოციალურ ქსელში

ევრობარომეტრის ბოლო კვლევის შედეგებმა აჩვენა, რომ ევროკავშირის მხრიდან უკრაინის მხარდაჭერა ევროკავშირის მოქალაქეების მიერ ისევ დადებითად აღიქმება. კვლევამ ასევე აჩვენა, რომ უკრაინის წინააღმდეგ რუსეთის აგრესიული ომის საპასუხოდ ევროკავშირის მიერ მიღებული ზომების მყარი მხარდაჭერა მოქალაქეების მხრიდან კვლავ გრძელდება. სრულად...  კვლევა (ინგ)... წყარო: ევროკავშირის წარმომადგენლობა საქართველოში

თბილისი. საქართველოს ახალგაზრდა იურისტთა ასოციაციის (საია) თავმჯდომარე ნონა ქურდოვანიძე „ნეტგაზეთთან“ საზოგადოებრივი ორგანიზაციების წინააღმდეგ მიმართული კამპანიის შესახებ საუბრობს.  „მსგავსი მექანიზმები გამოყენებულა სხვა ქვეყნებში. თუ იგივე საქართველოშიც განმეორდება, ისეთივე სავალალო შედეგებს გამოიღებს, როგორც რუსეთში, სადაც სამოქალაქო სექტორი ვეღარ საქმიანობს.  უცხო ქვეყნის აგენტების შესახებ კანონის დასახელება იმთავითვე უარყოფით ასოციაციას იწვევს. ეს იყო მიზანმიმართული ნაბიჯი იმისკენ, რომ ორგანიზაციების ავტორიტეტი დაცემულიყო და არასამთავრობო ორგანიზაციების კონკრეტულ განცხადებებს, შეფასებებს და აქტივობებს საზოგადოებაში ნდობა აღარ ჰქონოდა“, ამბობს ნონა ქურდოვანიძე. სრულად... წყარო: ორგანიზაციის გვერდი სოციალურ ქსელში ფოტო: ნეტგაზეთი

თბილისი. საახალწლო არდადეგების პერიოდში, ბავშვების უმეტესობის დღის რეჟიმი მნიშვნელოვნად იცვლება. ცვლილებების გამო, სკოლასა და ზოგადად, ჩვეულ რუტინასთან დაბრუნება გარკვეულ სირთულეებთან შეიძლება იყოს დაკავშირებული. მაკლეინის ასოციაციის სტატიაში მოცემული რეკომენდაციები სკოლაში ტრანზიციის პროცესის გამარტივებაში დაგეხმარებათ. სრულად... წყარო: macgeorgia.org

თბილისი. ASB საქართველომ პარტნიორებთან ერთად წარმატებით განახორციელა „უკრაინელების ფულადი მხარდაჭერის პროგრამა“, რომლის მიზანია საქართველოში უკრაინელი ოჯახების დახმარება.  სექტემბერ-დეკემბრის პერიოდში (4 გადარიცხვა) ჯამში გაიცა 8,793 ფულადი ვაუჩერი, რომელმაც შეადგინა 2,066,355 ლარის ოდენობა. ყოველთვიური ფულადი დახმარება მოხმარდა ბენეფიციარების გადაუდებელ საჭიროებებს და ითვალისწინებს სამიზნე ჯგუფებს: შეზღუდული შესაძლებლობების მქონე პირები, ხანდაზმული ადამიანები, მრავალშვილიანი ოჯახები და მარტოხელა მშობლის მიერ მართული ოჯახები. სრულად... წყარო: ორგანიზაციის გვერდი სოციალურ ქსელში

თბილისი. თუ ხართ 17 წლის ან მეტის და ფიქრობთ, რომ შეგიძლიათ სხვების ცხოვრება უკეთესობისკენ შეცვალოთ, ან თუნდაც გაქვთ სურვილი თავისუფალი დრო ნაყოფიერად გაატაროთ - ეს პროექტი თქვენთვისაა. პროექტი „მესტუმრე“ მიზნად ისახავს კვირაში ერთხელ, ერთი საათის განმავლობაში, მოხუცთა პანსიონებში მცხოვრებ მოხუცებულებს მისცეს ახალგაზრდებთან რეგულარული, სოციალური ინტერაქციისა და სასიამოვნო საქმიანობით დაკავების შესაძლებლობა. დაინტერესების შემთხვევაში - გადადით ბმულზე და დარეგისტრირდით... სრულად... წყარო: პროექტის გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ინფორმაციას რეგიონული სამოქალაქო საბჭოების 2022 წლის აქტიურობის შედეგებზე. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

23 დეკემბერს, განათლების განვითარების და განათლების ცენტრმა (EDEC), აშშ-ის საერთაშორისო განვითარების სააგენტოს (USAID) ფინანსური მხარდაჭერით, პროგრამის „ერთიანობა მრავალფეროვნებაშია“ ფარგლებში პრეზენტაცია გამართა.  გაიგეთ მეტი... წყარო: ორგანიზაციის გვერდი სოციალურ ქსელში

თბილისი. კონკურსის „ეს ქვეყანა შენია“ ფარგლებში გამარჯვებული გუნდების წარმომადგენლები თბილისიდან, წეროვანიდან და გორიდან, სამოქალაქო საზოგადოების ინსტიტუტის პიარ მენეჯერთან, თემურ ჯალიაშვილთან ერთად, მიწვეული იყვნენ საზოგადოებრივი მაუწყებლის ეთერში, კერძოდ კი, ნინო ზაუტაშვილის საავტორო გადაცემაში „რეალური სივრცე“. ახალგაზრდებმა ისაუბრეს თავიანთ თემში მათი თაოსნობით განხორციელებული აქტივობების შესახებ. გადაცემის დასრულების შემდეგ სამოქალაქო საზოგადოების ინსტიტუტის წარმომადგენლებმა გამარჯვებულებს გადასცეს ინდივიდუალური საჩუქრები, მათ შორის ლეპტოპები. კამპანიის „ეს ქვეყანა შენია“ ფარგლებში კვლავაც გაგრძელდება კონკურსში მონაწილეთა დაჯილდოება. პროექტის გუნდი ეწვევა რეგიონებს და გამარჯვებულებს საზეიმოდ გადასცემს პრიზებს. კამპანიას „ეს ქვეყანა შენია“ ახორციელებს სამოქალაქო საზოგადოების ინსტიტუტი პროექტის „სამოქალაქო საზოგადოების ინიციატივის“ ფარგლებში, რომლის მხარდამჭერია ევროკავშირი და კონრად ადენაუერის ფონდი.

თბილისი. სამოქალაქო საზოგადოების ორგანიზაციები შეშფოთებას გამოთქვამენ "სახალხო დამცველის არჩევის პროცესის ჩავარდნის გამო, რაც საფრთხეს უქმნის საქართველოს ევროინტეგრაციის პროცესს". ისინი მოუწოდებენ მმართველ პარტიას, ითანამშრომლოს ოპოზიციასთან და სამოქალაქო საზოგადოებასთან, რათა უზრუნველყოს ევროკავშირის წევრობის კანდიდატის სტატუსის მისაღებად თორმეტივე პირობის დროული შესრულება. „22 დეკემბერს საქართველოს პარლამენტმა კენჭი უყარა სახალხო დამცველობის კანდიდატებს, თუმცა ხმათა საჭირო რაოდენობა ვერცერთმა დააგროვა. ასეთი შედეგი წინასწარვე იყო ცნობილი, რადგან საპარლამენტო უმრავლესობის ლიდერებმა კენჭისყრამდე ერთი დღით ადრე განცხადეს, რომ ოპოზიციასთან რომელიმე კანდიდატზე შეთანხმება ვერ შედგა. ხმათა საჭირო რაოდენობა (90) ვერ მოიპოვა სამოქალაქო საზოგადოების ფართო ჯგუფის მიერ წარდგენილმა კანდიდატებმაც“. სრულად... წყარო: socialjustice.org.ge

თბილისი. „საერთაშორისო გამჭვირვალობა-საქართველომ” პარლამენტში წარადგინა საკანონმდებლო წინადადება პარლამენტის რეგლამენტში ცვლილებების შეტანის შესახებ, რომელიც მიზნად ისახავს საკანონმდებლო ორგანოში ძალაუფლების გადანაწილებას და ოპოზიციის როლის გაძლიერებას. „საკანონდებლო წინადადებით, პარლამენტის 5 კომიტეტის თავმჯდომარის თანამდებობას დაიკავებს ოპოზიციის წარმომადგენელი. სავალდებულო ორი კომიტეტია: საფინანსო- საბიუჯეტო და ადამიანის უფლებათა დაცვისა და სამოქალაქო ინტეგრაციის. დანარჩენი სამი კომიტეტი კი, რომელთაც ასევე ოპოზიციის წარმომადგენელმა უნდა უხელმძღვანელოს,  უმრავლესობასა და ოპოზიციას შორის შეთანხმებით განისაზღვრება. საკანონდებლო წინადადება სრულ თანხვედრაშია ევროკავშირის კანდიდატი ქვეყნის სტატუსის მისაღებად ევროკომისიის მიერ გაცემულ რეკომენდაციასთან. ძლიერი საპარლამენტო ოპოზიცია ფუნქციონირებადი დემოკრატიის მნიშვნელოვანი კომპონენტია და მას განსაკუთრებული მნიშვნელობა ენიჭება საპარლამენტო კონტროლის სრულფასოვნად განხორციელებისათვის“. სრულად... წყარო: transparency.ge

21 დეკემბერს სამოქალაქო საზოგადოების ინსტიტუტის გორის ოფისის მხარდაჭერით გორის მუნიციპალიტეტის საკრებულოს სხდომათა დარბაზში გაიმართა სამუშაო შეხვედრა გორის, გურჯაანის და დუშეთის მუნიციპალიტეტის მერის ახალგაზრდა მრჩეველთა საბჭოს წარმომადგენლებთან. შეხვედრის მიზანი იყო ახალგაზრდული მიმართულებით არსებული გამოწვევების განხილვა და მუნიციპალიტეტებს შორის არსებული კარგი პრაქტიკების გაზიარება. შეხვედრაში მონაწილეობას იღებდნენ გორის მუნიციპალიტეტის მერიის ახალგაზრდული განყოფილების ხელმძღვანელი, საკრებულოს ახალაგაზრდა წევრი და აპარატის წარმომადგენელი. შეხვედრის მონაწილეებს შესაძლებლობა ჰქონდათ გაეცნოთ, წარმოდგენილ მუნიციპალიტეტებში გადაწყვეტილების მიღების პროცესში ახალგაზრდების ჩართულობის ფორმალურ და არაფორმალურ მექანიზმებს და ემსჯელათ იმ შესაძლებლობებზე, რაც ადგილობრივი თვითმართველობის, არასამთავრობო სექტორის და ახალგაზრდების საერთო თანამშრომლობით არის შესაძლებელი.  სამოქალაქო საზოგადოების ინსტიტუტი აქტიურად მუშაობს ახალგაზრდების შესაძლებლობების გაძლიერების მიმართულებით, გერმანული საერთაშორისო ორგანიზაციის „პური მსოფლიოს“ მხარდაჭერით.

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

იმერეთი. რეგიონული ინიციატივების ცენტრი „ნათელი მომავალი“ იმერეთის რეგიონული ჰაბის „ადგილობრივი დემოკრატიის სააგენტო საქართველოს” (LDA Georgia) ახლადშექმნილი ორგანიზაციების განვითარების მხარდაჭერის პროგრამის მონაწილეა. გაეცანით ორგანიზაციის პროგრამულ პრიორიტეტებს და სამიზნე ბენეფიციარებს. იმერეთის რეგიონული ჰაბი ახლადშექმნილი ორგანიზაციების მხარდაჭერას ახორციელებს ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

საფრანგეთი. სოვლაბის ცნობით, გასულ კვირას, სტრასბურგში, ევროპის პარლამენტმა საქართველოს ევროკავშირთან ასოცირების ხელშეკრულების განხორციელების შესახებ წლიური ანგარიში დაამტკიცა. ანგარიშში, რომელიც საქართველო-ევროკავშირის ორმხრივი დღის წესრიგის ერთ-ერთი უმნიშვნელოვანესი დოკუმენტია,  საბჭოთა წარსულის კვლევის ლაბორატორიის საქმიანობის მხარდაჭერისა და საბჭოთა ტოტალიტარული წარსულის, როგორც რუსული დეზინფორმაციული დღის წესრიგის მნიშვნელოვანი იარაღის შესახებაცაა საუბარი. სრულად... წყარო: ორგანიზაციის გვერდი სოციალურ ქსელში

მუნიციპალიტეტებში სამოქალაქო ბიუჯეტის დანერგვას აქტიურად უწყობს ხელს სამოქალაქო საზოგადოების ინსტიტუტი. 2022 წელს ჩოხატაურის, გორის და ხელვაჩაურის მუნიციპალიტეტებში მონაწილეობითი ბიუჯეტირების პროექტი განხორციელდა, მათ შორის ჩოხატაურსა და ხელვაჩაურში პირველად. სამივე მუნიციპალიტეტში უკვე დასრულებულია ხმის მიცემის პროცედურები და შერჩეულია პროექტები, რომელთა შედეგებიც ასეთია:  „ჩოხატაურის სამოქალაქო ბიუჯეტის“ ფარგლებში მოქალაქეებმა დაარეგისტრირეს 14 იდეა, ხმის მიცემის ეტაპზე გადავიდა ყველა იდეა, ხოლო გამარჯვებულად გამოცხადდა ორი: „მამოგრაფიაზე დაფუძნებული უფასო სკრინინგ პროგრამის დანერგვა მუნიციპალიტეტში მცხოვრები ქალებისთვის" და ,,საფეხბურთო მოედანი დაბის ცენტრში". გამარჯვებული იდეების განხორციელებისთვის ჩოხატაურის მუნიციპალიტეტის 2023 წლის ბიუჯეტიდან 85 000 ლარია გამოყოფილი.  „იდეა უკეთესი ხელვაჩაურისთვის“ ფარგლებში მოქალაქეებმა წარადგინეს 10 იდეა, საიდანაც ხმის მიცემის ეტაპზე გადავიდა 3, ხოლო ხმის მიცემის შედეგად გამარჯვებულად გამოვლინდა 1 იდეა: „წარწერა მე მიყვარს აჭარისწყალი“. იდეის განხორციელებისთვის ხელვაჩაურის მუნიციპალიტეტის 2023 წლის ბიუჯეტიდან 60 000 ლარია გამოყოფილი.  გორის სამოქალაქო ბიუჯეტის ფარგლებში მოქალაქეებმა წარადგინეს 94 საინიციატივო წინადადება, ხოლო გამარჯვებულად გამოცხადდა 37. გამარჯვებული საინიციატივო წინადადებების განხორციელებისთვის გორის მუნიციპალიტეტის 2023 წლის ბიუჯეტიდან 3 000 000 ლარია გამოყოფილი.  როგორც უკვე აღვნიშნეთ სამოქალაქო საზოგადოების ინსტიტუტი აქტიურად მუშაობს სამოქალაქო ბიუჯეტის დანერგვის მიმართულებით, გერმანული საერთაშორისო ორგანიზაციის „პური მსოფლიოს“ მხარდაჭერით. ამ ეტაპზე, მუნიციპალიტეტებს ინსტიტუტის რამდენიმე მიმართულებით უჭერდა მათ მხარს – კერძოდ, საკომუნიკაციო აქტივობების დაგეგმვა–განხორციელებაში, იდეების რეგისტრაციასა და ხმის მიცემის ეტაპებზე. მხარდაჭერა მოიცავდა ასევე, საკომუნიკაციო მასალების მომზადებას, სოციალურ მედიაში კომუნიკაციას და ინფორმაციის გავრცელებას.

თბილისი. სოციალური სამართლიანობის ცენტრი წარმოგიდგენთ ლიკა ჩხეტიანის სტატიას: „პოლიტიკური ნდობის ცნება და მისი მნიშვნელობა დემოკრატიისთვის“. „მყიფე, გარდამავალ დემოკრატიებში პოლიტიკური ნდობის როლი კომპლექსურია. ერთი მხრივ, ინსტიტუტებისა და პოლიტიკოსების მიმართ უნდობლობა ინსტიტუტების დეფექტური ხასიათისა და სისუსტის ბუნებრივი შედეგია, მეორე მხრივ კი, მიუკერძოებელი და ეფექტური ინსტიტუტების შესაქმნელად და პასუხისმგებლიანი პოლიტიკური ელიტის წარმოსაშობად მოსახლეობის მტკიცე ნდობა და აქტიური პოლიტიკური მონაწილეობაა საჭირო. საქართველოშიც, სადაც დემოკრატიის სიმყიფეს პოსტკომუნისტური ტოტალური უნდობლობის მემკვიდრეობაც ემატება, სწორედ ეს გამოწვევა დგას: მოქალაქეები პოლიტიკისგან უცხოვდებიან, რადგან ინსტიტუტებისა და პოლიტიკოსების მიმართ ნდობას კარგავენ, ეს უკანასკნელნი კი მით უფრო სწრაფად შორდებიან დემოკრატიულ საწყისებს, რაც უფრო ნაკლებად გრძნობენ მოქალაქეთა ფხიზელ მეთვალყურეობას. ახალგაზრდა დემოკრატიებში, სადაც პოლიტიკურ ინსტიტუტებს თვითკმარობა და სიმტკიცე, ხოლო პოლიტიკურ ელიტას - გამოცდილება და პოლიტიკური კულტურა აკლია, პოლიტიკაში მოქალაქეთა ინდივიდუალურ ჩართულობას, დემოკრატიული ღირებულებების რწმენას და მათ ყოველდღიურად დაცვას გადამწყვეტი როლი ენიჭება“. სრულად... წყარო: socialjustice.org.ge