თბილისი. გლობალური შეთანხმების საქართველოს ქსელი • Global Compact Network Georgia-ის ინიციატივით გამართული, „პარტნიორობის ფორუმი 2022“-ის ფარგლებში, ნეთვორქინგის და იდეების წარდგენის სივრცეების ნაწილში, WIC-ის წარმომადგენლების იდეამ გაიმარჯვა და დაფინანსება მოიპოვა. სრულად... წყარო: ორგანიზაციის გვერდი სოციალურ ქსელში

 კამპანია „ეს ქვეყანა შენიას“ ახალგაზრდული კონკურსის გამარჯვებულები გამოცხადდება კვირას, 4 დეკემბერს, 15:00 საათზე, ტელეკომპანია ფორმულას გადაცემა მე-17 სართულის პირდაპირ ეთერში!

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. განათლების, განვითარებისა და დასაქმების ცენტრის აღმასრულებელი დირექტორი ნათია ნამიჭეიშვილი რადიო „ძველი ქალაქი“ ეთერში საქართველოში პირველი ციფრული პლატფორმის www.volunteer.ge შესახებ საუბრობს. გადაცემა წარმოადგენს პროექტის შეჯამებას და კიდევ ერთხელ აქტიურად ხაზგასმას იმისა, რომ მოხალისეობა ადამიანების ცხოვრების წესად უნდა ვაქციოთ და რომ მოხალისეობრივ პროგრამებში ჩართვით, არა მხოლოდ ვაყალიბებთ  საზოგადოებრივ და სოციალურ ცვლილებებზე დაფუძნებულ საზოგადოებას და ინსტიტუციას, არამედ მოხალისეობა ძალიან მნიშვნელოვანია პიროვნული ზრდის, სოლიდარობისა და ძლიერი თვისებების შესაძენად. იხილეთ ვიდეო... რადიოგადაცემა შექმნილია განათლების განვითარების და დასაქმების ცენტრის (EDEC) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში. მის შინაარსზე სრულად პასუხისმგებელია „არასამთავრობო ორგანიზაცია უფლებებისა და განათლებისათვის“ და შესაძლოა, რომ იგი არ გამოხატავდეს ევროკავშირისა და კონრად ადენაუერის ფონდის შეხედულებებს. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

თბილისი. 28-30 ნოემბერს, ეკონომიკური პოლიტიკის კვლევის ცენტრის (EPRC) აღმასრულებელმა დირექტორმა, ნინო ევგენიძემ მონაწილეობა მიიღო პანელურ დისკუსიაში - „რუსეთის იმპერიული ამბიციიდან გადახვევა: რუსეთის ომის შედეგები უკრაინის წინააღმდეგ აღმოსავლეთ პარტნიორობის რეგიონისთვის და ევროკავშირისთვის“. „მე ვარ ქვეყნიდან, რომლის ტერიტორიის 20% ოკუპირებულია რუსეთის მიერ. ისინი თბილისიდან 40 კილომეტრში არიან. სამწუხაროდ, 2008 წელს დასავლეთმა და მსოფლიომ რუსეთი საქართველოში ვერ შეაჩერა. ახლა კი, ყველას პასუხისმგებლობაა მხარი დაუჭიროს უკრაინას და გაუწიოს მათთვის საჭირო სამხედრო და ფინანსური დახმარება.  უკრაინელები იბრძვიან არა მარტო საკუთარი თავისთვის, არამედ იმისთვის, რომ ევროპა იყოს თავისუფალი და უსაფრთხო“, - განაცხადა ნინო ევგენიძემ. სრულად... წყარო: ორგანიზაციის გვერდი სოციალურ ქსელში

სამეგრელო. ფოთელი მოსწავლეებისთვის პროექტი „გახდი ახალგაზრდა მოხალისე“ იწყება.  თუ გსურთ გაიგოთ, თქვენ რამდენად ხართ მზად მოხალისეობრივი საქმიანობისთვის, შეავსეთ ტესტი და გაუზიარეთ მეგობრებს: ქვიზი... ინიციატივა ხორციელდება განათლების განვითარების და დასაქმების ცენტრის (EDEC) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. სრულად... წყარო: STAR პროექტის გვერდი სოციალურ ქსელში

სამოქალაქო საზოგადოების ინსტიტუტი, რუმინულ ორგანიზაციასთან „სამოქალაქო რესურსების ცენტრთან“ (CRC) ერთად ახორციელებს პროექტს, რომლის მიზანია კრიზისულ სიტუაციებში მდგრადი სათემო ჯგუფების შექმნის და რეაგირების გამოცდილების შესწავლა. კერძოდ, საქართველოსა და რუმინეთში ტარდება საზოგადოებრივი ორგანიზაციების მიერ უკრაინელი ხალხის დასახმარებლად განხორციელებული ღონისძიებების კვლევა. მისი მიზანია, აღნიშნულ პროცესებში სამოქალაქო სექტორსა და ხელისუფლებას შორის თანამშრომლობის მაგალითების შესწავლა–გაანალიზება და გამოწვევების გამოვლენა.  პროექტის ფარგლებში მომზადდა ვიდეო, რომელიც ასახავს უკრაინელების დასახმარებლად განხორციელებულ აქტივობებს. პროექტის „კრიზისულ სიტუაცებიში მდგრადი სათემო ჯგუფების შექმნა. საქართველოს და რუმინეთის სამოქალაქო საზოგადოების გამოცდილება“ (Building Resilient Communities in Crisis Situations. The Romanian and Georgian civil society experience) პარტნიორი საქართველოდან სამოქალაქო საზოგადოების ინსტიტუტია და ხორციელდება რუმინული არასამთავრობო ორგანიზაციების განვითარების პლატფორმის (FOND) მიერ, ევროკავშირის მხარდაჭერით.

თბილისი. ძალადობისაგან დაცვის ეროვნული ქსელი, რომელიც 20 წელზე მეტია მუშაობს ქალთა მიმართ ძალადობის საკითხებზე, ღრმა შეშფოთებას გამოთქვამს ქალთა მიმართ ძალადობისა და ფემიციდის ტრაგიკული შემთხვევების ზრდასთან დაკავშირებით. შეუძლებელია იმ ტკივილის გადმოცემა, რასაც თითოეული ჩვენთაგანი განვიცდით ყოველი მსგავსი შემთხვევის შემდეგ. ეს მით უფრო, სამწუხაროა ქალთა მიმართ და ოჯახში ძალადობის წინააღმდეგ ბოლო წლებში გატარებული არაერთი ღონისძიების ფონზე. მიუხედავად სახელმწიფო ორგანოებისა და არასამთავრობო სექტორის აქტიური ძალისხმევისა კვლავაც არსებით გამოწვევად რჩება ქმედითად იყოს დაცული  ყველაზე მნიშვნელოვანი სიკეთე  - სიცოცხლე, მით უფრო იმ პირობებში, როდესაც მოძალადედ, როგორც წესი, მსხვერპლის ყოფილი თუ მოქმედი ოჯახის წევრები გვევლინებიან. ... სწორედ დღეს, ქალთა მიმართ ძალადობის წინააღმდეგ ბრძოლის საერთაშორისო დღეს, უნდა გამოვაცხადოთ ქალთა მიმართ და ოჯახში ძალადობის წინააღმდეგ ბრძოლის ახალი ეტაპი, დავიცვათ ქალები, გავუფრთხილდეთ მათ სიცოცხლესა და ჯანმრთელობას, მივცეთ მათ მშვიდობიანი თანაცხოვრების მყარი გარანტიები“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. 22 ნოემბერს, USAID-ის პროგრამის „ერთიანობა მრავალფეროვნებაშია” გახსნითი ღონისძიება გაიმართა, რომელსაც საქართველოს გაეროს ასოციაცია პარტნიორ ორგანიზაციებთან ერთად USAID -ის ფინანსური მხარდაჭერით ახორციელებს.   USAID 5 წლიანი პროგრამა „ერთიანობა მრავალფეროვნებაშია” ემსახურება მოქალაქეთა სამოქალაქო ინტეგრაციასა და ეკონომიკურ გაძლიერებას. მიზნად ისახავს უმცირესობების ჩართულობის გაზრდას საჯარო პოლიტიკის ყველა საკითხში, სექტორთა თანამშრომლობის გზით მათი ეკონომიკური ინტეგრაციის ხელშეწყობას და სოციალური, სამოქალაქო და ეკონომიკური კავშირების გაძლიერებას უმცირესობასა და უმრავლესობას შორის.    USAID-ის პროგრამას „ერთიანობა მრავალფეროვნებაშია“ ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) სლოვაკეთის დამოუკიდებელი საკონსულტაციო კომპანიისა და ანალიტიკური ცენტრის - Strategic Analysis-ის ადგილობრივი პარტნიორი გახდა. 15-16 ნოემბერს IDFI ჩაერთო და წარმოადგინა რეგიონში მუშაობის შედეგები საერთაშორისო კონფერენციაში სახელწოდებით: „ადმინისტრაციულ საზღვართან დაკავშირებული (ABL) საკითხები და მათი გამოწვევები: რა არის გამოსავალი?“. სრულად... IDFI-სა და Strategic Analysis-ის წარმომადგენელმა მხარეებმა ხელი მოაწერეს პარტნიორობის მემორანდუმს და გამოთქვეს სურვილი ერთობლივად იმუშაონ მომავალ პროექტებზე ევროპის მეზობელ ქვეყნებსა და სამხრეთ კავკასიასთან. სტრატეგიული ანალიზის გუნდი ითვლის რეგიონში მუშაობის ათ წელზე მეტი ხნის გამოცდილებას. წყარო: idfi.ge

თბილისი. 16 ნოემბერს, სოციალური სამართლიანობის ცენტრმა გამართა დისკუსია „კონფლიქტები, სამშვიდობო პოლიტიკა და მედია დღის წესრიგი“. შეხვედრის მიზანი იყო, გაჭიანურებულ კონფლიქტებთან  და მათგან მომდინარე ადამიანურ, სოციალურ და პოლიტიკურ ზიანთან, ისევე როგორც სამშვიდობო პოლიტიკასთან დაკავშირებით მედიის დღის წესრიგისა და მუშაობის გამოცდილებების განხილვა. დისკუსია ჩატარდა გაერთიანებული ერების საქართველოში ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

რეგიონები. 2022 წლის ივლისიდან ინფორმაციის თავისუფლების განვითარების ინსტიტუტმა (IDFI), საქართველოს პარლამენტის ეროვნულ ბიბლიოთეკასთან და უკვე შემდგომში რეგიონული ინიციატივების ცენტრ „ნათელ მომავალთან“ თანამშრომლობით, რეგიონული ტურნე დაიწყო, რომლის ფარგლებშიც სხვადასხვა მუნიციპალიტეტში რეპრესირებულთა საკითხზე პრეზენტაცია და „რადიო თავისუფლების“ ფილმის „დახვრეტილთა სასაფლაო ბათუმში“ ჩვენება გაიმართა. სულ გაიმართა 10 შეხვედრა საქართველოს 8 მუნიციპალიტეტში, რომელსაც დაესწრო 500-ზე მეტი დაინტერესებული მოქალაქე. სრულად... წყარო: idfi.ge

ქვემო ქართლი. სამოქალაქო ინტეგრაციის ფონდის ორგანიზებით პროექტის „სამოქალაქო საზოგადოების ინიციატივა“ ფარგლებში, ქვემო ქართლის რეგიონული ჰაბის და რეგიონული სათემო და სს ორგანიზაციის ლიდერთა და ახალგაზრდა აქტივისტების საკოორდინაციო შეხვედრა გაიმართა. შეხვედრის მონაწილეები გაეცნენ პროექტის ფარგლებში განხორციელებულ აქტივობებსა და სამომავლო გეგმებს. შეხვედრაზე ხაზგასმით ისაუბრეს პროექტის ფარგლებში მცირე საგრანტო პროგრამებში მონაწილეობასთან დაკავშირებულ გამოწვევებსა და შესაძლებლობებზე. შეხვედრა განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით. სრულად...  წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) შეფასებით, საქართველოში ღია მონაცემების ხელმისაწვდომობის კუთხით უმნიშვნელოვანესი გამოწვევაა ღია მონაცემთა მარეგულირებელი კანონმდებლობის არარსებობა. „საჭიროა მონაცემთა განკარგვის შესაძლებლობების განვითარება ადგილობრივ დონეზე, ასევე ცენტრალიზებული მონაცემების ჩაშლა მუნიციპალური ერთეულების მიხედვით. აუცილებელია საქართველოს ღია მონაცემთა პორტალის გაუმჯობესება, პორტალის მუდმივი ტექნიკური მხარდაჭერა, ახალი მონაცემთა ბაზების გამოქვეყნება და არსებული მონაცემების რეგულარული განახლება. ასევე, პორტალზე მონაცემების სხვადასხვა ღია ფორმატში (განსაკუთრებით API სახით) გამოქვეყნება“. ვრცლად... წყარო: idfi.ge

თბილისი. ამ წუთებში, აჭარის რეგიონული ჰაბის - თავისუფალ ჟურნალისტთა სახლის ორგანიზებით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში, კონფერენცია „სოციალური პასუხისმგებლობის გააზრება“ იმართება. კონფერენციის მიზანია ინფორმაციის გაცვლა იმ ჯგუფებს შორის, რომლებიც მუშაობენ კორპორაციული სოციალური პასუხისმგებლობის საკითხებზე ან არიან ბენეფიციარები. კონფერენციას ესწრებიან სოციალურ პოლიტიკაზე პასუხისმგებელი პირები სახელმწიფო სტრუქტურებიდან, აჭარის რეგიონის ბიზნეს ორგანიზაციები, საკანონმდებლო, საგანმანათლებლო და სამედიცინო სფეროს წარმომადგენლები, სამოქალაქო საზოგადოების ორგანიზაციები, ადვოკატები, პოლიტიკოსები, სოციალური მუშაკები, მედიის წარმომადგენლები და ახალგაზრდები. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი წარმოგიდგენთ ახალ დოკუმენტს,  რომელშიც მიმოხილულია, როგორ უნდა შესრულდეს „დე-ოლიგარქიზაციის“ რეკომენდაცია და სწორია თუ არა ის გზა, რომელიც საქართველოს ხელისუფლებამ შეარჩია. „საკითხის შესწავლის შემდეგ გამოიკვეთა, რომ უკრაინის „ანტი-ოლიგარქიული“ კანონი, ისევე როგორც მისი ქართული ანალოგი, სამართლებრივად ბუნდოვანია და შესაძლოა, არაკონსტიტუციური შინაარსიც ჰქონდეს. ამასთან, კანონი ხელს უწყობს პოლიტიკური ხელისუფლების ხელში გადამეტებული ძალაუფლების თავმოყრას. შედეგად, საქართველოს ხელისუფლების მიერ უკრაინის „ანტი-ოლიგარქიული“ კანონის ანალოგის მიღება, როგორც კონტექსტუალური, ასევე, შინაარსობრივი თვალსაზრისით, არ უნდა ჩაითვალოს გონივრულ ნაბიჯად. ამასთან, ერთი კონკრეტული კანონის მიღება სისტემურ ცვლილებებს ნაკლებად მოიტანს იმ პირობებში, რომ ოლიგარქია, საკუთარი არსით, არაფორმალური ინსტიტუტია, რომლის წარმომადგენელთა სამართლებრივი და პოლიტიკური პასუხისმგებლობის დაყენება უკიდურესად რთულია. შესაბამისად, ოლიგარქების გავლენების რეალური შემცირებისთვის მინიმუმ თანადროული, სისტემური  და სიღრმისეული რეფორმების გატარებაა აუცილებელი“, ნათქვამია ორგანიზაციის შეფასებაში. სრულად კვლევა... წყარო: socialjustice.org.ge

თბილისი. 16 ნოემბერს, საქართველოს გაეროს ასოციაციამ USAID პროგრამის „ერთიანობა მრავალფეროვნებაშია“ ფარგლებში ტოლერანტობის საერთაშორისო დღე USAID-ის წარმომადგენლობასთან, სახალხო დამცველთან და მასთან არსებულ ტოლერანტობის ცენტრთან ერთად აღნიშნა. ღონისძიება გაიხსნა ეპისკოპოს რუსუდან გოცირიძის ნამუშევრების გამოფენით. შეხვედრა ტოლერანტობის ქომაგების დაჯილდოების ცერემონიით დასრულდა. USAID-ის პროგრამა „ერთიანობა მრავალფეროვნებაშია“ ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

აჭარა. 16 ნოემბერს, ხულოს მუნიციპალიტეტის სოფელ სხალთაში, აჭარის ჰაბის „თავისუფალ ჟურნალისტთა სახლის“ ორგანიზებით, მოსახლეობასთან შეხვედრა გაიმართა. შეხვედრას ესწრებოდა საქართველოს დაუნის სინდრომის ასოციაციის აჭარის ფილიალის ხელმძღვანელი დარინა დუმბაძე.  სოფლის მაცხოვრებლებს მიეწოდათ ინფორმაცია ორგანიზაციის საქმიანობაზე, ოჯახების და დაუნის სინდრომის მქონე პირთა გაძლიერების, ჯანდაცვის და სოციალური მომსახურების, განათლების და განვითარების  პროგრამებზე.   შეხვედრაზე მოსახლეობამ დაასახელა როგორც ინდივიდუალური, ისე საერთო საჭიროებები:  შშმ პირთა დასაქმების ხელშეწყობა; შშმ პირის სტატუსის მიღება; ოჯახის მხარდაჭერა, დამხმარე საშუალებებით უზრუნველყოფა და სპეციალური საგანმანათლებლო საჭიროების მოსწავლისათვის განათლების ხელშეწყობა. ამ მიმართულებით, მონაწილეებს ადგილზე გაეწიათ კონსულტაცია. აჭარის რეგიონული ჰაბი  ევროკავშირისა და კონრად ადენაუერის ფონდის დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში  შეიქმნა და ახორციელებს საქმიანობას. სრულად... წყარო: ჰაბის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. მაკლეინის ასოციაცია ბავშვებისთვის ტოლერანტობის საერთაშორისო დღესთან დაკავშირებით სტატიას აზიარებს. „ტოლერანტობა ლათინური წარმოშობის სიტყვაა და ქართულად შემწყნარებლობას ნიშნავს. მეცნიერები ამ ტერმინით აღნიშნავენ ადამიანის მზადყოფნას პატივი სცეს გარშემომყოფთა არჩევანს, მათ მსოფლმხედველობას, ცხოვრების წეს-ჩვეულებებს, სქესს, ასაკს, შეზღუდულ შესაძლებლობებს, მაშინაც კი, თუ ისინი მისგან მნიშვნელოვნად განსხვავებულია. მშობლებსა და ბავშვის აღზრდაში ჩართულ სხვა პირებს, სხვადასხვა სტრატეგიის გამოყენებით შეუძლიათ წაახალისონ ბავშვებში ტოლერანტობის ჩამოყალიბება და მისი შემდგომი განვითარება: მიეცით მაგალითი; განიხილეთ და იმსჯელეთ განსხვავებულობის სხვადასხვა გამოვლინებასთან დაკავშირებით; გაამრავალფეროვნეთ ბავშვის ცხოვრებისეული გამოცდილება; გაეცანით ტოლერანტობისადმი მიძღვნილ წიგნებს, ფილმებსა და მულტფილმებს; ხაზი გაუსვით საკუთარი მახასიათებლებისადმი მიმღებლობის აუცილებლობას; სრულად... წყარო: macgeorgia.org

კახეთი. საერთაშორისო გამჭვირვალობა - საქართველომ ევროკავშირში გაწევრიანების თემაზე ყვარელში, სოფელ ახალსოფელში შეხვედრა გამართა. რეგიონული შეხვედრები სამხრეთ კავკასიაში კონრად ადენაუერის ფონდის მხარდაჭერით ხორციელდება. სრულად... წყარო: ორგანიზაციის გვერდი სოციალურ ქსელში