კახეთი. საერთაშორისო გამჭვირვალობა საქართველოს აღმასრულებელი დირექტორი, ეკა გიგაური და სერიალ „ჩემი ცოლის დაქალების“ პროდიუსერი, ირაკლი საღინაძე, პანკისსა და ახმეტაში მოსახლეობას შეხვდნენ. შეხვედრა ეხებოდა ევროკავშირის კანდიდატობის სტატუსის მიღებას. პანკისელები ფიქრობენ, რომ საჭიროა ცნობიერების ამაღლება საზოგადოებაში, იმის კარგად გასააზრებლად, რომ ევროკავშირში შესვლა საკუთარი კეთილდღეობისთვის გვჭირდება. ახმეტელ ახალგაზრდობასთან შეხვედრა, ტრადიციულად აქტიური დისკუსიის ფორმატში შედგა. პროექტი ფონდ Konrad-Adenauer-Stiftung South Caucasus მხარდაჭერით ხორციელდება. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრი (GCSD) გთავაზობთ პუბლიკაციას „პოლიტიკური კულტურის პრობლემები საქართველოში - პრობლემის აღწერა და გადაჭრის გზების ძიება“. სრულად... პუბლიკაცია მოიცავს საქართველოში პოლიტიკური კულტურის საკითხზე ექსპერტებთან გამართული დისკუსიის ანგარიშს. პუბლიკაცია მომზადდა პროექტის „დემოკრატიული მოქალაქეობის ხელშეწყობა საქართველოში“ ფარგლებში, რომელიც განხორციელდა ევროკავშირის მხარდაჭერით, ევროკავშირის აღმოსავლეთ პარტნიორობის სამოქალაქო საზოგადოების გაძლიერების პროგრამის ფარგლებში. წყარო: ორგანიზაციის გვერდი სოციალურ ქსელში

კახეთი. მოუსმინეთ ტელეკომპანია პირველი-ს გადაცემას „პირველამდე“, სადაც განხილულია სათემო ლიდერთა ფორუმი 2022“. გადაცემის სტუმრები იყვნენ - ფორუმის ყოველწლიური კონკურსის „საუკეთესო სათემო ინიციატივის“ აუდიტორიის რჩეული პროექტის „მთის ბავშვებისთვის“ განმახორციელებელი,  ეთო არსანიძე და საქართველოს სტრატეგიული კვლევებისა და განვითარების ცენტრის გრანტების მენეჯერი, ანა ნადირაშვილი. სიუჯეტი ასევე მომზადდა ფორუმის კონკურსის კიდევ ერთი მონაწილე პროექტის „ერთად ბედიანის ახალგაზრდებისთვის“ შესახებ. სათემო ლიდერთა ფორუმი გაიმართა პროექტის „სამოქალაქო საზოგადოების ინიციატივის“ ფარგლებში, ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

კახეთი. საინტერესო ინფორმაციით, ადამიანებითა და ემოციებით სავსე „სათემო ლიდერთა ფორუმი 2022“ დასრულდა. ეს რიგით მე-8-ე ფორუმი იყო, რომელიც საქართველოს სტრატეგიული კვლევებისა და განვითარების ცენტრის (CSRDG) თემის განვითარების პროგრამის ორგანიზებით ჩატარდა. ფორუმი გაიმართა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

კახეთი. საქართველოს სტრატეგიული კვლევებისა და განვითარების ცენტრის მიერ ორგანიზებული „სათემო ლიდერთა ფორუმი 2022“ წარმატებით დაიწო. ორგანიზაცია ორდღიან ღონისძიებაზე მონაწილეებს მთელი საქართველოდან მასპინძლობს. ფორუმი იმართება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

ქვემო ქართლი. ინფორმაციის თავისუფლების განვითარების ინსტიტუტი (IDFI) აგრძელებს საჯარო-კერძო დიალოგის ხარისხის შეფასების მექანიზმის შესახებ ცნობიერების ამაღლებას ადგილობრივ თვითმმართველობებში. ამჯერად, IDFI-ს და USAID-ის ეკონომიკური მმართველობის პროგრამის წარმომადგენლები ქალაქ რუსთავის მუნიციპალიტეტის საკრებულოსა და მერიის წარმომადგენლებს შეხვდნენ. შეხვედრის მონაწილეებს IDFI-ს წარმომადგენლებმა გააცნეს ანგარიშის „ნორმატიული აქტების შემუშავების პროცესში საჯარო-კერძო დიალოგის ხარისხის შეფასება - 2020-2021 წწ.” შედეგები და პროექტის გეგმები, ხოლო ეკონომიკური მმართველობის პროგრამის წარმომადგენელმა ისაუბრა, პროგრამის როლზე დიალოგის გაძლიერებაში. სრულად... წყარო: idfi.ge

შიდა ქართლი. შიდა ქართლის ჰაბმა ახალგაზრდებისთვის ტრენინგი „სამოქალაქო აქტივიზმი, აქტიური მოქალაქეობა“ ჩაატარა. ტრენინგის მიზანი იყო მონაწილეებს მიეღოთ ინფორმაცია სამოქალაქო აქტივიზმის შესახებ და შეეძინათ აქტიური მოქალაქისთვის აუცილებელი უნარ-ჩვევები. ტრენინგი განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. სრულად... წყარო: ორგანიზაციის გვერდი სოციალურ ქსელში

შიდა ქართლი. 3 და 4 ნოემბერს შიდა ქართლის რეგიონალური ჰაბის - Society Biliki-ის ორგანიზებით, ახალგაზრდებისთვის გაიმართა ტრენინგ კურსი თემაზე: „პროექტების წერა“. ტრენინგის მიზანი იყო, რომ ამ თემით დაინტერესებულ ახალგაზრდებს ჰქონოდათ შესაძლებლობა მიეღოთ   ცოდნა პროექტის არსის, მენეჯმენტის და მისი შემადგენელი ელემენტების შესახებ. ტრენინგ კურსი მიმართული იყო მონაწილეთა თეორიული ცოდნის და პრაქტიკული უნარ-ჩვევების  შეძენა/გაუმჯობესებისაკენ, რაც მათ დაეხმარებათ სამომავლო საქმიანობაში ეფექტურად შეასრულონ მათზე დაკისრებული მოვალეობები. შეხვედრას უძღვებოდა სოსო მეზვრიშვილი. ტრენინგი განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. გაეცანით ინფორმაციის თავისუფლების განვითარების ინსტიტუტის (IDFI) კვლევას „რუსეთის წინააღმდეგ დაწესებული საერთაშორისო სანქციების რეჟიმის აღსრულება საქართველოში”. „რუსეთის უკრაინაში შეჭრის შემდეგ, საერთაშორისო საზოგადოების უკრაინისადმი მხარდაჭერის ერთ-ერთ მნიშვნელოვან პოლიტიკას რუსეთის ფედერაციისთვის მკაცრი სანქციების დაწესება და მისი ეფექტური აღსრულება წარმოადგენს. რუსეთისათვის სანქციების დაწესებაზე საქართველოს ხელისუფლებამ საწყის ეტაპზევე უარი განაცხადა, რაც საკუთარი ქვეყნისთვის მომდინარე ეკონომიკური და პოლიტიკური საფრთხეებით იქნა ახსნილი. აღნიშნულმა პოლიტიკურმა გადაწყვეტილებამ, ქვეყანას გაუჩინა მნიშვნელოვანი რეპუტაციული ვალდებულება, საქართველო არ ქცეულიყო რუსეთისთვის სანქციების თავის არიდების შესაძლებლობად. შესაბამისად, ამ მოცემულობაში განსაკუთრებული მნიშვნელობა ენიჭება იმას, რომ  საქართველოს ხელისუფლებამ, საერთაშორისო პარტნიორებთან კოორდინირებული მოქმედებით და პროცესის მაქსიმალური გამჭვირვალობით, უზრუნველყოს საქართველოს საბაჟო ტერიტორიის თუ საფინანსო სექტორის სანქციებისგან თავის არიდების ნებისმიერი მცდელობის აღკვეთა“. სრულად... წყარო: idfi.ge

სამეგრელო. საერთაშორისო გამჭვირვალობა - საქართველომ ზუგდიდში, საჯარო სკოლების სამოქალაქო განათლების მასწავლებლებს გაუზიარა მოლოდინები, თუ რა სასიკეთო ცვლილებები შეიძლება მოიტანოს 12-პუნქტიანი გეგმის შესრულებამ ევროკავშირთან დაახლოვებისა და კანდიდატი ქვეყნის სტატუსის მიღების გზაზე. მასწავლებლებთან შეხვედრა ასოციაცია „ათინათის“ ორგანიზებით, USAID-ის სამოქალაქო განათლების პროგრამის ფარგლებში გაიმართა, რომელსაც PH International საქართველო პარტნიორ ორგანიზაციებთან ერთად ახორციელებს. სრულად... წყარო: ორგანიზაციის გვერდი სოციალურ ქსელში

კახეთი. „სათემო ლიდერთა ფორუმი“ 9-10 ნოემბერს, კახეთში გაიმართება. ფორუმის განმავლობაში სათემო ლიდერები მთელი საქართველოდან საკუთარ ინიციატივებსა და იდეებს ერთმანეთს და სხვა დაინტერესებულ მხარეებს უზიარებენ. ფორუმი იმართება პროექტის “სამოქალაქო საზოგადოების ინიციატივის” ფარგლებში, ევროკავშირისა და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. 4 ნოემბერს, „უფლებებზე დაფუძნებული სოციალური მომსახურების განვითარება შეზღუდული შესაძლებლობების მქონე პირებისა და ხანდაზმულებისთვის“ პროექტის შემაჯამებელი პრეზენტაცია გაიმართა. შეხვედრაზე დამსწრე აუდიტორიამ მიიღო ინფორმაცია პროექტის ფარგლებში შემუშავებულ მონიტორინგის მექანიზმზე, მიღწეულ შედეგებსა და გამოწვევებზე. შეხვედრა განხორციელდა სამწლიანი პროექტის „უფლებებზე დაფუძნებული სოციალური მომსახურების განვითარება შეზღუდული შესაძლებლობების მქონე პირების და ხანდაზმულებისთვის“ ფარგლებში, რომელსაც ახორციელებს CSRDG, საქართველოს საზოგადოებრივი ინტერესების დაცვის ასოციაცია (GPIDA) და ახალგაზრდა პედაგოგთა კავშირი „Young Pedagogues' Union“ ერთად. პროექტის ფინანსური მხარდამჭერია ევროკავშირი. სრულად... წყარო: ორგანიზაციის გვერდი სოციალურ ქსელში

თბილისი. 1 ნოემბერს, სამოქალაქო საზოგადოების ინსტიტუტის (CSI) საზოგადოებასთან ურთიერთობის და კომუნიკაციების მენეჯერი თემურ ჯალიაშვილი ილიას სახელმწიფო უნივერსიტეტის სტუდენტებს შეხვდა. შეხვედრა გაიმართა საუნივერსიტეტო კურსის „სამოქალაქო საზოგადოების როლის“ ხელმძღვანელის დავით აფრასიძის მიწვევით. საუნივერსიტეტო კურსის მიზანია ახალმა თაობამ სწავლების საბაკალავრო საფეხურზე მიიღოს სანდო, აკადემიური ცოდნა სამოქალაქო საზოგადოებისა და ორგანიზაციების შესახებ. შეხვედრაზე პრეზენტატორმა განსაკუთრებული ყურადღება გაამახვილა სამოქალაქო საზოგადოების როლის, სამოქალაქო პასუხისმგებლობის და სამოქალაქო საზოგადოების ორგანიზაციების საქმიანობის შესახებ. ამასთან, მსმენელებთან გაზიარდა ინფორმაცია CSI- მუშაობის მიმართულებების და კამპანიის „ეს ქვეყანა შენია“ მიმდინარეობის შესახებ. შეხვედრა ინტერაქციულ რეჟიმში წარიმართა. სტუდენტებმა დასვეს მათთვის საინტერესო შეკითხვები და გამოთქვეს მოსაზრებები. აღნიშნული საუნივერსიტეტო კურსი „სამოქალაქო საზოგადოების როლი“ შემუშავდა პროექტის „სამოქალაქო საზოგადოების განვითარების ინიციატივა“ ფარგლებში ადგილობრივი უმაღლესი სასწავლებლების და ექსპერტების აქტიური თანამშრომლობით და დაინერგა საქართველოს 6 უნივერსიტეტში. წყარო: CSI-ს გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. 2 ნოემბერს თბილისის სააპელაციო სასამართლომ დაასრულა ნიკა გვარამიას,  კახაბერ დამენიას და ზურა იაშვილის სისხლის სამართლის საქმის განხილვა. სასამართლომ დაცვის მხარის სააპელაციო საჩივრები არ დაკმაყოფილა და ნიკა გვარამია კვლავ დამნაშავედ ცნო უფლებამოსილების ბოროტად გამოყენების ორ ეპიზოდში. გვარამიას  საბოლოო სასჯელის სახედ და ზომად განესაზღვრა თავისუფლების აღკვეთა 3 წლისა და 6 თვის ვადით. საქართველოს ახალგაზრდა იურისტთა ასოციაციამ, საერთაშორისო გამჭვირვალობა საქართველომ და ადამიანის უფლებათა ცენტრმა შეისწავლეს პირველი ინსტანციის სასამართლოს 2022 წლის 16 მაისის განაჩენი. განაჩენის შესწავლის და სხდომებზე დაკვირვების შედეგად, ორგანიზაციები მივიდნენ  დასკვნამდე, რომ ნიკა გვარამიას მიერ განხორციელებული ქმედებები არ შეიცავს სისხლის სამართლის კანონმდებლობით განსაზღვრული დანაშაულის ნიშნებს, მის მიმართ გამოტანილი განაჩენი მთელი რიგი მიმართულებით ხარვეზიანი, დაუსაბუთებელი და უკანონოა. აღსანიშნავია, რომ პირველ ინსტანციაში გვარამიას საქმეზე განაჩენი გამოიტანა მოსამართლემ, რომლის ბიექტურობასა და მიუკერძოებლობასთან დაკავშირებით არსებობს საფუძვლიანი კითხვები. ხელმომწერი ორგანიზაციები აცხადებენ რომ გაეცნობიან თბილისის სააპელაციო სასამართლოს მიერ მიღებულ დასაბუთებულ განაჩენს, „თუმცა ზემოთ ხსენებული გარემოებების ერთობლიობისა და სასამართლოში გამოკვლეული მტკიცებულებების შეფასების გათვალისწინებით, სააპელაციო სასამართლოს გადაწყვეტილება გვაფიქრებინებს, რომ სასამართლო ამ შემთხვევაშიც არ მოიქცა მოქმედი კანონმდებლობის ფარგლებში და მის მიერ მიღებული გადაწყვეტილება ნაკარნახევია პოლიტიკური მოტივებით“, ნათქვამია ერთობლივ განცხადებაში. სრულად... წყარო: rights.ge

გურია. პროექტის „ქალთა ძალაუფლება“ ინკლუზიისთვის ფარგლებში, ახალგაზრდა პედაგოგთა კავშირის ინიციატივით სათემო გრანტების შესახებ საინფორმაციო შეხვედრა ჩატარდა ოზურგეთის მუნიციპალიტეტის მერიაში, რომელსაც ესწრებოდნენ მერის მოადგილე, განათლების, კულტურის, სპორტის და ახალგაზრდობის საქმეთა სამსახურის უფროსი, საბიუჯეტო სამსახურის, „ქალთა ოთახისა“ და „გენდერული საბჭოს“ წარმომადგენლები. შეხვედრაში ორგანიზაციის თანამშრომლებთან ერთად მონაწილეობდა „ქალები საერთო მომავლისთვის საქართველო“ (WECF Georgia) წარმომადგენელი. საინფორმაციო შეხვედრის მეორე ნაწილი ჩატარდა სათემო ტრენინგების „ქალთა უფლებების ადვოკატირება“ მონაწილეებთან, რომლებსაც აქვთ სურვილი მიიღონ მონაწილეობა საგრანტო კონკურსში. სრულად... წყარო: ორგანიზაციის გვერდი სოციალურ ქსელში

ქვემო ქართლი. 28 ოქტომბერს სამოქალაქო ინტეგრაციის ფონდის ორგანიზებით პროექტი „სამოქალაქო საზოგადოების ინიციატივა“ ფარგლებში, გაიმართა შეხვედრა დმანისის მუნიციპალიტეტის სპორტისა და ახალგაზრდობის საქმეთა სამსახურის ხელმძღვანელთან ქალბატონ ნინო ომიაძესა და ადგილობრივ ახალგაზრდა აქტივისტებს შორის. შეხვედრაზე ისაუბრეს ადგილობრივი ახალგაზრდების წინაშე არსებული გამოწვევებისა და პრობლემების შესახებ და ახალგაზრდული პოლიტიკის მართვასა და კოორდინაციაზე მუნიციპალურ დონეზე. შეხვედრა განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით. სრულად... წყარო: ორგანიზაციის გვერდი სოციალურ ქსელში

კახეთი. 9-10 ნოემბერს, საქართველოს სტრატეგიული კვლევებისა და განვითარების ცენტრის ორგანიზებით, „სათემო ლიდერთა ფორუმი“ გაიმართება. ფორუმი წლების განმავლობაში ჩამოყალიბდა, როგორც სათემო ორგანიზაციების ინფორმირების, განვითარების და საინტერესო პარტნიორობის დაწყების პლატფორმა. შესაბამისად, ორმაგად მნიშვნელოვანია, რომ ღონისძიება 2-წლიანი ონლაინ ფორმატის შემდეგ, ცოცხალ რეჟიმში გაიმართება. წლევანდელ ფორუმზე დამსწრე საზოგადოებას ექნება საშუალება: მოისმინოს სხვადასხვა სათემო ორგანიზაციის გამოცდილება; სათემო პროექტების სოციალური გავლენის კვლევის შედეგები; გახდეს მონაწილე 2020-2021 წლების საუკეთესო სათემო ინიციატივის დაჯილდოების პროცესის. ფორუმის მეორე დღე მიეძღვნება სათემო ორგანიზაციებისათვის საინტერესო ინტერაქტიულ სესიებს სხვადასხვა მნიშვნელოვან თემებზე. ფორუმზე დასასწრებად გაიარეთ რეგისტრაცია 7 ოქტომბრის ჩათვლით, 18:00 საათამდე... სრულად... გაიცანით პანელური დისკუსიის მონაწილეები... წყარო: ორგანიზაციის გვერდი სოციალურ ქსელში

თბილისი. 31 ოქტომბერს, საერთაშორისო გამჭვირვალობა - საქართველომ ქართული პოლიტიკური პარტიების, ადგილობრივი და საერთაშორისო ორგანიზაციების, ცესკოს წევრების, ასევე საელჩოების წარმომადგენელთა მონაწილეობით პარტიების დაფინანსების საკითხებზე დისკუსია გამართა. დისკუსია შეეხო იმ გამოწვევებს, რაც პოლიტიკური ფინანსებზე ზედამხედველობისა და გამჭვირვალობის, ასევე პარტიების ფინანსების მოძიების, რუსული გავლენებისა თუ „შავი“ ფულის არსებობის კუთხით დგას ქვეყანაში. სამუშაო შეხვედრის მონაწილეებმა პრობლემების მოგვარების შესაძლო გზებზეც გამოთქვეს საინტერესო მოსაზრებები. ღონისძიება  ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ჩატარდა. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველოს ინფორმაციით, 26 ოქტომბერს საქართველოს პარლამენტში იურიდიულ საკითხთა კომიტეტის მიერ დაინიცირდა კანონპროექტი, რომელიც ახალი სტრუქტურის - სსიპ „ანტიკორუფციული ბიუროს“ შექმნას ითვალისწინებს. კანონპროექტის ავტორების გაცხადებული მიზანია, შესრულდეს საქართველოსთვის ევროკავშირის წევრობის კანდიდატის სტატუსის მისანიჭებლად ევროკომისიის მიერ გაცემული 12 რეკომენდაციის მე-4 პუნქტი. კანონპროექტის მიხედვით, ახალი უწყების ფუნქცია იქნება კორუფციის წინააღმდეგ ბრძოლის ხელშეწყობა, რასაც ის განახორციელებს ანტიკორუფციული პოლიტიკის განმსაზღვრელი დოკუმენტების შექმნით, მათი აღსრულების კოორდინაციითა და ზედამხედველობით. ბიუროს ხელმძღვანელს საქართველოს პრემიერ-მინისტრი დანიშნავს. „საერთაშორისო გამჭვირვალობა - საქართველოს“ შეფასებით, შემოთავაზებული რეფორმა არ პასუხობს ევროკომისიის მიერ გაცემულ მე-4 რეკომენდაციას, რომელიც ქვეყანას სთხოვს: „გააძლიეროს ანტიკორუფციული სააგენტოს დამოუკიდებლობა, რომელიც თავს მოუყრის ყველა საკვანძო ანტიკორუფციულ ფუნქციას; განსაკუთრებით კი, საგულდაგულოდ გადაჭრას მაღალი დონის კორუფციის შემთხვევები“. ორგანიზაციის აზრით, დაგეგმილი რეფორმა არ მოიცავს არც სხვადასხვა საკვანძო ანტიკორუფციული ფუნქციის თავმოყრას, არც რეალური დამოუკიდებლობის გარანტიის შექმნას და არც მაღალი დონის კორუფციის შემთხვევების წინააღმდეგ ბრძოლას. ის გულისხმობს, მხოლოდ და მხოლოდ, მთავრობის ადმინისტრაციაში ამჟამად არსებული ეროვნული ანტიკორუფციული საბჭოს სამდივნოს ფუნქციების ცალკე სსიპ-ად გამოყოფას, რაც აცდენილია ევროკომისიის მოთხოვნას. სრულად... წყარო: transparency.ge

თბილისი. ნახეთ USAID-ის ხელშეწყობით შექმნილი ანიმაციური სერიები და გაეცანით ინფორმაციას აქტიური მოქალაქეობის შესახებ. დღეს წარმოდგენილია სერია, რომელიც ხელისუფლების კონტროლს ეხება. ანიმაციური სერიები შეიქმნა USAID-ის სამოქალაქო განათლების კამპანიის ფარგლებში. სრულად... წყარო: ორგანიზაციის გვერდი სოციალურ ქსელში