თბილისი. 16 დეკემბერს, ინფორმაციის თავისუფლების განვითარების ინსტიტუტმა (IDFI) შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით მე-4 საერთაშორისო კონფერენცია: „არქივების ღიაობის მნიშვნელობა საბჭოთა წარსულის გადაფასებასა და პროპაგანდისთვის წინააღმდეგობის გაწევაში“ გამართა. კონფერენციაზე ყურადღება გამახვილდა ისტორიული ნარატივებით მანიპულაციაზე, დეზინფორმაციაზე, კრიზისულ პირობებში არქივების გადარჩენასა და სხვა მნიშვნელოვან საკითხზე, რომელთა აქტუალობა განსაკუთრებით გამოკვეთა რუსულმა ომმა უკრაინაში. სრულად... წყარო: idfi.ge

სამცხე-ჯავახეთი. სამცხე-ჯავახეთის ჰაბ-ორგანიზაციის ინიციატივით, ახალციხესა და ახალქალაქში, საზოგადოებრივ ორგანიზაციებთან დაკავშირებული ახალი საკანონმდებლო ინიციატივის განხილვა მოეწყო, რომელსაც რეგიონში მოქმედი ორგანიზაციების წარმომადგენლები ესწრებოდნენ. შეხვედრა დაიგეგმა პროექტის „სამოქალაქო საზოგადოების ინიციატივა“ ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით, შემდეგ არასამთავრობო ორგანიზაციასთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

თბილისი. 10 წლის იუბილესთან დაკავშირებით, საქართველოს დემოკრატიულმა ინიციატივამ (GDI) პრეზენტაცია გამართა და საზოგადოებას 10 წლის განმავლობაში გაწეული საქმიანობის შესახებ ანგარიში წარუდგინა. პრეზენტაციის შემდეგ გაიმართა საზეიმო მიღება. ღონისძიებას ესწრებოდნენ პარტნიორი არასამთავრობო და საერთაშორისო ორგანიზაციების წარმომადგენლები. სრულად... წყარო: ორგანიზაციის გვერდი სოციალურ ქსელში

გურია. 17 დეკემბერს ფონდი „ტასოს“ წარმომადგენლებმა ჩოხატაურის მუნიციპალიტეტის სოფლებში: ბუქსიეთში, ბჟოლიეთში, ჩხაკაურაში და ქალაქ ჩოხატაურში ადგილზე მოინახულეს „ქალთა ეკონომიკური გაძლიერების“ პროგრამის მონაწილეთა პროექტები.  პროექტით გათვალისწინებული ინდივიდუალური საქმიანობების ფარგლებში, ქალებმა შეიძინეს საქმიანობისთვის საჭირო ინვენტარი, მოაწყეს სამუშაო სივრცეები.  შეგახსენებთ, რომ პროექტს „ფონდი ტასო“ გაეროს ქალთა ორგანიზაციის (UN Women Georgia) და ნორვეგიის მთავრობის მხარდაჭერით ახორციელებს. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

როგორ ცხოვრობენ და სწავლობენ ბათუმის საჯარო სკოლაში უკრაინელი ბავშვები? როგორ ეხმარებიან უკრაინელებს – ნახეთ ვიდეოები, რომელიც სამოქალაქო საზოგადოების ინსტიტუტმა მოამზადა პროექტის „კრიზისულ სიტუაციებში მდგრადი სათემო ჯგუფების შექმნა“ – ფარგლებში.  ინსტიტუტი, რუმინულ ორგანიზაციასთან „სამოქალაქო რესურსების ცენტრთან“ (CRC) ერთად ახორციელებს პროექტს, რომლის მიზანია კრიზისულ სიტუაციებში მდგრადი სათემო ჯგუფების შექმნის და რეაგირების გამოცდილების შესწავლა.  კერძოდ, საქართველოსა და რუმინეთში ტარდება საზოგადოებრივი ორგანიზაციების მიერ უკრაინელი ხალხის დასახმარებლად განხორციელებული ღონისძიებების კვლევა, რომლის მიზანია, აღნიშნულ პროცესებში სამოქალაქო სექტორსა და ხელისუფლებას შორის თანამშრომლობის მაგალითების შესწავლა–გაანალიზება და გამოწვევების გამოვლენა.  პროექტის – „კრიზისულ სიტუაციებში მდგრადი სათემო ჯგუფების შექმნა. საქართველოს და რუმინეთის სამოქალაქო საზოგადოების გამოცდილება“ (Building Resilient Communities in Crisis Situations. The Romanian and Georgian civil society experience) – პარტნიორი საქართველოდან სამოქალაქო საზოგადოების ინსტიტუტია და ხორციელდება რუმინული არასამთავრობო ორგანიზაციების განვითარების პლატფორმის (FOND) მიერ, ევროკავშირის მხარდაჭერით. ვიდეოები... 

თბილისი. 13 დეკემბერს, ინფორმაციის თავისუფლების განვითარების ინსტიტუტმა (IDFI) საერთაშორისო კონფერენცია „კარგი მმართველობის ფორუმი 2022“ გამართა. ფორუმის თემა იყო დეცენტრალიზაციის მხარდაჭერა/დაჩქარება: კარგი პრაქტიკები და ინოვაციური მიდგომები. კონფერენციის ფარგლებში მიმოიხილეს დეცენტრალიზაციის რეფორმის გლობალური ტენდეციები, კარგი პრაქტიკები და საჭიროებები აღმოსავლეთ ევროპის ქვეყნებისთვის, ასევე, ის ინოვაციური მეთოდები, რომლებიც დაგვეხმარება არსებული გამოწვევების გასამკლავებლად ადგილობრივ დონეზე დემოკრატიული პრინციპებისა და დეცენტრალიზაციის რეფორმების განსახორციელებლად. ვრცლად... წყარო: idfi.ge

სამცხე-ჯავახეთი. დემოკრატ მესხთა კავშირის ორგანიზებით, ახალციხეში USAID/Georgia-ის პროგრამის „ერთიანობა მრავალფეროვნებაშია” გახსნითი ღონისძიება გაიმართა. USAID 5 წლიანი პროგრამა „ერთიანობა მრავალფეროვნებაშია” ემსახურება მოქალაქეთა სამოქალაქო ინტეგრაციასა და ეკონომიკურ გაძლიერებას. მიზნად ისახავს უმცირესობების ჩართულობის გაზრდას საჯარო პოლიტიკის ყველა საკითხში, სექტორთა თანამშრომლობის გზით მათი ეკონომიკური ინტეგრაციის ხელშეწყობას და სოციალური, სამოქალაქო და ეკონომიკური კავშირების გაძლიერებას უმცირესობასა და უმრავლესობას შორის. პროგრამას USAID -ის ფინანსური მხარდაჭერით ახორციელებს საქართველოს გაეროს ასოციაცია პარტნიორ ორგანიზაციებთან ერთად. ახალციხესა და ახალქალაქში პროგრამის პარტნიორი დემოკრატ მესხთა კავშირი. სრულად... წყარო: ორგანიზაციის გვერდი სოციალურ ქსელში

ბელგია. 5-8 დეკემბერს, სამოქალაქო საზოგადოების ორგანიზაციების წარმომადგნელები ვიზიტით ბრიუსელში იმყოფებოდნენ. ევროპულ სტრუქტურებში შეხვედრები გაიმართა ასოცირებით ნაკისრი ვალდებულებებისა და ევროკომისიის 12 რეკომენდაციის შესახებ. ფონდ „ღია საზოგადოება საქართველოს“ ხელმძღვანელობით, სამოქალაქო საზოგადოების სხვადასხვა ორგანიზაციები, 2014 წლიდან მონიტორინგს უწევენ და ნაკისრი ვალდებულებების შესრულების მონიტორინგის შედეგებს აცნობენ ევროკავშირის ინსტიტუტებს, ასოცირების ხელშეკრულებისა და ასოცირების დღის წესრიგის შესრულების შესახებ. შეხვედრებზე ყურადღება გამახვილდა იმ სფეროებზე, რაც ფუნდამენტურია ქვეყნის წინსვლისა და განვითარებისთვის. სრულად... წყარო: osgf.ge

იმერეთი. 9 დეკემბერს, ევროკავშირის მხარდაჭერით და იმერეთის რეგიონული ჰაბის „ადგილობრივი დემოკრატიის სააგენტო საქართველოს (LDA Georgia)“ ორგანიზებით, გაიმართა საჯარო კონსულტაცია თემაზე „სამოქალაქო საზოგადოების როლი ღია მმართელობის პარტნიორობის (OGP) განხორციელების პროცესში“. შეხვედრაზე მოწვეულ სპიკერებთან და დამსწრე საზოგადოებასთან ერთად იმსჯელეს ღია მმართველობის პარტნიორობის (OGP) ძირითად პრინციპებსა და მიზნებზე. საჯარო კონსულტაცია გაიმართა ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. 13 დეკემბერს, 13:00 საათზე, ინფორმაციის თავისუფლების განვითარების ინსტიტუტი (IDFI) გამართავს საერთაშორისო ჰიბრიდულ კონფერენციას - კარგი მმართველობის ფორუმი 2022 (GG Forum 2022). ფორუმის თემაა დეცენტრალიზაციის მხარდაჭერა/დაჩქარება: კარგი პრაქტიკები და ინოვაციური მიდგომები.  კონფერენცია მიმოიხილავს დეცენტრალიზაციის რეფორმის გლობალურ ტენდეციებს, კარგ პრაქტიკებს და საჭიროებებს აღმოსავლეთ ევროპის ქვეყნებისთვის, ასევე, იმ ინოვაციურ მეთოდებს, რომლებიც დაგვეხმარება არსებული გამოწვევების გასამკლავებლად ადგილობრივ დონეზე დემოკრატიული პრინციპებისა და დეცენტრალიზაციის რეფორმების განსახორციელებლად. გაეცანით კარგი მმართველობის ფორუმის თემებსა და მომხსენებლებს... სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, ინოვაციების გლობალური ინდექსის 2022 წლის შედეგებით, საქართველოს რეიტინგი 2021 წელთან შედარებით 11 პოზიციით გაუარესდა, 63-ე ადგილიდან 74-ე ადგილზე გადაინაცვლა და წინა წლებთან შედარებით ყველაზე დაბალი, 27.9 ქულა დააგროვა. აღნიშნული უკუსვლა ბევრად უფრო თვალსაჩინოა იმის გათვალისწინებით, რომ 2019 წელს საქართველო 37 ქულით 48-ე ადგილს იკავებდა. ინოვაციების გლობალური ინდექსი (GII) 130-მდე ქვეყანას აფასებს ინოვაციური შესაძლებლობების მიხედვით. GII მიზნად ისახავს ინოვაციურობის ყოვლისმომცველ ანალიზს ინოვაციური დანახარჯების (inputs) და პროდუქტების (outputs) გათვალისწინებით. შეფასება ეყრდნობა 80-მდე ინდიკატორს 7 თემატური კატეგორიის გარშემო. სრულად... წყარო: idfi.ge

თბილისი. სოციალური სამართლიანობის ცენტრი მადლობას უხდის ნინო ლომჯარიას, საქართველოს სახალხო დამცველის მანდატის ფარგლებში დამოუკიდებელი, გაბედული და საზოგადოებრივ საჭიროებებზე ორიენტირებული საქმიანობისათვის. „თანამდებობის დაკავების მომენტიდან, მწვავე პოლიტიკური პოლარიზაციის პირობებში, სახალხო დამცველსა და მის აპარატს მკაფიო, მიუკერძოებელი და სამართლიანი პოზიციები ჰქონდა ქვეყანაში ადამიანის უფლებების დარღვევის პრაქტიკებთან და ფაქტებთან დაკავშირებით. ნინო ლომჯარიამ წარმოაჩინა სახალხო დამცველის, როგორც დამოუკიდებელი საზედამხედველო ინსტიტუტის მნიშვნელობა და მისი როლი სამოქალაქო საზოგადოებაში.  იგი ყოველთვის გამოთქვამდა ღიაობას ეთანამშრომლა ადგილობრივ საზოგადოებრივ ორგანიზაციებთან, მოეცვა საზოგადოებრივ დღის წესრიგში მდგომი ბევრი  მწვავე და სენსიტიური საკითხი, რაც არსებული პოლიტიკური პროცესების ფონზე, დიდ გამბედაობასთან იყო  დაკავშირებული“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სამოქალაქო საზოგადოების ორგანიზაციები მადლობას უხდიან სახალხო დამცველს, ნინო ლომჯარიას და აპარატის თანამშრომლებს. „თანამდებობაზე ყოფნის დროს თქვენ პირნათლად ასრულებდით კანონით დაკისრებულ პასუხისმგებლობას – ზედამხედველობდით საქართველოში ადამიანის უფლებების დაცვას. ამ პასუხისმგებლობას თქვენ სათანადოდ ეკიდებოდით და იცავდით იმ ადამიანების უფლებებს, ვინც ყველაზე დაუცველია და ვისთვისაც სახალხო დამცველის ინსტიტუტი უკანასკნელი იმედი გახდა. განსაკუთრებით ხაზი გვინდა გავუსვათ თქვენს შეუპოვრობას - თქვენს წინააღმდეგ მიმართული ორკესტრირებული და ორგანიზებული მრავალი კამპანიის მიუხედავად, რომელთა უკან ანტიქართული, ანტიდასავლური და პრორუსული ძალები იდგნენ, რომელთა მიზანი პირადად თქვენი, სახალხო დამცველის ინსტიტუტისა და ადამიანის უფლებათა უნივერსალობის პრინციპის დისკრედიტაცია და გაშავება იყო, თქვენ შეინარჩუნეთ დამოუკიდებლობა, პროფესიონალიზმი და შეუპოვრობა, და გააგრძელეთ ბრძოლა საქართველოში ადამიანის უფლებებისა და ჩვენი ქვეყნის ევროპული მომავლის დასაცავად. მადლობა თქვენი და თქვენი გუნდის საქმიანობისთვის - თქვენს შემცვლელს სახალხო დამცველის საქმიანობის სამაგალითო და ძალიან მაღალი სტანდარტი დაუტოვეთ“, ნათქვამია ორგანიზაციის ვებგვერდზე. სრულად... წყარო: isfed.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. 13 დეკემბერს, 13:00 საათზე, ინფორმაციის თავისუფლების განვითარების ინსტიტუტი (IDFI) გიწვევთ საერთაშორისო ჰიბრიდულ კონფერენციაზე „კარგი მმართველობის ფორუმი 2022“. ფორუმის თემაა დეცენტრალიზაციის მხარდაჭერა/დაჩქარება: კარგი პრაქტიკები და ინოვაციური მიდგომები. კონფერენციის მიზანია მიმოვიხილოთ დეცენტრალიზაციის რეფორმის გლობალური ტენდეციები, კარგი პრაქტიკები და საჭიროებები აღმოსავლეთ ევროპის ქვეყნებისთვის, ასევე, ის ინოვაციური მეთოდები, რომლებიც დაგვეხმარება არსებული გამოწვევების გასამკლავებლად ადგილობრივ დონეზე დემოკრატიული პრინციპებისა და დეცენტრალიზაციის რეფორმების განსახორციელებლად. ამ მიზნით, ღონისძიება გეგმავს ადგილობრივი და საერთაშორისო ექსპერტებისა და დაინტერესებული პირების ჩართულობით გამართოს დისკუსიები ისეთ საკითხებზე, როგორიცაა: დეცენტრალიზაციის რეფორმა, მუნიციპალიტეტების გამჭვირვალობა და ანგარიშვალდებულება, ადგილობრივ დონეზე გადაწყვეტილების მიღების პროცესში სამოქალაქო ჩართულობა, მუნიციპალიტეტების გაციფრულება და ადგილობრივი სერვისების მიწოდება. სრულად... კონფერენციაზე დასასწრებად დარეგისტრირდით 12 დეკემბრამდე შემდეგ ბმულზე... წყარო: ორგანიზაციის გვერდი სოციალურ ქსელში

ბარბარე ჯორჯაძის სახელობის 2022 წლის პრემია, ქალთა უფლებადამცველ, ახალგაზრდა იურისტთა ასოციაციის კახეთის ოფისის ხელმძღვანელს, მარეხ მგალობლიშვილს გადაეცა. საია ულოცავს ორგანიზაციის ერთგულ თანამშრომელს მნიშვნელოვანი პრემიის მიღებას. მარეხი წლებია საია-ს კახეთის ოფისს ხელმძღვანელობს და ადამიანის უფლებების დასაცავად იბრძვის.  პრემია კახეთის რეგიონული განვითარების ფონდმა 2021 წელს დააფუძნა და მისი მიზანია რეგიონში მომუშავე ქალთა უფლებადამცველების წახალისება მოხდეს. სრულად... წყარო: ორგანიზაციის გვერდი სოციალურ ქსელში

კახეთი. კახეთში, პროექტის „სამოქალაქო საზოგადოების განვითარების ინიციატივა“ ფარგლებში, ჰაბების საკოორდინაციო შეხვედრა გაიმართა. ჰაბები რეგიონული პლატფორმებია, რომლებიც ხელს უწყობენ ინფორმაციის, გამოცდილების, შესაძლებლობების გაზიარებას. კერძოდ, ისინი ავრცელებენ ინფორმაციას რეგიონში პროექტის აქტივობების შესახებ, ურთიერთობენ ადგილობრივ აქტორებთან (სსო-ებთან, თვითმმართველობასთან, ადგილობრივ ბიზნესთან, მედიასთან, მოხალისეებთან, ახალგაზრდებთან და ა.შ.) საკოორდინაციო შეხვედრების მიზანია განიხილონ პროექტის სინერგიები და გამოწვევები, STAR კონსორციუმის სტრატეგიული ხედვა. „სამოქალაქო საზოგადოების განვითარების ინიციატივა“ დაფინანსებულია ევროკავშირისა და კონრად ადენაუერის ფონდის მიერ. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

აშშ-ის საერთაშორისო განვითარების სააგენტომ (USAID) გამოაქვეყნა საზოგადოებრივი ორგანიზაციების განვითარების ინდექსი. ანგარიში ფარავს 2021 წელს და ეხება სსო-ების  მდგრადი განვითარების მიღწევებსა და რეგრესს 7 ძირითად კომპონენტის მიხედვით: სამართლებრივი გარემო, ორგანიზაციული ქმედუნარიანობა, ფინანსური მდგრადობა, ადვოკატირება, სერვისის უზრუნველყოფა, ინფრასტრუქტურა და საზოგადოებრივი იმიჯი.  ინდექსი სასარგებლო წყაროა ყველასთვის, ვისაც სურს მონიტორინგი გაუწიოს და უკეთ ჩაწვდეს სსო სექტორის განვითარების ძირითად ასპექტებს.  სრულად...  წყარო: www.fhi360.org

უკვე ცნობილია „ეს ქვეყანა შენიას“ ახალგაზრდული კონკურსის გამარჯვებულები. კონკურსში მონაწილეობას იღებდნენ საჯარო სკოლებისა და საინიციატივო ჯგუფების 500–მდე ახალგაზრდა. გამარჯვებულებს ვულოცავთ წარმატებას, თითოეულ მონაწილეს კი მადლობას ვუხდით კონკურსში მონაწილეობისთვის. გამარჯვებულები: თბილისი – ახალგაზრდების საინტიციატივო ჯგუფი • ელენე ფილფანი • ანი კახიძე • ლიკა გოდერძიშვილი • ვიკა კახიძე • თამო ტოტიკაშვილი შიდა ქართლი – ახალგაზრდების საინიციატივო ჯგუფი (გორი) • გიორგი ტალახაძე • ვალერი მეტრეველი • ნინო კასრაძე ქვემო ქართლი – რუსთავის #16 საჯარო სკოლა • ბარბარე ლაზარიაშვილი • თემური კვიჟინაძე • ქრისტინე დვალიშვილი • ლელა მამულაძე • ნინო სადაღაშვილი • ამირან ჯანჯღავა (ჯგუფის ხელმძღვანელი) სამცხე–ჯავახეთი – ადიგენის საინტიატივო ჯგუფი • სოფო მსხვილიძე • თამთა მსხვილიძე • თათია მსხვილიძე • სალომე მსხვილიძე • საბა მსხვილიძე მცხეთა–მთიანეთი – წეროვნის #3 საჯარო სკოლა • მარიამ ცისკარიძე • მარი თვაური • თამარი ბუთხუზი • ნინო კობაური • ანი ცინცაძე (ჯგუფის ხელმძღვანელი) კახეთი – რუისპირის საინიციატივო ჯგუფი • ნაზი ღარიბაშვილი • მარიამ ღარიბაშვილი • მერი მოსახლიშვილი გურია – ჩოხატაური, სოფელ ფარცხმას საჯარო სკოლა • ოთარ მუშარბაძე • ლიზი სიხარულიძე • ლიკა ეზიეშვილი. • ლუკა კიკვაძე • ნინო მარკოიძე • მარიკა ქურიძე (ჯგუფის ხელმძღვანელი) აჭარა – ბათუმის საინიციატივო ჯგუფი • ნიაზ ჩიტიძე • მარიამ ჩხაიძე • გიგა მაგრაქველიძე • მარიამ პაქსაძე • ლიზი ძნელაძე სამეგრელო – ფოთის #2 საჯარო სკოლა • ნიკა ქაჯაია • ბარბარე უგრეხელიძე • ნინი უბირია • შალვა სარდალიშვილი (ჯგუფის ხელმძღვანელი) იმერეთი – ქუთაისის მე–2 საჯარო სკოლა • ანი ჭიჭუეიშვილი • ანანო ჩოგოვაძე • ლილე ჭეიშვილი • ნია გოგსაძე • მარიამ კაპანაძე • ნინო თევდორაძე (ჯგუფის ხელმძღვანელი) სპეციალური პრიზი • ნინო გოშაძე • გვანცა მოლაშვილი • ვენერა ალექსანიანი • ზურაბ მაჭარაშვილი

ბრიუსელი. საქართველოს ახალგაზრდა იურისტთა ასოციაცია (საია) დემოკრატიული ინსტიტუტების მხარდაჭერის პროგრამის დირექტორმა, ნანუკა ყრუაშვილმა, ბრიუსელში ვიზიტის ფარგლებში ევროკომისიის, ევროპარლამენტის და ევროკავშირის საგარეო ქმედებათა სამსახურის წარმომადგენლებთან შეხვედრები გამართა.  ორგანიზაციის წარმომადგენელმა საერთაშორისო პარტნიორებთან საქართველოს ევროინტეგრაციის და ევროპული პერსპექტივის, აგრეთვე წევრობის კანდიდატის სტატუსის მოპოვების შესახებ ისაუბრა. დისკუსია, ასევე, ეხებოდა საქართველოს ევროკავშირთან დაახლოვებისთვის საჭირო, არჩევნებისა და მართლმსაჯულების მიმართულებით გასატარებელ რეფორმებს. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) და ელექტრონული მმართველობის აკადემიამ (ესტონეთი) არასამთავრობო ორგანიზაციების წარმომადგენლების მიერ მომზადებული საპროექტო წინადადებების პრეზენტაცია გამართეს, რომლებიც საქართველოში ციფრული მოწყვლადობის აღმოფხვრას ისახავს მიზნად. ციფრულ გამოწვევებზე საპასუხოდ შექმნილი საპროექტო იდეები წარმოადგინეს შემდეგმა ორგანიზაციებმა: კიბერუსაფრთხოების ეროვნული ასოციაცია, მონაცემთა ანალიზის ლაბორატორია, ინოვაციური განათლების ფონდი/ილიას სახელმწიფო უნივერსიტეტი, სამოქალაქო საზოგადოების ინსტიტუტი (CSI), მწვანე ალტერნატივა, საფარი, ჩართე, ტელეკომ ოპერატორების ასოციაცია, მშობლები განათლებისთვის და საქართველოს რეფორმების ასოციაცია (GRASS). შერჩეული საპროექტო წინადადება ფინანსურ მხარდაჭერას მიიღებს, რომელიც სამოქალაქო-ტექნიკური ინიციატივის, ან საპილოტე პროექტის სახით 2023 წლის ივლისამდე განხორციელდება. სრულად... წყარო: idfi.ge