თბილისი. სოციალური სამართლიანობის ცენტრი მიიჩნევს, რომ იუსტიციის სამინისტროში ნამახვანის ხელშეკრულების ხელახალი შეფასებისთვის კერძო იურიდიული ფირმის შერჩევის შედეგებმა საბოლოოდ დაადასტურას მთავრობის მიერ ინიცირებული ამ პროცესის არასანდოობა. „გამართლდა ის რისკები, რაც, ჩვენი შეფასებით, იურიდიული კომპანიის გამარტივებული შესყიდვის გზით უკანონოდ და გაუმჭვირვალედ შერჩევას ახლდა თან“, - ვკითხულობთ ორგანიზაციის მიერ გავრცელებულ განცხადებაში, - „კერძოდ, შერჩეული საერთაშორისო იურიდიული ფირმის, “CMS Cameron McKenna Nabarro Olswang LLP”-ის ადგილობრივი კონსულტანტი იუსტიციის მინისტრის მოქმედი პირველი მოადგილის, თამარ ტყეშელაშვილის სახელთან მჭიდროდ დაკავშირებული იურიდიული კომპანია MKD იქნება, რაც მიუკერძოებელი და დამოუკიდებელი შეფასებისთვის ნდობის საფუძველს არ ქმნის. Შეფასება კი FIDIC-ის (“კონსულტანტი ინჟინრების საერთაშორისო ფედერაცია”) სტანდარტებთან მიმართებით წარიმართება, რაც ნამახვანის ხელშეკრულებისგან აბსოლიტურად განსხვავებული სამართლებრივი ურთიერთობის მარეგულირებელი სტანდარტით შეფასებას იგულისხმებს და შეფასების თავდაპირველ საჭიროებასა თუ მიზნობრიობას ვერ პასუხობს“. სრულად...  წყარო: ორგანიზაციის ვებგვერდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. „ინფორმაციის თავისუფლების განვითარების ინსტიტუტი“, გენერალური პროკურორის არჩევის წესის ცვლილებასთან დაკავშირებით, განცხადებას ავრცელებს. „2021 წლის 7 სექტემბერს საქართველოს პარლამენტმა პირველი მოსმენით, 126 ხმით საკონსტიტუციო ცვლილებებს მხარი დაუჭირა. სამწუხაროდ, კონსტიტუციური კანონის პროექტიდან ამოღებულ იქნა გენერალური პროკურორის კვალიფიციური უმრავლესობით არჩევასთან დაკავშირებული საკითხი, რაც მომავალში მხოლოდ ერთი პარტიის მიერ მისი არჩევის რისკს შეამცირებდა და უწყების დამოუკიდებლობისა და ნეიტრალიტეტის გაძლიერების კუთხით წინგადადგმული ნაბიჯი იქნებოდა. დღეს მოქმედი კანონმდებლობით, გენერალურ პროკურორს საპროკურორო საბჭოს წარდგინებით პარლამენტი სრული შემადგენლობის უმრავლესობით ირჩევს“, - აღნიშნულია განცხადებაში. სრულად...  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია პარლამენტის მიერ მიღებულ საკანონმდებლო ცვლილებებს ეხმიანება.  „გენერალური პროკურორის კვალიფიციური უმრავლესობით არჩევის იმ შეთანხმების ნაწილია, რომელიც ევროპული საბჭოს პრეზიდენტის შარლ მიშელის მედიაციის შედეგად 19 აპრილს ხელიუსფლებსა და ოპოზიციას შორის გაფორმდა და რომელიც ცოტა ხნის წინ მმართველმა გუნდმა ცალმხრივად გამოაცხადა ანულირებულად“, - ნათქვამია საია-ს მიერ გავრცელებულ განცხადებაში, - „საია მხარს უჭერდა გენერალური პროკურორის არჩევისთვის საჭირო მარტივი უმრავლესობის კვალიფიციურ უმრავლესობით შეცვლას. ეს მნიშვნელოვნად გაზრდიდა შანსს, თანამდებობაზე დანიშნულიყო პირი, რომელიც ფართო პოლიტიკური კონსესუსით, ისევე როგორც, მაღალი საზოგადოებრივი ნდობით ისარგებლებდა. ქვეყნის კონსტიტუციაში ძალაუფლებისა და პასუხისმგებლობის გაზიარებაზე ორიენტირებული ახალი პროცედურა გაჩნდებოდა. სამწუხაროდ მმართველმა გუნდმა უარი თქვა ამ ცვლილებაზე, რაც მართლმსაჯულების სისტემაზე პოლიტიკურ კონტროლს შენარჩუნების სურვილით არის ნაკარნახევი“.  სრულად...   წყარო: ორგანიზაციის ვებგვერდი

თბილისი. სოციალური სამართლიანობის ცენტრი მოუწოდებს საქართველოს პარლამენტს, განაახლოს მსჯელობა პროკურატურის და, ზოგადად, მართლმსაჯულების სისტემურ რეფორმაზე და ამ პროცესში გაითვალისწინოს სამოქალაქო ორგანიზაციების და საერთაშორისო პარტნიორების შეფასებები და რეკომენდაციები. „კონსტიტუციური კანონის პროექტიდან, გენერალური პროკურორის არჩევასთან დაკავშირებული საკითხების ამოღება, კიდევ ერთხელ მიუთითებს იმაზე, რომ მმართველ ძალას არ სურს სამართალდამცავ და მართლმსაჯულების სისტემებზე პოლიტიკური კონტროლის შემცირება. აღნიშნული გადაწყვეტილება ამცირებს პროკურატურის უწყების დემოკრატიზაციის და პოლიტიკური ნეიტრალიტეტის პერსპექტივას“, - ვკითხულობთ ორგანიზაციის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ შემაშფოთებლად მიიჩნევს ქართული ოცნების სურვილს საკონსტიტუციო ცვლილებები გენერალური პროკურორის არჩევის წესის ცვლილების გარეშე მიიღოს.  „პროგრესული ცვლილებების უარყოფითა და არსებული წესის ძალაში დატოვებით ქართული ოცნება მართლმსაჯულების სისტემაზე სრული კონტროლის შენარჩუნებას ცდილობს“, - მიიჩნევენ ორგანიზაციაში“, - „ქართული დემოკრატიისა და პოლიტიკური სტაბილურობის ერთ-ერთ მთავარ გამოწვევად პროკურატურისა და მართლმსაჯულების ინსტიტუტების დეპოლიტიზირება და ამ უწყებების პარტიული გავლენებისგან გათავისუფლება რჩება. პარლამენტის მიერ კვალიფიციური უმრავლესობით გადაწყვეტილების მიღება ხელს შეუწყობს პოლიტიკური გავლენებისაგან თავისუფალი, საზოგადოებრივი ნდობისა და მაღალი პროფესიული რეპუტაციის მქონე გენერალური პროკურორის არჩევას. კვალიფიციური უმრავლესობით გენერალური პროკურორის არჩევას ვენეციის კომისიაც უწევს რეკომენდაციას. შესაბამისად, საკონსტიტუციო ცვლილებების ჩაგდებით კიდევ უფრო მეტად შეფერხდება ქვეყანაში დემოკრატიული პროცესები, რაც მმართველი პოლიტიკური ძალის პასუხისმგებლობა იქნება“.  სრულად...   წყარო: ორგანიზაციის ვებგვერდი

აღმოსავლეთ პარტნიორობის პლათფორმა აგროვებს ინფორმაციას აღმოსავლეთ პარტნიორობის ქვეყნებში სამოქალაქო საზოგადოების საჭიროებების შესახებ... მიღებული შედეგები დაეხმარება ორგანიზაციას უკეთ განსაზღვროს სამომავლო შეთავაზებები. ამისთვის სსო-ებსა და სამოქალაქო აქტივისებს სპეციალური კითხვარის შევსებას სთავაზობენ. „ქვემოთ მოყვანილი გამოკითხვაში მონაწილეობით თქვენ დაგვეხმარებით უკეთ გავიგოთ თუ რა ესაჭიროებათ სსო-ებსა და აქტივისეტებს აზერბაიჯანიდან, სომხეთიდან, ბელაურუსიდან, საქართველოდან, მოლდოვადან, უკრაინიდან. თქვენ დაგვეხმარებით უკეთ მოვახდინოთ ჩვენი საქმიანობისა და შესაძლებლობების ადაპტირება იმ საკითხებთან, რომელსაც უახლოესი სამწელიწადნახევრის განმავლობაში შემოგთავაზებთ“, - აღნიშნულია პლათფორმის ვებგვერდზე განთავსებულ ონფორმაციაში. კითხვარი ხელმისაწვდომია როგორც ინგლისურ, ისე - რუსულ ენებზე. სრულად...  წყარო: ორგანიზაციის ვებგვერდი

თბილისი. IDFI-ის ჩართულობითა და USAID-ის პროექტის დემოკრატიული მმართველობის ინიციატივა საქართველოში (USAID GGI) მხარდაჭერით, თბილისის მერიამ შეიმუშავა და დაამტკიცა კონცეფცია, რომლის საფუძველზეც ღია მონაცემების პორტალი უნდა შეიქმნას.  პორტალის კონცეფციასთან ერთად, მომზადდა პორტალის დეტალური ტექნიკური აღწერა. პორტალის შექმნა ღია მმართველობის ინიციატივის (OGP) თბილისის მერიის სამოქმედო გეგმის ერთ-ერთი ვალდებულებაა, რომლის შესრულება წინ გადადგმული ნაბიჯი იქნება უწყების გამჭვირვალობისა და ანგარიშვალდებულების მიმართულებით.  ღია მონაცემების პორტალის დანერგვის შემდეგ, მასზე განთავსებული ბაზები ხელმისაწვდომი იქნება ყველასთვის - ბიზნესისთვის, აკადემიისთვის, მედიისა და ნებისმიერი დაინტერესებული მოქალაქისთვის. მონაცემების გასაჯაროებით თბილისის მერია ხელს შეუწყობს ინოვაციური, მოქალაქეების საჭიროებებზე ორიენტირებული სერვისების შექმნას.  სრულად...   წყარო: ორგანიზაციის ვებგვერდი

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა (საქართველოს ეროვნული პლატფორმა) შეშფოთებულია საქართველოს მთავრობის არათანმიდევრული პოლიტიკით.  „მიუღებლად მიგვაჩნია საქართველოს მთავრობის მხრიდან, პოლიტიკურად სახიფათო, ხელისუფლების ინტერესებს მორგებული და სახელმწიფოსთვის საზიანო, ნაბიჯის გადადგმა, რომელიც ამავდროულად ეწინააღმდეგება საქართველოს ევროატლანტიკურ პერსპექტივას.  მითუმეტეს, იმის გათვალისწინებით, რომ რუსეთის ფედარციისგან მომდინარე საფრთხეები რეგიონში ბოლო პერიოდში განვითარებული მოვლენების ფონზე საგანგაშოა. ჩვენ ყურადღებით ვაკვირდებით რუსეთის ფედერაციის, როგორც ხისტი ასევე რბილი ძალის მნიშვნელოვან უარყოფით გავლენას საქართველოს საზოგადოებაზე და მიგვაჩნია, რომ ერთადერთი გამოსავალი ევროატლანტიკური არჩევანი და მისკენ მიმავალი, ქვეყნის მოქალაქეებისთვის სიკეთის მომტანი რეფორმების გზაა.  ვფიქრობთ, რომ ევროკავშირმა უნდა მოახდინოს სამოქალაქო სექტორის კიდევ უფრო გაძლიერება, იმ ფონზე, როდესაც საქართველოს მთავრობა გარკვეულ არათანმიდევრულობას იჩენს ევრო-ატლანტიკური ინტეგრაციის მიმართულებით“, - აღნიშნულია ორგანიზაციის მიერ გავრცელებულ განცხადებაში.  სრულად...  წყარო: hrc.ge

თბილისი. სამოქალაქო პლატფორმა „არა-ფობიას!“ უკიდურესი აღშფოთებით ეხმაურება საქართველოს პრემიერ-მინისტრის, ირაკლი ღარიბაშვილის, 2021 წლის 3 სექტემბრის განცხადებას.  „ირაკლი ღარიბაშვილის თქმით, 2021 წლის 5 ივლისს დაგეგმილი „ღირსების მარში“, წარმოადგენდა არა LGBTQ+ წევრთა შეკრებისა და მანიფესტაციის უფლების რეალიზების ფორმას, არამედ ნაციონალური მოძრაობის მიერ დაგეგმილ პროვოკაციას, საქართველოს სახელმწიფოებრიობის წინააღმდეგ მიმართულ, კარგად ორგანიზებულ მზაკვრულ შეთქმულებას. აღსანიშნავია ისიც, რომ საქართველოს პრემიერ-მინისტრი ძალადობრივი ჯგუფების მიერ განხორციელებულ ქმედებებს ნეგატიურად აფასებს მხოლოდ ჟურნალისტების მისამართით გამოვლენილი აგრესიის კონტექსტში, თუმცა ლიბერალურ-დემოკრატიულ სახელმწიფოსთან შეუსაბამოდ არ მიიჩნევს თავისთავად იმ ფაქტს, რომ LGBTQ+ თემის წარმომადგენლებმა ვერ ისარგებლეს შეკრებისა და მანიფესტაციის თავისუფლებით, სახელმწიფომ კი კონსტიტუციით მასზე დაკისრებული პოზიტიური ვალდებულების ფარგლებში, არ უზრუნველყო მათი უსაფრთხოება. ამასთან, ადგილობრივი თვითმმართველობის არჩევნების წინ, საზოგადოების გარკვეულ წრეებში არსებული მძლავრი ჰომოფობიური განწყობის ფონზე პრემიერ-მინისტრის განცხადება შეიცავს დასავლურ ღირებულებებთან შეუსაბამო პოპულიზმის ელემენტებს, რითაც იგი ჰომოფობიურ განწყობებს, ფაქტობრივად, პოლიტიკური ბრძოლის ინსტრუმენტად აქცევს“, - ვკითხულობთ პლათფორმის მიერ გავრცელებულ განცხადებაში.  სრულად...   წყარო: gdi.ge

თბილისი. „სოციალური სამართლიანობის ცენტრი“ აცხადებს, რომ თბილისის მერია და არქიტექტურის სამსახური ყოფილი იპოდრომის ტერიტორიაზე ასაშენებელი ცენტრალური პარკის დოკუმენტაციას უკანონოდ ასაიდუმლოებენ.  „თბილისის მერია და არქიტექტურის სამსახური ყოფილი იპოდორიმის ტერიტორიაზე პარკის სამშენებლო დოკუმენტაციას არ ასაჯაროებენ, რაც კიდევ უფრო აღრმავებს ეჭვებს პროექტის უკანონობასა და ქალაქის საჯარო ინტერესებთან მისი შეუთავსებლობის შესახებ. ჩვენს მიერ გამოთხოვილი ინფორმაცია, კანონმდებლობის მიხედვით, საჯარო ინფორმაციაა და მათზე წვდომის უზრუნველყოფა სახელმწიფოს პასუხისმგებლობაა. სოციალური სამართლიანობის ცენტრი, საჯარო ინფორმაციის გაუცემლობის საფუძვლით, თბილისის მერიისა და არქიტექტურის სამსახურის წინააღმდეგ სასამართლოს მიმართავს“, - ვკითხულობთ ორგანიზაციის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. სოციალური სამართლიანობის ცენტრი უკიდურესად კრიტიკულად აფასებს ხელისუფლების მიერ საერთაშორისოდ ნაკისრი ვალდებულებების შესრულებისგან დემონსტრაციულ თავის არიდებას და მიიჩნევს, რომ ეს გადაწვეტილებები არსებითად აზიანებს ქვეყნის დემოკრატიულ განვითარებას და ევროპული ინტეგრაციის პროცესს.  „ბოლო კვირებში ხელისუფლების მიერ მიღებული გადაწყვეტილებები, რომელიც ევროკავშირისა და სხვა საერთაშორისო პარტნიორების აქტიური მოდერაციით და მხარდაჭერით მიღწეული 2021 წლის 19 აპრილის შეთანხმებიდან გასვლაში, სასამართლო სისტემის რეფორმის ჩავარდნასა და ევროკავშირის შეღავათიანი მაკროფინანსური დახმარებაზე პოლიტიკურად მოტივირებულ უარში გამოიხატა, ქვეყნის გეოპოლიტიკური იზოლაციისა და არადემოკრატიული მმართველობის გაფორმების უკიდურესად შემაშფოთებელ ნიშნებს შეიცავს“, - ვკითხულობთ ორგანიზაციის მიერ გავრცელებულ განცხადებაში.  სრულად...   წყარო: ორგანიზაციის ვებგვერდი

თბილისი. საქართველოში მოქმედი საზოგადოებრივი ორგანიზაციები ევროკავშირის დახმარების მიღებასთან დაკავშირებით პრემიერის მიერ გაკეთებულ განცხადებას ეხმიანებიან.  „ხელმომწერი ორგანიზაციები შეშფოთებას გამოხატავენ საქართველოს პრემიერმინისტრის განცხადებასთან დაკავშირებით, რომ ხელისუფლება “თავს იკავებს” ევროკავშირის 75 მილიონიანი დახმარების მიღებისაგან, რაც წარმოადგენს ერთმნიშვნელოვან უარს სასამართლო სექტორში განსახორცელებელ რეფორმებზე და საქართველოს ევრო-ატლანტიკური კურსიდან გადახვევის ღია დეკლარირებაა“, - აღნიშნულია განცხადებაში.  სრულად...  წყარო: osgf.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საზოგადოებრივი ორგანიზაციების ვებ-პორტალი – www.csogeorgia.org – მადლობას უხდის მომხმარებელს და სექტემბრამდე ემშვიდობება. დაგველოდეთ, ჩვენ მალე დავბრუნდებით...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. 6 აგვისტოს, განათლების განვითარების და დასაქმების ცენტრმა (EDEC), პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რეგიონულ ჰაბებთან ონლაინ შეხვედრა გამართა. შეხვედრის მიზანი იყო ახალგაზრდული საბჭოების შექმნისა და განვითარებისთვის დაგეგმილი აქტივობების წარდგენა და განხილვა. სრულად... წყარო: ორგანიზაციის გვერდი სოციალურ ქსელში

აჭარა. საერთაშორისო გამჭვირვალობა - საქართველოს უფასო იურიდიული მომსახურების შედეგად, მოქალაქემ შეძლო, მრავალწლიანი ცდის შემდეგ, მიწის ნაკვეთი და მასზე მოწყობილი საკალმახე მეურნეობა საკუთრებაში დაერეგისტრირებინა.  წყარო: ორგანიზაციის გვერდი სოციალურ ქსელში

30 ივლისიდან და I აგვისტოს ჩათვლით, ინფორმაციის თავისუფლების განვითარების ინსტიტუტის (IDFI) თანამშრომლებისა და სამეთვალყურეო საბჭოს წევრების გასვლითი სამუშაო შეხვედრა გაიმართა. „შეხვედრის ფარგლებში ორგანიზაციის მიმართულების ხელმძღვანელებმა დაგეგმეს სამუშაო წელი და დეტალურად განიხილეს განსახორციელებელი აქტივობები. ასევე, სამეთვალყურეო საბჭოს წევრებისთვის წარადგინეს ანგარიში, რომელიც ორგანიზაციის მიერ 2020 წელს მიღწეულ შედეგებს მოიცავდა“. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. სამცხე-ჯავახეთსა და ქვემო ქართლში მომუშავე საზოგადოებრივი ორგანიზაციები ვაქცინაციის პროცესთან დაკავშირებით საქართველოს მთავრობას მიმართავენ. ორგანიზაციების ცნობით, ეთნიკური უმცირესობებით დასახლებული რეგიონების მოსახლეობა (სამცხე-ჯავახეთი, ქვემო ქართლი) განსაკუთრებულად სკეპტიკურადაა განწყობილი ვაქცინაციის მიმართ და რუსული პროპაგანდის ქვეშაა მოქცეული. ისინი არ აპირებენ კოვიდ 19-ის საწინააღმდეგო ვაქცინის გაკეთებას.  ინფორმირების და დარწმუნების შემთხვევაშიც კი, მოსახლეობას სხვა უამრავი ბარიერი აქვს: ისინი არ ფლობენ სახელმწიფო ენას, რაც ართულებს ქართულენოვან პორტალზე რეგისტრაციას, ცხელი ხაზის ოპერატორებიც კი მათ მხოლოდ ქართულ ენაზე ესაუბრებიან... „ჩვენ, როგორც წლების განმავლობაში ეთნიკური უმცირესობებით მჭიდროდ დასახლებულ რეგიონში მომუშავე საზოგადოებრივ ორგანიზაციებს მიგვაჩნია, რომ საქართველოში მაცხოვრებელ ეთნიკურ უმცირესობებს, უნდა ჰქონდეთ შესაძლებლობა ვაქცინაციის პორტალზე გაიარონ რეგისტაცია და მიიღონ ინფორმაცია ცხელი ხაზის ოპერატორებისგან მათთვის გასაგებ ენაზე. ვიმედოვნებთ სახელმწიფო ჯეროვნად შესარულებს თავის მოვალეობებს მოქალაქეების წინაშე და უახლოეს დღეებში უზრუნველყოფს ეთნიკური უმცირესობებისათვის ხელმისაწვდომობის გაზრდას ვაქცინაციის პროცესზე“, ნათქვამია ერთობლივ განცხადებაში.                         წყარო: დემოკრატ მესხთა კავშირის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...