CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. „სამართლიანი არჩენები”, 2021 წლის წინასაარჩევნო პერიოდში, სავარაუდო პოლიტიკური ნიშნით, სამსახურიდან გათავისუფლებულ პირებს სამართლებრივ დახმარებას გაუწევს. ორგანიზაციამ დისკრიმინაციული ნიშნით სამსახურიდან გათავისუფლებულ პირთა ინტერესების დაცვის მიზნით საერთო სასამართლოებში რამდენიმე სარჩელი წარადგინა. „სამართლიანი არჩევნები“ გააგრძელებს დისკრიმინაციული მოტივით სამსახურიდან გათავისუფლებული პირების უფასო იურიდიულ დახმარებას. „თუ მიიჩნევთ, რომ სამსახურიდან პოლიტიკური ნიშნით გაგათავისუფლეს; დაგვირეკეთ ან მოგვწერეთ: 0 800 100 143 info@isfed.ge ISFED-ის იურისტები მთელი ქვეყნის მასშტაბით გაგიწევენ სამართლებრივ დახმარებასა და კონსულტაციას“. სრულად... წყარო: ორგანიზაციის გვერდი სოციალურ ქსელში

თბილისი. ქართული სამოქალაქო საზოგადოების ორგანიზაციები ამერიკის შეერთებული შტატების ელჩს, კელი დეგნანს შეხვდნენ. შეხვედრის თემა იყო ქვეყანაში მიმდინარე ბოლოდროინდელი მოვლენები.                       წყარო: ორგანიზაციის გვერდი სოციალურ ქსელში

თბილისი. აღმოსავლეთ პარტნიორობის 6 ქვეყნის 20–ზე მეტი საზოგადოებრივი ორგანიზაცია, სსო მეტრის ფარგლებში, სულ ახლახანს შექმნილ, რეგიონულ ჰაბში გაწევრიანდა. იგი პროექტის „სსო მეტრი - ხელსაყრელი გარემოს შექმნისა და სამოქალაქო საზოგადოებრივი ორგანიზაციების გაძლიერების“ ფრაგელბში შეიქმნა, როგორც საერთო ინტერესების მქონე რეგიონული გაერთიანება. რომელიც ხელს შეუწყობს გამოცდილების, ცოდნის გაზიარებას, ახალი კონტაქტების დამყარებას და ა.შ. ჰაბის მიზანია საერთაშორისო სტანდარტებისა და საუკეთესო გამოცდილების გათვალისწინებით წვლილი შეიტანოს მონიტორინგისა და ადვოკატირების პროცესში, რაც სამოქალაქო საზოგადოებისთვის ხელსაყრელი გარემოს შექმნას შეუწყობს ხელს.  საქართველოდან ჰაბს შეურდნენ საქართველოს ახალგაზრდა იურისტთა ასოციაცია (GYLA), ინფორმაციის თავისუფლების განვითარების ინსტიტუტი (IDFI) და სამოქალაქო საზოგადოების ინსტიტუტი (CSI).  პროექტი ხორციელდება აღმოსავლეთ ევროპის ქვეყნების ორგანიზაციების მიერ არაკომერციული სამართლის ევროპული ცენტრის (ECNL) ხელძღავენელობით და ევროკავშირის ფინანსური მხარდაჭერით. პარტნიორი ორიგანიზაციებია: საერთაშორისო გამჭვირვალობა სომხეთში (TIAC), შპს MG ქონსალთინგი (აზერბაიჯანი), სამოქალაქო საზოგადოების ინსტიტუტი (CSI, საქართველო), პრომო-ლექს ასოციაცია (მოლდოვა), უკრაინის დამოუკიდებელი პოლიტიკური კვლევების ცენტრი (უკრაინა). წყარო: https://civilin.org

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) შეშფოთებას გამოთქვამს მმართველი პარტიის დეპუტატების მიერ ორგანიზაციის გრძელვადიანი წარმომადგენლების მიმართ სიტყვიერ თავდასხმებთან დაკავშირებით და მას მმართველი პარტიის მიერ „სამართლიანი არჩევნების” წინააღმდეგ წარმოებული მიზანმიმართული დისკრედიტაციის კამპანიის გაგრძელებად მიიჩნევს. სრულად... წყარო: isfed.ge

მცხეთა-მთიანეთი. 30 ივლისს, საგურამოში, განათლების განვითარების და დასაქმების ცენტრმა (EDEC) საგურამოს შეზღუდული შესაძლებლობის მქონე ბავშვთა და პირთა დღის ცენტრის „იალონის“ 5 წლის საქმიანობის შემაჯამებელი ღონისძიება გამართა. სრულად... წყარო: edec.ge

თბილისი. EWMI-Access-ის ინფორმაციით, ორბელიანი მეტი-ს პლატფრაზე მოქალაქეების შემოწირულობებით 6 პროექტის განსახორციელებლად საჭირო თანხის ნახევარი შეგროვდა. თანხის მეორე ნახევარს კი „ორბელიანი საქართველო“ EWMI ACCESS-ის გრანტით შეავსებს. „სულ მალე, მოგზაური ბიბლიოთეკა აჭარის მაღალმთიან სოფლებს ეწვევა და ბავშვებს წიგნების სამყაროში ამოგზაურებს. ლაგოდეხის მუნიციპალიტეტის სოფელ აფენში ახალგარდები ღია კინოთეატრს მოაწყობენ. გორის ერთ-ერთი სკოლაში წიგნებითა და თანამედროვე ტექნიკით აღჭურვილი ოთახი მოეწყობა. გარემოსდამცველები რუსთავში და თბილისში ეზოებს ურბანულ ბაღად აქცევენ. ასევე, ბავშვებს მებაღეობას ასწავლიან. 7R სოციალური საწარმო კი მეორადი ნაჭრების და ნაჭრის ნარჩენებისგან ახალ კოლექციას შექმნის მდგრადი მოდის პოპულარიზაციისათვის“.                                წყარო: ორგანიზაციის გვერდი სოციალურ ქსელში

თბილისი. ევროპული საბჭოს პრეზიდენტი შარლ მიშელი განცხადებას ავრცელებს საქართველოში არსებულ პოლიტიკურ ვითარებასთან დაკავშირებით. „კვლავ დარწმუნებული ვარ, რომ ეს შეთანხმება არის საუკეთესო გზა რეფორმის დღის წესრიგის განხორციელებისთვის, რაც გააძლიერებს საქართველოს დემოკრატიულ ინსტიტუტებს და ხელს შეუწყობს კეთილდღეობას, სამუშაო ადგილების შექმნასა და ეკონომიკური ზრდის მიღწევას - ყველაფერს, რაც ძალიან საჭიროა საქართველოს ხალხის საკეთილდღეოდ. ვერ ვხედავ სიღრმისეული საარჩევნო და სასამართლო რეფორმების გაგრძელებისა და თავისუფალი და სამართლიანი ადგილობრივი არჩევნების ჩატარების ალტერნატივას. მოვუწოდებ ყველა მხარეს, პირველ ადგილას მოქალაქეების ინტერესები დააყენოს და აიღოს ვალდებულება საქართველოში პოლიტიკური დისკურსის განვითარებისა ქვეყნის დემოკრატიული ინსტიტუტების ფარგლებში. საქართველოში რიგ პოლიტიკურ აქტორებთან კონსულტაციები იწყება“. სრულად... წყარო: eeas.europa.eu

თბილისი. ღია საზოგადოების ფონდის მხარდაჭერით, საქართველოს დემოკრატიული ინიციატივამ, საქართველოს ახალგაზრდა იურისტთა ასოციაციამ, სოციალური სამართლიანობის ცენტრმა, უფლებები საქართველო-მ და ადამიანის უფლებათა ცენტრმა დაიწყეს ერთობლივი პროექტი „დახმარების ქსელი აქტივისტებისათვის“. „პროექტის მოკლევადიანი მიზანია სამოქალაქო აქტივისტების დაცვა უკანონო დევნისგან, რაც, თავის მხრივ, უზრუნველყოფს სამოქალაქო აქტივიზმისა და შეკრებისა და გამოხატვის თავისუფლების რეალიზებისთვის უფრო ხელსაყრელ გარემოს“. სრულად... წყარო: უფლებები საქართველოს გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ხელმომწერი ორგანიზაციები ეხმიანებიან მმართველი პარტიის თავმჯდომარის, ირაკლი კობახიძის განცხადებას, „ქართული ოცნების“ მიერ 19 აპრილს ევროკავშირის მედიაციით ხელმოწერილი, ე.წ. შარლ მიშელის შეთანხმებიდან გასვლის თაობაზე. „მიგვაჩნია, რომ აღნიშნული გადაწყვეტილება, ხელისუფლების მხრიდან წარმოადგენს აშკარა უარს საქართველოს ევრო-ატლანტიკურ კურსსა და დემოკრატიული რეფორმების გზით ქვეყნის მშვიდობიან განვითარებაზე. „ქართული ოცნების“ გადაწყვეტილება არის გზა წინასაარჩევნოდ პოლიტიკური კრიზისისა და პოლარიზაციის გაღრმავებისაკენ და ემსახურება მხოლოდ ძალაუფლების შენარჩუნების სურვილს, რასაც „ქართული ოცნება“ მზადაა, შესწიროს ქვეყნის კეთილდღეობა, დასავლური კურსი, დემოკრატიული განვითარება და მეგობრული ურთიერთობები სტრატეგიულ პარტნიორებთან“. სრულად... წყარო: transparency.ge

თბილისი. გაეროს ბავშვთა ფონდი საქართველოში იწვევს ბავშვებზე და მოზარდებზე ფოკუსირებულ სამოქალაქო საზოგადოების ორგანიზაციებს, საერთაშორისო და ადგილობრივ არასამთავრობო ორგანიზაციებს, დარეგისტრირდნენ და შექმნან პროფილი პორტალზე: www.unpartnerportal.org.  გაეროს ბავშვთა ფონდი საქართველოში პორტალზე დარეგისტრირებული ორგანიზაციების კანდიდატურებს პარტნიორობისთვის განიხილავს. ორგანიზაცია თანამშრომლობის შესაძლებლობების შესახებ ინფორმაციას 2021 წლის 1 აგვისტოს შემდეგ გამოაქვეყნებს. პარტნიორების გამოსავლენად გაეროს ბავშვთა ფონდი ჩაატარებს საკონკურსო შერჩევას, განსაზღვრული კრიტერიუმების საფუძველზე. სრულად... წყარო: www.unicef.org

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, საქართველოს პარლამენტმა საქართველოს ღია პარლამენტის 2021-2022 წლების სამოქმედო გეგმა დაამტკიცა.  როგორც ორგანიზაცია აღნიშნავს, სამოქმედო გეგმაში გათვალისწინებული ვალდებულებების აბსოლუტური უმრავლესობა სამოქალაქო საზოგადოების ინიციატივის შედეგია. „ღია პარლამენტის სამოქმედო გეგმა 19 ვალდებულებისაგან შედგება, რომელთა განხორციელებაც 2021-2022 წლების ფარგლებშია დაგეგმილი. სამოქმედო გეგმის მიზანია ხელი შეუწყოს საქართველოს პარლამენტის მიერ გაეროს მდგრადი განვითარების მიზნების შესრულებას, გააუმჯობესოს ინფორმაციის ხელმისაწვდომობა და საქართველოს პარლამენტის საზედამხედველო საქმიანობა, გააძლიეროს მოქალაქეთა ჩართულობა საქართველოს პარლამენტის საქმიანობაში და ხელი შეუწყოს საპარლამენტო ღიაობისა და გამჭვირვალობის ზრდას“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს საზოგადოებრივი ორგანიზაციების და პოლიტიკური პარტიების ნაწილი პარლამენტის თავმჯდომარეს - კახა კუჭავას წერილით მიმართავენ. „ადამიანის უფლებებზე მომუშავე ორგანიზაციები და აქტივისტები მრავალი წელია ვიბრძვით გენდერული თანასწორობისათვის. 2021 წლის 18 ივლისს შალვა პაპუშვილის და ირაკლი ზარქუას მიერ პოლიტიკოსი ქალების მიმართ განხორციელებული ძალადობა აზრს უკარგავს თანასწორობისთვის ბრძოლაში მიღწეულ წარმატებას. მიუღებელია პარლამენტის თავმჯდომარის დუმილი და უმოქმედობა აღნიშნულ პრობლემაზე, უფრო მეტიც, ეს ძალადობას ახალისებს. მოგიწოდებთ, გამოიყენოთ თქვენს ხელთ არსებული ყველა მექანიზმი ადეკვატური რეაგირებისათვის, რათა მოძალადე პარლამენტის წევრებმა - შალვა პაპუაშვილმა და ირაკლი ზარქუამ, სათანადო პასუხი აგონ ქალი დეპუტატების მიმართ გამოვლენილი შეურაცხმყოფელი და ძალადობრივი ქმედებების გამო“, ნათქვამია ერთობლივ განცხადებაში. სრულად... წყარო: transparency.ge

თბილისი. USAID-ის დირექტორი პიტერ ვიბლერი შეხვდა ჟურნალისტებს და მედიის მხარდამჭერებს რადიო თავისუფლებიდან, საერთაშორისო გამჭვირვალობა - საქართველოდან, მედიის განვითარების ფონდიდან, ფონდიდან „ღია საზოგადოება - საქართველო“ და IREX-იდან. „შეხვედრაზე ისაუბრეს იმ გამოწვევებზე, რომელთა წინაშეც დღეს საქართველოს მედია სექტორი დგას; იმაზე, თუ როგორ შეიძლება ამ გამოწვევებს უპასუხოს პროგრამებმა და ინიციატივებმა ადვოკატირების მიმართულებით, და რა გზით შეუძლია USAID-ს, რომ მედიას მომავალშიც დაეხმაროს“.                                                                       წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

სამოქალაქო საზოგადოების ორგანზიაციებმა და მედიის წარმომადგენლებმა ევროპული საბჭოს პრეზიდენტს, შარლ მიშელს დღეს, 2021 წლის 19 ივლისს, ბათუმის საერთაშორისო კონფერენციაზე წერილით მიმართეს. სრულად... წყარო: civilin.org 

თბილისი. ინფორმაციის თავისუფლების განვითარების ინსტიტუტმა (IDFI) ცენტრალური აზიის ქვეყნებიდან, კერძოდ, ყაზახეთიდან, უზბეკეთიდან და ტაჯიკეთიდან დელეგაციას უმასპინძლა. „სასწავლო ვიზიტის მიზანი იყო დაინტერესებული მხარეები გაცნობოდნენ საქართველოს გამოცდილებას ღიაობისა და გამჭვირვალობის მიმართულებით, განსაკუთრებით ღია ბიუჯეტირებასა და საჯარო ფინანსების გამჭვირვალედ მართვასთან დაკავშირებით“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) კიდევ ერთხელ გამოხატავს მწუხარებას ტელეკომოანია „პირველის“ ოპერატორის ალექსანდრე ლაშქარავას გარდაცვალების გამო. „5 ივლისს მომხდარი ძალადობის თითოეულ შემთხვევაზე პოლიტიკური პასუხისმგებლობა ეკისრება მოქმედ პრემიერ-მინისტრს და მოქმედ შინაგან საქმეთა მინისტრს. საპარლამენტო რესპუბლიკაში, მხოლოდ ეს ფაქტი სრულად საკმარისი უნდა იყოს აღნიშნული პირების თანამდებობის გადასაყენებლად. IDFI მიიჩნევს, რომ სახეზეა ყველა კონსტიტუციური წინაპირობა საქართველოს პრემიერ მინისტრისა და საქართველოს შინაგან საქმეთა მინისტრისთვის პოლიტიკური პასუხისმგებლობის დასაკისრებლად. ამავე დროს, ამ პირთა თანამდებობიდან გადაყენება აუცილებელია ალექსანდრე ლაშქარავას გარდაცვალებისა და 5-6 ივლისს მომხდარი ძალადობის ფაქტებზე მიმდინარე გამოძიების ლეგიტიმაციის უზრუნველსაყოფად“, ნათქვამია განცხადებაში. სრულად... წყარო: idfi.ge

თბილისი. საქართველოს სტრატეგიული კვლევების და განვითარების ცენტრმა (CSRDG) 2015 წელს, პარტნიორ ორგანიზაციებთან ერთად, დააფუძნა საქართველოს პრო ბონო ქსელი და მას შემდეგ კოორდინირებას უწევს პრო ბონო საქმიანობას საქართველოში. „www.probonogeorgia.ge - პრო ბონო საქართველოს განახლებული ვებგვერდია, რომელიც კომპანიებს აძლევს საშუალებას მარტივად დაუკავშირდნენ სამოქალაქო ორგანიზაციებს და დაეხმარონ მათ სხვადასხვა სოციალური თუ გარემოსდაცვითი პრობლემების გადაჭრაში. ვებგვერდი განახლდა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის (KAS) მხარდაჭერით“.                                                                                                     წყარო: ორგანიზაციის გვერდი სოციალურ ქსელში

12-16 ივლისს ღია საზოგადოების ფონდის, საერთაშორისო გამჭვირვალობა-საქართველოს (TI Georgia), სამართლიანი არჩევნების (ISFED), ეკონომიკური პოლიტიკის კვლევის ცენტრის (EPRC) და საქართველოს სტრატეგიისა და საერთაშორისო ურთიერთობების კვლევის ფონდის (რონდელის ფონდი) წარმომადგენლები შეხვედრებს გამართავენ ვაშინგტონში. შეხვედრები შეეხება საქართველოში ბოლო პერიოდში განვითარებულ მოვლენებს, დემოკრატიის ხარისხსა და განვითარების პერსპექტივას, სადაც უმთავრესი როლი აქვს მედიის თავისუფლების ხარისხს და სასამართლოს დამოუკიდებლობას. ორგანიზაციების წარმომადგენლები გამოთქვამენ იმედს, რომ აღნიშნულ საკითხებთან დაკავშირებით სამოქალაქო სექტორის ხედვა აშშ-სთვის წარმოადგენს სანდო ალტერნატიულ საინფორმაციო წყაროს, რაც მათ საქართველოსთან მიმართებით დღის წესრიგის განსაზღვრაში და პრიორიტეტული საკითხების გამოკვეთაში კიდევ უფრო დაეხმარება. სრულად... წყარო: transparency.ge

საფრანგეთის ელჩის, ბ-ნი დიეგო კოლასის განცხადება: "გულისტკივილით შევიტყვე ჟურნალისტ ლექსო ლაშქარავას გარდაცვალება, რომელიც მძიმედ დაშავდა ორშაბათს თავისი მოვალეობის შესრულებისას, ინფორმირება მოეხდინა 5 ივლისის ჰომოფობიური ძალადობის დროს. ვუსამძიმრებ მის ოჯახსა და კოლეგებს. თავისუფლება შეკრებასა და პრესას, ბრძოლა დისკრიმინაციისა და სიძულვილის წინააღმდეგ, არა ძალადობას". წყარო: საფრანგეთის საელჩო საქართველოში