აჭარა. 27 თებერვალს, სამოქალაქო საზოგადეობის ინსტიტუტის წარმომადგენლებმა სამოქალაქო აქტივისტ გია ჩხაიძესთან ერთად, სარფის საჯარო სკოლაში, ჩაატარეს თანატოლთა ტრენინგი თემაზე „ვინ არის აქტიური მოქალაქე“. შეხვედრას ესწრებოდა სარფის საჯარო სკოლის დამათავრებელი კლასების 28 მოსწავლე (15 გოგონა,13 ბიჭი) და ასევე, სამოქალაქო განათლების პედაგოგები. შეხვედრაზე ისაუბრეს აქტიური მოქალაქის როლსა და შესაძლებლობებზე, ასევე მსოფლიო ისტორიაში არსებულ სამოქალაქო აქტივისტების მაგალითებზე, რომლებმაც მცირე ნაბიჯების გადადგმით დაიწყეს და საბოლოოდ დიდ შედეგებამდე მივიდნენ. შეხვედრის ბოლოს ახალგაზრდებმა გამოთქვეს სურვილი უფრო აქტიურად ჩაერთონ საზოგადოებრივ საქმიანობაში და თავიანთ სკოლაში დაგეგმონ საზოგადოების ცნობიერების ასამაღლებელი სხვადასხვა აქტივობები.

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი... 

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას - „არქივების შეფასება პოსტ საბჭოთა სივრცეში: საქართველოს გამოცდილება“. მასალა საქართველოს ხელისუფლების მიერ, ღია მმართველობის პარტნიორობის (OGP) ფარგლებში აღებული ვალდებულების შესრულებას მიმოიხილავს.  ღია მმართველობის პარტნიორობის (OGP) იდეის განხორციელების დასაწყისიდანვე, 2011 წლიდან 20-მდე ქვეყანამ საკუთარ სამოქმედო გეგმაში ჩადო ვალდებულება, რომ განეხორციელებინა პოზიტიური ცვლილებები არქივებში. ვალდებულებები მოიცავდა მოქალაქეების შეუფერხებელ წვდომას საჯარო ინფორმაციასა და საარქივო დოკუმენტებზე, საარქივო კანონების მიღებასა და შეცვლას, საარქივო მასალების დეკლასიფიკაციას (საიდუმლო და დახურული სტატუსის მოხსნას) და დოკუმენტების გაციფრულებას, რათა ისინი ონლაინაც გამხდარიყო ხელმისაწვდომი.  სრულად...  წყარო: ორგანიზაციის ვებგვერდი

თბილისი. 18-21 თებერვალს საზოგადოებრივი ორგანიზაციები ბრიუსელში ასოცირების ხელშეკრულების შესრულების შესახებ ანგარიშს წარადგენენ. ღია საზოგადოების ფონდების ორგანიზებითა და მხარდაჭერით, ოთხი საზოგადოებრივი ორგანიზაციის წარმომადგენელი ბრიუსელში ადვოკატირების ვიზიტზე მიემგზავრება. ესნი არიან: ვანო ჩხიკვაძე და სოფო ასათიანი (საქართველოს ღია საზოგადოების ფონდი), მანანა ქოჩლაძე (მწვანე ალტერნატივა), გიორგი ონიანი (საერთაშორისო გამჭვირვალობა-საქართველო), მიხეილ ბენიძე (სამართლიანი არჩევნებისა და დემოკრატიის საერთაშორისო საზოგადოება). ვიზიტის მიზანია ევროპარლამენტის, ევროპის საგარეო ურთიერთობათა სამსახურის და ევროკავშირში აკრედიტებული წევრი ქვეყნების მისიების წარმომადგენლებისთვის ასოცირების ხელშეკრულებით განსაზღვრული ამოცანების მონიტორინგის შედეგების გაცნობა. ანგარიში საქართველოში მართლმსაჯულების, კორუფციის და გარემოს დაცვის კუთხით არსებულ ვითარებას ასახავს. ასევე, საუბარი იქნება არჩევნების თემაზეც. სრულად...  წყარო: https://osgf.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. EWMI Access-ის ინფორმაციით, სულ მალე წნორში ცოდნის კაფეს მშენებლობა დაიწყება. „ცოდნის კაფე/Knowledge Cafe-ს გუნდი მშენებლობისთვის საჭირო თანხის შესაგროვებლად სხვადასხვა სამოქალაქო კამპანიასა და აქტივობას ატარებს. EWMI ACCESS-ის მხარდაჭერით, ბოლო თვეებში კაფის ასაშენებელი კამპანია უფრო გააქტიურდა და მრავალფეროვანი გახდა, რის შედეგადაც 26,528 ლარის შეგროვება მოხერხდა. გვიხარია, რომ ამ მნიშვნელოვან საქმეში მცირეოდენი წვლილი ჩვენც შევიტანეთ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. გენერალური პროკურორის კონკურსთან დაკავშირებით, აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა განცხადებას ავრცელებს.  „აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა მოვუწოდებთ: საპროკურორო საბჭოს, პარლამენტში არ წარადგინოს ირაკლი შოთაძის კანდიდატურა, ასევე სხვა პირის წარდგენის შემთხევაში დაასაბუთოს კანდიდატის მინიმალური შესაბამისობა გენერალური პროკურორისთვის წარდგენილ მოთხოვნებთან; პარლამენტს საბოლოო გადაწყვეტილება მიიღოს სხვადასხვა პოლიტიკურ ძალას შორის კონსენსუსისა და არა უმრავლესობის საფუძველზე, რაც ახლად გამწესებული გენერალური პროკურორის პოლიტიკურ ნეიტრალიტეტსა და ლეგიტიმაციას შეუწყობს ხელს“, - ნათქვამია პლატფორმის განცხადებაში.  სრულად...  წყარო: https://gyla.ge

თბილისი. დღეს, 4 თებერვალს, საპროკურორო საბჭომ, გენერალური პროკურორობის კანდიდატთა შერჩევის კონკურსის ფარგლებში, ირაკლი შოთაძეს მოუსმინა. ამასთან დაკავშირებით, ადამიანის უფლებების სწავლებისა და მონიტორინგის ცენტრი (EMC) განცხადებას ავრცელებს. „სისტემის განვითარების სტრატეგიებზე მსჯელობისას, ირაკლი შოთაძის გასაუბრებას მუდმივად თან სდევდა წინა ხელისუფლების დროს არსებული მძიმე მემკვიდრეობის შედეგებზე ხაზგასმა. თუმცა, ამ პერიოდზე რაიმე პასუხისმგებლობას თავად შოთაძე არ გრძნობს იმის მიუხედავად, რომ 2006 წლიდან თავადაც იკავებდა პროკურატურის და ფინანსური პოლიციის მაღალ თანამდებობებს“, - აღნიშნულია განცხადებაში, - „EMC კიდევ ერთხელ მოუწოდებს საპროკურორო საბჭოს: მხარი არ დაუჭიროს ირაკლი შოთაძის კანდიდატურას გენერალური პროკურორის თანამდებობაზე; დაასაბუთოს და გაასაჯაროოს თითოეული წარდგენილი კანდიდატის შესახებ მის მიერ მიღებული გადაწყვეტილება; წარდგენილი კანდიდატებისგან შეარჩიოს და პარლამენტს წარუდგინოს პოლიტიკურად ნეიტრალური, შესაბამისი კვალიფიკაციის და დამსახურების მქონე კანდიდატი“. სრულად...  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს“ სამოქალაქო საბჭოების მიერ 2019 წელს იდენტიფიცირებული 200-ზე მეტი პრობლემის მოსაგვარებლად ყველა შესაბამისმა ადგილობრივმა თვითმმართველობამ მზაობა გამოთქვა. „ქვეყნის 6 რეგიონის 16 მუნიციპალიტეტიდან (ზუგდიდი, ფოთი, ბათუმი, ქედა, შუახევი, ხულო, ქუთაისი, წყალტუბო, ტყიბული, გორი, ქარელი, ახალციხე, თელავი, სიღნაღი, ყვარელი, ახმეტა) მოგვწერეს, რომ ჩვენი ორგანიზაციის სამოქალაქო საბჭოების მიერ გამოვლენილი პრობლემების მნიშვნელოვანი ნაწილი მიმდინარე წლის ადგილობრივი საბიუჯეტო რესურსით მოგვარდება, ნაწილი კი, შესაძლოა, სოფლის მხარდაჭერის პროგრამით გადაიჭრას“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში სამოქალაქო თვითმმართველობა

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს საზოგადოებრივი ორგანიზაციები ერთობლივ განცხადებას ავრცელებენ: საქართველოს პრეზიდენტის განცხადება ძირს უთხრის „კანონის უზენაესობასა და დემოკრატიული საზოგადოების ფუნდამენტურ პრინციპებს. „28 იანვარს ევროსაბჭოს საპარლამენტო ასამბლეასთვის სიტყვით მიმართვისას, საქართველოს პრეზიდენტმა განაცხადა, რომ მზადაა ევროსაბჭოს ეგიდით მაისში დაგეგმილ ღონისძიებაზე „ოკუპირებული ტერიტორიების შესახებ“ საქართველოს კანონის გვერდის ავლით უმასპინძლოს რუსეთის ფედერაციის დელეგაციას, მათ შორის, საგარეო საქმეთა მინისტრს სერგეი ლავროვს. არასამთავრობო ორგანიზაციების შეფასებით, კანონის უგულებელყოფის გაცხადებული განზრახვა სწორედ იმ სახელმწიფოს დელეგაციის წევრთა სასარგებლოდ, რომლის სამხედრო აგრესიის შედეგიცაა ქვეყნის ტერიტორიების ოკუპაცია, საგანგაშოა და ეწინააღმდეგება ქვეყნის სახელმწიფოებრივ ინტერესებს“, ნათქვამია ორგანიზაციის ვებგვერდზე. სრულად... წყარო: gyla.ge

გურია. გურიის ახალგაზრდული რესურსცენტრის ოფისში გაიმართა პროექტის „ახალგაზრდები ცვლილებებისათვის“ პრეზენტაცია. „პროექტის მიზანია ხელი შეუწყოს ოზურგეთის მუნიციპალიტეტის ტერიტორიაზე მცხოვრები კანონთან კონფლიქტში მყოფი არასრულწლოვნების რეაბილიტაციას, მათ გააქტიურებასა და საზოგადოებრივ ცხოვრებაში მონაწილეობას. პროექტი ხორციელდება ევროკავშირის ფინანსური მხარდაჭერით, რომელსაც გურიის ახალგაზრდული რესურსცენტრი ახორციელებს პროექტ „არასრულწლოვანთა მართლმსაჯულების სისტემის რეფორმის განხორციელების ხელშეწყობა”-ის მცირე საგრანტო პროგრამის ფარგლებში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. არასამთავრობო ორგანიზაციები ერთობლივ განცხადებას ავრცელებენ. „გვსურს, შეშფოთება გამოვთქვათ საქართველოს იუსტიციის მინისტრის თეა წულუკიანის მიერ საქართველოს სახალხო დამცველის პრევენციის ეროვნული მექანიზმის მონიტორინგის კადრების გასაჯაროების და აღნიშნული მექანიზმის ექსპერტის მიმართ არაკონსტრუქციული კრიტიკის გამო. აღნიშნული ქმედება, ერთი მხრივ, უხეშად არღვევს როგორც საქართველოს კანონმდებლობით დადგენილ პრინციპებს, მეორე მხრივ კი ეწინააღმდეგება საქართველოს მიერ აღებულ საერთაშორისო ვალდებულებებს. მივიჩნევთ, რომ საქართველოს იუსტიციის მინისტრის ეს ქმედება მისი პოლიტიკური პასუხისმგებლობის დაყენების საფუძველი უნდა გახდეს“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საქართველოს ახალგაზრდა იურისტთა ასოციაცია აქვეყნებს თორნიკე გერლიანის ბლოგპოსტს: სამთავრობო საათის უქონლობის საკითხისთვის. „შეკითხვის საათი საპარლამენტო კონტროლის ერთ-ერთი ყველაზე გავრცელებული მექანიზმია, რომელიც მთავრობისადმი დასმულ კითხვებსა და მათზე გაცემულ პასუხებს ეთმობა. საქართველოს პარლამენტის რეგლამენტის არსებული რედაქცია არც „სამთავრობო საათს“ და არც რომელიმე სხვა ეკვივალენტურ პროცედურას არ ითვალისწინებს. სამთავრობო საათი პარლამენტის მიერ საზედამხედველო საქმიანობის საფუძვლიანად და ეფექტიანად წარმართვისთვის მნიშვნელოვან ბერკეტს წარმოადგენს. ამის გათვალისწინებით და საუკეთესო პრაქტიკის მხედველობაში მიღებით, აუცილებელია, რეგლამენტით დამკვიდრდეს სამთავრობო საათის მექანიზმი, რომელიც ჩამოყალიბდება სტაბილურ, ორკვირეულ ინსტიტუტად (ყოველ სასესიო კვირაში) და ცალკეულ დეპუტატებს მათთვის საინტერესო საკითხებზე მთავრობის წევრებისგან პასუხების მიღების შესაძლებლობას მიანიჭებს“, ნათქვამია ორგანიზაციის გვერდზე. სრულად... წყარო: gyla.ge

თბილისი. 30 იანვარს, ღია საზოგადოების ფონდის ოფისში, ჩატარდება საკონსულტაციო შეხვედრა გრანტის მაძიებლებთან. პროგრამების წარმომადგენლები დაინტერესებული პირების შეკითხვებს უპასუხებენ.  სრულად... წყარო: osgf.ge

თბილისი. 17 იანვარს, თბილისში, მოხალისეობის ეროვნული ფორუმი – „შენთვის, ჩემთვის, ცვლილებებისთვის – მოხალისეობის დროა“ გაიმართა განათლების განვითარების და დასაქმების ცენტრის (EDEC) მიერ, საქართველოს ეროვულ უნივერსიტეტში სეუ. „ფორუმი ორგანიზებულია პროექტის „სამოქალაქო საზოგადოების განვითარების ინიციატივა” ფარგლებში, რომელსაც აფინანსებს ევროკავშირი, ხოლო თანადამფინანსებელია კონრად ადენაუერის ფონდი. ფორუმის პარტნიორია საქართველოს ეროვნული უნივერსიტეტი სეუ. ფორუმი მიეძღვნა მოხალისეობის პოპულარიზაციას საქართველოში. ღონისძიების ფარგლებში, ასევე, გაიმართა კამპანიის „ეს ქვეყანა შენია“ პრეზენტაცია და ჟურნალისტთა კონკურსის „ჟურნალისტები სოციალური ცვლილებებისთვის“ გამარჯვებულთა დაჯილდოება. ღონისძიების დასასრულს საინტერესო პრეზენტაცია თემაზე „სამოქალაქო აქტივიზმი, მოხალისეობის კულტურა და გამოცდილება საქართველოს რეგიონების მაგალითზე“ - ჟურნალისტმა და რეჟისორმა გოდერძი შარაშიამ წარადგინა. „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS)“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

20 იანვარს, 20:00 საათზე, საქართველოში კვლევითი ვიზიტით მყოფი ჯონს ჰოპკინსის უნივერსიტეტის ადამიანის უფლებათა კლინიკის მკვლევარები საზოგადოებრივი ორგანიზაციების წარმომადგენლებს შეხვდებიან. თემა: საქართველოში ადამიანის უფლებათა საერთაშორისო ნორმების განხორციელების პრაქტიკა და აქ არსებული მდგომარეობა.  მისამართი: გიული ჭოხონელიძის #5, სექტორი 3 - ჰაბი განვითარებისთვის  საკონტაქტო პირი: მარიამ ჯაფარიძე - 555101040

20 იანვარს, 13:00 საათზე, ტრანსგენდერი ქალები „თანასწორობის მოძრაობის“ ოფისში, 18 იანვრის დაკავებასთან დაკავშირებით, პრესკონფერენციას გამართავენ.  თემა: პოლიციის თანამშრომლების მხრიდან ძალის გადამეტება და მათი უფლებების დარღვევის ფაქტები.  მისამართი: სოფიკო ჭიაურელის #13

20 იანვარს, 11:30 საათზე ,მედიაჰოლდინგ „კვირას“ პრესკლუბში, ორგანიზაცია „ახალგაზრდა ადვოკატების“ ხელმძღვანელი, არჩილ კაიკაციშვილი და ბიზნესმენი რამაზ ახვლედიანი პრესკონფერენციას გამართავენ.  თემა: ლისის ტბის საქმე ევროპულ სასამართლოში საქართველოს წინააღმდეგ გასაჩივრდა.  მისამართი: მერაბ კოსტავას #47/57  საკონტაქტო ნომრები: 599291202; 593534524