2020 წლის აგვისტოდან Facebook საქართველოში საარჩევნო და პოლიტიკური რეკლამებისთვის ავტორიზაციას სავალდებულოს გახდის.  ამის შესახებ იმ წერილშია ნათქვამი, რომელიც ცენტრალურ და აღმოსავლეთ ევროპაში ფეისბუქის საჯარო პოლიტიკის დირექტორმა, გაბრიელა ცსეჰმა ქართული საზოგადოებრივი ორგანიზაციებისა და მედიების მიმართვის საპასუხოდ გამოაგზავნა.  სრულად  წყარო: www.humanrights.ge

თბილისი. ნარიმანოვის ძეგლთან დაკავშირებით განვითარებული მოვლენების გამო, საზოგადოებრივი ორგანიზაციების ნაწილი განცხადებას ავრცელებს.  „ხელმომწერი საზოგადოებრიცი ორგანიზაციები ვეხმიანებით ქალაქ მარნეულში ნარიმანოვ ნარიმანოვის ძეგლის საკითხის პოლიტიკური და რელიგიური ინსტრუმენტალიზების პროცესს და საქართველოს მთავრობას, მათ შორის, შერიგებისა და სამოქალაქო თანასწორობის საკითხებში სახელმწიფო მინისტრის აპარატს ძეგლთან დაკავშირებით წარმოქმნილი დაძაბულობის განსამუხტად პოლიტიკური პროცესის წარმართვისკენ მოვუწოდებთ“, - აღნიშნულია განცხადებაში.  სრულად   წყარო: emc.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს პოლიტიკის დოკუმენტს - "აღმოსავლეთ პარტნიორობის (EaP) გადადებული სამიტი - საქართველოს მოლოდინებისა და შედეგების შეფასება".  „აღმოსავლეთ პარტნიორობის (EaP) რიგით მეექვსე სამიტის ჩატარება 2020 წლის 18 ივნისს ბრიუსელში იგეგმებოდა, თუმცა COVID-19-ის პანდემიიდან გამომდინარე, ფიზიკურად სამიტი 2021 წლის მარტში გაიმართება“, - ნათქვამია დოკუმენტში, - „სამიტის გადადება შესაძლოა, საქართველოსთვის იქცეს შესაძლებლობად, რომ მომდევნო წლამდე მეტი იმუშაოს, რათა ევროკავშირის პოლიტიკა აღმოსავლეთ პარტნიორი ქვეყნების, განსაკუთრებით კი ასოცირებული ქვეყნების მიმართ, ურთიერთობის ახალ ეტაპზე გადავიდეს“.  სრულად  წყარო: ორგანიზაციის ვებგვერდი

ქვემო ქართლი. 2020 წლის 22 და 23 ივლისს ადამიანის უფლებების სწავლებისა და მონიტორინგის ცენტრი (EMC) წალკის მუნიციპალიტეტის ცენტრში და ბარეთის თემში (სოფლები: საბეჭისი, ბარეთი, იმერა) ადგილობრივი მოსახლეობისთვის უფასო სამართლებრივი დახმარების შეხვედრებს გამართავს. EMC ადგილობრივ მოსახლეობას შესთავაზებს უფასო სამართლებრივ კონსულტაციას მათთვის პრობლემატური სამართლებრივი საკითხების ირგვლივ, მათ შორის, სოციალური უფლებების, დისკრიმინაციის, რელიგიის თავისუფლების, სისხლის სამართლისა და ოჯახში ძალადობის საკითხების თაობაზე. სრულად  წყარო: გვერდი სოციალურ ქსელში

თბილისი. ევროკავშირის მხარდაჭერით, გაეროს ორი სააგენტო, UNFPA & UN Women სამთავრობო სტრუქტურებსა და სამოქალაქო საზოგადოების პარტნიორებთან ერთად, ექვს ქვეყანაში ახალ ინიციატივას იწყებს. მისი მიზანი ღრმად ფესვგადგმული გენდერული სტერეოტიპების დაძლევა, ოჯახური პასუხისმგებლობების განაწილება და შვილებზე ზრუნვაში კაცების ჩართულობის გაზრდა და პოტენციურ მოძალადეებთან გენდერული ძალადობის პრევენციისთვის მუშაობაა. სრულად... წყარო: georgia.unfpa.org

თბილისი. საქართველოს ახალგაზრდა იურისტთა ასოციაციამ (საია) პროექტის „ყველაზე მოწყვლადი პირების და თემების სოციალურ-ეკონომიკური უფლებების დაცვა და ხელშეწყობა საქართველოში“, ფარგლებში გამოცხადებულ საგრანტო კონკურსში გამარჯვებული პროექტები გამოავლინა. „კონკურსში გამარჯვებული პროექტები მიზნად ისახავს ხელი შეუწყოს სოციალურ-ეკონომიკური უფლებების დაცვას საქართველოში, ადგილობრივ დონეზე შემოსავლის მომტანი აქტივობების ხელშეწყობას და განვითარებაზე ორიენტირებული მიდგომების დანერგვას სიღარიბით გამოწვეული ადამიანის უფლებათა დარღვევების შესამცირებლად. საგრანტო კონკურსში გამარჯვებული პროექტებია: - ა(ა)იპ „თავისუფალ ჟურნალისტთა სახლის“ პროექტი „მაღალმთიანი მუნიციპალიტეტების სოფლების მახალაკური, ჩანჩხალო და ბზუბზუს მოსახლეობის საცხოვრებელი პირობების გაუმჯობესება“. - ა(ა)იპ „ჭიათურელთა კავშირის“ პროექტი „ჭიათურის მუნიციპალიტეტის სოფელ სვერის საბავშვო ბაღის სასმელი წყლის სისტემის რეაბილიტაცია“.  - ა(ა)იპ „სამოქალაქო აქტივობების ცენტრის“ პროექტი „ხევსურეთში დაცლის პირას მყოფ სოფლებში ეკონომიკური ზრდის ხელშეწყობა““. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ინტეგრაციის 2021-2024 წლების ახალი სამთავრობო სტრატეგიის შემუშავების პროცესისთვის დაგეგმილ სტრატეგიულ შეხვედრაში პლატფორმა სალამის ჩართვაზე შერიგებისა და სამოქალაქო თანასწორობის საკითხებში სახელმწიფო მინისტრის აპარატის უარს და სოლიდარობის ნიშნად ისიც უარს აცხადებს დაგეგმილ შეხვედრაში მონაწილეობაზე. „სამწუხაროდ, ნაცვლად იმისა, რომ სახელწიფო ინსტიტუტები სალამს და მის მსგავს გაერთიანებებს სამუშაო, საკონსულტაციო და სხვა პოლიტიკურ პლატფორმებში პატივისცემით იწვევდნენ, უსმენდნენ და მათ მოსაზრებებს ითვალისწინებდნენ, სახელმწიფო მინისტრის აპარატმა ინტეგრაციის ახალი სტრატეგიის შემუშავების პროცესისთვის დაგეგმილ სტრატეგიულ შეხვედრაში მონაწილეობაზე პლატფორმა სალამს სრულიად დაუსაბუთებელი უარი განუცხადა“. სრულად... წყარო: emc.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. 14 სამოქალაქო საზოგადოების ორგანიზაციისა და კვლევითი ორგანიზაციების ექსპერტების მონაწილეობით საქართველოს მიერ 2020 წლისთვის აღმოსავლეთ პარტნიორობის 20 შედეგის პროგრესის შესახებ პირველი დამოუკიდებელი ანგარიში მომზადდა. „ანგარიში ფარავს აღმოსავლეთ პარტნირობის ხუთივე პრიორიტეტულ მიმართულებას: კომპლექსური შედეგები, უფრო ძლიერი ეკონომიკა, უფრო ძლიერი მმართველობა, უფრო მტკიცე კავშირები და უფრო ძლიერი საზოგადოება. თითოეული შედეგის მიმოხილვა მოიცავს 2020 წლისთვის 20 შედეგის იმპლემენტაციის პროცესში მიღწეული პროგრესის, შედეგებისა და დარჩენილი გამოწვევების ანალიზს“. სრულად... წყარო: isfed.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. მათთვის, ვინც დაინტერესებულია ტრენინგებით, კონფერენციებით, აკადემიური გაცვლითი პროგრამებით, კვლევითი გრანტებით და სხვა. იხილეთ ევროკავშირის მიერ დაფინანსებული შესაძლებლობები აქ... წყარო: ევროკავშირის გვერდი სოციალურ ქსელში

თბილისი. 9 ივლისს, 13:00 საათზე, საქართველოს პოლიტიკის ინსტიტუტის (GIP) სახელითა და სამართლიანი არჩევნებისა და დემოკრატიის საერთაშორისო საზოგადოებასთან (ISFED) პარტნიორობით, გაიმართება ანგარიშის პრეზენტაცია: „საქართველოს მიერ აღმოსავლეთ პარტნიორობის 20 შედეგის იმპლემენტაცია 2020 წლისთვის”. გთხოვთ, რეგისტრაცია გაიაროთ აქ და აირჩიოთ ერთი თემატური სესია... სრულად... წყარო: ორგანიზაციის გვერდი სოციალურ ქსელში სამოქალაქო

თბილისი. ხელმომწერი ორგანიზაციები საქართველოს პარლამენტში შრომის რეფორმიდან ფუნდამენტური ჩანაწერების შესაძლო ამოღების გამო უკიდურეს შეშფოთებას გამოთქვამენ და საერთაშორისო ორგანიზაციებს ღია წერილით მიმართავენ. „ეს კანონპროექტი მიზნად ისახავს საქართველოს შრომის კოდექსის ადამიანის უფლებათა საერთაშორისო სტანდარტებსა და საუკეთესო პრაქტიკებთან დაახლოებას. შემოთავაზებული ცვლილებები მშრომელთა ფუნდამენტურ უფლებებს ეხება, თუმცა კანონპროექტი კერძო ინტერესისა და ბიზნესის ლობის შეტევის ქვეშ აღმოჩნდა, როგორც ფორმალურად, პარლამენტში, ისე, როგორც ჩანს, არაფორმალურად. შედეგად, დღეს მისი დამტკიცება საფრთხეშია. გაზაფხულის სესიის დასრულებამდე სულ რამდენიმე სხდომა რჩება და თანდათან იზრდება კანონპროექტის დაყოვნების ან მისი ჩაგდების რისკი. ეს ასოცირების ხელშეკრულებაში გაწერილი ვალდებულებების შესრულებასაც ეჭვქვეშ აყენებს“, ნათქვამია ერთობლივ განცხადებაში. სრულად... წყარო: gyla.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

Civil Match ღონისძიებაა, რომლის მიზანია სამოქალაქო საზოგადოების წარმომადგენლებმა გაიცნონ ერთმანეთი, გაიგონ რამდენიმე საგრანტო შესაძლებლობის შესახებ, ისაუბრონ საერთო პროექტის წამოწყების იდეებზე და მოგვიანებით, ერთად გააკეთონ საპროექტო განაცხადი. ის არის 2.5 დღიანი პროგრამა რომელიც უმასპინძლებს საფრანგეთის, გერმანიის, სომხეთის, აზერბაიჯანის, საქართველოს, ბელარუსის, მოლდოვის, პოლონეთის, რუსეთისა და უკრაინაის სამოქალაქო ორგანიზაციის წარმომადგენლებს. დარეგისტრირდით, თუ ხართ არასამთავრობო ორგანიზაციის, მედიის, ახალგაზრდული ასოციაციის, უმაღლესი საგანმანათლებლო დაწესებულების წარმომადგენელი. დარეგისტრირების ბოლო ვადა 22 ივლისია, თუმცა, ადრე დარეგისტრირდების შემთხვევაში უფრო მეტ შესაძლებლობას გპირდებით...

თბილისი. ინფორმაციის თავისუფლების განვითარების ინსტიტუტის (IDFI) ბლოგპოსტის თანახმად, 29 ივნისს, ღია მმართველობის მუდმივმოქმედმა საპარლამენტო საბჭომ დისტანციურ რეჟიმში პირველი სხდომა გამართა. „სხდომას საბჭოს თავმჯდომარე, კახა კუჭავა უძღვებოდა, რომელმაც მიმდინარე საქმიანობასა და საბჭოს სამომავლო გეგმებზე ისაუბრა. ღია მმართველობის მუდმივმოქმედი საპარლამენტო საბჭოს წევრებმა, გიორგი კახიანმა და ნინო წილოსანმა საბჭოს 2020 წლის საქმიანობის შუალედური ანგარიში წარადგინეს და სამოქმედო გეგმის შესრულების პროგრესი შეაჯამეს. დისტანციურ სხდომაში მონაწილეობას იღებდნენ საბჭოსთან არსებული საკონსულტაციო ჯგუფის წევრი არასამთავრობო და საერთაშორისო ორგანიზაციების წარმომადგენლები. საკონსულტაციო ჯგუფთან თანამშრომლობის ფარგლებში, ღია მმართველობის მუდმივმოქმედი საპარლამენტო საბჭო, ახორციელებს ღია მმართველობის პარტნიორობის გეგმის ვალდებულებების იმპლემენტაციას“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. სამოქალაქო საზოგადოების ორგანიზაციები ეხმაურებიან საქართველოში გერმანიის ფედერაციული რესპუბლიკის ელჩის, ბატონი ჰუბერტ ქნირშის განცხადებას, რომელიც 25 ივნისს, გერმანიის საელჩოს ოფიციალური სოციალური ქსელის (Facebook) გვერდზე გამოქვეყნდა. „მიმართვაში ელჩი აფასებს საქართველოში მოქმედი არასამთავრობო ორგანიზაციის კრიტიკულ პოზიციას, რომელიც გაეროს ბავშვის უფლებათა კომიტეტის წევრობის კანდიდატად, საქართველოს პარლამენტის წევრის, სოფიო კილაძის წარდგენას ეხება. სახელმწიფოს მიერ წარმოდგენილი კანდიდატი გამოირჩევა სამოქალაქო საზოგადოებასთან ღია დაპირისპირებით. ის სიტყვიერად თავს ესხმის უფლებადამცველებს, შედის კონფრონტაციაში ადამიანის უფლებათა აქტივისტებთან, გამოირჩევა ჰომოფობიური და სხვაგვარი დისკრიმინაციული განწყობებით. განსაკუთრებით უნდა აღინიშნოს მისი უარყოფითი დამოკიდებულება ლგბტქ თემის წარმომადგენელთა მიმართ. აღნიშნული ფაქტები აღწერილია სხვადასხვა საერთაშორისო და ადგილობრივი ორგანიზაციების განცხადებებში და ფართოდ არის გაშუქებული არაერთი მედია საშუალების მიერ. აღნიშნულის გამო საზოგადოებამ არაერთ პროტესტის ფორმას მიმართა. ამიტომ, არასამთავრობო ორგანიზაციების განცხადება არა ქალბატონ კილაძეზე პერსონალური თავდასხმა, არამედ სახელმწიფოს მიერ ზემოთქმული პრინციპების უგულვებელყოფის შეფასებაა. ეს კი სამოქალაქო საზოგადოების ორგანიზაციების საქმიანობის ნაწილი და ამავდროულად, მოვალეობაცაა“. სრულად... წყარო: phrgeorgia.wordpress.com

თბილისი. საქართველოს სამოქალაქო საზოგადოების წარმომადგენლები, სამოქალაქო აქტივისტები და მედიის წარმომადგენლები მარკ ზაქერბერგსა და ნიკ კლეგს განცხადებით მიმართვენ. „გვსურს თქვენი ყურადღება მივაპყროთ საქართველოში დაგეგმილ 2020 წლის საპარლამენტო არჩევნებზე და ამ კონტექსტში პოლიტიკური ინტერესების მქონე ჯგუფებისა და უცხო ქვეყნის აქტორების მიერ „ფეისბუქზე“ დეზინფორმაციისა და კოორდინირებული არაავთენტური ქცევის გამოყენებით თავისუფალი და თანასწორი საარჩევნო გარემოს დაზიანების მცდელობებზე, რაც საფრთხეს უქმნის დემოკრატიას და საქართველოს დასავლურ სივრცეში ინტეგრაციის პროცესს. როგორც თქვენ ერთხელ აღნიშნეთ, თქვენ გჯერათ, რომ დემოკრატიის პირობებში, მნიშვნელოვანია ხალხმა ნახოს და მოისმინოს რას ამბობენ პოლიტიკოსები და ამის საფუძველზე თავად გააკეთონ დასკვნები. თუმცა, საქართველოში მიმდინარე ანონიმური, კოორდინირებული დასპონსორებული პოლიტიკური დისკრედიტაციის პირობებში მოქალაქეები შეცდომაში შედიან, რითაც მათ ერთმევათ ინფორმაციის თავისუფლება და შესაბამისად შესაძლებლობაც, საკუთარი შეფასებების საფუძველზე ჩამოიყალიბონ პოლიტიკური შეხედულებები - ეს კი, თქვენი ფორმულის მიხედვით, დემოკრატია აღარ არის, ხოლო ჩვენ გვჯერა, რომ „ფეისბუქი“ დემოკრატიის მხარეს დადგება“, ნათქვამია ერთობლივ განცხადებაში. სრულად... წყარო: transparency.ge

თბილისი. ქალთა ფონდის ინფორმაციით, მწვანე/ეკოლოგიური კონცეფციის ნამჯის შენობა უფასოდ მოემსახურება ქალთა და ადამიანის უფლებების, მწვანე, ფემინისტ აქტივისტებს, ქალთა არასამთავრობო ორგანიზაციებს და ადგილობრივ ქალებს საქმიანი შეხვედრების ორგანიზებისა და წარმართვისთვის. „ასევე, ეს იქნება რეზიდენცია ქალი არტივისტებისა და მწერლებისთვის - სივრცე განმარტოებისა და მუშაობისთვის, სადაც შეძლებენ, გარკვეული დროით იცხოვრონ, სანაცვლოდ კი იზრუნონ კარ-მიდამოსა და სათემო ბაღზე. ცენტრის უფასო სერვისების ადმინისტრირებისა და ფინანსური მდგრადობისათვის, სივრცე დამატებით გამოყენებული იქნება კომერციული მიზნით“. სრულად... წყარო: www.womenfundgeorgia.org

25 ივნისს, სამოქალაქო საზოგადოების ინსტიტუტმა (CSI) გამართა ონლაინ კონსულტაცია–ვებინარი – საზოგადოებრივი ორგანიზაციების საგადასახადო დაბეგვრის საკითხებზე. ვებინარში მონაწილეობას იღებდა 31 საზოგადოებრივი ორგანიზაციის წარმომადგენელი. ონლაინ კონსულტაცია მოიცავდა ისეთ საკითხებს როგორიცაა: საგადასახადო დაბეგვრა და ადმინისტრირება, მათ შორის კორონავირუსიდან გამომდინარე აქტუალური საკითხები. ონლაინ კონსულტაცია–ვებინარი გაიმართა პროექტის „სამოქალაქო საზოგადოების განვითარების ინიციატივის“ ფარგლებში, რომელსაც კონრად ადენაუერის ფონდის (KAS) ხელმძღვანელობით ახორციელებს კონსორციუმი: სამოქალაქო საზოგადოების ინსტიტუტი (CSI), საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC) და განათლების განვითარების და დასაქმების ცენტრი (EDEC). პროექტის ფინანსური მხარდამჭერია ევროკავშირი და კონრად ადენაუერის ფონდი.

კახეთი. 25 ივნისს, ევროკავშირის ელჩი კარლ ჰარცელი კახეთის რეგიონულ ჰაბს ეწვია და ადგილობრივი სამოქალაქო ორგანიზაციების წარმომადგენლებს შეხვდა. „ელჩთან შეხვედრაზე აღინიშნა, რომ საქართველოს ევროკაშირთან ასოცირების პროცესის პარალელურად განსაკუთრებით მნიშვნელოვანია სამოქალაქო სექტორის როლი და ჩართულობა. არასამთავრობო ორგანიზაციების წარმომადგენლებმა იმ საჭიროებებსა და გამოწვევებზე ისაუბრეს, რასაც ადგილობრივ დონეზე აწყდებიან. ევროკავშირი გააგრძელებს მხარდაჭერას ყველა იმ მნიშვნელოვანი ცვლილებისთვის, რომელიც რეგიონის გაძლიერებისა და ქვეყნის განვითარებისთვის არის მნიშვნელოვანი, - აღნიშნა კარლ ჰარცელმა. კახეთის რეგიონული ჰაბი არის ერთ-ერთი იმ სამოქალაქო საზოგადოების 10 ჰაბიდან, რომელიც ევროკავშირის პროექტის სამოქალაქო საზოგადოების განვითარების ინიციატივა (CSSI) მხარდაჭერით შეიქმნა. ჰაბის მუშაობის კოორდინაციას უზრუნველყოფს მედია ცენტრი კახეთი, რომელიც აქტიურად მხარს უჭერს საზოგადოებრივი ორგანიზაციების მუშაობას, ეხმარება მათ კოორდინაციასა და საქმიანობაში“, ნათქვამია კახეთის ჰაბის გვერდზე სოციალურ ქსელში. სრულად... წყარო: კახეთის ჰაბის გვერდი სოციალურ ქსელში

აჭარა. 26 ივნისს, 18:00 საათზე აჭარის საზოგადოებრივი მაუწყებლის შენობასთან საზოგადოებრივი ორგანიზაციები აჭარის საზოგადოებრივი მაუწყებლის დასაცავად მართავენ საპროტესტო აქციას (მისამართი: ბათუმი, მემედ აბაშიძის 41).  საზოგადოებრივი ორგანიზაციები საზოგადოების მიმართ მიმართვას ავრცელებენ, სადაც ნათქვამია, რომ „აჭარის ტელევიზიისა და რადიოს დაბალანსებული, მიუკერძოებელი და ობიექტური სარედაქციო პოლიტიკის შენარჩუნება არის სასიცოცხლოდ მნიშვნელოვანი სიტყვის თავისუფლების, ჩვენი ქვეყნის დემოკრატიისა და დამოუკიდებლობისათვის“. სრულად...