ადამიანის უფლებების სწავლებისა და მონიტორინგის ცენტრი (EMC) აქვეყნებს თარგმანს კრეგ კალჰოუნის, მარკ იუგენსმაიერისა და იონათან ვან ანტვერპენის შესავალისა კრებულისთვის - „სეკულარიზმის ხელახალი წაკითხვა“. „ბოლო ხანებამდე, მიიჩნეოდა, რომ საჯარო ცხოვრება არსებითად სეკულარულია. ერთი მხრივ, მკვლევარებს შეეძლოთ, თავდაჯერებით განეხილათ პოლიტიკა, ეკონომიკა და სოციალური ქცევა ისე, თითქოს რელიგია საერთოდაც არ არსებობდა. მეორე მხრივ, სეკულარიზმის საკუთრივი იდეოლოგიური მნიშვნელობა, ერთი შეხედვით, მხოლოდ რელიგიის თავისთავად ცხადად მიჩნეულ გაქრობაზე ან დრომოჭმულობაზე მითითებით შემოიფარგლებოდა. თუმცა, უკანასკნელ წლებში, მსოფლიო არეალზე გამოჩნდნენ პოლიტიკურ აქტივისტები - ზოგნი გაცხადებულად რელიგიური მიზნებით, ზოგნიც მტკიცედ ანტირელიგიური პროგრამებით - რომლებიც უპირისპირდებოდნენ დამკვიდრებულ წარმოდგენებს საჯარო ცხოვრებაში ცნებების „სეკულარიზმი“ და „რელიგია“ ფუნქციონირებაზე და კითხვის ნიშნის ქვეშ აყენებდნენ რელიგიურისა და სეკულარულის თითქოსდა მკვეთრ გამიჯვნას“, - ვკითხულობთ თარგმანში.  სრულად   წყარო: ორგანიზაციის ვებგვერდი

თბილისი. დღეს, ინფორმაციის თავისუფლების განვითარების ინსტიტუტმა, საიასთან ერთად, საჯარო მმართველობის რეფორმის 2019-2020 წლების სამოქმედო გეგმის შესრულების შუალედური ალტერნატიული ანგარიში წარადგინა.  პრეზენტაციის ფარგლებში მონაწილეებმა ისაუბრეს სამოქმედო გეგმის პოლიტიკის დაგეგმვისა და კოორდინაციის, ანგარიშვალდებულების, სახელმწიფო სერვისების მიწოდებისა და საჯარო ფინანსების მიმართულებებზე.  სრულად   წყარო: ორგანიზაციის ვებგვერდი

თბილისი. ევროპის ფონდმა, გრანტის მიმღებ სოციალურ საწარმოებს COVID-19 პანდემიით გამოწვეულ პრობლემებთან გასამკლავებლად, დამატებითი ფინანსური მხარდაჭერა შესთავაზა. ამ მხარდაჭერით რამდენიმე ორგანიზაციამ ისარგებლა და მათ წინაშე მდგარი ამოცანების გადაჭრას შეეცადა. „COVID-19-ს პანდემია განსაკუთრებით მძიმე აღმოჩნდა სოციალური საწარმოებისთვის. ერთი მხრივ იმიტომ, რომ მათი დიდი ნაწილი ტურიზმის ან ტურიზმთან მჭიდროდ დაკავშირებულ სექტორში ოპერირებს (მაგ. ტრადიციული რეწვა, ხელნაკეთი ნივთები); ამას გარდა, გამომდინარე იქიდან, რომ სოც. საწარმოების უმრავლესობა მოწყვლადი ჯგუფის დასაქმების ბიზნესმოდელით საქმიანობს, მათ მიერ დასაქმებული ადამიანების საკმაოდ დიდი ნაწილი COVID-19 რისკ ჯგუფში აღმოჩნდა (მაგ. შშმ პირები). ამას გარდა, სოციალურ საწარმოებს ახასიათებთ ციფრული ტრანსფორმაციისთვის საჭირო აუცილებელი უნარ ჩვევების ნაკლებობა, რაც პრაქტიკულად საკვანძო აღმოჩნდა პანდემიის პერიოდში. სოციალური საწარმოების გარკვეულმა ნაწილმა, შეძლო კრიზისის დროს მოქნილობის შენარჩუნება და ახალი გამოწვევების საპასუხო მიდგომების შემუშავება. თუმცა, დღემდე გადაუჭრელი გამოწვევების წინაშე დგანან სარესტორნე და ტურისტულ სფეროში მომუშავე საწარმოები”, - აღნიშნულია ევროპის ფონდის მიერ გავრცელებულ ინფორმაციაში, - „გიზიარებთ სოციალური საწარმოების ისტორიებს, თუ როგორ გაუმკლავდნენ ისინი პანდემიით გამოწვეულ კრიზისულ სიტუაცია“. სრულად  წყარო: ორგანიზაციის ვებგვერდი

28 ივლისს, 17:00 საათზე, სასტუმრო „სტამბას“ ვერანდაზე, საქართველოს ფერმერთა ასოციაციის ორგანიზებით, საჯარო და კერძო სექტორის წარმომადგენლები, დონორ ორგანიზაციებთან ერთად, აგრარულ სექტორში არსებული გამოწვევების, პროფესიული განათლების მნიშვნელობისა და დასაქმების ხელშეწყობის შესაძლებლობების შესახებ იმსჯელებენ. მისამართი: მერაბ კოსტავას #14. საკონტაქტო  პირი: ნათია მსხილაძე - 591 05 19 05.

28 ივლისს, 11:00 საათზე, ადამიანის უფლებათა ცენტრი პრესკონფერენციას გამართავს.  თემა: ანალიტიკური დოკუმენტი - “გიორგი რურუას სისხლის სამართლის საქმე: სამართლებრივი ანალიზი". მისამართი: აკაკი გახოკიძის #11 ა.

28 ივლისს, 10:30 საათზე, სამართლიანი არჩევნებისა და დემოკრატიის საერთაშორისო საზოგადოების (ISFED) ცენტრალურ ოფისში პრეს კონფერენცია გაიმართება.  თემა: საარჩევნო ადმინისტრაციის ანაზღაურების მონიტორინგის ანგარიში.  მისამართი: ონიაშვილის #37.

სამეგრელო-ზემო სვანეთი. 28 ივლისს, სამშაბათს, 17 საათზე, „დემოკრატიული ჩართულობის ცენტრების ქსელის“ ზუგდიდის ოფისის ორგანიზებით, გაიმართება ონლაინ-პრეზენტაცია - „ახალგაზრდული ბიუჯეტი, ახალგაზრდული იდეები და ინიციატივები“. როგორ ახორციელებს ახალგაზრდულ პოლიტიკას ზუგდიდის მუნიციპალიტეტის ადგილობრივი თვითმმართველობა, როგორია ახალგაზრდების ჩართულობის დონე და ხარისხი აქტიურ საზოგადოებრივ ცხოვრებაში, რამდენად არის მხარდაჭერილი ახალგაზრდული იდეები და ინიციატივები და როგორ ხდება წარმატებული პროექტების შესახებ საზოგადოების ინფორმირებულობა - ამ და სხვა საკითხებზე ახალგაზრდებთან ერთად დისკუსიას გამართავენ ზუგდიდის მუნიციპალიტეტის ადგილობრივი თვითმმართველობის წარმომადგენლები. შეხვედრას შეგიძლიათ შემოუერთდეთ ზუმის საშუალებით  სრულად  წყარო: გვერდი სოციალურ ქსელში

სამეგრელო-ზემო სვანეთი. არასამთავრობო ორგანიზაცია „ადამიანის უფლებებისა და სოციალური სამართლიანობის კვლევის ცენტრმა“ 9 ივნისს გაავრცელა პეტიცია, რომლითაც მოქალაქეები ფოთში ატომოსფერული ჰაერის უწყვეტი მონიტორინგისთვის ავტომატური სადგურების დამონტაჟებას ითხოვდნენ.  პეტიციის განხილვის შემდეგ, ქ. ფოთის მუნიციპალიტეტის საკრებულომ ქალაქში პირველი ავტომატიზებური სადგური განათავსა. „ადამიანის უფლებებისა და სოციალური სამართლიანობის კვლევის ცენტრის“ ადვოკატირების კამპანიას მხარს უჭერს EWMI ACCESS.  სრულად  წყარო: გვერდი სოციალურ ქსელში

21-22 ივლისს, გასვლითი სამუშაო შეხვედრის ფარგლებში, ღია მმართველობის მუდმივმოქმედმა საპარლამენტო საბჭომ და საბჭოსთან არსებული საკონსულტაციო ჯგუფის წევრებმა, 2020-2021 წლების საქართველოს ღია პარლამენტის სამოქმედო გეგმის შემუშავების მიზნით, წარდგენილ ინიციატივებზე იმსჯელეს. სამუშაო შეხვედრაზე სამოქმედო გეგმის ვალდებულებებთან დაკავშირებით რეკომენდაციები და წინადადებები წარადგინეს გაეროს განვითარების პროგრამის (UNDP), ინფორმაციის თავისუფლების განვითარების ინსტიტუტის (IDFI), USAID/GGI-ის, ეროვნულ დემოკრატიული ინსტიტუტის (NDI), საქართველოს ახალგაზრდა იურისტთა ასოციაციის (GYLA), საერთაშორისო გამჭვირვალობა - საქართველოს (TI) და საქართველოს სახალხო დამცველის წარმომადგენლებმა.  წარდგენილი ინიციატივები მიზნად ისახავს საკანონმდებლო ორგანოს საქმიანობის ღიაობის გაძლიერებას და პარლამენტის კანონშემოქმედებითი და საზედამხედველო საქმიანობის პროაქტიულობისა და გამჭვირვალობის გაზრდას. რეკომენდაციების უმეტესობა უზრუნველყოფს პარლამენტის ვებგვერდის მეშვეობით ინფორმაციის ხელმისაწვდომობის ამაღლებას და მხარს უჭერს პროაქტიულად გამოსაქვეყნებელი და ადვილად დამუშავებადი მონაცემების ჩამონათვალის გაზრდას. სამუშაო შეხვედრა გაიმართა ევროკავშირისა (EU) და გაეროს განვითარების პროგრამის (UNDP) პროექტის - „საპარლამენტო დემოკრატიის კონსოლიდაცია საქართველოში“ ფარგლებში. სრულად  წყარო: https://idfi.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

„საერთაშორისო გამჭვირვალობა - საქართველო" სამოქალაქო საბჭოების ადვოკატირების შედეგების შესახებ ინფორმაციას აქვეყნებს. „საერთაშორისო გამჭვირვალობა - საქართველოს" სამოქალაქო საბჭოების ადვოკატირების შედეგად, ყვარელში 9 აპრილის პარკის რეაბილიტაცია მიმდინარეობს. პროექტის თანახმად, სკვერში განახლდება 9 აპრილის მემორიალი, ბილიკები, განათების სისტემა, შადრევანი, მოწესრიგდება წყალკანალიზაციის სისტემა, დაიდგმება სკამები, 2 ბუნგალო და ატრაქციონები. პარკის რეაბილიტაციის მოთხოვნით, ყვარლის მუნიციპალიტეტს 2019 წლის დეკემბერში მივმართეთ, ხელშეკრულება სამუშაოების ჩატარებაზე კი 2020 წლის 26 თებერვალს გაფორმდა. სამუშაოების ღირებულება 185 ათას ლარამდეა. რეაბილიტაცია სექტემბერში უნდა დასრულდეს“, - ვკითხულობთ ინფორმაციაში. ორგანიზაცია,  აქვე, თავს უყრის 2018-2019 წლებში, სამოქალაქო საბჭოების ადვოკატირების შედეგად იმერეთში, აჭარასა და სამეგრელოში განხორციელებულ ცვლილებებს.  სრულად  წყარო: გვერდი სოციალურ ქსელში

ინფორმაციის თავისუფლების განვითარების ისტიტუტი (IDFI) გაეროს 2020 წლის ელექტრონული მმართველობის კვლევაში საქართველოს პოზიციებს მიმოიხილავს...  „საქართველომ გაეროს 2020 წლის ელექტრონული მმართველობის კვლევაში, ელექტრონული მმართველობისა (ელ-მმართველობის) და ელექტრონული ჩართულობის (ელ-ჩართულობის) განვითარების კუთხით, ქულები მცირედით გაიუმჯობესა. თუმცა, ელ-მმართველობის ინდექსის რეიტინგში ქვეყნის პოზიცია ხუთი ადგილით დაქვეითდა, ელ-ჩართულობის მხრივ კი, პირიქით, შვიდი პოზიციით დაწინაურდა. რეგიონის ქვეყნების შედარებით ჩანს, რომ საქართველო ამ მიმართულებით ნელი ტემპით ვითარდება და თანდათან კარგავს შანსს, გახდეს რეგიონის ერთ-ერთი ლიდერი ქვეყანა ელ-მმართველობის რეფორმების კუთხით“, - ნათქვამია ორგანიზაციის მიერ გამოქვეყნებულ ინფორმაციაში.  სრულად   წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ნამახვანის კასკადის წინააღმდეგ, დღეს, ქუთაისში დაგეგმილ საპროტესტო აქციას და მოუწოდებს ხელისუფლებას, არ დაუშვას აღნიშნული პროექტის განხორციელება, მისი ეკონომიკური, სოციალური და ეკოლოგიური შედეგების სრულყოფილი გამოკვლევის გარეშე.  „საზოგადოების მაღალი ინტერესის, სამართლებრივი დავისა და დამოუკიდებელი კვლევების სახიფათო პროგნოზების გათვალისწინებით, საქართველოს მთავრობასა და ეკონომიკისა და მდგრადი განვითარების სამინისტროს მოვუწოდებთ: ალტერნატიული კვლევების საფუძველზე შესწავლონ ნამახვანი ჰესის გარემოსდაცვითი გადაწყვეტილების კანონშესაბამისობა და პროექტის გარემოზე ზემოქმედდების ხარისხი;  საბოლოო გადაწყვეტილების მიღებამდე შეჩერდეს ნამახვანი ჰესის მშენებლობის პროცესი;  შეიმუშავონ განახლებადი ენერგეტიკის, მათ შორის, ჰიდროენერგეტიკის განვითარების სისტემური მიდგომა და სტრატეგია;  ჰესებთან დაკავშირებული პროექტების დაგეგმვისა და განხორციელების ეტაპებზე, უზრუნველყონ ეროვნული და საერთაშორისო კანონმდებლობის დაცვა;  აღმოფხვრან ჰესების მშენებლობის დაგეგმვისა და კომპანიებთან წინასწარი შეთანხმების გაუმართავი და გაუმჭვირვალე პრაქტიკა;  უზრუნველყონ ჰესების მშენებლობის პროექტების ზეგავლენის ქვეშ მყოფი მოსახლეობისა და სხვა დაინტერესებული პირების სათანადო ჩართულობა გადაწყვეტილების მიღების პროცესში;  უზრუნველყონ ჰესების პროექტების ზეგავლენის ქვეშ მყოფი მოსახლეობის უფლებების დაცვა“, - ვკითხულობთ განცხადებაში. სრულად  წყარო: ორგანიზაციის ვებგვერდი

თბილისი. დღეს, თბილისის მერიამ გამჭვირვალობისა და კეთილსინდისიერების ამაღლების სტრატეგიული დოკუმენტები დაამტკიცა.  ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით, საია და თბილისის მერია გამჭვირვალობისა და კეთილსინდისიერების ამაღლების სტრატეგიის, სამოქმედო გეგმის და მონიტორინგის ჩარჩოს შექმნის მიზნით 2019 წლიდან თანამშრომლობენ. ამ დოკუმენტების შემუშავება ღია მმართველობის პარტნიორობის ერთ-ერთი ვალდებულება იყო.  სრულად  წყარო: ორგანიზაციის ვებგვერდი

ევროკავშირის წარმომადგენლობა საქართველოში ავრცელებს ინტერვიუს საქართველოში ევროკავშირის ელჩთან, კარლ ჰარცელთან.  რა სფეროების განვითარებას უწყობს ხელს ევროკავშირი საქართველოში და როგორ ეხმარება ეს მხარდაჭრა ქვეყანას გამოწვევების დაძლევაში - ეს არის საკითხები, რომლის შესახებ ელჩი ინტერვიუში საუბრობს. სრულად  წყარო: გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) „ელცინ ცენტრში“ დაცული საქართველოსთან დაკავშირებული ათეულობით დოკუმენტის გაანალიზებას იწყებს. დღეს ორგანზიაცია აქვეყნებს ცენტრში დაცული დოკუმენტების პირველ ნაწილის ანალიზს, რომელიც ზვიად გამსახურდიას პრეზიდენტობის (1991 წელი) პერიოდს ეხება.  „ელცინ ცენტრის საქმიანობა რუსეთში ერთგვარად არ არის აღქმული: ცენტრის წინააღმდეგ სხვადასხვა დროს გამოდიოდა გავლენიანი საზოგადო მოღვაწე ნიკიტა მიხალკოვი, ცენტრის შენობასთან აქციებს მართავდნენ პარტია ЛДПР-ის წარმომადგენლები, 2016 წელს, 6000-ზე მეტმა აქტივისტმა პორტალზე change.org მოაწერა ხელი პეტიციას ელცინ ცენტრის დახურვის მოთხოვნით, რადგან მათი აზრით ის ამახინჯებდა ისტორიას. ცენტრის საქმიანობას არაერთხელ შეუშალეს ხელი იმ მოტივით, რომ იქ ხშირად უთმობდნენ სივრცეს ლიბერალებს. ამის გათვალისწინებით, აუცილებელია საქართველოსთან დაკავშირებული დოკუმენტების ჩამოტვირთვა და სხვა, უფრო დაცულ ადგილას შენახვა, რადგან არავინ იცის თუ როდის შეექმნება ცენტრს და მის ელექტრონულ ვებ-გვერდს ფუნქციონირების პრობლემა. მით უმეტეს არსებობს არაერთი ფაქტი, როდესაც რუსეთის არქივებმა უკვე გამოქვეყნებული დოკუმენტებს ხელახლა მიანიჭეს გრიფი - საიდუმლო“, - ვკითხულობთ IDFI-ის მიერ გავრცელებულ ინფორმაციაში.  სრულად  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენრი (EMC) დღეს საზოგადოებას წარუდგენს კვლევას - „ეთნიკური უმცირესობების საჭიროებები, საზოგადოებრივი მაუწყებელი და პანდემია“. „2020 წლის 23 მარტს, ეთნიკური უმცირესობებით კომპაქტურად დასახლებული ორი რაიონი, მარნეული და ბოლნისი, ახალი კორონავირუსის შიდა გავრცელების შემთხვევის გამო ჩაიკეტა (რადიო თავისუფლება, 2020). მსუბუქი პანიკა, რომელიც ქვეყანაში ვირუსის უკონტროლო გავრცელების საფრთხეს მოჰყვა, მალევე ქსენოფობიისა და ნაციონალიზმის მორიგ ტალღაში გადაიზარდა, რაც ყველაზე ნათლად სოციალურ ქსელ Facebook-ზე მომხმარებლების კომენტარებში გამოვლინდა (ქევანიშვილი, 2020). „წითელ ზონებად“ გამოცხადებულ რაიონებში ჩაკეტილ მოსახლეობას მომდევნო დღეების განმავლობაში ერთდროულად უწევდა კორონავირუსთან, ეკონომიკური სიდუხჭირის შიშსა და ეთნო-ნაციონალიზმთან ბრძოლა. იმის მაგივრად, რომ ადგილობრივი აქტივისტების ენერგია კორონავირუსის შესახებ ინფორმაციის გავრცელებაზე, ვირუსის პრევენციასა და ეკონომიკური სირთულეების თავიდან არიდებაზე დახარჯულიყო, მათ მოუხდათ ინტერნეტ კამპანიის წამოწყება, რომლის მთავარი მესიჯიც იყო - „მე ვარ საქართველოს მოქალაქე“, - ვკითხულობთ კვლევის შესავალში. სრულად  წყარო: ორგანიზაციის ვებგვერდი

სამოქალაქო კამპანიის, „ეს ქვეყანა შენია“, ფარგლებში, სამოქალაქო საზოგადოების ინსტიტუტმა საქართველოს რეგიონებში ახალგაზრდებთან საჯარო შეხვედრები დაიწყო...  შეხვედრებზე, რომელშიც პოპულარული ადამიანები მონაწილეობენ, ახალგაზრდებს სამოქალაქო საზოგადოების, სამოქალაქო ღირებულებებისა და საზოგადოებრივი ორგანიზაციების საქმიანობის შესახებ მოუთხრობენ; შეხვედრის მონაწილეები მიიღებენ კამპანიის ფარგლებში მომზადებულ ალმანახს, რომელშიც თავმოყრილია საქართველოს საუკეთესო შვილების ნააზრევი თავისუფლების, სამართლიანობისა და დემოკრატიის შესახებ, ასევე - მსოფლიოს, ევროპის, რეგიონულ და საქართველოს ფიზიკურ რუკებს, მათზე დატანილი მნიშვნელოვანი ინფორმაციებით, კამპანიის პრომო-პროდუქციას.  საჯარო შეხვედრებზე გაიმართება კამპანია „ეს ქვეყანა შენიას“ ახალგაზრდული კონკურსის გამარჯვებულების დაჯილდოებაც. ეს კონკურსი მთელი ქვეყნის მასშტაბით გაიმართა და მასში უფროსკლასელთა 150-მდე გუნდი მონაწილეობდა. გამარჯვებულებს - მოსწავლეებსა და მათ კურატორ-მასწავლებლებს - რომლებიც პედაგოგებისა და საზოგადოებრივი ორგანიზაციების წარმომადგენლებისგან შემდგარმა ჟიურიმ გამოავლინა, საჩუქრად ნოუთ-ბუქები გადაეცემათ.  პირველი საჯარო შეხვედრა და გამარჯვებულების პირველი დაჯილდოება, დღეს, გორში გაიმართა. 15 აგვისტომდე, სამოქალაქო საზოგადოების ინსტიტუტის გუნდი, კიდევ 15 ასეთ შეხვედრას გამართავს შიდა ქართლში, კახეთში, სამცხე-ჯავახეთში, ქვემო ქართლში, მცხეთა-მთიანეთში, რაჭა-ლეჩხუმ-ქვემო სვანეთში, იმერეთში, აჭარაში, გურიასა და სამეგრელოში.  სამოქალაქო კამპანიის, „ეს ქვეყანა შენია“, მიზანია საქართველოში სამოქალაქო საზოგადოების გაძლიერების ხელშეწყობა და საზოგადოებრივი ორგანიზაციების ცნობადობის გაზრდა; მოსახლეობამდე სამოქალაქო საზოგადოების ორგანიზაციების ღირებულებებისა და ფუნქციების, მათი საქმიანობის არსის სწორად მიტანა და სამოქალაქო აქტიურობის მნიშვნელობის ჩვენება. კამპანია მიმდინარეობს პროექტის, „სამოქალაქო საზოგადოების განვითარების ინიციატივა“, ფარგლებში.  პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ, სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი.

თბილისი. პროექტის - „კარგი მმართველობის გაძლიერება საქართველოში“ - ფარგლებში, ინფორმაციის თავისუფლების განვითარების ინსტიტუტმა (IDFI), ხელისუფლების საქმიანობის მონიტორინგის მექანიზმები და მეთოდების შესახებ, ორდღიანი ტრენინგი გამართა.  ტრენინგში, რომელიც გლობალური საქველმოქმედო ორგანიზაცია Luminate-ის მხარდაჭერით ჩატარდა, მონაწილეობა მიიღეს ღია კონკურსის შედეგად შერჩეულმა რეგიონში მცხოვრებმა სტუდენტებმა, სამოქალაქო აქტივისტებმა და ჟურნალისტებმა.  სრულად   წყარო: ორგანიზაციის ვებგვერდი

იმერეთი. ადგილობრივი დემოკრატიის სააგენტო საქართველომ (LDAGeorgia), პროექტ "სამოქალაქო საზოგადოების განვითარების ინიციატივის" ფარგლებში, ჭიათურის მუნიციპალიტეტის სამოქალაქო საზოგადოების ორგანიზაციებთან ურთიერთობაზე პასუხისმგებელ პირებთან და მუნიციპალიტეტის წარმომადგენლებთან შეხვედრა გამართა.  შეხვედრაზე საუბარი შეეხო, COVID19-ის შედეგად მიღებულ გამოწვევებსა და საკითხებს, რომელი მიმართულებითაც მნიშვნელოვანია სამოქალაქო საზოგადოებრივმა ორგანიზაციებმა გააგრძელონ აქტიური მუშაობა.  პროექტი "სამოქალაქო საზოგადოების განვითარების ინიციატივა" ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) პარტნიორობით.  სრულად   წყარო: გვერდი სოციალურ ქსელში

შიდა ქართლი. 15-16 და 17 ივლისს, გორის სამოქალაქო აქტივიზმის ცენტრის, პროგრამა PITA-ში ჩართული მოხალისეებისათვის გაიმართა 3-დღიანი ტრენინგი „მრავალფეროვნების მართვა, ტოლერანტობა და სოციალური ინოვაციები“. აქტივობა დაიგეგმა პროგრამა PITA-ს ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს განვითარების სააგენტოს (USAID) ფინანსური მხარდაჭერით.  სრულად  წყარო: გვერდი სოციალლურ ქსელში

2020 წლის აგვისტოდან Facebook საქართველოში საარჩევნო და პოლიტიკური რეკლამებისთვის ავტორიზაციას სავალდებულოს გახდის.  ამის შესახებ იმ წერილშია ნათქვამი, რომელიც ცენტრალურ და აღმოსავლეთ ევროპაში ფეისბუქის საჯარო პოლიტიკის დირექტორმა, გაბრიელა ცსეჰმა ქართული საზოგადოებრივი ორგანიზაციებისა და მედიების მიმართვის საპასუხოდ გამოაგზავნა.  სრულად  წყარო: www.humanrights.ge