თბილისი. ხელმომწერები ეხმიანებიან „შშმ პირთა უფლებების შესახებ“ კანონპროექტის განხილვას და მოუწოდებენ საქართველოს პარლამენტს, უზრუნველყოს საკანონმდებლო ცვლილებების პაკეტის საერთაშორისო ვალდებულებებთან სრულ შესაბამისობაში მოყვანა. ისინი, ასევე, მოუწოდებენ საკანონმდებლო ორგანოს, შშმ თემის აქტიური მონაწილეობისკენ მისი განხილვის პროცესში. „კიდევ ერთხელ გამოვთქვამთ პარლამენტთან და იუსტიციის სამინისტროსთან თანამშრომლობისა და სამუშაო შეხვედრებში მონაწილეობის მზადყოფნას, სადაც მოგვეცემა შესაძლებლობა, დაწვრილებით წარმოვადგინოთ ჩვენი მოსაზრებები და რეკომენდაციები კანონპროექტთან დაკავშირებით. მხოლოდ აქტიური კომუნიკაცია მოგვცემს საშუალებას, დავხვეწოთ დოკუმენტი იმგვარად, რომ მოხდეს მისი სრული შესაბამისობის უზრუნველყოფა საერთაშორისო სტანდარტებთან და კანონპროექტი იქცეს შშმ პირების უფლებების დაცვის ქმედით მექანიზმად“, ნათქვამია განცხადებაში. სრულად... წყარო: gyla.ge

თბილისი. საზოგადოებრივი ორგანიზაციები გაეროს ბავშვის უფლებათა კომიტეტს სოფიო კილაძის კომიტეტის წევრად შესაძლო არჩევასთან დაკავშირებით მიმართავენ.  „წინამდებარე განცხადებაზე ხელმომწერი ორგანიზაციები მივიჩნევთ, რომ სახელმწიფომ ბავშვის უფლებათა კომიტეტის წევრობის კანდიდატის შერჩევისას უგულებელყო გაეროს რეკომენდაციები კანდიდატის შერჩევის პროცედურასთან დაკავშირებით და ამასთან, კომიტეტის წევრობის კანდიდატად წარადგინა სოფიო კილაძე, რომელიც, ჩვენი შეფასებით, არ გამოირჩევა თანასწორობისა და ადამიანის უფლებების მაღალი რწმენითა და პატივისცემით. ქალბატონი კილაძე ადამიანის უფლებებისა და სამოქალაქო ინტეგრაციის კომიტეტის თავმჯდომარედ ყოფნის პერიოდში გამოირჩევა ჰომოფობიური განწყობებით და ზოგადად უმცირესობების უფლებების არაღიარების და არასათანადო მხარდაჭერის პრობლემური გამოცდილებით. ხელმომწერი ორგანიზაციები ვთვლით, რომ სამოქალაქო საზოგადოების პოზიცია ცნობილი უნდა იყოს კომიტეტისთვის გადაწყვეტილების მიღებამდე. სწორედ ამის გამო გიზიარებთ ჩვენი პოზიციის დასაბუთებას და გთხოვთ, რომ გადაწყვეტილების მიღების დროს ის გაითვალისწინოთ“, ნათქვამია ერთობლივ განცხადებაში. სრულად... წყარო: phrgeorgia.wordpress.com

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ადამიანის უფლებების სწავლებისა და მონიტორინგის ცენტრი (EMC) მადლობას უხდის საზოგადოებრივ ორგანიზაციებს, მედიებს, აქტივისტებს, მოქალაქეებს მხარდაჭერისთვის და სოლიდარობისთვის, რომელიც სახელმწიფო უსაფრთხოების სამსახურში ორგანიზაციის ერთ-ერთი ხელმძღვანელის, თამთა მიქელაძის გამოკითხვას უკავშირდებოდა. „გამოკითხვის პროცესმა ნორმალურ გარემოში, დელიკატურად და კანონისა და პატივისცემის ფარგლებში ჩაიარა. თუმცა, მიმდინარე გამოძიების პროცესის მიმართ EMC ინარჩუნებს იმ ზოგად კრიტიკას, რომელიც გუშინ გავრცელებულ განცხადებაში წარმოვადგინეთ. ჩვენთვის მიუღებელია მიმდინარე გამოძიების ფარგლებში აქტივისტების მოსაზრებებისა და გამოხატვის თავისუფლების შემოწმება და ვშიშობთ, რომ ამგვარმა ნაბიჯებმა საქართველოს აზერბაიჯანელ თემში უნიკალური დემოკრატიული პროცესების შეფერხების რისკები შეიძლება შექმნას“, ნათქვამია ორგანიზაციის განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. ხელმომწერი ორგანიზაციები ეხმაურებიან სახელმწიფო უსაფრთხოების სამსახურის მიერ „ადამიანის უფლებების სწავლებისა და მონიტორინგის ცენტრის (EMC)-ის” თანასწორობის პოლიტიკის პროგრამის დირექტორის, თამთა მიქელაძის გამოკითხვაზე დაბარების საკითხს. „EMC წლების განმავლობაში აქტიურად მუშაობს ეთნიკური უმცირესობებისა და არადომინანტური რელიგიური ჯგუფების ინტეგრაციისა და პოლიტიკური ჩართულობის საკითხებზე და ხშირად აკრიტიკებს ხელისუფლებას არასაკმარისი ანტიდისკრიმინაციული პოლიტიკის გატარების გამო. სწორედ ამიტომ, გამოკითხვაზე თამთა მიქელაძის სუს-ში დაბარება აჩენს მის საქმიანობაზე კონტროლის განხორციელების რეალურ ეჭვებს. მით უფრო, იმ ფონზე, როდესაც გამოძიება არ ინტერესდება ულტრამემარჯვენე ჯგუფების აქტივობებით, რომლებიც ეთნიკური უმცირესობებით დასახლებულ რეგიონებში დესტაბილიზაციისა და დაძაბულობის ახალი კერის შექმნას ცდილობენ“, ნათქვამია ერთობლივ განცხადებაში. სრულად... წყარო: women.ge

სამოქალაქო საზოგადოების ინსტიტუტი (CSI) აცხადებს მიღებას ონლაინ კურსზე – „ჟურნალისტიკა სოციალური ცვლილებებისთვის“. თანამედროვე ტექნოლოგიებისა და სოციალური სხვადასხვა პლატფორმების ეპოქაში თითოეული მოქალაქე არამხოლოდ ინფორმაციის მიმღები, ხშირ შემთხვევაში ინფორმაციის წყარო ან ინფორმაციის გავრცელების ხელშემწყობი ხდება. იმისთვის, რომ დადებით და საჭირო ცვლილებებს შევუწყოთ ხელი აუცილებელია ვიცოდეთ: როგორ გაავრცელოთ ინფორმაცია სწრაფად; როგორ მოვახერხოთ საზოგადოების ფართო ფენების ინფორმირება; ამისთვის როგორ გამოვიყენოთ თანამედროვე ტექნოლოგიები, პლატფორმები; როგორ არ გავხდეთ მანიპულაციის მსხვერპლი; როდის და როგორ გადავამოწმოთ ინფორმაცია; როგორ არ გავხდეთ დეზინფორმაციის გამავრცელებლები. სრულად...  წყარო: civilin.org

თბილისი. საზოგადოებრივი ორგანიზაციები სახელმწიფო უსაფრთხოების სამსახურის მიერ ადამიანის უფლებების სწავლებისა დამონიტორინგის ცენტრის (EMC) ერთ-ერთი დირექტორის, თამთა მიქელაძის გამოკითხვაზე დაბარების საკითხს ეხმაურებიან. „სუს-ის ზოგადი განმარტებით, გამოძიება შეეხება რასობრივ დისკრიმინაციას, რადგან გარკვეული პირები ცდილობენ ქვემო ქართლის და კახეთის რეგიონში ეთნიკურ ქართველებსა და აზერბაიჯანელებს შორის შუღლის გაღვივებას. სუს-ის მიერ გამოძიების დაწყება ბუნდოვანი ამოცანით, ხოლო შედეგად, არასამთავრობო ორგანიზაციის ხელმძღვანელის გამოკითხვაზე დაბარება, შეიძლება აღიქმებოდეს როგორც მინიშნება და გაფრთხილება სამოქალაქო აქტივისტების მიმართ. აღნიშნული პრაქტიკა სახიფათოა იმის გამოც, რომ, დიდი ალბათობით, სუს-ი მოითხოვს გაფორმდეს გაუთქმელობის ხელწერილი, რაც შეუძლებელს გახდის არამხოლოდ არასამთავრობო ორგანიზაციის ხელმძღვანელის ამ კონტექსტში გამოძიებაზე დაბარების ფაქტის მართებულობაზე ეფექტიან მსჯელობას, არამედ, თამთა მიქელაძე, რომელიც ეთნიკურ უმცირესობათა პრობლემებზე საზოგადოების ინფორმირებისთვის კრიტიკულად მნიშვნელოვანი აქტივისტი, მოკლებული იქნება შესაძლებლობას, საზოგადოებას თავისუფლად, შეუზღუდავი სახით მიაწოდოს ხელისუფლების ალტერნატიული ინფორმაცია“, ნათქვამია ერთობლივ განცხადებაში. სრულად... წყარო: gyla.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. Covid-19-ის პანდემიის გამოწვევების საპასუხოდ, ინფორმაციის თავისუფლების განვითარების ინსტიტუტმა (IDFI) სხვადასხვა აქტივობები განახორციელა. „კერძოდ, ბოლო სამი თვის მანძილზე IDFI-მ მოამზადა 18 ანალიტიკური სტატია, 1 ვიდეორგოლი, 5 ვიზუალიზაცია, ჩაატარა 1 ვებინარი/ონლაინ დისკუსია და 1 ტრენინგ-კურსი აჭარის უმაღლესი საბჭოს თანამშრომლებისთვის. ასევე, IDFI-მ სოციალურად დაუცველპირებს 2000 ერთეული ვირუსისგან დამცავი პირბადე გადასცა“. სრულად... წყარო: idfi.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ევროკავშირის მხარდაჭერით, საქართველოში იწყება სამი ახალი პროექტი, რომელიც დახმარებას გაუწევს მოწყვლად ჯგუფებს Covid-19-ით გამოწვეული კრიზისის პერიოდში შექმნილი პრობლემების დაძლევაში. „ევროკავშირი, კრიზისის დაწყების დღიდან მხარში უდგას საქართველოს და ასე გააგრძელებს. ჩვენ მაქსიმალურად მოკლე დროში მოვახდინეთ საჭირო რესურსების მობილიზება და დღეს, მე დიდი სიამაყით შემიძლია განვაცხადო, რომ იწყება სამი მნიშვნელოვანი პროექტი, რომელთა მიზანია იძულებით გადაადგილებული პირთა, შეზღუდული შესაძლებლობების მქონე პირთა და ოჯახში ძალადობის მსხვერპლთა დახმარება. პროექტებს შესაბამის სფეროში გამოცდილების მქონე საზოგადოებრივი ორგანიზაციების განახორციელებენ. ჩვენ მოუთმენლად ველოდებით მათთან თანამშრომლობის დაწყებას “, - განაცხადა კარლ ჰარცელმა, ევროკავშირის ელჩმა საქართველოში. სრულად... წყარო: eeas.europa.eu

თბილისი. საქართველოს ახალგაზრდა იურისტთა ასოციაცია (საია) იქვევს რეგიონულ არასამთავრობო ორგანიზაციებს საჯარო მმართველობის რეფორმის (PAR) საკითხებზე ტრენინგში მონაწილეობისთვის. „მონაწილეები გაიღრმავებენ ცოდნას საჯარო მმართველობის რეფორმის საკითხებთან დაკავშირებით, გაეცნობიან საჯარო მმართველობის რეფორმის სამოქმედო გეგმის ალტერნატიული მონიტორინგის მეთოდოლოგიას და მიიღებენ ინფორმაციას PAR-ის განხორციელებისა და მონიტორინგის პროცესში ჩართულობის შესაძლო გზების შესახებ. ტრენინგის დასრულების შემდეგ, საია მონაწილეებიდან კონკურსის წესით შეარჩევს 11 ორგანიზაციას და მათთვის გამოყოფს მცირე გრანტებს. რაც მათ საშუალებას მისცემთ შეაფასონ ადგილობრივ დონეზე PAR-ის რეფორმის განხორციელება, ასევე, ყველა ადგილობრივი დაინტერესებული მხარის ჩართულობით გამართული საჯარო განხილვებისა და სამუშაო შეხვედრების საშუალებით, გამოკვეთონ გამოწვევები და შესაძლებლობები“. სრულად... წყარო: gyla.ge

თბილისი. საერთაშორისო გამჭვირვალობა - საქართველო აქვეყნებს 2019 წლის ანგარიშს. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის (IDFI) ანგარიშში თავმოყრილია ორგანიზაციის მიერ 2019 წელს მიღწეული შედეგები შემდეგ მიმართულებებში: კარგი მმართველობა, მედია, ინტერნეტი და ინოვაციები, ეკონომიკა და სოციალური პოლიტიკა, მეხსიერებისა და დეზინფორმაციის კვლევები. სრულად... წყარო: idfi.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. კამპანია „ეს ქვეყანა შენია“ ემსახურება საქართველოში სამოქალაქო საზოგადოების გაძლიერებას, სამოქალაქო ღირებულებების, საზოგადოებრივი ორგანიზაციების საქმიანობის პოპულარიზაციასა და სამოქალაქო აქტივიზმის ხელშეწყობას. 30 მაისს 15:00 საათზე გაიმართება დისტანციური საინფორმაციო შეხვედრა თბილისის სამოქალაქო განათლების პედაგოგებთან, რომლის მიზანია მათი კამპანიაში ჩართვა. შეხვედრაზე ასევე გამოცხადდება კონკურსი ახალგაზრდებისთვის (უფროსკლასელებისთვის) - „ეს ქვეყანა შენია!“. შეხვედრაზე დასწრების მსურელებმა, გთხოვთ, გაიარეთ რეგისტრაცია 29 მაისის 18:00 საათამდე... რეგისტრაციის შემდგომ, ელექტრონული ფოსტით მიიღებთ zoom-ის შეხვედრის ბმული.

თბილისი. გაეცანით კონსულტაციისა და ტრენინგის ცენტრის და ონლაინ გამოცემა „პუბლიკას“ ერთობლივ პროექტს - „Covid-19 და საზოგადოებრივი ინიციატივები“. „პუბლიკას ვებ-გვერდის მოცემულ სვეტში გაერთიანდება და გაშუქდება ყველა ის სოციალური მიმართულების საზოგადოებრივი ინიციატივა, რომელიც COVID 19 პანდემიის საპასუხოდ განხორციელდება. ორი საინტერესო ისტორია ამ ეტაპზე უკვე მომზადდა და სამომავლოდ ერთი სვეტის ქვეშ გაერთიანდება პროექტის ფარგლებში მომზადებული ყველა მასალა. თუ გაქვთ ინფორმაცია და გსურთ გაგვიზიაროთ სოციალური მიმართულებით სამოქალაქო ინიციატივების შესახებ, გთხოვთ მოგვწეროთ ჩვენ ან ონლაინ გამოცემა „პუბლიკას““. იხილეთ სტატიები „პუბლიკაზე“... წყარო: ორგანიზაციის გვერდზე სოციალურ ქსელში

თბილისი. სამოქალაქო საზოგადოების ინსტიტუტის ორგანიზებით, სამოქალაქო კამპანია „ეს ქვეყანა შენიას“ ფარგლებში ბლოგერების კონკურსში გამარჯვებულები გამოვლინდნენ. კონკურსის ფარგლებში შემოვიდა 19 ნაშრომი/ბლოგი. კომპეტენტურმა ჟიურიმ - ჯიმშერ რეხვიაშვილის, დავით პაიჭაძეს, თემურ ჯალიაშვილის და ნინო სამსონიძის შემადგენლობით, გამოავლინა საუკეთესო ნაშრომები. საპრიზო ადგილები გამარჯვებულებს შორის ასე გადანაწილდა: I ადგილი: 1 000 ლარი - ნინო ვართაპეტიანის ბლოგ-პოსტი - „ქვაბისხევი..." II ადგილი: 700 ლარი - ანა გვალია ბლოგ-პოსტი „სამოქალაქო აქტივიზმისა და პასუხისმგებლობის როლი ქვეყნის განვითარებაში" III ადგილი: 500 ლარი - ანი ცინცაძე ბლოგ-პოსტი „ეს ქვეყანა ჩემი, შენი, ჩვენია!" III ადგილი: 500 ლარი - ლანა კაპანაძე ბლოგ-ბოსტი - „ეს ქვეყანა შენია" კონკურსის მიზანია საქართველოში სამოქალაქო საზოგადოების გაძლიერება, სამოქალაქო საზოგადოების ღირებულებების დამკვიდრება, სამოქალაქო საზოგადოების ორგანიზაციების საქმიანობის წამოჩენა და  სამოქალაქო აქტივიზმის ხელშეწყობა. ქვეყნის განვითარება მნიშვნელოვნად არის დამოკიდებული აღნიშნულ პროცესში თითოეული მოქალაქის მიერ მისი როლისა და პასუხისმგებლობის გაცნობიერებაზე.  სამოქალაქო კამპანია „ეს ქვეყანა შენია" მიმდინარებს „სამოქალაქო საზოგადოების განვითარების ინიციატივის" ფარგლებში. პროექტი „სამოქალაქო საზოგადოების განვითარების ინიციატივა" ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი. სრულად... წყარო: civilin.org

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. კამპანია „ეს ქვეყანა შენია“ ემსახურება საქართველოში სამოქალაქო საზოგადოების გაძლიერებას, სამოქალაქო ღირებულებების, საზოგადოებრივი ორგანიზაციების საქმიანობის პოპულარიზაციასა და სამოქალაქო აქტივიზმის ხელშეწყობას. 21 მაისს 17:00 საათზე გაიმართება დისტანციური საინფორმაციო შეხვედრა თბილისის სამოქალაქო განათლების პედაგოგებთან, რომლის მიზანია მათი კამპანიაში ჩართვა. შეხვედრაზე ასევე გამოცხადდება კონკურსი ახალგაზრდებისთვის (უფროსკლასელებისთვის) - „ეს ქვეყანა შენია!“. შეხვედრაზე დასწრების მსურელებმა, გთხოვთ, გაიარეთ რეგისტრაცია 20 მაისის 18:00 საათამდე... რეგისტრაციის შემდგომ, ელექტრონულ ფოსტაზე გამოგეგზავნებათ zoom-ის შეხვედრის ბმული.

საზოგადოებრივი ორგანიზაციების ვებპორტალი Csogeorgia.org უკვე 8 წლისაა.  ზუსტად 8 წლის წინათ, 2012 წლის 18 მაისს დაიწყო პორტალმა მუშაობა და მისი გუნდი დღემდე სიამოვნებით აკეთებს საქმეს, რომელიც საქართველოში სამოქალაქო საზოგადოების გაძლიერებას უწყობს ხელს.  გვინდა, მადლობა გითხრათ თანამშრომლობისთვის, ინტერესისთვის, რომელსაც ამ წლების განმავლობაში თქვენგან ვგრძნობდით. Csogeorgia.org კვლავაც სიამოვნებით გაავრცელებს ინფორმაციებს სსო-ების, სამოქალაქო აქტივისტების საქმიანობის შესახებ. თქვენი შრომა ჩვენთვის მნიშვნელოვანია. Csogeorgia.org

სამოქალაქო საზოგადოების განვითარების ინიციატივის პროექტის ფარგლებში COVID 19-ის გავრცელების შეჩერების მიზნით საინტერესო საინფორმაციო კამპანია განხორციელდა. პური სპეციალური საინფორმაციო ეტიკეტებით გაიყიდა – ჯამში 173 760 პური. ასევე, ამ კამპანიის ფარგლებში, საქართველოს ათ რეგიონში მოსახლეობას 22.500 მრავალჯერადი ჩანთა გადაეცა, სადაც ასევე კოვიდ19-ის პრევენციული ღონისძიებების შესახებ, ასევე საზოგადოებრივი უსაფრთხოების მართვის ცენტრის-112, ჯანდაცვის სამინისტროს, დაავადებათა კონტროლის ეროვნული ცენტრის და მთავრობის ერთიანი ცხელი ხაზის შესახებ ინფორმაცია ქართულ, აზერბაიჯანულ და სომხურ ენებზეა დაბეჭდილი. ეს კამპანია „განათლების განვითარების და დასაქმების ცენტრმა” დაგეგმა პროექტის „სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS).  სრულად კამპანიის შესახებ... წყარო: ევროკავშირის წარმომადგენლობა