თბილისი. კავკასიის კვლევითი რესურსების ცენტრის (CRRC), ამერიკული საბჭოების და სამხრეთ კავკასიის ამერიკული კვლევითი ინსტიტუტის (ARISC) საშემოდგომო სესიების ფარგლებში, გაიმართება მორიგი სესია: „ქალის სახე ქართულ საბჭოთა ფილმებში". მომხსენებელი სალომე ცოფურაშვილი. სესია გაიმართება 3 დეკემბერს, 18:30 საათზე. სრულად... წყარო: www.crrc.ge

თბილისი. ინფორმაციის თავისუფლების განვითარების ინსტიტუტი ბლოგპოსტს - „საქართველოში მყოფი უცხო ქვეყნის მოქალაქეებისთვის კანონმდებლობაში მნიშვნელოვანი დადებითი ცვლილები შევიდა" - აქვეყნებს. „კანონში ახლად შესული ცვლილებები აწესებს ახალ რეგულაციებს, როგორც საქართველოში ბინადრობის მოწმობის, ისე საიმიგრაციო ვიზის მიღებით დაინტერსებულ პირთათვის. აღსანიშნავია, რომ საიმიგრაციო (D კატეგორიის) ვიზა გაიცემა შრომითი საქმიანობის განსახორციელებლად, ისევე როგორც საქართველოს ავტორიზებულ საგანმანათლებლო დაწესებულებებში სასწავლებლად ჩამოსულ პირებზე. მნიშვნელოვანი ცვლილება ეხება იმ უცხო ქვეყნის მოქალაქეებს, რომლებიც საქართველოს ტერიტორიაზე შემოვიდნენ 2014 წლის 17 მარტის შემდეგ და რომლებიც კანონის მიღების დროისთვის იმყოფებიან საქართველოს ტერიტორიაზე", ნათქვამია ბლოგპოსტში. სრულად... წყარო: idfi.ge

გურია. 28 ნოემბერს, ლანჩხუთის მუნიციპალიტეტის თვითმმართველობის შენობაში „ახალგაზრდა პედაგოგთა კავშირის" მიერ ლანჩხუთის მუნიციპალიტეტში განხორციელებული „მოსახლეობის კეთილდღეობის კვლევის" პრეზენტაცია გაიმართა. კვლევა განხორციელდა ,,ახალგაზრდა პედაგოგთა კავშირისა" და ლანჩხუთის მუნიციპალიტეტის საკრებულოს შორის 2013 წლის 13 ნოემბერს გაფორმებული მემორანდუმის საფუძველზე. კვლევის მიზანი იყო ლანჩხუთის მუნიციპალიტეტის მოსახლეობის კეთილდღეობის, ანუ სოციალურ-ეკონომიკური პროფილის და მასთან დაკავშირებული დამოკიდებულებების (ატიტუდების) შესწავლა. გამოიკითხა 3500-მდე რესპოდენტი, როგორც რაიონულ ცენტრში, ისე მუნიციპალიტეტში შემავალ ყველა სოფელში. წყარო: ორგანიზაციის გვერდი სოციალურ ქსელში

28 ნოემბერს ომბუდსმენების საერთაშორისო ინსტიტუტის (IOI) გენერალური მდივნის ოფიციალური შეტყობინებით, საქართველოს სახალხო დამცველი აღნიშნული ინსტიტუტის წევრი გახდა, ხმის მიცემის უფლებით. გადაწყვეტილება ომბუდსმენების საერთაშორისო ინსტიტუტის დირექტორთა საბჭომ საქართველოს სახალხო დამცველის გაწევრიანების შესახებ ოფიციალური მიმართვის განხილვის შედეგად მიიღო. სრულად... წყარო: www.ombudsman.ge

თბილისი. პირველ დეკემბერს, საქართველოს მწერალთა სახლის საგამოფენო დარბაზში ჰაინრიჰ ბიოლის ფონდის მხარდაჭერით გაიმართა ფოტოგამოფენის -,,საბჭოთა წარსული თბილისის ჩრდილებში" - პრეზენტაცია. გამოფენა, რომლის მიზანია, წახალისდეს საზოგადოებრივი დისკუსია უახლესი ისტორიის შესახებ მეხსიერების შენარჩუნების მნიშვნელობაზე, მწერალთა სახლის საგამოფენო დარბაზში 2014 წლის 7 დეკემბრამდე იქნება წარმოდგენილი. სრულად... წყარო: ორგანიზაციის გვერდი სოციალურ ქსელში

კახეთი. თელავში გაეროს განვითარების პროგრამის (UNDP) „საზოგადოებრივი მომსახურებებით საქართველოს მოსახლეობის კმაყოფილების დონის კვლევის” შედეგების პრეზენტაცია გაიმართა. კვლევის მიზანი იყო მოსახლეობის კეთილდღეობის, ანუ სოციალურ–ეკონომიკური პროფილის და მასთან დაკავშირებული დამოკიდებულებების შესწავლა, შეხვედრას ესწრებოდნენ თელავში მოქმედი არასამთავრობო სექტორის წარმომადგენლები, ასევე კახეთის გუბერნიის და სხვადასხვა მუნიციპალიტეტების თანამშრომლები. შეხვედრაზე მეტი დრო ინფრასტრუქტურულ საკითხები განხილვას დაეთმო. უნდა აღინიშნოს, რომ კახეთში მოსახლეობის კმაყოფილების მაჩვენებელი სხვა რაიონებთან შედარებით მაღალი იყო. პრეზენტატორების ინფორმაციით, კვლევის მეორე ეტაპი მომავალ წელს ჩატარდება.

თბილისი. „მუსლიმთა და ქრისტიანთა მეგობრობის ინსტიტუტის" ორგანიზებით კულტურული ღონისძიება - „გვაქვს უთვალავი ფერითა" - გაიმართა.ღონისძიებაზე წარმოდგენილი იყო პროფესიონალ მხატვართა და ახალგაზრდა ფოტომოყვარულთა ნამუშევრების გამოფენა-გაყიდვა, ასევე, ბავშვთა ნახატების გამოფენა.ღონისძიების მონაწილეთა შორის იყვნენ მუსლიმი, იეზიდი და ქრისტიანი ავტორები. გამოფენა სწორედ ამ თემების დამეგობრებას მიეძღვნა. ღონისძიების მთავარი მესიჯი იყო: „ჩვენ, მუსლიმი, იეზიდი, ქრისტიანი და ნებისმიერი სხვა რწმენის მქონე ადამიანები ყველანი ქართველები ვართ". წყარო: 17maisi.org

იმერეთი. 28 ნოემბერს, ქუთაისში საქართველოს ახალგაზრდა იურისტთა ასოციაციის ოფისში დასავლეთ საქართველოში მომუშავე არასამთავრობო ორგანიზაციებმა და მასმედიის წარმომადგენლებმა ყოველთვიური საინფორმაციო შეხვედრა გამართეს. შეხვედრაზე განვლილი თვის საქმიანობის შესახებ ინფორმაციები წარმოადგინეს და სამომავლო გეგმებზეც ისაუბრეს. წყარო: ორგანიზაციის გვერდი სოციალურ ქსელში

თბილისი. ლიბერალიზმის სასწავლო ცენტრმა ქუჩის გამოკითხვა ჩაატარა. სმენიათ თუ არა მოქალაქეებს რუსეთსა და აფხაზეთს შორის 24 ნოემბერს ხელმოწერილი ,,მოკავშირეობისა და სტრატეგიული პარტნიორობის შესახებ" ახალი ხელშეკრულების შესახებ? რა უნდა გააკეთოს მათი აზრით საქართველოს ხელისუფლებამ, რომ წინ აღუდგეს რუსეთის ანექსიას ოკუპირებულ აფხაზეთსა და ცხინვალის რეგიონში? - ლიბცენტრის სტუდენტებმა მოქალაქეები გამოკითხეს. გამოკითხვა... წყარო: ორგანიზაციის გვერდი სოციალურ ქსელში

გურია. 28 ნოემბერს, ოზურგეთის დემოკრატიული ჩართულობის ცენტრში გაიხსნა ფოტოგამოფენა – „მახარაძიდან ოზურგეთამდე". ფოტოგამოფენის ორგანიზატორები იყვნენ დემოკრატიული ჩართულობის ცენტრი და ოზურგეთის ისტორიული მუზეუმი. გამოფენაზე წარმოდგენილი იყო 1960–იან წლებში გადაღებული ქალაქ მახარაძის შენობებისა და ქუჩების ამსახველი ფოტოები, რომლებიც ოზურგეთის მუზეუმის ფონდებშია დაცული, ამავე დროს გამოფენილი იყო ამავე ადგილების ამსახველი თანამედროვე ფოტოები. ფოტოგამოფენის მიზანი იყო წლების განმავლობაში ქალაქში მომხდარი ურბანული ცვლილებების წარმოჩენა. ფოტოგამოფენა ოზურგეთის დემოკრატიული ჩართულობის ცენტრში 26 დეკემბრამდე გაგრძელდება. წყარო: დემოკრატიული ჩართულობის ცენტრი

თბილისი. საქართველოს ჟურნალისტური ეთიკის ქარტიის საბჭო გამოეხმაურა ტელეკომპანია „იმედის" ეთერით, 27 ნოემბერს გასულ გადაცემას „სხვა რაკურსი". საბჭო „მიიჩნევს, რომ გადაცემის არაერთი მონაკვეთი წინააღმდეგობაში მოდის მაუწყებლის ქცევის კოდექსთან", ნათქვამია media.ge-ზე. სრულად... წყარო: media.ge

თბილისი. 27 ნოემბერს, კლუბ „ფრონტლაინ ჯორჯიაში" გოგი გვახარიას საჯარო ლექცია - „ქართული კინოავანგარდის ბედი: ხეზე ჯდომიდან „ნარინჯის ველამდე" - ჩატარდა. ლექცია გაიმართა „ფრონტლაინ ჯორჯია" კლუბის პრეოქტის - „ღია პლატფორმა" - ფარგლებში, რომელიც ხორცილედება ამერიკის საელჩოს დემოკრატიის კომისიის მცირე გრანტების პროგრამის მხარდაჭერით. ლექცია წყარო: ორგანიზაციის გვერდი სოციალურ ქსელში    

თბილისი. ორგანიზაცია „ახალგაზრდა ადვოკატები" განცხადებას ავრცელებს. ორგანიზაცია „საქართველოს პრეზიდენტს, გიორგი მარგველაშვილს ექს-პრეზიდნეტის მხრიდან მიღებული ცალკეული ბრძანებულებებისა და ნორმატიული აქტების გაქუმებისკენ მოუწოდებს, რომლიც ქონებაჩამორთმეულ საქმეებზე, რეალური გადაწყვეტილებების მიღებისთვის, დაბრკოლებებსა და სამართლებრივად გამოუვალ მდგომარეობას ქმნის". სრულად... წყარო: barristers.ge

იმერეთი. 27 ნოემბერს საიას ქუთაისის ფილიალმა, გენდერული ძალადობის წინააღმდეგ აქტივიზმის 16 დღიან კამპანიის ფარგლებში, ქ. ქუთაისის ნიკო ნიკოლაძის სახელობის სკოლა–ლიცეუმში ამავე სკოლა-ლიცეუმის მოსწავლეებისათვის და მათი მშობლებისათვის ჩაატარა საინფორმაციო ხასიათის სემინარი თემაზე „ოჯახში ძალადობა". მოსწავლეებს და მოსწავლეთა მშობლებს საიას ქუთაისის ფილიალის იურისტმა ესაუბრა ოჯახში ძალადობის ცნებაზე, ოჯახში ძალადობის ფორმებზე, ოჯახში ძალადობის გამოვლენის და აღკვეთის მექანიზმებზე, ოჯახში ძალადობისაგან არასრულწლოვნის დაცვის სპეციფიკურ ღონისძიებებზე, ოჯახში ძალადობის ფაქტებზე სამართალწარმოების თავისებურებებზე და ოჯახში ძალადობის მსხვერპლის უფლებებზე. სემინარი საინტერესოდ წარიმართა. სემინარის მონაწილეებს საშუალება ჰქონდათ გაემართათ დისკუსია და მიეღოთ ამომწურავი პასუსები მათთვის საინტერესო კითხვებზე. წყარო: ორგანიზაციის ფილიალის ვებგვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი მკვლელობების სტატისტიკას აქვეყნებს. ორგანიზაციამ შინაგან საქმეთა სამინისტროდან მოითხოვა 2003-2014 წლების რეგისტრირებული და გახსნილი დანაშაულის სტატისტიკა. „მონაცემები სამწუხაროდ მოწოდებულ იქნა არასრულყოფილი სახით". სრულად... წყარო: idfi.ge

თბილისი. საერთაშორისო გამჭვირვალობა - საქართველომ გამოაქვეყნა ანგარიში - „ევროპის ქვეყნების საუკეთესო პრაქტიკა ფარული მიყურადების განხორციელების სფეროში". დოკუმენტი მიმოიხილავს სხვადასხვა ევროპული ქვეყნის სახელმწიფო უწყებებისთვის მინიჭებულ  უფლებამოსილებებს მოსთხოვონ კავშირგაბმულობის კომპანიებს დახმარება მათ აბონენტებზე რეალურ დროში მიყურადების განხორციელებაში, ისევე როგორც ამ აბონენტების შესახებ არსებულ მონაცემებთან წვდომაში. სრულად... წყარო: transparency.ge

თბილისი. „მწვანე ალტერნატივა" საქართველოს პარლამენტს „საქართველოს საგადასახადო კოდექსში ცვლილების შეტანის შესახებ" კანონპროექტის თაობაზე მიმართავს. „ვითხოვთ შეწყდეს საქართველოს საგადასახადო კოდექსში ცვლილების შეტანის შესახებ კანონპროექტის საპარლამენტო განხილვები და არ იქნეს დაშვებული პარლამენტის მიერ კანონპროექტის მიღება. სრულად... წყარო: greenalt.org

თბილისი. ლიბერალიზმის სასწავლო ცენტრი „ლიბთაიმის" მორიგ გადაცემას აქვეყნებს. გამოშვებაში წამყვანი რელიგიურ ნიადაგზე მომხდარ კონფლიქტებზე „ტოლერანტობისა და მრავალფეროვნების ინსტიტუტის" დირექტორთან, ეკა ჭითანავასთან საუბრობს. გადაცემა     წყარო: ორგანიზაციის გვერდი სოციალურ ქსელში

თბილისი. ,,სამართლიანი არჩევნებისა და დემოკრატიის საერთაშორისო საზოგადოებამ" საკონსტიტუციო კომისიას  საარჩევნო სისტემის ნაკლოვანებებთან და კონსტიტუციაში შესატან ცვლილებებთან დაკავშირებით მოსაზრებები წარუდგინა.„გვსურს მივმართოთ საქართველოს სახელმწიფო საკონსტიტუციო კომისიას,  დაიწყონ მსჯელობა სისტემური საარჩევნო ცვლილებების განხორციელების თაობაზე. არსებული პრობლემების მოსაგვარებლად მნიშვნელოვანია კონსტიტუციის დონეზე დაიწყოს საარჩევნო სისტემის რეფორმირება და ისეთი საარჩევნო სისტემის შემოღება, რომელიც გადაჭრის მოქმედი სისტემით არსებულ პრობლემებს, კერძოდ, უკეთ ასახავს საქართველოს მოქალაქეთა მიერ არჩევნებში გამოვლენილ ნებას, მინიმუმამდე შეამცირებს ამომრჩეველთა დაკარგული ხმების ოდენობას, ხელს შეუწყობს პოლიტიკაში ქალთა მონაწილეობის წახალისებას, გაზრდის ამომრჩეველთა ნდობას და უზრუნველყოფს მცირე პარტიების პროპორციულ წარმომადგენლობას საქართველოს პარლამენტში და ადგილობრივი თვითმმართველობის ორგანოებში", ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. „საქართველოს ახალგაზრდა კონსტიტუციონალისტთა ასოციაცია" მიმართვას საერთაშორისო საზოგადოებას „არ დაუშვას ანექსიის კიდევ ერთ პრეცედენტი". ორგანიზაციის განხადებით, „მოკავშირეობისა და სტრატეგიული პარტნიორობის შესახებ" ხელშეკრულება რუსეთის ფედერაციასა და აფხაზეთის დე-ფაქტო რესპუბლიკას შორის მიმართულია აფხაზეთის ა/რ ანექსიისაკენ”, ნათქვამია ორგანიზაციის ვებ-გვერდზე. სრულად... წყარო: gyca.ge

თბილისი. საქართველოს ახალგაზრდა იურისტთა ასოციაცია საკონსტიტუციო სასამართლოში სახმელეთო ჯარების მოსამსახურის გათავისუფლების წესს ასაჩივრებს. 26 ნოემბერს, საიამ სახმელეთო ჯარების ყოფილი მოსამსახურის, გიგა ბარათაშვილის სახელით მიმართა საქართველოს საკონსტიტუციო სასამართლოს. „გასაჩივრებულია თავდაცვის მინისტრის 583-ე ბრძანება, რომელიც ითვალისწინებს სამხედრო მოსამსახურის თანამდებობრივ გადაადგილებას (კადრების განკარგულებაში გადაყვანას) ისე, რომ მოსამსახურეს არ განემარტება ამგვარი გადაწყვეტილების მიღების სამართლებრივი საფუძველი". სრულად... წყარო: gyla.ge

თბილისი. სახალხო დამცველმა ქსანში პატიმრის გარდაცვალებასთან დაკავშირებით განცხადება გაავრცელა. „საქართველოს სახალხო დამცველის რწმუნებულებმა, შეტყობინების მიღების საფუძველზე, 2014 წლის 25–26 ნოემბრის ღამეს ვიზიტი განახორციელეს სასჯელაღსრულების მე-15 დაწესებულებაში, პატიმარ ა.ჭ. გარდაცვალების ფაქტთან დაკავშირებით. ...სახალხო დამცველის აპარატი აგრძელებს საქმის დეტალების შესწავლას და დამატებითი მასალების მოძიების შემდგომ ინფორმაციას მიაწვდის შესაბამის ორგანოებს და საზოგადოებას”. სრულად... წყარო: www.ombudsman.ge