თბილისი. ფონდ „სიცოცხლის ხემ" წლიური ანგარიში წარადგინა. 2014 წელს, ფონდმა, პარტნიორებთან 26 სხვადახვა პროექტი განახორციელა, მათ შორის თბილისის ქუჩების ადაპტაცია. ხოლო იმ ადამიანთა რიცხვმა, რომლებმაც ფონდის პროექტებში მიიღეს მონაწილეობა, 50 000-ს გადააჭარბა. წყარო: ფონდის გვერდი სოციალურ ქსელში

საზოგადოებრივმა ორგანიზაციამ „ეკოხედვამ" ენერგიისა და რესურსების გამოყენების საერთაშორისო სასკოლო პროექტის ფარგლებში გამართა შეხვედრები ლანჩხუთის, ფოთისა და ხობის მუნიციპალიტეტის საჯარო სკოლების პედაგოგებთან. ორგანიზაციამ მათ მიაწოდა ინფორმაცია პროექტისა და ასევე სკოლებში ეკოკლუბების შექმნის შესაძლებლობების შესახებ. არასამთავრობო ორგანიზაციის „ეკოხედვა/Ecovision" წარმომადგენლებმა შეხვედრების მონაწილეებს გააცნეს 2014-2015 სასწავლო წლის საერთაშორისო კონკურსის თემა, ნომინაციები და პირობები. პედაგოგებმა ისაუბრეს საკუთარი გამოცდილების შესახებ გარემოსდაცვითი განათლების სფეროში. წყარო: ორგანიზაციის ვებგვერდი

თბილისი. საქართველოს სახალხო დამცველი სასჯელაღსრულებისა და პრობაციის მინისტრს გიორგი მღებრიშვილს შეხვდა. შეხვედრა სასჯელაღსრულებისა და პრობაციის სამინისტროში გაიმართა. სამუშაო შეხვედრაზე მხარეებმა სასჯელაღსრულების სისტემაში არსებულ ვითარებასა და ურთიერთთანამშრომლობის გაღრმავებაზე ისაუბრეს. წყარო: სასჯელაღსრულებისა და პრობაციის სამინისტრო

თბილისი. საქართველოს სახალხო დამცველმა განცხადება გაავრცელა. ომბუდსმენმა „საქართველოს ბანკს" „დისკრიმინაციის თავიდან აცილებისა  და  მის წინააღმდეგ ბრძოლის საკითხზე ზოგადი წინადადებით მიმართა". რეკომენდაცია ეხება საქართველოს ბანკის რეკლამას. სრულად... წყარო: www.ombudsman.ge

კახეთი. საგარეჯოში, ქართულ-ოსური სამოქალაქო ფორუმის ორგანიზებითა და გაეროს განვითარების პროგრამისა  (UNDP) და ევროპის საბჭოს ინიციატივით, პროექტის „ახალგაზრდული სამშვიდობო ექსპრესის" ფარგლებში მომზადებული დოკუმენტური ფილმის „სამშვიდობო ექსპრესი" ჩვენება გაიმართა. ღონისძიებას ესწრებოდნენ ადგილობრივად მცხოვრები იძულებით გადაადგილებული ახალგაზრდები.აღნიშნული პროექტის ფარგლებში ქართველმა და ოსმა სტუდენტებმა   ერთმანეთს გაუზიარეს საკუთარი პრობლემები, შეხედულებები და გამოცდილება. შეხვედრაზე მოეწყო დისკუსია ქართულ-ოსური ურთიერთობებისა და კონფლიქტის შესახებ.

თბილისი. „ახალგაზრდა ადვოკატებმა" 2014 წლის ოქტომბერში გამოქვეყნებული კვლევა - „სისტემა მოქალაქის წინააღმდეგ" - ქართული ბეჭდური და ელექტრონული მედიის წარმომადგენლებს გააცნეს. შეხვედრა საქართველოს ადვოკატთა ასოციაციაში გაიმართა და გაზეთებისა და ახალი ამბების სააგენტოების 30-ზე მეტი სამართლის, პოლიტიკისა და საზოგადოების საკითხებზე მომუშავე ჟურნალისტები დაესწრნენ. სრულად... წყარო: barristers.ge

თბილისი. ,,საქართველოს ახალგაზრდა კონსტიტუციონალისტთა ასოციაცია" განაგრძობს თანამშრომლობას საქართველოში აკრედიტებულ დიპლომატიურ კორპუსთან და საერთაშორისო ორგანიზაციებთან. ასოციაციის წარმომადგენლებმა გამართეს შეხვედრა ბულგარეთის რესპუბლიკის ელჩთან საქართველოში, პლამენ ბონჩევთან. შეხვედრაზე მხარეებმა ორ ქვეყანას შორის არსებულ ურთიერთობებზე და ასევე იმ პროგრესზე ისაუბრეს, რომელსაც საქართველომ მიაღწია საერთაშორისო ურთიერთობების კუთხით ბოლო პერიოდში. შეხვედრისას ასევე განხილულ იქნა, ის პრობლემური საკითხები, რომლებიც რუსეთთან ურთიერთობას შეეხება. შემდეგი შეხვედრა დაგეგმილია საქართველოში ესტონეთის საელჩოს წარმომადგენლებთან. წყარო: ორგანიზაციის გვერდი სოციალურ ქსელში

თბილისი. „კავკასიური სახლის" პროექტის - „რუსულ ქართული დიალოგი მშვიდობისა და თანამშრომლობისთვის" - ფარგლებში საქართველოს სტუმრობდა რუსული არასამთავრობო, სამთავრობო, უნივერსიტეტებისა და კვლევითი ცენტრების წარმომადგენლებისგან დაკომპლექტებული ექსპერტების ჯგუფი. ვიზიტის პირველი სამი დღე დაეთმო შეხვედრებს სამთავრობო სტრუქტურების წამომადგენლებთან , საერთაშორისო და ადგილობრივ ექსპერტებთან. ასევე მოეწყო ორდღიანი ფორუმი, სადაც პროექტის მონაწილეებმა გააკეთეს მოხსენებები ქართულ-რუსულ ურთიერთობებთან დაკავშირებულ აქტუალურ თემებზე და ისაუბრეს ორმხრივი თანამშრომლობის განვითარების პერსპექტივებზე. პროექტი ხორციელდება დიდი ბრიტანეთის მთავრობის ფინანსური მხარდაჭერით. წყარო: ორგანიზაციის გვერდი სოციალურ ქსელში

თბილისი. „ეკონომიკური პოლიტიკის კვლევის ცენტრმა" კვლევა - „მთავარი თემა - სომხეთი: ევრაზიული საბაჟო კავშირი საქართველოს საზღვრებს უახლოვდება" - გამოაქვეყნა. კვლევა... წყარო: eprc.ge

თბილისი. ფონდ „ღია საზოგადოება საქართველოს საგამოფენო დარბაზში ფოტოკუბ „გორელოვკას" გამოფენა  მოეწყო.ფოტოგრაფ ნათელა გრიგალაშვილის ინიციატივით, ჯავახეთში, სოფელ გორელოვკაში ფოტოკლუბი შეიქმნა. კლუბში გაერთიანებულია ამ სოფლის თორმეტი ქართველი, რუსი და სომეხი მაცხოვრებელი. „გორელოვკას" პირველი გამოფენა 2014 წლის აგვისტოში, სოფელ გორელოვკაში გაიმართა. პროექტი განხორციელდა ფონდ „ღია საზოგადოება საქართველოს” ფინანსური მხარდაჭერით. წყარო: 17maisi.org

თბილისი. 9 დეკემბერს, ბავშვთა და ახალგაზრდობის განვითარების ფონდის 2014 წლის შემაჯამებელი ღონისძიება გაიმართა. ღონისძიების მთავარი მიზანია განხორციელებული აქტივობების შეჯამება, თავმოყრა და დაინტერესებული საზოგადოებისთვის ერთგვარი ანგარიშის ჩაბარება. საღამო რამდენიმე კომპონენტს მოიცავდა, გამოფენებთან ერთად, სადაც წარმოდგენილი იყო ფონდის მიერ განხორციელებული საქმიანობის ამსახველი თემატური ბანერები და კუთხეები, დაჯილდოვდნენ ფონდის ყველაზე აქტიური მხარდამჭერი ორგანიზაციებისა და სახელმწიფო უწყებები. ღონისძიებას ესწრებოდნენ ფონდის პარტნიორი ორგანიზაციების, სახელმწიფო უწყებების, საქართველოში აკრედიტებული დიპლომატიური კორპუსის წარმომადგენლები და სხვა საპატიო სტუმრები. წყარო: ორგანიზაციის გვერდი სოციალურ ქსელში

ადამიანის უფლებების დაცვის საერთაშორისო დღესთან დაკავშირებით, ვებ-გვერდი Fundsforngos.org აქვეყნებს 18 ფონდის სიას, რომლებიც გასცემენ გრანტებს ადამიანის უფლებების დაცვის მიმართულებით. ფონდები, რომლებიც აფინანსებენ პროექტებს ადამიანის უფლებების დაცვის მიმართულებით წყარო: www.fundsforngos.org

თბილისი. „საქართველოს ახალგაზრდა იურისტთა ასოციაციამ" ინფოგრაფიკა გამოაქვეყნა. ინფოგრაფიკა ორგანიზაციის მიერ ერთი წლის განმავლობაში გაცემული იურიდიული კონსულტაციების შესახებ მოიცავს ინფორმაციას. ინფოგრაფიკა წყარო: ორგანიზაციის გვერდი სოციალურ ქსელში

თბილისი. 11 დეკემბერს ოფიციალურად გაიხსნება სამხრეთ კავკასიის კვლევის ამერიკული ინსტიტუტის ფილიალი საქართველოში. ღონისძიება გაიმართება ილიას სახელმწიფო უნივერსიტეტში, რომლის ფარგლებში პროფესორი სტივენ ჯონსი და თსუ–ს დოქტორანტი, ბექა კობახიძე წაიკითხავენ საჯარო ლექციას: „სერ ოლივერ უორდროპი და მისი პოლიტიკური მიღწევები საქართველოს პირველი რესპუბლიკის აღიარების საკითხში". სრულად... წყარო: სამხრეთ კავკასიის კვლევის ამერიკული ინსტიტუტი

თბილისი. საქართველოს ახალგაზრდა იურისტთა ასოციაცია ნოემბრის თვის წარმატებულ საქმეებს აქვეყნებს. ორგანიზაციამ ვებ-გვერდზე ხუთი საქმის შესახებ გამოაქვეყნა ინფორმაცია. სრულად... წყარო: gyla.ge

თბილისი. ორგანიზაცია „ახალგაზრდა ადვოკატები” საქართველოს განათლებისა და მეცნიერების სამინისტროს საჯარო სკოლებში, არჩევით საგანთა ნუსხაში, რელიგიის სწავლების დამატების მოთხოვნით მიმართავს. ორგანიზაციამ შესაბამის პეტიციას უკვე მოაწერა ხელი, რომელიც საქართველოს განათლებისა და მეცნიერების მინისტრს, თამარ სანიკიძეს 42 არასამთავრობო ორგანიზაციის სახელით, 2014 წლის 5 დეკემბერს გაეგზავნა. სრულად... წყარო: barristers.ge

თბილისი. ეკონომიკური პოლიტიკის კვლევის ცენტრის და სომხეთის არასამთავრობო ორგანიზაცია რეგიონალური სწავლების ცენტრის ორგანიზებით გაიმართა დისკუსია - „რეგიონული ვექტორი: ევროკავშირი და ევრაზიული კავშირი". ასევე გაიმართა ეკონომიკური პოლიტიკის კვლევის ცენტრის ახალი ანგარიშის - „საქართველო და მეზობლები" - პრეზენტაცია. წყარო: ორგანიზაციის გვერდი სოციალურ ქსელში

თბილისი. „ლიბერალი" შეზღუდული შესაძლებლობის მქონე ბავშვების დედების ისტორიებს აქვეყნებს. პროექტს - ქალები შვილების უფლებებისთვის" -  „ქალთა ფონდის" ფინანსური მხარდაჭერით, კავშირი „დიოსკურია" ახორციელებს. პროექტი სოციალური ვიდეორგოლების მეშვეობით წარმოაჩენს ძლიერ ქალებს, რომელთაც შეძლეს ბარიერის გადალახვა.პროექტის მიზანია, უბიძგოს შეზღუდული შესაძლებლობის მქონე პირების მშობლებს, არ შექმნან ბარიერი საკუთარ შვილსა და საზოგადოებას შორის, თამამად ისაუბრონ შვილის მდგომარეობაზე, მოახდინონ საკუთარი თავის რეალიზება, გააცნობიერონ, რომ შეზღუდული შესაძლებლობების მქონე შვილის აღზრდისას მშობლებს ფუნქციები თანაბრად უნდა ჰქონდეთ გადანაწილებული და ა.შ.         წყარო: ლიბერალი      

თბილისი. 4 დეკემბერს, საქართველოს სახალხო დამცველმა წინადადებით მიმართა საქართველოს მთავარ პროკურორს, „დაიწყოს გამოძიება ბათუმის #3 სასჯელაღსრულებითი დაწესებულების თანამშრომლების მიერ ბრალდებულის მიმართ განხორციელებულ შესაძლო დანაშაულებრივ ქმედებებთან დაკავშირებით". სრულად... წყარო: www.ombudsman.ge

თბილისი. „საერთაშორისო გამჭვირვალობა - საქართველომ" ბლოგ-პოსტი - „800 000 ლარზე მეტი მთავრობის რეკლამირებისათვის" - გამოაქვეყნა. ორგანიზაციამ „საჯარო ინფორმაციის გამოთხოვის შედეგად დაადგინა, რომ საქართველოს მთავრობის ორი წლის საქმიანობის ანგარიშის „ცვლილებების ორი წელი" საინფორმაციო და სარეკლამო მომსახურება დაახლოებით 830,000 ლარი დაჯდა. ამ მიზნებისთვის მთავრობის სარეზერვო ფონდიდან თანხები ორჯერ გამოიყო", ნათქვამია ბლოგ პოსტში. სრულად... წყარო: transparency.ge

თბილისი. 4 დეკემბერს საქართველოს პარლამენტის ეროვნულ ბიბლიოთეკაში ხელი მოეწერა ურთიერთთანამშრომლობის მემორანდუმს თავისუფალ უნივერსიტეტსა და ტოლერანტობისა და მრავალფეროვნების ინსტიტუტს (TDI) შორის.მემორანდუმი ითვალისწინებს თავისუფალ უნივერსიტეტსა და ტოლერანტობის და მრავალფეროვნების ინსტიტუტს შორის მჭიდრო თანამშრომლობას რელიგიური და ეთნიკური უმცირესობებისთვის თანასწორუფლებიანი სამართლებრივი გარემოს შექმნის მიზნით.კერძოდ, თავისუფალი უნივერსიტეტის სამართლის სკოლის საკონსტიტუციო, სისხლის, ადმინისტრაციული და კერძო სამართლის კლინიკები ტოლერანტობის და მრავალფეროვნების ინსტიტუტის მიერ მიწოდებული საქმეების მიხედვით, რომლებიც რელიგიური, ეთნიკური ან რასობრივი ნიშნით დისკრიმინაციის და დევნის შემთხვევებს მოიცავს, უმცირესობათა ჯგუფების წარმომადგენლებს გაუწევენ უფასო სამართლებრივ დახმარებას, კონსულტირებასა და ადვოკატირებას. წყარო: ორგანიზაციის გვერდი სოციალურ ქსელში

თბილისი. 2 დეკემბერს, თბილისის ივანე ჯავახიშვილის სახელობის სახელმწიფო უნივერსიტეტში გაიმართა საჯარო ლექცია - „სისხლის სამართლის მართლმსაჯულების ეთიკა - საკვანძო საკითხები სოციალური მუშაკებისა და იურისტებისთვის". შეხვედრაზე განიხილეს ეთიკის საკითხები და პრინციპები როგორც ევროპულ, ისე საქართველოს მართლმსაჯულების სისტემებში. აქცენტი გაკეთდა ეთიკურ პრინციპებსა და ამ მიმართლდებით მართლმსაჯულების სისტემაში მომუშავე სოციალური მუშაკებისა და იურისტების ძირითად გამოწვევებზე. საჯარო ლექცია ორგანიზებული იყო ევროკავშირის მიერ დაფინანსებული პროექტის - „სისხლის სამართლის მართლმსაჯულების სისტემის რეფორმის მხარდაჭერა საქართველოში" - ფარგლებში თბილისის ივანე ჯავახიშვილის სახელობის სახელმწიფო უნივერსიტეტთან, ილიას სახელმწიფო უნივერსიტეტთან და საქართველოს სოციალურ მუშაკთა ასოციაციასთან თანამშრომლობით. წყარო: საქართველოს სოციალურ მუშაკთა ასოციაცია