თბილისი. „ახალგაზრდა ადვოკატები" განცხადებას ავრცელებს. ორგანიზაცია „საქართველოს მთავრობას და საქართველოს პარლამენტს, სარეკომენდაციო წინადადებით მიმართავს. რათა ობიექტურად შეფასდეს ქვეყანაში ერთჯერადი საგადასახადო ამნისტიის გამოცხადების საჭიროება და განმეორებით იქნეს მიღებული კანონი „ამნისტიისა და არადეკლარირებული საგადასახადო ვალდებულებებისა და ქონების ლეგალიზების შესახებ”, რომელიც მეწარმე სუბიექტებს, 2005-2012 წლებში, დაფარული გადასახადებისაგან გათავისუფლებას და არადეკლარირებული ფინანსებისა და ქონების ლეგალიზების საშუალებას მისცემდა". სრულად... წყარო: barristers.ge

თბილისი. ინფორმაციის თავისუფლების განვითარების ინსტიტუტი (IDFI) და ნიდერლანდების საელჩო საქართველოში 6 დეკემბერს მართავს დისკუსიას - „ინტერნეტი, როგორც ადამიანის უფლება".დისკუსიაზე მოწვეული რვა სპიკერი ისაუბრებს იმ პრობლემებსა და გამოწვევებზე, რაც დღესდღეობით საქართველოში ინტერნეტისა და მისი მომხმარებლების წინაშე დგას. მეორე ბლოკი დაეთმობა მსჯელობას, თუ რა გზებით უნდა გადაიჭრას განხილული პრობლემები, რა საკითხები საჭიროებს რეგულაციებს და სხვა. სპიკერები წარმოადგენენ საკუთარ რეკომენდაციებს. დასწრების მსურველებმა 5 დეკემბრამდე შეავსეთ სარეგისტრაციო ფორმა. წყარო: idfi.ge

თბილისი. საერთაშორისო გამჭვირვალობა - საქართველო ბლოგ-პოსტს - „მაჟორიტარი დეპუტატები სოციალურ ქსელებსა და ვებგვერდებს არაეფექტურად იყენებენ" - გამოაქვეყნა. „საქართველოში ინტერნეტი უკვე იქცა ინფორმაციის მიღების რიგით მეორე ყველაზე მნიშვნელოვან წყაროდ ტელევიზიის შემდეგ. საქართველოს მოსახლეობის ძალიან დიდი ნაწილი ინტერნეტის ყოველდღიური მომხმარებელია. აქედან გამომდინარე, ჩვენ გადავწყვიტეთ, გვენახა, თუ როგორ იყენებენ მაჟორიტარული წესით არჩეული დეპუტატები სოციალურ ქსელებს თავიანთ ამომრჩევლებთან კომუნიკაციისათვის", ნათვამია ბლოგ-პოსტში. სრულად... წყარო: www.transparency.ge

შიდა ქართლი. სასჯელაღსრულების მე-17 დაწესებულებაში მინანქრისა და ხატვის შემსწავლელი კურსები დასრულდა. ზემოაღნიშნულ სწავლებას სასჯელაღსრულების დეპარტამენტის დაფინანსებით, საქველმოქმედო-ჰუმანიტარული ცენტრი „აფხაზეთი" ახორციელებდა.პროგრამებში მონაწილე მსჯავრდებულებმა კურსის დასრულებისას საკუთარი ნამუშევრები წარმოადგინეს. ღონისძიებას სასჯელაღსრულების დეპარტამენტის სოციალური უზრუნველყოფის სამმართველოსა და არასამთავრობო ორგანიზაცია „აფხაზეთის" წარმომადგენლები ესწრებოდნენ, რომლებმაც კურსდამთავრებულებს შესაბამისი სერტიფიკატები გადასცეს. წყარო: ორგანიზაციის გვერდი სოციალურ ქსელში

თბილისი. არასამთავრობო ორგანიზაციები - ადამიანის უფლებათა ცენტრი და „ყოფილი პოლიტპატიმრები - ადამიანის უფლებებისათვის" განცხადებას ავრცელებენ. „მივესალმებით საქართველოს პრეზიდენტის ინიციატივას, დაიწყოს ფართო დისკუსია უვადო პატიმრობაში მყოფი მოქალაქეების საქმეების შესწავლის თაობაზე. ... მიგვაჩნია, რომ უვადო პატიმრობაში მყოფი პატიმრების საქმეების შესწავლისას, გათვალისწინებული უნდა იყოს ერთი მხრივ, ბრალდების სიმძიმე და ჩადენილი დანაშაულით დამდგარი შედეგები, მეორე მხრივ კი მსჯავრდებულთა ჯანმრთელობის მდგომარეობა ან სხვა განსაკუთრებული გარემოებები”, ნათქვამია განცხადებაში. სრულად... წყარო: humanrights.ge

თბილისი. „ევროკავშირის წარმომადგენლობამ საქართველოში" ყოველთვიური საინფორმაციო ბიულეტენი გამოაქვეყნა. ბიულეტენში ასახულია წარმომადგენლობის მიერ ორგანიზებული და განხორციელებული ნოემბრის თვის ყველა სიახლე. ბიულეტენი წყარო: eeas.europa.eu

თბილისი. 25 ნოემბერს, საქართველოს ახალგაზრდა იურისტთა ასოციაციამ პრესკონფერენცია გამართა. „ასოციაცია შეშფოთებას გამოთქვამს 2014 წლის 12 ნოემბერს სასჯელაღსრულების მე-8 დაწესებულებაში სახალხო დამცველის რწმუნებულების მიერ გამოვლენილ სავარაუდო არაადამიანური მოპყრობის ფაქტზე და  სამართალდამცავი ორგანოების მხრიდან აღნიშნული ფაქტის გამოძიებისას ამ დრომდე განხორციელებულ არაადეკვატურ რეაგირებაზე", ნათქვამია ორგანიზაციის ვებ-გვერდზე. სრულად... წყარო: gyla.ge

შიდა ქართლი. 21 ნოემბერს, „კეთილდღეობისა და განვითარების ცენტრთან" არსებულმა გორის ახალგაზრდული ცენტრის მოხალისეებმა მორიგი საქველმოქმედო აქცია განახორციელეს. ამჯერად მოხალისეები სოფელ კარალეთში მცხოვრები ადუაშვილების და სუხიტაშვილების ოჯახებს ეწვივნენ და საყოფაცხოვრებო ნივთები და ტანსაცმელი გადასცეს.აქტივობა დაიგეგმა და განხორციელდა პროექტის - „ეროვნული ინტეგრაციის გაძლიერება საქართველოში" - ფარგლებში, რომელიც ხორციელდება საქართველოს გაეროს ასოციაციის მიერ, აშშ-ის საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „კეთილდღეობისა და განვითარების ცენტრი".

თბილისი. „ეს შენ გეხება – ისევ გვისმენენ" - კამპანიაში ჩართული ორგანიზაციები განცხადებას ავრცელებენ. „საქართველოს პარლამენტმა 2014 წლის 1 აგვისტოს არასამთავრობო ორგანიზაციების წარმომადგენლების საკანონმდებლო წინადადებაზე დაყრდნობით, მიიღო ფარული მოსმენების მარეგულირებელი საკანონმდებლო პაკეტი. შედეგად, ახლებურად დარეგულირდა ფარული საგამოძიებო მოქმედების განხორციელების სტანდარტები, რაც საერთაშორისო ექსპერტთა მიერ შეფასდა, როგორც წინ გადადგმული ნაბიჯი. თუმცა, ბესელია-სესიაშვილი-ფოფხაძის საკანონმდებლო ინიციატივა არის 2014 წლის 1 აგვისტოს მიღებული კანონებით დადგენილი ადამიანის უფლებების მაღალი სტანდარტების შეცვლის მცდელობა", ნათქვამია განცხადებაში. სრულად... წყარო: transparency.ge

თბილისი. საერთაშორისო გამჭვირვალობა -  საქართველომ ყოველკვირეული აუდიო პოდკასტი გამოაქვეყნა. საპარლამენტო ამბების პოდკასტის თემებია: ე.წ. გასაღებზე ბესელია-სესიაშვილი-ფოფხაძის პროექტი; სახელმწიფო ბიუჯეტის 9 თვის შესრულების ანგარიში; კანონპროექტი ეროვნული უსაფრთხოების დაგეგმვის შესახებ. პოდკასტი წყარო: transparency.ge

თბილისი. 24 ნოემბერს, „ინფორმაციის თავისუფლების განვითარების ინსტიტუტმა" (IDFI) და საქართველოს ახალგაზრდა იურისტთა ასოციაციამ (GYLA) პროექტის „საჯარო დაწესებულებების პროაქტიული გამოქვეყნების ვალდებულების შესრულების პრაქტიკის გაუმჯობესების" ფარგლებში მომზადებული სამი კვლევის პრეზენტაცია გამართა.  სრულად... წყარო: gyla.ge

თბილისი. „საერთაშორისო გამჭვირვალობა – საქართველო" აგრძელებს საზოგადოების ინფორმირებას შინაგან საქმეთა სამინისტროს (შსს) თანამშრომლების შესახებ, რომლებიც პარალელურად სხვადასხვა დაწესებულებებში მუშაობენ, მათ შორისაა კომუნიკაციების ეროვნული კომისია, თბილისის მერია, მთავრობის კანცელარია და შეფასებისა და გამოცდების ეროვნული ცენტრი.  „ამჯერად წარმოგიდგენთ დადასტურებულ ინფორმაციას საზოგადოებრივ მაუწყებელში გამწესებული „ოდეერის" ირაკლი ციბაძის შესახებ", ნათქვამია ორგანიზაციის მიერ გამოქვეყნებულ ბლოგპოსტში. სრულად... წყარო: transparency.ge

თბილისი. საქართველოს სახალხო დამცველმა „საქართველოს სახალხო დამცველის შესახებ" საქართველოს ორგანული კანონით მინიჭებული უფლებამოსილებით, საკუთარი ინიციატივით დაიწყო საქართველოს თავდაცვის სამინისტროს თანამშრომლების (ე.წ. „კაბელების") საქმის შესწავლა.  „საქართველოს სახალხო დამცველი მიიჩნევს, რომ მიზანშეწონილია, მოცემული სისხლის სამართლის საქმის იმ ნაწილის განსაიდუმლოება, რომელიც არ შეიცავს სახელმწიფო საიდულოებას. ასევე, საქართველოს სახალხო დამცველის პოზიციით, მნიშვნელოვანია, უზრუნველყოფილი იქნეს გამოძიების პროცესში ბრალდებულებისთვის საქართველოს კონსტიტუციითა და საერთაშორისო აქტებით გარანტირებული ადამიანის უფლებები, მათ შორის, მხარეთა თანასწორობის პრინციპის შესაბამისად, დაცვის მხარისთვის სისხლის სამართლის საქმის მასალებზე ხელმისაწვდომობა", ნათვამია სახალხო დამცველის ვებ-გვერდზე. სრულად... წყარო: ombudsman.ge

თბილისი. ლიბერალიზმის სასწავლო ცენტრმა ქუჩის გამოკითხვა - „არის თუ არა ტოლერანტი ქართველი ხალხი?" - ჩაატარა. ცენტრის სტუდენტებმა მოქალაქეები ტოლერანტობის საერთაშორისო დღესთან დაკავშირებით გამოკითხეს. გამოკითხვა  წყარო: ორგანიზაციის გვერდი სოციალურ ქსელში

თბილისი. 22 ნოემბერს, ორგანიზაციამ „პარტნიორობა ადამიანის უფლებებისთვის" შეხვდრა გამართა თბილისის ზღვის ტერიტორიაზე ჩასახლებულ დევნილ ქალებთან. შეხვედრაზე, დევნილი ქალების საჭიროებებიდან გამომდინარე, დაიგეგმა მომავალი აქტივობები. შეხვედრა გაიმართა პროექტის - „საქართველოში დევნილ ხანდაზმულ და დევნილ შეზღუდული შესაძლებლობის მქონე ქალთა მიმართ დისკრიმინაციის აღმოფხვრა" - ფარგლებში. პროექტის მიზანია, დევნილ ხანდაზმულ და შეზღუდული შესაძლებლობის მქონე ქალთა დისკრიმინაციის წინააღმდეგ ბრძოლა, დისკრიმინაციის იდენტიფიცირების და მათი ადვოკატირების გზით პრობლემის გადაწყვეტა. წყარო: ორგანიზაციის გვერდი სოციალურ ქსელში

თბილისი. „საქართველოს ახალგაზრდა კონსტიტუციონალისტთა ასოციაცია" ე.წ. ფარული მოსმენების გასაღების მფლობელი სუბიექტის განსაზღვრის საკითხს ეხმიანება. „კანონპროექტების შემოთავაზებული ვარიანტებიდან ოპტიმალურად ის უნდა ჩაითვალოს, რომელიც ე.წ. ,,გასაღების" შსს-სა და პერსონალური მონაცემების დაცვის ინსპექტორისათვის მიკუთვნებას ითვალისწინებს, ვინაიდან, პირველ რიგში, შსს არის ის სახელმწიფო ორგანო, რომელიც საზოგადოებივი წესრიგის დაცვაზე უნდა ზრუნავდეს და მას ამისთვის ეფექტიანი ბერკეტები უნდა ჰქონდეს; ხოლო პერსონალური მონაცემების დაცვის ინსპექტორის ფუნქციასთან არათუ შეუთავსებელია გასაღების ფლობა, არამედ ესადაგება მას, რადგან ინსპექტორი პერსონალური მონაცემების დაცვას აკონტროლებს, ფარული მოსმენები კი პირადი ინფორმაციის ხელშეუხებლობის უფლებას ზღუდავს", ნათქვამია ორგანიზაციის მიერ გავრცელებულ განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. „ადგილი დაკავებულია” რუსთაველის გამზირზე აქცია-პერფორმანსი გაიმართა. აქციის ორგანიზატორია ფონდი „სიცოცხლის ხე". აქცია „ადგილი დაკავებულია" კონკრეტულ მიზანს ემსახურება – შეახსენოს მძღოლებს, რომ დაიცვან შშმ პირების უფლებები და ეტლითმოსარგებლეთათვის განკუთვნილ პარკირების ადგილებში არ გააჩერონ ავტომანქანები. წყარო: 17maisi.org

თბილისი. საქართველოს დემოკრატიულმა ინიციატივამ თავდაცვის სამინისტროს მაღალი თანამდებობის პირთა მიმართ მხარეთა თანასწორობის პრინციპის დარღვევის შესახებ განცხადება გაავრცელა. ინიციატივა „მოუწოდებს საქართველოს მთავარ პროკურატურას, გადასცენ საქმის მასალები თავდაცვის სამინისტროს მაღალი თანამდებობის პირების გიზო ღლონტის, ნუგზარ კაიშაურის, გიორგი ლობჟანიძის, არჩილ ალავიძისა და დავით წიფურიას ადვოკატებს და მისცენ შესაძლებლობა, ისარგებლონ ევროპული კონვენციითა და საქართველოს კანონმდებლობით გათვალისწინებული გარანტიებით". სრულად... წყარო: www.gdi.ge

თბილისი. საქართველოს ახალგაზრდა იურისტთა ასოციაციამ სულხან სალაძის ბლოგპოსტი - ,,კაბელების საქმე'' და საიდუმლო შესყიდვები წესის გარეშე" - გამოაქვეყნა.  „კაბელების" საქმემ ნათლად აჩვენა, რომ საიდუმლო შესყიდვების მიმართულებით სახელმწიფოს სერიოზული პრობლემები აქვს. ჯერ კიდევ არ არის დადგენილი საიდუმლო შესყიდვების ნუსხა და შესყიდვის განხორციელების წესი. ამგვარი რეგულაციების არ არსებობა საუკეთესო წინაპირობაა, როგორც მინიმუმ კორუფციული რისკების შემცველი გარიგებების დასადებად", ნათვამია ბლოგპოსტში. სრულად... წყარო: gyla.ge

არასრულწლოვანთა სარეაბილიტაციო დაწესებულებაში ხატვისა და გიტარაზე დაკვრის შემსწავლელი კურსები დასრულდა. სწავლებას სასჯელაღსრულების დეპარტამენტის დაფინანსებით, საქველმოქმედო-ჰუმანიტარული ცენტრი „აფხაზეთი" ახორციელებდა. პროგრამებში მონაწილე მსჯავრდებულებმა კურსის დასრულებისას წარმოადგინეს საკუთარი ნახატები და გიტარაზე შეასრულეს რამდენიმე კომპოზიცია, რის შემდეგაც, მათ გადაეცათ შესაბამისი სერთიფიკატები. ღონისძიებას ესწრებოდნენ სასჯელაღსრულების დეპარტამენტის სოციალური უზრუნველყოფის სამართველოსა და არასამთავრობო ორგანიზაცია „აფხაზეთის" წარმომადგენლები, რომლებიც კურირებდნენ კურსების მსვლელობას. წყარო: ორგანიზაციის გვერდი სოციალურ ქსელში

თბილისი. 17-18-19 ნოემბერს ჩატარდა ტრენინგები მცირე საოჯახო ტიპის სახლებში მომუშავე ლიდერებისთვის და აღმზრდელებისთვის - „აღმზრდელობითი კომპეტენციების განვითარება". ტრენინგს უძღვებოდნენ პოლონელი სპეციალოტები: ტომაშ პოლკოვსკი, აგნეშკა პოლკოვსკა; სამუშაო შეხვედრის ბოლო დღეს მცირე საოჯახო ტიპის სახლებში მომუშავე ლიდერებმა გააკეთეს პრეზეტაცია საკუთარი სახლების შესახებ, სადაც კოლეგებმა ფარული კენჭისყრის შედეგად გამოავლინეს საუკეთესო პრეზეტაციები. გამარჯვებულებს გადაეცათ სამახსოვრო პრიზები; პროექტს ახორციელებენ ასოციაციები „ბავშვი და ოჯახი" და „ჩვენი სახლი - პოლონეთი". პროექტის ფინანსური მხარდამჭერია პოლონეთის საგარეო საქმეთა სამინისტრო. წყარო: ორგანიზაციის გვერდი სოციალურ ქსელში

თბილისი. 19 ნოემბერს, მწერალთა სახლში, პროექტის - „ვის ეშინია ფემინიზმის” - ფარგლებში მორიგი ლექცია - „ქალისა და კაცის თანასწორობის იდეა ქრისტიანულ თეოლოგიაში” - ჩატარდა.ლექცია წაიკითხეს ბაპტისტურ-ევანგელური ეკლესიის ეპისკოპოსმა, რუსუდან გოცირიძემ და თეოლოგიის მაგისტრმა, ფემინური მისიოლოგიის მკვლევარმა, თინა მეგრელიძემ.     წყარო: 17maisi.org