თბილისი. საერთაშორისო გამჭვირვალობა - საქართველომ სოციალურ ქსელში განცხადება გაავრცელა. „პარლამენტის ეკონომიკური პოლიტიკის და თავდაცვის კომიტეტებში დეპუტატებმა პირველი მოსმენით განიხილეს და მხარი დაუჭერეს საკანონმდებლო ცვლილებების პაკეტს, რომელიც, დამტკიცების შემთხვევაში, პროგრესულ ცვლილებებს შეიტანს ფარული მიყურადებისა და თვალთვალის მარეგულირებელ ნორმებში. საკომიტეტო მუშაობაში დღეს მონაწილეობა მიიღეს ‪ეს შენგეხება‪ ისევ გვისმენენ კამპანიაში ჩართულმა სამოქალაქო საზოგადოების წარმომადგენლებმა". კანონპროექტის საბოლოო მოსმენა იურიდიულ საკითხთა კომიტეტშია დაგეგმილი, რის შემდეგაც კანონპროექტს პლენარულ სხდომაზე ეყრება კენჭი. საკანონმდებლო ცვლილებების პაკეტი წყარო:ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა ეკა აღდგომელაშვილის ვიდეო-მოხსენება გამოაქვეყნა. „სექსუალობა და ძალაუფლება" - სამოქალაქო აქტივიზმის პლატფორმის ფარგლებში ჩაიწერა. წყარო:ორგანიზაციის გვერდი სოციალურ ქსელში

თბილისი. სახალხო დამცველმა გამოაქვეყნა რეკომენდაციები ხუდონჰესის მშენებლობის საკითხზე. 2013 წლის 11 სექტემბერს, მოქალაქეებმა მიმართეს განცხადებით სახალხო დამცველს მესტიის მუნიციპალიტეტის სოფელ ხაიშში დაგეგმილი ხუდონჰესის მშენებლობის კანონიერების შესწავლის მიზნით. სახალხო დამცველის აპარატმა შეისწავლა აღნიშნული საკითხი და 14 მაისს ხუდონჰესის მშენებლობის კანონიერების თაობაზე რეკომენდაციები გამოაქვეყნა. სრულად წყარო: ombudsman.ge

კახეთი. თელავში, საბჭოთა წარსულის კვლევის ლაბორატორიამ გამართა დოკუმენტური ფილმის – „ცოცხლად მოყოლილი ამბები - მეხსიერება რეპრესირებული ქალების შესახებ" – ჩვენება. ფილმში საუბარია თაობაზე, რომელმაც გამოიარა საბჭოთა ტერორი, ნელ-ნელა ქრება. მათთან ერთად იკარგება მეხსიერება ასობით ათასი ადამიანის ტრაგედიის შესახებ. დოკუმენტური ფილმის მთავარი გმირები არიან ქალები და მათი ოჯახები, რომლებიც თავად გახდნენ საქართველოში განხორციელებული მასობრივი რეპრესიების მსხვერპლები. ფილმში ისტორიებს ყვებიან ადამიანები, რომლებმაც თავად გადაიტანეს რეპრესიები და მათი შთამომავლები, რომლებმაც ეს ამბები გადმოცემით იციან.

თბილისი. საერთაშორისო გამჭვირვალობა – საქართველომ გამოაქვეყნა პუბლიკაცია: „საქართველოს მოსახლეობის ნახევარს არ აქვს წვდომა ინტერნეტთან". პუბლიკაციაში ნათქვამია, რომ საქართველოში ინტერნეტი თავისუფალია ცენზურისაგან: არ შეინიშნება ინტერნეტ გვერდების კონტენტის, აპლიკაციებისა თუ პროგრამების დაბლოკვის შემთხვევები. ინტერნეტი იქცა ინფორმაციის მიღების რიგით მეორე ყველაზე მნიშვნელოვან წყაროდ ტელევიზიის შემდეგ. „თუმცა, ამ გარემოებების მიუხედავად, ქვეყანაში ინტერნეტზე წვდომის მაჩვენებელი კვლავ ძალიან დაბალია. „კავკასიის კვლევითი რესურსების ცენტრის" (CRRC) მიერ 2013 წლის ბოლოს „საერთაშორისო გამჭვირვალობა – საქართველოს" დაკვეთით ჩატარებული კვლევის შედეგების მიხედვით, საქართველოს მოსახლეობის თითქმის ნახევარს არასოდეს ჰქონია წვდომა ინტერნეტთან", ნათქვამია პუბლიკაციაში. სრულად წყარო: transparency.ge

თბილისი. საერთაშორისო გამჭვირვალობა – საქართველომ მოამზადა ვიდეოინსტრუქცია თუ როგორ შეიძლება მოიძიოს დაინტერესებულმა პირმა ქართული კომპანიების მფლობელები ონლაინ წყაროების გამოყენებით. ვიდეოში მოკლედაა აღწერილი საჯარო რეესტრის ეროვნული სააგენტოს ვებგვერდზე განთავსებული საჯარო ინფორმაციის გამოყენების შესაძლებლობა. ორგანიზაცია გეგმავს მოამზადოს ვიდეოინსტრუქციების სერია, რომელიც სხვადასხვა სასარგებლო ონლაინ რესურსებსა და ღია მონაცემებთან მუშაობის მეთოდებს გააცნობს მომხმარებელს. წყარო: transparency.ge

თბილისი. 13 მაისს, ახალგაზრდული ორგანიზაციის „ნაბიჯი წინ" ორგანიზებით პოეზიის საღამო გაიმართა. ღონისძიება ჩატარდა პროექტის „წიგნები მაღალმთიან სოფლებს" - ფარგლებში. პოეზიის საღამოზე საკუთარი შემოქმედებიდან ლექსები წაიკითხეს გიორგი არაბულმა, დიანა ამფიმიადმა, კატო ჯავახიშვილმა, ლია ლიქოკელმა, გიორგი გაგოშიძემ და სხვებმა.

თბილისი. საქართველოს ჟურნალისტთა დამოუკიდებელი ასოციაციამ განცხადება გავრცელა, რომელიც Media.Ge გამოაქვეყნა. რომლის მიხედვითაც, საქართველოს ჟურნალისტთა დამოუკიდებელმა ასოციაციამ (IAGJ) თურქეთის ჟურნალისტთა ასოციაციას და თურქეთის გაზეთების სინდიკატს მოუწოდა, შესაბამისი რეაგირება მოახდინონ აფხაზეთში, თურქეთის ჟურნალისტთა ფედერაციის დელეგაციის ვიზიტთან დაკავშირებით. სრულად წყარო: media.ge

თბილისი. საერთაშორისო გამჭვირვალობა – საქართველომ საპარლამენტო ამბების მორიგი აუდიოპოდკასტი გამოაქვეყნა. გამოშვების თემებია: სისხლის სამართლის საპროცესო კოდექსში ცვლილებების შესახებ ინფორმაცია, ჯანმრთელობისა და სოციალური დაცვის სამინისტროს მიერ ინიცირებული კანონპროექტი, გამჭვირვალობის სასოფლო–სამეურნეო დანიშნულების მიწის შესახებ საკანონმდებლო წინადადება. საპარლამენტო ამბების პოდკასტი წყარო: transparency.ge

თბილისი. 13 მაისს სასტუმრო „რედისონ ბლუ ივერიაში" ეკონომიკური პოლიტიკის კვლევის ცენტრის ახალი პერიოდული პუბლიკაციის - „საქართველო და მეზობლების" - პრეზენტაცია გაიმართა. პუბლიკაციის პირველი ნომრის მთავარი თემა უკრაინის კრიზისიდან მომდინარე საფრთხეებია. ანგარიშში განხილულია საქართველო-უკრაინის ორმხრივი ურთიერთობები ვაჭრობის, ინვესტიციებისა და ფულადი გზავნილების, ტურიზმისა და ენერგოპოლიტიკის სფეროებში; ასევე გაანალიზებულია უკრაინის შიდა ეკონომიკური პროცესები, როგორიცაა ეროვნული ვალუტის გაუფასურება, მკაცრი ეკონომიკური ზომების გატარება და სუბსიდიების გაუქმება, ენერგო მომარაგების უსაფრთხოებისა და უკრაინის იმპორტის ბაზრების მდგომარეობა. პუბლიკაცია წყარო: eprc.ge

სამცხე–ჯავახეთი. სამცხე–ჯავახეთში მიმდინარე პროექტი ,,ტავრიელი დუხობორების დეპორტაცია საქართველოში და მათი იდენტობა" დასასრულს უახლოვდება. პროექტის განმახორციელებელმა საინიციატივო ჯგუფმა საკუთარ ვებგვერდზე sjn.ge ინტერნეტჟურნალ ,,ყარყატების სოფელის" ბოლო ნომერი ატვირთა. ერთი წლის განმავლობაში ვებგვერდზე გამოქვეყნდა არაერთი საინტერესო ფოტო–ვიდეო მასალა და ისტორიები ნინოწმინდის სოფელ გორელოვკაში მცხოვრები დუხობორების შესახებ. საინიციატივო ჯგუფის წევრის გულო კოხოძის თქმით ამჟამად ჯგუფი მუშაობს მულტიმედიაზე – „სამლოცველო სახლის ისტორია". პროექტი ,,ტავრიელი დუხობორების დეპორტაცია საქართველოში და მათი იდენტობა" ხორციელდება ზაზა დარასელის სახელობის ჟურნალისტიკის განვითარებისა და ხელშეწყობის საქველმოქმედო ფონდის ,,სიცოცხლე მშვენიერია" მხარდაჭერით და მისი მიზანი დუხობორების თემის მოსახლეობისთვის გაცნობა და მათი კულტურისა და ტრადიციების პოპულარიზაციაა.

თბილისი. 8 მაისს „ლიბცენტრში" გაიმართა ზვიად აბაშიძის ლექცია: „პოსტსაბჭოთა გარდაქმნები და თანამედროვე უკრაინის მოვლენები". ვინც ვერ შეძლო ლექციაზე დასწრება ცენტრის საშუალებას აძლევს იხილოს ლექციის ვიდეოჩანაწერი. ლექცია: „პოსტსაბჭოთა გარდაქმნები და თანამედროვე უკრაინის მოვლენები" წყარო: ცენტრის ვებგვერდი სოციალურ ქსელში

თბილისი. 10 მაისს, ეთნოგრაფიულ მუზეუმში, ღია ცის ქვეშ, ევროპის დღისადმი მიძღვნილი სხვადასხვა საინტერესო ღონისძიება გაიმართა. აქტივოსბებით დატვირთული დღე ქართული ნაციონალური ბალეტის „სუხიშვილების" და ჯგუფი „ნიაზ დიასამიძე და 33 ა"–ს კონცერტით დამთავრდა. წყარო: ვებგვერდი „ერთად შევეგებოთ ევროპას"

თბილისი. 6 მაისს საქართველოს სტრატეგიული კვლევების ინსტიტუტმა მრგვალი მაგიდა საქართველოსა და მოლდოვის სახელმწიფო, დიპლომატიური, ადგილობრივი და საერთაშორისო ორგანიზაციების წარმომადგენლების მონაწილეობით. ღონისძიება გაიმართა პროექტის „ვიშეგრადის ქვეყნები საქართველოსა და მოლდოვის ევროკავშირთან ეკონომიკური ინტეგრაციის მხარდასაჭერად" – ფარგლებში. პროექტის მიზანია ქართული და მოლდოვური მხარისთვის, ევროკავშირთან ეკონომიკური ინტეგრაციის პროცესში ვიშეგრადის ქვეყნების გამოცდილების გაზიარება. აღნიშნული პროექტი ხელს უწყობს მხარეებს შორის გამოცდილების გაზიარებას და თანამშრომლობის გაღრმავებას, რაც მნიშვნელოვანია საქართველოსა და მოლდოვისთვის ასოცირების ხელშეკრულების და ღრმა და ყოვლისმომცველი თავისუფალი ვაჭრობის (DCFTA) იმპლემენტაციის პროცესში. წყარო: ორგანიზაციის ვებგვერდი სოციალურ ქსელში

თბილისი. 10 მაისს 13:00 -17:30 საათამდე საქართველოს ეთნოგრაფიულ მუზეუმში გაიმართება ევროპის დღისადმი მიძღვნილი საზეიმო ღონისძიება. სხვადასხვა ქვეყნების დელეგაციები ფოტო-გამოფენას, სიმღერის კონკურსს და სხვა გასართობ აქტივობებს შესთავაზებენ სტუმრებს. ღონისძიებას ოფიციალურად გახსნიან ევროკავშირისა და საქართველოს ხელისუფლების წარმომადგენლები. გაიმართება სუხიშვილებისა და ჯგუფ 33ა-ს კონცერტიც. პროგრამა წყარო: „ერთად შევეგებოთ ევროპას" გვერდი სოციალურ ქსელში

არასამთავრობო ორგანიზაცია Transparify-ი აქვეყნებს ანალიტიკური არასამთავრობო ორგანიზაციების გამჭვირვალობის საერთაშორისო რეიტინგს. ანგარიშში შეფასებულია 47 ქვეყანაში მომუშავე 169 ანალიტიკური არასამთავრობო ორგანიზაციის ფინანსურ გამჭვირვალობა. არასამთავრობო ორგანიზაციების დაფინანსების შესახებ, მათ მიერ გამოქვეყნებული ინფორმაციის ანალიზის საფუძველზე, ორგანიზაციამ შეადგინა რეიტინგი, სადაც გამჭვირვალობის ხარისხის მიხედვით ორგანიზაციებს 0–დან 5 ქულამდე აქვთ მინიჭებული. საქართველოდან კვლევისთვის რვა არასამთავრობო ორგანიზაცია შეირჩა. მათ შორის იყო საერთაშორისო გამჭვირვალობა – საქართველო და ეკონომიკური პოლიტიკის კვლევის ცენტრი, რომლებიც უმაღლესი ქულით შეფასდნენ. სრულად წყარო: transparency.ge

თბილისი. 7 მაისს, სიქამ საზოგადოებრივი ორგანიზაციების კოალიცია „განათლება ყველასათვის - საქართველო" ფარგლებში, ასოციაცია „ანიკასთან" პარტნიორობით, ფოტო-გამოფენა მოაწყო. გამოფენაზე წარმოდგენილი იყო შეზღუდული შესაძლებლობის მქონე პირთა 40–მდე პორტრეტები. „ანიკას" ორგანიზებით მოეწყო საქველმოქმედო ფოტოსესია, რომელშიც მოხალისოებრივად მონაწილეობა მიიღო 15–მა ქართველმა პროფესიონალმა და მოყვარულმა ფოტოგრაფმა. გამოფენას მასპინძლობდნენ „ანიკას" ბენეფიციარები, ფოტოსესიის მონაწილე შშმ პირები. წყარო:ორგანიზაციის გვერდი სოციალურ ქსელში

თბილისი. 8 მაისს, საქართველოს უსინათლოთა კავშირის კულტურის ცენტრში გაიმართება ბრაილის შრიფტით დაბეჭდილი ბროშურის „10 მითი საქართველო-ევროკავშირის ასოცირების შეთანხმების შესახებ" პრეზენტაცია. აღნიშნული ბროშურა დაიბეჭდა ფონდ „ღია საზოგადოება - საქართველოს" მხარდაჭერით. შეხვედრა გაიმართება ევროპული კვირეულის ფარგლებში ნატოსა და ევროკავშირის შესახებ საინფორმაციო ცენტრის ორგანიზებით.  ასევე გაიმართება დისკუსია საქართველოს ევროკავშირთან თანამშრომლობის საკითხებზე.  ღონისძიების ფარგლებში კულტურულ პროგრამას წარმოადგენენ საქართველოს უსინათლოთა კავშირის ვაჟთა ვოკალურ-ინსტრუმენტული ანსამბლი „კრწანისი", ქალთა ვოკალურ-ინსტრუმენტული ანსამბლი „ნანა" და გოგონათა კვარტეტი „ედელვაისი". შეხვედრა გაიმართება 8 მაისს, 12:00 საათზე, ქვემო ჭონიჭალაში, რუსთავის გზატკეცილი 20. წყარო: კოალიციის ვებგვერდი სოციალურ ქსელში

თბილისი. მალე ქართულ ინტერნეტ სივრცეში ვებ-პლატფორმა www.MEVAPINANSEB.ge გაჩნდება. იგი საქართველოსთვის ინოვაციური პროექტია, სადაც არამომგებიანი, არასამთავრობო ორგანიზაციები გამოაქვეყნებენ ორიგინალურ იდეებს და ვებგვერდის მეშვეობით დონორების მოძიებას შეეცდებიან. „დაფინანსების მოძიება მოხდება ე.წ Crowdfunding მეშვეობით, რაც გულისხმობს დაფინანსების მიღებას იდეის გულშემატკივარი ადამიანებისა და ორგანიზაციებისგან. Crowdfunding-ის დროს, დაფინანსების მოძიება, ძირითადად ინტერნეტტექნოლოგიების გამოყენებით ხორციელდება. ეს არის სივრცე, რომელიც ერთმანეთთან აკავშირებს დონორსა და იდეის ავტორს", ნათქვამია ფონდ „ღია – საზოგადოება საქართველოს" გვერდზე. წყარო:ფონდ ღია საზოგადოება საქართველოს გვერდი სოციალურ ქსელში

თბილისი. 8 მაისს, საქართველოს წითელი ჯვრის საზოგადოება წითელი ჯვრის საერთაშორისო დღეს აქციით აღნიშნავს.   „8 მაისს ეწვიეთ ფრანგული კაფეტერიების ქსელს „ანტრე", შეიძინეთ ნამცხვარი წითელი ჯვრის ემბლემით და გახდით ქველმოქმედი. აქციიდან შემოსული თანხა მთლიანად მოხმარდება იაშვილის კლინიკის ლეიკემიით დაავადებული ბენეფიციარების საჭიროებებს". საქველმოქმედო ღონისძიება ეწყობა „წითელი ჯვრის კვირეულის" ფარგლებში, რომელიც 1-8 მაისს მიმდინარეობს. წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ საქართველოს მთავარ პროკურატურას საყდრისი ყაჩაღიანის არქეოლოგიურ ობიექტთან დაკავშირებით სისხლის სამართლის საქმის გამოძიების დაწყების შესახებ განცხადებით მიმართა. განცხადება წყარო:gyla.ge

თბილისი. პოსტ საბჭოთა კვლევების ცენტრი პროექტის - „ერთიანობა მრავალფეროვნებაშია" - ფარგლებში ფოტო და ვიდეო კონკურსს ატარებს. კონკურსის მიზანია ეთნიკურ და რელიგიურ ნიადაგზე დისკრიმინაციის საკითხების მოგვარების გზების ადვოკატირება. გამარჯვებული გამოვლინდება სოციალური ქსელის მოწონებებისა და ჟიურის საშუალებით. საკონკურსი ნამუშევრები წყარო:ორგანიზაციის გვერდი სოციალურ ქსელში