თბილისი. საქართველოს ახალგაზრდა იურისტთა ასოციაციამ ივნისის თვის წარმატებული საქმეები გამოაქვეყნა. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტუტი განცხადებას ავრცელებს. „დღეს გავრცელდა საქართველოს საგარეო საქმეთა მინისტრის, ქალბატონ მაია ფანჯიკიძის განცხადება მისი ვიზიტების დროს გაწეული ხარჯების შესახებ. სადაც მან არასამთავრობო ორგანიზაციებს მოუწოდა, რომ სამინისტროდან მიღებული მონაცემები საზოგადოებისათვის სწორი ინტერპრეტაციით მიეწოდებინათ... ჩვენს მიერ გამოქვეყნებულ მონაცემებში 2013 წელს სამინისტროების მიერ გაწეული სამივლინებო და როუმინგის ხარჯების შესახებ საგარეო საქმეთა სამინისტროს შემთხვევაში გამოტანილი იქნა სწორედ ის მონაცემები, რომელიც ოფიციალურად იქნა მიღებული საქართველოს საგარეო საქმეთა სამინისტროდან და ასევე, გაკეთებული იქნა შესაბამისი მითითება, რომ აღნიშნული თანხა წარმოადგენდა არა უშუალოდ მინისტრის, არამედ მისი ხელმძღვანელობით დელეგაციის ვიზიტის ხარჯს. გვინდა ხაზგასმით ავღინიშნოთ, რომ ჩვენს მიერ მონაცემები გამოქვეყნებული იქნა იმ სახით, რა ფორმითაც IDFI-იმ ის მიიღო საქართველოს საგარეო საქმეთა სამინისტროდან", ნათქვამია ინსტიტუტის მიერ გავრცელებულ განცხადებაში. სრულად... წყარო: idfi.ge

თბილისი. საერთაშორისო გამჭვირვალობა საქართველო მიიჩნევს, რომ „სახელმწიფო აუდიტის სამსახურის მუშაობის შესახებ საპარლამენტო დასკვნა არაობიექტურად ასახავს სამსახურის მუშაობას". ამის შესახებ ბლოგპოსტი ორგანიზაციამ ვებგვერდზე გამოაქვეყნა. „მიგვაჩნია, რომ სახელმწიფო აუდიტის სამსახურის საქმიანობის შეფასება მის საქმიანობაში ჩარევაში არ უნდა გადაიზარდოს, რისი აშკარა ნიშნებიც აჩვენა დროებითი საპარლამენტო კომისიის შეფასებამ", ნათქვამია ორგანიზაციის გვერდზე. სრულად...  წყარო: transparency.ge

თბილისი. საქართველოს ახალგაზრდული პარლამენტის განათლების, მეცნიერებისა და კულტურის კომიტეტმა ქართველ ისტორიკოსთან და არქეოლოგთან იულონ გაგოშიძესთან შეხვედრა გამართა. მიმოიხილეს საყდრისის ოქროს საბადოს საკითხი პოლიტიკურ და არქეოლოგიურ ჭრილში. შეხვედრას ასევე ესწრებოდა გიორგი გოგოჭური, რომელმაც აღნიშნული თემა განიხილა იურიდიული თვალსაზრისით და ისაუბრა კანონდარღვევებზე, რომელებიც მოცემული მიმართულებით დაფიქსირდა. წყარო: ორგანიზაციის გვერდი სოციალურ ქსელში

თბილისი. საქართველოში ევროკავშირის წარმომადგენლობის ვებგვერდზე განთავსებულია შეტყობინება მიმდინარე კონტრაქტის მქონე გრანტების ბენეფიციარებისათვის. სრულად... წყარო: eeas.europa.eu

თბილისი. ინფორმაციის თავისუფლების განვითარების ინსტიტუტის ინფორმაციით, საქართველოს ეროვნული უშიშროების საბჭომ საჯარო ინფორმაციის პროაქტიულად გამოქვეყნების წესი შეიმუშავა. ამ საკითხში საბჭოს მნიშვნელოვანი დახმარება ინფორმაციის თავისუფლების განვითარების ინსტიტუტმა (IDFI) გაუწია, რომელთანაც საბჭომ 2014 წლის 24 ივნისს ურთიერთთანამშრომლობის მემორანდუმი გააფორმა. ახალი წესის მიხედვით, ნებისმიერ პირს ექნება საშუალება უშიშროების საბჭოს აპარატიდან გამოითხოვოს საჯარო ინფორმაცია აპარატის საქმიანობის შესახებ, ის ასევე განსაზღვრავს საჯარო ინფორმაციის აპარატის ელექტრონულ რესურსზე განთავსების სამართლებრივ საფუძვლებს. სრულად... წყარო: idfi.ge

სამცხე–ჯავახეთი. ახალციხეში, არასამთავრობო ორგანიზაცია ,,დემოკრატ მესხთა კავშირის" საკონფერენციო დარბაზში, სხეულის ენის, ჟესტიკულაციის შესახებ პრეზენტაცია მოეწყო. პრეზენტაცია ორგანიზაციის ფარგლებში არსებული ახალგაზრდული ცენტრის წევრების ინიციატივით გაიმართა. პრეზენტაცია დაიგეგმა პროექტის ,,ეროვნული ინტეგრაციის გაძლიერება საქართველოში" ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ის საერთაშორისო განვითარების სააგენტოს ფინანსური მხარდაჭერით.

შიდა ქართლი. 1 ივლისს ასოციაცია „გორის ინვალიდთა კლუბთან" არსებული, გორის ახალგაზრდული ცენტრის ლიდერებმა ახალი მოხალისეების მოსაზიდად პროექტ ეროვნული ინტეგრაციის გაძლიერების პროექტის პრეზენტაცია გამართეს. პრეზენტაციას ესწრებოდნენ გორის ახალგაზრდული ცენტრის საქმიანობით დაინტერესებული პირები, რომლებმაც სურვილი გამოთქვეს პროექტში აქტიურად ჩართვისა და მუშაობისათვის. აქტივობა გაიმართა „ეროვნული ინტეგრაციის გაძლიერება საქრთველოში" პროექტის ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო: ორგანიზაციის ვებგვერდი სოციალურ ქსელში

იმერეთი. ქუთაისის განათლების განვითარების და დასაქმების ცენტრში მოსწავლე სტაჟიორებისათვის ჩატარდა ტრენინგი „პროფესიულ ორიენტაციასა და კარიერულ დაგეგმარებაში". სტაჟიორებმა შეისწავლეს რეზიუმეს სწორად შევსება, სამოტივაციო წერილის შედგენა და დამსაქმებელთან ეფექტური გასაუბრების ტექნიკები. სტაჟიორები ქუთაისის განათლების განვითარების და დასაქმების ცენტრში ერთი თვის განმავლობაში იმუშავებენ. წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველომ სამეწარმეო რეესტრის ბაზაზე შექმნა ვებსაიტი www.companyinfo.ge. იგი საშუალებას იძლევა მარტივად მოიძიოთ ინფორმაცია კომპანიების მფლობელება და დირექტორებზე. ასევე დაადგინოთ თუ როგორ უკავშირდებიან ერთმანეთს სხვადასხვა კომპანიები და მათი მესაკუთრეები. ვებსაიტზე ინფორმაციის მარტივად მოძიების მიზნით, საერთაშორისო გამჭვირვალობა შექმნა ვიდეორგოლი წყარო: transparency.ge

თბილისი. საქართველოს დიპლომატიისა და პოლიტიკის აკადემიის მსმენელებსა და ახალგაზრდული პარლამენტის წევრებს ბრიტანეთის ქალაქ ბორმუთის მერი როდნი კუპერი შეხვდა. შეხვედრაზე მხარეებმა ისაუბრეს საქართველოსა და დიდ ბრიტანეთს შორის არსებული კულტურული და საგანმანათლებლო პროექტების შესახებ. როდნი კუპერმა გამოთქვა დაინტერესება საერთო საგანმანათლებლო პროექტების განხორციელებით დიპლომატიისა და პოლიტიკის აკადემიასთან ერთად და ახალგაზრდული პარლამენტის ფორმატის დანერგვით დიდ ბრიტანეთში. წყარო: ორგანიზაციის გვერდი სოციალურ ქსელში

თბილისი. თბილისის ადამიანის უფლებათა სახლის წევრი ორგანიზაციები საქართველოს ევროკავშირთან ასოცირების შეთანხმების შესახებ განცხადებას ავრცელებენ. არასამთავრობო ორგანიზაციები მიესალმებიან ასოცირების შეთანხმების ხელმოწერას და საქართველოს სწრაფვას დემოკრატიული განვითარებისაკენ. „თბილისის ადამიანის უფლებათა სახლს სჯერა, რომ ასოცირების შეთანხმების ხელმოწერა ხელს შეუწყობს საქართველოს დემოკრატიული ფასეულობების განმტკიცებას და ადამიანის, როგორც მთავარი ღირებულების, უფლებების დაცვაზე მორგებულ სახელმწიფო მმართველობის ჩამოყალიბებას. ვიმოდევნებთ, რომ ასოცირების შეთანხმების ხელმოწერა განამტკიცებს საქართველოში კანონის უზენაესობას და ადამიანის უფლებათა პატივისცემას...", ნათქვამია განცხადებაში. სრულად... წყარო: კონსტიტუციის 42–ე მუხლის ვებგვრდი სოციალურ ქსელში

თბილისი. ინფორმაციის თავისუფლების განვითარების ინსტიტუტი ასოცირების ხელშეკრულებაზე ხელმოწერის შესახებ განცხადებას ავრცელებს. „უდავოა, რომ ასოცირების შესახებ ხელშეკრულება ისტორიული მნიშვნელობის მატარებელია ჩვენი ქვეყნისთვის. შესაბამისად მნიშვნელოვანია ყველა მოქალაქე ინფორმირებული იყოს იმ ძირითადი საკითხების შესახებ, რომლებსაც შეთანხმება მოიცავს...", ნათქვამია განცხადებაში. მასში ასევე აღნიშნულია რას მოიცავს ხელშეკრულება. სრულად... წყარო: idfi.ge

თბილისი. საქართველოს ახალგაზრდა კონსტიტუციონალისტთა ასოციაცია მიესალმება საქართველოს მიერ ასოცირების ხელშეკრულებაზე ხელის მოწერა და განცხადებას ავრცელებს. „იმედს გამოთქვამს, რომ ხსენებულ ხელშეკრულებასთან მიერთება ქართული სახელმწიფოსთვის იქნება მორიგი არსებითი წინგადადგმული ნაბიჯი ევროპასთან დაახლოების კუთხით", ნათქვამია 27 ივნისს გავრცელებულ განცხადებაში. სრულად... წყარო: gyca.ge

თბილისი. საერთაშორისო გამჭვირვალობა – საქართველო მიესალმება ისტორიულ შეთანხმებას საქართველოსა და ევროკავშირს შორის. „ასოცირების შეთანხმება უმნიშვნელოვანესი ნაბიჯია საქართველოს ევროპული ინტეგრაციის გზაზე და ევროკავშირსა და საქართველოს შორის ურთიერთობებში არსებითად ახალი ეტაპის დაწყებას მოასწავებს. ...ამავე დროს, ასოცირების შეთანხმება უდიდეს პასუხისმგებლობას აკისრებს საქართველოს ხელისუფლებას, სამოქალაქო საზოგადოებას, ბიზნესის სექტორს, მედიას და სხვა ჯგუფებს, რადგანაც შეთანხმებით გათვალისწინებული ვალდებულებების შესრულება და ევროკავშირის სტანდარტებთან მიახლოება საზოგადოების კოლექტიურ ძალისხმევას მოითხოვს", ნათქვამია განცხადებაში. სრულად...  წყარო: transparency.ge

თბილისი. „ახალგაზრდა ადვოკატები", საქართველოში მცხოვრები ეთნიკური უმცირესობის წარმომადგენელი ახალგაზრდებისთვის, პროექტ „ერთად ევროპული არჩევანისთვის" ფარგლებში, მარნეულისა და ახალციხის მუნიციპალიტეტებში შეხვედრებს გამართავს. ორგანიზაცია შეხვედრებს 1 ივლისს ახალციხეში, ხოლო 3 ივლისს მარნეულში გამართავს. ორგანიზაცია გამართავს საჯარო ლექციას საქართველო–ევროკავშირის ურთიერთობების შესახებ და რეგიონის სამოქალაქო ჯგუფებთან ფართო დიალოგის ფონზე, წარმოაჩენს საქართველოს ევროპული არჩევანის ინსტიტუციურ მდგრადობას და უპირატესობას. შეხვედრები ადგილზე დემოკრატიის ჩართულობის ცენტრებში, 15:00 საათზე დაიწყება. სრულად... წყარო: cspinfo.ge

თბილისი. 27 ივნისს საქართველო ხელს მოაწერს ევროკავშირთან ასოცირების ხელშეკრულებას. საერთაშორისო გამჭვირვალობამ საზოგადოების ინფორმირების მიზნით, ევროკავშირთან ასოცირების ხელშეკრულების ხელმოწერასთან დაკავშირებულ საკითხებზე ანიმაციები შექმნა. ორგანიზაცია მიიჩნევს, რომ „ჩვენი ქვეყნისთვის ამ უმნიშვნელოვანესი პროცესის წარმატებით განვითარებისთვის აუცილებელია, ჩვენს თანამოქალაქეებს მაქსიმალურად მიეწოდოთ ინფორმაცია. იმის შესახებ, თუ რა კონკრეტული სარგებელი ახლავს ჩვენი ქვეყნის ევროპულ ოჯახში სრულფასოვნად დამკვიდრებას”. ანიმაციები... წყარო: ორგანიზაციის გვერდი სოციალურ ქსელში

თბილისი. ორგანიზაცია „ახალგაზრდა ადვოკატები" ევროკავშირთან ასოცირების შეთანხმებაზე ხელმოწერის მნიშვნელობაზე მიმართვას ავრცელებენ და საზოგადოებას განსაკუთრებული პასუხისმგებლობის გამოჩენისკენ მოუწოდებენ. „...დამოუკიდებლობის მოპოვების შემდგომ, რეალობა ხდება კონსტიტუციით განმტკიცებული ქართველი ხალხის არჩევანის დეკლარირება – დაამკვიდრონ დემოკრატიული საზოგადოებრივი წესწყობილება და სამართლებრივი სახელმწიფო, ეკონომიკური თავისუფლება, უზრუნველყონ ადამიანის საყოველთაოდ აღიარებული უფლებათა და ძირითად თავისუფლებათა დაცვა, განამტკიცონ სახელმწიფოებრივი დამოუკიდებლობა, რომელიც საქართველოსთვის ევროკავშირთან და ევროპულ ინტეგრაციასთან კავშირის გარეშე, წარმოუდგენელია...", ნათქვამია ორგანიზაციის ვებგვერდზე. სრულად... წყარო: barristers.ge

თბილისი. 25 ივნისს 2014 წლის მოწვევის ახალგაზრდული პარლამენტის დიასპორისა და კავკასიის საკითხთა კომიტეტის წარმომადგენლები დიასპორის საკითხებში სახელმწიფო მინისტრს შეხვდნენ. შესხვედრას ასევე ესწრებოდნენ მინისტრის პირველ მოადგილე და საპარლამენტო მდივანი ზაალ სარაჯიშვილი და ახალგაზრდული პარლამენტის აღმასრულებელი საბჭოს ხელმძღვანელი მარეხ გვარამაძე. შეხვედრის მონაწილეებმა განიხილეს კანონპროექტები, რომლებზეც ახალგაზრდული პარლამენტის კომიტეტი მუშაობს და მინისტრის აპარატს სხვადასხვა კუთხით თანამშრომლობა შესთავაზეს. შეხვედრაზე შეთანხმდა მემორანდუმის გაფორმების საკითხი კომიტეტსა და მინისტრის აპარატს შორის. წყარო: ორგანიზაციის გვერდი სოციალურ ქსელში

აჭარა. 25 ივნისს, ბათუმის მერიაში გაიმართა შეხვედრა მერიის განათლების, კულტურის, ტურიზმისა და სპორტის სამსახურის ხელმძღვენელობას, კავშირ „პროგრესსა" და ჩეხეთის რესპუბლის განვითარების პროგრამების ატაშესთან საქართველოში - ალბერტ შიდოსთან. შეხვერდა ეხებოდა ჩეხეთის რესპუბლიკის საგარეო საქმეთა სამინისტროს მიერ მხარდაჭერილი საგანმანათლებლო პროექტის მიმდინარეობისა და საჭიროებების გამოვლენას, რომელთა მხარდაჭრა სასურველი იქნებოდა სამომავლოდ. შეხვედრაზე დიპლომატი დაინტერესდა ასევე ჩატარებული ღონისძიებების შედეგებისა და მდგრადობის პერსპექტივებით. შეხვედა წარიმართა კონსტრუქციული დიალოგის რეჟიმში და დაისახა ორგანიზაცია „პროგრესს", ბათუმის მერიასა და ჩეხეთის საგარეო საქმეთა სამინისტროს შორის სამომავლო თანამშრომლობის პერსექტივები და მიმართულებები, რომელიც შესაძლოა 2015 წლიდან განხორციელდეს ჩეხეთის რესპუბლიკის ფინანსური მხარდაჭერით ბათუმში სამოქალაქო აქტიურობის და თვითმმართველობის გაძლიერების მიზნით.

შიდა ქართლი. ნატოსა და ევროკავშირის შესახებ საინფორმაციო ცენტრის დირექტორი ელენე გოცაძე ზემო ნიქოზის მოსახლეობას შეხვდა. შეხვედრაზე ისაუბრეს საქართველოს ევროპულ და ევროატლანტიკურ სტრუქტურებში ინტეგრაციის პროცესზე და ასოცირების შესახებ შეთანხმების ხელმოწერის მნიშვნელობაზე. ასევე ყურადღება გამახვილდა სამომავლო პროექტებზე. შეხვედრა კითხვა-პასუხის რეჟიმში წარიმართა და მოსახლეობას გადაეცა ლიტერატურა ნატოსა და ევროკავშირის შესახებ. წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველომ მოამზადა ანიმაციები, სადაც მარტივი მაგალითები არის ახსნილი თუ რატომ არის მნიშვნელოვანი საქართველოსთვის ევროკავშირთან ინტეგრაცია. ასევე რა შედეგებს მოიტანს საქართველოსა და ევროკავშირს შორის გაფორმებული ასოცირების ხელშეკრულება. წყარო: ორგანიზაციის გვერდი youtube–ზე