სამცხე–ჯავახეთი. 20-21 თებერვალს, ძალადობისგან დაცვის ეროვნული ქსელის წარმომადგენლები Kvinna till Kvinna-ს მიერ ორგანიზებულ შეხვედრაში მიიღეს მონაწილეობა, რომელიც პარტნიორების პოზიტიური მიღწევებისა და შედეგების გაზიარებას მიეძღვნა. შეხვედრის მიზანი იყო, გამოცდილების გაზიარება და პარტნიორი ორგანიზაციების შედეგების გაანალიზება. წყარო: ძალადობისგან დაცვის ეროვნული ქსელის ვებგვერდი სოციალურ ქსელში

თბილისი. საგარეო საქმეთა სამინისტრომ „საქართველო–ევროკავშირის ასოცირების შესახებ შეთანხმების" ქართული ტექსტი გამოაქვეყნა. ვერსია, რომელიც 1000–მდე გვერდს მოიცავს უკვე განთავსდა საქართველოს აგარეო საქმეთა სამინისტროს ვებგვერდზე. საგარეო საქმეთა სამინისტროს ვებგვერდღე აღნიშნულია, რომ ტექსტს აქვს მხოლოდ საინფორმაციო დატვირთვა და არ წარმოადგენს შეთანხმების საბოლოო ვერსიას. საქართველო-ევროკავშირის ასოცირების შესახებ შეთანხმების ტექსტი წყარო: საგარეო საქმეთა სამინისტროს ვებგვერდი

თბილისი. საქართველოს ახალგაზრდული პარლამენტი საკანონმდებლო ორგანოში 19 თებერვალს მომხდარ ინციდენტს ეხმაურება. „საქართველოს ახალგაზრდული პარლამენტი მიიჩნევს, რომ დაუშვებელია საკანონმდებლო ორგანოში მსგავსი პრეცედენტების არსებობა. ამ ფონზე, აუცილებელია მოხდეს საქართველოს პარლამენტში 2004 წელს მიღებული ეთიკის კოდექსის გადახედვა და რეალური მექანიზმების შემუშავება, რომელიც მსგავსი ფაქტების არსებობის შემთხვევაში სანქციებს დააკისრებს საქართველოს პარლამენტის დეპუტატებს. საქართველოს ახალგაზრდული პარლამენტი აგრეთვე მიმართავს თხოვნით საერთაშორისო ორგანიზაციებს, რომლებიც ჩართულნი არიან აღნიშნულ პროცესში და გამოთქვამს მზადყოფნას შესთავაზოს საკანონმდებლო ორგანოს ახალგაზრდების ხედვა აღნიშნულ საკითხზე", ნათქვამია სოციალურ ორგანიზაციის ვებგვერდზე გამოქვეყნებულ განცხადებაში. წყარო: საქართველოს ახალგაზრდული პარლამენტის ვებგვერდი სოციალურ ქსელში

თბილისი. საქართველოს ადვოკატთა ასოციაციის ეთიკის კომისიის პრაქტიკასა და დისციპლინური წარმოების საკითხებზე დისკუსიის მიზნით გასვლითი შეხვედრა გაიმართა. შეხვედრაზე მიმოიხილეს პროფესიული საქმიანობის ძირითადი პრინციპები, დამოუკიდებლობის, ნდობის, კონფიდეციალობის, კოლეგიალობის პრინციპი და საადვოკატო საქმიანობის რეკლამირება. კლიენტის ინტერესების უპირატესობა, ინტერესთა კონფლიქტის საკითხები. ადვოკატის და კლიენტის ურთიერთობის დაწყება, დასრულება, თანმდევი ვალდებულებები. კეთილსინდისიერებისა და კვალიფიციურობის ვალდებულება, კლიენტის ფონდები. ადვოკატის ურთიერთობა სასამართლოსთან. საპროცესო საკითხები. შეხვედრა ორგანიზებული იყო JILEP-ის და EUCJR-ის პროექტების მხარდაჭერით. წყარო: ასოციაციისგვერდი სოციალურ ქსელში

ეუთოს წარმომადგენელი მედიის საკითხებში დუნია მიატოვიჩი უკრაინის მთავრობას ჟურნალისტთა უსაფრთხოების უზრუნველყოფისკენ მოუწოდებს. მიატოვიჩმა 18 თებერვალს ღამით კიევში მომხდარი დაპირისპირების დროს ჟურნალისტ ვიაჩესლავ ვერემის გარდაცვალების გამო მწუხარება გამოთქვა. სრულად წყარო: media.ge

თბილისი. საერთაშორისო გამჭვირვალობა საქართველო სოციალურ ქსელში ავრცელებს ინფორმაციას, რომ საქართველოს ფინანსთა სამინისტრომ და შემოსავლების სამსახურმა საერთაშორისო გამჭვირვალობა – საქართველოს გადამზიდველების საქმეზე პირველი და მეორე ინსტანციის სასამართლოში დავის წაგების შემდეგ უზენაეს სასამართლოს მიმართეს. ორგანიზაცია იუწყება, რომ „გადამზიდველების საქმეზე საქართველოს უზენაესი სასამართლო საქმის წარმოებაში მიღების შესახებ გადაწყვეტილების გამოტანის ვადას არღვევს... ადმინისტრაციულ საქმეთა პალატამ საკასაციო საჩივრები დასაშვებობის შესამოწმებლად წარმოებაში 2013 წლის 14 ნოემბერს მიიღო. საქართველოს სამოქალაქო საპროცესო კოდექსის 401-ე მუხლის მიხედვით, საკასაციო საჩივრის დასაშვებობის შემოწმების ვადა არ უნდა აღემატებოდეს 3 თვეს. შესაბამისად, უზენაეს სასამართლოს გადაწყვეტილება საკასაციო საჩივრების წარმოებაში მიღების ან არმიღების შესახებ არაუგვიანეს 14 თებერვლისა უნდა მიეღო. სამწუხაროდ, გადაწყვეტილება დღემდე არ არის მიღებული". სრულად წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაციამ „ახალგაზრდა ადვოკატებმა" საქართველო–ევროკავშირის ურთიერთობების შესახებ მოსახლეობის ინფორმირების მიზნით საინფორმაციო კამპანია დაიწყეს. კამპანია დღეს, თბილისში, რუსთაველის მეტროსადგურთან გაიმართა. ორგანიზაციამ მოსახლეობას სპეციალურად მომზადებული გაზეთი „საქართველო ევროკავშირის გზაზე" – დაურიგა. ორგანიზაცია გაზეთის განმეორებით გამოცემას და კამპანიის რეგიონებში გამართვას გეგმავს. წყარო: ორგანიზაციის ვებგვერდი სოციალურ ქსელში

კახეთი. 19 თებერვალს, თელავის ცენტრალურ ბიბლიოთეკაში, დემოკრატიის კომისიის მცირე გრანტების პროგრამის პრეზენტაცია გაიმართა. აშშ-ის საელჩომ, დემოკრატიის კომისიის მცირე გრანტების პროგრამის ფარგლებში, კონკურსი გამოაცხადა. კონკურსში მონაწილეობა შეუძლიათ საქართველოს არაკომერციულ, არასამთავრობო, საგანმანათლებლო და მედია ორგანიზაციებს. დემოკრატიის კომისიის მცირე გრანტების პროგრამის ადმინისტრირებას ახორციელებს აშშ-ს საელჩოს საზოგადოებასთან ურთიერთობის განყოფილება, ელჩის მოადგილისა და განყოფილების ხელმძღვანელის თავჯდომარეობით. კომისიის მიერ საპროექტო წინადადების განხილვის შემდეგ სახელმწიფო დეპარტამენტი მიიღებს დაფინანსების საბოლოო გადაწყვეტილებას.

თბილისი. საქართველოს ახალგაზრდა დიპლომატთა კლუბს სტუმრად რუმინეთის საგანგებო და სრულუფლებიანი ელჩი ესტუმრა. სტუმართა ისაუბრა რუსინეთ–საქართველოს ურთიერთობებსა და საქართველოს ნატოში ინტეგრაციის პრესპექტივებს. წყარო: ორგანიზაციის ვებგვერდი სოციალურ ქსელში

თბილისი. 17 თებერვალს საქართველოს რეგიონულმა მაუწყებელთა ასოციაცია 2013 წელი შეაჯამა. ორგანიზაცია მიიჩნევს, რომ ასოციაციაში შემავალი მაუწყელებისთვის გასული წელი წარმატებული იყო. შემაჯამებელ ღონისძიებას წინ უძღოდა ასოციაციის საერთო კრება, სადაც ასოციაციაში შემავალმა მაუწყელებმა 2013 წლის შედეგებზე და სამომავლო გეგმებზე ისაუბრეს. წყარო:media.ge

თბილისი. ადამიანის უფლებების სწავლებისა მონიტორინგის ცენტრმა (EMC), ცენტრის სამოქალაქო აქტივიზმის პლატფორმის წევრის თეა კახაძის პუბლიკაცია გამოაქვეყნა სახელწოდებით: „საქართველოს კათოლიკოს–პატრიარქის ეპისტოლეების ანალიზი (1997–2014)". პუბლიკაციაში ყურადღება გამახვილებულია საქართველოს კათოლიკოს–პატრიარქის ეპისტოლეებში სახელმწიფო და სოციალური მიმართულებით ყველაზე ხშირად წამოწეულ საკითხებზე. სრულად წყარო: emc.org.ge

7, 10, 12, და 14 თებერვალს „სიდამ" პროექტის - „ხელმისაწვდომი მართლმსაჯულება ეროვნული და რელიგიური უმცირესობებისათვის ადმინისტრაციული სამართლის სფეროში" - ფარგლებში შეხვედრები გამართა კახეთსა და ქვემო ქართლში მცხოვრებ ეროვნულ უმცირესობებთან. შეხვედრები გაიმართა საგარეჯოს რაიონის 9, გარდაბნის 5 და მარნეულის 3 სოფელში. შეხვედრებს ესწრებოდა „სიდას" იურისტი, სოფლის რწმუნებულები და ადგილობრივი მოსახლეობა. შეხვედრების მიზანს წარმოადგენდა ეროვნული უმცირესობებისათვის იურიდიული კონსულტაციების გაწევა მათთვის საინტერესო საკითხებზე. წყარო:cida.ge

თბილისი. ლიბერალიზმის სასწავლო ცენტრმა „ლიბთაიმის" მორიგი გამოშვება გამოაქვეყნა. გადაცემის თემაა: „რა პრობლემები აქვს ჯავახეთის საზოგადოებას სახელმწიფოში ინტეგრაციის გზაზე და არის თუ არა რეგიონი მოწყვეტილი ქვეყნის დანარჩენი ნაწილისგან". თემაზე საუბრობენ ორგანიზაცია „მრავალეროვანი საქართველოს" თავმჯდომარე არნოლდ სტეფანიანი; სახელმწიფო პროგრამის ფარგლებში ჯავახეთის ერთ-ერთ სოფელში, კიროვაკანში ქართულის მასწავლებელი და სტუდენტი - დიანა სურმანიძე. გადაცემა   წყარო:ორგანიზაციის გვერდი სოციალურ ქსელში

თბილისი. საქართველოს ადვოკატთა ასოციაციამ ჟურნალ „ადვოკატის" მორიგი ნომერი გამოსცა. რიგით მეოთხე გამოცემა მოიცავს: ადამიანის უფლებათა ევროპული სასამართლოს გადაწყვეტილებას - მიშო საფრანგეთის წინააღმდეგ; საქართველოს ადვოკატთა ასოციაციის ანგარიშს და ა.შ. ჟურნალი წყარო:gba.ge

თბილისი. კონსულტაციის და ტრენინგის ცენტრმა წლიური გამოცემა გამოაქვეყნა. გამოცემა მიმოიხილავს 2013 წლის მნიშვნელოვან მოვლენებს და თემებს, რომლებშიც ორგანიზაცია აქტიურად იყო ჩაბმული. გამოცემა წყარო: ctc.org.ge

ღია მმართველობის პარტნიორობის (OGP) სამდივნომ ოფიციალურად გამოაქვეყნა მთავრობების სამოქმედო გეგმების შესრულების დამოუკიდებელი ანგარიშის მექანიზმის ანგარიშები მეორე ჯგუფის ქვეყნებისთვის. მათ შორისაა ანგარიში საქართველოს შესახებ, რომელიც მოამზადა დამოუკიდებელმა ექპერტმა, „საერთაშორისო გამჭვირვალობა-საქართველოს" წარმომადგენელმა ლაშა გოგიძემ. სრულად წყარო: ogpgeoblog.wordpress.com

თბილისი. „საერთაშორისო გამჭვირვალობა - საქართველომ" ვებგვერდზე უკანონო მიყურადებისა და ფარული ჩანაწერების საკითხებზე მომუშავე დროებითი კომისიის წევრების ლაშა ტუღიშის, ეკა გიგაურის და კახი კახიშვილის მოსაზრებები გამოაქვეყნა. „31 დეკემბერს უკანონო მიყურადებისა და ფარული ჩანაწერების საკითხებზე მომუშავე დროებითმა კომისიამ გამოაქვეყნა ანგარიში საქართველოში უკანონო მიყურადებისა და ფარული ჩანაწერების შესახებ. სამ წევრს ეკა გიგაურს, ლაშა ტუღუშს და კახაბერ კახიშვილს ჰქონდათ განსხვავებული მოსაზრებები, რომლებიც არ იქნა ასახული შინაგან საქმეთა სამინისტროს ოფიციალურ ვებ-გვერდზე გამოქვეყნებულ კომისიის ანგარიშში, ამიტომ მათ დატოვეს კომისია", ნათქვამია ვებგვერდზე. სრულად წყარო: transparency.ge

თბილისი. ინფორმაციის თავისუფლების განვითარების ინსტიტუტმა განცხადება გაავრცელა. „გვსურს გამოვეხმაუროთ კულტურის სამინისტროს საზოგადოებასთან ურთიერთობის სამმართველოს უფროსის ირმა ცქიტიშვილის განცხადებას კულტურის მინისტრის და მისი ორი მოადგილის გერმანიაში, ქალაქ ფრანკფურტში წიგნის ბაზრობაზე ვიზიტთან დაკავშირებით. ქალბატონი ირმას განცხადებით, IDFI-ის მიერ არასწორად იქნა დაანგარიშებული ფრანკფურტის ვიზიტის დროს სასტუმრო Le Meridien Parkhotel Frankfurt-ში გაწეული ხარჯები. IDFI-ის მიერ გამოქვეყნებული ანალიზი ეყრდნობა კულტურისა და ძეგლთა დაცვის სამინისტროდან მიღებულ ოფიციალურ საჯარო ინფორმაციას, რომლის სანდოობის ეჭვქვეშ დაყენების საფუძველიც ორგანიზაციას არ გააჩნია", ნათქვამია ორგანიზაციის გვერდზე. სრულად წყარო: idfi.ge

თბილისი. 14 თებერვალს სპორტისა და ახალგაზრდობის საქმეთა სამინისტროს საკონფერენციო დარბაზში ბავშვთა და ახალგაზრდობის განვითარების ფონდის 2014 წლის პირველი საგრანტო კონკურსი გამოცხადდა. კონკურსის ფარგლებში პროექტების წარდგენა შესაძლებელია შემდეგი პროგრამების შესაბამისად: ადამიანის უფლებებისა და სამოქალაქო საზოგადოების მხარდაჭერის პროგრამა; სპორტის განვითარების ხელშეწყობა, ახალგაზრდებში სპორტული აქტივობებისა და ჯანსაღი ცხოვრების წესის დამკვიდრება–პოპულარიზაცია; სოციალური მეწარმეობა; სოფლის მეურნეობისა და გარემოს დაცვის მხარდაჭერის პროგრამა; საქართველოს მთავრობის დეცენტრალიზაციისა და თვითმმართველობის რეფორმის პოპულარიზაცია ახალგაზრდებში; კულტურულ–საგანმანათლებლო და აკადემიური მხარდაჭერის პროგრამა; ევროინტეგრაციის პროცესში ჩართულობის ხელშეწყობა. კონკურსის ფარგლებში პროექტების წარდგენა შესაძლებელია 14 თებერვლიდან 4 მარტის ჩათვლით. 18 თებერვალს, 12:00 საათზე, სპორტისა და ახალგაზრდობის საქმეთა სამინისტროს დიდ საკონფერენციო დარბაზში შედგება საკონსულტაციო შეხვედრა საგრანტო კონკურსით დაინტერესებულ პირებთან. მისამართი: თბილისი, ჩოლოყაშვილის გამზ. 9. სპორტისა და ახალგაზრდობის საქმეთა სამინისტრო, II სართული, საკონფერენციო დარბაზი კონსულტაცია: ორშაბათი, 10:00–19:00 სთ – ნინო ხაზარაძე, ტელ: 577 13 20 00, L.Chkheidze@fondi.gov.ge ოთხშაბათი, 10:00–19:00 სთ – ნათია სამხარაძე, ტელ: 577 13 20 05, N.Khazaradze@fondi.gov.ge პარასკევი, 10:00–19:00 სთ – ილია ჩხეიძე, ტელ: 599 15 51 12, N.Samkharadze@fondi.gov.ge საგრანტო კონკურსისა და აპლიკაციის შესვსების წესის შესახებ ინფორმაცია

თბილისი. საქართველოს ადვოკატთა ასოციაციაში შეხვედრა გაიმართა. ასოციაციის სასწავლო ცენტრის დირექტორი და აღმასრულებელი საბჭოს წევრი, განგრძობადი იურიდიული განათლების ხელმძღვანელი ასოციაციის ორგანიზაციული აკრედიტაციის მფლობელი ორგანიზაციების: ადვოკატთა სკოლის და ორგანიზაცია „საქართველოს ადვოკატები დამოუკიდებელი პროფესიისათვის" წარმომადგენლებს შეხვდნენ. შეხვედრაზე განიხილეს 2014 წელს დაგეგმილი სამომავლო აქტივობები და პერსპექტივები. წყარო:ორგანიზაციის გვერდი სოციალურ ქსელში

თბილისი. საქართველოს უსინათლოთა კავშირი 10 თებერვლიდან 23 თებერვლის ჩათვლით ატარებს შეჯიბრს უსინათლოთა შორის თბილისის პირად პირველობაში ჭადრაკსა და შაშში.   შეჯიბრის მიზანია უსინათლოთათვის როგორც ხელმისაწვდომი სპორტის სახეობების პოპულარიზაცია და უძლიერესთა გამოვლენა.  შეჯიბრში მონაწილეობენ 12 მოშაშე და 14 მოჭადრაკე და 18 წლამდე უსინათლო სპორტსმენები.  პირად ჩათვლაში ადგილები გამოვლინდება დაგროვილი ქულების მიხედვით. საპრიზო ფონდი შეადგენს 620 ლარს. მატჩ-ტურნირები შაშსა და ჭადრაკში ჩატარდება საქართველოს უსინათლოთა კავშირის კულტურის ცენტრში. წყარო:ორგანიზაციის გვერდი სოციალურ ქსელში

სამცხე-ჯავახეთი. დემოკრატ მესხთა კავშირის ოფისში ახალციხის ახალგაზრდული ცენტრის წევრმა პრეზენტაცია გამართა. „მავნე ჩვევები და მათდამი დამოკიდებულება" - ღონისძიება პროექტ „ეროვნული ინტეგრაციის გაძლიერება საქართველოში" ფარგლებში გაიმართა. წყარო:ორგანიზაციის გვერდი სოციალურ ქსელში