შიდა ქართლი. 16 მარტს, გორში, არასამთავრობო ორგანიზაცია „საქართველოს დემოკრატიულმა ინიციატივამ" ჟურნალისტებისთვის დისკრიმინაციის აკრძალვისა და ტოლერანტობის თემაზე დისკუსია გამართა. დისკუსიას უძღვებოდნენ ადამიანის უფლებათა სამართლის სპეციალისტი, საქართველოს დემოკრატიული ინიციატივის გამგეობის წევრი გიორგი მშვენიერაძემ, თეოლოგი ბექა მინდიაშვილი და სამოქალაქო განათლების სპეციალისტი ნინო ერემაშვილი. ტრენინგს ესწრებოდნენ გორის რაიონის ჟურნალისტები. დისკუსიის ძირითადი ნაწილი დაეთმო ქვეყანაში ტოლერანტობის კუთხით არსებულ ვითარებასა და ამ მიმართულკებით რეგიონში არსებულ პრობლემებს. დისკუსიაზე გამოიკვეთა ის პრობლემები, რომლებიც რეგიონის ჟურნალისტებს აწუხებთ. საუბრისას მნიშვნელოვანი ადგილი დაეთმო მედიის მიერ სიძულვილის ენის გამოყენების საკითხს. წყარო:gdi.ge

თბილისი. საერთაშორისო განათლების და განვითარების აკადემია სამსახურის მაძიებლებისთვის იმ 10 მთავარ კითხვასა და პასუხს აქვეყნებს, რომლებიც ყველაზე ხშირად ისმება გასაუბრებების დროს. სრულად წყარო: ორგანიზაციის ვებგვერდი სოციალურ ქსელში

თბილისი. ორგანიზაცია „სამართლიანი არჩევნებისა და დემოკრატიის საერთაშორისო ორგანიზაციის" ინფორმაციით, დღეს 14:30 საათზე არასამთავრობო ორგანიზაციების წარმომადგენლები საქართველოს პრეზიდენტს გიორგი მარგველაშვილს ხვდებიან. წყარო: ორგანიზაციის ვებგვერდი სოციალურ ქსელში

თბილისი. 13 მარტს, არასამთავრობო ორგანიზაცია „სიდას" ორგანიზებით, ინიციატივის „ჩემი უფროსი მეგობარი" მონაწილეები აგრარული უნივერსიტეტის „კულინარიის აკადემიას" ეწვივნენ. ღონისძიების ფარგლებში, უფროსმა და უმცროსმა მეგობრებმა პროფესიონალი შეფ–მზარეულის დახმარებით მოამზადეს და დააგემოვნეს რამდენიმე სახეობის კერძი. წყარო: ორგანიზაციის ვებგვერდი სოციალურ ქსელში

თბილისი. 11 მარტს „საერთაშორისო გამჭვირვალობა – საქართველომ" გამართა არბიტრაჟის სისტემის განვითარებისადმი მიძღვნილი კონფერენცია. კონფერენციაში მონაწილეობა მიიღეს მსოფლიოში წამყვანი საერთაშორიო იურიდიული კომპანიების წარმომადგენლებმა და წამყვანმა საერთაშორისო არბიტრებმა. ასევე აქტიურად იყვნენ ჩართულები „საქართველოს სავაჭრო სამრეწველო პალატისა" და საქართველოს იუსტიციის სამინისტროს წარმომადგენლები. კონფერენციას ნიდერლანდების ელჩი საქართველოში ბატონი ჰანს ჰორბახი, ეკონომიკის მინისტრის მოადგილე ქალბატონი ნათია მიქელაძე და იუსტიციის მინისტრის მოადგილე ბატონი გოჩა ლორთქიფანიძეც ესწრებოდნენ. კონფერენციის სპეციალური მომხსენებელი იყო ბატონი ბრუკს დეილი, რომელიც საერთაშორისო ორგანიზაციის მუდმივმოქმედი საარბიტრაჟო სასამართლოს გენერალური მდივნის მოადგილეა. კონფერენციაზე მოხდა „საქართველოს სავაჭრო სამრეწველო პალატის" ფარგლებში შექმნილი საარბიტრაჟო ინსტიტუტის „საქართველოს საერთაშორისო საარბიტრაჟო ცენტრის" პრეზენტაცია. კონფერენციის მეორე ნაწილში წამყვანმა საერთაშორისო და ადგილობრივმა სპეციალისტებმა არბიტრაჟის ირგვლივ არსებული მნიშვნელოვანი და აქტუალური თემები განიხილეს. წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტმა თარგმნა დოქტორ თომას ჰარტის კვლევა – „საჯარო ინფორმაციის ხელმისაწვდომობა". კვლევა ეხება საჯარო ინფორმაციის მოთხოვნას და გამოქვეყნების გზებს. იგი მოიცავს ინფორმაციის თავისუფლებასთან დაკავშირებული სამართლებრივი ფორმულირებების, ინსტიტუციონალური დიზაინისა და გავრცელების სქემების ანალიზს. ნაშრომში არსებულ საუკეთსო საერთაშორისო მაგალითებზე დაყრდნობით განხილულია საჯარო ინფორმაციის სრულყოფილად გამოქვეყნების უპირატესობები და პროაქტიული ინფორმაციის გავრცელების სტრატეგია პრაქტიკაში. ავტორი საუბრობს ამ მიმართულებით მსოფლიოში არსებულ გამოწვევებზე, მოქალაქეთა კვალიფიციური თანამონაწილეობის და ინფორმაციის პოტენციურ მიმღებებთან დიალოგის მნიშვნელობაზე, ასაბუთებს, თუ რა სიკეთეების მომტანი შეიძლება იყოს ინფორმაციის ორმხრივი ხელმისაწვდომობა თანაბრად მთავრობებისა და მოქალაქეებისათვის. კვლევა წყარო: idfi.ge

თბილისი. ჯამპსტარტ ჯორჯიამ ვიზუალურად გამოსახა კვლევის შედეგები, რომელიც გამოხატავს საქართველოში არსებულ მოსაზრებებს რეპროდუქციული ჯანმრთელობისა და ოჯახური ურთიერთობების შესახებ. 2013 წელს სოციალური კვლევისა და ანალიზის ინსტიტუტმა ჩაატარა გამოკითხვა, რომლის მიზანი საქართველოში გენდერული თანასწორობის მიმართ კაცების დამოკიდებულებების, მათი საოჯახო საქმეებსა და ბავშვის აღზრდაში ჩართულობის გამოვლენა იყო. კვლევა ჩატარდა გაეროს ერთობლივი პროგრამის ,,გენდერული თანასწორობის ხელშეწყობისთვის საქართველოში’’ ფარგლებში, რომელიც შვედეთის საერთაშორისო განვითარების სააგენტოს (Sida) მხარდაჭერით, გაეროს მოსახლეობის ფონდის (UNFPA), გაეროს განვითარების პროგრამის (UNDP) და გაეროს ქალთა ფონდის (UN Women) მიერ. სრულად წყარო: feradi.info

იმერეთი. აკაკი წერეთლის სახელმწიფო უნივერსიტეტში მოხალისეობის ფორუმი გაიმართა. ფორუმში მონაწილე სხვადასხვა ორგანიზაციებმა დამსწრე საზოგადოებას, სტუდენტებსა და მოსწავლეებს თავიანთი საინფორმაციო ბუკლეტები და პროექტები გააცნეს. ფორუმი ქუთაისის განათლების განვითარების და დასაქმების ცენტრის, აშშ მშვიდობის კორპუსის ახალგაზრდობისა და მოხალისეობის კომიტეტის, ქუთაისის საჯარო სკოლების სამოქალაქო კლუბების და „ჰელფინგ ჰენდის” ორგანიზებით გაიმართა

თბილისი. 6 მარტს, მედიის წარმომადგენელთა სამუშაო ჯგუფის შეხვერა გაიმართა, რომელიც შშმ პირთა უფლებრივი მდგომარეობის გაუმჯობესების შესახებ კანონპროექტს ეხებოდა. აღნიშნული კანონპროექტის შექმნის ინიციატივა საქართველოს შრომის, ჯანმრთელობისა და სოციალური დაცვის სამინისტროს ეკუთვნის, ხოლო პროცესის ტექნიკურ მხარდაჭერას უზრუნველყოფს არასამთავრობო ორგანიზაცია „კოალიცია დამოუკიდებელი ცხოვრებისათვის", შეზღუდული შესაძლებლობის მქონე პირთა ადვოკატირების პროექტის ფარგლებში (რომელიც დაფინანსებულია აშშ-ის საერთაშორისო განვითარების სააგენტოს მიერ). ორგანიზატორებს მიაჩნიათ, რომ მნიშვნელოვანია ამ პროცესში სამოქალაქო საზოგადოების, პოლიტიკური პარტიების, მედიის წარმომადგენლების ჩართვა. წყარო: კოალიციის ვებგვერდი სოციალურ ქსელში

თბილისი. არასამთავრობო ორგანიზაცია „ახალგაზრდა ადვოკატები" მთავრობას ავტოსატრანსპორტო პოლიტიკის გადახევის  სარეკომენდაციო 7 წინადადებით მიმართავს. ორგანიზაცია ხელისუფლებას სატრანსპორტო საშუალებებით დაბინძურებული ჰაერის ხარისხის გაუმჯობესების მიზნით ევროკავშირის მოთხოვნების დაკმაყოფილებისა და საერთაშორისო სტანდარტების დანერგვისკენ მოუწოდებს. ამასთან ორგანიზაცია აქვეყნებს რეკომენდაციებს. რეკომენდაციები წყარო: ორგანიზაციის ვებგვერდი სოციალურ ქსელში

კახეთი. 1 მარტს, ყვარელში, სასტუმრო „როიალ ბატონში", სამოქალაქო საზოგადოების რეგიონული ქსელის პროექტის (R-CSN) ფარგლებში გაიმართა შეხვედრა ქსელის წევრ არასამთავრობო ორგანიზაციებსა და ბიზნეს სექტორის წარმომადგენლებს შორის. მათ გენიხილეს კორპორატიული სოციალური პასუხისმგებლობის ფარგლებში თანამშრომლობის შესაძლებლობები. ქსელის წევრებმა ბიზნესის წარმომადგენლებს გააცნეს საკუთარი პროექტები და გამართეს პრეზენტაციები შემდგომში თანამშრომლობის მიზნით. აღნიშნულ შეხვედრას ესწრებოდა ბიზნეს სექტორის 17 წარმომადგენელი, რომლებიც უახლოეს მომავალში განიხილავენ წარდგენილ სოციალურ პროექტებს და დაინტერესების შემთხვევაში ითანამშრომლებენ არასამთავრობო ორგანიზაციებთან. ქსელის ფასილიტაციას ახორციელებს არასამთავრობო ორგანიზაცია „სიდა", აღმოსავლეთ–დასავლეთის მართვის ინსტიტუტის G-PAC–ის პროგრამის, აშშ–ის საერთაშორისო განვითარების სააგენტოს ფინანსური მხარდაჭერით. წყარო: cso.ge

თბილისი. ლიბერალიზმის სასწავლო ცენტრმა გადაცემა „ლიბთაიმის" მორიგი გამოშვება გამოაქვეყნა. გადაცემის თემაა: „ახდენენ თუ არა ქართველი ბლოგერები ზეგავლენას საზოგადოებრივი აზრის ფორმირებაზე. რა ტიპის ინფორმაცია ხვდება მათი ინტერესის საგანი და განვითარების რა ეტაპზეა ეს სფერო". თემაზე წამყვანთან ერთად სტუმარი, ბლოგერი დავით ლობჟანიძე საუბრობს. გადაცემა   წყარო:ორგანიზაციის გვერდი სოციალურ ქსელში

აჭარა. 5 მარტს, ბათუმის დემოკრატიული ჩართულობის ცენტრში, საბჭოთა წარსულის კვლევის ლაბორატორიის ინიციატივით შეხვედრა გაიმართა. შეხვედრაზე აჩვენეს ორგანიზაციის მიერ მომზადებული დოკუმენტური ფილმი - „დიდი საბჭოთა ტერორი: ადამიანების ისტორიები". ფილმში ისტორიებს ის ადამიანები ჰყვებიან, ვისაც სტალინური რეპრესიები შეეხო. ფილმის ჩვენების შემდეგ დისკუსია გაიმართა. შეხვედრას ახალგაზრდები ესწრებოდნენ. ფილმის გადაღების და ჩვენების ისაა, რომ ძალიან მნიშვნელოვანია თანამედროვე თაობას სწორი ინფორმაცია ჰქონდეს საბჭოთა კავშირის შესახებ. აღნიშნულ ფილმს მომდევნო ორი დღის განმავლობაში ოზურგეთსა და ქუთაისში აჩვენებენ.

ღია საზოგადოების ფონდმა ფილმი „უკრაინა - ხმა ეპიცენტრიდან" - გამოაქვეყნა. ფილმი უკრაინაში განვითარებულ მოვლენებს ასახავს, უკრაინის ჯანდაცვის მინისტრი, უკრაინის „რენესანსის საერთაშორისო ფონდის" თავმჯდომარე და იურისტთა ფირმის წარმომადგენელი ქვეყანაში არსებულ მდგომარეობას აფასებენ. „სამთვიანი მშვიდობიანი საპროტესტო აქციების შემდეგ, უკრაინა კრიზისშია. მოვლენები ვითარდება ისეთი სიჩქარით, რომ შეუძლებელია პროგნოზირება, თუ რა მოხდება", ნათქვამია ფილმის აღწერაში. ფილმი   წყარო:opensocietyfoundations.org

თბილისი. საქართველოს ახალგაზრდა იურისტთა ასოციაციამ თებერვლის თვის წარმატებული საქმეები გამოაქვეყნა. ორგანიზაციის ვებ-გვერდზე განთავსდა ინფორმაცია შვიდი საქმის შესახებ. სრულად წყარო: gyla.ge

თბილისი. ინფორმაციის თავისუფლების განვითარების ინსტიტუტმა ეკონომიკისა და მდგრადი განვითარების სამინისტროს ადმინისტრაციული საჩივრით მიმართა. სამინისტრომ საჯარო ინფორმაციის მოთხოვნის 15 პუნქტიანი წერილიდან  მხოლოდ ორ მოთხოვნას უპასუხა სრულყოფილად. დანარჩენ  საკითხებზე IDFI -იმ ან საერთოდ ვერ მიიღო ინფორმაცია, ან სამინისტროს პასუხი არ შეესაბამებოდა  მოთხოვნას. IDFI მიიჩნევს, რომ „სამინისტროს პასუხში მოყვანილი არგუმენტები ვერ ამტკიცებს ინფორმაციის დაფარვის მიზანშეწონილობას, შესაბამისად ითხოვს ეკონომიკისა და მდგრადი განვითარების სამინისტროს მხრიდან საჯარო ინფორმაციის სრულყოფილი სახით გაცემას, რათა ხელი არ შეეშალოს ინსტიტუტის მიერ მონიტორინგის და შეფასების განხორციელებას".  სრულად წყარო:opendata.ge

აშშ–ის სახელმწიფო მდივნის  ქალთა საერთაშორისო ჯილდო სიმამაცისთვის 2014 წლის გამარჯვებული საქართველოს ევანგელურ–ბაპტისტური ეკლესიის ეპისკოპოსი რუსუდან გოცირიძე გახდა. ყოველწლიურად ეს ჯილდო გადაეცემათ ქალებს, რომლებმაც გამოავლინეს განსაკუთრებული სიმამცე, სიმტკიცე და ლიდერის თვისებები ადამიანის უფლებების, სოციალური სამართლიანობისა და ქალთა თანასწორობის და წინსვლის ადვოკატირების საქმეში.  ეს პირველი შემთხევაა, როდესაც საქართველოს მოქალაქემ მოიპოვა აღნიშნული პრესტიჟული ჯილდო.  დაჯილდოების ცერემონია, რომელსაც პირველი ლედი მიშელ ობამა დაესწრება დღეს, თბილისის დროით 20:30 საათზე გაიმართება.  პირდაპირ ტრანსლაციას უყურეთ ბმულზე. სრულად

თბილისი. ინფორმაციის თავისუფლების განვითარების ინსტიტუტმა კვლევა - „საჯარო ინფორმაციის პროაქტიული გამოქვეყნების და ელექტრონული ფორმით მოთხოვნის პრაქტიკა საჯარო დაწესებულებებში" -  გამოაქვეყნა. „კვლევის ფარგლებში, რომელიც განხორციელდა 2014 წლის 21 იანვრიდან 21 თებერვლამდე IDFI შეეცადა გამოერკვია, რამდენად უზრუნველყვეს დაწესებულებებმა დადგენილებით - ,,საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ" - მათზე დაკისრებული ვალდებულებები. ხსენებული დროის მონაკვეთში ინსტიტუტის მიერ შესწავლილი იქნა საქართველოს მთავრობის კანცელარიის, სამინისტროების და სახელმწიფო მინისტრის აპარატების მიერ საკუთარ ვებ-გვერდებზე 2013 წლის 31 დეკემბრამდე სავალდებულო პროაქტიულად გამოსაქვეყნებელი ინფორმაციის განთავსება და მათ მიერ დანერგილი საჯარო ინფორმაციის ელექტრონული მოთხოვნის პრაქტიკა". კვლევა წყარო: www.idfi.ge

სამცხე-ჯავახეთი. შვედური ფონდის ,,ქალები ქალებისათვის” ორგანიზებით ახალციხეში შეხვედრა გაიმართა. ღონისძიებაში მონაწილეობდნენ ფონდის პარტნიორი ორგანიზაციები თბილისიდან და სამცხე-ჯავახეთის რეგიონიდან. ღონისძიების მთავარი მიზანი იყო  2013 წელს ფონდის მხარდაჭერით განხორციელებული პროექტების შედეგების შეჯამება და განხილვა. წყარო:ginsc.net

თბილისი. ძალადობისგან დაცვის ეროვნული ქსელმა დაიწყო პროექტი - „მოძრაობა, როგორც სწავლის შესაძლებლობა". პროექტის ფარგლებში საქართველოს 8 ქვეყნის წარმომადგენელი ეწვია. ღონისძიების მიზანია ორი რადიკალურად განსხვავებული სფეროს, ქორეოგრაფიისა და ახალგაზრდებთან მუშაობის გამოცდილების ერთმანეთისთვის გაზიარება. წყარო:ორგანიზაციის გვერდი სოციალურ ქსელში

თბილისი. 28 თებერვალს საქართველოს სახალხო დამცველმა საქართველოს პარლამენტის ეროვნულ ბიბლიოთეკასთან ერთად პირველი საჯარო დებატი გამართა თემაზე, ხუდონჰესი: „სახელმწიფო მნიშვნელობის პროექტები" და მათი ზეგავლენა ადამიანის უფლებებზე. სრულად წყარო: ombudsman.ge

თბილისი. ადვოკატთა ასოციაციის თავმჯდომარე ზაზა ხატიაშვილი სამოქალაქო საზოგადოებას მიმართავს. „ბოლო სამი დღის განმავლობაში, სოციალური ქსელების მეშვეობით, ძალიან ბევრი მოქალაქე ადვოკატთა ასოციაციის თავმჯდომარის დისკრედიტაციის მიზნით ბინძურ კამპანიას ეწეოდა. პირველ დღეებში თითქოს გამოუვიდათ, მაგრამ დღეს ნათელია, თუ ვინ იდგა ამ ბინძური კამპანიის უკან. ...მინდა ვთხოვო სამოქალაქო საზოგადოებას, გაიხსენოს ჩემი წარსული საქმიანობა, გაიხსენოს ჩემი ბრძოლა უკანონოდ დაკავებული თითოეული მოქალაქისთვის, უკანონოდ დაკავებული ადვოკატის უფლებების გამო და ისე გამკიცხოს. როდესაც მე ვიცავ ადვოკატის უფლებებს, მე ვიცავ სამოქალაქო საზოგადოებას. ვინაიდან ადვოკატს თუ ეშინია თავისი კლიენტის შეუპოვრად დაცვის გამო და ფიქრობს, რომ დაიჭერენ (როგორც ეს მოხდა გოგა ონიანის შემთხვევაში ) მაშინ ვერც ერთი მოქალაქე ვერ იქნება დაცული", ნათქვამია გავრცელებულ განცხადებაში. სრულად წყარო:ორგანიზაციის გვერდი სოციალურ ქსელში