თბილისი. „ფრონტლაინ კლუბმა" ლექციის - „რამდენად ახლოა დასავლეთი" - ვიდეო ჩანაწერი გამოაქვეყნა. დისკუსია 8 იანვარს გაიმართა, მასში ჟურნალისტი სალომე ასათიანი და სოციოლოგი იაგო კაჭკაჭიშვილი მონაწილეობდნენ, მოდერატორი კი გოგი გვახარია იყო.  წყარო:ორგანიზაციის გვერდი სოციალურ ქსელში

თბილისი. საბჭოთა წარსულის კვლევის ლაბორატორიამ საზოგადოებრივი არქივის გვერდზე ახალი კოლექცია გამოაქვეყნა. კოლექციაში თავმოყრილია ციალა ფიფიას ოჯახში დაცული დოკუმენტები, რომლებიც ასახავენ 1920-1930-იანი წლების სოციალურ და პოლიტიკურ მოვლენებს, 1950-1960-იანი წლების სტუდენტურ ცხოვრებას და სამეცნიერო საქმიანობას და სხვა. სრულად წყარო:ორგანიზაციის გვერდი სოციალურ ქსელში

თბილისი. ბავშვთა და ახალგაზრდობის ფონდმა 2013 წლის საქმიანობის ამსახველი ბროშურა გამოაქვეყნა. ორენოვანი დოკუმენტი მოიცავს ინტერვიუებს და ფონდის მიერ განხორციელებული აქტივობების დეტალურ აღწერას.  ბროშურა წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა სტატია - „მამხილებლის დაცვა, როგორც ღია მმართველობის პარტნიორობის მნიშვნელოვანი გამოწვევა" - გამოაქვეყნა.  სტატიის მიზანია მამხილებლის დაცვის გარანტიების უზრუნველსაყოფად ღია მმართველობის გზამკვლევში წარმოდგენილი რეკომენდაციების განხილვა და საქართველოს მთავრობისათვის მეორე სამოქმედო გეგმის შემუშავების პროცესში მამხილებლის დაცვის ძირითადი საკანონმდებლო და ადმინისტრაციული მიმართულებების განსაზღვრა. სრულად წყარო: idfi.ge

თბილისი. კავკასიურმა სახლმა გამოაქვეყნა ინტერნეტ–დღიური: „დაიკავი საყდრისი", სადაც სტუდენტური გაერთიანება „მწვანე მუშტი" და არასამთავრობო ორგანიზაცია „ძეგლის მეგობარი" ბოლნისში მდებარე საყდრისის ოქროს მაღაროზე სამუშაოების შეჩერებას ითხოვენ.  ინტერნეტ დღიური წყარო: კავკასიური სახლის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ დეკემბრის თვის წარმატებული საქმეები გამოაქვეყნა. ორგანიზაციის ვებ-გვერდზე 14 საქმის შესახებ გავრცელდა ინფორმაცია.  სრულად წყარო: gyla.ge

თბილისი. ჰაინრიჰ ბიოლის ფონდი წარმოგიდგენთ ელექტრონულ მონაცემთა ბაზას საძიებო სისტემით „სტალინური სიები საქართველოდან", რომელიც 3 600-ზე მეტი ადამიანის მოკლე ბიოგრაფიულ მონაცემს შეიცავს. პროექტი 2011-13 წლებში განახორციელა ინფორმაციის თავისუფლების განვითარების ინსტიტუტმა (IDFI) საქართველოს შინაგან საქმეთა სამინისტროსა და საერთაშორისო საზოგადოება „მემორიალთან" თანამშრომლობის შედეგად და ჰაინრიჰ ბიოლის ფონდის სამხრეთ კავკასიის რეგიონალური ბიუროსა და საქართველოში შვეიცარიის საელჩოს ფინანსური მხარდაჭერით. სრულად წყარო:ორგანიზაციის გვერდი სოციალურ ქსელში

თბილისი. ჰაინრიჰ ბიოლის ფონდი წარმოგიდგენთ რიგით მე-5 პუბლიკაციას სერიიდან „ჩარევა სასურველია: საჯარო დებატები ჰაინრიჰ ბიოლის ფონდში". პუბლიკაციაში შესულია ჰაინრიჰ ბიოლის ფონდის მიერ 2013 წელს თბილისში ჩატარებული დისკუსიების სრული ტექსტები. სრულად წყარო:ორგანიზაციის გვერდი სოციალურ ქსელში

სამეგრელო. 30 დეკემბერს ასოციაცია „ათინათის" ახალგაზრდულმა ცენტრმა „ორტუსმა" საახალწლო ფლეშმობით დამდეგი შობა–ახალი წელი მიულოცა ადგილობრივ მოსახლეობას. ასევე ცენტრის წევრებმა მისალოცი ბარათები მოსახლეობას დაურიგეს. ღონისძიება პროექტის – „ეროვნული ინტერგრაციის გაძლიერება საქართველოში" – ფარგლებში გაიმართა, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით. წყარო: ორგანიზაციის გვერდი სოციალურ ქსელში

თბილისი. 30 დეკემბერს, საქართველოს სპორტისა და ახალგაზრდობის საქმეთა სამინისტროს საკონფერენციო დარბაზში გაიმართა წლის ახალგაზრდულ ნომინაციებში გამარჯვებულების დაჯილდოება. აღნიშნული კონკურსის მიზანია ახალგაზრდულ სფეროში მომუშავე არასამთავრობო ორგანიზაციებისა და ახალგაზრდების მხარდაჭერა და წახალისება. სამინისტრომ გამოავლინა გამარჯვებულები: 1. წლის ახალგაზრდული ორგანიზაცია - „სიქა - საგანმანათლებლო ინიციატივების ქართული ასოციაცია", 2. წლის ახალგაზრდული პროექტი - „ბიზნეს მარათონი 20=200" 3. წლის ახალგაზრდა - სპეციალური საჭიროების მქონე ახალგაზრდების საზოგადოებაში ინტეგრაციისათვის შეტანილი წვლილისთვის - ყარამან-გიორგი ბერიძე 4. წლის ახალგაზრდა - სწავლასა და მეცნიერებაში მიღწეული განსაკუთრებული წარმატებებისათვის - დიმა ქარჩავა 5. წლის ახალგაზრდა - რომან კალანდაძე 6. წლის ახალგაზრდა მოხალისე - ავთანდილ მამალაშვილი წყარო: msy.gov.ge

კახეთი. 28 დეკემბერს, ვასო გოძიაშვილის სახელობის სახლ-მუზეუმში, „სოფლის სოციოლოგთა კლუბის" ინიციატივით, ჩატარდა ღონისძიება „ახალი წელი სოფლად". მათ განხორციელებაში მხარს უჭერდნენ: „სამოქალაქო ინიციატივა", „მწვანე აკადემია", „საქართველოს მწვანეთა მოძრაობა"," რეგიონალური კინოს ასოციაცია" და „თსუ ეკო კლუბი"; ღონისძიების ფარგლებში დამზადდა ხელნაკეთი სათამაშოები, ჩატარდა: დასუფთავების აქცია, მუსიკალური საღამო, ფილმის ჩვენება და შემდგომი დისკუსია, სახეზე ხატვა და ცეცხლის შოუ. ღონისიებაში აქტიურად მონაწილეობდნენ ადგილობრივი ახალგაზრდები, სტუმრებს უგემრიელესი ტკბილეულით გაუმასპინძლდნენ ორგანიზატორები.  წყარო: სათემო განვითარების ცენტრი

თბილისი. ორგანიზაცია „ახალგაზრდა ადვოკატებმა", 2013 წელს, უფლებადაცავით სფეროში განხორციელებული საქმიანობა შეაჯამეს. მათ წლის აქტივობების, ბრიფინგების, პროექტების, კვლევების, შეხვედრების, კონფერენციების, გასვლითი ღონისძიებების, სარეკომენდაციო წინადადებების, საკანონმდებლო ინიციატივების, სამართამწარმოებაში ცნობილი საქმეების, წლის გამოცემებისა და კორესპონდენციის სტატისტიკის შესახებ ანგარიში სპეციალური გაზეთის სახით წარმოადგინეს. შემაჯამებელ ღონისძიებაზე აჩვენეს ვიდეო–რგოლი, რომელიც ორგანიზაციის წლის სამოქალაქო აქტივობებს და გუნდის ჩართულობას მიეძღვნა. წყარო: ორგანიზაციის გვერდი სოციალურ ქსელში

თბილისი. 26 დეკემბერს ღია მმართველობის პარტნიორობის 2012-2013 წლების სამოქმედო გეგმის შესრულების ანგარიშისა და 2014-2015 წლების სამოქმედო გეგმის შესახებ გაიმართა მრგვალი მაგიდა. მონაწილეებმა ღია მმართველობის პარტნიორობის 2012-2013 წლების სამოქმედო გეგმის შესრულების ანალიზი განიხილეს, რომელიც კორუფციის წინააღმდეგ ბრძოლის უწყებათაშორისი საკოორდინაციო საბჭოს სამდივნომ პასუხისმგებელი უწყებებისაგან მოწოდებული ინფორმაციის საფუძველზე მათთან კონსულტაციების გზით მოამზადა. განიხილეს 2014-2015 წლების სამოქმედო გეგმის შემუშავების საკითხებიც. მრგვალ მაგიდაზე მოწვეულმა თითოეულმა სახელმწიფო უწყებამ ერთი ახალი ვალდებულება წარადგინა, რომელთა ასახვაც საჭიროდ მიიჩნიეს ღია მმართველობის პარტნიორობის ახალ სამოქმედო გეგმაში. დასახული ამოცანა პარტნიორობის ხუთი გამოწვევიდან ერთ-ერთზე უნდა ყოფილიყო მორგებული − საჯარო სამსახურის გაუმჯობესება, საზოგადოებრივი ჩართულობის გაზრდა, საჯარო რესურსების უკეთესი მართვა, უსაფრთხო გარემოს შექმნა, კერძო სექტორის ანგარიშვალდებულების გაზრდა − და შესაბამისობაში მოსულიყო პარტნიორობის პრინციპებთან − გამჭვირვალობა, ანგარიშვალდებულება, მოქალაქეთა მონაწილეობა, ტექნოლოგია და ინოვაცია. ღონისძიების მონაწილე არასამთავრობო ორგანიზაციათა ფორუმის წარმომადგენლებს მიეცათ შესაძლებლობა, საკუთარი წინადადებები წარედგინათ ახალი სამოქმედო გეგმის შემუშავების პროცესში საჯარო კონსულტაციებისა და სხვა საჭირო ღონისძიებების შესახებ. მრგვალი მაგიდის ორგანიზებაში ანტიკორუფციული საბჭოს სამდივნოს მხარს უჭერს „USAID"-ის პროგრამა „დემოკრატიული მმართველობა საქართველოში" და ინფორმაციის თავისუფლების განვითარების ინსტიტუტი. „ღია მმართველობის პროგრამა” ბრაზილიისა და აშშ-ს პრეზიდენტების მიერ არის ინიცირებული. მისი მიზანია საერთაშორისო დონეზე უზრუნველყოს ხელისუფლებების გამჭვირვალობა, ანგარიშვალდებულება და ეფექტიანობა. წყარო: ინფორმაციის თავისუფლების განვითარების ინსტიტუტის ვებგვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) USAID-ის პროგრამის „დემოკრატიული მმართველობა საქართველოში" (G3) ფარგლებში საჯარო უწყებებისთვის ინფორაციის თავისუფლების გზამკვლევი გამოსცა. გზამკვლევში დეტალურად არის განმარტებული თუ რას გულისხმობს საჯარო ინფორმაცია, რა ვალდებულებები აქვთ საჯარო დაწესებულებებს, რა ტიპის ინფორმაცია შეიძლება შეზღუდონ და რა ვადები უნდა დაიცვან ინფორმაციის გაცემისას. გზამკვლევში ცალკე თავი ეძღვნება ინფორმაციის პროაქტიულად გამოქვეყნებას, სადაც აღნიშნულია თუ რა ტიპის ინფორმაცია უნდა გამოქვეყნდეს იმ შემთხვევაშიც როდესაც მას კონკრეტული პირი არ ითხოვს. ასევე განმარტებულია თუ რა ერთიანი სტანდარტი უნდა არსებობდეს ამგვარი ინფორმაციის გამოქვეყნებისას იმისათვის, რომ მოქალაქეს მარტივად შეეძლოს ინფორმაციის მიღება. გზამკვლევი საჯარო უწყებებს უახლოეს პერიოდში დაურიგდებათ. წყარო:media.ge

სამეგრელო. 26 დეკემბერს, ასოციაცია „ათინათის" ახალგაზრდულ ცენტრი „ორტუსის’" წევრებმა ჩაატარეს ღონისძიება რომელიც ეძღვნებოდა კამპანიას - „არა სიძულვილს". ღონისძიება დაიწყო გაცნობითი სამუშაოთი, ასევე ახალგაზრდებს მიეწოდათ ინფორმაცია კამპანიის შესახებ. ღონისძიების ბოლოს დაიგეგმა სხვადასხვა ღონისძიება, რომელსაც ახალგაზრდული ცენტრის მომავლი წლიდან განახორციელებს. ღონისძიება გაიმართა პროექტის –„ეროვნული ინტერგრაციის გაძლიერება საქართველოში" – ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების ფინანსური მხარდაჭერით. წყარო:ორგანიზაციის გვერდი სოციალურ ქსელში

აჭარა. ბათუმის „პრესკაფე" და „თავისუფალ ჟურნალისტთა სახლი" საახალწლო დღესასწაულებთან დაკავშირებით 25 დეკემბრიდან 14 იანვრის ჩათვლით აწყობს წიგნების გამოფენა- გაყიდვას. გამოფენა-გაყიდვის ფარგლებში ფასდაკლებით წარმოდგენილი იქნება - „ქარჩხაძის", „ბაკულ სულაკაურის", „დიოგენეს", „პალიტრა L" და „ლოგოს პრესის" გამომცემლობის გამოცემები - საბავშვო, სამხატვრო, სამეცნიერო, შემეცნებითი და სხვა სახის ლიტერატურა. წიგნის მოყვარულებს ასევე ექნებათ შესაძლებლობა შეურთდნენ გამომცემლობა „დიოგენეს" ინიციატივას - 2014 - წიგნიერების წელი. წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ საიას იურიდიული დახმარების ცენტრში ადვოკატ-კონსულტანტის თანაშემწეთა შესარჩევად გამოცხადული კონკურსის პირველი ეტაპის (წერის) შედეგები გამოაქვეყნ სისხლის სამართლის მიმართულებითა. გასაუბრების ეტაპზე გამსვლელი ქულის შესახებ ინფორმაცია მოგვიანებით იქნება ცნობილი. შედეგები წყარო: gyla.ge

აჭარა. ბათუმის პრესკაფე და თავისუფალ ჟურნალისტთა სახლი 25 დეკემბრიდან 14 იანვრის ჩათვლით აწყობს წიგნების საახალწლო გამოფენა–გაყიდვას. გამოფენა–გაყიდვის ფარგლებში ფასდაკლებით წარმოდგენილი იქნება გამოცემლობების „ქარჩაძის", „ბაკურ სულაკაურის", „დიოგენეს", პალიტრას" და „ლოგოს პრესის" გამოცემები. გამოფენა–გაყიდვა გაიხსნება 25 დეკემბრის 12:00 საათზე ბათუმში – ევროპის მოედანზე. სრულად წყარო: presscafe.ge

თბილისი. საქართველოს ახალგაზრდა იურისტთა ასოციაციამ საიას იურიდიული დახმარების ცენტრში ადვოკატ-კონსულტანტის თანაშემწეთა შესარჩევად გამოცხადული კონკურსის პირველი ეტაპის შედეგები გამოაქვეყნა. გასაუბრების ეტაპზე გამსვლელი ქულის შესახებ ინფორმაცია მოგვიანებით იქნება ცნობილი. შედეგები წყარო: gyla.ge

გურია. 21 დეკემბერს ოზურგეთის დემოკრატიული ჩართულობის ცენტრში გაიმართა შეხვედრა უსაფრთხო მოძრაობის შესახებ. ახალგაზრდული ცენტრის წევრებმა ნახეს ფონდის „პარტნიორობა საგზაო უსაფრთხოებისთვის" მიერ მომზადებული ფილმები: „სახიფათო თამაში" და „ჩვენ ვიცავთ საგზაო წესებს". შეხვედრას ფასილიტაციას უწევდა დემოკრატიული ჩართულობის ცენტრის წარმომადგენელი - თამარ კუპრაძე. შეხვედრის მიზანი იყო ახალგაზრდების ყურადღება გამახვილებულიყო საგზაო უსაფრთხოების მნიშვნელობაზე. გაეზიარებინათ ერთმანეთის შეხედულებები და თემის შესაბამისად დაეგეგმათ სამომავლო ღონისძიებები. შეხვედრის შემდეგ მონაწილეებს დაურიგდათ სამახსოვრო ბუკლეტები: „რჩევები ფეხით მოსიარულეთათვის და არამარტო" და „უსაფრთხოების ღვედების გამოუყენებლობის სოციალური და ეკონომიკური ღირებულება საქართველოსთვის" წყარო: ოზურგეთის ახალგაზრდული ცენტრის ვებგვერდი სოციალურ ქსელში

თბილისი. საქართველოს ადვოკატთა ასოციაციის აღმასრულებელი საბჭომ, რომელიც ახალი შემადგენლობით დაკომპლექტდა პირველი სხდომა გამართა. შეხვედრაზე განიხილეს ადვოკატთა ასოციაციის სამომავლო გეგმები, მოისმინეს კოლეგების მოსაზრებები ასოციაციის განვითარების შესახებ და აღინიშნა, რომ ასოციაციის განვითარება და პროფესიული წინსვლა წარმოადგენს მთავრ სტრატეგიულ მიზანს. სხდომაზე აღმასრულებელი საბჭოს წევრებს შორის გადანაწილდა საქმიანობის სფეროები და კომპეტენციები. აღმასრულებელი საბჭო კოლეგიალურად ახორციელებს ასოციაციის ხელმძღვანელობას, რომელიც შედგება 12 წევრისაგან, რომელთაგან თერთმეტს ირჩევს ადვოკატთა საერთო კრება 4 წლის ვადით. ასოციაციის თავმჯდომარე თანამდებობრივად შედის აღმასრულებელი საბჭოს შემადგენლობაში. წყარო: ორგანიზაციის ვებგვერდი სოციალურ ქსელში

თბილისი. საქართველოს ადვოკატთა ასოციაციაში ეთიკის კომისიის სხდომა გაიმართა, რომელზეც აირჩიეს კომისიის ახალი თავმჯდომარე ადვოკატი ციცინო ცხვედიანი.  ეთიკის კომისია შედგება ხუთი დისციპლინური კოლეგიისგან. ყოველი დისციპლინური კოლეგიის შემადგენლობაში არის ეთიკის კომისიის სამი წევრი. დისციპლინურ კოლეგიას ხელმძღვანელობს კოლეგიის თავმჯდომარე, რომელიც ანაწილებს საქმეებს კოლეგიის წევრებს შორის, იწვევს და წარმართავს დისციპლინური კოლეგიის სხდომას. დისციპლინური კოლეგიების შემადგენლობას და კოლეგიების თავმჯდომარეებს განსაზღვრავს ეთიკის კომისიის თავმჯდომარე თავისი გადაწყვეტილებით ერთი წლის ვადით.  ეთიკის კომისია შედგება 15 წევრისაგან, რომელთაგან 3 არაადვოკატი წევრია. ეთიკის კომისიის წევრებს ოთხი წლის ვადით, ფარული კენჭისყრით, ირჩევს ადვოკატთა ასოციაციის საერთო კრება. ეთიკის კომისია თავისი შემადგენლობიდან, სიითი შემადგენლობით, ფარული კენჭისყრით ოთხი წლის ვადით ირჩევს თავმჯდომარეს კანდიდატის წინასწარი წერილობითი თანხმობის საფუძველზე. ეთიკის კომისიის თავმჯდომარე იწვევს და ხელმძღავნელობს კომისიის სხდომებს. წყარო:ორგანიზაციის გვერდი სოციალურ ქსელში