შიდა ქართლი. 4 აპრილს, „საზოგადოება ბილიკისა“ და სლოვაკური ორგანიზაცია TENENET-ის ორგანიზებით შშმ პირთა დასაქმების ხელშეწყობის საკითხებზე კონფერენცია გაიმართა.  კონფერენცია გახსნა „საზოგადოება ბილიკის“ ხელმძღვანელმა მარიკა მღებრიშვილმა.  მონაწილეებს მიესალმა მარსელა ჰაჯთმანკოვა სლოვაკეთიდან, მან პროექტის წარმატებულ განხორციელებას და შშმ პირთა საკითხებზე გამართულ დისკუსიების მნიშვნელობას გაუსვა ხაზი.  კონფერენცია გაიმართა პროექტის „შშმ პირთა დასაქმების ხელშეწყობა და შრომის პოლიტიკის ოპტიმიზაცია საქართველოს შრომის ბაზარზე 2“, რომელსაც ახორციელებენ „საზოგადოება ბილიკი“ და სლოვაკური ორგანიზაცია TENENET-ი Slovak Aid-ის ფინანსური მხარდაჭერით.  სრულად...  წყარო: საზოგადოება ბილიკი

ქართული არასამთავრობო ორგანიზაციები განცხადებას ავრცელებენ და მოუწოდებენ „ქართული ოცნების“ ლიდერებს, ქართველ ხალხს აუხსნან, ავალედნენ თუ არა მათ უცხო სახელმწიფოს ინტერესის სასარგებლოდ მოქმედებას". კერძოდ, განცხადებაში აღნიშნულია, რომ „რუსული კანონის“ ავტორი პარტიის წარმომადგენლები ათწლეულების განმავლობაში საქმიანობდნენ აშშ–ს და ევროკავშირის მიერ დაფინანსებულ ორგანიზაციებში. მათ შორის: • ირაკლი კობახიძე - 9 წლის განმავლობაში მუშაობდა აშშ-ისა და გაეროს ორგანიზაციებში; • შალვა პაპუაშვილი - 17 წელი მუშაობდა გერმანულ ფონდში; • გივი მიქანაძე - 10 წელი ევროსაბჭოს, ეუთოს, გაეროსა და ევროკავშირის დაფინანსებას იღებდა; • რატი იონათამიშვილი - 9 წელი ევროკავშირის, USAID და სხვა საერთაშორისო ფონდების დაფინანსებას იღებდა; • ნიკოლოზ სამხარაძე - 11 წელი მუშაობდა ევროკავშირისა და გაეროს პროგრამებში; • არჩილ თალაკვაძე - 3 წელი მუშაობდა აშშ-ის ორგანიზაციებსა და „სოროსის ფონდში“; • მაია ბითაძე - 15 წელი მუშაობდა გაეროს, ეუთოს, მსოფლიო ბანკის ორგანიზაციებში. მათი ნაწილი, როგორც დონორი ორგანიზაციების წარმომადგენლები, ისე მუშაობდნენ ქართულ არასამთავრობო ორგანიზაციებთან მართლმსაჯულების, თანასწორობის, თვითმმართველობისა და სხვა საკითხებზე. დღეს ისინი აცხადებენ, რომ ის ორგანიზაციები, რომლებსაც წლების განმავლობაში თავად წარმოადგენდნენ, უცხო სახელმწიფოების ინტერესებით მოქმედებენ და საფრთხეს წარმოადგენენ საქართველოსთვის. მოვუწოდებთ მათ, ქართველ ხალხს საჯაროდ აუხსნან, ვინმე ავალებდათ თუ არა მათ უცხო სახელმწიფოს ინტერესის სასარგებლოდ მოქმედებას და თუ კი, დაასახელონ კონკრეტული შემთხვევები. ქართული არასამთავრობო ორგანიზაციები ვმოქმედებდით, ვმოქმედებთ და ვიმოქმედებთ საკუთარი წესდებებით გათვალისწინებული მიზნების მისაღწევად, საქართველოს მოქალაქეთა ინტერესების დასაცავად და საქართველოში დემოკრატიული საზოგადოებრივი წეს-წყობილების გასაძლიერებლად“. სრულად...  წყარო: სამოქალაქო საზოგადოების ფონდი

თბილისი.Factcheck–ის ინფორმაციით მმართველი გუნდი, 2023 წელს საქართველოში დაინიცირებულ ე.წ. „უცხოური აგენტების“ კანონის პროექტს, ევროკომისიის ინიციატივის ანალოგად აფასებს.  Factcheck.ge– ი გთავაზობთ ევროკავშირის დირექტივის მიღების კონტექსტს, მის მიზნებს, განზრახვასა და შინაარსს, ასევე საქართველოში დაინიციირებულ „რუსულ აგენტების კანონსა“ და ევროკავშირის დირექტივას შორის არსებულ მნიშვნელოვან განსხვავებების მიმოხილვას.  სრულად...  წყარო: Factcheck.ge

არასამეწარმეო სამართლის საერთაშორისო ცენტრი (ICNL) „უცხოური გავლენის გამჭვირვალობის შესახებ“ კანონის პროექტს გამოეხმაურა. „ქართული კანონპროექტი იმ სხვა კანონების მსგავსია, რომლებიც კონკრეტულად მიმართულია არასამთავრობო ორგანიზაციების წინააღმდეგ მათი სტიგმატიზაციის მიზნით. უცხოური გავლენის რეგისტრაციის შესახებ ამგვარი კანონები აერთიანებს რუსულ უცხოური აგენტების კანონს (2012), ყირგიზულ კანონს უცხოურ წარმომადგენლობებზე (2024), არასამთავრობო ორგანიზაციების კანონს ისრაელში (2016), სალვადორის რესპუბლიკის კანონპროექტს უცხოელი აგენტების შესახებ (2012), არასამთავრობო ორგანიზაციების გამჭვირვალობის გაუქმებულ კანონს უნგრეთში (2017) (გაუქმდა) და კანონპროექტს უცხოური აგენტების შესახებ სერბულ რესპუბლიკაში (2024)". წყარო: ICNL

თბილისი. კოალიცია დამოუკიდებელი და გამჭვირვალე მართლმსაჯულებისთვის განცხადებას ავრცელებს. „5 აპრილს გავრცელდა ინფორმაცია, რომ ოთხმა მოსამართლემ, მათ შორის, მიხეილ ჩინჩალაძემ და ლევან მურუსიძემ, სასამართლოს მეშვეობით ანტიკორუფციულ ბიუროს მიერ მათი ქონების შემოწმება შეაჩერეს. ანტიკორუფციული ბიუროს წინააღმდეგ დავის ინიციატორები არიან მოსამართლეები, რომელთა კეთილსინდისიერებასთან, მათ შორის, ფინანსურ მდგომარეობასთან დაკავშირებით საზოგადოებაში მნიშვნელოვანი კითხვები არსებობს. მომხდარი ინციდენტი შემაშფოთებელი პრეცედენტია და ქმნის შესაძლებლობას, კლანის წევრებმა, სასამართლოს გამოყენების გზით, თავი აარიდონ მათი ფინანსური კეთილსინდისიერების გადამოწმებას ანტიკორუფციული ბიუროს მიერ ჩატარებულ ლიმიტირებულ ფარგლებშიც კი. აღნიშნული დამატებითი ინდიკატორია, იმისა რომ სასამართლო სისტემის წამყვან თანამდებობებზე დანიშნული მოსამართლეების კეთილსინდისიერება უნდა შემოწმდეს და ამისთვის ექტსტრაორდინალური მექანიზმი შეიქმნას. სრულად...  წყარო: უფლებები საქართველო

გაეცანით საიას თავმჯდომარის ნონა ქურდოვანიძის განმარტებებს. ვის ეხება „რუსული კანონი“? გთავაზობთ უცვლელად. „პასუხი ერთია, ეს კანონი ეხება ყველას - პენსიონერებს, ქალებს, შშმ პირებს, დევნილებს, სოციალურად დაუცველებს, მასწავლებლებს, სტუდენტებს, ბავშვებს, მშრომელებს, სოფლებში და ქალაქებში მცხოვრებ თითოეულ მოქალაქეს. ქართული ოცნება“ გვატყუებს, როდესაც ამბობს, რომ ეს კანონი ეხება მხოლოდ ორგანიზაციებს და ითვალისწინებს მხოლოდ ჯარიმებს. მათ კარგად იციან, რომ ნებისმიერი კანონის მიღებისას მისი გავრცელების ფარგლები იზომება არამხოლოდ იმ სუბიექტებზე გავლენით, ვინც კანონშია ნახსენები, არამედ იმ შედეგებით, რომელიც კანონის ამოქმედების შედეგად დადგება. ,,რუსული კანონის“ მიღების შემთხვევაში დადგება ეს შედეგები: საქართველო ვერ გახდება ევროკავშირის წევრი ქვეყანა. ეს შედეგი ეწინააღმდეგება საქართველოს მოსახლეობის აბსოლუტური უმრავლესობის ნებას და არის რუსეთის ინტერესებში. ის ორგანიზაცია, რომელიც უცხოური ძალის ინტერესების გამტარებელ ორგანიზაციად არ დარეგისტრირდება, შეწყვეტს საქმიანობას. შედეგად, დაიხურება ყველა რეპუტაციული არასამთავრობო ორგანიზაცია და მედია ორგანიზაცია. დამოუკიდებელი არასამთავრობო ორგანიზაციების დახურვით გაქრება ის სარგებელი, რაც ამ ორგანიზაციებს მოაქვთ საზოგადოებისათვის, მათ შორის, აღარ იარსებებს: ა. ის უფასო სერვისები, რასაც დღეს სამოქალაქო საზოგადოების ორგანიზაციები აწვდიან პენსიონერებს, ქალებს, შშმ პირებს, დევნილებს, სოციალურად დაუცველებს, მასწავლებლებს, სტუდენტებს, ბავშვებს, მშრომელებს, სოფლებში და ქალაქებში მცხოვრებ თითოეულ მოქალაქეს; ბ. აღარ იქნება საგანმანათლებლო და კულტურული პროგრამები, რომლებსაც არასამთავრობო ორგანიზაციები ახორციელებენ; გ. აღარ იქნება სოფლის მეურნეობის და მცირე მეწარმეობის განვითარების ის პროგრამები, რომლებიც არასამთავრობო ორგანიზაციების ხელშეწყობით მიმდინარეობს; დ. აღარ იქნება კულტურული მემკვიდრეობის დაცვის პროგრამები, რომლებსაც დღეს არასამთავრობო ორგანიზაციების ძალისხმევით მიმდინარეობს; ე. აღარ იქნება ის პროგრამები, რომლებიც სოფლად მცხოვრები ადამიანების ხელშეწყობას ისახავს მიზნად და ა.შ. კანონის რეგულაციის ქვეშ მოქცეული მედიების გაქრობით, ვეღარ გაშუქდება ის მწვავე სოციალური თუ პოლიტიკური საკითხები, რომლებსაც დღეს აშუქებენ. ქვეყანაში მკვეთრად გაუარესდება ადამიანის უფლებების და სამართლის უზენაესობის მდგომარეობა, სახელმწიფო ინსტიტუტების ანგარიშვალდებულების ხარისხი. თუ ფიზიკური პირები დაიწყებენ საზოგადოებისათვის სასიკეთო იმ საქმეების კეთებას, რასაც დღეს არასამთავრობო ორგანიზაციები და მედიები აკეთებენ, კანონში შევა ცვლილებები და ახალი რეგულაციებით საქართველოს მოქალაქე ფიზიკურ პირებს გამოაცხადებს უცხოური ძალის ინტერესების გამტარებელ პირებად, როგორც მოხდა რუსეთში. ეს არ არის ვარაუდები, ეს არის ის შედეგები, რომელიც ,,რუსული კანონის“ მიღების შემთხვევაში აუცილებლად დადგება. ,,ქართულმა ოცნებამ“ იცის, რომ ეს კანონი ამ შედეგებს მოიტანს. იტყუება, როდესაც ამბობს, რომ კანონი არის გამჭვირვალობაზე, ეხება მხოლოდ ორგანიზაციებს და ითვალისწინებს მხოლოდ ჯარიმებს“. წყარო: საია

თბილისი. საერთაშორისო გამჭვირვალობა-საქართველო ორგანიზაციების ერთობლივ განცხადებას აქვეყნებს.  „4 აპრილს ჩვენთვის ცნობილი გახდა, რომ თბილისის საქალაქო სასამართლომ ოთხი მოსამართლის ქონებრივი მდგომარეობის დეკლარაციის შემოწმების პროცესი გააჩერა. ამ მოსამართლეთა შორისაა მათ შორის, აშშ-ს სახელმწიფო დეპარატმენტის მიერ “მნიშვნელოვან კორუფციაში ჩართულობისთვის”სანქცირებული ორი მოსამართლე მიხეილ ჩინჩალაძე და ლევან მურუსიძე.(...) მოვუწოდებთ ანტიკორუფციულ ბიუროს გაასაჯაროოს მოსამართლეთა მიერ შეტანილი სარჩელები, ისევე როგორც სასამართლოს მიერ მიღებული შუალედური აქტები და საზოგადოებას მიაწოდოს სრული ინფორმაცია განხილულ ფაქტთან დაკავშირებით, რომელიც მნიშვნელოვნად აზიანებს სასამართლოსადმი ნდობას.“ - ნათქვამია განცხადებაში  სრულად....  წყარო: საერთაშორისო გამჭვირვალობა-საქართველო

სამეგრელო.დემოკრატიული ჩართულობის ცენტრმა ზუგდიდში კინედოკის დოკუმენტური ფილმის ჩვენება გამართა. ფილმში ასახულმა ტოქსიკურმა გარემომ, მეზობლების ჭორების მავნებლურმა ზეგავლენამ და ფილმის გმირების ბრძოლამ სიმართლის დასამტკიცებლად საშუალება მისცა მაყურებელს, ემსჯელათ ისეთ საკითხებზე, როგორიცაა სოციალური ხასიათის ტიპები და გარდამავალი საზოგადოება, ტრადიციებით მართული საზოგადოება და ტექნიკური პროგრესი, ინტერნეტი და მისი რევოლუციური გავლენა მთელი მსოფლიოს მოსახლეობის ცხოვრებაზე, რომელმაც გამოიწვია საზოგადოებათა და პიროვნებათა ცვლილებები და ღირებულებათა ახალი სისტემის ჩამოყალიბება. სრულად... წყარო: დემოკრატიული ჩართულობის ცენტრი 

თბილისი. 4 აპრილს, სოციალურ მუშაკთა ასოციაციში, ჩატარდა ტრენინგი ჯანმრთელობის დაცვის სისტემაში მომუშავე სოციალური მუშაკებისთვის.  სატრენინგო კურსის მიზანია ჯანმრთელობის სფეროში მომუშავე სოციალური მუშაკების უნარების გაძლიერება.  კერძოდ, ტრენინგი საშუალებას აძლევს სოციალურ მუშაკებს გაიაზრონ შემთხვევის მართვის პრინციპები და გააანალიზონ მულტიდისციპლინური გუნდის მუშაობის არსი და მისი თავისებურებები. ტრენინგი გაეროს განვითარების ფონდის მხარდაჭერით გაიმართა.  სრულად...  წყარო: საქართველოს სოციალურ მუშაკთა ასოციაცია

თბილისი. ელჩი დანიგანი შეხვდა სოციალური სამართლიანობის ცენტრის ხელმძღვანელობას და კანონის უზენაესობის ხელშეწყობის, გარემოს დაცვის, დემოკრატიისა და თანასწორობის ადვოკატირებაში მათი საქმიანობის შესახებ მოისმინა.  "საქართველოს აქტიური სამოქალაქო საზოგადოება მნიშვნელოვან როლს ასრულებს ქვეყნის ევროატლანტიკურ გზაზე. შეერთებული შტატები მხარს უჭერს ყველა ქართველის ძალისხმევას ქვეყნის ევროკავშირისკენ მისწრაფებების წინ წასაწევად", ნათქვამია საელჩოს გვერდზე სოციალურ ქსელში.  სრულად...  წყარო: აშშ–ის საელჩო საქართველოში

თბილისი. ევროპის დღე ექსპო ჯორჯიაში დაუვიწყარ გამოცდილებას ჰპირდება ღონისძიებაზე მოსულ თითოეულ სტუმარს! ჩაინიშნეთ 2024 წლის 11 მაისი და ესტუმრეთ თბილისში, ექსპო ჯორჯიას, სადაც კულტურული აღმოჩენებითა და მხიარულებით სავსე ერთი დღეს გაატარებთ. თვალი ადევნეთ ევროკავშირის წარმომადგენლობის ფეისბუქ გვერდს დამატებითი ინფორმაციისთვის და ეწვიეთ ვებგვერდს: https://eu4georgia.eu/ka/ წყარო: ევროკავშირის წარმომადგენლობა საქართველოში

თბილისი. 30 მარტს, ახალგაზრდა პედაგოგთა კავშირის კლიმატის ჰაბში ჩატარდა სემინარი თემაზე: გენდერულად ტრანსფორმაციული კლიმატის ცვლილებისა და კატასტროფების რისკის შემცირების პოლიტიკა საქართველოში.  პროექტის მიზანია ხელი შეუწყოს გენდერულად ტრანსფორმაციული კლიმატის ცვლილებისა და კატასტროფების რისკის შემცირების პოლიტიკის განვითარებას საქართველოში ცნობიერების ამაღლებისა და შესაძლებლობების გაძლიერების გზით.  პროექტი „გენდერულად ტრანსფორმაციული კლიმატის ცვლილებისა და კატასტროფების რისკის შემცირების პოლიტიკა საქართველოში“ ხორციელდება აღმოსავლეთ პარტნიორობის სამოქალაქო საზოგადოების გაძლიერების სტიპენდიის ფარგლებში, რომელიც დაფინანსებულია ევროკავშირის მიერ. სემინარი გახორციელდა CENN-ის ევროკავშირის მიერ მხარდაჭერილი საქართველოს კლიმატის პროგრამასთან (GEO-CAP) თანამშრომლობით.  სრულად...  წყარო: ახალგაზრდა პედაგოგთა კავშირი

თბილისი. სოციალური სამართლიანობის ცენტრი ვიდეო-რგოლს აქვეყნებს, რომელშიც სიღარიბეში მცხოვრები ოჯახების მდგომარეობაა აღწერილი.  „კანონმდებლობის მიერ დაწესებული ვადა უგულებელყოფს სიღარიბეში მცხოვრები ადამიანების საჭიროებებს და კითხვის ნიშნის ქვეშ აყენებს მათ ფიზიკური გადარჩენის საკითხსაც კი.“ - ნათქვამია ორგანიზაციის ვებ გვერდზე პროექტი  ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით.  სრულად...  წყარო: სოციალური სამართლიანობის ცენტრი

თბილისი. ქალთა საკითხებზე მომუშავე ორგანიზაციები საქართველოს პარლამენტს და პოლიტიკურ პარტიებს მიმართავენ.  „საქართველოში მოქმედი ქალთა საკითხებზე მომუშავე ორგანიზაციები მტკიცედ ვგმობთ, 2024 წლის 3 აპრილს, პარლამენტში სავალდებულო გენდერული კვოტირების გაუქმების საკითხის განხილვისას, ქალთა მიმართ დისკრიმინაციული და პარლამენტარის ეთიკასთან შეუთავსებელი ენის გამოყენებას. განცხადება ღიაა ხელმოსაწერად ქალთა საკითხებზე მომუშავე ორგანიზაციებისთვის, სამოქალაქო სექტორის წარმომადგენლებისთვის და ყველა პირისთვის, ვინც იზიარებს განცხადების შინაარსს. განცხადება ღიაა ხელმოსაწერად ქალთა საკითხებზე მომუშავე ორგანიზაციებისთვის, სამოქალაქო სექტორის წარმომადგენლებისთვის და ყველა პირისთვის, ვინც იზიარებს განცხადების შინაარსს.“ - ნათქვამია განცხადებაში  სრულად...  წყარო: ქალთა საინფორმაციო ცენტრი

თბილისი. აღმოსავლეთ პარტნიორობის ეროვნული პლატფორმა, რომელიც 200–მდე ორგანიზაციას აერთიანებს, მიმართვას ავრცელებს. „... მმართველი გუნდის მიერ კანონპროექტის ხელახალი ინიცირება სახელმწიფო ინტერესებთან, კულტურასთან და ქართულ ტრადიციებთან შეუთავსებელია. პირობის გატეხვა, სიტყვის უკან წაღება არის რუსეთის პოლიტიკის მახასიათებელი, რომელსაც რუსეთი, ცივილიზებული მსოფლიოს, მათ შორის საქართველოს წინააღმდეგ არაერთგზის იყენებდა. ამით საქართველოს და მის თითოეულ მოქალაქეს ადგება რეპუტაციული ზიანი. კანონპროექტის ხელახალი ინიცირება ეწინააღმდეგება საქართველოს ევროინტეგრაციას და მისი მიღება საბოლოოდ დაასამარებს საქართველოს მოსახლეობის ისტორიულ მიზანს - გახდეს ევროკავშირის წევრი. ევროპისკენ მიმავალ გზაზე სვლას ჩვენ, როგორც ეროვნული პლატფორმის წევრი ორგანიზაციები დღემდე საქართველოს პარლამენტთან დიალოგითაც ვცდილობდით. სწორედ ამ მიზნით გავაფორმეთ თანამშრომლობის მემორანდუმი, რომელიც ევროკავშირის მხრიდან დადებითად შეფასდა, როგორც სამოქალქო სექტორისა და საკანონმდებლო ორგანოს თანამშრომლობის მაგალითი.  მაგრამ დღეს ,,ქართული ოცნების” მიერ ქვეყნის სახელმწიფოებრივი ინტერესების წიანააღმდეგ მიმართული კანონპროექტის ინიცირება გვიჭრის გზას, როგორც თანამშრომლობისკენ, ისე ევროინტეგრაციისკენ. საქართველოს ეროვნული პლატფორმა აჩერებს მემორანდუმის მოქმედებას.  მოვითხოვთ , შეწყდეს საქართველოს დასავლური სვლის საბოტაჟი. მმართველმა გუნდმა კვლავ გაიწვიოს ინიცირებული კანონპროექტი. საქართველოს ეროვნული პლატფორმის წევრი ორგანიზაციები მტკიცედ ვდგავართ ევროინტეგრაციის სადარაჯოზე. ჩვენ ურყევად დავიცავთ დემოკრატიას, თავისუფლებას, სამართლიანობას, თანასწორობას, საქართველოს ეროვნულ ინტერესებს და არავის მივცემთ უფლებას დაგვაკარგინოს არაერთი თაობის ბრძოლით მონაპოვარი ევროპული მომავალი". სრულად... წყარო: პლატფორმის გვერდი სოციალურ ქსელში

თბილისი. მრავალპარტიული დემოკრატიის ცენტრი (EECMD) განცხადებას ავრცელებს. მასში ნათქვამია, რომ „გასულ წელს, „ქართული ოცნება“ საქართველოს და საერთაშორისო საზოგადოებას დაჰპირდა, რომ რუსულ კანონს აღარ დააბრუნებდა პარლამენტში. მისი ხელახლა შემოტანა ხალხის მოტყუება და სიტყვის გატეხაა. კანონის ამოქმედება მოსპობს დამოუკიდებელ არასამთავრობო, მედია და საგანმანათლებლო ორგანიზაციებს საქართველოში. რუსული კანონის პარლამენტში დაბრუნება ამტკიცებს, რომ ქართულ ოცნებას ეშინია სამართლიანი და კონკურენტული საპარლამენტო არჩევნების.  ეს კანონი შეუძლებელს გახდის არჩევნების კონკურენტულ და გამჭვირვალე ვითარებაში ჩატარებას და ამით, საფუძველს გამოაცლის მის სამართლიანობას და კანონიერებას. მოვუწოდებთ „ქართულ ოცნებას“ დაუყოვნებლივ შეაჩეროს რუსული კანონის განხილვა და არ გადაუხვიოს საქართველოს დემოკრატიულ და ევროპულ კურსს“.  სრულად... წყარო: EECMD

თბილისი.USAID-ის სამოქალაქო საზოგადოების ჩართულობის პროგრამა ვიდეო-რგოლს აქვეყნებს. "ვინ არის აქტიური მოქალაქე?" ვიდეო მოამზადა „აქტიური მოქალაქეობის აკადემიამ“ USAID-ის სამოქალაქო საზოგადოების ჩართულობის პროგრამის მხარდაჭერით. სრულად... წყარო: USAID-ის სამოქალაქო საზოგადოების ჩართულობის პროგრამა

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. ევროპის ფონდი ღია კარის საგრანტო პროგრამასთან დაკავშირებით ონლაინ საკონსულტაციო შეხვედრას გამართავს. შეხვედრა 5 აპრილს 15:00 საათზე გაიმართება. სრულად... წყარო: ევროპის ფონდი

4 აპრილს ჩრდილოატლანტიკური ხელშეკრულების ორგანიზაცია "ნატოს" 75 წელი შეუსრულდა. "75 წლის განმავლობაში, ჩრდილოატლანტიკური ხელშეკრულების ორგანიზაცია უზრუნველყოფს 32 მოკავშირე სახელმწიფოს უსაფრთხოებას ევროპასა და ჩრდილოეთ ამერიკაში." სრულად... წყარო: ნატოს წარმომადგენლობა საქართველოში

ევროკავშირის უმაღლესი წარმომადგენლის პრეს-სპიკერის განცხადება „უცხოური გავლენის გამჭვირვალობის შესახებ“ კანონპროექტთან დაკავშირებით: "საქართველოს მმართველი პარტიის განცხადება „უცხოური გავლენის გამჭვირვალობის შესახებ“ კანონპროექტის ხელახლა შემოტანასთან დაკავშირებით სერიოზულ შეშფოთებას იწვევს. ევროკავშირი შეგახსენებთ საქართველოს მთავრობისა და მმართველი პარტიის გასული წლის საჯარო დაპირებას, ასეთი კანონპროექტის „უპირობოდ გაწვევის“ შესახებ. ევროკავშირი წუხილს გამოთქვამს, რომ ის კვლავ განიხილება 2023 წლის მარტში საზოგადოების და საერთაშორისო მძაფრი რეაქციის მიუხედავად. სამოქალაქო საზოგადოების ორგანიზაციებისთვის ხელსაყრელი გარემოს შექმნა, შენარჩუნება და მედიის თავისუფლების უზრუნველყოფა დემოკრატიის საფუძველს წარმოადგენს.  მას ასევე გადამწყვეტი მნიშვნელობა აქვს ევროკავშირში გაწევრიანების პროცესისთვის. ევროკავშირი შეგახსენებთ, რომ ევროპულმა საბჭომ საქართველოს კანდიდატის სტატუსი მიანიჭა იმის გათვალისწინებით, რომ ევროკომისიის 2023 წლის 8 ნოემბრის რეკომენდაციის შესაბამისი ნაბიჯები გადაიდგმებოდა. ნაბიჯი 9 მოიცავს რეკომენდაციას, რომ საქართველომ სამოქალაქო საზოგადოების თავისუფლად მუშაობა უზრუნველყოს და ნაბიჯი 1 მოუწოდებს საქართველოს ევროკავშირისა და მისი ღირებულებების წინააღმდეგ მიმართულ დეზინფორმაციას ებრძოლოს.  გამჭვირვალობა სამოქალაქო საზოგადოების თავისუფალი მოქმედების შესაძლებლობის შეზღუდვის ინსტრუმენტად არ უნდა იქნას გამოყენებული. მოვუწოდებთ საქართველოს პოლიტიკურ ლიდერებს მიიღონ და განახორციელონ რეფორმები, რომელიც ევროკავშირში გაწევრიანების გაცხადებულ და საქართველოს მოქალაქეების დიდი უმრავლესობის მიერ მხარდაჭერილ მიზანს შეესაბამება. ევროკავშირი მოუწოდებს საქართველოს, დემოკრატიის, კანონის უზენაესობისა და ადამიანის უფლებების ხელშეწყობის კუთხით ნაკისრი ვალდებულებები შეასრულოს."  სრულად...  წყარო: ევროკავშირის წარმომადგენლობა საქართველოში

თბილისი. საპარლამენტო უმრავლესობის გეგმა, რომ კიდევ ერთხელ შეეცადოს „რუსული კანონის“ სახელით ცნობილი კანონპროექტის მიღებას, ერთი მხრივ, სასიცოცხლო საფრთხეს წარმოადგენს სამოქალაქო სივრცის მდგრადობისა და ფუნქციონირებისთვის, ხოლო მეორე მხრივ, ემუქრება საქართველოს ევროკავშირში გაწევრიანების პროცესს. როგორც უმრავლესობის ლიდერმა, მამუკა მდინარაძემ 3 აპრილს გამართულ ბრიფინგზე განაცხადა, გადაწყვეტილება მმართველი პარტიის პოლიტიკურ საბჭოსთან კონსულტაციის შემდეგ მიიღეს და კანონპროექტი პრაქტიკულად უცვლელი ტექსტით წარედგინებოდა პარლამენტს, თუმცა ნაცვლად ტერმინი „უცხოური გავლენის აგენტისა“, კანონპროექტის ახალ რედაქციაში „უცხოური ძალის ინტერესების გამტარებელი ორგანიზაციას“ გამოიყენებდნენ. იმავე დღეს, ფრაქცია „ქართულმა ოცნებამ“ კანონპროექტი პარლამენტში წარადგინა. საპარლამენტო უმრავლესობის ლიდერის თანახმად, „სამოქალაქო სექტორი რჩება ყველაზე გაუმჭვირვალე სექტორად საქართველოში“ და არასამთავრობო ორგანიზაციები ჩართულნი არიან „რევოლუციური სცენარების“ განხორციელებასა და ექსტრემიზმის დაფინანსებაში. მისივე თქმით, არასამთავრობო ორგანიზაციები აწარმოებენ საბჭოური სტილის კამპანიას სასამართლო ხელისუფლების დამოუკიდებლობის წინააღმდეგ და ჩართულნი არიან ფსევდო ლიბერალური იდეოლოგიის გავრცელებაში, საქართველოს მართლმადიდებელი ეკლესიის მიმართ ნდობის შერყევის მცდელობაში, ქვეყნის ენერგეტიკული დამოუკიდებლობის წინააღმდეგ მიმართულ ქმედებებსა და ე.წ. „ლგბტ“ - პროპაგანდაში. მან სამოქალაქო საზოგადოების ორგანიზაციები არჩევნების გაყალბებისა და რუსეთის წინააღმდეგ ომში ჩართვის მცდელობაშიც დაადანაშაულა. მდინარაძის თანახმად, ეს კანონი „გრძელვადიან პერსპექტივაში “დააზღვევს საქართველოს ქვეყანაში არეულობის ხელოვნურად გამოწვევის მცდელობებს”.  აღსანიშნავია, რომ საპარლამენტო უმრავლესობის გადაწყვეტილებას, კვლავ წარედგინა პარლამენტში აღნიშნული კანონპროექტი, გასულ კვირებში წინ უსწრებდა მმართველი პარტიისა და აღმასრულებელი ხელისუფლების წარმომადგენლების მიერ გაკეთებული განცხადებები, სადაც სამოქალაქო საზოგადოების ორგანიზაციებს ე.წ. „ვეტინგის სისტემის“ მხარდაჭერის გამო, სასამართლო სისტემის დისკრედიტაციაში და ლგბტქ + პროპაგანდაში ადანაშაულებდნენ. 2023 წლის მარტის ცნობილი მოვლენებისა და შემდგომი პროცესების გათვალისწინებით, აღნიშნული კანონპროექტის კიდევ ერთხელ ინიცირება და შემდგომში შესაძლო დამტკიცება დააზიანებს სამოქალაქო სივრცეს, მათ შორის: გამოიწვევს სამოქალაქო სივრცისა თუ ამ სივრცის ცალკეული აქტორების მუშაობის შეფერხებასა და საქმიანობაში ხელშეშლას; გააქტიურებს სამოქალაქო სექტორის წინააღმდეგ მიმართულ მტრულ რიტორიკასა და დისკრედიტაციის კამპანიებს; შეამცირებს ან სრულად გააქრობს სივრცეს სახელმწიფოსა და სამოქალაქო საზოგადოების ორგანიზაციებს შორის თანამშრომლობის შესაძლებლობებისთვის; გააუარესებს სამოქალაქო საზოგადოების ორგანიზაციების მხრიდან ადვოკატირებისა და სერვისის მიწოდების შესაძლებლობას, მათ შორის მოწყვლადი ჯგუფებისთვის. გარდა ამისა, აღნიშნული ინიციატივა და შესაბამისად სამოქალაქო სივრცის შეზღუდვა გააუარესებს საქართველოში ადამიანის უფლებების დაცვის მდგომარეობას. საგულისხმოა, რომ მოახლოებული 2024 წლის საპარლამენტო არჩევნების გათვალისწინებით, აღნიშნული კანონპროექტის პარლამენტში წარდგენა კიდევ უფრო მეტად ზრდის ქვეყანაში პოლარიზაციის ხარისხს, რაც ნეგატიურად აისახება ქვეყანაში დემოკრატიის მდგომარეობაზე. მნიშვნელოვანია, რომ კანონპროექტის შესაძლო მიღება დააზიანებს საქართველოს მიერ  ევროკავშირში გაწევრიანებისთვის მოლაპარაკებების დაწყებისთვის საჭირო 9 ნაბიჯის განხორციელების პროცესს. გასათვალისწინებელია, ევროკავშირის სხვადასხვა სტრუქტურის წარმომადგენლების ის ნეგატიური შეფასებები, რომლებიც გასულ წელს, ამ კანონის ინიცირებისა თუ პირველი მოსმენით მხარდაჭერის დროს გაკეთდა. ამ შეფასებების მიხედვით, კანონი შეუთავსებელი იყო ევროკავშირის ღირებულებებთან და სტანდარტებთან და ეწინააღმდეგებოდა საქართველოს გაცხადებულ მიზანს გამხდარიყო კავშირის ნაწილი. ასევე, კანონის საბოლოო მიღებას, შესაძლოა, ჰქონოდა სერიოზული ზეგავლენა ევროკავშირისა და საქართველოს ურთიერთობებზე. აღსანიშნავია ევროკავშირის უმაღლესი წარმომადგენლის პრეს-სპიკერის განცხადებაც, რომლის თანახმადაც, მმართველი პარტიის განცხადება „უცხოური გავლენის გამჭვირვალობის შესახებ“ კანონპროექტის ხელახლა შემოტანასთან დაკავშირებით სერიოზულ შეშფოთებას იწვევს.