შიდა ქართლი.21 თებერვალს, ფსიქოსოციალური და სამედიცინო რეაბილიტაციის ცენტრმა გამართა ტრენინგი თემაზე „ბავშვთა განვითარების თავისებურებები“.  ტრენინგი ჩატარდა პროექტის „2008 წლის ომით დაზარალებულების ფსიქოსოციალური და სამედიცინო სერვისებით უზრუნველყოფა“ ფარგლებში, რომელიც ხორციელდება წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრის მიერ (GCRT) სისხლის სამართლის საერთაშორისო სასამართლოს დაზარალებულთა ნდობის ფონდის მხარდაჭერით. სრულად...  წყარო:ფსიქოსოციალური და სამედიცინო რეაბილიტაციის ცენტრი

სამეგრელო. მწვანე ალტერნატივამ „ახალგაზრდული ფორუმის“ წევრებისთვის ბალდის კანიონზე საველე გასვლა მოაწყო.  „ახალგაზრდული ფორუმი“ მწვანე ალტერნატივას პროექტია, რომელიც მოიცავს ახალგაზრდებთან 5-თვიან თანამშრომლობასა და ცოდნის გაზიარებას კლიმატის ცვლილების, გარემოსდაცვით და სოციალური სამართლიანობის საკითხებზე.  საველე გასვლა პროექტის „სამოქალაქო სექტორის გაძლიერება კლიმატის ეროვნული პოლიტიკის განხორციელებაში“ ფარგლებში დაიგეგმა.  პროექტის განხორციელება შესაძლებელი გახდა გერმანიის ფედერალური მთავრობის კლიმატის საერთაშორისო ინიციატივის (IKI) ფინანსური მხარდაჭერით.  სრულად... წყარო: მწვანე ალტერნატივა

ქვემო ქართლი.დმანისის მუნიციპალიტეტმა, „ჩაერთე მართვის“ კლუბის ინიციატივით, დაიწყო მიუსაფარი ცხოველების მართვის პოლიტიკის შემუშავება. ამ მიზნით, 21 თებერვალს, გაიმართა საჯარო კონსულტაცია დაინტერესებულ მოქალაქეებთან და სამოქალაქო სექტორის წარმომადგენლებთან. შეხვედრა წარიმართა, მოქალაქეთა მონაწილეობის ინოვაციური ინსტრუმენტის გამოყენებით, რომელიც მოიცავდა მოქალაქეების სწავლების ფაზას, რეკომენდაციებზე მუშაობის და ხმის მიცემის ფაზას. შეხვედრა დმანისის მუნიციპალიტეტის საკრებულოს თავმჯდომარემ პაატა ყულიაშვილმა და USAID-ის ადგილობრივი თვითმმართველობის პროგრამის ხელმძღვანელმა კევინ მაკლოკლინმა გახსნეს. მათ ისაუბრეს რამდენად მნიშვნელოვანია აღნიშნული პრობლემის მოგვარებაში მოქალაქეთა მონაწილეობა და აქტიურობა. სფეროს ექსპერტებმა, კონსულტაციებში მონაწილეებს გააცნეს თუ რა გზებით არის შესაძლებელი მიუსაფარი ცხოველების პრობლემებზე მუშაობა. ზვიად ასანიშვილმა, ცხოველთა მონიტორინგის სააგენტოს დირექტორის მოადგილემ, მონაწილეებს გააცნო თბილისის გამოცდილება და ის პრაქტიკა, რასაც თბილისის მუნიციპალიტეტი ახორციელებს. ანა მეცხვარიშვილმა - ორგანიზაცია Mayhew Georgia-ს წარმომადგენელმა ისაუბრა ორგანიზაციის გამოცდილებაზე და იმ სტანდარტებზე, მიდგომებზე რაც მნიშვნელოვანია ცხოველთა პოპულაციის მართვის და კეთილდღეობისთვის. ხოლო ლუსინე დოსტიბეგიანმა, თეთრიწყაროს ახალგაზრდული ცენტრის ხელმძღვანელმა, მონაწილეებს გაუზიარა თეთრიწყაროს მუნიციპალიტეტის გამოცდილება. რეკომენდაციების შემუშავების ეტაპზე, მოქალაქეებმა მცირე ჯგუფებში იმუშავებს ექსპერტებთან ერთად და ჯამში 31 რეკომენდაცია შეიმუშავეს. შეხვედრის ბოლო ეტაპზე კენჭისყრის საშუალებით მოქალაქეებმა სამი პრიორიტეტული მიმართულება გამოკვეთეს: მიუსაფარი ცხოველების კასტრაცია და სტერილიზაცია;  საზოგადოების ცნობიერების ამაღლების კამპანია;  მუნიციპალიტეტის მიერ მიუსაფარი ცხოველების სტრატეგიის და საბიუჯეტო პროგრამის შემუშავება. აღნიშნულ რეკომენდაციებს დაეფუძნება დმანისის მუნიციპალიტეტის მიუსაფარი ცხოველების მართვის პოლიტიკა. როგორც უკვე აღვნიშნეთ, აქტიურად იყვნენ ჩართულნი საკონსულტაციო შეხვედრაში ადგილობრივი მაცხოვრებლები. მათი ინტერესი საკმაოდ მაღალი იყო, ამას მოწმობს კონსულტაციის უკუკავშირიც. მაგალითად, „შეხვედრა იყო სახალისო, ინფორმაციული და არაჩვეულებრივი“; „შეხვედრა იყო ძალიან გუნდური და მიზანმიმართული“; „შეხვედრა იყო მეგობრული და შედეგზე ორიენტირებული“; „დავინახე შედეგის მომტანი საქმიანობა“. ღონისძიება გაიმართა დმანისის მუნიციპალიტეტის,  სამოქალაქო საზოგადოების ინსტიტუტის (CSI), დმანისის „ჩაერთე მართვის“ კლუბის ინიციატივით, USAID–ის ადგილობრივი თვითმმართველობის პროგრამის მხარდაჭერით.

თბილისი. 24 თებერვალს, საქართველოს უკრაინის ახალგაზრდული ორგანიზაცია „სვიტანოკი“ ღონისძიებას გამართავს, რომელიც უკრაინაში რუსეთის მიერ ომის დაწყებიდან მეორე წლისთავს უკავშირდება.  ღონისძიება მწერალთა სახლში გაიმართება.  დასწრება თავისუფალია  სრულად... წყარო: თბილისის ადამიანის უფლებათა სახლი

თბილისი. 15-18 თებერვალს, ფუნდამენტური თავისუფლებების ფონდის მხარადჭერით, საერთაშორისო რესპუბლიკურმა ინსტიტუტმა ახალგაზრდების გაძლიერების ახალი პროგრამა გახსნა. პროგრამის ფარგლებში, საქართველოს 17 გამორჩეული ლიდერი ახალგაზრდა საქართველოს 17 მუნიციპალიტეტში მომდევნო 5 თვის განმავლობაში განახორციელებს ადგილობრივ საჭიროებებზე დაფუძნებულ სამოქალაქო პროექტებს. პროექტი ითვალისწინებს ახალგაზრდების ერთობლივი ჩართულობით, ადამიანის უფლებების დაცვაზე ორიენტირებული სტრატეგიის შემუშავების და რეგიონული გამოწვევების მოგვარებაზე ადგილობრივი კამპანიების დაგეგმვას და განხორციელებას. სრულად... წყარო: საერთაშორისო რესპუბლიკური ინსტიტუტი საქართველო

თბილისი. 17 თებერვალს საქართველოს სტრატეგიისა და საერთაშორისო კვლევების ფონდში (რონდელის ფონდი), ევროკავშირის მიერ დაფინანსებული პროექტის „თავისუფალი და სამართლიანი საარჩევნო პროცესების ხელშეწყობა საქართველოში“ ფარგლებში, პოლიტიკური პარტიების ახალგაზრდა წევრებისთვის დაიწყო პოლიტიკური პარტიების სკოლა. სკოლაში მონაწილეობას იღებს როგორც საპარლამენტო, ისე არასაპარლამენტო 14 პოლიტიკური პარტიის 28 ახალგაზრდა წარმომადგენელი.  3-თვიანი კურსის განმავლობაში ჯგუფს ჩაუტარდება სალექციო კურსები სხვადასხვა თემაზე. პოლიტიკური პარტიების სკოლის უპირველესი მიზანია მათი ახალგაზრდა წევრების შესაძლებლობების გაძლიერება, რათა უფრო აქტიურად შეძლონ საკუთარი პარტიების პოლიტიკის შემუშავების პროცესში ჩართვა. სრულად... წყარო: საქართველოს სტრატეგიისა და საერთაშორისო კვლევების ფონდი

ადგილობრივი თვითმმართველობის პროგრამა ბათუმის, ლენტეხის, ხარაგაულის და ხონის მაცხოვრებლებს აძლევს შესაძლებლობს შეავსონ კითხვარი და ჩაერთონ თემის განვითარებაშიდა მიიღონ მონაწილეობა მუნიციპალიტეტის განვითარების საშუალო ვადიანტ სტრატეგიისა Და სამოქმედო გეგმის შემუშავებაში. დოკუმენტი განსაზღვრავს იმ მიზნებს და ამოცანებს, რომლის მისაღწევად იმუშავებს ადგილობრივი ხელისუფლება და განსაზღვრავს მუნიციპალიტეტის განვითარების კურსს მომდევნო რამდენიმე წლის განმავლობაში.  წლის დასაწყისში, USAID-ის ადგილობრივი თვითმმართველობის პროგრამის პარტნიორმა მუნიციპალიტეტებმა, პარტნიორ ორგანიზაციებთან GEC Consulting და PMCG - Policy and Management Consulting Group ერთად, დაიწყეს მუშაობა მუნიციპალური განვითარების საშუალო ვადიანი სტრატეგიებისა და სამოქმედო გეგმების მოსამზადებლად. ადგილობრივი მოსახლეობის ჩართულობა, დოკუმენტებზე მუშაობის ერთობლივი პროცესის ნაწილია. სრულად... წყარო: USAID-ის ადგილობრივი თვითმმართველობის პროგრამა

თბილისი. 22 თებერვალს, საკონსტიტუციო სასამართლო საიას კონსტიტუციურ სარჩელს განიხილავს, რომლითაც სადავოდ არის ქცეული შინაგან საქმეთა სამინისტროს მიერ ადმინისტრაციულ სამართალდამრღვევად ცნობილი პირის პერსონალური მონაცემების შენახვის ვადები. საიას მოსაზრებით, არსებული ნორმები წინააღმდეგობაშია საქართველოს კონსტიტუციის მე-15 მუხლის პირველ პუნქტთან, რომლითაც გარანტირებულია ადამიანის პირადი ცხოვრების უფლება.  სრულად... წყარო: საქართველოს ახალგაზრდა იურისტთა ასოციაცა

თბილისი. ორგანიზაცია " სალამი", USAID- ის ადგილობრივი თვითმმართველობის პროგრამის მხარდაჭერით, იწვევს დაინტერესებულ პირებს ახალი პროექტის საზოგადოების გაძლიერება გადაწყვეტილების მიღების პროცესში ბოლნისის, დმანისის და მარნეულის მუნიციპალიტეტში“ პრეზენტაციაზე. პრეზენტაცია გაიმართება ზუმში 23 თებერვალს. დაინტერესებულმა პირებმა უნდა გაიარონ რეგისტრაცია ბმულზე... სრულად... წყარო: USAID-ის ადგილობრივი თვითმმართველობის პროგრამა

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. გაეროს ქალთა ორგანიზაციის მხარდაჭერით, თბილისის მუნიციპალიტეტის საკრებულოსა და მერიაში დამტკიცდა სექსუალური შევიწროების პრევენციისა და მასზე რეაგირების მექანიზმი.  ეს პირველი შემთხვევაა, როდესაც ადგილობრივი თვითმმართველობის ორგანოში მსგავსი დოკუმენტი დაინერგა დოკუმენტი კრძალავს სექსუალურ შევიწროებას ჩადენილს როგორც მუნიციპალიტეტის ორგანოების თანამშრომლების, ასევე პოლიტიკური თანამდებობის პირების მიერ, და ფაქტის დადასტურების შემთხვევაში, შესაბამის სანქციებს ითვალსიწინებს. გაეროს ქალთა ორგანიზაცია აგრძელებს სხვა მუნიციპალიტეტების და ცენტრალური ხელისუფლების ორგანოების მხარდაჭერას სექსუალური შევიწროების პრევენციის მიმართულებით.  სრულად... წყარო: გაეროს ქალთა ორგანიზაცია

ევროკავშირის მხარდაჭერით, სამოქალაქო საზოგადოების ინსტიტუტი (CSI), პარტნიორ ორგანიზაციებთან ერთად მასპინძლობს კონფერენციას სახელწოდებით „სოციალური მეწარმეობის განვითარების პერსპექტივები საქართველოში“. კონფერენციის მიზანია, სოციალური მეწარმეობის ეკოსისტემით დაინტერესებულ მხარეებს შორის დიალოგის წარმართვა სოციალური მეწარმეობის არსებულ გარემოსა და მისი განვითარების პერსპექტივებზე. კონფერენცია ხელს შეუწყობს გადაწყვეტილების მიმღებებს, სოციალურ საწარმოებს, ხელშემწყობ ორგანიზაციებს და ექსპერტებს, ერთმანეთს გაუზიარონ ცოდნა და გამოცდილება სოციალური მეწარმეობის სახელმწიფო მხარდაჭერის მიმართულებით. კონფერენცია გაიმართება 2024 წლის 23 თებერვალს, სასტუმრო „თბილისი მარიოტში" (შოთა რუსთაველის გამზირი 13,  თბილისი). ღონისძიება დაიწყება 11:00 საათზე.  კონფერენციის ძირითადი თემებია: სოციალური მეწარმეობის სახელმწიფო მხარდაჭერის საერთაშორისო გამოცდილება;  სოციალური მეწარმეობის სახელმწიფო მხარდაჭერის ძირითადი რეკომენდაციები;  ცენტრალურ დონეზე სოციალური მეწარმეობის სახელმწიფო მხარდაჭერის საქართველოს არსებული პრაქტიკა და პერსპექტივები;  ადგილობრივი თვითმმართველობის დონეზე სოციალური მეწარმეობის მხარდაჭერის არსებული პრაქტიკა და პერსპექტივები. ღონისძიებაში მონაწილეობას მიიღებენ სააგენტოს, „აწარმოე საქართველოს“, ასევე, ახალგაზრდობისა და სახელმწიფო შესყიდვების სააგენტოების და თბილისის, ოზურგეთისა და ლაგოდეხის მუნიციპალიტეტების მერიების წარმომადგენლები. ღონისძიებაზე სიტყვით წარსდგებიან ადგილობრივი და საერთაშორისო ექსპერტები, მათ შორის სოციალურ საწარმოთა ალიანსის აღმასრულებელი დირექტორი, სალომე კუსიანი, სამოქალაქო საზოგადოების ინსტიტუტის ექსპერტი ანა ჯიქია, ევროპული სოციალური საწარმოების ქსელის „Euclid Network-ის“ პოლიტიკის ანალიტიკოსი ტობი გეიზლი და ექსპერტი პოლონეთიდან იაკუბ შიმანეკი, რომელიც პოლონეთში არსებულ მხარდამჭერ სქემებსა და გამოცდილებას მიმოიხილავს. კონფერენცია იმართება, ევროკავშირისა და გერმანული ორგანიაზციის “პური მსოფლიოსთვის” მხარდაჭერით მიმდინარე პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში. პროექტს ახორციელებს კონსორციუმი საქართველოს სტრატეგიული კვლევებისა და განვითარების ცენტრის (CSRDG) ხელმძღვანელობით. კონსორციუმის წევრები არიან: სოციალურ საწარმოთა ალიანსი (SEA), სამოქალაქო საზოგადოების ინსტიტუტი (CSI), საქართველოს სამოქალაქო განვითარების ასოციაცია (GCDA), საქართველოს დემოკრატიული განვითარების კავშირი (DDUG), IMPACT EUROPE (ყოფილი EVPA) და სსიპ - ახალგაზრდობის სააგენტო. დამატებითი ინფორმაციისთვი დაგვიკავშირდით:  ტელეფონი: (+995) 598 743512  ელ–ფოსტა: tamar@civilin.org  საკონტაქტო პირი: თამარ ბოჭორიშვილი

თბილისი. ინფორმაციის თავისუფლების განვითარების ინსტიტუტი ახალ ბლოგს აქვეყნებს. ბლოგი მიმოიხილავს Sockpuppet-ების კოორდინირებულ ქმედებებს ქართული პოლიტიკის ირგვლივ, პოპულარულ ენციკლოპედიაში - ვიკიპედიაში. „პორტალმა ვიკიპედიამ, 2022 წლის 25 მაისიდან - 2024 წლის 3 იანვრამდე პერიოდში ჩაატარა გამოძიება და გამოავლინა მომხმარებელი ArsenalAtletico2017, რომელიც ათეულობით მარიონეტის შექმნით ცდილობდა საზოგადოებრივ აზრზე მოეხდინა გავლენა. მათ შორის, საკუთარ შექმნილ sockpuppet-ებს, ორ მომხმარებელს, რომლებსაც თავად მართავდა, ერთმანეთში აკამათებდა, რათა გამოეწვია კამათში სხვა მომხმარებლების ჩართვა და მსგავსი მანიპულაციური ხერხით დაპირისპირების კერების შექმნა“. იხილეთ ვრცლად...  წყარო: ინფორმაციის თავისუფლების განვითარების ინსტიტუტი

თბილისი. 21 თებერვალს გაიმართა კვლევის „კრიმინალური მენტალიტეტი და მისი გავლენა საზოგადოებაზე“ შედეგების პრეზენტაცია.  რომლის დასრულების შემდეგ გაიმართა დისკუსია. კვლევა ჩატარდა პროექტის – „სამოქალაქო საზოგადოების აღდგენისუნარიანობისა და უსაფრთხოებისთვის“ – ფარგლებში, რომელსაც ახორციელებს გლობალური ფონდი ფსიქიატრიაში, ფსიქოსოციალური და სამედიცინო რეაბილიტაციის ცენტრთან თანამშრომლობითა და ევროკავშირის ფინანსური მხარდაჭერით. კვლევა ჩაატარა სოციალური კვლევისა და ანალიზის ინსტიტუტმა.  სრულად...  წყარო: ფსიქოსოციალური და სამედიცინო რეაბილიტაციის ცენტრი

თბილისი. საქართველოს ჟურნალისტური ეთიკის ქარტია პარლამენტის თავმჯდომარის კომენტარს გამოეხმაურა.  ქარტიას მიაჩნია, რომ „საქართველოს პარლამენტის თავმჯდომარე შალვა პაპუაშვილი დღეს თავისი კომენტარით ევროკავშირის პრიზზე, მისი ჟიურის წევრებსა და ნომინანტებზე გასცდა ამ თანამდებობისთვის დემოკრატიულ ქვეყანაში განსაზღვრულ მანდატს.  მან ცენზორის როლი მოირგო და თავს დაესხა მათ, ვინც ამ ჟურნალისტური კონკურსის ფარგლებში ჟიურისგან, რომელიც პროფესიული თემის გამორჩეული წარმომადგენლებისგან შედგება, მაღალი შეფასება დაიმსახურეს“ .  ქარტიას მიაჩნია, რომ „დამოუკიდებელი ჟურნალისტური კონკურსები ძალზე მნიშვნელოვანია ჩვენს ქვეყანაში ჟურნალისტიკის განვითარებისთვის...  ხელისუფლების მაღალი რანგის წარმომადგენლები უნდა აცნობიერებდნენ იმას, თუ რა შედეგები შეიძლება მოჰყვეს ჟურნალისტების უსაფრთხოებისთვის მათ საჯაროდ გამოთქმულ, დაუსაბუთებელ ბრალდებებს ჟურნალისტების მიმართ, და შესაბამისი პასუხისმგებლობით იმოქმედონ.“ - ნათქვამია ორგანიზაციის განცხადებაში  სრულად... წყარო: საქართველოს ჟურნალისტური ეთიკის ქარტია

ევროკავშირის წარმომადგენლობა საქართველოში საქართველოს პირველი კონსტიტუციის დღის აღნიშვნას უერთდება. „ამ პროგრესულმა დოკუმენტმა ფართო უფლებები მისცა ადგილობრივ მმართველობას და უზრუნველყო ქალისა და მამაკაცის და უმცირესობათა თანაბარი უფლებები. მიუხედავად იმისა, რომ საბჭოთა ოკუპაციის გამო კონსტიტუციის მოქმედება მოკლევადიანი იყო, მან საფუძველი შეუქმნა დღევანდელ დამოუკიდებელ საქართველოს.“ - ნათქვამია ორგანიზაციის ვებ გვერდზე სრულად...  წყარო: ევროკავშირის წარმომადგენლობა საქართველოში

დაიწყო სწავლება ახალ ონლაინ პროგრამაზე „ადგილობრივი თვითმმართველობა და მოქალაქეთა მონაწილეობა“. სასწავლო პროგრამა შემუშავდა მუნიციპალიტეტის საჯარო მოხელეთა და საკრებულოს წევრთა საჭიროებების კვლევის საფუძველზე. შესაბამისად, დაინტერესება საკმაოდ მაღალი იყო – სურვილი 291 აპლიკანტმა გამოთქვა. მათგან კურსზე ჩაირიცხა 128 მონაწილე 32 მუნიციპალიტეტიდან. მათ შორის არიან მერიის, საკრებულოს, ასევე მუნიციპალიტეტის სათათბირო საბჭოების წარმომადგენლები.  სასწავლო პროგრამის პირველ მოდულზე სწავლა 21 თებერვალს დაიწყო და 18 მარტს დასრულდება. გაცნობითი ხასიათის შეხვედრა უკვე გაიმართა ZOOM პლატფორმის საშუალებით.  შეგახსენებთ სასწავლო პროგრამა მოიცავს 3 მოდულს:  მოდული I - ადგილობრივი თვითმმართველობის საფუძვლები, უფლებამოსილებები და მოქალაქეთა მონაწილეობის გარანტიები (სავალდებულო);  მოდული II - მუნიციპალიტეტის საკრებულოს საქმიანობაში მოქალაქეთა მონაწილეობა (არჩევითი);  მოდული III - მუნიციპალიტეტის მერიის საქმიანობაში მოქალაქეთა მონაწილეობა (არჩევითი). სწავლებას უძღვებიან სფეროს ექსპერტები. „ადგილობრივი თვითმმართველობისა და მოქალაქეთა მონაწილეობის“ პროგრამა სამოქალაქო საზოგადოების ინსტიტუტმა (CSI), USAID–ის ადგილობრივი თვითმმართველობის პროგრამის ფარგლებში, შექმნა.

თბილისი. საქართველოს დაუნის სინდრომის ასოციაციისა და თსუ მედიისა და ტელეხელოვნების კოლეჯის ერთობლივი პროექტი „სოლიდარული მედია ხედვა ახალგაზრდებში“ დასრულდა.  მოწვეულმა ექსპერტებმა და შეზღუდული შესაძლებლობის მქონე აქტივისტებმა კურსდამთავრებულებს და სტუდენტებს გააცნეს როგორ ხდება შეზღუდული შესაძლებლობის მქონე პირებისა და მათთან დაკავშირებული საკითხების სწორად გაშუქება.  ტრენინგების მსვლელობის დროს ასევე იყო საუბარი შშმ პირთა წინაშე არსებული გამოწვევებსა და პრობლემების გადაჭრის გზებზე, პროექტი განხორციელდა პროფესიული უნარების სააგენტო • Skills Agency Georgia-ს ფინანსური მხარდაჭერით.  სრულად...   წყარო: საქართველოს დაუნის სინდრომის ასოციაცია

თბილისი. ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს.  20 თებერვალს, საიამ, სოციალური სამართლიანობის ცენტრმა, ინფორმაციის თავისუფლების განვითარების ინსტიტუტმა და სტუდია მონიტორმა ევროკავშირის დაფინანსებული პროექტის გახსნით ღონისძიებას უმასპინძლეს. ღონისძიება პროექტის მიზნებს, მოსალოდნელი შედეგებსა და აქტივობებს დაეთმო. გაიმართა პანელური დისკუსია საქართველოს მხრიდან მართლმსაჯულების რეფორმის გატარებასთან დაკავშირებით. პროექტი ევროკავშირის მხრიდან საქართველოში ადამიანის უფლებათა, დემოკრატიისა და კანონის უზენაესობის მხარდაჭერის ნათელ მაგალითს წარმოადგენს.  სრულად... წყარო: საქართველოს ახალგაზრდა იურისტთა ასოციაცია

კახეთი. ლაგოდეხის მუნიციპალიტეტის შენობაში მოქალაქეთა მომსახურების განახლებული სივრცე გაიხსნა, რომელიც მოქალაქეებს „ერთი ფანჯრის“ პრინციპით მოემსახურება თანამედროვე სივრცე, ევროკავშირის, გაეროს განვითარების პროგრამისა და საქართველოს რეგიონული განვითარების და ინფრასტრუქტურის სამინისტროს მხარდაჭერით გაიხნა. ამ თანამედროვე სივრცის გამოყენებით, ლაგოდეხელები სწრაფად და კომფორტულად მიიღებენ სხვადასხვა სახის მუნიციპალური სერვისს, მათ შორის, სოციალურ და იურიდიულ დახმარებას თუ არქიტექტურულ და ინფრასტრუქტურულ კონსულტაციას. ინიციატივა განხორცილდა ევროკავშირის მიერ დაფინანსებული პროგრამის ფარგლებში „ევროკავშირი ინტეგრირებული ტერიტორიული განვითარებისთვის“ სრულად... წყარო: გაეროს განვითარების პროგრამა

ანონსი – დმანისის მუნიციპალიტეტში მიუსაფარი ცხოველების მართვის პოლიტიკის შემუშავება 21 თებერვალს, 12:00 საათზე ქალაქ დმანისში გაიმართება მიუსაფარი ცხოველების მართვის პოლიტიკის შემუშავების საკითხებზე საჯარო კონსულტაცია.  ღონისძიება იმართება დმანისის მუნიციპალიტეტის, სამოქალაქო საზოგადოების ინსტიტუტის (CSI) „ჩაერთე მართვის“ კლუბის ინიციატივით და USAID-ის ადგილობრივი თვითმმართველობის პროგრამის მხარდაჭერით.  საჯარო კონსულტაციაში მონაწილეობას მიიღებენ ადგილობრივი მაცხოვრებლები, მუნიციპალიტეტის, საერთაშორისო და ადგილობრივი საზოგადოებრივი ორგანიზაციების წარმომადგენლები, ექსპერტები.

თელავი. საქართველოს ახალგაზრდა იურისტთა ასოციაციამ „გარემოს დაცვისა და ადამიანის უფლებების“ თემაზე ზამთრის სკოლა გამართა. 2024 წლის 12-16 თებერვალს ქ. თელავში ჩატარდა ზამთრის სკოლა „გარემოს დაცვა და ადამიანის უფლებები“, რომელიც საქართველოს ახალგაზრდა იურისტთა ასოციაციამ გერმანული ფონდის „პური მსოფლიოსათვის“(Bread for the World - BfdW) მხარდაჭერით განახორციელა. ზამთრის სკოლის მიზანს წარმოადგენდა გარემოს დაცვასა და ადამიანის უფლებებთან დაკავშირებული აქტუალური საკითხების განხილვა. სრულად... წყარო: საქართველოს ახალგაზრდა იურისტთა ასოციაცია