იმერეთი. საქართველოს ახალგაზრდა იურისტთა ასოციაცია ეხმიანება სოფელ შუქრუთში მიმდინარე პროცესებს, სადაც, ორგანიზაციის ინფორმაციით, მოსახლეობა უკვე 40-ზე მეტი დღეა კომპანია „ჯორჯიან-მანგანეზის“ საქმიანობას აპროტესტებს.  „სოფელ შუქრუთის მაცხოვრებლები აცხადებენ, რომ კომპანიამ ყოველგვარი გაფრთხილების გარეშე დაიწყო მათ საკარმიდამო ტერიტორიებზე სამთო-მოპოვებითი სამუშაოები, დაზიანდა და დღემდე ზიანი ადგება მათ საცხოვრებელ გარემოს, სოფლის ტერიტორიაზე განთავსებულ ეკლესიას და საფლავებს.”  საია მოუწოდებს გენერალურ პროკურატურას, განმცხადებლებს და საზოგადოებას მიაწოდოს ინფორმაცია გამოძიების დაწყებისა და ჩატარებული საგამოძიებო მოქმედებების შესახებ. სრულად... წყარო: საქართველოს ახალგაზრდა იურისტთა ასოციაცია 

თბილისი.17 აპრილს, “საქართველოს პრო ბონო ქსელისა“ და მათი პარტნიორების ყოველწლიური პრო ბონო მარათონი გაიმართა. წლევანდელი მარათონის ფარგლებში, 9 კომპანიის 29-მა პრო ბონო კონსულტანტმა, საზოგადოების სასიკეთოდ მომუშავე 7 სოციალური საწარმოსთვის საკომუნიკაციო კამპანიები მოამზადა. პრო ბონო მარათონი ჩატარდა ევროკავშირისა და კონრად ადენაუერის ფონდის მიერ დაფინანსებული პროექტის "სამოქალაქო საზოგადოების ინიციატივა" ფარგლებში. სრულად... წყარო: სამოქალაქო საზოგადოების ინიციატივა

თბილისი. საქართველოს დაუნის სინდრომის ასოციაციამ ახალი პროექტი "თანაბარი უფლებებით მოქმედება" დაიწყო. პროექტის მიზანია დაუნის სინდრომის მქონე ახალგაზრდების გაძლიერება, თვითადვოკატებად ჩამოყალიბება და მათი მონაწილეობის გაზრდა სამოქალაქო აქტივიზმში. პროექტის ფარგლებში განხორციელებული აქტივობების შედეგად ქვეყანაში გვეყოლება დაუნის სინდრომის მქონე თვითადვოკატები, რომლებსაც ექნებათ უნარები ჩაერთონ შშმ პირთა სხვადასხვა საკონსულტაციო საბჭოების მუშაობაში, ისაუბრონ საკუთარი უფლებების შესახებ და გავლენა მოახდინონ ინტელექტუალური შშმ პირების ცხოვრების ხარისხის გაუმჯობესებაზე. პროექტის ფინანსური მხარდამჭერია NDI-ის სათაო ოფისი, პროგრამის, Equal Rights in Action Fund -ის ფარგლებში სრულად... წყარო: საქართველოს დაუნის სინდრომის ასოციაცია

იტალიის რესპუბლიკის ელჩი საქართველოში გვიზიარებს საკუთარი ქვეყნის გამოცდილებას ევროკავშირის წევრობის შესახებ. “იტალიისთვის ევროკავშირი წარმოადგენს მშვიდობის, ორმხრივი ზრდისა და საერთო უსაფრთხოების პროექტს.”  სრულად... წყარო: ევროკავშირის წარმომადგენლობა საქართველოში

თვალი გადაავდე ექსპო ჯორჯიას რუკას და დაიწყეთ ევროპის დღის დაგეგმვა – 11 მაისს, შექმენით დაუვიწყარი მოგონებები ევროპის დღეზე! რუკა...   წყარო: ევროკავშირის წარმომადგენლობა საქართველოში 

თბილისი. საგრანტო კონკურსზე „ინოვაციები და გამოწვევები“ გრძელდება საპროექტო განცხადებების მიღება. საგრანტო კონკურსში მონაწილეობის მიღება შეუძლიათ: სამოქალაქო საზოგადოების ორგანიზაციებს  სამოქალაქო მოძრაობებს  პროფესიულ ასოციაციებს  მოქალაქეთა არარეგისტრირებულ გაერთიანებებს  სრულად...  წყარო: USAID-ის სამოქალაქო საზოგადოების ჩართულობის პროგრამა

22 აპრილს დედამიწის საერთაშორისო დღე აღინიშნება.  "წლევანდელი გამოწვევა პლასტმასის წინააღმდეგ ბრძოლაა, რაც მოითხოვს პლასტმასის წარმოების 60%-ით შემცირებას 2040 წლისათვის.  ეს ხაზს უსვამს, თუ რა მნიშვნელოვანია ერთობლივი ძალებით მოქმედება პლანეტის ეკოსისტემების გადასარჩენად. პოლიეთილენის ნაწარმის მოხმარების შემცირებით, თითოეულ ჩვენგანს შეუძლია დაიცვას და შეინარჩუნოს დედამიწა მომავალი თაობებისთვის." ინფორმაციას ეკოხედვა აქვეყნებს.  სრულად...   წყარო: ეკოხედვა

ევროპული ტური საქართველოს გარშემო მოგზაურობას განაგრძობს. თამაშების სერია „რა? სად? როდის? ევროპის შესახებ“ 2023 წელს დაიწყო.  მარათონი 2024 წელს საქართველოს სხვა მუნიციპალიტეტებშიც, მათ შორის, სამცხე-ჯავახეთში, ქვემო ქართლში, სამეგრელო-ზემო სვანეთში, რაჭა-ლეჩხუმსა და ქვემო სვანეთშიც ჩატარდება.  11 მაისი ევროპის დღეა. თამაშის „რა? სად? როდის ევროპის შესახებ“ მიზანია, ევროპის დღისადმი მიძრვნილი სხვა ღონისძიებების მსგავსად, ევროკავშირის შესახებ ცოდნისა და ინფორმაციის მიღება სახალისო და ინტერაქტიური გახადოს. „რა? სად? როდის? ევროპის შესახებ.“  თამაშის მნიშვნელობაზე გიორგი ბაქრაძე საუბრობს. სრულად...   წყარო: ევროკავშირის წარმომადგენლობა საქართველოში

ბულგარეთის რესპუბლიკის ელჩი გვიზიარებს თუ რას ნიშნავდა ბულგარეთისთვის ევროკავშირის წევრობა. “მე ჩვეულებრივ არ ვიყენებ გამოთქმას “ახდენილი ოცნება”, მაგრამ როდესაც ჩვენ ევროკავშირში გავწევრიანდით, ბულგარეთის მოსახლეობის უმრავლესობა შეგრძნებებით ამ ფრაზასთან ძალიან ახლოს იყო.” სრულად... წყარო: ევროკავშირის წარმომადგენლობა საქართველოში 

თბილისი. ფაქტმ–მეტრი ფინანსთა სამინისტროს ინფორმაციაზე დაყრდნობით აქვეყნებს ინფორმაციას – „საქართველოს მთავრობამ 1992–2022 წლებში, გრანტების სახით მხოლოდ ევროგაერთიანებისგან 791. 71 მილიონი ევრო მიიღო. აღნიშნული თანხები სხვადასხვა სფეროს მხარდასაჭერად გამოიყო, მათ შორის: სამართლის რეფორმები, რეგიონული და სოფლის მეურნეობის განვითარება, სასურსათო უსაფრთხოება, საქართველოს იძულებით გადაადგილებულ პირთა სამოქმედო გეგმის მხარდაჭერა და სხვა“.  სრულად...  წყარო: Factcheck.ge

თბილისი. საქართველოს ახალგაზრდა იურისტთა ასოციაცია სტატისტიკურ მონაცემებს აქვეყნებს. 30 წლიანი მუშაობის მანძილზე 1, 300, 000 - მდე (მილიონ სამასი ათასამდე) ადამიანს გაუწია უფასო იურიდიული დახმარება/კონსულტაცია.  „მათ შორისაა საქართველოს ერვნული გმირის, გიორგი ანწუხელიძის საქმე, რომელიც 2008 წლის აგვისტოს ომის დროს რუსი და ოსი სამხედრო პირების მის წამებასა და შემდგომში მისი სიცოცხლის უკანონო ხელყოფის ფაქტს შეეხება. საია სტრასბურგის სასამართლოში გიორგი ანწუხელიძის მეუღლის, მაკა ჩიკვილაძისა და მისი ორი შვილის ინტერესებს წარმოადგენს. გახსოვდეს, ეს კანონი ათასობით ქართველს უფასო იურიდიული დახმარების გარეშე დატოვებს და შეაჩერებს ევროკავშირში საქართველოს გაწევრიანების პროცესს“. წყარო: ახალგაზრდა იურისტთა ასოციაცია

„უცხოური გავლენის გამჭვირვალობის“ შესახებ კანონის ხელახალი ინიცირების შედეგ საზოგადოებრივი პროტესტი არ განელებულა. სიტუაცია გამძაფრდა მას შემდეგ, რაც პოლიციასა და დემონსტრანტებს შორის შეტკება დაიწყო და 16 აპრილის აქციის მონაწილეების ჯანმრთელობის დაზიანებებითა და დაპატიმპრებებით დასრულდა. პოლიციამ აგრესიულად დაარბია პარლამენტის უკან შეკრებილი მომიტინგეები წიწაკის სპრეისა და ფიზიკური ძალის გამოყენებით. დაკავებულია აქციის 13 მშვიდობიანი მონაწილე. ქართული არასამთავრობო ორგანიზაციები უწევენ სამართლებრივ დახმარებას დაზარალელბულებს, ცდილობენ მათი ადგილსამყოფელის დადგენას. მოვლენათა გაშუქების პროცესში ძალადობის მსხვერპლი გახდა რამდენიმე ჟურნალისტიც. კანონის კენჭისყრის პროცესი საპარლამენტო დებატების ხანგრძლივობის გამო ერთი დღით გადაიდო, ათიათასობით ადამიანი კი პარლამენტის წინ აგრძელებდა პროტესტს. 17 აპრილს საქართველოს პარლამენტმა პირველი მოსმენით მხარი დაუჭირა კანონს „უცხოური გავლენის გამჭვირვალობის“ შესახებ 83 ხმით მომხრე და არც ერთი წინააღმდეგ, მიუხედავად საერთაშორისო პარტნიორებისა და პარლამენტის შენობასთან მიმდინარე სახალხო პროტესტისა. საპროტესტო აქციები 17 აპრილს მშვიდობიანად მიმდინარეობდა, თუმცა პოლიციამ კიდევ ორი ადამიანი დააკავა, რომელთაგან ერთ-ერთს მათი თქმით ცივი იარაღიც ჰქონდა. პრეზიდენტმა ზურაბიშვილმა მიმართა ევროპელ ლიდერებს თანადგომისათვის და თავადაც დაგმო კანონპროექტი, როგორც გამოკვეთილი საფრთხე საქართველოს ევროპული მისწრაფებების გზაზე. მიმდინარე მოვლენებს ასევე გამოეხმაურა რამდენიმე ქართველი სპორტსმენი, სადაც გამოხატეს მკაფიო მხარდაჭერა ქვეყნის ევროპული მომავლის მიმართ. კანონპროექტმა პირველი მოსმენის შემდეგ კიდევ ერთხელ გამოიწვია დასავლელი ოფიციალური პირების მხრიდან კრიტიკა. ევროკავშირის უმაღლესმა წარმომადგენელმა საგარეო საქმეთა საკითხებში, ჟოზეფ ბორელმა და ევროკომისარმა სამეზობლო და გაფართოების საკითხებში, ოლივერ ვარჰელიმ ქართულ ოცნებას მოუწოდეს გაეწვია კანონპროექტი და განაცხადეს, რომ ის ეწინააღმდეგება ევროკავშირის ფუნდამენტურ პრინციპებსა და ღირებულებებს. გაეროს ადამიანის უფლებათა ოფისმა ასევე მოუწოდა საქართველოს ხელისუფლებას, გაიწვიოს კანონპროექტი. ხელმეორედ გამოთქვა ამერიკის შეერთებული შტატების შეშფოთება ვაშინგტონში სახელმწიფო დეპარტამენტის პრესსპიკერის მოადგილემ ვედანტ პატელმა, რომ კანონპროექტი „უცხოური გავლენის გამჭვირვალობის“ შესახებ შესაძლოა, გამოიწვიოს „სტიგმატიზაცია სამოქალაქო საზოგადოებისა და მედია ორგანიზაციების, რომლებიც მუშაობენ საქართველოს მოქალაქეების ცხოვრების გაუმჯობესაბაზე“. კანონპროექტის განხილვის მეორე და მესამე მოსმენები ჯერ ისევ წინაა. ამჯერად, გასული წლისგან განსხვავებით, დაჩქარებული პროცედურის გარეშე მიმდინარეობს მოვლენები. სავარაუდოდ, მმართველი პარტია კანონპროექტს საბოლოო, მესამე მოსმენით 17 მაისს მიიღებს. კანონპროექტის მიღება და ამოქმედება ეწინააღმდეგება დემოკრატიულ პრინციპებს, იგი შეზღუდავს სამოქალაქო საზოგადოებისათვის სამუშაო გარემოს, რაც იმეორებს რუსეთში მიმდინარე პროცესებს ამ მიმართულებით.

თბილისი. გაეროს განვითარების პროგრამა სტატიათა კრებულს „ადამიანის უფლებათა დაცვა: ევროპული გამოცდილება და ეროვნული გამოწვევები“ აქვეყნებს.  კრებულში თავმოყრილია ევროპული ქვეყნების გამოცდილება ადამიანის უფლებათა დაცვის სფეროში, როგორც საკანონმდებლო, ისე პრაქტიკული კუთხით.  კრებული გამოცემულია ივ. ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტთან არსებული საერთაშორისო სამართლის ინსტიტუტის მიერ, ევროკავშირის, გაეროს განვითარების პროგრამისა და გაეროს ადამიანის უფლებათა უმაღლესი კომისრის ოფისის მხარდაჭერით.  სრულად...   წყარო: გაეროს განვითარების პროგრამა

თბილისი. სამართლიანი არჩევნები საზღვარგარეთ მცხოვრები საქართველოს მოქალაქეებისთვის მომზადებულ გზამკვლევს „ხშირად დასმული კითხვების“ სახით აქვეყნებს.  ინფორმაცია არჩევნებთან დაკავშირებულ პროცედურებსა და სხვა დეტალების შესახებ იხილეთ ვრცლად...  წყარო: სამართლიანი არჩევნები

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. არასამთავრობო ორგანოზაციები ერთობლივ განხცადებას ავრცელებენ და მოვუწოდებენ სპეციალური საგამოძიებო სამსახურის უფროსს, წარმოადგინოს ინფორმაცია 16–17 აპრილს სამართალდამცავების მიერ ძალის გადამეტების ფაქტებზე.  „მოვუწოდებთ სპეციალურ საგამოძიებო სამსახურის უფროსს, კოკა კაციტაძეს, დაუყოვნებლივ გააკეთოს განცხადება, და სწორი სამართლებრივი შეფასება მისცეს საპოლიციო ძალების წარმომადგენელთა მხრიდან აქციის მიმდინარეობისას აქციის მონაწილეების და ჟურნალისტების მიმართ განხორციელებულ ძალადობრივ ქმედებებს; მაღალი საზოგადოებრივი ინტერესიდან გამომდინარე საზოგადოებას მიაწოდოს ინფორმაცია გამოძიების დაწყებისა და ჩატარებული საგამოძიებო მოქმედებების შესახებ.“ - ნათქვამი განცხადებაში  სრულად... წყარო: საქართველოს ახალგაზრდა იურისტთა ასოციაცია

მცხეთა-მთიანეთი. 14 აპრილს, დუშეთში მცხეთა-მთიანეთის რეგიონში მცხოვრები ახალგაზრდებისთვის სამუშაო შეხვედრა ჩატარდა.  სამუშაო შეხვედრის ძირითადი საკითხები შეეხებოდა ქალების ემანსიპაციის ისტორიას-განათლების, შრომისა და საკუთრების, თვითგამოხატვის, ძალადობისგან თავისუფლების, სამოქალაქო და პოლიტიკური მონაწილეობის უფებების სფეროში.  სამუშაო შეხვედრა ორგანიზებული იყო იყო განათლების განვითარების და დასაქმების ცენტრის (EDEC) მიერ, ევროკავშირისა და კონრად ადენაუერის ფონდის ფინანსური მხარდაჭერით, პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში.  პროექტს „სამოქალაქო საზოგადოების ინიციატივა“ ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).  სრულად...  წყარო: განათლების განვითარების და დასაქმების ცენტრი

რაჭა. 17 აპრილს ამბროლაურში სემინარი თემაზე: ევროინტეგრაცია და საქართველო ჩატარდა.  აქტივობის მიზანია: საქართველოს ევროკავშირის წევრობის მნიშვნელობის უკეთ გააზრება და ევროპული ღირებულებების (ღირსების პატივისცემა, თავისუფლება, დემოკრატია, თანასწორობა, კანონის უზენაესობა, ადამიანის უფლებები, მათ შორის უმცირესობის უფლებები, დისკრიმინაციის დაუშვებლობა, შემწყნარებლობა, სამართლიანობა, სოლიდარობა და თანასწორობა) ხაზგასმა. სემინარი ჩატარდა რაჭა-ლეჩხუმისა და ქვემო სვანეთის რეგიონული ჰაბის - NGO AIC ფონდი აფხაზინტერკონტის ორგანიზებით, ევროკავშირისა და კონრად ადენაუერის ფონდის მიერ დაფინანსებული პროექტის "სამოქალაქო საზოგადოების ინიციატივა" ფარგლებში.  სრულად...  წყარო: სამოქალაქო საზოგადოების ინიციატივა

თბილისი. ფორსეტი აქვეყნებს ვიზუალიზაციას „უცხოური გავლენის გამჭვირვალობის კანონის“ შესახებ. გაინტერესებთ რას ითვალისწინებს კანონი სხვადასხვა ქვეყანაში? გაეცანით მას. წყარო: ფორსეტი

თბილისი.არასამთავრობო ორგანიზაციები ერთობლივ განცხადებას ავრცელებენ და მოუწოდებენ პოლიციას, რომ „შეწყვიტოს გამოხატვისა და შეკრების თავისუფლებაში უკანონო ჩარევა. უკანონო დაკავებები და მოქალაქეებზე ფიზიკური ძალადობა. მოვუწოდებთ მაქსიმალურად მოკლე დროში გამოიძიოს პოლიციელთა მიერ ჩადენილი სავარაუდო დანაშაული“.  არასამთავრობო ორგანიზაციები საზოგადოებას ამცნობენ რომ იცავენ და დაიცავენ ყველა დაკავებულის უფლებას. "გუშინ, 16 აპრილს, პოლიციამ 13 მშვიდობიანი ადამიანი დააკავა, რომელიც შეკრებისა და გამოხატვის თავისუფლებით სარგებლობდა და საქართველოს ევროპულ მომავალს იცავდა.  ჩვენ, ქართული არასამთავრობო ორგანიზაციები, მთელი ღამის განმავლობაში ვეძებდით დაკავებულებს იზოლატორებში და ვხვდებოდით მათ, ვესაუბრებოდით, აღვწერდით მათი უფლებების დარღვევის ფაქტებს.  საზოგადოებას ვაცნობებთ, რომ დაკავებულთა უმეტესობას ფიზიკური დაზიანების ნიშნები აქვს, ხოლო სამი მათგანი - ამჟამად ჰოსპიტალიზებულია. ისინი აცხადებდნენ, რომ მიუხედავად დაკავებისა თუ დაზიანებისა, გააგრძელებენ ბრძოლას რუსული კანონის წინააღმდეგ, საქართველოს ევროპული მომავლისთვის".  სრულად...  წყარო: საერთაშორისო გამჭვირვალობა საქართველო

თბილისი. ფაქტ–მეტრი აქვეყნებს ანალიტიკურ სტატიას, რომელშიც აშშ–ში, ავსტრალიაში, ახალ ზელანდიაში, გაერთიანებულ სამეფოსა და საფრანგეთში მოქმედი თუ ინიცირებული კანონებს, კანონპროექტებს მიმოიხილავს. სრულად... წყარო: ფაქტ–მეტრი

ესპანეთის სამეფოს საელჩოს საქმეთა დროებითი რწმუნებული, გვიზიარებს საკუთარ გამოცდილებას, თუ რას ნიშნავს ესპანეთისთვის ევროკავშირის წევრობა. “ესპანეთისთვის ევროკავშირის წევრობა ქვეყნის აღიარებას ნიშნავდა. ეს ახდენილი ოცნება იყო.” სრულად...  წყარო: ევროკავშირის წარმომადგენლობა საქართველოში